1 Ɓakolito 7
7
Mapanʉ aka ekoo chɨkana
1Akʉ moni ngika na꞉natɨndakɨa, maninu kutisio moni kɔngɔ. Ya iɗo gue kuɓio tʉkʉ 'ʉkɔndɨ. 2Ɨkyɛmɨngana, aka ekoo ngia ɓɔ mombi ɔɔkumuniokɔmʉ ɨndambʉ, yɨkwanana gue kʉ uɓomu kuɓio tʉkʉ nʉ moi angɔ, nʉ moi kʉ uɓomu ʉkwanana kuɓio tʉkʉ nʉ swaɨ. 3Gue ʉkyɨa moi angɔ moni kʉ muɓomu ngika gue ʉkwanana kʉkyɨa moi, nʉ moi ʉkyɨa swaɨ moni kʉ muɓomu ngika moi ʉkwanana kʉkyɨa swaɨ.
4Moi ambʉkɔmʉ nʉ ʉpanʉ ekoo ndʉtʉ ngiangɔ, jʉ ya ndʉtʉ yɨ swaɨ. Ngbanga kʉ ɓwanɨ gue ambʉkɔmʉ nʉ ʉpanʉ ekoo ndʉtʉ ngiangɔ, jʉ ya ndʉtʉ yɨ moi angɔ. 5Nɔɔsɨakɔmʉ kujunikio ati ʉndɛnʉ ndʉ ɔɔ gue nʉ moi. Yiɓio tʉkʉ wati ngua nakɔnɔ‑ɔɔ ati ʉndɛnʉ ɓapɨnɨ ɓɔ na‑zʉ kʉta Asʉɓɨɨ akʉ wati. Mbise ɔngɔ, nʉkwanana kujunikio kʉtɔ, ambʉ Sɨtanɨ ɔɔnyɨakɔmʉ nɨngbaa ngia akwanana‑ɔɔ ninu kusingo amati ʉ kanyo aka ekoo taa yɨ ndʉtʉ. 6Moni ngika mʉyaka akɛ kambʉkɔmʉ ʉpanʉ, ɨkyɛmɨngana mʉnɨpana tʉkʉ ɨngbaa yɨ moni. 7Kingono, makʉkʉnda piɛ ɓɔ ambʉ́ ɓugue kʉ ɓuɓomu ɓuɓio gɔ tʉkʉ ndʉ ɛmɛ, chʉkɔmʉ kʉchɨkana. Ɨkyɛmɨngana, Asʉɓɨɨ a꞉ɨpakɨa mombi kʉ nangana nangana apɛpɛ. Aanzo gwa ngakɛ kʉ apɛpɛ nga wangɔ, ambunzo mombi ɔmɔ kʉ apɛpɛ nga wangɔ.
8Mʉkʉnda kʉɓɨa mɨkɔndɨ nʉ ɓawoko ɓɔ ya iɗo ɓuɓio piɛ gɔ mɨkɔndɨ kʉndʉ ɛmɛ. 9Ɨkyɛmɨngana, ndʉ nambukuɓio ikanzi ngia napɨa‑ɔɔ taa yɨ ndʉtʉ, ya gʉtʉ iɗo kʉchɨkana. Jʉ ya iɗo mombi kʉchɨkana chʉkɔmʉ aɓio kʉdyanɨa nʉ taa yɨ ndʉtʉ ɨsʉkʉɓwanɨ.
10Akʉ inu ɓombi ngiɓa na꞉chɨkana chɨkanaa, mu꞉ninzo ʉpanʉ nguakɛ, uwa wʉʉngwanakɨakɔmʉ nɛmɛ, ɨkyɛmɨngana wʉʉngwanakɨa nʉ Makʉʉɓɨɨ, kusigo ɓɔ, yɨkwananakɔmʉ moi aʉngwa akʉ ɨɓaa ngiangɔ. 11Ɨkyɛmɨngana, ndʉ moi aʉngwa akʉ ɨɓaa, ɔɔsa ɓata ɨɓaa yɛmɔ. Ndʉ akʉnda ɨɓaa, ɓʉkɔnɔ tʉkʉ nʉ swaɨ ɓambʉtʉɨana kʉtɔ. Kʉ ɓwanɨ, gue ʉkwananakɔmʉ kukpinyo moi angɔ.
