Kyananaka 27
27
Ɓʉɓaiso Pɔlɔ anʉ Lɔma
1Ati ngia ɓa꞉maiso‑ɔɔ ɓɔ kabi anʉ Italia amati ʉ masʉa wʉ mepo, kija ɓa꞉nzo Pɔlɔ ɨzɔ nʉ ɓombi ɓʉ boloko ngana ngana nga ɓɔmɔ akʉ lɨkɔndɔ lʉ ngama ʉ ɓasʉda ngia i꞉nye ino ɓɔ Yulio. Ɛyɔ i꞉nye ngama ʉ ɨkamba yɨ ɓasʉda ngia ɓi꞉nye isoko ɓɔ « Ɨkamba yɨ ɓasʉda yɨ ngama ɔɔ 'ʉja wʉ Ɓalɔma ». 2Kija ka꞉ɗito masʉa wʉ mepo ngua wa꞉ʉngwa akʉ gʉlʉ ʉ Adalamiti kʉsa mesu nʉ liso lʉ ɓaɗei ngila lʉ gɨpa ʉ Azia. Kija ka꞉ʉngwɨa kɨnda ɨzɔ nʉ ɔɔ Alɨsɨtalɨkɔ mombi ʉ Makedonia ngia i꞉nye ɨkʉmbʉ akʉ gʉlʉ ʉ Tesalonika, i꞉nye kʉ ɨzɔ nisu.
3Kʉɓa ɔngɔ, kambʉmaa anʉ Sɨdɔna. Yulio ngia i꞉nye kyɨa Pɔlɔ iɗo, ambʉmʉsɨa ɓɔ ɓʉsa kʉnana nʉ ɓadii ɓangɔ aka ekoo ngia ɓɔ ʉ꞉nyɨa nʉ ɨkyɛmɛ ngia i꞉nye nʉ taa engo. 4Iya ka꞉ʉngwa nanɨ, ka꞉kpata tii tʉkʉ ɨtɛtɛtɛ yɨ oji wʉ Kipulio, jʉ ka꞉jono nʉ mahuo wɔɔ ɓʉmʉ. 5Kambʉtapʉa ɗei ɔɔ 'ʉja tinene nʉ Kilikia nʉ Pafilia, kija ka꞉ɓʉya akʉ gʉlʉ ʉ Mila akʉ gɨpa ʉ Likia. 6Nani, ngama ʉ ɓasʉda ngiinanɨ ambʉsɔgbʉka masʉa wʉ mepo wʉʉngweni anʉ Alɛkɨjandɛlɨa kʉsa anʉ Italia, kija a꞉tiɗitiso amati ɔngɔ.
7Amati ʉ makwaa maja kambʉtapʉa kʉ ɨgyɛtɛ, kambʉɓʉya anʉ wagba wʉ mondu wʉ Kɨnɨdɔ amati ʉ ɓʉka‑ɓʉkaɨ nadɨndɨ. Ndʉ mahuo wa꞉tinangyo kʉsa danga anʉ wagba nguʉnanɨ, kija ka꞉ɓaa tiga nʉ 'ʉndʉʉ wʉ oji wʉ Kɛlɛtɛ kʉɓaa nʉ wagba wʉ ikopi yɛɛ ɨja yɨ Salamɔnɨ akʉ mahuo wambikinye‑ɛɛ ɓʉmʉ. 8Mbise ʉ kɨnda amati ʉ ɓʉka‑ɓʉkaɨ anambamba ʉ ɗei ngiinanɨ, kambʉsɔfʉma akʉ mʉa mungono ino ɓɔ « Liso lɔɔ Manzanza », tine tine nʉ gʉlʉ ʉ Lasia. 9Mbise ʉ makwaa maja, iya ki꞉nye tiga‑ɔɔ kʉsa nʉ masʉa wʉ mepo, kambʉtɨna ingyo tʉkʉ ɓʉ kwɛ, jʉ wati wɔɔ táɛ idyo#27:9 Wati nguʉnanɨ ɨbʉbʉ yɛɛ ɓʉmʉ yi꞉nye ɓaa, kɨnda yɨ masʉa wʉ mepo yi꞉nye ka ɓʉkaɨ nadɨndɨ. wi꞉nye wʉɓaeni ɓaanɨ. Iikwa Pɔlɔ a꞉tinzo‑ɔɔ ʉpanʉ nguakɛ: 10« Ɛɛ, inu ɓugue ngiɓa! Makʉna ɓɔ kɨnda ngia yaɓio nisu nʉ ɓʉka‑ɓʉkaɨ nadɨndɨ. Nʉ masʉa wʉ mepo ɨzɔ nʉ kumbo ngia a amati ɔngɔ a꞊tambɨa tambɨaa. Nʉ abana kʉndʉ isu, ka꞊tɨna ingyo tʉkʉ ɓʉ kwɛ. »
11Yulio, ngama ʉ ɓasʉda, a꞉kɔkɔmʉ moni ngika kʉ Pɔlɔ, ɨkyɛmɨngana a꞉kɔ tʉkʉ ika kʉ mombi ngia i꞉nye kɨndakiso masʉa nʉ ika kʉ mambɨnyɨ ʉ masʉa. 12Ya꞉kwananakɔmʉ kʉɓaiso wati wʉ vɛvʉ akʉ iso yɨ ɗei ngiinanɨ. Kʉ ɓwanɨ, ɓombi ɓaja ngiɓa ɓi꞉nye amati ʉ masʉa ɓa꞉kwaisio kʉʉngwa nanɨ. Ɓi꞉nye kʉkʉnda kʉɓʉya tʉkʉ anʉ Foenikɛ, iya i꞉nye iso yɨ ɗei mʉngana wʉ oji wʉ Kɛlɛtɛ, iya i꞉nye kanga mesu nʉ wagba wʉ ʉndʉʉ nʉ uwa wʉ ɨkʉʉ.
