Markut 11
11
Ba̱nyet Urushalima a̱ gwai Yesu
(Matta 21:1-11; Luka 19:28-40; Yohana 12:12-19)
1Yesu bu na̱won pfong nu na a̱ bu ba shishrek bu Urushalima bu Baitafaji bu Baitanya a̱za̱gbang tsok Zeitun nu, Yesu a̱ tun ba̱nyet ba̱hwa ba sook ka̱son, 2a̱ hywa da̱ mba, “Yi nat ka̱bankrang yaan ni a̱zanson nyin ka. Yi naat si ryi ba rop hwung ka̱janki na ba ka̱n wi wrak i. Yi ka̱ byyik bu n dyi. 3Ka̱ a̱yin a̱ ya zzim, ‘A̱nzan a̱n byyi yin yya a̱mi?’ yi hywa, ‘A̱ntyok ka̱ryi nu a̱mi a̱ ka̱ cat, a̱ ni brek da̱ nka ba̱nyying.’ ”
4Ba nat a̱ si shya ba rop hwung ka̱janki ka̱nu ka̱ryi a̱yanyet ka̱nu a̱zi ryen, ba nwa byyi ka̱janki ka. 5Ba̱yanyet ba sseng a̱ ba̱ zzim, “A̱nzan a̱n byyi yin byyi ka̱janki ka?”
6Ba hywa bu ka̱sak ka Yesu na̱ bun ba̱ tyyei ni. Ba ba̱ wwon ba nat bu ka̱janki ka 7a̱ ba mi di Yesu, a̱ kruk ba̱godo mba ba a̱n kup a̱za̱ma ka̱janki ka, na̱ wrak a̱n swrang. 8Ba̱nyet ba̱gingang a̱ kwut ba̱tro mba bu ba̱godo a̱ trak a̱zi ryen ka Yesu a̱ ga shai a̱ swrap. Ba̱yanyet a̱ bvei a̱pipyyi a̱ kwot a̱zi ryen ka. 9Ba̱nyet a̱ gbit a̱ ku tssup a̱ ku tyei “Mahaba̱n!” a̱ ku tang a̱didyep a̱ yya, “Zi dyep Ka̱za! Ka̱za a̱ ku wwon nda, nu a̱yin nu a̱ bai i diyrek A̱gwam Tazwa ni! 10Dityok a̱tyyi a̱kwop njit Dawuda ti bai! Ka̱za a̱ ta̱ wwon nda! Zi dyep Ka̱za!”
11Yesu a̱ nwa Urushalima, a̱ bo nwa bat Ka̱za na, a̱ cyang nkyang a ba̱sa̱rei, ma ka̱ram iya nom a ku ka̱n beyak, na̱ seyak a̱ nat Baitanya bu ba̱pfong nu ba swak bu ba̱hwa.
Yesu a̱ hywa di ka̱kon a̱bvap ka bo ni sum ba
(Matta 21:18-19)
12Ka̱ntson a̱ wo tat ba bvwot nyyai Baitanya, Yesu a̱ hok cihywat. 13Na̱ sseng gbang a̱ ryi ka̱kon a̱bvap bu na̱sham a̱pipyyi a̱ teyak a̱ nat dityin nka ti a̱ ryi ki ka byyi disum. Ma na̱ si tat dityin ti a̱ ryi ka̱ yet ba̱pipyyi, rot ka̱ram disum a̱bvap a̱ yemi ba. 14Yesu a̱ hywa di ka̱kon a̱bvap ka, “A̱yin a̱n shyi a̱ bo ni ya disum nwan ba.”
Na̱won pfong nu na a̱ hok.
Yesu a̱ tssu bat Ka̱za
(Matta 21:12-17; Luka 19:45-48; Yohana 2:13-22)
15Ba bu nwa Urushalima, na̱ si nwa i bat Ka̱za na, a̱ shya ba̱nyet ba shyi yya za ka̱yat bat ka. Na̱ ba̱ nying a̱ wruk i, a̱ yyit tebur ba̱nyet ssek krum ba bu ba̱kprok ba̱nyet zzap ba̱ ta̱nta̱ba̱ra̱ ba a̱ zzwam. 16A̱n bvwo ba̱nyet ba cot kyang bu seyak i bat Ka̱za na. 17A̱ si bo nwa ba̱ zzek, a̱ hywa, “Ba̱ryat Ka̱za a̱ hywa, ‘Ka̱ryi nzuk a̱ ni yet ka̱ryi a̱duwa ba̱nyet ba̱sa̱rei,’ ma nyin ka̱ brak n yya bvong ba̱tang.”
