Ɓalɔma 12
12
Kʉkyananakɨa Asʉɓɨɨ akʉ ɓungbingii
1Kʉ ɓwanɨ, ɓayoo ɓʉsɛmɛ, aka ekoo ʉ 'ʉtʉma wʉ ikoko ngua Asʉɓɨɨ anawɔ ekoo ʉndɛsʉ, mʉnɨta ɓɔ nzeni ndʉtʉ nʉ ʉɓɨɨ nguʉndɛnʉ ndʉ 'ʉtʉmbɨa ngua wa kʉkʉʉ, uwa wɔɔ jaɓanakɨɛ, nʉ wɔɔ bayanɨɛ apɛɛ ʉ Asʉɓɨɨ. Ɨngbaa ngia yɨkwanana‑ɔɔ kubibiso Asʉɓɨɨ kingono iinanɨ. 2Nɔɔkpatakɔmʉ moni kʉ ʉɓɨɨ ngua wʉ ɓʉɓʉnɨ. Ɨkyɛmɨngana, sɨeni Asʉɓɨɨ ninu kunicho nʉ ninu kunzo mbɨmbanaka yɨ ɨtakɨ‑takɨ. Kʉ ɓwanɨ, na꞊kwanana kupimiso ɓʉkʉnda ngiɓa ɓʉ Asʉɓɨɨ, iɓa ɓɔɔ ɓuɗo, iɓa ɓaamʉkataa, nʉ iɓa ɓɔɔ ɓʉkwananakɛ.
3Jʉ aka ekoo ʉ ɨjɨɔ ngia Asʉɓɨɨ a꞉pananiso ekoo asɛmɛ, maninu kʉɓɨa ɓɔ mombi gʉkʉ mʉngana ati ʉndɛnʉ ɔɔɓiokɔmʉ nʉ 'ʉtʉma wʉ ɨmbʉka kʉɓaa aka yɨkwanana‑ɔɔ. Ɨkyɛmɨngana, ɓieni nʉ itungwio yɨ mbɨmbanaka kʉkpatanakɨa tʉkʉ nʉ ɓʉjanana ɓʉ baya ngia Asʉɓɨɨ aɓio uninzeni. 4Ndʉtʉ ngia yɨ mombi yanʉ lizi lɨja, ɨkyɛmɨngana lizi ngilʉnanɨ kʉ liɓomu lambʉkɔmʉ nɨngbaa yɨ kuu tʉkʉ mɨngana. 5Ngbanga kʉ ɓwanɨ, isu ngiɓa ka ɓaja, ka tiga ndʉtʉ mɨngana amati ʉ jubunio ngia kanayɔ nʉ ɔɔ Klisito. Nʉ isu ati ʉndɛsʉ kʉ nangana nangana ka tiga ɨkyɛmɛ mɨngana, ndʉ lizi lʉ ndʉtʉ mɨngana.
6Aka ekoo ʉ ɨjɨɔ ngiangɔ, Asʉɓɨɨ a꞉tinzo mombi kʉ nangana nangana mbɨmbanaka kʉ di di di. Gwa ngia a ɨgbɛ, ʉkwa ɨgbɛ kʉkpatanakɨa tʉkʉ nʉ baya ngiangɔ. 7Gwa ngia aambɨana nʉ kyananakɨa ɓangɛ, ʉɓʉkyananakɨa tʉkʉ kyananakɨaa. Gwa ngia aambɨana nʉ panɨa, ʉpanɨa tʉkʉ panɨaa. 8Gwa ngia aambɨana nʉ ninzo ɓangɛ igue‑gue, uɓunzo tʉkʉ nzoo. Gwa ngia ambɨana nʉ nzikinikio ɓangɛ kumbo ngiangɔ, uɓio kunzo tʉkʉ nʉ 'ʉtʉma wɔɔ uɗo. Gwa ngia aambɨana nʉ maya lɨngbaa lʉ moni, uɓio tʉkʉ kʉ maya engo nʉ kɛkɛɛ. Gwa ngia aambɨana nʉ salɨa ɓombi ɓʉ ɓanangyɨa, ʉɓʉsalɨa tʉkʉ nʉ ɨgyagya.