Ɨbʉbʉ yɛɛ ɓʉmʉ yɨka akʉ ɗei
13Iya mwana ʉ mahuo ɗɛkɛkɛ wa꞉kpanga pɨka kʉʉngwa nʉ ʉndʉʉ, kija ɓa꞉na iɗo ɓɔ ɓʉkyɨa tʉkʉ moni ngika ɓi꞉nye ɓʉkwaisieni. Ɓambuungwiso ikopi ngia ɓa꞉maiso nayɔ masʉa,#27:13 Yɛmɔ ɓɔ ʉndɔmɔ: Ikopi ngiinanɨ ɓaaindiiso nʉ umiki kumaiso masʉa wʉ mepo ati ʉ inye yɨ ɗei. ɓambufaniso sɨnganaka tii tʉkʉ nʉ ɨtɛtɛtɛ yɨ ɗei ngia wʉ Kɛlɛtɛ. 14Ɨkyɛmɨngana, mbise ʉ wati ɗɛkɛkɛ, mahuo mʉngana wʉ angu nadɨndɨ uwa ɓaausoko ɓɔ « Mahuo wʉ wagba wʉ ɨkʉʉ nʉ wagba ngua ɨpá yaaɓʉa‑ɛɛ » uwa waaʉngwa akʉ oji. 15Masʉa wʉ mepo wambututunio chʉkɔmʉ ikanzi ngia wachɨngbɨa‑ɔɔ akʉ mahuo, kija ka꞉sɨana kʉsa tii tʉkʉ sa.
16Kambʉɓaa nʉ ʉndʉʉ wʉ mwanʉ oji mʉngana ino ɓɔ Kauda, uwa wa꞉tɨnangyio mahuo nguʉnanɨ ɗɛkɛkɛ. Kambuɓwanakiso mwanʉ ɨngbɔɔ yɛɛ ɗɛkɛkɛ ngia yaasalɨa akʉ angu, ɓɔ yɛɛtɨɓwanakɨakɔmʉ. 17Mbise ngiinanɨ ɓombi ɓʉ kuu ɓambugiso mwanʉ ɨngbɔɔ ngiinanɨ amati ʉ masʉa, ɓambʉsangaka masʉa nʉ miki ngia yɛɛ salɨɛ. Ɓambugiso igbiti yɨ 'ʉkɔkɔ anizini, ɓambʉsɨana ɓɔ mahuo wuɓututuo. Jʉ ɓi꞉nye kukumo ɓɔ ɓɔɔsakɔmʉ kʉdʉana akʉ 'ʉkʉpa wʉ masasaɨ anambamba ʉ ɨkʉmbʉ yɨ Sɨlɨtɨ.#27:17 Gʉ kʉ ɓɔ, ino yɨ ɨkʉmbʉ ngia ɓaaisoko ɓɔ Libia nʉ ɨkʉʉ yɨ Aflika. 18Kʉɓa ɔngɔ, ndʉ ɨbʉbʉ yi꞉nye tiga nisu kuyongo nʉ angu nadɨndɨ, kija ɓa꞉faniso giso kumbo ngia i꞉nye amati ʉ masʉa akʉ ɗei. 19Tiga ɓisi ɓʉ kaatʉ ɓɔngɔ, ɛɓɔ nʉ lɨkɔndɔ ngilʉndaɓʉ, ɓambugiso kumbo ʉ kuu wʉ masʉa kʉ gisoo. 20Amati ʉ makwaa maja ɨpá kʉndʉ ndata yambikinye kʉnyɨa, nʉ ɨbʉbʉ yi꞉nye tʉkʉ kʉpɨka nʉ angu nadɨndɨ. Kambikinye ɓata nʉ itungwio ɓɔ kahɨa ɓata kʉ hɨaa.
