Oviungura 21
21
Paulus ma i kOjerusalem
1Eṱe twe ve virikiza natu i. Tji twa za nokukonda okuvare arire tji twa hungama osemba atu ya kOkos; nu mependukirwa twa kavaza kOrodos, nokuzambo atu ya kOpatara. 2MOpatara twa vaza mo ondjuwoyomomeva, ndji mai i kOfenisie, narire tji twa rondo mu yo natu kayenda. 3Eṱe twa muna okakoverwa Siprus komurungu wetu, nu atu varama na ko komukuma wokokumuho kweyuva okuyenda kOsirie. Nu mOtirus ondjuwoyomomeva mu ya herurira omitwaro omu twa herukira. 4Twa vazere mo ovakriste tjiva natu kara puna wo oure womayuva hambombari. Okupitira momasa wOmbepo, owo va raera Paulus kutja eye a ha i kOjerusalem. 5Nungwari omayuva wetu puna wo tji ya manuka, arire tji twa zu po atu kayenda. Owo avehe puna ovakazendu novanatje vawo ve tu ṱika pendje yotjihuro nga komukuro wokuvare. Atuhe twa wora ozongoro atu kumbu. 6Tjazumba atu virikizasana, neṱe atu rondo mondjuwoyomomeva, nowo ave yaruka kozoyawo.
7Eṱe twa kayendisa ouyenda wetu komurungu atu kondo okuvare okuza kOtirus okuyenda kOptolemais atu kaminika ovakambure natu kakara puna wo oure weyuva rimwe. 8#Oviu 6:5; 8:5Mependukirwa twa ya atu kavaza kOsesarea. Nu mOsesarea twa kasekira mondjuwo ya Filipus, omuzuvarise wOmbuze Ombwa, umwe wovarumendu mba hambombari mba toororerwe okurira ovavatere mOjerusalem. 9Filipus wa ri novanatje vane ovakazona mbe ha kupirwe, nu mbaa ve zuvarisa ombuze ya Ndjambi. 10#Oviu 11:28Nu tji twa kara mo omayuva tjiva, arire tji pe ya omuprofete wena Agabus ngwa zire kOjudea. 11Eye we ere ku eṱe, a toora ekwamo ra Paulus e ripandeke na ro ozombaze nomake we omuini na tja: “Ombepo Ondjapuke mai tja omurumendu omuini wekwamo ndi ma kapandekwa momuhingo mbwi i Ovajuda mOjerusalem, nowo mave kemuyandja momake wa imba mbe he ri Ovajuda.”
12Nu tji twa zuva omambo nga, eṱe novakwetu mba ri mbo arire tji twe riheke ku Paulus kutja a ha i ko kOjerusalem. 13Nungwari Paulus wa zira a tja: “Mamu tjiti tjike tji mamu riri nokukurungisa omutima wandje nai? Ami kakutja mbe rirongerere okukapandekerwa mOjerusalem porwako, nungwari wina mbe rirongerere okukaṱira Muhona Jesus koṋa ngo.”
14Nu tji tu ha sorere okumuyeura nomambo, arire tji twe rihahiza atu tja: “Ombango ya Muhona ngai tjitwe.”
15Nu kombunda yomayuva tjiva eṱe twa ṱuna oviṋa vyetu natu i kOjerusalem. 16Ovahongewa tjiva va Sesarea wina va ya puna eṱe nave tu twara kondjuwo ya Mnason, omurumendu pu twa sere okukasekira, ngwa zire kOsiprus, nu ngwa ri umwe wa imba ovakambure ovatenga.
