Mateus 21
21
Omahitiro wa Jesus mOjerusalem
(Mk 11:1-11; Lk 19:28-40; Jhn 12:12-19)
1Nu Jesus novahongewa ve tji va ri popezu na Jerusalem ve ere kObetfage pOndundu yOmiṋinga. Jesus arire tja hindi ovahongewa vevari komurungu 2na tja: “Twendeye kotjirongo hi na tji tji ri komurungu weṋu, nu tjimanga mamu kavaza okasino ku ka kutwa puna okasinona kako. U kutureye nu mu u ete ku ami. 3Nu tji pa ningi omundu ngu me mu pura otjiṋa, mu raereye kutja Muhona me u hepa nokutja me u kotora tjimanga.”
4Ihi tja tjitirwa kutja imbi omuprofete mbya hungirire vi yenenisiwe, indu tja tjere:
5 #
Sak 9:9
“Raereye kotjihuro tja Sion:
Tara, ombara yoye mai ya kove!
Oyo ongozu nu ya kavire kokasino,
kokasinona kokasino.”
6Ovahongewa vevari mba otji va ya ave katjita otja punga Jesus e ve raerere: 7Owo va kaeta inga okasino nokasinona, ave twako ozombanda zawo kombanda yawo, nu Jesus arire tja kavire. 8Otjimbumba otjingi tjovandu tja yara ozombanda zawo mondjira, nu tjiva ave ke otutavi komiti nokutuyara mondjira. 9#Psa 118:25, 26Ovandu mba mba ri komurungu wa Jesus na imba mbaa ve mu kongorere kombunda va uta okuravaera ave tja: “Hosiana kOmuna wa David! Nga tangwe ingwi ngu meya mena ra Muhona! Hosiana mokombanda!”
10Nu Jesus tja hitire mOjerusalem, otjihuro atjihe tjandje tji ri momangaṋingaṋi, novandu va pura ave tja: “Owaṋi ngo?”
11Otjimbumba atji ziri atji tja: “Eye omuprofete Jesus ngwa zire kOnasaret mOgalilea.”
Jesus ma i kondjuwo ya Muhona
(Mk 11:15-19; Lk 19:45-48; Jhn 2:13-22)
12Nu Jesus wa hitire mondjuwo ya Muhona na ramba imba avehe mbaa ve randasanene mu yo. Eye wa tjengura oviriro vya imba mbaa ve pimbasana ovimariva, novihavero vya imba mbaa ve randisa ozonguti 13#Jes 56:7; Jer 7:11na tja ku wo: “Kape tjangerwe nai momatjangwa are: ‘Ondjuwo yandje mai isanewa kutja ondjuwo yongumbiro.’ Nungwari eṋe mwe i isa po ondimba yovapunde!”
14Ovapoṱu novaremane ve ere ku ye mondjuwo ya Muhona, neye, e ve verukisa. 15Ovapristeri oviuru nozonongo zomambo va pindika tji va muna oviṋa ovihimise eye mbyaa tjiti, novanatje tji yave ravaerere mondjuwo ya Muhona amave tja: “Hosiana kOmuna wa David!” 16#Psa 8:2Nowo opu va purira Jesus ave tja: “Omambo nga ngu mave hungire mo ye zuu are?”
Jesus a ziri a tja: “Ii, me ye zuu. Kamu na pu mwa resere nai are: ‘Ove wa tjita kutja ovinyo vyovanatje ovaṱiṱi novyounanatje ounyamwe vihungire omambo omasore nowondangero?’ ”
17Jesus arire tje ve esa a zu mo motjihuro na i kObetanie a karara ngo.
Jesus ma sengi omukuyumbwa
(Mk 11:12-14, 20-24)
18Nu omuhuka omunene, Jesus tja yarukire kotjihuro, arire tja ṱondjara. 19Eye wa muna omukuyumbwa meṋe yondjira na i ku wo, nungwari ka kavazere ko otjiṋa posi yomaso uriri. Nopa tjera nai komukuyumbwa: “Ove komoo twako otjikurya rukwao nga aruhe.” Tjimanga omukuyumbwa arire tji wa kukuta.
20Novahongewa tji va muna otjiṋa hi, va uruma nave pura ave tja: “Omukuyumbwa wa kukuta vi nai tjimanga?”
