1 Ɓakolito 10
10
Ʉpanʉ ekoo ɓombi ngiɓa ɓaabibiso ɓamʉngʉ ɓʉ yakanaka
1Inu ɓayoo, makʉkʉnda ninu kumbiiso ɨsaʉ ekoo ɓakuku ngiɓʉndɛsʉ ɓʉ jɛnɛ akʉ ɓɔndɔ ɓʉ Mʉsa. Ɛɓɔ kʉ ɓuɓomu ɓa꞉kɨndaka tʉkʉ ɛsɨ ʉ ɨkʉɓa ngia yi꞉nye naɓɔ kʉpɨmakɨa, kija ɛɓɔ kʉ ɓuɓomu ɓa꞉tapʉa ɗei ɔɔ 'ʉja ngia ɔɔ Ngbo tʉkʉ akʉ majɨɔ. 2Ɓombi ngiɓʉnanɨ kʉ ɓuɓomu ɓa꞉ɓuɓatiso tʉkʉ amati ʉ ɨkʉɓa ngiinanɨ, nʉ amati ʉ ɗei ngiinanɨ aka ekoo ngia ɓɔ ɓujubunio ɨzɔ nʉ ɔɔ Mʉsa. 3Ɛɓɔ kʉ ɓuɓomu ɓambʉdya tʉkʉ idyo mɨngana iya yɨ 'ʉtʉma. 4Ɛɓɔ kʉ ɓuɓomu ɓa꞉mwa ɨkyɛmɛ tʉkʉ mɨngana iya ya 'ʉtʉma, jʉ ɛɓɔ kʉ ɓuɓomu ɓa꞉mwa tʉkʉ mepo ngika ka꞉ɓʉa amati ʉ ikopi ngia yakɨndaka ɨzɔ naɓɔ. Ikopi ngiinanɨ yi꞉nye tʉkʉ Klisito. 5Ɨkyɛmɨngana, ɓombi ɓaja ati ʉndaɓʉ ɓa꞉kataakɔmʉ Asʉɓɨɨ, iikwa ɓakwanana‑ɔɔ kuwo akʉ 'ukengu.
6Moni ngikakɛ ka isisinio akʉ isu ambʉ kɔɔɓiokɔmʉ nʉ 'ʉtʉma wɔɔtananakɨɛ ɓamoni ɓɔɔ ɓɨɓɨ ndʉ ɓombi ngiɓʉnanɨ. 7Kʉ ɓwanɨ, nɔɔɓiokɔmʉ kubibiso ɓamʉngʉ ɓʉ yakanaka ngbanga ndʉ iya ɓombi ɓɔmɔ ati ʉndaɓʉ ɓa꞉kyɨa jɛnɛ, kʉndʉ Mubio kʉ Asʉɓɨɨ kakusigo ɓɔ: « Ɓombi ɓa꞉wulo kʉdyakaka nʉ kʉmwakanaka, kija mbise ɔngɔ ɓa꞉maa, ɓambufaniso ɓunonoko apɛɛ ʉ ɓamʉngʉ ɓʉ yakanaka. » 8Nɔɔkyɨakɔmʉ ɨndambʉ ngbanga ndʉ iya ɓombi ɓɔmɔ ati ʉ ɓombi ngiɓʉnanɨ ɓa꞉kyɨa jɛnɛ, kija tʉkʉ amati ʉ 'ukpekpe wʉ ɓisi mungono ɓombi ɓambuwo ɛlɛfʉ makumi kapɨnɨ nʉ kaatʉ. 9Kɔɔjijokenikɔmʉ Makʉʉɓɨɨ ngbanga ndʉ iya ɓombi ɓɔmɔ ati ʉndaɓʉ ɓa꞉kyɨa jɛnɛ, kija ɓazɨɨ ɓa꞉ɓʉdʉka. 10Nɔɔɓiokɔmʉ kʉgʉa aka ekoo ʉ ɓamoni ngbanga ndʉ iya ɓombi nga ɓɔmɔ ati ʉndaɓʉ ɓa꞉kyɨa jɛnɛ, kija malaika ngia aadʉka ɓombi a꞉ɓʉdʉka.
