Mark 14
14
1Naŋ o qoŋ nirua ti o rowolagau wa o lakalaka ape bread vatuga; wa ira oloolo liwoa tara vatogo ŋaŋ me sike si a tauria mun o galeva wa we ge mateia. 2Ape neira me vet wa, Nipea alo lakalaka, o sul wa matikotiko wun apena.
3Wa alo ni we toga a Bethania alo iman i Simon i resresmavin, we risa ape ganagana, o tavine we mule ma mun o urai we tirotiroga alo wetov matevat, o gene tun; naŋ ni me ge wora o wetov wa me liŋ avune qatuna. 4Naŋ nalolora o tuaniu qara anuanu vires neira apena, we vet wa, Ape sava me ge vanameag o urai iloke? 5Ape me wol reag lai o urai iloke mun o som we qoqo nan melnol vaga tol apena, wa me la lai mun ra masara: wa neira me var vavavagia. 6Naŋ i Jesus me vet wa, Ukeg roroŋo ineia; ape sava kamiu we vavagailea? Ni me gagapalag o gene we wia munau. 7Ape o masara ŋaŋ we toga vagae amen kamiu, wa alo si kam qe maros kam te ge wia lai mun neira: pa inau na gate toga vagae amen kamiu. 8Ni me ge nol o gene ni me ge lai; ni me van moai ma si a nonon naturiak ape qaraŋ tamate. 9We nun na we vava mun kamiu wa, Te maŋasag valvanua o lea we wia alo marama nol, wa te kakakae aia ape gene ilone o tavine iloke me ge mona, mun namauluna.
10Naŋ i Judas Iskariot, i tuwale iloke nanra numei nirua, me van at sur ra oloolo liwoa sin maniriŋ neia mun neira. 11Naŋ neira me roŋotag pa me qara apena, wa neira me ligog si a le o som munia. Naŋ ni me sike raka o masaoi we wia sin maniriŋ neia alolona.
12Naŋ alo qoŋ tuwale ape bread vatuga, ineira we vus mate o rowolagau alolona, ira tiŋqoro anana me vet munia wa, Ko we maros kamam a van a wurvag taurmate avea, si ko te gana o rowolagau aia? 13Naŋ ni we vatraŋ at o tanun anana pulrua, we vet mun rara wa, Ura vano ilo laqlaqe vanua, wa o tanun we rig o tano pei te varniŋa ikamurua, pa ura tataga ineia. 14Wa ni qe kalo pata ivea, ura vava mun o tagiima ilone wa, I Vatogo we vet si, Avea o ima tawu kamam ira tiŋqoro anak te gana o rowolagau aia? 15Wa ni te gaganag mun kamurua o tawtawu ima we poa me wosalag matemate goro mun o epa, ura wurvag taurmate aia. 16Naŋ ira tiŋqoro me rowolue, wa me kalo pata ilo laqlaqe vanua, wa me ilo qalo tama ni me gaganag ti mun rara; wa rara me wurvag taurmate o rowolagau.
17Naŋ me ravrav veta, ni me van ma, tara o numei nirua. 18Wa alo neira we risa wa we ganagana i Jesus me vet wa, We nun nau we vet mun kamiu wa, Si i tuwale tamen kamiu te maniriŋ nau, iloke gina we gana tuwale amen nau. 19Naŋ o lolowono qara wonot raka neira, wa neira me varus tuwatuwale neia, we vet wa si, Inau? naŋ tuara wa si, Inau? 20Naŋ ni me valui gorora we vet wa, I tuwale nan ra numei nirua, kara we tuk tuwale ilo tapera. 21We nun i Nat tanun we van at, tama me rave veta ti ape ineia: pa tur magarosa o tanun ilone namona we maniriŋ i Nat tanun! we wia ras munia si o tanun ilone gate wota ma.
22Wa neira we ganagana, wa i Jesus me le o bread, wa me wievavae paso, we tuqe wora, we tirag mun neira, ti vet wa, Tur le momiu, tur gana; iloke naturiak. 23Wa ni me taur o lasa, wa me wievavae paso qara la at mun neira: wa ineira nol me ima alolona. 24Naŋ ni me vava mun neira wa, Iloke nanarak tape vatavata we garaqa we ge sale ape tanun tar. 25We nun nau we vet mun kamiu wa, Na tete ima mulaŋ o lig wo vine, gai niŋa o qoŋ ilone na te ima we garaqa alo marana non God.