18Ba̱cecet ba̱gado Ka̱za bu ba̱malam truwang ba a̱ hok nkhang nu na, a̱ nwa cat diwat ku hywat, domin ba pfong ka̱wun nu, rot sa̱rei ba̱nyet ba a̱ yya ka̱hat zzek nu ji.
19Ka̱jenshring ka bu ba, Yesu bu na̱won pfong nu na a̱ wruk a̱ wwon ka̱nkrang ka.
Ka̱kon a̱bvap ka a̱ kwot
(Matta 21:20-22)
20Ba wo mak ka̱bvwa a̱ sook ryen na. Ba si tat a̱ ryi ka̱kon a̱bvap iya Yesu na̱ ku hywa di ka bo ni sum ni ba, ka kwot sa̱rei ba̱ a̱nan na. 21Bitut a̱ ka̱ ryi a̱ yring, a̱ hywa di Yesu, “Malam, dyi ka̱kon a̱bvap ka a ku hywa di ka bo ni sum ni ba, ka kwu!”
22Yesu a̱ hywa da̱ mba, “Yi ryok bring ba! Ka̱ a̱yin a̱ wrak Ka̱za rya nu na. 23Ka̱ shim a̱ hywa di dihwan, ‘Ya wat ta i kei ti ni!’ Ka̱ naai a̱mi di rya yring, a ryi Ka̱za ka hok naai nu na. 24Nkpa n ni hywa da̱ nyin, ka̱ram ka yin yya a̱duwa naai kyang ni yin tyyi rya yi ka̱n san kyang a̱ya, yi ryi ba ma̱ ya ryi kyang a yi cat i. 25Ki yi ma̱ nwa a̱duwa, yi yem brek si jyi ba̱ a̱yin nu yi ya byyan ba̱ nu ni, A̱tyyi nyin nu a̱ shyi Tazwa ka ni a̱ ga ma̱ hok ansham bring a̱ka̱tukyya nyin nu. [ 26Ki yi rak jyi bu ba̱nyet ba yi ya byyan ba̱ mba ni, A̱tyyi nyin nu a̱ shyi Tazwa ka ni a̱ ma̱ ni ya breng npfwa.]”
A̱cecet tazwa dityok Yesu
(Matta 21:23-27; Luka 20:1-8)
27Ba brek a̱ ba Urushalima na̱ bu nwa bat Ka̱za na a̱ cong. Ba̱cecet ba̱gado Ka̱za ba bu ba̱malam truwang ba bu ba̱nekwo ba a̱ nyyai a̱ ba da̱ nu, 28a̱ bu ku zzim, “A̱nzan a yet n yya nkyang a̱ni? A̱nyan a̱ na̱ nang dityok na̱ yya na?”
29Yesu a̱ hywa da̱ mba, “N ma̱ ni ya zzim bu kyang yring. Ki yi n tyyei n ma̱ ya tyyei kyang a n yet ni n yya nkyang ani ni. 30Yi n tyyei a̱nyan a̱ yi wrak Yohana cet yya baptisma na, Ka̱za ka̱ a̱neywu.”
31Ba nwa ya a̱cecet, a̱ cat kyang a ba ni hywa ni. Ba hywa, “Ki zi hywa da̱ ku yin nyyai di Ka̱za, na̱ hywa, ‘A̱nzan a̱n byyi yin dak hok ba̱ryat nu ba?’ 32Ka̱ zi ma̱n hywa ku yin yet nyyi ba̱neywu, To -- .” (Ba pfong ka̱wun ba̱nyet ba a̱ sseng ka̱ yemi ni rot ba̱nyet ba a̱ yin bvwo Yohana a̱ yet a̱ntyok tyyei ba̱ryat Ka̱za.) 33Ba ryin kyang hywa, a̱ hywa da̱ nu, “Zi bvwo ba.”
Yesu a̱ hywa da̱ mba, “N ma̱ ni ya tyyei kyang a n yet n yya nkyang ani ni ba.”
ទើបបានជ្រើសរើសហើយ៖
Markut 11: kaj
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Wycliffe Bible Translators, Inc. All rights reserved.