21Amati ʉ makwaa maja ɓombi ngiɓa ɓi꞉nye amati ʉ masʉa ɓa꞉dyakɔmʉ ɨkyɛmɛ. Kija Pɔlɔ a꞉maa ati ʉndaɓʉ, ambuɓusigio ɓɔ: « Inu ɓadii ɓʉsɛmɛ, nʉ꞉nakeni pongo ɛmɛ, ambʉ ka꞉ʉngwakɔmʉ anʉ Kɛlɛtɛ. Ambʉ́ ka꞉kumuniokɔmʉ pongo amati ʉ ɓʉka‑ɓʉkaɨ nʉ kumbo nisu kʉtambɨa ɓɔ. 22Ɨkyɛmɨngana, ɨtakɨ‑takɨ ngiakɛ mʉnɨta ɓɔ chɨkeni igue‑gue, jʉ mombi mʉngana ambʉkɔmʉ kuwo ati ʉndɛnʉ, tʉkʉ masʉa wʉ mepo wa꞊tambɨa. 23Ɓʉɓʉnɨ nuɓutu ngia, Asʉɓɨɨ ngia ma akʉ lɨkɔndɔ langɔ, iya maamubibiso ʉ꞉natʉmɨa malaika nguangɔ. 24Ambʉnasigio ɓɔ: ‹ Wɔɔkwakɔmʉ ʉɓa Pɔlɔ, yɨkwanana ɓɔ ɓwanɨa apɛɛ ʉ ngama ɔɔ ʉja wʉ Ɓalɔma. Kʉ ɓwanɨ, Asʉɓɨɨ a꞊pɨmakɨa ʉɓɨɨ wʉ ɓombi kʉ ɓuɓomu ngiɓa nakʉtapʉa naɓɔ, aka ekoo ʉ 'ʉtʉma wʉ ɨjɨɔ nguangɔ ekoo asɔɔ. › 25Inu ɓadii, ɓieni nʉ igue‑gue jʉ manʉ baya akʉ Asʉɓɨɨ ɓɔ ya꞊kyananakɨa ngbanga tʉkʉ ndʉ aka ɓu꞉nasigio‑ɔɔ. 26Ɨkyɛmɨngana, mahuo wabi kutunduo ɨngbɔɔ tiga akʉ oji mʉngana ɓɔ. »
27Tiga nuɓutu mʉngana, mbise ʉ ɓabɛlɛsɛ ɓapɨnɨ kʉʉngwa aka ɨbʉbʉ ya꞉faniso jɛnɛ‑ɔɔ nisu kʉyɨnganakiso amati ʉ ɗei ɔɔ 'ʉja ngia wʉ Meditɛlanɨa, nʉgʉndʉ ya꞉nyɨa ɓombi ɓʉ kuu ngiɓa ɓʉ masʉa wʉ mepo ndʉ ɓi꞉nye tiga tinene kʉɓʉya anʉ ɨtɛtɛtɛ. 28Kija ɓa꞉sanga uko mungono nʉ umiki, ɓambuugiso akʉ ɗei. Iya ɓa꞉indiiso nayɔ umiki nguʉnanɨ, ɓambʉna ɓɔ ɓuɗu ɓʉ ɗei ɓa mɛtɛlɛ makumi kaatʉ nʉ ʉmalɨanɨka. Ɓambʉɗʉana mwana ɔngɔ nʉpɛɛ, ɓambuindiiso ɓata umiki, ɓambʉna ɓɔ ɓuɗu ɓɔngɔ ɓa tiga mɛtɛlɛ makumi kapɨnɨ nʉ ʉɓagɨna.
29Ɓi꞉nye kukumo ɓɔ masʉa wʉ mepo wɔɔdʉanakɔmʉ nʉ mukopi kɔɔ mʉkpɔkpɔ. Kija ɓa꞉giso ligbiti lʉ muko kɔɔ mʉkpɔkpɔ ɓʉgɨna, lɨngakɛ akʉ ipipi yɨ masʉa kʉkanyo nawɔ kʉmaiso. Ɓambufaniso siɓo ɓɔ ɓisi ɓʉya gʉ gagaa. 30Ɨkyɛmɨngana, ɓombi ɓʉ kuu ngiɓa ɓʉ masʉa ɓi꞉nye kʉhata kijo nʉ kʉhɨaka, kija ɓa꞉ijiso mwanʉ ɨngbɔɔ ngia yɛɛ ɗɛkɛkɛ akʉ ɗei. Ɓambuzunio ɓakai ɓɔ ɓakʉkʉnda giso ligbiti lʉ muko nga lɔmɔ apɛɛ ʉ masʉa. 31Pɔlɔ ambusigio ngama ʉ ɓasʉda ngia wʉ Ɓalɔma nʉ ɓasʉda ngiɓa ɓɔmɔ ɓɔ: « Ɓugue ngiɓa ɓambikinye ya amati ʉ masʉa, nambʉkʉhɨa. » 32Kija ɓasʉda ɓa꞉kyɨkya miki ngia ɓa꞉nga nayɔ mwanʉ ɨngbɔɔ ngiinanɨ akʉ masʉa, ɓambʉɨsɨa kʉsa.
