Mateus 27
27
Jesus ma twarewa ku Pilatus
(Mk 15:1; Lk 23:1-2; Jhn 18:28-32)
1Omuhuka omunene ovapristeri oviuru avehe novanene avehe va zuvasanene okuzepa Jesus. 2Owo arire tji ve mu pandeke nave mu twara okukemuyandja ku Pilatus, ongooneya yOrukondwa rwa Roma.
Onḓiro ya Juda
(Oviu 1:18-19)
3 #
Oviu 1:18, 19 Nu Judas, omuhorore wa Jesus, tja zuvire kutja Jesus wa pangurwa kokuṱa, wa hihamwa omutima na yarura ovimariva mbi ovisilveri omirongo vitatu kovapristeri oviuru na kovanene, 4na tja: “Ami mba tjiti ouvi tji mba yandja omurumendu omuhinandjo kokuṱa!”
Owo ave ziri ave tja: “Eṱe katu na ko na tja notjiṋa hi! Nga rire okutara kwoye omuini!”
5Judas arire tja yumbu imbi ovimariva mondjuwo ya Muhona, a zu po ne kerireka.
6Okuzambo ovapristeri oviuru, ave toora imbi ovimariva ovisilveri, nave tja: “Ovyo kavi sokutuwa mombwiko yondjuwo ya Muhona, tjinga avi ri ovimariva vyombinḓu.” 7Nowo tji va za nokuzuvasana kutja ovimariva mbi ngave vi tjite vi, arire tji va randa na vyo ehi romakunino romuungure wozonyungu ri rire oromapakero wovandu wozonganda. 8Ehi romakunino ndi opu ra zokurukwa kutja Ehi rOmakunino rOmbinḓu nga ku ndinondi.
9 #
Sak 11:12, 13 Nu omaprofetero wa Jeremia arire tji ya yenenisiwa indu tja tjere: “Owo va kambura ovimariva ovisilveri omirongo vitatu, imbi ovimariva otjiwaṋa tja Israel mbi tja zuvasanene okumusuta na vyo. 10Nu ave randa na vyo ehi romakunino romuungure wozonyungu otja Muhona pa rakizire ku ami.”
Jesus komurungu wa Pilatus
(Mk 15:2-5; Lk 23:3-5; Jhn 18:33-38)
11Jesus wa kuramene komurungu wongooneya yOrukondwa rwa Roma, neye we mu purire a tja: “Oove ngu u ri ombara yOvajuda?”
Jesus arire tja ziri a tja: “Opo mbo pu mo hee.” 12Nungwari ovapristeri oviuru novanene tji ve mu kuminina, eye ka hungirire otjiṋa.
13Pilatus opa tjera ku Jesus: “Ko nakuzuva oviṋa avihe, mbi mave ku kuminine are?” 14Nungwari Jesus wa panḓa okuzira embo nangarire rimwe, nomunane omunene wOrukondwa opa himinwa tjinene.
Jesus ma pangurwa kokuṱa
(Mk 15:6-15; Lk 23:13-25; Jhn 18:39—19:36)
15Nu aruhe meyuva rOpaska ongooneya yOrukondwa rwa Roma aa pitisa omupandekwa ngamwa auhe motjovakamburwa ovandu ngu yave ningire. 16Momayuva ngo mwa ri omupandekwa omutjiukwa tjinene, wena Jesus Barabas. 17Notjimbumba tjovandu tji tja woronganene, Pilatus arire tje ve pura a tja: “Mamu vanga kutja mbi mu kuturire uṋe? OJesus Barabas poo oJesus ingwi ngu isanewa kutja Omutwirisiwa?” 18Eye aa tjiwa nawa kutja ovahona vOvajuda va yandjere Jesus ku ye motjimbe tjeruru.
19Nu Pilatus ngunda a haama kotjihavero tjombanguriro, omukazendu we arire tje mu hindire ombuze ndji: “O tjiti otjiṋa komurumendu omuhinandjo ngo ami tjinga amba hihamisirwa ye tjinene moruroto.”
20Ovapristeri oviuru va popere ihi otjimbumba tjovandu tji ningire Pilatus kutja a kuture Barabas nu a yandje Jesus konḓiro. 21Nungwari Pilatus wa pura ihi otjimbumba a tja: “Mamu vanga kutja mbi mu kuturire uṋe pu imba vevari mba?”
Owo ave ziri ave tja: “OBarabas!”