11Moni ngikʉnanɨ kʉ muɓomu ka꞉ɓʉkyɨa ambʉ yiɓio isisinio akʉ ɓombi nga ɓɔmɔ, nʉ ɓa꞉kʉtɨndakɨa ambʉ kuɓio nisu kʉpanɨa jʉ ka tiga akʉ wati wʉ 'upipio. 12Kʉ ɓwanɨ, gwa ngia akʉna ɓɔ a 'ʉmaɨ ɓʉ ngbɔmʉ, ʉpɨmɨa ɓɔ ɔɔkwakɔmʉ. 13Kanyo kʉ iɓomu ngia nakʉɓaa amati ɔngɔ, ya kʉ kanyo mɨngana ngia ɓombi nga ɓɔmɔ kʉ ɓuɓomu ɓaaɓaa amati ɔngɔ. Asʉɓɨɨ ambakanɨtananaka, nʉ ambʉkʉkwanana ninu kʉsɨa kʉɓaa amati ʉ kanyo ikanzi ngia ya꞊nɨɓaa‑ɔɔ angu. Ɨkyɛmɨngana, ndʉ naɓio kʉɓaa amati ʉ kanyo, Asʉɓɨɨ a꞊kwanana ninu kunzo angu ɔɔ ɓwanakɛ amati ɔngɔ, ambʉ nɔɔkwa tii ɓata amati ɔngɔ.
Chʉkɔmʉ kujubunio nʉ ɓabɨa
14Kʉ ɓwanɨ, inu ɓayoo ɓʉsɛmɛ ɓʉ ɓʉkʉnda, pɨmɨeni ɓɔ nɔɔɓiokɔmʉ kubibiso ɓamʉngʉ ɓʉ yakanaka. 15Maninu kʉngakɨa moni ngikakɛ inu ndʉ ɓombi ngiɓa nanʉ mbɨmbanaka. Kanganakɨeni‑zʉ moni ngika maninu kusigio akɛ ɓɔ, 16ati ngia kaamwa‑ɔɔ ʉpata kutuisio Asʉɓɨɨ ɨbɨba, isu kaajubunio nʉ ɔɔ Klisito 'upi akʉ miniki ngikangɔ. Ati ngia kaaɓundo‑ɔɔ mʉkati nʉ nɨdya engo, kaajubunio nʉ ɔɔ Klisito 'upi akʉ ndʉtʉ ngiangɔ. 17Jʉ mukati wa tʉkʉ mungono, abana ndʉ isu ka ɓaja kititi, ɨkyɛmɨngana ka tʉkʉ ndʉtʉ mɨngana, jʉ isu kʉ ɓuɓomu kaaɨpakana tʉkʉ mukati mungono nguʉnaa.
18Kangeni‑zʉ isisinio yɨ Ɓaɨsalaɛlɛ iɓa ɓaadya anzɨɓɔ ngia ɓaakyɨa ɓunzeni akʉ 'ʉtʉmbɨa. Ajʉ ɛɓɔ ɓaajubunio nʉ ɔɔ Asʉɓɨɨ ɨngbaa akʉ gbɔgbɔ wʉ 'ʉtʉmbɨa kʉ jubunioni ɓiɛ? 19Ajʉ makʉkʉnda kusigo ɓɔ anzɨɓɔ ʉ ɓanama ngiɓa ɓaaɓunzo apɛpɛ ɔngɔ akʉ ɓamʉngʉ ɓʉ yakanaka anʉ ɨjangɨa ɓiɛ, gʉ ɓɔ ɓamʉngʉ ɓʉ yakanaka ɓanʉ ɨjangɨa ɓiɛ? 20Chʉkɔɔ, makʉkʉnda ninu kumbiiso ɓɔ, kumbo ngia ɓombi ngiɓa ɓambʉkɔmʉ Ɓayuda ɓaanzo apɛpɛ ɔngɔ, ɓaanzo tʉkʉ ɓabɨa, chʉkɔmʉ akʉ Asʉɓɨɨ. Mambʉkɔmʉ kʉbaya ɓɔ inu ɓieni nʉ ɓayo nʉ ɓabɨa. 21Nʉkwananakɔmʉ kʉmwa ʉpata ngua wʉ Asʉɓɨɨ nʉ ʉwa wʉ ɓabɨa. Kʉ ɓwanɨ, nʉkwananakɔmʉ kʉdyakaka akʉ gbɔgbɔ ngia wʉ Makʉʉɓɨɨ nʉ akʉ iya wʉ ɓabɨa. 22Ndʉ kakyɨa ɓwanɨ, ajʉ yambʉkɔmʉ kusigo ɓɔ kakujijoko Makʉʉɓɨɨ ɓɔ uɓio nʉ ɨwaɨ ɓiɛ? Ajʉ nakuyo ɓɔ isu kanʉ angu nayɔ kʉɓaa ɛyɔ ɓiɛ?