33Tiga aka ɓisi ɓaakyɨa‑ɔɔ kʉya, Pɔlɔ ambʉɓʉta ɛɓɔ kʉ ɓuɓomu ɓɔ: « Ambʉ́ nʉdyakaka‑zʉ tiga, jʉ ya tiga ɓabɛlɛsɛ ɓapɨnɨ aka na꞉faniso pongo‑ɔɔ siɓo ɓɔ ɨmanɨ yakyɨanɨa, chʉkɔmʉ kʉdya ɨkyɛmɛ. 34Kʉ ɓwanɨ, mʉnɨta ɓɔ dyakakeni‑zʉ tiga dyakakaa ambʉ nɔɔwukɔmʉ. Mombi mʉngana ati ʉndɛnʉ ambʉkʉyangiso gʉkʉ undii mungono wʉ 'ʉtʉ nguangɔ. » 35Mbise ʉ yaka moni ngikʉnanɨ, Pɔlɔ ambʉchɨka mukati ambutuisio Asʉɓɨɨ ɨbɨba apɛɛ ʉndaɓʉ kʉ ɓuɓomu, ambuuɓundo ambufaniso dyakaka. 36Ɓombi kʉ ɓuɓomu ɓambʉchɨka igue‑gue, ɓambʉdyakaka tiga kʉ dyakakaa. 37Isu kʉ ɓuɓomu amati ʉ masʉa ki꞉nye ɓombi mɨa ɓepini nʉ makumi ʉmalɨanɨka nʉ ʉmalɨa. 38Ati ngia mombi kʉ uɓomu a꞉mʉta‑ɔɔ, ɓambugiso nganʉ anizini kikiso masʉa zia zia.
Masʉa windio amati ʉ mepo
39Iya ɓisi ɓa꞉ya nayɔ, ɓombi ɓʉ kuu ngiɓa ɓʉ masʉa wʉ mepo ɓa꞉pimisokɔmʉ ɨtaka, ɨkyɛmɨngana ɓa꞉na tungbu ʉ ɗei mʉngana ngia i꞉nye nʉ masasaɨ anʉ ɨtɛtɛtɛ yɛngɔ. Ɓambʉkwaisio kʉsa kʉfʉma masʉa wʉ mepo nani. 40Ɓambuɓonoko miki ngia ɓaindiiso nayɔ ligbiti lʉ muko ngika kɔɔ ɓuto ɓuto, ɓambʉɨsɨa amati ʉ mepo. Ɓambuɓonoko miki yɨ ɓavala ngiɓa ɓi꞉nye kuyumoko naɓɔ masʉa wʉ mepo kʉ ɓonokoo. Kija ɓa꞉ɗitiso wagba wʉ ɨpʉkʉ wɔɔ ʉja apɛɛ ʉ masʉa aka ekoo ngia ɓɔ mahuo wʉ꞊itutuo, ɓambufaniso kʉsa nʉ wagba wʉ ɨtɛtɛtɛ wʉ ɗei ngiinanɨ. 41Ɨkyɛmɨngana, ɓambʉɓʉya akʉ izi ngia masʉa wa꞉fana‑ɔɔ akʉ kpuma wʉ masasaɨ mungono ati ʉ mepo. 'Ʉtʉ wʉ masʉa wʉ mepo wambukumunio amati ʉ masasaɨ, chʉkɔmʉ aka wadʉana‑ɔɔ. Tiga nanɨ, ipipi yɛngɔ yi꞉nye tiga kʉpanzana nʉ angu wʉ ɨzana yɨ mepo.
42Ɓasʉda ɓi꞉nye kʉkʉnda dʉka ɓombi ɓʉ boloko, aka ekoo ngia ɓɔ mombi gʉkʉ mʉngana ati ʉndaɓʉ ɔɔkwakɔmʉ mepo nʉ ɔɔhɨakakɔmʉ. 43Ɨkyɛmɨngana, ngama ʉ ɓasʉda i꞉nye kʉkʉnda hiiso Pɔlɔ, ambʉɓʉgbʉma ɓɔ ɔkyɨakɔmʉ ɓwanɨ. Ambunzo ʉpanʉ ɓɔ ɓombi ngiɓa ɓaayo mepo ɛɓɔ ɓʉkpanga‑zʉ kʉkwa mepo nʉ kʉɓʉa amʉba. 44Ɓombi ngiɓa ɓɔmɔ ɓakwanana tiga naɓɔ kʉkpata tiga 'upi kʉfanaka akʉ magba kʉ maɓaʉ, gʉ ɓɔ akʉ magba kʉ masʉa wʉ mepo. Kʉ ɓwanɨ, ɛɓɔ kʉ ɓuɓomu ɓambʉɓʉya amʉba tʉkʉ iɗo.
ទើបបានជ្រើសរើសហើយ៖
Kyananaka 27: BudKoya
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2021, Wycliffe Bible Translators, Inc.
