Oviungura 19
19
Paulus mOefese
1Apolos ngunda a ri mOkorinte, Paulus wa tapakaṋa orukondwa aruhe rwehi ndo nu eya kOefese. Nu mOefese eye wa vazere mo ovakambure tjiva, 2ne ve pura nai: “Eṋe mwa pewa Ombepo Ondjapuke indu tji mwa rira ovakambura?”
Owo arire tji va ziri ave tja: “Eṱe katu na pu twa zuva nangarire ingwi okutja ku nOmbepo Ondjapuke.”
3Paulus a pura a tja: “Neṋe hapo mwa pewa ombapitisimo yatjike?”
Owo ave ziri nai: “Twa pewa ombapitisimo ya Johanes.”
4 #
Mt 3:11; Mk 1:4, 7, 8; Lk 3:4, 16; Jhn 1:26, 27 Paulus otja tja: “Ombapitisimo ya Johanes ya ri oyaimba mbe ritanaura kourunde wawo; neye wa raerere Ovaisrael kutja ve kambure mu ingwi ngu mee ya kombunda ye, okutja omu Jesus.”
5Nowo tji va zuvire omambo nga, arire tji va papitisiwa mena ra Muhona Jesus. 6Paulus wa yambeka omake ku wo, nOmbepo Ondjapuke ai ya kombanda yawo; owo va hungire omaraka wozonganda nu wina ave zuvarisa ombuze ya Ndjambi. 7Owo va ri ovarumendu mangara omurongo na vevari avehe kumwe.
8Paulus wa hita mosinagoge, nu oure womieze vitatu a hungire nouvanḓe kuna ovandu ama patasana na wo, nama roro kutja owo ve yakure ouhona wa Ndjambi. 9Nungwari tjiva vawo va ri noviuru ovikututu, nu kave vangere okukambura nave hungirire ondjira ya Muhona oviṋa ovivi komurungu waavehe. Paulus ope ve sira na toora ovakambure a i puna wo, neyuva arihe aa kakara nomahungi novandu mondjuwo yomahongero ya Tiranus. 10Nu pa tjitwa nao oure wozombura mbari, kokutja ovature avehe vorukondwa rwehi ra Asie, Ovajuda naimba mbe he ri Ovajuda, ve zuve embo ra Muhona.
Ovazandu va Skeva
11Ndjambi wa tjitire oviungura ovihimise nomake wa Paulus. 12Nangarire ouriyeke we womondjaṱu notuhira twe twa tuwa kovavere, nomitjise vyawo avi veruka, nozombepo ozohakohoke aze piti mu wo. 13Ovajuda tjiva mbaa ve ryanga nokupitisa ozombepo ozohakohoke movandu, wina va rorere okutjita nao mena ra Muhona Jesus. Owo aave tja nai kozombepo ozohakohoke nḓa: “Ami me mu rakiza mena ra Jesus ngu zuvarisiwa i Paulus kutja mu pite momundu ngwi.” 14Otjiṋa hi aatji tjitwa i ovazandu hambombari wOmupristeri Otjiuru Omujuda wena Skeva. 15Nungwari ombepo ohakohoke ya tja ku wo: “Ami Jesus mbi mu i, nu Paulus wina mbi mu i; nu hapo eṋe oweṋe oowaṋi?”
16Omundu ngwi ngwa ri nombepo ohakohoke we ve rwisa nomasa tjinene nga tje ve uru avehe. Owo va purukuta mondjuwo ye ave tupuke, tjandje va hara ovirwaro, nu va kasewa muzu. 17Ovajuda naimba mbe he ri Ovajuda avehe, mba turire mOefese va zuva otjiṋa hi; owo avehe va tira tjinene, nena ra Muhona Jesus arire tji ra pewa ondjozikiro onene. 18Novakambure ovengi ve ya ave rihepurire mokati kovandu imbi oviungura vyawo vyoundjai nu ave vi tjiukisa ku wo. 19Otjingi tjaimba mba tjitire oundjai va woronganisa omambo wawo nave ye nyosire momurungu wovandu. Owo va vara onḓengu yotjimariva tjomambo nga, notjivaro atjihe kumwe tja vazere ovimariva ovisilveri 50,000. 20Momuhingo omuhimise mbwi embo ra Muhona otji ra handjaukira ko nari zeuparere ko.
Ezunganeno mOefese
21Oviṋa mbi tji vya za nokutjitwa, Paulus otje rimana okuryanga mehi ra Makedonie nora Akaja nokuyenda kOjerusalem. Eye wa tja: “Tji mba zu nokukavaza ngo, wina me sokukamuna Oroma.” 22Eye arire tja hindi ovavatere ve vevari, Timoteus na Erastus, kOmakedonie, eye omuini ngunda ama kara omayuva ouṱiṱi morukondwa rwehi ra Asie.