Kʉkyɨa ɓamoni kʉ ɓuɓomu tʉkʉ akʉ ɨbɨba yɨ Asʉɓɨɨ
23Ɓombi ɓɔmɔ ɓaasigo ɓɔ: « Ɓa꞉tatisokɔmʉ ɨkyɛmɛ gʉkʉ mɨngana. » Ya ndʉ ananɨ, ɨkyɛmɨngana yanʉ kumbo nga kɔmɔ ngia ambʉkɔmʉ uɗo akʉ inu. « Ɓa꞉tatisokɔmʉ ɨkyɛmɛ gʉkʉ mɨngana », ɨkyɛmɨngana kumbo kʉ uɓomu ambʉkʉkwanana kʉmaiso baya yɨ mombi. 24Mombi ɔɔkangakɔmʉ tʉkʉ ɓamoni ngiɓa ɓanʉ dada akʉ ɛyɔ makʉɔngɔ, ɨkyɛmɨngana ʉkanga ɓamoni ngiɓa ɓanʉ dada akʉ ɓombi ɓɔmɔ kʉ kangaa.
25Dyeni kumbo kʉ uɓomu ngia ɓaagaba akʉ sɔkɔ nʉ iyo yɨ 'ʉtʉma tʉkʉ ɓʉ dɨɨ, chʉkɔmʉ nʉ ɓokono moni ekoo ɔngɔ. 26Jʉ Mubio kʉ Asʉɓɨɨ kaasigo ɓɔ: « Ɨtaka nʉ kumbo kʉ uɓomu ngia amati ɔngɔ a wʉ Makʉʉɓɨɨ. »
27Ndʉ mombi ngia ambʉkɔmʉ nʉ baya anisukio idyo, ndʉ nabaya kʉsa, idyo kʉ iɓomu ngia ɓaninzo dyeni nʉ iyo yɨ 'ʉtʉma tʉkʉ ɓʉ dɨɨ, nɔɔɓiokɔmʉ kʉdya ɓatanga kʉɓokono moni ekoo ɔngɔ. 28Ɨkyɛmɨngana, ndʉ mombi anisigio ɓɔ nɔɔdyakɔmʉ anzɨɓɔ ngia jʉ ɓa꞉'unzo akʉ ɓamʉngʉ ɓʉ yakanaka, nɔɔ'ʉdyakɔmʉ. Sɨeni anzɨɓɔ ngiinanɨ aka ekoo moni ngikʉnanɨ mombi ngiinanɨ ʉ꞉nisigioo, nʉ aka ekoo ngia ɓɔ iyo yɨ 'ʉtʉma ngiindɛnʉ yiɓio tʉkʉ ɓʉ dɨɨ. 29Mambʉkɔmʉ kʉyaka aka ekoo iyo yɨ 'ʉtʉma ngiindɛnʉ, ɨkyɛmɨngana ekoo iyo yɨ 'ʉtʉma yɨ mombi ngia u꞉nisukio idyo.
Jʉtanɨ ɓʉnatatiso ɓɔ mɔɔkyɨakɔmʉ ɨkyɛmɛ ngia 'ʉtʉma nguʉsɛmɛ wa kʉkʉnda engo, tʉkʉ akʉ ekoo ʉ itungwio yɨ ɓombi ɓɔmɔ?