12Akʉ inu ɓombi nga ɓɔmɔ, ɛmɛ makʉɔngɔ kʉ makʉyaka moni ngikakɛ, chʉkɔmʉ Makʉʉɓɨɨ, kusigo ɓɔ ndʉ gue ngia a muklisito aɓio nʉ moi ngia ambʉkɔmʉ muklisito, moi ngiinanɨ ʉbayeni ɓɔ ɓawulo nayɔ, gue ngiinanɨ ɔɔmukpinyokɔmʉ. 13Nʉ ɓata ndʉ moi ngia a muklisito aɓio ʉchɨkaneni nʉ gue ngia ambʉkɔmʉ muklisito, ndʉ gue ngiinanɨ abaya ɓɔ ɓuwulo nayɔ, moi ngiinanɨ ɔɔʉngwakɔmʉ akʉ ɨɓaa. 14Jʉ gue ngia ambʉkɔmʉ muklisito, anʉ ɓayo nʉ Asʉɓɨɨ 'upi akʉ jubunio ngiangɔ nʉ moi angɔ. Ngbanga kʉ ɓwanɨ, moi ngia ambʉkɔmʉ muklisito, anʉ ɓayo nʉ Asʉɓɨɨ 'upi tʉkʉ akʉ jubunio ngiangɔ nʉ swaɨ. Ndʉ yambukuɓio ɓwanɨ, ɓana ngiɓʉndaɓʉ ɓaɓio tiga ndʉ ɓana ngiɓa ɓambʉkɔmʉ ɓʉjaɓanakɨɛ apɛɛ ʉ Asʉɓɨɨ. Ʉna tɔ, ɓa tʉkʉ ɓana ɓʉ Asʉɓɨɨ.
15Ɨkyɛmɨngana, ndʉ gue yɛmɔ moi ngia ambʉkɔmʉ muklisito ʉkʉndeni kʉsɨana nʉ moi angɔ gʉ ɓɔ swaɨ ngia a muklisito, ʉmʉsɨa sɨaa. Akʉ iinanɨ, ayoo ɔɔ gue, yɛmɔ ɔɔ moi ngia a꞉baya bayanɨ, a tiga 'uɓununukie, jʉ Asʉɓɨɨ a꞉nisoko inu ɓɔ ɓieni amati majɨɔ. 16Ɔwɛ moi ngia wa muklisito ajʉ wa kʉ kʉmbɨa ɓɔ wakwanana kʉ kuhiiso aɓaʉ ɓiɛ? Gʉ ɓɔ ɔwɛ gue ngia wa muklisito, ajʉ wa kʉ kʉmbɨa ɓɔ wakwanana kʉ kuhiiso moi asɔɔ ɓiɛ?
Kuɓio nʉ ʉɓɨɨ ngbanga ndʉ akʉ wati ngua Asʉɓɨɨ a꞉nasoko‑ɔɔ
17Akʉ ɓombi nga ɓɔmɔ, yɨkwanana mombi kʉ nangana nangana ʉsɨnganaka nʉ ʉɓɨɨ nguangɔ, kʉkpatanakɨa tʉkʉ nʉ apɛpɛ ngia Makʉʉɓɨɨ a꞉munzo nʉ kuɓio tʉkʉ ndʉ aka i꞉nye‑ɔɔ ati ngia Asʉɓɨɨ a꞉musoko‑ɔɔ. Kʉ ɓwanɨ, ya ʉpanʉ nguʉnanɨ uwa ɛmɛ makʉpanɨa engo amati ɓakanisa kʉ muɓomu. 18Ndʉ Asʉɓɨɨ aɓio usokeni gue inyeni utiniseni jɛnɛ ganza pɛɛ, ɔɔhatakɔmʉ kʉnaya ipokoi yɛngɔ. Nʉ ndʉ Asʉɓɨɨ aɓio usokeni mombi ambʉtɨnisenikɔmʉ ganza, ɔɔtinisokɔmʉ tii. 19Mombi utiniseni ganza kʉndʉ utinisokɔmʉ, iinanɨ yambʉkɔmʉ ɨkyɛmɛ. Moni kɔɔ maja ya tʉkʉ kʉkyananakɨa mapanʉ kʉ Asʉɓɨɨ.