Markut 11
11
Ba̱nyet Urushalima a̱ gwai Yesu
(Matta 21:1-11; Luka 19:28-40; Yohana 12:12-19)
1Yesu bu na̱won pfong nu na a̱ bu ba shishrek bu Urushalima bu Baitafaji bu Baitanya a̱za̱gbang tsok Zeitun nu, Yesu a̱ tun ba̱nyet ba̱hwa ba sook ka̱son, 2a̱ hywa da̱ mba, “Yi nat ka̱bankrang yaan ni a̱zanson nyin ka. Yi naat si ryi ba rop hwung ka̱janki na ba ka̱n wi wrak i. Yi ka̱ byyik bu n dyi. 3Ka̱ a̱yin a̱ ya zzim, ‘A̱nzan a̱n byyi yin yya a̱mi?’ yi hywa, ‘A̱ntyok ka̱ryi nu a̱mi a̱ ka̱ cat, a̱ ni brek da̱ nka ba̱nyying.’ ”
4Ba nat a̱ si shya ba rop hwung ka̱janki ka̱nu ka̱ryi a̱yanyet ka̱nu a̱zi ryen, ba nwa byyi ka̱janki ka. 5Ba̱yanyet ba sseng a̱ ba̱ zzim, “A̱nzan a̱n byyi yin byyi ka̱janki ka?”
6Ba hywa bu ka̱sak ka Yesu na̱ bun ba̱ tyyei ni. Ba ba̱ wwon ba nat bu ka̱janki ka 7a̱ ba mi di Yesu, a̱ kruk ba̱godo mba ba a̱n kup a̱za̱ma ka̱janki ka, na̱ wrak a̱n swrang. 8Ba̱nyet ba̱gingang a̱ kwut ba̱tro mba bu ba̱godo a̱ trak a̱zi ryen ka Yesu a̱ ga shai a̱ swrap. Ba̱yanyet a̱ bvei a̱pipyyi a̱ kwot a̱zi ryen ka. 9Ba̱nyet a̱ gbit a̱ ku tssup a̱ ku tyei “Mahaba̱n!” a̱ ku tang a̱didyep a̱ yya, “Zi dyep Ka̱za! Ka̱za a̱ ku wwon nda, nu a̱yin nu a̱ bai i diyrek A̱gwam Tazwa ni! 10Dityok a̱tyyi a̱kwop njit Dawuda ti bai! Ka̱za a̱ ta̱ wwon nda! Zi dyep Ka̱za!”
11Yesu a̱ nwa Urushalima, a̱ bo nwa bat Ka̱za na, a̱ cyang nkyang a ba̱sa̱rei, ma ka̱ram iya nom a ku ka̱n beyak, na̱ seyak a̱ nat Baitanya bu ba̱pfong nu ba swak bu ba̱hwa.
Yesu a̱ hywa di ka̱kon a̱bvap ka bo ni sum ba
(Matta 21:18-19)
12Ka̱ntson a̱ wo tat ba bvwot nyyai Baitanya, Yesu a̱ hok cihywat. 13Na̱ sseng gbang a̱ ryi ka̱kon a̱bvap bu na̱sham a̱pipyyi a̱ teyak a̱ nat dityin nka ti a̱ ryi ki ka byyi disum. Ma na̱ si tat dityin ti a̱ ryi ka̱ yet ba̱pipyyi, rot ka̱ram disum a̱bvap a̱ yemi ba. 14Yesu a̱ hywa di ka̱kon a̱bvap ka, “A̱yin a̱n shyi a̱ bo ni ya disum nwan ba.”
Na̱won pfong nu na a̱ hok.
Yesu a̱ tssu bat Ka̱za
(Matta 21:12-17; Luka 19:45-48; Yohana 2:13-22)
15Ba bu nwa Urushalima, na̱ si nwa i bat Ka̱za na, a̱ shya ba̱nyet ba shyi yya za ka̱yat bat ka. Na̱ ba̱ nying a̱ wruk i, a̱ yyit tebur ba̱nyet ssek krum ba bu ba̱kprok ba̱nyet zzap ba̱ ta̱nta̱ba̱ra̱ ba a̱ zzwam. 16A̱n bvwo ba̱nyet ba cot kyang bu seyak i bat Ka̱za na. 17A̱ si bo nwa ba̱ zzek, a̱ hywa, “Ba̱ryat Ka̱za a̱ hywa, ‘Ka̱ryi nzuk a̱ ni yet ka̱ryi a̱duwa ba̱nyet ba̱sa̱rei,’ ma nyin ka̱ brak n yya bvong ba̱tang.”