Kyananaka 27
27
Ɓʉɓaiso Pɔlɔ anʉ Lɔma
1Ati ngia ɓa꞉maiso‑ɔɔ ɓɔ kabi anʉ Italia amati ʉ masʉa wʉ mepo, kija ɓa꞉nzo Pɔlɔ ɨzɔ nʉ ɓombi ɓʉ boloko ngana ngana nga ɓɔmɔ akʉ lɨkɔndɔ lʉ ngama ʉ ɓasʉda ngia i꞉nye ino ɓɔ Yulio. Ɛyɔ i꞉nye ngama ʉ ɨkamba yɨ ɓasʉda ngia ɓi꞉nye isoko ɓɔ « Ɨkamba yɨ ɓasʉda yɨ ngama ɔɔ 'ʉja wʉ Ɓalɔma ». 2Kija ka꞉ɗito masʉa wʉ mepo ngua wa꞉ʉngwa akʉ gʉlʉ ʉ Adalamiti kʉsa mesu nʉ liso lʉ ɓaɗei ngila lʉ gɨpa ʉ Azia. Kija ka꞉ʉngwɨa kɨnda ɨzɔ nʉ ɔɔ Alɨsɨtalɨkɔ mombi ʉ Makedonia ngia i꞉nye ɨkʉmbʉ akʉ gʉlʉ ʉ Tesalonika, i꞉nye kʉ ɨzɔ nisu.
3Kʉɓa ɔngɔ, kambʉmaa anʉ Sɨdɔna. Yulio ngia i꞉nye kyɨa Pɔlɔ iɗo, ambʉmʉsɨa ɓɔ ɓʉsa kʉnana nʉ ɓadii ɓangɔ aka ekoo ngia ɓɔ ʉ꞉nyɨa nʉ ɨkyɛmɛ ngia i꞉nye nʉ taa engo. 4Iya ka꞉ʉngwa nanɨ, ka꞉kpata tii tʉkʉ ɨtɛtɛtɛ yɨ oji wʉ Kipulio, jʉ ka꞉jono nʉ mahuo wɔɔ ɓʉmʉ. 5Kambʉtapʉa ɗei ɔɔ 'ʉja tinene nʉ Kilikia nʉ Pafilia, kija ka꞉ɓʉya akʉ gʉlʉ ʉ Mila akʉ gɨpa ʉ Likia. 6Nani, ngama ʉ ɓasʉda ngiinanɨ ambʉsɔgbʉka masʉa wʉ mepo wʉʉngweni anʉ Alɛkɨjandɛlɨa kʉsa anʉ Italia, kija a꞉tiɗitiso amati ɔngɔ.
7Amati ʉ makwaa maja kambʉtapʉa kʉ ɨgyɛtɛ, kambʉɓʉya anʉ wagba wʉ mondu wʉ Kɨnɨdɔ amati ʉ ɓʉka‑ɓʉkaɨ nadɨndɨ. Ndʉ mahuo wa꞉tinangyo kʉsa danga anʉ wagba nguʉnanɨ, kija ka꞉ɓaa tiga nʉ 'ʉndʉʉ wʉ oji wʉ Kɛlɛtɛ kʉɓaa nʉ wagba wʉ ikopi yɛɛ ɨja yɨ Salamɔnɨ akʉ mahuo wambikinye‑ɛɛ ɓʉmʉ. 8Mbise ʉ kɨnda amati ʉ ɓʉka‑ɓʉkaɨ anambamba ʉ ɗei ngiinanɨ, kambʉsɔfʉma akʉ mʉa mungono ino ɓɔ « Liso lɔɔ Manzanza », tine tine nʉ gʉlʉ ʉ Lasia. 9Mbise ʉ makwaa maja, iya ki꞉nye tiga‑ɔɔ kʉsa nʉ masʉa wʉ mepo, kambʉtɨna ingyo tʉkʉ ɓʉ kwɛ, jʉ wati wɔɔ táɛ idyo#27:9 Wati nguʉnanɨ ɨbʉbʉ yɛɛ ɓʉmʉ yi꞉nye ɓaa, kɨnda yɨ masʉa wʉ mepo yi꞉nye ka ɓʉkaɨ nadɨndɨ. wi꞉nye wʉɓaeni ɓaanɨ. Iikwa Pɔlɔ a꞉tinzo‑ɔɔ ʉpanʉ nguakɛ: 10« Ɛɛ, inu ɓugue ngiɓa! Makʉna ɓɔ kɨnda ngia yaɓio nisu nʉ ɓʉka‑ɓʉkaɨ nadɨndɨ. Nʉ masʉa wʉ mepo ɨzɔ nʉ kumbo ngia a amati ɔngɔ a꞊tambɨa tambɨaa. Nʉ abana kʉndʉ isu, ka꞊tɨna ingyo tʉkʉ ɓʉ kwɛ. »
11Yulio, ngama ʉ ɓasʉda, a꞉kɔkɔmʉ moni ngika kʉ Pɔlɔ, ɨkyɛmɨngana a꞉kɔ tʉkʉ ika kʉ mombi ngia i꞉nye kɨndakiso masʉa nʉ ika kʉ mambɨnyɨ ʉ masʉa. 12Ya꞉kwananakɔmʉ kʉɓaiso wati wʉ vɛvʉ akʉ iso yɨ ɗei ngiinanɨ. Kʉ ɓwanɨ, ɓombi ɓaja ngiɓa ɓi꞉nye amati ʉ masʉa ɓa꞉kwaisio kʉʉngwa nanɨ. Ɓi꞉nye kʉkʉnda kʉɓʉya tʉkʉ anʉ Foenikɛ, iya i꞉nye iso yɨ ɗei mʉngana wʉ oji wʉ Kɛlɛtɛ, iya i꞉nye kanga mesu nʉ wagba wʉ ʉndʉʉ nʉ uwa wʉ ɨkʉʉ.