20Yɨkwanana ɓɔ mombi kʉ uɓomu uɓio tʉkʉ amati ʉ ʉɓɨɨ ngua i꞉nye‑ɔɔ ati ngia Asʉɓɨɨ a꞉musoko‑ɔɔ. 21Ndʉ Asʉɓɨɨ aɓio ʉnasokeni jɛnɛ wi꞉nyeni bayo, wɔɔɓiokɔmʉ kʉdya ɓatanga. Ɨkyɛmɨngana, wʉnyɨeni nɨngbaa yɛɛ ɓuɓununikie, ɓwanaka tʉkʉ ati ngiinanɨ. 22Jʉ bayo ngia Makʉʉɓɨɨ a꞉musoko a꞉nɨtanaka tiga mombi ɔɔ 'uɓununikie, nʉ a tii tʉkʉ mombi wʉ Makʉʉɓɨɨ. Ngbanga kʉ ɓwanɨ, mombi ɔɔ 'uɓununikie ngia Klisito a꞉musoko, a tiga bayo angɔ. 23Asʉɓɨɨ a꞉nɨkʉa nʉ ɨgabʉ yɛɛ ɓʉmʉ. Kʉ ɓwanɨ, nʉkwananakɔmʉ ɓata nanɨtanaka ɓabayo ɓʉ ɓombi. 24Inu ɓayoo ɓʉsɛmɛ, yɨkwanana mombi kʉ uɓomu uɓio nʉ ɓayo nʉ Asʉɓɨɨ, nʉ uɓio tʉkʉ ndʉ akʉ i꞉nye‑ɔɔ ati ngia Asʉɓɨɨ a꞉musoko‑ɔɔ.
Ʉpanʉ ekoo ʉ ɓaunabi nʉ ɓawoko
25Akʉ ɓombi ngiɓa ɓambʉchɨkanakɔmʉ, mambʉkɔmʉ kunzo ʉpanʉ ngua wʉʉngwa ɔɔ Makʉʉɓɨɨ. Ɨkyɛmɨngana, Makʉʉɓɨɨ a꞉pananiso 'ʉtʉma wʉ ikoko nguangɔ ekoo asɛmɛ, ambʉnanzo 'ʉtʉma wɔɔ pimise moni ninu kʉpana itungwio ngiisɛmɛ, jʉ ma mombi ngia ɓombi ɓʉkwanana kʉbaya moni kangɔ. 26Aka ekoo ɓʉka‑ɓʉkaɨ ɓʉ makwaa ngikakɛ, ɛmɛ mʉ꞉na iɗo ɓɔ mombi ɔɔchɨkanakɔmʉ. 27Ndʉ yaɓio ɓɔ wa꞉chɨkana chɨkanaa, wɔɔhatakɔmʉ kʉsɨana nʉ moi asɔɔ. Ndʉ waɓio wambʉchɨkanenikɔmʉ, wɔɔhatakɔmʉ kʉchɨka moi. 28Ɨkyɛmɨngana, ndʉ wachɨkana wʉkyɨakɔmʉ moni kɔɔ ɓɨɓɨ. Nʉ ndʉ mwana ɔɔ moi aunabi ɔngɔ achɨkana, yambʉkɔmʉ ɓɔ ʉkyɨa ɓʉɓɨɓɨ. Ɨkyɛmɨngana, ɓombi ngiɓa ɓakʉchɨkana, ɓaɓio amati ʉ ɓʉka‑ɓʉkaɨ amati ʉ ʉɓɨɨ nguʉndaɓʉ. Iiya ɛmɛ mʉkʉnda naɓɔ kunzo ʉpanʉ nguʉnanɨ aka ekoo ngia ɓɔ ɓɔɔkumuniokɔmʉ amati ʉ ɓʉka‑ɓʉkaɨ.
29Inu ɓayoo, mʉkunda ninu kʉɓɨa ɓɔ wati wutukuo gbititi. Kʉʉngwa ɨtakɨ‑takɨ ngiakɛ, yɨkwanana ɓɔ ɓugue ngiɓa ɓa꞉chɨkana chɨkanaa ʉɓɨɨ nguʉndaɓʉ wuɓio tʉkʉ ndʉ ɓambʉchɨkanakɔmʉ. 30Ɓiga ngiɓa ɓakʉndɨa ɓuɓio ngbanga kʉndʉ ɓombi ngiɓa ɓambʉkɔmʉ kʉndɨa. Ɓiga ngiɓa ɓakʉkwa ɨgyagya ɓuɓio ngbanga kʉndʉ ɓombi ngiɓa ɓambʉkɔmʉ kʉkwa ɨgyagya. Ɓombi ngiɓa ɓakʉkʉwa ɨkyɛmɛ ɓuɓio ngbanga kʉndʉ ɓombi ngiɓa ɓambʉkɔmʉ nʉ ɨkyɛmɛ. 31Ɓombi ngiɓa ɓakutumia kumbo ʉ ɨtaka ngiakɛ ɓuɓio ngbanga kʉndʉ ɓombi ngiɓa ɓambʉkɔmʉ nayɔ kutumia. Jʉ ɨtaka ngiakɛ yakʉɓaa kʉ ɨtakɨ‑takɨ.
