Oviungura 17
17
Ezunganeno mOtesalonika
1Paulus na Silas va kayenda komurungu ave tuurunga Amfipolis na Apolonie nave ya mOtesalonika mu mwa ri osinagoge. 2Nu Paulus wa hita mosinagoge otja tjaa tjiti, nu mOmasabata yetatu wa kara ama patasana kuna wo okuza momatjangwa. 3Eye aa handjaura omatjangwa nokuraisa mu wo kutja Omutwirisiwa wa sere okuṱa nu wa sere okupenduka movakoke. Paulus wa tjere: “Ingwi Jesus ami ngu me hongononene eṋe eye onguri Omutwirisiwa.” 4Ovajuda tjiva va popwa i omahungi wa Paulus, narire tji ve rikutu ku ye na Silas; wina ovakazendu ovengi ovayozikwa notjimbumba otjinene tjOvagrike tji tji nondira ku Ndjambi tje rikuta kuna Paulus na Silas.
5Nungwari Ovajuda va ṱeruru na wo, ave woronganisa ovandu tjiva vakauriri motupanda nu ave utu otjira tjovazunganise. Owo va tjita ezunganeno motjihuro atjihe nave taurire mondjuwo yomurumendu wena Jason kutja nani mave vaza mo Paulus na Silas, nu ve ve ete kotjiwaṋa. 6Nungwari tjinga ave he ve vazere mo, arire tji va nana Jason novakambure tjiva okuveeta kovanane votjihuro nu ave ravaere amave tja: “Ovandu mba va tjita ezunganeno akuhe! Nambano owo ve ya kotjihuro tjetu, 7nu Jason we ve sekirisa moye. Owo avehe ve teya omazikamisiro wombara ya Roma nu ve tja pe nombara yarwe, nena rayo oJesus.” 8Nu mokuhungira omambo nga aave zunganisa otjimbumba tjovandu novanane votjihuro. 9Ovanane va sutisa Jason novakwao imbi ovimariva mbyaa vi heperwa po kutja arire tji va isiwa, nu tjazumba ave ve esa ave i.
Paulus na Silas mOberea
10Tjimanga tji kwa rira ouṱuku, ovakambure va hindire Paulus na Silas kOberea. Nu tji ve ya ngo, arire tji va i kosinagoge yOvajuda. 11Ovature va Berea va ri nombango tjinene pu imba Ovatesalonika okuyakura omazuvarisiro wa Paulus. Owo aave puratene kembo ra Ndjambi nonḓero onene, nu eyuva arihe aave konḓonona omatjangwa okutjiwa kutja imbi Paulus mbi ma hungire ovyo ouatjiri. 12Novengi mokati kawo va kamburire, novakazendu ovengi Ovagrike ovayozikwa novarumendu ovengi Ovagrike wina va kamburire. 13Nungwari Ovajuda mOtesalonika tji va zuva kutja Paulus wina wa zuvarisa embo ra Ndjambi mOberea, arire tji va i ngo nave kayaruka okuhandjisa nokuhohiza ovazunganise. 14Tjimanga ovakambure ave twara Paulus komukuro wokuvare; nungwari Silas na Timoteus owo va kara pehi mOberea. 15Ovarumendu mba twara Paulus va ya nga kOatene, tjazumba ave kotoka kOberea nomambo Paulus nga raa wokutja Silas na Timoteus nga ve ye kuye tjimanga.
Paulus mOatene
16Paulus ngunda ama undjire Silas na Timoteus mOatene wa kurungisirwe tjinene indu tja munine kutja motjihuro mu noviserekarera vyovisenginina ovingi tjinene. 17Eye otja kara nombatasaneno mosinagoge kuna Ovajuda naimba mbe he ri Ovajuda, mba ri nondira ku Ndjambi, nu wina eyuva arihe poruveze romarandero eye aa hungire kuna ovakapite. 18Nozonongo zorive zOvaepikuri nozOvastoiki za patasana kuna ye. Tjiva za pura aze tja: “Omundu kotjitakanyo ngwi ma vanga okutja tjike hapo?”