Ɨbʉbʉ yɛɛ ɓʉmʉ yɨka akʉ ɗei
13Iya mwana ʉ mahuo ɗɛkɛkɛ wa꞉kpanga pɨka kʉʉngwa nʉ ʉndʉʉ, kija ɓa꞉na iɗo ɓɔ ɓʉkyɨa tʉkʉ moni ngika ɓi꞉nye ɓʉkwaisieni. Ɓambuungwiso ikopi ngia ɓa꞉maiso nayɔ masʉa,#27:13 Yɛmɔ ɓɔ ʉndɔmɔ: Ikopi ngiinanɨ ɓaaindiiso nʉ umiki kumaiso masʉa wʉ mepo ati ʉ inye yɨ ɗei. ɓambufaniso sɨnganaka tii tʉkʉ nʉ ɨtɛtɛtɛ yɨ ɗei ngia wʉ Kɛlɛtɛ. 14Ɨkyɛmɨngana, mbise ʉ wati ɗɛkɛkɛ, mahuo mʉngana wʉ angu nadɨndɨ uwa ɓaausoko ɓɔ « Mahuo wʉ wagba wʉ ɨkʉʉ nʉ wagba ngua ɨpá yaaɓʉa‑ɛɛ » uwa waaʉngwa akʉ oji. 15Masʉa wʉ mepo wambututunio chʉkɔmʉ ikanzi ngia wachɨngbɨa‑ɔɔ akʉ mahuo, kija ka꞉sɨana kʉsa tii tʉkʉ sa.
16Kambʉɓaa nʉ ʉndʉʉ wʉ mwanʉ oji mʉngana ino ɓɔ Kauda, uwa wa꞉tɨnangyio mahuo nguʉnanɨ ɗɛkɛkɛ. Kambuɓwanakiso mwanʉ ɨngbɔɔ yɛɛ ɗɛkɛkɛ ngia yaasalɨa akʉ angu, ɓɔ yɛɛtɨɓwanakɨakɔmʉ. 17Mbise ngiinanɨ ɓombi ɓʉ kuu ɓambugiso mwanʉ ɨngbɔɔ ngiinanɨ amati ʉ masʉa, ɓambʉsangaka masʉa nʉ miki ngia yɛɛ salɨɛ. Ɓambugiso igbiti yɨ 'ʉkɔkɔ anizini, ɓambʉsɨana ɓɔ mahuo wuɓututuo. Jʉ ɓi꞉nye kukumo ɓɔ ɓɔɔsakɔmʉ kʉdʉana akʉ 'ʉkʉpa wʉ masasaɨ anambamba ʉ ɨkʉmbʉ yɨ Sɨlɨtɨ.#27:17 Gʉ kʉ ɓɔ, ino yɨ ɨkʉmbʉ ngia ɓaaisoko ɓɔ Libia nʉ ɨkʉʉ yɨ Aflika. 18Kʉɓa ɔngɔ, ndʉ ɨbʉbʉ yi꞉nye tiga nisu kuyongo nʉ angu nadɨndɨ, kija ɓa꞉faniso giso kumbo ngia i꞉nye amati ʉ masʉa akʉ ɗei. 19Tiga ɓisi ɓʉ kaatʉ ɓɔngɔ, ɛɓɔ nʉ lɨkɔndɔ ngilʉndaɓʉ, ɓambugiso kumbo ʉ kuu wʉ masʉa kʉ gisoo. 20Amati ʉ makwaa maja ɨpá kʉndʉ ndata yambikinye kʉnyɨa, nʉ ɨbʉbʉ yi꞉nye tʉkʉ kʉpɨka nʉ angu nadɨndɨ. Kambikinye ɓata nʉ itungwio ɓɔ kahɨa ɓata kʉ hɨaa.