32Makʉkʉnda ɓɔ nɔɔɓiokɔmʉ nʉ ɓatanga. Mombi ngia ambʉchɨkanakɔmʉ aanapɨa 'ʉtʉma tʉkʉ akʉ lɨngbaa lʉ moni ngila lʉ Makʉʉɓɨɨ, nʉ aakyɨa kʉkʉnda ɓɔ ʉkataa tʉkʉ Makʉʉɓɨɨ. 33Ɨkyɛmɨngana, mombi ngia a꞉chɨkana chɨkanaa aanapɨa 'ʉtʉma tʉkʉ akʉ moni kʉ ɨtaka, nʉ aahata ɓɔ uɓio tʉkʉ kʉkataa moi angɔ. 34Ɛyɔ aakyɨa iso aka ekoo lɨngbaa lʉ moni dyepini. Ngbanga kʉ ɓwanɨ, moi ngia ambʉkɔmʉ akʉ ɨɓaa, yɛmɔ ndʉ aɓio 'ʉsakyɛ, aanapɨa 'ʉtʉma tʉkʉ aka ekoo moni kʉ Makʉʉɓɨɨ, jʉ a꞉nzo ndʉtʉ ngiangɔ nʉ itungwio ngiangɔ akʉ Asʉɓɨɨ. Ɨkyɛmɨngana, moi ʉ ɨɓaa aanapɨa 'ʉtʉma nga wangɔ tʉkʉ aka ekoo ɓamoni ɓʉ ɨtaka, nʉ aahata tʉkʉ kʉkataa swaɨ.
35Moni ngika makʉyaka akɛ ka tʉkʉ akʉ iɗo yɨndɛnʉ, yambʉkɔmʉ ninu kʉgbʉmɨa ɨngbaa yɨ moni. Ɨkyɛmɨngana, maninu tʉkʉ kʉpanɨa moni ngika kʉɓaana nʉ ɓuɗo kʉkyɨa, ambʉ nzoneni kʉkyananakɨa Makʉʉɓɨɨ chʉkɔmʉ nʉ ɨkyɛmɛ ngia yaninangyo.
36Ndʉ mwana ʉ ɓandambʉ ana ɓɔ wati wɔɔchɨkanɛ nʉ gwa ɔɔ moi ngia ɓʉchwana nayɔ wakʉɓaa, ambuɓio tiga nʉ taa yangɔ nadɨndɨ, ɓʉchɨkaneni, ɓʉkyɨakɔmʉ ɓʉɓɨɓɨ gʉkʉ ɗɛkɛkɛ. Ɓʉkwanana tʉkʉ kʉchɨkana. 37Ɨkyɛmɨngana, ndʉ akwaisio amati ʉ 'ʉtʉma nguangɔ ɓɔ ambʉkʉchɨka moi ngia ɓaɓio ɓʉchwaneni nayɔ, nʉ ndʉ aɓio ʉkwaisieni amati ʉ 'ʉtʉma nguangɔ tʉkʉ ɓwanɨ, chʉkɔmʉ mombi ambʉmʉkpakpa nʉ moni kɔngɔ, ambʉ ʉkyɨa iɗo. 38Kʉ ɓwanɨ, ndʉ mombi achɨka moi ngia aɓio ʉmʉchweni ambʉ ʉ꞉kyɨa iɗo, nʉ ndʉ mombi ayaa kʉchɨka moi ngia aɓio ʉ꞉mʉchweni, ambʉ ʉ꞉kyɨa iɗo nadɨndɨ.
39Moi ʉ ɨɓaa aakyɨa ɛsɨ ʉ ʉpanʉ wʉ swaɨ wati kʉ uɓomu ngua swaɨ aɓio‑zʉ‑ɔɔ kʉkʉʉ. Ɨkyɛmɨngana, ndʉ swaɨ awo, ambʉ moi ngiinanɨ a tiga 'uɓununikie. A꞊kwanana tiga kʉchɨkana nʉ gue ɔmɔ ngia 'ʉtʉma wangɔ wakʉnda. Tɔ, chɨkana yɛngɔ yiɓio tʉkʉ iya yɨ ɓaklisito. 40Ʉna tɔ, moi ngiinanɨ akwanana piɛ kuɓio tiga amati ʉ majɨɔ nadɨndɨ ndʉ aɓio usenikɔmʉ tii ɓata ɨɓaa yɛmɔ. Itungwio ngiinanɨ ya tʉkʉ yɨsɛmɛ, nʉ makʉna ɓɔ 'Ʉtʉma wʉ Asʉɓɨɨ wa amati asɛmɛ.
ទើបបានជ្រើសរើសហើយ៖
1 Ɓakolito 7: BudKoya
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2021, Wycliffe Bible Translators, Inc.