Paulus ma kavarura Jakobus
17Tji twe ya kOjerusalem, ovakambure ve tu yakura nenyando tjinene. 18Nu mependukirwa, Paulus wa ya puna eṱe okukavarura Jakobus; novatarere avehe wombongo tjandje va woronganene mbo. 19Paulus we ve minika, tjazumba e ve serekarere avihe Ndjambi mbya tjitire okupitira mu ye mokati kaimba mbe ha ri Ovajuda. 20Tji va za nokupuratena komambo we, avehe arire tji va tanga Ndjambi. Okuzambo ave tja: “Mukwetu Paulus, ove mo munu kutja Ovajuda omayovi omengi va rira ovakambure mu Jesus nokutja owo avehe nga mba ve ṱakamisa Omatwako. 21Owo va raerwa kutja ove iyo hongo Ovajuda avehe mba tura momahi wa imba mbe he ri Ovajuda kutja ve ise Omatwako wa Moses, nokuveraera kutja ave ha sukareke ovanatje vawo nave ha horere kotuzo twOvajuda. 22Nambano ngape tjitwe vi? Owo, tjiri, mave zuu kutja ove weya. 23#Num 6:13-21Ngo tji tjiti mba punga amatu ku raere. Tu novarumendu vane poṋa mba mba tjiti oruyano. 24Twende puna wo mu katjite omerikohororero, nu u kevesutire ovimariva; owo mave sora okurihora oviuru. Komuhingo mbwi owo avehe otji mave tjiwa kutja oviṋa avihe mbya hungirirwa ove ovyo kauatjiri, nungwari ove omuini ongu u ri omuṱakamise wOmatwako wa Moses. 25#Oviu 15:29Nu ovakambure mba rutenga mbe he ri Ovajuda twe ve tjivisa morutuu indwi ondyero yetu yokutja ave ha ri ko ovikurya avihe ngamwa mbya punguhirwa oomukuru vovisenginina, nombinḓu, notjinamuinyo tji tja siniwa, nokutja ve sokuritjaera kokunanukira oruvakiro.”
26Mependukirwa, Paulus wa toorere ovarumendu mba vane na katjita omerikohororero puna wo. Tjazumba arire tja i kondjuwo ya Muhona nu a katjivisa indi eyuva omakohororero mu maye sokuyanda, indu auhe wawo tji ma punguhirwa ombunguhiro.
Paulus ma kamburirwa mondjuwo ya Muhona
27Nungwari omayuva nga hambombari tji ya ri pokumanuka, Ovajuda tjiva mba zire korukondwa rwa Asie va muna Paulus mondjuwo ya Muhona. Owo arire tji va zunganisa otjimbumba tjovandu, ave kambura Paulus 28amave ravaere nai: “Varumendu Ovaisrael, indjeye mu vatere. Eye onguri omurumendu ngwi ngu ryanga akuhe okuhonga ovandu avehe kutja ve pirukire otjiwaṋa tja Israel, nOmatwako wa Moses, nondjuwo ya Muhona ndji. Nambano eye wa hitisa nangarire imba mbe he ri Ovajuda mondjuwo ya Muhona, nu wa yamburura moṋa momuyapuke mwi.” 29#Oviu 20:4Owo va hungira omambo nga, tjinga ava munine Trofimus ngwa zire kOefese puna Paulus motjihuro, notji va tjangovasi Paulus ongwe mu hitisa wina mondjuwo ya Muhona.
30Omazunganeno ya rimbarere motjihuro atjihe, novandu avehe va worongana ave kambura Paulus nave mu kokozorere pendje yondjuwo ya Muhona. Tjimanga omivero vyayo arire tji vya patwa. 31Otjira tjovazungane tja vanga okuzepa Paulus. Ombuze arire tji ya hindwa komuhongore wotjira tjovita tjOvaroma kutja Jerusalem atjihe tji ri mezunganeno. 32Tjimanga omunane wotjimbumba tjovita wa toorere ovanane novarwe wovita na hakahana okuyenda kotjimbumba tjovandu. Ovandu tji ve mu muna e ri puna ovarwe wovita, arire tji va isa okutona Paulus. 33Omuhongore wovita weya ku Paulus, e mu kambura nu a rakiza kutja a pandekwe nouketanga uvari. Tjazumba a pura a tja: “Omurumendu ngwi ouṋe, nu wa ungura tjike?” 34Ovandu tjiva motjimbumba ngunda amave ravaere omambo wawo peke, ovakwao tjandje mave ravaere omambo wawo peke. Pa ri ezunganeno enene nai nga omuhongore tje ha yenenene okutjiwa ouatjiri waimbi mbya tjitwa, nu arire tja rakiza kovandu ve kutja ve kahitise Paulus momaturiro wovarwe wovita. 35Owo ve mu twara nga pozondomba zomaturiro nga, okuzambo ovarwe wovita ave mu toora okumuyera, otjira tjovazungane tjinga aatji vanga okumuhakana komasa. 36Owo avehe ve mu kongorera amave ravaere nai: “Nga ṱe!”