23Momayuva tjingewo nga mwa ri ezunganeno enene tjinene mOefese mena rondjira ya Muhona. 24Omuhambure wosilveri worive wena Demetrius wa hambura oviserekarera vyosilveri vyondjuwo onḓere yomukuru wotjisenginina oserekaze Artemis, noviungura vye mbi vya eta ovihohe ovingi tjinene kovaungure. 25Neye otje ve woronganisa avehe puna ovakwao mba mbaa ve ungura otjiungura tjingetjo na tja ku wo: “Varumendu, eṋe mamu tjiwa kutja outumbe wetu u za motjiungura hi. 26Nambano eṋe oveni mamu munu nokuzuva oviṋa omurumendu ngwi Paulus mbi ma tjiti. Eye u tja oomukuru mba ungurwa nomake wovandu kaoomukuru oparukaze, neye wa tanaurira ovandu ovengi okuriyameka ku ye, imwi mOefese na morukondwa mangara aruhe rwehi ra Asie. 27Nu pe noumba wokutja otjiungura tjetu hi matji pewa ena evi. Karo ndi ena evi porwaro, nungwari wina pe noumba wokutja ondjuwo onḓere yomukuru omunene wotjisenginina oserekaze Artemis mai rire pouriri, nokutja ounene we mau yandisiwa, orondu omukuru oserekaze ngwi Artemis u rikotamenwa i avehe mehi ra Asie na mouye auhe!”
28Notjimbumba tjovandu tji tja zuvire omambo nga arire tji tja pindike tjinene nu atji ravaere nai: “Artemis wa Efese eye omunene!” 29Notjihuro atjihe tja zungana. Imba ovazunganise va kambura Gajus na Aristarkus, Ovamakedoni vevari mbaa ve ryanga puna Paulus, nu ave ve nanene koruveze rwomawongarero wovandu. 30Paulus omuini wa vangere okukahungira notjimbumba, nungwari ovakambure ve mu tjaera. 31Ovahonapare tjiva vorukondwa ndo, mba ri omapanga wa Paulus, wina va hinda ombuze yokukemuhekena kutja e he keriraisa omuini pomawongarero ngo. 32Ovandu avehe tjandje nai mave rokoha mombongarero: Tjiva aave ravaere otjiṋa hi, novakwao ave ravaere tjarwe, owo tjinga aave ha tjiwa kutja hapo va woronganene tjike. 33Ovandu tjiva va raera Aleksander kutja mape kayenda tjike, Ovajuda tjinga ave mu undurira komurunga wovandu. Tjazumba Aleksander e ve ṋanga neke kutja ve mwine nu a hara okuhungira kuna wo. 34Nungwari owo tji va zemburuka kutja eye Omujuda, avehe pamwe arire tji va ravaere neraka rimwe oure wozoiri mbari amave tja: “Artemis wa Efese eye omunene!”
35Korusenina omutjangerepo wotjihuro otja mwinisa otjimbumba na tja: “Vakwetu va Efese, amuhe mamu tjiwa kutja otjihuro Efese otji tji ri otjiṱakamise tjondjuwo onḓere onene ya Artemis na indi ewe ezere nda wa keyuru. 36Kape nomundu ngu hi nokutjiwa oviṋa mbi. Okutja otji mwa sokuporimana amu ha tjiti oviṋa vyouyova. 37Oweṋe mbu mwa eta ovarumendu mba poṋa mba nangarire kutja owo kave pundire oviṋa vyozondjuwo ozonḓere nu kave yambururire omukuru wetu oserekaze. 38Ndovazu Demetrius novaungure va puna ye ve notjiposa kuna omundu, eṱe tu novapangure, nu pa zikamisiwa omayuva wombanguriro, oviposa vyawo ngavi twarewe ngo. 39Nungwari tji mu notjiṋa tjarwe komurungu tji mamu vanga, otjo tji sokukaṱuninwa mombongarero yovature avehe votjihuro. 40Tjapo imbi mbya tjitwa ndinondi mavi tu etere oumba wokurondorwa kutja twa tjiti ezunganeno. Ka ri ohepero okutjita omazunganeno aehe nga, neṱe kamaatu yenene okuyandja eziriro esemba kotjiṋa hi.” 41Nu tja za nokuhungura omambo nga arire tja pata indji ombongarero.
ទើបបានជ្រើសរើសហើយ៖
Oviungura 19: HRR-UNI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Herero Revision Bible © Bible Society in Namibia, 2021.