1 Ɓakolito 7
7
Mapanʉ aka ekoo chɨkana
1Akʉ moni ngika na꞉natɨndakɨa, maninu kutisio moni kɔngɔ. Ya iɗo gue kuɓio tʉkʉ 'ʉkɔndɨ. 2Ɨkyɛmɨngana, aka ekoo ngia ɓɔ mombi ɔɔkumuniokɔmʉ ɨndambʉ, yɨkwanana gue kʉ uɓomu kuɓio tʉkʉ nʉ moi angɔ, nʉ moi kʉ uɓomu ʉkwanana kuɓio tʉkʉ nʉ swaɨ. 3Gue ʉkyɨa moi angɔ moni kʉ muɓomu ngika gue ʉkwanana kʉkyɨa moi, nʉ moi ʉkyɨa swaɨ moni kʉ muɓomu ngika moi ʉkwanana kʉkyɨa swaɨ.
4Moi ambʉkɔmʉ nʉ ʉpanʉ ekoo ndʉtʉ ngiangɔ, jʉ ya ndʉtʉ yɨ swaɨ. Ngbanga kʉ ɓwanɨ gue ambʉkɔmʉ nʉ ʉpanʉ ekoo ndʉtʉ ngiangɔ, jʉ ya ndʉtʉ yɨ moi angɔ. 5Nɔɔsɨakɔmʉ kujunikio ati ʉndɛnʉ ndʉ ɔɔ gue nʉ moi. Yiɓio tʉkʉ wati ngua nakɔnɔ‑ɔɔ ati ʉndɛnʉ ɓapɨnɨ ɓɔ na‑zʉ kʉta Asʉɓɨɨ akʉ wati. Mbise ɔngɔ, nʉkwanana kujunikio kʉtɔ, ambʉ Sɨtanɨ ɔɔnyɨakɔmʉ nɨngbaa ngia akwanana‑ɔɔ ninu kusingo amati ʉ kanyo aka ekoo taa yɨ ndʉtʉ. 6Moni ngika mʉyaka akɛ kambʉkɔmʉ ʉpanʉ, ɨkyɛmɨngana mʉnɨpana tʉkʉ ɨngbaa yɨ moni. 7Kingono, makʉkʉnda piɛ ɓɔ ambʉ́ ɓugue kʉ ɓuɓomu ɓuɓio gɔ tʉkʉ ndʉ ɛmɛ, chʉkɔmʉ kʉchɨkana. Ɨkyɛmɨngana, Asʉɓɨɨ a꞉ɨpakɨa mombi kʉ nangana nangana apɛpɛ. Aanzo gwa ngakɛ kʉ apɛpɛ nga wangɔ, ambunzo mombi ɔmɔ kʉ apɛpɛ nga wangɔ.
8Mʉkʉnda kʉɓɨa mɨkɔndɨ nʉ ɓawoko ɓɔ ya iɗo ɓuɓio piɛ gɔ mɨkɔndɨ kʉndʉ ɛmɛ. 9Ɨkyɛmɨngana, ndʉ nambukuɓio ikanzi ngia napɨa‑ɔɔ taa yɨ ndʉtʉ, ya gʉtʉ iɗo kʉchɨkana. Jʉ ya iɗo mombi kʉchɨkana chʉkɔmʉ aɓio kʉdyanɨa nʉ taa yɨ ndʉtʉ ɨsʉkʉɓwanɨ.
10Akʉ inu ɓombi ngiɓa na꞉chɨkana chɨkanaa, mu꞉ninzo ʉpanʉ nguakɛ, uwa wʉʉngwanakɨakɔmʉ nɛmɛ, ɨkyɛmɨngana wʉʉngwanakɨa nʉ Makʉʉɓɨɨ, kusigo ɓɔ, yɨkwananakɔmʉ moi aʉngwa akʉ ɨɓaa ngiangɔ. 11Ɨkyɛmɨngana, ndʉ moi aʉngwa akʉ ɨɓaa, ɔɔsa ɓata ɨɓaa yɛmɔ. Ndʉ akʉnda ɨɓaa, ɓʉkɔnɔ tʉkʉ nʉ swaɨ ɓambʉtʉɨana kʉtɔ. Kʉ ɓwanɨ, gue ʉkwananakɔmʉ kukpinyo moi angɔ.