22Pilatus arire tje ve pura a tja: “Nu ingwi Jesus ngu isanewa kutja Omutwirisiwa hi mu tjite vi?”
Owo avehe ave ziri ave tja: “Mu papera kotjikoroise!”
23Nungwari Pilatus wa purire a tja: “Nu eye hapo wa tjita ouvi watjike?”
Tjazumba ave ravaerere ko nomasa tjinene ave tja: “Mu papera kotjikoroise!”
24 #
Deu 21:6-9
Nu Pilatus tja muna kutja ke tji notjiṋa tji ma sora okutjita, arire tja toora omeva, e rikoho omake momurungu wotjimbumba na tja: “Ami hi nondjo nonḓiro yomurumendu ngwi! Oweṋe oveni mbu mu nomerizirira konḓiro ndji!”
25Otjimbumba atjihe atji ziri atji tja: “Omberero yokumuzepa ngai ye kombanda yetu na kombanda yovanatje vetu!”
26Okuzambo Pilatus e ve kuturire Barabas; nu tja za nokuyandja Jesus komatoneno, arire tje ve pe kutja a kapaperwe kotjikoroise.
Ovarwe wovita mave nyekerere Jesus
(Mk 15:16-20; Jhn 19:2-3)
27Ovarwe va Pilatus wovita va hitisire Jesus mondjuwo yombanguriro, nu otjimbumba atjihe tjovita tja woronganena pu ye. 28Owo va hukura Jesus ozombanda nave mu zarisa ombanda oserarovazu. 29Tjazumba ave ungura oruzenga rwomakuiya, ave ru twa kotjiuru tje nave mu pe okati meke re rokunene. Okuzambo arire tji va woro ozongoro komurungu we nave mu nyekerere ave tja: “Minikwa, Mbara yOvajuda!” 30Owo ve mu tjekera omate, ave mu yeka inga okati nave mu tono na ko kotjiuru. 31Tji va zire nokumunyekerera, ve mu hukura indji ombanda oserarovazu nave mu zarisa ozombanda ze omuini. Tjazumba ave mu twara okukemupapera kotjikoroise.
Jesus ma paperwa kotjikoroise
(Mk 15:21-32; Lk 23:26-43; Jhn 19:17-27)
32Nu ngunda amave piti motjihuro, arire tji va hakaene nomurumendu ngwa zire kOkirene wena Simon, nu ovarwe wovita ve mu ṋiṋikiza kutja a toore otjikoroise tja Jesus. 33Owo ve ere poṋa pu ku za oGolgota, okutja “Opotjikongo tjOtjiuru.” 34#Psa 69:21Poṋa mbo opu va pera Jesus omavinu, nga hovekerwe noṋango, nu tje ye rorere, a panḓa okuyenwa.
35 #
Psa 22:18
Nowo ve mu papera kotjikoroise nave haṋasana ozombanda ze mokuyumba ozohanga. 36Kombunda yanao ave haama mbo okumutarera. 37Nu kombanda yotjiuru tje kotjikoroise kwa tjangerwe omambo ngu maye raisa otjiṋa eye tja pangurirwa, ngu maye tja: “OJesus, Ombara yOvajuda.” 38Okuzambo ave papere omarunga yevari puna Jesus, rimwe kokunene nekwao kokumuho kwe.
39 #
Psa 22:7; 109:25 Ovandu mbaa ve kapita mbo aave taka oviuru nave yamburura Jesus ave tja: 40#Mt 26:61; Jhn 2:19“Oove ngu mo haṋa ondjuwo ya Muhona nokuitunga rukwao moure womayuva yetatu! Riyama omuini tji u ri Omuna wa Ndjambi, nu u heruke kotjikoroise!”
41Momuhingo tjingewo mbo wina ovapristeri oviuru nozonongo zomambo novanene otji va nyekerera Jesus ave tja: 42“Eye wa yama ovakwao uriri, nungwari ingwi okuriyama omuini e hi nokusora! Eye kangu ri ombara yOvaisrael are? Tja heruka nambano nai kotjikoroise, eṱe otji matu kambura mu ye! 43#Psa 22:8Eye we riyameka ku Ndjambi nu u ri tja eye Omuna wa Ndjambi. Nu Ndjambi tjinangara u nonyuṋe mu ye, nge mu vatere nambano nai!”