26Naŋ me sur paso o as, neira me van lue i tauwe Olivet. 27Naŋ i Jesus we vet mun neira wa, Kamiu nol te tutuag ape nau qarig alo qoŋ: ape me rave veta was, Na te vus i altag goro sheep, wa o sheep ŋaŋ te salsaleŋa apena. 28Pa na me tavaraka paso, nau qara tira moai kamiu i Galilea. 29Naŋ i Peter me vet wa, Si ta ge tutuagira nol, pa inau tagai. 30Naŋ i Jesus me vet munia wa, We nun na we vet muniko wa si, Qarig, alo qoŋ ran nake iloke, o toa gate kokorako vagarua tiqa, ko te tala inau vagatol. 31Pa ni me vava gagarakae nan amoa wa, Si na te mate ran amaiko apena, na tete tala ilo iniko. Pa neira nol me vava tamaine.
32Naŋ neira we va niŋa o vatine we log a Gethsemane, wa ni we vava mun ra tiŋqoro anana wa, Tur pute siwo iake, wa na te tataro. 33Naŋ ni me lav sea i Peter, wa i James, wa i John, wa me tama munia mun o ganawono we qisaŋia. 34Naŋ ni me vava mun ratol wa, Nalolok we wono aneane ape matea; tol toga iake; tol mamata goro. 35Naŋ ni me vano at gate asau nan ratol, wa me mas siwo alo tano, me tataro, si ta lai o masao qoŋ ilone te rowo reag nania. 36Naŋ ni me vet wa, Aba, Mama, o savasava ŋaŋ te lai muniko; Ka lareag o lasa iloke nan nau, pa nava nipea tama nau we maros nava tama ko we maros. 37Naŋ ni me vano ma we ilo ratol we matur, we vet mun i Peter wa, Simon, ka matur? Ko tete mamata lai o masao qoŋ tuwale? 38Tol mamata, tol tataro, kamtol wa van pata ilo meregale: we nun o tinegaro alo atai, pa o visogoi we mageregere. 39Wa ni me van at mulaŋ, me tataro, we vava mulaŋ o vavae ilone nane. 40Naŋ ni me van kel ma we ilo ratol we matur kel, ape namataratol we mava aneane, wa ratol gate gilala o sava ratol te valui goro munia. 41Naŋ ni me van vagatoliu ma sur ratol we vet wa, Tol matur nake iloke, tol mapsag kamtol; me paso, o masao qoŋ me wesu; ilo, me maniriŋ veta i Nat tanun ilo panera ganganor. 42Tavaraka, inina vano: ilo, i gene we maniriŋ nau me rasu veta ma.
43Wa gaplot alo ni qale vava, i Judas, i tuwale nan ra numei nirua, we van ma wa o sul we qoqo amaia, mun o gasal wa o kere ŋaŋ, nanra oloolo liwoa tara vatogo wa ira tamtamatua ŋaŋ. 44Naŋ i gene we maniriŋia me la veta o vaglala mun neira, me vet wa, Isei na te nimnimia, ineia gina; tur tauria, tur lav mantagia at. 45Naŋ ni me va niŋa ma, me van taso ma suria, we vet wa, Rabi, Rabi, wa me nimnimia. 46Naŋ neira me map napanera avunana, me taur varagetia. 47Naŋ tuwale nan neira me tira ti aia me naŋalue non o gasal, wa me vus o tanun anan i moe oloolo, me pura savrag naqorona. 48Naŋ i Jesus me valui goro ra me vet wa, Kam me rowolue ma tama goro o vus palu mun o gasal wa o kere ŋaŋ si a taur nau? 49Na me toga valqoŋ amen kamiu alo vatine we roŋo we vatvatogo, wa kam gate taur varaget nau: pa si o raverave ŋaŋ a tira apena. 50Naŋ neira nol me toavtagia, me valago nan.