21 #
Mt 17:20; 1Kor 13:2 Jesus wa zirire a tja: “Tjiri, memu raere kutja tji mu nongamburiro namu ha ivaiva, mamu yenene okutjita imbi ami mbi mba tjiti komukuyumbwa mbwi. Nu kakutjita nao porwako, nungwari wina mamu yenene okutja nai kondundu ndji: ‘Viruka mba u keriwisire momeva kokuvare,’ noyo ai tjiti nao. 22Tji mu nongamburiro, eṋe mamu pewa ngamwa atjihe tji mamu ningire mongumbiro.”
Ouvara wa Jesus
(Mk 11:27-33; Lk 20:1-8)
23Jesus wa kotokere kondjuwo ya Muhona, nu ngunda ama hongo, ovapristeri oviuru novanene arire tji ve ya ku ye ave tja: “Oviṋa mbi u vi tjita mouvara watjike? Nu ngwe ku pa ouvara okutjita oviṋa mbi, owaṋi?”
24Jesus we ve zira a tja: “Ami wina me mu pura epuriro rimwe uriri, neṋe tji mwe ndji pe eziriro, otji me mu raere kutja mbi nouvara watjike okutjita oviṋa mbi. 25Ombapitisimo ya Johanes ya pitira mouvara wauṋe? Omouvara wa Ndjambi poo owovandu?”
Owo arire tji va utu okupatasana oveni ave tja: “Ngatu tje tjike? Tji twa tja: ‘Ya za mu Ndjambi,’ ma tja: ‘Nu okutjavi tji mu ha kamburire mu Johanes?’ 26Nungwari tji twa tja: ‘Ya za movandu,’ matu tira otjiwaṋa, ovandu avehe tjinga ave vara Johanes otja omuprofete!”
27Nowo opu va zirira Jesus ave tja: “Katu nokutjiwa.”
Neye arire tja tja ku wo: “Ami wina hi nokumuraera ko kutja oviṋa mbi ami mbi vi tjita mouvara watjike.
Omasanekero wovazandu vevari
28“Nambano mamu tja tjike? Pa ri omurumendu ngwa ri novazandu vevari. Eye wa ire ku ingwi otjiveri na tja: ‘Muatje, kaungure motjikunino tjomivite ndinondi.’ 29Eye a ziri a tja: ‘Hi nokuvanga.’ Nungwari kombunda eye we rivingurura momutima na i. 30Tjazumba ihe a i komuatje we ingwi omukwao na kahungira omambo tjingewo. Neye wa zirire a tja: ‘Ii, me vanga, tate.’ Nungwari eye ka ire ko. 31Nowaṋi povazandona vevari mba ngwa tjita ombango ya ihe?”
Owo ave ziri ave tja: “Eye ngwi otjiveri.”
Jesus opa tjera ku wo: “Tjiri, memu raere kutja ovasutise votjisuta tjouhona novakorondu mave mu tengere po mouhona wa Ndjambi. 32#Lk 3:12; 7:29, 30Orondu Johanes Omupapitise we ere ku eṋe okuyekumuraisira ondjira yousemba, neṋe kamu kamburire ko mu ye, nungwari ovasutise votjisuta tjouhona novakorondu va kambura mu ye. Nangarire tji mwa muna oviṋa mbi, kombunda kamu rivingururire momitima nu kamu kamburire ko mu ye.”
Omasanekero wovayazeme votjikunino tjomivite
(Mk 12:1-12; Lk 20:9-19)
33 #
Jes 5:1, 2 Nu Jesus wa tjere: “Purateneye komasanekero omakwao. Omunyehi wa kunine otjikunino tjomivite, a twako orumbo, a ungura mo otjikameno tjomivite, nu a tungu mo oruhungu romatjeverero. Okuzambo e tji yazemisa kovakune na rire tja i mouyenda. 34Nu oruveze rwomanikorero womandjembere tji rwa yenene, eye otja hinda ovakarere ve kovayazeme okukaeta ovihape imbi ovye. 35Ovayazeme va kambura imba ovakarere, umwe ave tono, omukwao, ave zepa, omukwao warwe ave zepa nomawe. 36Norukwao eye wa hindire ovakarere ovakwao ovengi pu imba ovatenga, novakune va tjitire tjingetjo ku wo. 37Korusenina eye wa hindire omuzandu we omuini ama tja: ‘Tjiri, omuzandu wandje ngwi mave mu yozike.’ 38Nungwari ovakune tji va muna ingwi omuzandu arire tji verihungirire oveni ave tja: ‘Ingwi eye omuzandu womuini wotjikunino. Indjeye tu mu zepe, eṱa ri rire oretu!’ 39Nowo arire tji ve mu kambura, ave mu nakaurire pendje yotjikunino nave mu zepa.”