12Akʉ inu ɓombi nga ɓɔmɔ, ɛmɛ makʉɔngɔ kʉ makʉyaka moni ngikakɛ, chʉkɔmʉ Makʉʉɓɨɨ, kusigo ɓɔ ndʉ gue ngia a muklisito aɓio nʉ moi ngia ambʉkɔmʉ muklisito, moi ngiinanɨ ʉbayeni ɓɔ ɓawulo nayɔ, gue ngiinanɨ ɔɔmukpinyokɔmʉ. 13Nʉ ɓata ndʉ moi ngia a muklisito aɓio ʉchɨkaneni nʉ gue ngia ambʉkɔmʉ muklisito, ndʉ gue ngiinanɨ abaya ɓɔ ɓuwulo nayɔ, moi ngiinanɨ ɔɔʉngwakɔmʉ akʉ ɨɓaa. 14Jʉ gue ngia ambʉkɔmʉ muklisito, anʉ ɓayo nʉ Asʉɓɨɨ 'upi akʉ jubunio ngiangɔ nʉ moi angɔ. Ngbanga kʉ ɓwanɨ, moi ngia ambʉkɔmʉ muklisito, anʉ ɓayo nʉ Asʉɓɨɨ 'upi tʉkʉ akʉ jubunio ngiangɔ nʉ swaɨ. Ndʉ yambukuɓio ɓwanɨ, ɓana ngiɓʉndaɓʉ ɓaɓio tiga ndʉ ɓana ngiɓa ɓambʉkɔmʉ ɓʉjaɓanakɨɛ apɛɛ ʉ Asʉɓɨɨ. Ʉna tɔ, ɓa tʉkʉ ɓana ɓʉ Asʉɓɨɨ.
15Ɨkyɛmɨngana, ndʉ gue yɛmɔ moi ngia ambʉkɔmʉ muklisito ʉkʉndeni kʉsɨana nʉ moi angɔ gʉ ɓɔ swaɨ ngia a muklisito, ʉmʉsɨa sɨaa. Akʉ iinanɨ, ayoo ɔɔ gue, yɛmɔ ɔɔ moi ngia a꞉baya bayanɨ, a tiga 'uɓununukie, jʉ Asʉɓɨɨ a꞉nisoko inu ɓɔ ɓieni amati majɨɔ. 16Ɔwɛ moi ngia wa muklisito ajʉ wa kʉ kʉmbɨa ɓɔ wakwanana kʉ kuhiiso aɓaʉ ɓiɛ? Gʉ ɓɔ ɔwɛ gue ngia wa muklisito, ajʉ wa kʉ kʉmbɨa ɓɔ wakwanana kʉ kuhiiso moi asɔɔ ɓiɛ?
Kuɓio nʉ ʉɓɨɨ ngbanga ndʉ akʉ wati ngua Asʉɓɨɨ a꞉nasoko‑ɔɔ
17Akʉ ɓombi nga ɓɔmɔ, yɨkwanana mombi kʉ nangana nangana ʉsɨnganaka nʉ ʉɓɨɨ nguangɔ, kʉkpatanakɨa tʉkʉ nʉ apɛpɛ ngia Makʉʉɓɨɨ a꞉munzo nʉ kuɓio tʉkʉ ndʉ aka i꞉nye‑ɔɔ ati ngia Asʉɓɨɨ a꞉musoko‑ɔɔ. Kʉ ɓwanɨ, ya ʉpanʉ nguʉnanɨ uwa ɛmɛ makʉpanɨa engo amati ɓakanisa kʉ muɓomu. 18Ndʉ Asʉɓɨɨ aɓio usokeni gue inyeni utiniseni jɛnɛ ganza pɛɛ, ɔɔhatakɔmʉ kʉnaya ipokoi yɛngɔ. Nʉ ndʉ Asʉɓɨɨ aɓio usokeni mombi ambʉtɨnisenikɔmʉ ganza, ɔɔtinisokɔmʉ tii. 19Mombi utiniseni ganza kʉndʉ utinisokɔmʉ, iinanɨ yambʉkɔmʉ ɨkyɛmɛ. Moni kɔɔ maja ya tʉkʉ kʉkyananakɨa mapanʉ kʉ Asʉɓɨɨ.