30Ndʉ maɓio ɓɔ makutuisio Asʉɓɨɨ ɨbɨba akʉ idyo ngia makʉdya engo, jʉtanɨ ɓombi nga ɓɔmɔ ɓaɓio tiga nɛmɛ kʉmɨnya ekoo idyo ngia maɓio mutuisieni‑ɔɔ Asʉɓɨɨ ɨbɨba?
31Kʉ ɓwanɨ, yiɓio ɓɔ nakʉdya idyo, gʉ ɓɔ nakʉmwa ɨkyɛmɛ, yɛmɔ ɓɔ nakʉkyɨa ɨkyɛmɛ yɛmɔ kʉ di, kyɨeni ɓamoni ngiɓʉnanɨ kʉ ɓuɓomu tʉkʉ akʉ ɨbɨba yɨ Asʉɓɨɨ. 32Nɔɔɓiokɔmʉ itiki‑tiki yɛɛ kwisise mombi gʉkʉ mʉngana, yiɓio akʉ Ɓayuda kʉndʉ ɓombi ngiɓa ɓambʉkɔmʉ Ɓayuda, abana kʉndʉ akʉ kanisa wʉ Asʉɓɨɨ. 33Inu kpateni ɨkyananakɨa ngiisɛmɛ. Ɛmɛ makʉkyɨa ɓʉmʉ ɓɔ muɓio kʉkataa ɓombi akʉ lɨngbaa lʉ moni ngilʉsɛmɛ kʉ liɓomu. Ɛmɛ mambakahata iɗo ngiisɛmɛ makʉɔngɔ, ɨkyɛmɨngana maahata ɨjangɨa yɨ ɓombi ɓaja, aka ekoo ngia ɓɔ ɓombi kʉ ɓuɓomu ɓʉnyɨa nʉ ɓʉhɨa.
ទើបបានជ្រើសរើសហើយ៖
1 Ɓakolito 10: BudKoya
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2021, Wycliffe Bible Translators, Inc.
1 Ɓakolito 10
10
Ʉpanʉ ekoo ɓombi ngiɓa ɓaabibiso ɓamʉngʉ ɓʉ yakanaka
1Inu ɓayoo, makʉkʉnda ninu kumbiiso ɨsaʉ ekoo ɓakuku ngiɓʉndɛsʉ ɓʉ jɛnɛ akʉ ɓɔndɔ ɓʉ Mʉsa. Ɛɓɔ kʉ ɓuɓomu ɓa꞉kɨndaka tʉkʉ ɛsɨ ʉ ɨkʉɓa ngia yi꞉nye naɓɔ kʉpɨmakɨa, kija ɛɓɔ kʉ ɓuɓomu ɓa꞉tapʉa ɗei ɔɔ 'ʉja ngia ɔɔ Ngbo tʉkʉ akʉ majɨɔ. 2Ɓombi ngiɓʉnanɨ kʉ ɓuɓomu ɓa꞉ɓuɓatiso tʉkʉ amati ʉ ɨkʉɓa ngiinanɨ, nʉ amati ʉ ɗei ngiinanɨ aka ekoo ngia ɓɔ ɓujubunio ɨzɔ nʉ ɔɔ Mʉsa. 3Ɛɓɔ kʉ ɓuɓomu ɓambʉdya tʉkʉ idyo mɨngana iya yɨ 'ʉtʉma. 4Ɛɓɔ kʉ ɓuɓomu ɓa꞉mwa ɨkyɛmɛ tʉkʉ mɨngana iya ya 'ʉtʉma, jʉ ɛɓɔ kʉ ɓuɓomu ɓa꞉mwa tʉkʉ mepo ngika ka꞉ɓʉa amati ʉ ikopi ngia yakɨndaka ɨzɔ naɓɔ. Ikopi ngiinanɨ yi꞉nye tʉkʉ Klisito. 5Ɨkyɛmɨngana, ɓombi ɓaja ati ʉndaɓʉ ɓa꞉kataakɔmʉ Asʉɓɨɨ, iikwa ɓakwanana‑ɔɔ kuwo akʉ 'ukengu.