40Jesus wa purire a tja: “Nu ingwi omuini wotjikunino tje ya ma tjiti vi kovayazeme mba?”
41Owo ave ziri ave tja: “Eye, tjiri, ma zepa ovayazeme ovanauvi mbo, okuzambo a yazemisa otjikunino ho ku varwe mbu mave mu pe imbi mbi sokurira ovye momanikorero moruveze orusemba.”
42 #
Psa 118:22, 23 Jesus wa tjere ku wo: “Eṋe kamu na pu mwa resere omatjangwa nga are?
‘Ewe indi nda imbirahiwa i ovatunge,
onda karira ewe enanḓengu rotjikoro.
Nu ngwa tjita nao oMuhona,
notjo otjihimise tji matu tara mo!’ ”
43Nu Jesus a hungire komurungu a tja: “Tjiri, memu raere kutja ouhona wa Ndjambi mamu yekwa nau kayandjewa kotjiwaṋa tji matji eta ovihape oviwa.
44“Ingwi ngu ma wire kombanda yewe ndi ma nyanyaurwa, nu ingwi oro ku mari wire mari mu ṱukuṱura.”
45Ovapristeri oviuru nOvafarisei tji va zuvire omasanekero wa Jesus arire tji va tjiza kutja eye ma tuvirire wo. 46Nowo opu va vangera okumukambura, nungwari aave tira otjimbumba tjovandu, otjo tjinga aatji vara Jesus otja omuprofete.
ទើបបានជ្រើសរើសហើយ៖
Mateus 21: HRR-UNI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Herero Revision Bible © Bible Society in Namibia, 2021.
Mateus 21
21
Omahitiro wa Jesus mOjerusalem
(Mk 11:1-11; Lk 19:28-40; Jhn 12:12-19)
1Nu Jesus novahongewa ve tji va ri popezu na Jerusalem ve ere kObetfage pOndundu yOmiṋinga. Jesus arire tja hindi ovahongewa vevari komurungu 2na tja: “Twendeye kotjirongo hi na tji tji ri komurungu weṋu, nu tjimanga mamu kavaza okasino ku ka kutwa puna okasinona kako. U kutureye nu mu u ete ku ami. 3Nu tji pa ningi omundu ngu me mu pura otjiṋa, mu raereye kutja Muhona me u hepa nokutja me u kotora tjimanga.”
4Ihi tja tjitirwa kutja imbi omuprofete mbya hungirire vi yenenisiwe, indu tja tjere:
5 #
Sak 9:9
“Raereye kotjihuro tja Sion:
Tara, ombara yoye mai ya kove!
Oyo ongozu nu ya kavire kokasino,
kokasinona kokasino.”
6Ovahongewa vevari mba otji va ya ave katjita otja punga Jesus e ve raerere: 7Owo va kaeta inga okasino nokasinona, ave twako ozombanda zawo kombanda yawo, nu Jesus arire tja kavire. 8Otjimbumba otjingi tjovandu tja yara ozombanda zawo mondjira, nu tjiva ave ke otutavi komiti nokutuyara mondjira. 9#Psa 118:25, 26Ovandu mba mba ri komurungu wa Jesus na imba mbaa ve mu kongorere kombunda va uta okuravaera ave tja: “Hosiana kOmuna wa David! Nga tangwe ingwi ngu meya mena ra Muhona! Hosiana mokombanda!”
10Nu Jesus tja hitire mOjerusalem, otjihuro atjihe tjandje tji ri momangaṋingaṋi, novandu va pura ave tja: “Owaṋi ngo?”
11Otjimbumba atji ziri atji tja: “Eye omuprofete Jesus ngwa zire kOnasaret mOgalilea.”