44Nangarire inga omarunga yevari nga papererwe puna Jesus, owo wina otjinga aye mu yamburura nao.
Onḓiro ya Jesus
(Mk 15:33-41; Lk 23:44-49; Jhn 19:28-30)
45Nu moiri oitjamurongo na mbari yomutenya kwe ere onḓorera mehi arihe, noyo ya karere ko oure wozoiri ndatu. 46#Psa 22:1Nu mangara mondatu yomapeta Jesus wa ravaera neraka enene a tja: “Eli, Eli, lema sabaktani?” Okutja “Ndjambi wandje, Ndjambi wandje, we ndji esire tjike?”
47Ovandu tjiva mba kuramene mbo ve mu zuvire nave tja: “Eye ma isana Elia!” 48#Psa 69:21Nu umwe wawo wa tupukire tjimanga, a katoora otjiyave, e tji tjaveke momavinu omayake, e tji kutu kohonga yokati ne mu pe kutja a nwe.
49Nungwari imba ovakwao va tjere: “Kurameye tu tarere kutja Elia meya okumuyama!”
50Jesus wa ravaerere rukwao neraka enene na rire tja ṱu. 51#Eks 26:31-33Okuzambo erapi etjizikize rondjuwo ya Muhona ra tauka motumbembera tuvari okuza kombanda nga kehi. Ehi ra nyinganyinga, otuuwa atu pamburuka, 52omaendo aye paturuka, novandu ovengi votjiwaṋa tja Ndjambi mba ṱire arire tji va pendurwa movakoke. 53Owo va pita momaendo, nu Jesus tja za nokupenduka movakoke, owo va hitire motjihuro otjiyapuke, novandu ovengi ve ve muna mo.
54Omunane wovita novarwe wovita mbaa ve tarere Jesus puna ye, tji va muna omanyinganyingiro wehi na imbi avihe mbya tjitirwe mbo, arire tji va uruma tjinene nave tja: “Tjiri, omundu ngwi wa ri Omuna wa Ndjambi!”
55 #
Lk 8:2, 3 Nu poṋa mbo pa ri ovakazendu ovengi mbaa ve tarerere kokure, nu mba kongorera Jesus okuza kOgalilea nokumukarera. 56Mokati kawo mwa ri Maria Magdalena na Maria, ina ya Jakobus na Josef, nomukazendu wa Sebedeus.
Ombakero ya Jesus
(Mk 15:42-47; Lk 23:50-56; Jhn 19:38-42)
57Nu tja rira ongurova omurumendu omutumbe wa Arimatea arire tje ya; ena re ra ri Josef, neye wina wa ri omuhongewa wa Jesus. 58Eye wa ire ku Pilatus na kaningira orutu rwa Jesus. Pilatus arire tja rakiza kutja orutu rwa Jesus ru yandjewe ku Josef. 59Josef otja toora indwi orutu, e ru manga merapi epe eheze, 60ne ru twa meyendo re omuini epe nda kororere moruuwa. Tjazumba a undurirepo ewe enene potjinyo tjeyendo nu a i. 61Nu Maria Magdalena na Maria ingwi omukwao va haamene mbo ava tara keyendo.
Ovatjevere mba ri peyendo
62Nu mependukirwa, oro nda ri Eyuva rEsabata, ovapristeri oviuru nOvafarisei ve ere ku Pilatus, 63#Mt 16:21; 17:23; 20:19; Mk 8:31; 9:31; 10:33, 34; Lk 9:22; 18:31-33nave tja: “Muhona, matu zemburuka kutja omupukise ngo ngunda a ri nomuinyo wa tjere: ‘Ami me pendurwa movakoke kombunda yomayuva yetatu.’ 64Yandja omarakiza wokutja eyendo re ri tjeverwe oukukutu nga keyuva ndi oritjatatu, kokutja ovahongewa ve ave ha sora okukavaka indwi orutu nokuraera ovandu kutja eye wa pendurwa movakoke. Nu omapukisiro nga maye rire omavi tjinene pu inga omatenga.”
65Pilatus arire tja tja ku wo: “Ovatjevere owo mbo; twendeye mu katjeverise indi eyendo nawa tjinene otja punga amamu sora.”
66Owo arire tji va i nave kaṱuna eyendo nawa mokutwa ko otjiyambo kewe nave twa po ovatjevere.
ទើបបានជ្រើសរើសហើយ៖
Mateus 27: HRR-UNI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Herero Revision Bible © Bible Society in Namibia, 2021.