6Moni ngikakɛ ka isisinio akʉ isu ambʉ kɔɔɓiokɔmʉ nʉ 'ʉtʉma wɔɔtananakɨɛ ɓamoni ɓɔɔ ɓɨɓɨ ndʉ ɓombi ngiɓʉnanɨ. 7Kʉ ɓwanɨ, nɔɔɓiokɔmʉ kubibiso ɓamʉngʉ ɓʉ yakanaka ngbanga ndʉ iya ɓombi ɓɔmɔ ati ʉndaɓʉ ɓa꞉kyɨa jɛnɛ, kʉndʉ Mubio kʉ Asʉɓɨɨ kakusigo ɓɔ: « Ɓombi ɓa꞉wulo kʉdyakaka nʉ kʉmwakanaka, kija mbise ɔngɔ ɓa꞉maa, ɓambufaniso ɓunonoko apɛɛ ʉ ɓamʉngʉ ɓʉ yakanaka. » 8Nɔɔkyɨakɔmʉ ɨndambʉ ngbanga ndʉ iya ɓombi ɓɔmɔ ati ʉ ɓombi ngiɓʉnanɨ ɓa꞉kyɨa jɛnɛ, kija tʉkʉ amati ʉ 'ukpekpe wʉ ɓisi mungono ɓombi ɓambuwo ɛlɛfʉ makumi kapɨnɨ nʉ kaatʉ. 9Kɔɔjijokenikɔmʉ Makʉʉɓɨɨ ngbanga ndʉ iya ɓombi ɓɔmɔ ati ʉndaɓʉ ɓa꞉kyɨa jɛnɛ, kija ɓazɨɨ ɓa꞉ɓʉdʉka. 10Nɔɔɓiokɔmʉ kʉgʉa aka ekoo ʉ ɓamoni ngbanga ndʉ iya ɓombi nga ɓɔmɔ ati ʉndaɓʉ ɓa꞉kyɨa jɛnɛ, kija malaika ngia aadʉka ɓombi a꞉ɓʉdʉka.
11Moni ngikʉnanɨ kʉ muɓomu ka꞉ɓʉkyɨa ambʉ yiɓio isisinio akʉ ɓombi nga ɓɔmɔ, nʉ ɓa꞉kʉtɨndakɨa ambʉ kuɓio nisu kʉpanɨa jʉ ka tiga akʉ wati wʉ 'upipio. 12Kʉ ɓwanɨ, gwa ngia akʉna ɓɔ a 'ʉmaɨ ɓʉ ngbɔmʉ, ʉpɨmɨa ɓɔ ɔɔkwakɔmʉ. 13Kanyo kʉ iɓomu ngia nakʉɓaa amati ɔngɔ, ya kʉ kanyo mɨngana ngia ɓombi nga ɓɔmɔ kʉ ɓuɓomu ɓaaɓaa amati ɔngɔ. Asʉɓɨɨ ambakanɨtananaka, nʉ ambʉkʉkwanana ninu kʉsɨa kʉɓaa amati ʉ kanyo ikanzi ngia ya꞊nɨɓaa‑ɔɔ angu. Ɨkyɛmɨngana, ndʉ naɓio kʉɓaa amati ʉ kanyo, Asʉɓɨɨ a꞊kwanana ninu kunzo angu ɔɔ ɓwanakɛ amati ɔngɔ, ambʉ nɔɔkwa tii ɓata amati ɔngɔ.