51Naŋ o tuara lumagav me tataga ineia ti, me viog goro naturiana mamasa mun o siopa we aqaga, wa neira we takulia. 52Naŋ ni me rowo vitag o siopa me toa mamasa nan neira.
53Naŋ neira me vantak i Jesus sur i moe oloolo; naŋ we vug tuwale amaia ira oloolo liwoa nol, wa ira vatogo ŋaŋ, tara tamtamatua ŋaŋ. 54Naŋ i Peter me tataga ineia ma ti aras, me niŋa pata ilo masao iman i moe oloolo: wa ni we pute tuwale amaira tanun gagapalag, wa we masmasil alo valawar av. 55Naŋ ira oloolo liwoa ŋaŋ, wa o vavtig veveg nol me sikesike o tila apen i Jesus si neira a na mateia, pa gate ilo ran. 56Apen rasei we qoqo me tila galegale ape neia, pa nor o tila ŋaŋ gate sasarita tuwale. 57Naŋ o tuan tanun me tavaraka we tila galegale ineia, we vava wa, 58Kamam me roŋotag ni we vet wa, Na te sese savrag o ima we roŋo iloke o tano pane tanun, wa alo qoŋ nitol na te taur o varuei gate tano pane tanun. 59Pa tamaine mulaŋ nor o tila gate sasarita tuwale. 60Naŋ i moe oloolo me tavaraka alo vatitnara we varus i Jesus wa, Ko tete valui goro tea? O sava iloke neira we tila apeniko? 61Pa ni me toga roroŋo, wa gate valui goro tea. O moe oloolo qara varusia mulaŋ we vet wa, Iniko i Christ, Natun i gene we toga wievavae? 62Naŋ i Jesus wa, Inau; wa kamiu te ilo aŋaisa i Nat tanun we pute ape pane matua we mana, we van ma alo maligo ŋaŋ tavunana. 63Wa i moe oloolo qara sare non o siopa ŋaŋ, we vet wa, Nina maros mulaŋ ira gaganag we tira ape sava? 64Kamiu me roŋotag momiu o vava nawono; o sava kam we nonom apena? Wa neira nol me vevegia si we tira ape matea. 65Naŋ o tuaniu qara qeteg anus avunana, wa we lil goro nanagona, wa we wosawosa ineia we vet munia wa, Ka ligoligog; wa ira gagapalag ŋaŋ we lavia we towotowosia.
66Naŋ i Peter qale toga i siwo alo masao ima, o tuara malamala anan i moe oloolo we van ma. 67Naŋ ni we ilo i Peter we masil goro o av, wa ni we matag neia, qara vet wa, Pa iniko mulaŋ amen o ta Nasaret, i Jesus nake. 68Pa ni me tala, ti vet wa, Na gate gilala, na gate lolomaran o sava ko we vava. Naŋ ni qara rowo lue ilo malmaluima, wa o toa ti kokorako. 69Wa o malamala me ilo ineia, qara vava raka mulaŋ mun neira we tira aia, wa, Pa iloke tuwale nan neira. 70Pa ni me tala mulaŋ. Galewora iragai we tira aia we vet mulaŋ mun i Peter wa, Alova, iniko i tuwale nan neira, ape iniko o ta Galilea, wa naliŋama we tamaine. 71Naŋ ni qara vasir raka, we vava vagogonag si, Na gate gilala ran o tanun iloke kam we vava apena. 72Wa o toa qara kokorako vagarua ma. Naŋ i Peter qara lolomaran kel o vavae i Jesus me vet ti munia was, O toa tete kokorako vagarua tiqa, ko gai tala inau vagatol. Naŋ ni me nonomkel apena wa me taŋi.
ទើបបានជ្រើសរើសហើយ៖
Mark 14: MOTA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
New Testament was published by the British and Foreign Bible Society in 1931.
Mark 14
14
1Naŋ o qoŋ nirua ti o rowolagau wa o lakalaka ape bread vatuga; wa ira oloolo liwoa tara vatogo ŋaŋ me sike si a tauria mun o galeva wa we ge mateia. 2Ape neira me vet wa, Nipea alo lakalaka, o sul wa matikotiko wun apena.