Mateus 27
27
Jesus ma twarewa ku Pilatus
(Mk 15:1; Lk 23:1-2; Jhn 18:28-32)
1Omuhuka omunene ovapristeri oviuru avehe novanene avehe va zuvasanene okuzepa Jesus. 2Owo arire tji ve mu pandeke nave mu twara okukemuyandja ku Pilatus, ongooneya yOrukondwa rwa Roma.
Onḓiro ya Juda
(Oviu 1:18-19)
3 #
Oviu 1:18, 19 Nu Judas, omuhorore wa Jesus, tja zuvire kutja Jesus wa pangurwa kokuṱa, wa hihamwa omutima na yarura ovimariva mbi ovisilveri omirongo vitatu kovapristeri oviuru na kovanene, 4na tja: “Ami mba tjiti ouvi tji mba yandja omurumendu omuhinandjo kokuṱa!”
Owo ave ziri ave tja: “Eṱe katu na ko na tja notjiṋa hi! Nga rire okutara kwoye omuini!”
5Judas arire tja yumbu imbi ovimariva mondjuwo ya Muhona, a zu po ne kerireka.
6Okuzambo ovapristeri oviuru, ave toora imbi ovimariva ovisilveri, nave tja: “Ovyo kavi sokutuwa mombwiko yondjuwo ya Muhona, tjinga avi ri ovimariva vyombinḓu.” 7Nowo tji va za nokuzuvasana kutja ovimariva mbi ngave vi tjite vi, arire tji va randa na vyo ehi romakunino romuungure wozonyungu ri rire oromapakero wovandu wozonganda. 8Ehi romakunino ndi opu ra zokurukwa kutja Ehi rOmakunino rOmbinḓu nga ku ndinondi.
9 #
Sak 11:12, 13 Nu omaprofetero wa Jeremia arire tji ya yenenisiwa indu tja tjere: “Owo va kambura ovimariva ovisilveri omirongo vitatu, imbi ovimariva otjiwaṋa tja Israel mbi tja zuvasanene okumusuta na vyo. 10Nu ave randa na vyo ehi romakunino romuungure wozonyungu otja Muhona pa rakizire ku ami.”
Jesus komurungu wa Pilatus
(Mk 15:2-5; Lk 23:3-5; Jhn 18:33-38)
11Jesus wa kuramene komurungu wongooneya yOrukondwa rwa Roma, neye we mu purire a tja: “Oove ngu u ri ombara yOvajuda?”
Jesus arire tja ziri a tja: “Opo mbo pu mo hee.” 12Nungwari ovapristeri oviuru novanene tji ve mu kuminina, eye ka hungirire otjiṋa.
13Pilatus opa tjera ku Jesus: “Ko nakuzuva oviṋa avihe, mbi mave ku kuminine are?” 14Nungwari Jesus wa panḓa okuzira embo nangarire rimwe, nomunane omunene wOrukondwa opa himinwa tjinene.
Jesus ma pangurwa kokuṱa
(Mk 15:6-15; Lk 23:13-25; Jhn 18:39—19:36)
15Nu aruhe meyuva rOpaska ongooneya yOrukondwa rwa Roma aa pitisa omupandekwa ngamwa auhe motjovakamburwa ovandu ngu yave ningire. 16Momayuva ngo mwa ri omupandekwa omutjiukwa tjinene, wena Jesus Barabas. 17Notjimbumba tjovandu tji tja woronganene, Pilatus arire tje ve pura a tja: “Mamu vanga kutja mbi mu kuturire uṋe? OJesus Barabas poo oJesus ingwi ngu isanewa kutja Omutwirisiwa?” 18Eye aa tjiwa nawa kutja ovahona vOvajuda va yandjere Jesus ku ye motjimbe tjeruru.
19Nu Pilatus ngunda a haama kotjihavero tjombanguriro, omukazendu we arire tje mu hindire ombuze ndji: “O tjiti otjiṋa komurumendu omuhinandjo ngo ami tjinga amba hihamisirwa ye tjinene moruroto.”
20Ovapristeri oviuru va popere ihi otjimbumba tjovandu tji ningire Pilatus kutja a kuture Barabas nu a yandje Jesus konḓiro. 21Nungwari Pilatus wa pura ihi otjimbumba a tja: “Mamu vanga kutja mbi mu kuturire uṋe pu imba vevari mba?”