21Amati ʉ makwaa maja ɓombi ngiɓa ɓi꞉nye amati ʉ masʉa ɓa꞉dyakɔmʉ ɨkyɛmɛ. Kija Pɔlɔ a꞉maa ati ʉndaɓʉ, ambuɓusigio ɓɔ: « Inu ɓadii ɓʉsɛmɛ, nʉ꞉nakeni pongo ɛmɛ, ambʉ ka꞉ʉngwakɔmʉ anʉ Kɛlɛtɛ. Ambʉ́ ka꞉kumuniokɔmʉ pongo amati ʉ ɓʉka‑ɓʉkaɨ nʉ kumbo nisu kʉtambɨa ɓɔ. 22Ɨkyɛmɨngana, ɨtakɨ‑takɨ ngiakɛ mʉnɨta ɓɔ chɨkeni igue‑gue, jʉ mombi mʉngana ambʉkɔmʉ kuwo ati ʉndɛnʉ, tʉkʉ masʉa wʉ mepo wa꞊tambɨa. 23Ɓʉɓʉnɨ nuɓutu ngia, Asʉɓɨɨ ngia ma akʉ lɨkɔndɔ langɔ, iya maamubibiso ʉ꞉natʉmɨa malaika nguangɔ. 24Ambʉnasigio ɓɔ: ‹ Wɔɔkwakɔmʉ ʉɓa Pɔlɔ, yɨkwanana ɓɔ ɓwanɨa apɛɛ ʉ ngama ɔɔ ʉja wʉ Ɓalɔma. Kʉ ɓwanɨ, Asʉɓɨɨ a꞊pɨmakɨa ʉɓɨɨ wʉ ɓombi kʉ ɓuɓomu ngiɓa nakʉtapʉa naɓɔ, aka ekoo ʉ 'ʉtʉma wʉ ɨjɨɔ nguangɔ ekoo asɔɔ. › 25Inu ɓadii, ɓieni nʉ igue‑gue jʉ manʉ baya akʉ Asʉɓɨɨ ɓɔ ya꞊kyananakɨa ngbanga tʉkʉ ndʉ aka ɓu꞉nasigio‑ɔɔ. 26Ɨkyɛmɨngana, mahuo wabi kutunduo ɨngbɔɔ tiga akʉ oji mʉngana ɓɔ. »
27Tiga nuɓutu mʉngana, mbise ʉ ɓabɛlɛsɛ ɓapɨnɨ kʉʉngwa aka ɨbʉbʉ ya꞉faniso jɛnɛ‑ɔɔ nisu kʉyɨnganakiso amati ʉ ɗei ɔɔ 'ʉja ngia wʉ Meditɛlanɨa, nʉgʉndʉ ya꞉nyɨa ɓombi ɓʉ kuu ngiɓa ɓʉ masʉa wʉ mepo ndʉ ɓi꞉nye tiga tinene kʉɓʉya anʉ ɨtɛtɛtɛ. 28Kija ɓa꞉sanga uko mungono nʉ umiki, ɓambuugiso akʉ ɗei. Iya ɓa꞉indiiso nayɔ umiki nguʉnanɨ, ɓambʉna ɓɔ ɓuɗu ɓʉ ɗei ɓa mɛtɛlɛ makumi kaatʉ nʉ ʉmalɨanɨka. Ɓambʉɗʉana mwana ɔngɔ nʉpɛɛ, ɓambuindiiso ɓata umiki, ɓambʉna ɓɔ ɓuɗu ɓɔngɔ ɓa tiga mɛtɛlɛ makumi kapɨnɨ nʉ ʉɓagɨna.
29Ɓi꞉nye kukumo ɓɔ masʉa wʉ mepo wɔɔdʉanakɔmʉ nʉ mukopi kɔɔ mʉkpɔkpɔ. Kija ɓa꞉giso ligbiti lʉ muko kɔɔ mʉkpɔkpɔ ɓʉgɨna, lɨngakɛ akʉ ipipi yɨ masʉa kʉkanyo nawɔ kʉmaiso. Ɓambufaniso siɓo ɓɔ ɓisi ɓʉya gʉ gagaa. 30Ɨkyɛmɨngana, ɓombi ɓʉ kuu ngiɓa ɓʉ masʉa ɓi꞉nye kʉhata kijo nʉ kʉhɨaka, kija ɓa꞉ijiso mwanʉ ɨngbɔɔ ngia yɛɛ ɗɛkɛkɛ akʉ ɗei. Ɓambuzunio ɓakai ɓɔ ɓakʉkʉnda giso ligbiti lʉ muko nga lɔmɔ apɛɛ ʉ masʉa. 31Pɔlɔ ambusigio ngama ʉ ɓasʉda ngia wʉ Ɓalɔma nʉ ɓasʉda ngiɓa ɓɔmɔ ɓɔ: « Ɓugue ngiɓa ɓambikinye ya amati ʉ masʉa, nambʉkʉhɨa. » 32Kija ɓasʉda ɓa꞉kyɨkya miki ngia ɓa꞉nga nayɔ mwanʉ ɨngbɔɔ ngiinanɨ akʉ masʉa, ɓambʉɨsɨa kʉsa.