Paulus me riyeura omuini
37Ovarwe wovita tji va hara okuhitisa Paulus momaturiro wawo, eye arire tja tja komuhongore: “Mo ndji yandjere uri kutja mbi hungire otjiṋa kove?”
Omuhongore a pura a tja: “Ove nai u hungira Otjigrike are? 38Nangwari kaove Omuengipte ngwi momayuva omasupi nga nga kapita ngwa uta omapirukiriro na hongorere ovatirise omayovi yane mbe ripangaṋa novirwise kokuti onguza are?”
39Paulus arire tja ziri a tja: “Owami Omujuda ngu mba kwaterwa mOtarsus mehi ra Silisie, omukwatera wotjihuro otjinanḓengu. Arikana ndji yandjera mbi hungire notjiwaṋa.”
40Omuhongore wovita we mu yandjera okuhungira, nu Paulus a kurama kozondondo na ṋanga ovandu neke kutja ve mwine. Nowo tji va mwina, Paulus wa hungira ku wo mOtjiheberi a tja:
ទើបបានជ្រើសរើសហើយ៖
Oviungura 21: HRR-UNI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Herero Revision Bible © Bible Society in Namibia, 2021.
Oviungura 21
21
Paulus ma i kOjerusalem
1Eṱe twe ve virikiza natu i. Tji twa za nokukonda okuvare arire tji twa hungama osemba atu ya kOkos; nu mependukirwa twa kavaza kOrodos, nokuzambo atu ya kOpatara. 2MOpatara twa vaza mo ondjuwoyomomeva, ndji mai i kOfenisie, narire tji twa rondo mu yo natu kayenda. 3Eṱe twa muna okakoverwa Siprus komurungu wetu, nu atu varama na ko komukuma wokokumuho kweyuva okuyenda kOsirie. Nu mOtirus ondjuwoyomomeva mu ya herurira omitwaro omu twa herukira. 4Twa vazere mo ovakriste tjiva natu kara puna wo oure womayuva hambombari. Okupitira momasa wOmbepo, owo va raera Paulus kutja eye a ha i kOjerusalem. 5Nungwari omayuva wetu puna wo tji ya manuka, arire tji twa zu po atu kayenda. Owo avehe puna ovakazendu novanatje vawo ve tu ṱika pendje yotjihuro nga komukuro wokuvare. Atuhe twa wora ozongoro atu kumbu. 6Tjazumba atu virikizasana, neṱe atu rondo mondjuwoyomomeva, nowo ave yaruka kozoyawo.