18Ba̱cecet ba̱gado Ka̱za bu ba̱malam truwang ba a̱ hok nkhang nu na, a̱ nwa cat diwat ku hywat, domin ba pfong ka̱wun nu, rot sa̱rei ba̱nyet ba a̱ yya ka̱hat zzek nu ji.
19Ka̱jenshring ka bu ba, Yesu bu na̱won pfong nu na a̱ wruk a̱ wwon ka̱nkrang ka.
Ka̱kon a̱bvap ka a̱ kwot
(Matta 21:20-22)
20Ba wo mak ka̱bvwa a̱ sook ryen na. Ba si tat a̱ ryi ka̱kon a̱bvap iya Yesu na̱ ku hywa di ka bo ni sum ni ba, ka kwot sa̱rei ba̱ a̱nan na. 21Bitut a̱ ka̱ ryi a̱ yring, a̱ hywa di Yesu, “Malam, dyi ka̱kon a̱bvap ka a ku hywa di ka bo ni sum ni ba, ka kwu!”
22Yesu a̱ hywa da̱ mba, “Yi ryok bring ba! Ka̱ a̱yin a̱ wrak Ka̱za rya nu na. 23Ka̱ shim a̱ hywa di dihwan, ‘Ya wat ta i kei ti ni!’ Ka̱ naai a̱mi di rya yring, a ryi Ka̱za ka hok naai nu na. 24Nkpa n ni hywa da̱ nyin, ka̱ram ka yin yya a̱duwa naai kyang ni yin tyyi rya yi ka̱n san kyang a̱ya, yi ryi ba ma̱ ya ryi kyang a yi cat i. 25Ki yi ma̱ nwa a̱duwa, yi yem brek si jyi ba̱ a̱yin nu yi ya byyan ba̱ nu ni, A̱tyyi nyin nu a̱ shyi Tazwa ka ni a̱ ga ma̱ hok ansham bring a̱ka̱tukyya nyin nu. [ 26Ki yi rak jyi bu ba̱nyet ba yi ya byyan ba̱ mba ni, A̱tyyi nyin nu a̱ shyi Tazwa ka ni a̱ ma̱ ni ya breng npfwa.]”
A̱cecet tazwa dityok Yesu
(Matta 21:23-27; Luka 20:1-8)
27Ba brek a̱ ba Urushalima na̱ bu nwa bat Ka̱za na a̱ cong. Ba̱cecet ba̱gado Ka̱za ba bu ba̱malam truwang ba bu ba̱nekwo ba a̱ nyyai a̱ ba da̱ nu, 28a̱ bu ku zzim, “A̱nzan a yet n yya nkyang a̱ni? A̱nyan a̱ na̱ nang dityok na̱ yya na?”
29Yesu a̱ hywa da̱ mba, “N ma̱ ni ya zzim bu kyang yring. Ki yi n tyyei n ma̱ ya tyyei kyang a n yet ni n yya nkyang ani ni. 30Yi n tyyei a̱nyan a̱ yi wrak Yohana cet yya baptisma na, Ka̱za ka̱ a̱neywu.”
31Ba nwa ya a̱cecet, a̱ cat kyang a ba ni hywa ni. Ba hywa, “Ki zi hywa da̱ ku yin nyyai di Ka̱za, na̱ hywa, ‘A̱nzan a̱n byyi yin dak hok ba̱ryat nu ba?’ 32Ka̱ zi ma̱n hywa ku yin yet nyyi ba̱neywu, To -- .” (Ba pfong ka̱wun ba̱nyet ba a̱ sseng ka̱ yemi ni rot ba̱nyet ba a̱ yin bvwo Yohana a̱ yet a̱ntyok tyyei ba̱ryat Ka̱za.) 33Ba ryin kyang hywa, a̱ hywa da̱ nu, “Zi bvwo ba.”
Yesu a̱ hywa da̱ mba, “N ma̱ ni ya tyyei kyang a n yet n yya nkyang ani ni ba.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Wycliffe Bible Translators, Inc. All rights reserved.