Oviungura 19
19
Paulus mOefese
1Apolos ngunda a ri mOkorinte, Paulus wa tapakaṋa orukondwa aruhe rwehi ndo nu eya kOefese. Nu mOefese eye wa vazere mo ovakambure tjiva, 2ne ve pura nai: “Eṋe mwa pewa Ombepo Ondjapuke indu tji mwa rira ovakambura?”
Owo arire tji va ziri ave tja: “Eṱe katu na pu twa zuva nangarire ingwi okutja ku nOmbepo Ondjapuke.”
3Paulus a pura a tja: “Neṋe hapo mwa pewa ombapitisimo yatjike?”
Owo ave ziri nai: “Twa pewa ombapitisimo ya Johanes.”
4 #
Mt 3:11; Mk 1:4, 7, 8; Lk 3:4, 16; Jhn 1:26, 27 Paulus otja tja: “Ombapitisimo ya Johanes ya ri oyaimba mbe ritanaura kourunde wawo; neye wa raerere Ovaisrael kutja ve kambure mu ingwi ngu mee ya kombunda ye, okutja omu Jesus.”
5Nowo tji va zuvire omambo nga, arire tji va papitisiwa mena ra Muhona Jesus. 6Paulus wa yambeka omake ku wo, nOmbepo Ondjapuke ai ya kombanda yawo; owo va hungire omaraka wozonganda nu wina ave zuvarisa ombuze ya Ndjambi. 7Owo va ri ovarumendu mangara omurongo na vevari avehe kumwe.
8Paulus wa hita mosinagoge, nu oure womieze vitatu a hungire nouvanḓe kuna ovandu ama patasana na wo, nama roro kutja owo ve yakure ouhona wa Ndjambi. 9Nungwari tjiva vawo va ri noviuru ovikututu, nu kave vangere okukambura nave hungirire ondjira ya Muhona oviṋa ovivi komurungu waavehe. Paulus ope ve sira na toora ovakambure a i puna wo, neyuva arihe aa kakara nomahungi novandu mondjuwo yomahongero ya Tiranus. 10Nu pa tjitwa nao oure wozombura mbari, kokutja ovature avehe vorukondwa rwehi ra Asie, Ovajuda naimba mbe he ri Ovajuda, ve zuve embo ra Muhona.
Ovazandu va Skeva
11Ndjambi wa tjitire oviungura ovihimise nomake wa Paulus. 12Nangarire ouriyeke we womondjaṱu notuhira twe twa tuwa kovavere, nomitjise vyawo avi veruka, nozombepo ozohakohoke aze piti mu wo. 13Ovajuda tjiva mbaa ve ryanga nokupitisa ozombepo ozohakohoke movandu, wina va rorere okutjita nao mena ra Muhona Jesus. Owo aave tja nai kozombepo ozohakohoke nḓa: “Ami me mu rakiza mena ra Jesus ngu zuvarisiwa i Paulus kutja mu pite momundu ngwi.” 14Otjiṋa hi aatji tjitwa i ovazandu hambombari wOmupristeri Otjiuru Omujuda wena Skeva. 15Nungwari ombepo ohakohoke ya tja ku wo: “Ami Jesus mbi mu i, nu Paulus wina mbi mu i; nu hapo eṋe oweṋe oowaṋi?”
16Omundu ngwi ngwa ri nombepo ohakohoke we ve rwisa nomasa tjinene nga tje ve uru avehe. Owo va purukuta mondjuwo ye ave tupuke, tjandje va hara ovirwaro, nu va kasewa muzu. 17Ovajuda naimba mbe he ri Ovajuda avehe, mba turire mOefese va zuva otjiṋa hi; owo avehe va tira tjinene, nena ra Muhona Jesus arire tji ra pewa ondjozikiro onene. 18Novakambure ovengi ve ya ave rihepurire mokati kovandu imbi oviungura vyawo vyoundjai nu ave vi tjiukisa ku wo. 19Otjingi tjaimba mba tjitire oundjai va woronganisa omambo wawo nave ye nyosire momurungu wovandu. Owo va vara onḓengu yotjimariva tjomambo nga, notjivaro atjihe kumwe tja vazere ovimariva ovisilveri 50,000. 20Momuhingo omuhimise mbwi embo ra Muhona otji ra handjaukira ko nari zeuparere ko.
Ezunganeno mOefese
21Oviṋa mbi tji vya za nokutjitwa, Paulus otje rimana okuryanga mehi ra Makedonie nora Akaja nokuyenda kOjerusalem. Eye wa tja: “Tji mba zu nokukavaza ngo, wina me sokukamuna Oroma.” 22Eye arire tja hindi ovavatere ve vevari, Timoteus na Erastus, kOmakedonie, eye omuini ngunda ama kara omayuva ouṱiṱi morukondwa rwehi ra Asie.