7Eṱe twa kayendisa ouyenda wetu komurungu atu kondo okuvare okuza kOtirus okuyenda kOptolemais atu kaminika ovakambure natu kakara puna wo oure weyuva rimwe. 8#Oviu 6:5; 8:5Mependukirwa twa ya atu kavaza kOsesarea. Nu mOsesarea twa kasekira mondjuwo ya Filipus, omuzuvarise wOmbuze Ombwa, umwe wovarumendu mba hambombari mba toororerwe okurira ovavatere mOjerusalem. 9Filipus wa ri novanatje vane ovakazona mbe ha kupirwe, nu mbaa ve zuvarisa ombuze ya Ndjambi. 10#Oviu 11:28Nu tji twa kara mo omayuva tjiva, arire tji pe ya omuprofete wena Agabus ngwa zire kOjudea. 11Eye we ere ku eṱe, a toora ekwamo ra Paulus e ripandeke na ro ozombaze nomake we omuini na tja: “Ombepo Ondjapuke mai tja omurumendu omuini wekwamo ndi ma kapandekwa momuhingo mbwi i Ovajuda mOjerusalem, nowo mave kemuyandja momake wa imba mbe he ri Ovajuda.”
12Nu tji twa zuva omambo nga, eṱe novakwetu mba ri mbo arire tji twe riheke ku Paulus kutja a ha i ko kOjerusalem. 13Nungwari Paulus wa zira a tja: “Mamu tjiti tjike tji mamu riri nokukurungisa omutima wandje nai? Ami kakutja mbe rirongerere okukapandekerwa mOjerusalem porwako, nungwari wina mbe rirongerere okukaṱira Muhona Jesus koṋa ngo.”
14Nu tji tu ha sorere okumuyeura nomambo, arire tji twe rihahiza atu tja: “Ombango ya Muhona ngai tjitwe.”
15Nu kombunda yomayuva tjiva eṱe twa ṱuna oviṋa vyetu natu i kOjerusalem. 16Ovahongewa tjiva va Sesarea wina va ya puna eṱe nave tu twara kondjuwo ya Mnason, omurumendu pu twa sere okukasekira, ngwa zire kOsiprus, nu ngwa ri umwe wa imba ovakambure ovatenga.
Paulus ma kavarura Jakobus
17Tji twe ya kOjerusalem, ovakambure ve tu yakura nenyando tjinene. 18Nu mependukirwa, Paulus wa ya puna eṱe okukavarura Jakobus; novatarere avehe wombongo tjandje va woronganene mbo. 19Paulus we ve minika, tjazumba e ve serekarere avihe Ndjambi mbya tjitire okupitira mu ye mokati kaimba mbe ha ri Ovajuda. 20Tji va za nokupuratena komambo we, avehe arire tji va tanga Ndjambi. Okuzambo ave tja: “Mukwetu Paulus, ove mo munu kutja Ovajuda omayovi omengi va rira ovakambure mu Jesus nokutja owo avehe nga mba ve ṱakamisa Omatwako. 21Owo va raerwa kutja ove iyo hongo Ovajuda avehe mba tura momahi wa imba mbe he ri Ovajuda kutja ve ise Omatwako wa Moses, nokuveraera kutja ave ha sukareke ovanatje vawo nave ha horere kotuzo twOvajuda. 22Nambano ngape tjitwe vi? Owo, tjiri, mave zuu kutja ove weya. 23#Num 6:13-21Ngo tji tjiti mba punga amatu ku raere. Tu novarumendu vane poṋa mba mba tjiti oruyano. 24Twende puna wo mu katjite omerikohororero, nu u kevesutire ovimariva; owo mave sora okurihora oviuru. Komuhingo mbwi owo avehe otji mave tjiwa kutja oviṋa avihe mbya hungirirwa ove ovyo kauatjiri, nungwari ove omuini ongu u ri omuṱakamise wOmatwako wa Moses. 25#Oviu 15:29Nu ovakambure mba rutenga mbe he ri Ovajuda twe ve tjivisa morutuu indwi ondyero yetu yokutja ave ha ri ko ovikurya avihe ngamwa mbya punguhirwa oomukuru vovisenginina, nombinḓu, notjinamuinyo tji tja siniwa, nokutja ve sokuritjaera kokunanukira oruvakiro.”
26Mependukirwa, Paulus wa toorere ovarumendu mba vane na katjita omerikohororero puna wo. Tjazumba arire tja i kondjuwo ya Muhona nu a katjivisa indi eyuva omakohororero mu maye sokuyanda, indu auhe wawo tji ma punguhirwa ombunguhiro.