Ovakwao ave ziri nai: “Eye ngahino kamuhungirire po woomukuru wozonganda are?” Owo va tja nao Paulus tjinga aa zuvarisa Jesus nombendukiro ye. 19Nowo opu va kamburire Paulus ave mu twara kovanane votjihuro kOareopagus, ave katja: “Eṱe matu vanga okutjiwa kutja omahongero omape nga ngu mo hungire owatjike. 20Oviṋa tjiva mbi matu ku zuu amo hungire, eṱe katu vi i, notji matu vanga okutjiwa kutja ovyo mavi hee tjike.” 21Ovature va Atene novozonganda mba turire mo kave yandjerere oruveze rwawo kotjiṋa tjarwe posi yokuserekarera nokupuratena komahungi omape. 22Paulus arire tja kurama komurungu wovanane votjihuro a tja: “Eṋe va Atene, ami me munu kutja mu avihe eṋe oweṋe ovanangamburiro tjinene. 23Ami tjinga amba ryanga motjihuro tjeṋu nokutara poṋa apehe pu mu rikotamenena, otjinga amba muna otjipunguhiro ku kwa tjangwa nai: ‘Ku Ndjambi ngu he iwe.’ Ingwi eṋe ku mu rikotamena, amu he mu i, ami nambano ongu me mu zuvarisire. 24#1Ozo 8:27; Jes 42:5; Oviu 7:48Ndjambi ngwa uta ouye na imbi avihe mbi ri mu wo, eye onguri Muhona weyuru nehi, neye ka tura mozondjuwo ozonḓere nda tungwa nomake wovandu. 25Eye wina ka hepa okurikenderwa i ovandu, tjinga e ri ye omuini ngu yandja omuinyo nosuvaneno noviṋa avihe ku ngamwa auhe. 26Nu pomundu umwe eye wa utire po omihoko avihe vyovandu, nu e vi turisa mouye auhe. Eye omuini rukuru ongwa twire po otuveze otusemba nomiruko vyomaturiro wavyo. 27Ndjambi ovandu we ve utira okumupaha, nokutja nani mave pambaha okumumuna. Nungwari eye hapo ke ri kokure na eṱe atuhe, 28otja omundu worive pa heere a tja:
‘Mu ye omu tu nomuinyo nomu tu nyinganyinga nomu tu ri.’
Poo otja ovatjange veṋu vomiṱanḓu punga amave tja:
‘Eṱe wina oweṱe orukwato rwe.’
29Eṱe tjinga atu ri orukwato rwa Ndjambi, otjinga atu ha sokutjangovasi ongaro ye ya sana notjiserekarera tjongoldo notjosilveri notjomawe, mbya hongwa nounongo nouripura womundu. 30Ndjambi wa zembira ovandu itwi otuveze owo tuyave he mu tjiwa, nungwari nambano, eye meve rakiza avehe akuhe kutja ve ise ozondjira zawo zouvi, 31tjinga a zikamisa eyuva eye mu ma pangura ouye nousemba mokutwa po omurumendu eye ngwa toorora. Notjiṋa hi we tji raisa ongahukiro ku avehe indu tja pendura omurumendu ngwi movakoke!”
32Nowo tji va zuva Paulus ama hungire ombendukiro movakoke, tjiva arire tji ve mu nyekerere, novakwao ave tja: “Matu vanga okukuzuva amo hungire oviṋa mbi rukwao.” 33Tjazumba Paulus a zu po pu wo. 34Ovarumendu tjiva va panḓera pu Paulus nave kambura, nu umwe wawo wa ri Dionisius, okaṋepo kOareopagus, nomukazendu wina wena Damaris, novandu ovakwao tjiva.
ទើបបានជ្រើសរើសហើយ៖
Oviungura 17: HRR-UNI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Herero Revision Bible © Bible Society in Namibia, 2021.