20Yɨkwanana ɓɔ mombi kʉ uɓomu uɓio tʉkʉ amati ʉ ʉɓɨɨ ngua i꞉nye‑ɔɔ ati ngia Asʉɓɨɨ a꞉musoko‑ɔɔ. 21Ndʉ Asʉɓɨɨ aɓio ʉnasokeni jɛnɛ wi꞉nyeni bayo, wɔɔɓiokɔmʉ kʉdya ɓatanga. Ɨkyɛmɨngana, wʉnyɨeni nɨngbaa yɛɛ ɓuɓununikie, ɓwanaka tʉkʉ ati ngiinanɨ. 22Jʉ bayo ngia Makʉʉɓɨɨ a꞉musoko a꞉nɨtanaka tiga mombi ɔɔ 'uɓununikie, nʉ a tii tʉkʉ mombi wʉ Makʉʉɓɨɨ. Ngbanga kʉ ɓwanɨ, mombi ɔɔ 'uɓununikie ngia Klisito a꞉musoko, a tiga bayo angɔ. 23Asʉɓɨɨ a꞉nɨkʉa nʉ ɨgabʉ yɛɛ ɓʉmʉ. Kʉ ɓwanɨ, nʉkwananakɔmʉ ɓata nanɨtanaka ɓabayo ɓʉ ɓombi. 24Inu ɓayoo ɓʉsɛmɛ, yɨkwanana mombi kʉ uɓomu uɓio nʉ ɓayo nʉ Asʉɓɨɨ, nʉ uɓio tʉkʉ ndʉ akʉ i꞉nye‑ɔɔ ati ngia Asʉɓɨɨ a꞉musoko‑ɔɔ.
Ʉpanʉ ekoo ʉ ɓaunabi nʉ ɓawoko
25Akʉ ɓombi ngiɓa ɓambʉchɨkanakɔmʉ, mambʉkɔmʉ kunzo ʉpanʉ ngua wʉʉngwa ɔɔ Makʉʉɓɨɨ. Ɨkyɛmɨngana, Makʉʉɓɨɨ a꞉pananiso 'ʉtʉma wʉ ikoko nguangɔ ekoo asɛmɛ, ambʉnanzo 'ʉtʉma wɔɔ pimise moni ninu kʉpana itungwio ngiisɛmɛ, jʉ ma mombi ngia ɓombi ɓʉkwanana kʉbaya moni kangɔ. 26Aka ekoo ɓʉka‑ɓʉkaɨ ɓʉ makwaa ngikakɛ, ɛmɛ mʉ꞉na iɗo ɓɔ mombi ɔɔchɨkanakɔmʉ. 27Ndʉ yaɓio ɓɔ wa꞉chɨkana chɨkanaa, wɔɔhatakɔmʉ kʉsɨana nʉ moi asɔɔ. Ndʉ waɓio wambʉchɨkanenikɔmʉ, wɔɔhatakɔmʉ kʉchɨka moi. 28Ɨkyɛmɨngana, ndʉ wachɨkana wʉkyɨakɔmʉ moni kɔɔ ɓɨɓɨ. Nʉ ndʉ mwana ɔɔ moi aunabi ɔngɔ achɨkana, yambʉkɔmʉ ɓɔ ʉkyɨa ɓʉɓɨɓɨ. Ɨkyɛmɨngana, ɓombi ngiɓa ɓakʉchɨkana, ɓaɓio amati ʉ ɓʉka‑ɓʉkaɨ amati ʉ ʉɓɨɨ nguʉndaɓʉ. Iiya ɛmɛ mʉkʉnda naɓɔ kunzo ʉpanʉ nguʉnanɨ aka ekoo ngia ɓɔ ɓɔɔkumuniokɔmʉ amati ʉ ɓʉka‑ɓʉkaɨ.
29Inu ɓayoo, mʉkunda ninu kʉɓɨa ɓɔ wati wutukuo gbititi. Kʉʉngwa ɨtakɨ‑takɨ ngiakɛ, yɨkwanana ɓɔ ɓugue ngiɓa ɓa꞉chɨkana chɨkanaa ʉɓɨɨ nguʉndaɓʉ wuɓio tʉkʉ ndʉ ɓambʉchɨkanakɔmʉ. 30Ɓiga ngiɓa ɓakʉndɨa ɓuɓio ngbanga kʉndʉ ɓombi ngiɓa ɓambʉkɔmʉ kʉndɨa. Ɓiga ngiɓa ɓakʉkwa ɨgyagya ɓuɓio ngbanga kʉndʉ ɓombi ngiɓa ɓambʉkɔmʉ kʉkwa ɨgyagya. Ɓombi ngiɓa ɓakʉkʉwa ɨkyɛmɛ ɓuɓio ngbanga kʉndʉ ɓombi ngiɓa ɓambʉkɔmʉ nʉ ɨkyɛmɛ. 31Ɓombi ngiɓa ɓakutumia kumbo ʉ ɨtaka ngiakɛ ɓuɓio ngbanga kʉndʉ ɓombi ngiɓa ɓambʉkɔmʉ nayɔ kutumia. Jʉ ɨtaka ngiakɛ yakʉɓaa kʉ ɨtakɨ‑takɨ.