23Momayuva tjingewo nga mwa ri ezunganeno enene tjinene mOefese mena rondjira ya Muhona. 24Omuhambure wosilveri worive wena Demetrius wa hambura oviserekarera vyosilveri vyondjuwo onḓere yomukuru wotjisenginina oserekaze Artemis, noviungura vye mbi vya eta ovihohe ovingi tjinene kovaungure. 25Neye otje ve woronganisa avehe puna ovakwao mba mbaa ve ungura otjiungura tjingetjo na tja ku wo: “Varumendu, eṋe mamu tjiwa kutja outumbe wetu u za motjiungura hi. 26Nambano eṋe oveni mamu munu nokuzuva oviṋa omurumendu ngwi Paulus mbi ma tjiti. Eye u tja oomukuru mba ungurwa nomake wovandu kaoomukuru oparukaze, neye wa tanaurira ovandu ovengi okuriyameka ku ye, imwi mOefese na morukondwa mangara aruhe rwehi ra Asie. 27Nu pe noumba wokutja otjiungura tjetu hi matji pewa ena evi. Karo ndi ena evi porwaro, nungwari wina pe noumba wokutja ondjuwo onḓere yomukuru omunene wotjisenginina oserekaze Artemis mai rire pouriri, nokutja ounene we mau yandisiwa, orondu omukuru oserekaze ngwi Artemis u rikotamenwa i avehe mehi ra Asie na mouye auhe!”
28Notjimbumba tjovandu tji tja zuvire omambo nga arire tji tja pindike tjinene nu atji ravaere nai: “Artemis wa Efese eye omunene!” 29Notjihuro atjihe tja zungana. Imba ovazunganise va kambura Gajus na Aristarkus, Ovamakedoni vevari mbaa ve ryanga puna Paulus, nu ave ve nanene koruveze rwomawongarero wovandu. 30Paulus omuini wa vangere okukahungira notjimbumba, nungwari ovakambure ve mu tjaera. 31Ovahonapare tjiva vorukondwa ndo, mba ri omapanga wa Paulus, wina va hinda ombuze yokukemuhekena kutja e he keriraisa omuini pomawongarero ngo. 32Ovandu avehe tjandje nai mave rokoha mombongarero: Tjiva aave ravaere otjiṋa hi, novakwao ave ravaere tjarwe, owo tjinga aave ha tjiwa kutja hapo va woronganene tjike. 33Ovandu tjiva va raera Aleksander kutja mape kayenda tjike, Ovajuda tjinga ave mu undurira komurunga wovandu. Tjazumba Aleksander e ve ṋanga neke kutja ve mwine nu a hara okuhungira kuna wo. 34Nungwari owo tji va zemburuka kutja eye Omujuda, avehe pamwe arire tji va ravaere neraka rimwe oure wozoiri mbari amave tja: “Artemis wa Efese eye omunene!”
35Korusenina omutjangerepo wotjihuro otja mwinisa otjimbumba na tja: “Vakwetu va Efese, amuhe mamu tjiwa kutja otjihuro Efese otji tji ri otjiṱakamise tjondjuwo onḓere onene ya Artemis na indi ewe ezere nda wa keyuru. 36Kape nomundu ngu hi nokutjiwa oviṋa mbi. Okutja otji mwa sokuporimana amu ha tjiti oviṋa vyouyova. 37Oweṋe mbu mwa eta ovarumendu mba poṋa mba nangarire kutja owo kave pundire oviṋa vyozondjuwo ozonḓere nu kave yambururire omukuru wetu oserekaze. 38Ndovazu Demetrius novaungure va puna ye ve notjiposa kuna omundu, eṱe tu novapangure, nu pa zikamisiwa omayuva wombanguriro, oviposa vyawo ngavi twarewe ngo. 39Nungwari tji mu notjiṋa tjarwe komurungu tji mamu vanga, otjo tji sokukaṱuninwa mombongarero yovature avehe votjihuro. 40Tjapo imbi mbya tjitwa ndinondi mavi tu etere oumba wokurondorwa kutja twa tjiti ezunganeno. Ka ri ohepero okutjita omazunganeno aehe nga, neṱe kamaatu yenene okuyandja eziriro esemba kotjiṋa hi.” 41Nu tja za nokuhungura omambo nga arire tja pata indji ombongarero.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Herero Revision Bible © Bible Society in Namibia, 2021.