9Ɓʉkʉnda ngiɓa ɓa ati ʉndɛnʉ ɓɔɔɓiokɔmʉ nʉ ɓufili. Yaeni moni kɔɔ ɓɨɓɨ kʉ muɓomu, nambuɓotono tʉkʉ nʉ ika kɔɔ muɗo. 10Ɓieni nʉ ɓʉkʉnda ati ʉndɛnʉ tʉkʉ ndʉ iya ɓayoo ɓaakyɨa‑ɔɔ nʉ ɓʉkʉnda ati ʉndaɓʉ. Kyɨeni ɓʉmʉ kukumono ati ʉndɛnʉ. 11Ɓieni ɓombi ɓɔɔ ɓuɓote kuu nʉ angu ngiʉndɛnʉ kʉ 'uɓomu, chʉkɔmʉ naɓio ɓadʉɓa. Ɓieni kʉkyananakɨa Makʉʉɓɨɨ tʉkʉ nʉ kɛkɛɛ amati ʉ mɨtʉma ngiindɛnʉ. 12Kweni ɨgyagya ekoo moni ngika na꞉napɨa‑ɔɔ itungwio. Ɓieni tʉkʉ kʉpɨa ɓʉka‑ɓʉkaɨ, nambuɓio tʉkʉ kʉta Asʉɓɨɨ chʉkɔmʉ nʉ ndokono. 13Ɓieni tʉkʉ kʉsalɨa ɓombi ɓʉ Asʉɓɨɨ ngiɓa ɓa amati ʉ ɓanangyɨa, nʉ ɓieni tʉkʉ kʉjananɨa mubika.
14Ɓieni tʉkʉ kʉta Asʉɓɨɨ ɓɔ umbuiso ɓombi ngiɓa ɓaanɨkyananaka. Ɓieni tʉkʉ naɓɔ kʉtɨa ɓɔ ɓʉmbʉa mbʉaa, chʉkɔmʉ naɓɔ kugboso. 15Kweni ɨgyagya ɨzɔ nʉ ɓombi ngiɓa ɓa amati ʉ ɨgyagya. Ndɨeni ɨzɔ nʉ ɓombi ngiɓa ɓa amati ʉ ndɨa. 16Ɓieni tʉkʉ nʉ kɔnɔ ati ʉndɛnʉ. Nɔɔɓiokɔmʉ nʉ 'ʉtʉma wɔɔ ʉja, ɨkyɛmɨngana bayeni kijisiniso nɨsɨ. Nɔɔnanakɔmʉ ɓɔ nanʉ mbɨmbanaka nadɨndɨ.
17Nɔɔtisiokɔmʉ mombi ɓʉɓɨɓɨ akʉ ɓʉɓɨɓɨ. Kyɨeni angu tʉkʉ kʉkyɨa moni kɔɔ muɗo apɛɛ ɓombi kʉ ɓuɓomu. 18Kyɨeni kʉ iɓomu ngia nakwanana kʉkyɨa, ambʉ ɓieni nʉ majɨɔ nʉ ɓombi kʉ ɓuɓomu. 19Inu ɓayoo ɓʉ ɓʉkʉnda, nɔɔtisiokɔmʉ ikosi. Nasɨeni ɛmɛ Asʉɓɨɨ akʉ 'ʉnganga nguʉsɛmɛ kutisio ikosi. Jʉ amati ʉ Mubio kʉ Asʉɓɨɨ ɓa꞉tɨndakɨa ɓɔ:
« Ɛmɛ kʉ ma꞊tisio ikosi.
Ɛmɛ kʉ ma꞊tisio ikosi yɨ ɓʉɓɨɓɨ ngiɓa ɓa꞉kyɨa. »
20Ɨkyɛmɨngana, ɓa꞉matɨa ɓata kʉ ɓɔ,
« Ndʉ makwa wʉsɔɔ waɓio nʉ taa,
munzo idyo tʉkʉ nzoo.
Ndʉ aɓio nʉ taa yɨ mepo,
munzo ɛkɔ tʉkʉ nzoo.
Jʉ kʉkyɨa ɓwanɨ ya ndʉ wanayɔ kuto
makyɛkyɛ kʉ dyaa akʉ 'ʉtʉ. »#Popoko Min 25:21,22
21Nɔɔsɨakɔmʉ ɓʉɓɨɓɨ ninu kʉɓaa angu, ɨkyɛmɨngana ɓaeni ɓʉɓɨɓɨ angu ɨngbaa kʉkyɨa ɓuɗo.
ទើបបានជ្រើសរើសហើយ៖
Ɓalɔma 12: BudKoya
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2021, Wycliffe Bible Translators, Inc.