32Makʉkʉnda ɓɔ nɔɔɓiokɔmʉ nʉ ɓatanga. Mombi ngia ambʉchɨkanakɔmʉ aanapɨa 'ʉtʉma tʉkʉ akʉ lɨngbaa lʉ moni ngila lʉ Makʉʉɓɨɨ, nʉ aakyɨa kʉkʉnda ɓɔ ʉkataa tʉkʉ Makʉʉɓɨɨ. 33Ɨkyɛmɨngana, mombi ngia a꞉chɨkana chɨkanaa aanapɨa 'ʉtʉma tʉkʉ akʉ moni kʉ ɨtaka, nʉ aahata ɓɔ uɓio tʉkʉ kʉkataa moi angɔ. 34Ɛyɔ aakyɨa iso aka ekoo lɨngbaa lʉ moni dyepini. Ngbanga kʉ ɓwanɨ, moi ngia ambʉkɔmʉ akʉ ɨɓaa, yɛmɔ ndʉ aɓio 'ʉsakyɛ, aanapɨa 'ʉtʉma tʉkʉ aka ekoo moni kʉ Makʉʉɓɨɨ, jʉ a꞉nzo ndʉtʉ ngiangɔ nʉ itungwio ngiangɔ akʉ Asʉɓɨɨ. Ɨkyɛmɨngana, moi ʉ ɨɓaa aanapɨa 'ʉtʉma nga wangɔ tʉkʉ aka ekoo ɓamoni ɓʉ ɨtaka, nʉ aahata tʉkʉ kʉkataa swaɨ.
35Moni ngika makʉyaka akɛ ka tʉkʉ akʉ iɗo yɨndɛnʉ, yambʉkɔmʉ ninu kʉgbʉmɨa ɨngbaa yɨ moni. Ɨkyɛmɨngana, maninu tʉkʉ kʉpanɨa moni ngika kʉɓaana nʉ ɓuɗo kʉkyɨa, ambʉ nzoneni kʉkyananakɨa Makʉʉɓɨɨ chʉkɔmʉ nʉ ɨkyɛmɛ ngia yaninangyo.
36Ndʉ mwana ʉ ɓandambʉ ana ɓɔ wati wɔɔchɨkanɛ nʉ gwa ɔɔ moi ngia ɓʉchwana nayɔ wakʉɓaa, ambuɓio tiga nʉ taa yangɔ nadɨndɨ, ɓʉchɨkaneni, ɓʉkyɨakɔmʉ ɓʉɓɨɓɨ gʉkʉ ɗɛkɛkɛ. Ɓʉkwanana tʉkʉ kʉchɨkana. 37Ɨkyɛmɨngana, ndʉ akwaisio amati ʉ 'ʉtʉma nguangɔ ɓɔ ambʉkʉchɨka moi ngia ɓaɓio ɓʉchwaneni nayɔ, nʉ ndʉ aɓio ʉkwaisieni amati ʉ 'ʉtʉma nguangɔ tʉkʉ ɓwanɨ, chʉkɔmʉ mombi ambʉmʉkpakpa nʉ moni kɔngɔ, ambʉ ʉkyɨa iɗo. 38Kʉ ɓwanɨ, ndʉ mombi achɨka moi ngia aɓio ʉmʉchweni ambʉ ʉ꞉kyɨa iɗo, nʉ ndʉ mombi ayaa kʉchɨka moi ngia aɓio ʉ꞉mʉchweni, ambʉ ʉ꞉kyɨa iɗo nadɨndɨ.
39Moi ʉ ɨɓaa aakyɨa ɛsɨ ʉ ʉpanʉ wʉ swaɨ wati kʉ uɓomu ngua swaɨ aɓio‑zʉ‑ɔɔ kʉkʉʉ. Ɨkyɛmɨngana, ndʉ swaɨ awo, ambʉ moi ngiinanɨ a tiga 'uɓununikie. A꞊kwanana tiga kʉchɨkana nʉ gue ɔmɔ ngia 'ʉtʉma wangɔ wakʉnda. Tɔ, chɨkana yɛngɔ yiɓio tʉkʉ iya yɨ ɓaklisito. 40Ʉna tɔ, moi ngiinanɨ akwanana piɛ kuɓio tiga amati ʉ majɨɔ nadɨndɨ ndʉ aɓio usenikɔmʉ tii ɓata ɨɓaa yɛmɔ. Itungwio ngiinanɨ ya tʉkʉ yɨsɛmɛ, nʉ makʉna ɓɔ 'Ʉtʉma wʉ Asʉɓɨɨ wa amati asɛmɛ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2021, Wycliffe Bible Translators, Inc.