Oviungura 17
17
Ezunganeno mOtesalonika
1Paulus na Silas va kayenda komurungu ave tuurunga Amfipolis na Apolonie nave ya mOtesalonika mu mwa ri osinagoge. 2Nu Paulus wa hita mosinagoge otja tjaa tjiti, nu mOmasabata yetatu wa kara ama patasana kuna wo okuza momatjangwa. 3Eye aa handjaura omatjangwa nokuraisa mu wo kutja Omutwirisiwa wa sere okuṱa nu wa sere okupenduka movakoke. Paulus wa tjere: “Ingwi Jesus ami ngu me hongononene eṋe eye onguri Omutwirisiwa.” 4Ovajuda tjiva va popwa i omahungi wa Paulus, narire tji ve rikutu ku ye na Silas; wina ovakazendu ovengi ovayozikwa notjimbumba otjinene tjOvagrike tji tji nondira ku Ndjambi tje rikuta kuna Paulus na Silas.
5Nungwari Ovajuda va ṱeruru na wo, ave woronganisa ovandu tjiva vakauriri motupanda nu ave utu otjira tjovazunganise. Owo va tjita ezunganeno motjihuro atjihe nave taurire mondjuwo yomurumendu wena Jason kutja nani mave vaza mo Paulus na Silas, nu ve ve ete kotjiwaṋa. 6Nungwari tjinga ave he ve vazere mo, arire tji va nana Jason novakambure tjiva okuveeta kovanane votjihuro nu ave ravaere amave tja: “Ovandu mba va tjita ezunganeno akuhe! Nambano owo ve ya kotjihuro tjetu, 7nu Jason we ve sekirisa moye. Owo avehe ve teya omazikamisiro wombara ya Roma nu ve tja pe nombara yarwe, nena rayo oJesus.” 8Nu mokuhungira omambo nga aave zunganisa otjimbumba tjovandu novanane votjihuro. 9Ovanane va sutisa Jason novakwao imbi ovimariva mbyaa vi heperwa po kutja arire tji va isiwa, nu tjazumba ave ve esa ave i.
Paulus na Silas mOberea
10Tjimanga tji kwa rira ouṱuku, ovakambure va hindire Paulus na Silas kOberea. Nu tji ve ya ngo, arire tji va i kosinagoge yOvajuda. 11Ovature va Berea va ri nombango tjinene pu imba Ovatesalonika okuyakura omazuvarisiro wa Paulus. Owo aave puratene kembo ra Ndjambi nonḓero onene, nu eyuva arihe aave konḓonona omatjangwa okutjiwa kutja imbi Paulus mbi ma hungire ovyo ouatjiri. 12Novengi mokati kawo va kamburire, novakazendu ovengi Ovagrike ovayozikwa novarumendu ovengi Ovagrike wina va kamburire. 13Nungwari Ovajuda mOtesalonika tji va zuva kutja Paulus wina wa zuvarisa embo ra Ndjambi mOberea, arire tji va i ngo nave kayaruka okuhandjisa nokuhohiza ovazunganise. 14Tjimanga ovakambure ave twara Paulus komukuro wokuvare; nungwari Silas na Timoteus owo va kara pehi mOberea. 15Ovarumendu mba twara Paulus va ya nga kOatene, tjazumba ave kotoka kOberea nomambo Paulus nga raa wokutja Silas na Timoteus nga ve ye kuye tjimanga.
Paulus mOatene
16Paulus ngunda ama undjire Silas na Timoteus mOatene wa kurungisirwe tjinene indu tja munine kutja motjihuro mu noviserekarera vyovisenginina ovingi tjinene. 17Eye otja kara nombatasaneno mosinagoge kuna Ovajuda naimba mbe he ri Ovajuda, mba ri nondira ku Ndjambi, nu wina eyuva arihe poruveze romarandero eye aa hungire kuna ovakapite. 18Nozonongo zorive zOvaepikuri nozOvastoiki za patasana kuna ye. Tjiva za pura aze tja: “Omundu kotjitakanyo ngwi ma vanga okutja tjike hapo?”