Ɓalɔma 12
12
Kʉkyananakɨa Asʉɓɨɨ akʉ ɓungbingii
1Kʉ ɓwanɨ, ɓayoo ɓʉsɛmɛ, aka ekoo ʉ 'ʉtʉma wʉ ikoko ngua Asʉɓɨɨ anawɔ ekoo ʉndɛsʉ, mʉnɨta ɓɔ nzeni ndʉtʉ nʉ ʉɓɨɨ nguʉndɛnʉ ndʉ 'ʉtʉmbɨa ngua wa kʉkʉʉ, uwa wɔɔ jaɓanakɨɛ, nʉ wɔɔ bayanɨɛ apɛɛ ʉ Asʉɓɨɨ. Ɨngbaa ngia yɨkwanana‑ɔɔ kubibiso Asʉɓɨɨ kingono iinanɨ. 2Nɔɔkpatakɔmʉ moni kʉ ʉɓɨɨ ngua wʉ ɓʉɓʉnɨ. Ɨkyɛmɨngana, sɨeni Asʉɓɨɨ ninu kunicho nʉ ninu kunzo mbɨmbanaka yɨ ɨtakɨ‑takɨ. Kʉ ɓwanɨ, na꞊kwanana kupimiso ɓʉkʉnda ngiɓa ɓʉ Asʉɓɨɨ, iɓa ɓɔɔ ɓuɗo, iɓa ɓaamʉkataa, nʉ iɓa ɓɔɔ ɓʉkwananakɛ.
3Jʉ aka ekoo ʉ ɨjɨɔ ngia Asʉɓɨɨ a꞉pananiso ekoo asɛmɛ, maninu kʉɓɨa ɓɔ mombi gʉkʉ mʉngana ati ʉndɛnʉ ɔɔɓiokɔmʉ nʉ 'ʉtʉma wʉ ɨmbʉka kʉɓaa aka yɨkwanana‑ɔɔ. Ɨkyɛmɨngana, ɓieni nʉ itungwio yɨ mbɨmbanaka kʉkpatanakɨa tʉkʉ nʉ ɓʉjanana ɓʉ baya ngia Asʉɓɨɨ aɓio uninzeni. 4Ndʉtʉ ngia yɨ mombi yanʉ lizi lɨja, ɨkyɛmɨngana lizi ngilʉnanɨ kʉ liɓomu lambʉkɔmʉ nɨngbaa yɨ kuu tʉkʉ mɨngana. 5Ngbanga kʉ ɓwanɨ, isu ngiɓa ka ɓaja, ka tiga ndʉtʉ mɨngana amati ʉ jubunio ngia kanayɔ nʉ ɔɔ Klisito. Nʉ isu ati ʉndɛsʉ kʉ nangana nangana ka tiga ɨkyɛmɛ mɨngana, ndʉ lizi lʉ ndʉtʉ mɨngana.
6Aka ekoo ʉ ɨjɨɔ ngiangɔ, Asʉɓɨɨ a꞉tinzo mombi kʉ nangana nangana mbɨmbanaka kʉ di di di. Gwa ngia a ɨgbɛ, ʉkwa ɨgbɛ kʉkpatanakɨa tʉkʉ nʉ baya ngiangɔ. 7Gwa ngia aambɨana nʉ kyananakɨa ɓangɛ, ʉɓʉkyananakɨa tʉkʉ kyananakɨaa. Gwa ngia aambɨana nʉ panɨa, ʉpanɨa tʉkʉ panɨaa. 8Gwa ngia aambɨana nʉ ninzo ɓangɛ igue‑gue, uɓunzo tʉkʉ nzoo. Gwa ngia ambɨana nʉ nzikinikio ɓangɛ kumbo ngiangɔ, uɓio kunzo tʉkʉ nʉ 'ʉtʉma wɔɔ uɗo. Gwa ngia aambɨana nʉ maya lɨngbaa lʉ moni, uɓio tʉkʉ kʉ maya engo nʉ kɛkɛɛ. Gwa ngia aambɨana nʉ salɨa ɓombi ɓʉ ɓanangyɨa, ʉɓʉsalɨa tʉkʉ nʉ ɨgyagya.