Jesus ma i kondjuwo ya Muhona
(Mk 11:15-19; Lk 19:45-48; Jhn 2:13-22)
12Nu Jesus wa hitire mondjuwo ya Muhona na ramba imba avehe mbaa ve randasanene mu yo. Eye wa tjengura oviriro vya imba mbaa ve pimbasana ovimariva, novihavero vya imba mbaa ve randisa ozonguti 13#Jes 56:7; Jer 7:11na tja ku wo: “Kape tjangerwe nai momatjangwa are: ‘Ondjuwo yandje mai isanewa kutja ondjuwo yongumbiro.’ Nungwari eṋe mwe i isa po ondimba yovapunde!”
14Ovapoṱu novaremane ve ere ku ye mondjuwo ya Muhona, neye, e ve verukisa. 15Ovapristeri oviuru nozonongo zomambo va pindika tji va muna oviṋa ovihimise eye mbyaa tjiti, novanatje tji yave ravaerere mondjuwo ya Muhona amave tja: “Hosiana kOmuna wa David!” 16#Psa 8:2Nowo opu va purira Jesus ave tja: “Omambo nga ngu mave hungire mo ye zuu are?”
Jesus a ziri a tja: “Ii, me ye zuu. Kamu na pu mwa resere nai are: ‘Ove wa tjita kutja ovinyo vyovanatje ovaṱiṱi novyounanatje ounyamwe vihungire omambo omasore nowondangero?’ ”
17Jesus arire tje ve esa a zu mo motjihuro na i kObetanie a karara ngo.
Jesus ma sengi omukuyumbwa
(Mk 11:12-14, 20-24)
18Nu omuhuka omunene, Jesus tja yarukire kotjihuro, arire tja ṱondjara. 19Eye wa muna omukuyumbwa meṋe yondjira na i ku wo, nungwari ka kavazere ko otjiṋa posi yomaso uriri. Nopa tjera nai komukuyumbwa: “Ove komoo twako otjikurya rukwao nga aruhe.” Tjimanga omukuyumbwa arire tji wa kukuta.
20Novahongewa tji va muna otjiṋa hi, va uruma nave pura ave tja: “Omukuyumbwa wa kukuta vi nai tjimanga?”
21 #
Mt 17:20; 1Kor 13:2 Jesus wa zirire a tja: “Tjiri, memu raere kutja tji mu nongamburiro namu ha ivaiva, mamu yenene okutjita imbi ami mbi mba tjiti komukuyumbwa mbwi. Nu kakutjita nao porwako, nungwari wina mamu yenene okutja nai kondundu ndji: ‘Viruka mba u keriwisire momeva kokuvare,’ noyo ai tjiti nao. 22Tji mu nongamburiro, eṋe mamu pewa ngamwa atjihe tji mamu ningire mongumbiro.”
Ouvara wa Jesus
(Mk 11:27-33; Lk 20:1-8)
23Jesus wa kotokere kondjuwo ya Muhona, nu ngunda ama hongo, ovapristeri oviuru novanene arire tji ve ya ku ye ave tja: “Oviṋa mbi u vi tjita mouvara watjike? Nu ngwe ku pa ouvara okutjita oviṋa mbi, owaṋi?”
24Jesus we ve zira a tja: “Ami wina me mu pura epuriro rimwe uriri, neṋe tji mwe ndji pe eziriro, otji me mu raere kutja mbi nouvara watjike okutjita oviṋa mbi. 25Ombapitisimo ya Johanes ya pitira mouvara wauṋe? Omouvara wa Ndjambi poo owovandu?”
Owo arire tji va utu okupatasana oveni ave tja: “Ngatu tje tjike? Tji twa tja: ‘Ya za mu Ndjambi,’ ma tja: ‘Nu okutjavi tji mu ha kamburire mu Johanes?’ 26Nungwari tji twa tja: ‘Ya za movandu,’ matu tira otjiwaṋa, ovandu avehe tjinga ave vara Johanes otja omuprofete!”
27Nowo opu va zirira Jesus ave tja: “Katu nokutjiwa.”
Neye arire tja tja ku wo: “Ami wina hi nokumuraera ko kutja oviṋa mbi ami mbi vi tjita mouvara watjike.