Owo ave ziri ave tja: “OBarabas!”
22Pilatus arire tje ve pura a tja: “Nu ingwi Jesus ngu isanewa kutja Omutwirisiwa hi mu tjite vi?”
Owo avehe ave ziri ave tja: “Mu papera kotjikoroise!”
23Nungwari Pilatus wa purire a tja: “Nu eye hapo wa tjita ouvi watjike?”
Tjazumba ave ravaerere ko nomasa tjinene ave tja: “Mu papera kotjikoroise!”
24 #
Deu 21:6-9
Nu Pilatus tja muna kutja ke tji notjiṋa tji ma sora okutjita, arire tja toora omeva, e rikoho omake momurungu wotjimbumba na tja: “Ami hi nondjo nonḓiro yomurumendu ngwi! Oweṋe oveni mbu mu nomerizirira konḓiro ndji!”
25Otjimbumba atjihe atji ziri atji tja: “Omberero yokumuzepa ngai ye kombanda yetu na kombanda yovanatje vetu!”
26Okuzambo Pilatus e ve kuturire Barabas; nu tja za nokuyandja Jesus komatoneno, arire tje ve pe kutja a kapaperwe kotjikoroise.
Ovarwe wovita mave nyekerere Jesus
(Mk 15:16-20; Jhn 19:2-3)
27Ovarwe va Pilatus wovita va hitisire Jesus mondjuwo yombanguriro, nu otjimbumba atjihe tjovita tja woronganena pu ye. 28Owo va hukura Jesus ozombanda nave mu zarisa ombanda oserarovazu. 29Tjazumba ave ungura oruzenga rwomakuiya, ave ru twa kotjiuru tje nave mu pe okati meke re rokunene. Okuzambo arire tji va woro ozongoro komurungu we nave mu nyekerere ave tja: “Minikwa, Mbara yOvajuda!” 30Owo ve mu tjekera omate, ave mu yeka inga okati nave mu tono na ko kotjiuru. 31Tji va zire nokumunyekerera, ve mu hukura indji ombanda oserarovazu nave mu zarisa ozombanda ze omuini. Tjazumba ave mu twara okukemupapera kotjikoroise.
Jesus ma paperwa kotjikoroise
(Mk 15:21-32; Lk 23:26-43; Jhn 19:17-27)
32Nu ngunda amave piti motjihuro, arire tji va hakaene nomurumendu ngwa zire kOkirene wena Simon, nu ovarwe wovita ve mu ṋiṋikiza kutja a toore otjikoroise tja Jesus. 33Owo ve ere poṋa pu ku za oGolgota, okutja “Opotjikongo tjOtjiuru.” 34#Psa 69:21Poṋa mbo opu va pera Jesus omavinu, nga hovekerwe noṋango, nu tje ye rorere, a panḓa okuyenwa.
35 #
Psa 22:18
Nowo ve mu papera kotjikoroise nave haṋasana ozombanda ze mokuyumba ozohanga. 36Kombunda yanao ave haama mbo okumutarera. 37Nu kombanda yotjiuru tje kotjikoroise kwa tjangerwe omambo ngu maye raisa otjiṋa eye tja pangurirwa, ngu maye tja: “OJesus, Ombara yOvajuda.” 38Okuzambo ave papere omarunga yevari puna Jesus, rimwe kokunene nekwao kokumuho kwe.
39 #
Psa 22:7; 109:25 Ovandu mbaa ve kapita mbo aave taka oviuru nave yamburura Jesus ave tja: 40#Mt 26:61; Jhn 2:19“Oove ngu mo haṋa ondjuwo ya Muhona nokuitunga rukwao moure womayuva yetatu! Riyama omuini tji u ri Omuna wa Ndjambi, nu u heruke kotjikoroise!”
41Momuhingo tjingewo mbo wina ovapristeri oviuru nozonongo zomambo novanene otji va nyekerera Jesus ave tja: 42“Eye wa yama ovakwao uriri, nungwari ingwi okuriyama omuini e hi nokusora! Eye kangu ri ombara yOvaisrael are? Tja heruka nambano nai kotjikoroise, eṱe otji matu kambura mu ye! 43#Psa 22:8Eye we riyameka ku Ndjambi nu u ri tja eye Omuna wa Ndjambi. Nu Ndjambi tjinangara u nonyuṋe mu ye, nge mu vatere nambano nai!”