Chʉkɔmʉ kujubunio nʉ ɓabɨa
14Kʉ ɓwanɨ, inu ɓayoo ɓʉsɛmɛ ɓʉ ɓʉkʉnda, pɨmɨeni ɓɔ nɔɔɓiokɔmʉ kubibiso ɓamʉngʉ ɓʉ yakanaka. 15Maninu kʉngakɨa moni ngikakɛ inu ndʉ ɓombi ngiɓa nanʉ mbɨmbanaka. Kanganakɨeni‑zʉ moni ngika maninu kusigio akɛ ɓɔ, 16ati ngia kaamwa‑ɔɔ ʉpata kutuisio Asʉɓɨɨ ɨbɨba, isu kaajubunio nʉ ɔɔ Klisito 'upi akʉ miniki ngikangɔ. Ati ngia kaaɓundo‑ɔɔ mʉkati nʉ nɨdya engo, kaajubunio nʉ ɔɔ Klisito 'upi akʉ ndʉtʉ ngiangɔ. 17Jʉ mukati wa tʉkʉ mungono, abana ndʉ isu ka ɓaja kititi, ɨkyɛmɨngana ka tʉkʉ ndʉtʉ mɨngana, jʉ isu kʉ ɓuɓomu kaaɨpakana tʉkʉ mukati mungono nguʉnaa.
18Kangeni‑zʉ isisinio yɨ Ɓaɨsalaɛlɛ iɓa ɓaadya anzɨɓɔ ngia ɓaakyɨa ɓunzeni akʉ 'ʉtʉmbɨa. Ajʉ ɛɓɔ ɓaajubunio nʉ ɔɔ Asʉɓɨɨ ɨngbaa akʉ gbɔgbɔ wʉ 'ʉtʉmbɨa kʉ jubunioni ɓiɛ? 19Ajʉ makʉkʉnda kusigo ɓɔ anzɨɓɔ ʉ ɓanama ngiɓa ɓaaɓunzo apɛpɛ ɔngɔ akʉ ɓamʉngʉ ɓʉ yakanaka anʉ ɨjangɨa ɓiɛ, gʉ ɓɔ ɓamʉngʉ ɓʉ yakanaka ɓanʉ ɨjangɨa ɓiɛ? 20Chʉkɔɔ, makʉkʉnda ninu kumbiiso ɓɔ, kumbo ngia ɓombi ngiɓa ɓambʉkɔmʉ Ɓayuda ɓaanzo apɛpɛ ɔngɔ, ɓaanzo tʉkʉ ɓabɨa, chʉkɔmʉ akʉ Asʉɓɨɨ. Mambʉkɔmʉ kʉbaya ɓɔ inu ɓieni nʉ ɓayo nʉ ɓabɨa. 21Nʉkwananakɔmʉ kʉmwa ʉpata ngua wʉ Asʉɓɨɨ nʉ ʉwa wʉ ɓabɨa. Kʉ ɓwanɨ, nʉkwananakɔmʉ kʉdyakaka akʉ gbɔgbɔ ngia wʉ Makʉʉɓɨɨ nʉ akʉ iya wʉ ɓabɨa. 22Ndʉ kakyɨa ɓwanɨ, ajʉ yambʉkɔmʉ kusigo ɓɔ kakujijoko Makʉʉɓɨɨ ɓɔ uɓio nʉ ɨwaɨ ɓiɛ? Ajʉ nakuyo ɓɔ isu kanʉ angu nayɔ kʉɓaa ɛyɔ ɓiɛ?
Kʉkyɨa ɓamoni kʉ ɓuɓomu tʉkʉ akʉ ɨbɨba yɨ Asʉɓɨɨ
23Ɓombi ɓɔmɔ ɓaasigo ɓɔ: « Ɓa꞉tatisokɔmʉ ɨkyɛmɛ gʉkʉ mɨngana. » Ya ndʉ ananɨ, ɨkyɛmɨngana yanʉ kumbo nga kɔmɔ ngia ambʉkɔmʉ uɗo akʉ inu. « Ɓa꞉tatisokɔmʉ ɨkyɛmɛ gʉkʉ mɨngana », ɨkyɛmɨngana kumbo kʉ uɓomu ambʉkʉkwanana kʉmaiso baya yɨ mombi. 24Mombi ɔɔkangakɔmʉ tʉkʉ ɓamoni ngiɓa ɓanʉ dada akʉ ɛyɔ makʉɔngɔ, ɨkyɛmɨngana ʉkanga ɓamoni ngiɓa ɓanʉ dada akʉ ɓombi ɓɔmɔ kʉ kangaa.
