Oviungura 14
14
Paulus na Barnabas mOikonium
1Paulus na Barnabas va tjita otjiṋa tjingetjo mOikonium. Owo va ya kosinagoge nave kazuvarisa momuhingo omuwa tjinene, nOvajuda naimba mbe he ri Ovajuda ovengi tjinene ave rire ovakambure. 2Nungwari Ovajuda mba mbe ha vangere okurira ovakambure va handjisa imba mbe he ri Ovajuda kutja ve sekamene ovakambure. 3Ovaapostele va kara oruveze orure motjihuro hi amave zuvarisa Muhona noupandi. Muhona wa raisa kutja ombuze yawo yotjari tje ya ri ouatjiri, indu eye tje ve pa omasa wokutjita ovihimise noviraisiro. 4Ovature votjihuro va haṋikire mokati: Tjiva va ri komunda wOvajuda, nu tjiva va ri komunda wovaapostele.
5Imba mbe he ri Ovajuda nOvajuda tjiva puna ovanane vawo otji va tya okutatumisa ovaapostele nokuvanga okuvezepa nomawe. 6Novaapostele tji va tjiza otjiṋa hi, arire tji va taurire kovihuro Listra na Derbe mehi ra Likaonie na kozondendera zavyo. 7Nu koṋa ngo arire tji va kazuvarisa ko indji Ombuze Ombwa.
Paulus na Barnabas mOlistra na Derbe
8MOlistra mwa ri omurumendu ngwa kwaterwe otjipu, nu ngu hi na indu wa rorere okukawondja. 9Eye wa kara pehi ama puratene komambo wa Paulus. Paulus wa muna kutja omurumendu ngwi u nongamburiro yokuverukisiwa, notja siririka omeho we mu ye 10na tja nai neraka enene: “Sekama u kurame osemba kozombaze zoye!” Omurumendu arire tja tuka peyuru na utu okukawondja. 11Notjimbumba tjovandu tji tja munu imbi Paulus mbya tjiti, arire tji tja utu okuravaera meraka ratjo rOtjilakaoni atji tja: “Oomukuru va rire ohamukwao novandu, nu va rauka ku eṱe!” 12Owo va ruka Barnabas ena Seus, nu Paulus ave mu ruku Hermes, eye tjinga a ri omuhungire ohongora. 13Omupristeri wondjuwo onḓere ya Seus ndja ri pendje yotjihuro wa eta ozondwezu zozongombe nozongara pomuvero wotjihuro, eye notjimbumba tjovandu tjinga ava vanga okupunguhira ovaapostele ombunguhiro.
14Barnabas na Paulus tji va zuva imbi ovandu mba mbyaa ve vanga okutjita, arire tji va nyondorora ozombanda zawo nave kakurama mokati kotjimbumba amave ravaere nai: 15#Eks 20:11; Psa 146:6“Oviṋa mbi mamu vi tjitire tjike? Eṱe wina oweṱe ovandu uriri otja eṋe! Twe ya okuzuvarisa Ombuze Ombwa kokutja eṋe mu ise oviṋa vyomungandjo mbi nu mu ritanaurire ku Ndjambi omunamuinyo ngwa uta eyuru nehi nokuvare na imbi avihe mbi ri mu vyo. 16Momayuva nga kapita eye wa yandjera oviwaṋa avihe kutja vi tware ozondjira zavyo ovini. 17Nungwari aruhe u raisa kutja eye onguri ye ngwi ngu tjita oviṋa oviwa: Eye u mu rokisira ombura okuza keyuru, nu u mu pa omakondero wovikunwa moruveze orusemba; eye u mu parura novikurya nu e urisa omitima vyeṋu nenyando.” 18Nangarire nomambo nga ovaapostele kave sorere okutjaera otjimbumba okuvepunguhira ombunguhiro.