3Wa alo ni we toga a Bethania alo iman i Simon i resresmavin, we risa ape ganagana, o tavine we mule ma mun o urai we tirotiroga alo wetov matevat, o gene tun; naŋ ni me ge wora o wetov wa me liŋ avune qatuna. 4Naŋ nalolora o tuaniu qara anuanu vires neira apena, we vet wa, Ape sava me ge vanameag o urai iloke? 5Ape me wol reag lai o urai iloke mun o som we qoqo nan melnol vaga tol apena, wa me la lai mun ra masara: wa neira me var vavavagia. 6Naŋ i Jesus me vet wa, Ukeg roroŋo ineia; ape sava kamiu we vavagailea? Ni me gagapalag o gene we wia munau. 7Ape o masara ŋaŋ we toga vagae amen kamiu, wa alo si kam qe maros kam te ge wia lai mun neira: pa inau na gate toga vagae amen kamiu. 8Ni me ge nol o gene ni me ge lai; ni me van moai ma si a nonon naturiak ape qaraŋ tamate. 9We nun na we vava mun kamiu wa, Te maŋasag valvanua o lea we wia alo marama nol, wa te kakakae aia ape gene ilone o tavine iloke me ge mona, mun namauluna.
10Naŋ i Judas Iskariot, i tuwale iloke nanra numei nirua, me van at sur ra oloolo liwoa sin maniriŋ neia mun neira. 11Naŋ neira me roŋotag pa me qara apena, wa neira me ligog si a le o som munia. Naŋ ni me sike raka o masaoi we wia sin maniriŋ neia alolona.
12Naŋ alo qoŋ tuwale ape bread vatuga, ineira we vus mate o rowolagau alolona, ira tiŋqoro anana me vet munia wa, Ko we maros kamam a van a wurvag taurmate avea, si ko te gana o rowolagau aia? 13Naŋ ni we vatraŋ at o tanun anana pulrua, we vet mun rara wa, Ura vano ilo laqlaqe vanua, wa o tanun we rig o tano pei te varniŋa ikamurua, pa ura tataga ineia. 14Wa ni qe kalo pata ivea, ura vava mun o tagiima ilone wa, I Vatogo we vet si, Avea o ima tawu kamam ira tiŋqoro anak te gana o rowolagau aia? 15Wa ni te gaganag mun kamurua o tawtawu ima we poa me wosalag matemate goro mun o epa, ura wurvag taurmate aia. 16Naŋ ira tiŋqoro me rowolue, wa me kalo pata ilo laqlaqe vanua, wa me ilo qalo tama ni me gaganag ti mun rara; wa rara me wurvag taurmate o rowolagau.
17Naŋ me ravrav veta, ni me van ma, tara o numei nirua. 18Wa alo neira we risa wa we ganagana i Jesus me vet wa, We nun nau we vet mun kamiu wa, Si i tuwale tamen kamiu te maniriŋ nau, iloke gina we gana tuwale amen nau. 19Naŋ o lolowono qara wonot raka neira, wa neira me varus tuwatuwale neia, we vet wa si, Inau? naŋ tuara wa si, Inau? 20Naŋ ni me valui gorora we vet wa, I tuwale nan ra numei nirua, kara we tuk tuwale ilo tapera. 21We nun i Nat tanun we van at, tama me rave veta ti ape ineia: pa tur magarosa o tanun ilone namona we maniriŋ i Nat tanun! we wia ras munia si o tanun ilone gate wota ma.
22Wa neira we ganagana, wa i Jesus me le o bread, wa me wievavae paso, we tuqe wora, we tirag mun neira, ti vet wa, Tur le momiu, tur gana; iloke naturiak. 23Wa ni me taur o lasa, wa me wievavae paso qara la at mun neira: wa ineira nol me ima alolona. 24Naŋ ni me vava mun neira wa, Iloke nanarak tape vatavata we garaqa we ge sale ape tanun tar. 25We nun nau we vet mun kamiu wa, Na tete ima mulaŋ o lig wo vine, gai niŋa o qoŋ ilone na te ima we garaqa alo marana non God.