25Dyeni kumbo kʉ uɓomu ngia ɓaagaba akʉ sɔkɔ nʉ iyo yɨ 'ʉtʉma tʉkʉ ɓʉ dɨɨ, chʉkɔmʉ nʉ ɓokono moni ekoo ɔngɔ. 26Jʉ Mubio kʉ Asʉɓɨɨ kaasigo ɓɔ: « Ɨtaka nʉ kumbo kʉ uɓomu ngia amati ɔngɔ a wʉ Makʉʉɓɨɨ. »
27Ndʉ mombi ngia ambʉkɔmʉ nʉ baya anisukio idyo, ndʉ nabaya kʉsa, idyo kʉ iɓomu ngia ɓaninzo dyeni nʉ iyo yɨ 'ʉtʉma tʉkʉ ɓʉ dɨɨ, nɔɔɓiokɔmʉ kʉdya ɓatanga kʉɓokono moni ekoo ɔngɔ. 28Ɨkyɛmɨngana, ndʉ mombi anisigio ɓɔ nɔɔdyakɔmʉ anzɨɓɔ ngia jʉ ɓa꞉'unzo akʉ ɓamʉngʉ ɓʉ yakanaka, nɔɔ'ʉdyakɔmʉ. Sɨeni anzɨɓɔ ngiinanɨ aka ekoo moni ngikʉnanɨ mombi ngiinanɨ ʉ꞉nisigioo, nʉ aka ekoo ngia ɓɔ iyo yɨ 'ʉtʉma ngiindɛnʉ yiɓio tʉkʉ ɓʉ dɨɨ. 29Mambʉkɔmʉ kʉyaka aka ekoo iyo yɨ 'ʉtʉma ngiindɛnʉ, ɨkyɛmɨngana ekoo iyo yɨ 'ʉtʉma yɨ mombi ngia u꞉nisukio idyo.
Jʉtanɨ ɓʉnatatiso ɓɔ mɔɔkyɨakɔmʉ ɨkyɛmɛ ngia 'ʉtʉma nguʉsɛmɛ wa kʉkʉnda engo, tʉkʉ akʉ ekoo ʉ itungwio yɨ ɓombi ɓɔmɔ?
30Ndʉ maɓio ɓɔ makutuisio Asʉɓɨɨ ɨbɨba akʉ idyo ngia makʉdya engo, jʉtanɨ ɓombi nga ɓɔmɔ ɓaɓio tiga nɛmɛ kʉmɨnya ekoo idyo ngia maɓio mutuisieni‑ɔɔ Asʉɓɨɨ ɨbɨba?
31Kʉ ɓwanɨ, yiɓio ɓɔ nakʉdya idyo, gʉ ɓɔ nakʉmwa ɨkyɛmɛ, yɛmɔ ɓɔ nakʉkyɨa ɨkyɛmɛ yɛmɔ kʉ di, kyɨeni ɓamoni ngiɓʉnanɨ kʉ ɓuɓomu tʉkʉ akʉ ɨbɨba yɨ Asʉɓɨɨ. 32Nɔɔɓiokɔmʉ itiki‑tiki yɛɛ kwisise mombi gʉkʉ mʉngana, yiɓio akʉ Ɓayuda kʉndʉ ɓombi ngiɓa ɓambʉkɔmʉ Ɓayuda, abana kʉndʉ akʉ kanisa wʉ Asʉɓɨɨ. 33Inu kpateni ɨkyananakɨa ngiisɛmɛ. Ɛmɛ makʉkyɨa ɓʉmʉ ɓɔ muɓio kʉkataa ɓombi akʉ lɨngbaa lʉ moni ngilʉsɛmɛ kʉ liɓomu. Ɛmɛ mambakahata iɗo ngiisɛmɛ makʉɔngɔ, ɨkyɛmɨngana maahata ɨjangɨa yɨ ɓombi ɓaja, aka ekoo ngia ɓɔ ɓombi kʉ ɓuɓomu ɓʉnyɨa nʉ ɓʉhɨa.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2021, Wycliffe Bible Translators, Inc.