Paulus ma kamburirwa mondjuwo ya Muhona
27Nungwari omayuva nga hambombari tji ya ri pokumanuka, Ovajuda tjiva mba zire korukondwa rwa Asie va muna Paulus mondjuwo ya Muhona. Owo arire tji va zunganisa otjimbumba tjovandu, ave kambura Paulus 28amave ravaere nai: “Varumendu Ovaisrael, indjeye mu vatere. Eye onguri omurumendu ngwi ngu ryanga akuhe okuhonga ovandu avehe kutja ve pirukire otjiwaṋa tja Israel, nOmatwako wa Moses, nondjuwo ya Muhona ndji. Nambano eye wa hitisa nangarire imba mbe he ri Ovajuda mondjuwo ya Muhona, nu wa yamburura moṋa momuyapuke mwi.” 29#Oviu 20:4Owo va hungira omambo nga, tjinga ava munine Trofimus ngwa zire kOefese puna Paulus motjihuro, notji va tjangovasi Paulus ongwe mu hitisa wina mondjuwo ya Muhona.
30Omazunganeno ya rimbarere motjihuro atjihe, novandu avehe va worongana ave kambura Paulus nave mu kokozorere pendje yondjuwo ya Muhona. Tjimanga omivero vyayo arire tji vya patwa. 31Otjira tjovazungane tja vanga okuzepa Paulus. Ombuze arire tji ya hindwa komuhongore wotjira tjovita tjOvaroma kutja Jerusalem atjihe tji ri mezunganeno. 32Tjimanga omunane wotjimbumba tjovita wa toorere ovanane novarwe wovita na hakahana okuyenda kotjimbumba tjovandu. Ovandu tji ve mu muna e ri puna ovarwe wovita, arire tji va isa okutona Paulus. 33Omuhongore wovita weya ku Paulus, e mu kambura nu a rakiza kutja a pandekwe nouketanga uvari. Tjazumba a pura a tja: “Omurumendu ngwi ouṋe, nu wa ungura tjike?” 34Ovandu tjiva motjimbumba ngunda amave ravaere omambo wawo peke, ovakwao tjandje mave ravaere omambo wawo peke. Pa ri ezunganeno enene nai nga omuhongore tje ha yenenene okutjiwa ouatjiri waimbi mbya tjitwa, nu arire tja rakiza kovandu ve kutja ve kahitise Paulus momaturiro wovarwe wovita. 35Owo ve mu twara nga pozondomba zomaturiro nga, okuzambo ovarwe wovita ave mu toora okumuyera, otjira tjovazungane tjinga aatji vanga okumuhakana komasa. 36Owo avehe ve mu kongorera amave ravaere nai: “Nga ṱe!”
Paulus me riyeura omuini
37Ovarwe wovita tji va hara okuhitisa Paulus momaturiro wawo, eye arire tja tja komuhongore: “Mo ndji yandjere uri kutja mbi hungire otjiṋa kove?”
Omuhongore a pura a tja: “Ove nai u hungira Otjigrike are? 38Nangwari kaove Omuengipte ngwi momayuva omasupi nga nga kapita ngwa uta omapirukiriro na hongorere ovatirise omayovi yane mbe ripangaṋa novirwise kokuti onguza are?”
39Paulus arire tja ziri a tja: “Owami Omujuda ngu mba kwaterwa mOtarsus mehi ra Silisie, omukwatera wotjihuro otjinanḓengu. Arikana ndji yandjera mbi hungire notjiwaṋa.”
40Omuhongore wovita we mu yandjera okuhungira, nu Paulus a kurama kozondondo na ṋanga ovandu neke kutja ve mwine. Nowo tji va mwina, Paulus wa hungira ku wo mOtjiheberi a tja:
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Herero Revision Bible © Bible Society in Namibia, 2021.