19Nu Ovajuda tjiva mba zire kOantiokie mehi ra Pisidie na kOikonium va popera ovandu komunda wawo. Owo va veta Paulus nomawe nave mu kokozorere pendje yotjihuro amave tjangovasi eye wa koka. 20Nungwari ovakambure tji va woronganena pu Paulus, eye wa sekama na hiti motjihuro. Mependukirwa eye na Barnabas arire tji va i kOderbe.
Paulus na Barnabas mave kotoka kOantiokie mehi ra Sirie
21Paulus na Barnabas va zuvarisa Ombuze Ombwa mOderbe, novandu ovengi ave rire ovakambure. Tjazumba ave yaruka kOlistra na Ikonium na Antiokie mOpisidie. 22Owo va zeuparisa ovakambure nave ve yanḓiparisa kutja ve panḓere pongamburiro amave ve hongo nai: “Rutenga tu sokutuurungira mozombamisiro ozengi amaatu hiti mouhona wa Ndjambi.” 23Mombongo aihe peke owo va toorora mo ovatarere, nu tji va za nokukumba nokuritjaera kovikurya, arire tji ve ve yandja ku Muhona owo ku ve riyamekere.
24Novaapostele tji va za nokutapakaṋa ehi ra Pisidie ve ya mOpamfilie. 25Owo va zuvarisa embo ra Ndjambi mOperge nave i kOattalie, 26nokuzambo ave kondo okuvare okukotoka kOantiokie, ihi otjirongo mu va yandjererwe kotjari tja Ndjambi mena roviungura nambano mbi va mana.
27Nu tji ve ere mOantiokie, arire tji va woronganisa ouṋepo wombongo nave ve serekarerere avihe Ndjambi mbya tjitire na wo na indu eye tja patururira imba mbe he ri Ovajuda ondjira yongamburiro. 28Nowo va kara oruveze orure mOantiokie puna ovakambure.
ទើបបានជ្រើសរើសហើយ៖
Oviungura 14: HRR-UNI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Herero Revision Bible © Bible Society in Namibia, 2021.
Oviungura 14
14
Paulus na Barnabas mOikonium
1Paulus na Barnabas va tjita otjiṋa tjingetjo mOikonium. Owo va ya kosinagoge nave kazuvarisa momuhingo omuwa tjinene, nOvajuda naimba mbe he ri Ovajuda ovengi tjinene ave rire ovakambure. 2Nungwari Ovajuda mba mbe ha vangere okurira ovakambure va handjisa imba mbe he ri Ovajuda kutja ve sekamene ovakambure. 3Ovaapostele va kara oruveze orure motjihuro hi amave zuvarisa Muhona noupandi. Muhona wa raisa kutja ombuze yawo yotjari tje ya ri ouatjiri, indu eye tje ve pa omasa wokutjita ovihimise noviraisiro. 4Ovature votjihuro va haṋikire mokati: Tjiva va ri komunda wOvajuda, nu tjiva va ri komunda wovaapostele.
5Imba mbe he ri Ovajuda nOvajuda tjiva puna ovanane vawo otji va tya okutatumisa ovaapostele nokuvanga okuvezepa nomawe. 6Novaapostele tji va tjiza otjiṋa hi, arire tji va taurire kovihuro Listra na Derbe mehi ra Likaonie na kozondendera zavyo. 7Nu koṋa ngo arire tji va kazuvarisa ko indji Ombuze Ombwa.