9Ɓʉkʉnda ngiɓa ɓa ati ʉndɛnʉ ɓɔɔɓiokɔmʉ nʉ ɓufili. Yaeni moni kɔɔ ɓɨɓɨ kʉ muɓomu, nambuɓotono tʉkʉ nʉ ika kɔɔ muɗo. 10Ɓieni nʉ ɓʉkʉnda ati ʉndɛnʉ tʉkʉ ndʉ iya ɓayoo ɓaakyɨa‑ɔɔ nʉ ɓʉkʉnda ati ʉndaɓʉ. Kyɨeni ɓʉmʉ kukumono ati ʉndɛnʉ. 11Ɓieni ɓombi ɓɔɔ ɓuɓote kuu nʉ angu ngiʉndɛnʉ kʉ 'uɓomu, chʉkɔmʉ naɓio ɓadʉɓa. Ɓieni kʉkyananakɨa Makʉʉɓɨɨ tʉkʉ nʉ kɛkɛɛ amati ʉ mɨtʉma ngiindɛnʉ. 12Kweni ɨgyagya ekoo moni ngika na꞉napɨa‑ɔɔ itungwio. Ɓieni tʉkʉ kʉpɨa ɓʉka‑ɓʉkaɨ, nambuɓio tʉkʉ kʉta Asʉɓɨɨ chʉkɔmʉ nʉ ndokono. 13Ɓieni tʉkʉ kʉsalɨa ɓombi ɓʉ Asʉɓɨɨ ngiɓa ɓa amati ʉ ɓanangyɨa, nʉ ɓieni tʉkʉ kʉjananɨa mubika.
14Ɓieni tʉkʉ kʉta Asʉɓɨɨ ɓɔ umbuiso ɓombi ngiɓa ɓaanɨkyananaka. Ɓieni tʉkʉ naɓɔ kʉtɨa ɓɔ ɓʉmbʉa mbʉaa, chʉkɔmʉ naɓɔ kugboso. 15Kweni ɨgyagya ɨzɔ nʉ ɓombi ngiɓa ɓa amati ʉ ɨgyagya. Ndɨeni ɨzɔ nʉ ɓombi ngiɓa ɓa amati ʉ ndɨa. 16Ɓieni tʉkʉ nʉ kɔnɔ ati ʉndɛnʉ. Nɔɔɓiokɔmʉ nʉ 'ʉtʉma wɔɔ ʉja, ɨkyɛmɨngana bayeni kijisiniso nɨsɨ. Nɔɔnanakɔmʉ ɓɔ nanʉ mbɨmbanaka nadɨndɨ.
17Nɔɔtisiokɔmʉ mombi ɓʉɓɨɓɨ akʉ ɓʉɓɨɓɨ. Kyɨeni angu tʉkʉ kʉkyɨa moni kɔɔ muɗo apɛɛ ɓombi kʉ ɓuɓomu. 18Kyɨeni kʉ iɓomu ngia nakwanana kʉkyɨa, ambʉ ɓieni nʉ majɨɔ nʉ ɓombi kʉ ɓuɓomu. 19Inu ɓayoo ɓʉ ɓʉkʉnda, nɔɔtisiokɔmʉ ikosi. Nasɨeni ɛmɛ Asʉɓɨɨ akʉ 'ʉnganga nguʉsɛmɛ kutisio ikosi. Jʉ amati ʉ Mubio kʉ Asʉɓɨɨ ɓa꞉tɨndakɨa ɓɔ:
« Ɛmɛ kʉ ma꞊tisio ikosi.
Ɛmɛ kʉ ma꞊tisio ikosi yɨ ɓʉɓɨɓɨ ngiɓa ɓa꞉kyɨa. »
20Ɨkyɛmɨngana, ɓa꞉matɨa ɓata kʉ ɓɔ,
« Ndʉ makwa wʉsɔɔ waɓio nʉ taa,
munzo idyo tʉkʉ nzoo.
Ndʉ aɓio nʉ taa yɨ mepo,
munzo ɛkɔ tʉkʉ nzoo.
Jʉ kʉkyɨa ɓwanɨ ya ndʉ wanayɔ kuto
makyɛkyɛ kʉ dyaa akʉ 'ʉtʉ. »#Popoko Min 25:21,22
21Nɔɔsɨakɔmʉ ɓʉɓɨɓɨ ninu kʉɓaa angu, ɨkyɛmɨngana ɓaeni ɓʉɓɨɓɨ angu ɨngbaa kʉkyɨa ɓuɗo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2021, Wycliffe Bible Translators, Inc.