Ovakwao ave ziri nai: “Eye ngahino kamuhungirire po woomukuru wozonganda are?” Owo va tja nao Paulus tjinga aa zuvarisa Jesus nombendukiro ye. 19Nowo opu va kamburire Paulus ave mu twara kovanane votjihuro kOareopagus, ave katja: “Eṱe matu vanga okutjiwa kutja omahongero omape nga ngu mo hungire owatjike. 20Oviṋa tjiva mbi matu ku zuu amo hungire, eṱe katu vi i, notji matu vanga okutjiwa kutja ovyo mavi hee tjike.” 21Ovature va Atene novozonganda mba turire mo kave yandjerere oruveze rwawo kotjiṋa tjarwe posi yokuserekarera nokupuratena komahungi omape. 22Paulus arire tja kurama komurungu wovanane votjihuro a tja: “Eṋe va Atene, ami me munu kutja mu avihe eṋe oweṋe ovanangamburiro tjinene. 23Ami tjinga amba ryanga motjihuro tjeṋu nokutara poṋa apehe pu mu rikotamenena, otjinga amba muna otjipunguhiro ku kwa tjangwa nai: ‘Ku Ndjambi ngu he iwe.’ Ingwi eṋe ku mu rikotamena, amu he mu i, ami nambano ongu me mu zuvarisire. 24#1Ozo 8:27; Jes 42:5; Oviu 7:48Ndjambi ngwa uta ouye na imbi avihe mbi ri mu wo, eye onguri Muhona weyuru nehi, neye ka tura mozondjuwo ozonḓere nda tungwa nomake wovandu. 25Eye wina ka hepa okurikenderwa i ovandu, tjinga e ri ye omuini ngu yandja omuinyo nosuvaneno noviṋa avihe ku ngamwa auhe. 26Nu pomundu umwe eye wa utire po omihoko avihe vyovandu, nu e vi turisa mouye auhe. Eye omuini rukuru ongwa twire po otuveze otusemba nomiruko vyomaturiro wavyo. 27Ndjambi ovandu we ve utira okumupaha, nokutja nani mave pambaha okumumuna. Nungwari eye hapo ke ri kokure na eṱe atuhe, 28otja omundu worive pa heere a tja:
‘Mu ye omu tu nomuinyo nomu tu nyinganyinga nomu tu ri.’
Poo otja ovatjange veṋu vomiṱanḓu punga amave tja:
‘Eṱe wina oweṱe orukwato rwe.’
29Eṱe tjinga atu ri orukwato rwa Ndjambi, otjinga atu ha sokutjangovasi ongaro ye ya sana notjiserekarera tjongoldo notjosilveri notjomawe, mbya hongwa nounongo nouripura womundu. 30Ndjambi wa zembira ovandu itwi otuveze owo tuyave he mu tjiwa, nungwari nambano, eye meve rakiza avehe akuhe kutja ve ise ozondjira zawo zouvi, 31tjinga a zikamisa eyuva eye mu ma pangura ouye nousemba mokutwa po omurumendu eye ngwa toorora. Notjiṋa hi we tji raisa ongahukiro ku avehe indu tja pendura omurumendu ngwi movakoke!”
32Nowo tji va zuva Paulus ama hungire ombendukiro movakoke, tjiva arire tji ve mu nyekerere, novakwao ave tja: “Matu vanga okukuzuva amo hungire oviṋa mbi rukwao.” 33Tjazumba Paulus a zu po pu wo. 34Ovarumendu tjiva va panḓera pu Paulus nave kambura, nu umwe wawo wa ri Dionisius, okaṋepo kOareopagus, nomukazendu wina wena Damaris, novandu ovakwao tjiva.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Herero Revision Bible © Bible Society in Namibia, 2021.