Omasanekero wovazandu vevari
28“Nambano mamu tja tjike? Pa ri omurumendu ngwa ri novazandu vevari. Eye wa ire ku ingwi otjiveri na tja: ‘Muatje, kaungure motjikunino tjomivite ndinondi.’ 29Eye a ziri a tja: ‘Hi nokuvanga.’ Nungwari kombunda eye we rivingurura momutima na i. 30Tjazumba ihe a i komuatje we ingwi omukwao na kahungira omambo tjingewo. Neye wa zirire a tja: ‘Ii, me vanga, tate.’ Nungwari eye ka ire ko. 31Nowaṋi povazandona vevari mba ngwa tjita ombango ya ihe?”
Owo ave ziri ave tja: “Eye ngwi otjiveri.”
Jesus opa tjera ku wo: “Tjiri, memu raere kutja ovasutise votjisuta tjouhona novakorondu mave mu tengere po mouhona wa Ndjambi. 32#Lk 3:12; 7:29, 30Orondu Johanes Omupapitise we ere ku eṋe okuyekumuraisira ondjira yousemba, neṋe kamu kamburire ko mu ye, nungwari ovasutise votjisuta tjouhona novakorondu va kambura mu ye. Nangarire tji mwa muna oviṋa mbi, kombunda kamu rivingururire momitima nu kamu kamburire ko mu ye.”
Omasanekero wovayazeme votjikunino tjomivite
(Mk 12:1-12; Lk 20:9-19)
33 #
Jes 5:1, 2 Nu Jesus wa tjere: “Purateneye komasanekero omakwao. Omunyehi wa kunine otjikunino tjomivite, a twako orumbo, a ungura mo otjikameno tjomivite, nu a tungu mo oruhungu romatjeverero. Okuzambo e tji yazemisa kovakune na rire tja i mouyenda. 34Nu oruveze rwomanikorero womandjembere tji rwa yenene, eye otja hinda ovakarere ve kovayazeme okukaeta ovihape imbi ovye. 35Ovayazeme va kambura imba ovakarere, umwe ave tono, omukwao, ave zepa, omukwao warwe ave zepa nomawe. 36Norukwao eye wa hindire ovakarere ovakwao ovengi pu imba ovatenga, novakune va tjitire tjingetjo ku wo. 37Korusenina eye wa hindire omuzandu we omuini ama tja: ‘Tjiri, omuzandu wandje ngwi mave mu yozike.’ 38Nungwari ovakune tji va muna ingwi omuzandu arire tji verihungirire oveni ave tja: ‘Ingwi eye omuzandu womuini wotjikunino. Indjeye tu mu zepe, eṱa ri rire oretu!’ 39Nowo arire tji ve mu kambura, ave mu nakaurire pendje yotjikunino nave mu zepa.”
40Jesus wa purire a tja: “Nu ingwi omuini wotjikunino tje ya ma tjiti vi kovayazeme mba?”
41Owo ave ziri ave tja: “Eye, tjiri, ma zepa ovayazeme ovanauvi mbo, okuzambo a yazemisa otjikunino ho ku varwe mbu mave mu pe imbi mbi sokurira ovye momanikorero moruveze orusemba.”
42 #
Psa 118:22, 23 Jesus wa tjere ku wo: “Eṋe kamu na pu mwa resere omatjangwa nga are?
‘Ewe indi nda imbirahiwa i ovatunge,
onda karira ewe enanḓengu rotjikoro.
Nu ngwa tjita nao oMuhona,
notjo otjihimise tji matu tara mo!’ ”
43Nu Jesus a hungire komurungu a tja: “Tjiri, memu raere kutja ouhona wa Ndjambi mamu yekwa nau kayandjewa kotjiwaṋa tji matji eta ovihape oviwa.
44“Ingwi ngu ma wire kombanda yewe ndi ma nyanyaurwa, nu ingwi oro ku mari wire mari mu ṱukuṱura.”
45Ovapristeri oviuru nOvafarisei tji va zuvire omasanekero wa Jesus arire tji va tjiza kutja eye ma tuvirire wo. 46Nowo opu va vangera okumukambura, nungwari aave tira otjimbumba tjovandu, otjo tjinga aatji vara Jesus otja omuprofete.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Herero Revision Bible © Bible Society in Namibia, 2021.