44Nangarire inga omarunga yevari nga papererwe puna Jesus, owo wina otjinga aye mu yamburura nao.
Onḓiro ya Jesus
(Mk 15:33-41; Lk 23:44-49; Jhn 19:28-30)
45Nu moiri oitjamurongo na mbari yomutenya kwe ere onḓorera mehi arihe, noyo ya karere ko oure wozoiri ndatu. 46#Psa 22:1Nu mangara mondatu yomapeta Jesus wa ravaera neraka enene a tja: “Eli, Eli, lema sabaktani?” Okutja “Ndjambi wandje, Ndjambi wandje, we ndji esire tjike?”
47Ovandu tjiva mba kuramene mbo ve mu zuvire nave tja: “Eye ma isana Elia!” 48#Psa 69:21Nu umwe wawo wa tupukire tjimanga, a katoora otjiyave, e tji tjaveke momavinu omayake, e tji kutu kohonga yokati ne mu pe kutja a nwe.
49Nungwari imba ovakwao va tjere: “Kurameye tu tarere kutja Elia meya okumuyama!”
50Jesus wa ravaerere rukwao neraka enene na rire tja ṱu. 51#Eks 26:31-33Okuzambo erapi etjizikize rondjuwo ya Muhona ra tauka motumbembera tuvari okuza kombanda nga kehi. Ehi ra nyinganyinga, otuuwa atu pamburuka, 52omaendo aye paturuka, novandu ovengi votjiwaṋa tja Ndjambi mba ṱire arire tji va pendurwa movakoke. 53Owo va pita momaendo, nu Jesus tja za nokupenduka movakoke, owo va hitire motjihuro otjiyapuke, novandu ovengi ve ve muna mo.
54Omunane wovita novarwe wovita mbaa ve tarere Jesus puna ye, tji va muna omanyinganyingiro wehi na imbi avihe mbya tjitirwe mbo, arire tji va uruma tjinene nave tja: “Tjiri, omundu ngwi wa ri Omuna wa Ndjambi!”
55 #
Lk 8:2, 3 Nu poṋa mbo pa ri ovakazendu ovengi mbaa ve tarerere kokure, nu mba kongorera Jesus okuza kOgalilea nokumukarera. 56Mokati kawo mwa ri Maria Magdalena na Maria, ina ya Jakobus na Josef, nomukazendu wa Sebedeus.
Ombakero ya Jesus
(Mk 15:42-47; Lk 23:50-56; Jhn 19:38-42)
57Nu tja rira ongurova omurumendu omutumbe wa Arimatea arire tje ya; ena re ra ri Josef, neye wina wa ri omuhongewa wa Jesus. 58Eye wa ire ku Pilatus na kaningira orutu rwa Jesus. Pilatus arire tja rakiza kutja orutu rwa Jesus ru yandjewe ku Josef. 59Josef otja toora indwi orutu, e ru manga merapi epe eheze, 60ne ru twa meyendo re omuini epe nda kororere moruuwa. Tjazumba a undurirepo ewe enene potjinyo tjeyendo nu a i. 61Nu Maria Magdalena na Maria ingwi omukwao va haamene mbo ava tara keyendo.
Ovatjevere mba ri peyendo
62Nu mependukirwa, oro nda ri Eyuva rEsabata, ovapristeri oviuru nOvafarisei ve ere ku Pilatus, 63#Mt 16:21; 17:23; 20:19; Mk 8:31; 9:31; 10:33, 34; Lk 9:22; 18:31-33nave tja: “Muhona, matu zemburuka kutja omupukise ngo ngunda a ri nomuinyo wa tjere: ‘Ami me pendurwa movakoke kombunda yomayuva yetatu.’ 64Yandja omarakiza wokutja eyendo re ri tjeverwe oukukutu nga keyuva ndi oritjatatu, kokutja ovahongewa ve ave ha sora okukavaka indwi orutu nokuraera ovandu kutja eye wa pendurwa movakoke. Nu omapukisiro nga maye rire omavi tjinene pu inga omatenga.”
65Pilatus arire tja tja ku wo: “Ovatjevere owo mbo; twendeye mu katjeverise indi eyendo nawa tjinene otja punga amamu sora.”
66Owo arire tji va i nave kaṱuna eyendo nawa mokutwa ko otjiyambo kewe nave twa po ovatjevere.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Herero Revision Bible © Bible Society in Namibia, 2021.