33Tiga aka ɓisi ɓaakyɨa‑ɔɔ kʉya, Pɔlɔ ambʉɓʉta ɛɓɔ kʉ ɓuɓomu ɓɔ: « Ambʉ́ nʉdyakaka‑zʉ tiga, jʉ ya tiga ɓabɛlɛsɛ ɓapɨnɨ aka na꞉faniso pongo‑ɔɔ siɓo ɓɔ ɨmanɨ yakyɨanɨa, chʉkɔmʉ kʉdya ɨkyɛmɛ. 34Kʉ ɓwanɨ, mʉnɨta ɓɔ dyakakeni‑zʉ tiga dyakakaa ambʉ nɔɔwukɔmʉ. Mombi mʉngana ati ʉndɛnʉ ambʉkʉyangiso gʉkʉ undii mungono wʉ 'ʉtʉ nguangɔ. » 35Mbise ʉ yaka moni ngikʉnanɨ, Pɔlɔ ambʉchɨka mukati ambutuisio Asʉɓɨɨ ɨbɨba apɛɛ ʉndaɓʉ kʉ ɓuɓomu, ambuuɓundo ambufaniso dyakaka. 36Ɓombi kʉ ɓuɓomu ɓambʉchɨka igue‑gue, ɓambʉdyakaka tiga kʉ dyakakaa. 37Isu kʉ ɓuɓomu amati ʉ masʉa ki꞉nye ɓombi mɨa ɓepini nʉ makumi ʉmalɨanɨka nʉ ʉmalɨa. 38Ati ngia mombi kʉ uɓomu a꞉mʉta‑ɔɔ, ɓambugiso nganʉ anizini kikiso masʉa zia zia.
Masʉa windio amati ʉ mepo
39Iya ɓisi ɓa꞉ya nayɔ, ɓombi ɓʉ kuu ngiɓa ɓʉ masʉa wʉ mepo ɓa꞉pimisokɔmʉ ɨtaka, ɨkyɛmɨngana ɓa꞉na tungbu ʉ ɗei mʉngana ngia i꞉nye nʉ masasaɨ anʉ ɨtɛtɛtɛ yɛngɔ. Ɓambʉkwaisio kʉsa kʉfʉma masʉa wʉ mepo nani. 40Ɓambuɓonoko miki ngia ɓaindiiso nayɔ ligbiti lʉ muko ngika kɔɔ ɓuto ɓuto, ɓambʉɨsɨa amati ʉ mepo. Ɓambuɓonoko miki yɨ ɓavala ngiɓa ɓi꞉nye kuyumoko naɓɔ masʉa wʉ mepo kʉ ɓonokoo. Kija ɓa꞉ɗitiso wagba wʉ ɨpʉkʉ wɔɔ ʉja apɛɛ ʉ masʉa aka ekoo ngia ɓɔ mahuo wʉ꞊itutuo, ɓambufaniso kʉsa nʉ wagba wʉ ɨtɛtɛtɛ wʉ ɗei ngiinanɨ. 41Ɨkyɛmɨngana, ɓambʉɓʉya akʉ izi ngia masʉa wa꞉fana‑ɔɔ akʉ kpuma wʉ masasaɨ mungono ati ʉ mepo. 'Ʉtʉ wʉ masʉa wʉ mepo wambukumunio amati ʉ masasaɨ, chʉkɔmʉ aka wadʉana‑ɔɔ. Tiga nanɨ, ipipi yɛngɔ yi꞉nye tiga kʉpanzana nʉ angu wʉ ɨzana yɨ mepo.
42Ɓasʉda ɓi꞉nye kʉkʉnda dʉka ɓombi ɓʉ boloko, aka ekoo ngia ɓɔ mombi gʉkʉ mʉngana ati ʉndaɓʉ ɔɔkwakɔmʉ mepo nʉ ɔɔhɨakakɔmʉ. 43Ɨkyɛmɨngana, ngama ʉ ɓasʉda i꞉nye kʉkʉnda hiiso Pɔlɔ, ambʉɓʉgbʉma ɓɔ ɔkyɨakɔmʉ ɓwanɨ. Ambunzo ʉpanʉ ɓɔ ɓombi ngiɓa ɓaayo mepo ɛɓɔ ɓʉkpanga‑zʉ kʉkwa mepo nʉ kʉɓʉa amʉba. 44Ɓombi ngiɓa ɓɔmɔ ɓakwanana tiga naɓɔ kʉkpata tiga 'upi kʉfanaka akʉ magba kʉ maɓaʉ, gʉ ɓɔ akʉ magba kʉ masʉa wʉ mepo. Kʉ ɓwanɨ, ɛɓɔ kʉ ɓuɓomu ɓambʉɓʉya amʉba tʉkʉ iɗo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2021, Wycliffe Bible Translators, Inc.