Paulus na Barnabas mOlistra na Derbe
8MOlistra mwa ri omurumendu ngwa kwaterwe otjipu, nu ngu hi na indu wa rorere okukawondja. 9Eye wa kara pehi ama puratene komambo wa Paulus. Paulus wa muna kutja omurumendu ngwi u nongamburiro yokuverukisiwa, notja siririka omeho we mu ye 10na tja nai neraka enene: “Sekama u kurame osemba kozombaze zoye!” Omurumendu arire tja tuka peyuru na utu okukawondja. 11Notjimbumba tjovandu tji tja munu imbi Paulus mbya tjiti, arire tji tja utu okuravaera meraka ratjo rOtjilakaoni atji tja: “Oomukuru va rire ohamukwao novandu, nu va rauka ku eṱe!” 12Owo va ruka Barnabas ena Seus, nu Paulus ave mu ruku Hermes, eye tjinga a ri omuhungire ohongora. 13Omupristeri wondjuwo onḓere ya Seus ndja ri pendje yotjihuro wa eta ozondwezu zozongombe nozongara pomuvero wotjihuro, eye notjimbumba tjovandu tjinga ava vanga okupunguhira ovaapostele ombunguhiro.
14Barnabas na Paulus tji va zuva imbi ovandu mba mbyaa ve vanga okutjita, arire tji va nyondorora ozombanda zawo nave kakurama mokati kotjimbumba amave ravaere nai: 15#Eks 20:11; Psa 146:6“Oviṋa mbi mamu vi tjitire tjike? Eṱe wina oweṱe ovandu uriri otja eṋe! Twe ya okuzuvarisa Ombuze Ombwa kokutja eṋe mu ise oviṋa vyomungandjo mbi nu mu ritanaurire ku Ndjambi omunamuinyo ngwa uta eyuru nehi nokuvare na imbi avihe mbi ri mu vyo. 16Momayuva nga kapita eye wa yandjera oviwaṋa avihe kutja vi tware ozondjira zavyo ovini. 17Nungwari aruhe u raisa kutja eye onguri ye ngwi ngu tjita oviṋa oviwa: Eye u mu rokisira ombura okuza keyuru, nu u mu pa omakondero wovikunwa moruveze orusemba; eye u mu parura novikurya nu e urisa omitima vyeṋu nenyando.” 18Nangarire nomambo nga ovaapostele kave sorere okutjaera otjimbumba okuvepunguhira ombunguhiro.
19Nu Ovajuda tjiva mba zire kOantiokie mehi ra Pisidie na kOikonium va popera ovandu komunda wawo. Owo va veta Paulus nomawe nave mu kokozorere pendje yotjihuro amave tjangovasi eye wa koka. 20Nungwari ovakambure tji va woronganena pu Paulus, eye wa sekama na hiti motjihuro. Mependukirwa eye na Barnabas arire tji va i kOderbe.
Paulus na Barnabas mave kotoka kOantiokie mehi ra Sirie
21Paulus na Barnabas va zuvarisa Ombuze Ombwa mOderbe, novandu ovengi ave rire ovakambure. Tjazumba ave yaruka kOlistra na Ikonium na Antiokie mOpisidie. 22Owo va zeuparisa ovakambure nave ve yanḓiparisa kutja ve panḓere pongamburiro amave ve hongo nai: “Rutenga tu sokutuurungira mozombamisiro ozengi amaatu hiti mouhona wa Ndjambi.” 23Mombongo aihe peke owo va toorora mo ovatarere, nu tji va za nokukumba nokuritjaera kovikurya, arire tji ve ve yandja ku Muhona owo ku ve riyamekere.
24Novaapostele tji va za nokutapakaṋa ehi ra Pisidie ve ya mOpamfilie. 25Owo va zuvarisa embo ra Ndjambi mOperge nave i kOattalie, 26nokuzambo ave kondo okuvare okukotoka kOantiokie, ihi otjirongo mu va yandjererwe kotjari tja Ndjambi mena roviungura nambano mbi va mana.
27Nu tji ve ere mOantiokie, arire tji va woronganisa ouṋepo wombongo nave ve serekarerere avihe Ndjambi mbya tjitire na wo na indu eye tja patururira imba mbe he ri Ovajuda ondjira yongamburiro. 28Nowo va kara oruveze orure mOantiokie puna ovakambure.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Herero Revision Bible © Bible Society in Namibia, 2021.