26Naŋ me sur paso o as, neira me van lue i tauwe Olivet. 27Naŋ i Jesus we vet mun neira wa, Kamiu nol te tutuag ape nau qarig alo qoŋ: ape me rave veta was, Na te vus i altag goro sheep, wa o sheep ŋaŋ te salsaleŋa apena. 28Pa na me tavaraka paso, nau qara tira moai kamiu i Galilea. 29Naŋ i Peter me vet wa, Si ta ge tutuagira nol, pa inau tagai. 30Naŋ i Jesus me vet munia wa, We nun na we vet muniko wa si, Qarig, alo qoŋ ran nake iloke, o toa gate kokorako vagarua tiqa, ko te tala inau vagatol. 31Pa ni me vava gagarakae nan amoa wa, Si na te mate ran amaiko apena, na tete tala ilo iniko. Pa neira nol me vava tamaine.
32Naŋ neira we va niŋa o vatine we log a Gethsemane, wa ni we vava mun ra tiŋqoro anana wa, Tur pute siwo iake, wa na te tataro. 33Naŋ ni me lav sea i Peter, wa i James, wa i John, wa me tama munia mun o ganawono we qisaŋia. 34Naŋ ni me vava mun ratol wa, Nalolok we wono aneane ape matea; tol toga iake; tol mamata goro. 35Naŋ ni me vano at gate asau nan ratol, wa me mas siwo alo tano, me tataro, si ta lai o masao qoŋ ilone te rowo reag nania. 36Naŋ ni me vet wa, Aba, Mama, o savasava ŋaŋ te lai muniko; Ka lareag o lasa iloke nan nau, pa nava nipea tama nau we maros nava tama ko we maros. 37Naŋ ni me vano ma we ilo ratol we matur, we vet mun i Peter wa, Simon, ka matur? Ko tete mamata lai o masao qoŋ tuwale? 38Tol mamata, tol tataro, kamtol wa van pata ilo meregale: we nun o tinegaro alo atai, pa o visogoi we mageregere. 39Wa ni me van at mulaŋ, me tataro, we vava mulaŋ o vavae ilone nane. 40Naŋ ni me van kel ma we ilo ratol we matur kel, ape namataratol we mava aneane, wa ratol gate gilala o sava ratol te valui goro munia. 41Naŋ ni me van vagatoliu ma sur ratol we vet wa, Tol matur nake iloke, tol mapsag kamtol; me paso, o masao qoŋ me wesu; ilo, me maniriŋ veta i Nat tanun ilo panera ganganor. 42Tavaraka, inina vano: ilo, i gene we maniriŋ nau me rasu veta ma.
43Wa gaplot alo ni qale vava, i Judas, i tuwale nan ra numei nirua, we van ma wa o sul we qoqo amaia, mun o gasal wa o kere ŋaŋ, nanra oloolo liwoa tara vatogo wa ira tamtamatua ŋaŋ. 44Naŋ i gene we maniriŋia me la veta o vaglala mun neira, me vet wa, Isei na te nimnimia, ineia gina; tur tauria, tur lav mantagia at. 45Naŋ ni me va niŋa ma, me van taso ma suria, we vet wa, Rabi, Rabi, wa me nimnimia. 46Naŋ neira me map napanera avunana, me taur varagetia. 47Naŋ tuwale nan neira me tira ti aia me naŋalue non o gasal, wa me vus o tanun anan i moe oloolo, me pura savrag naqorona. 48Naŋ i Jesus me valui goro ra me vet wa, Kam me rowolue ma tama goro o vus palu mun o gasal wa o kere ŋaŋ si a taur nau? 49Na me toga valqoŋ amen kamiu alo vatine we roŋo we vatvatogo, wa kam gate taur varaget nau: pa si o raverave ŋaŋ a tira apena. 50Naŋ neira nol me toavtagia, me valago nan.
51Naŋ o tuara lumagav me tataga ineia ti, me viog goro naturiana mamasa mun o siopa we aqaga, wa neira we takulia. 52Naŋ ni me rowo vitag o siopa me toa mamasa nan neira.
53Naŋ neira me vantak i Jesus sur i moe oloolo; naŋ we vug tuwale amaia ira oloolo liwoa nol, wa ira vatogo ŋaŋ, tara tamtamatua ŋaŋ. 54Naŋ i Peter me tataga ineia ma ti aras, me niŋa pata ilo masao iman i moe oloolo: wa ni we pute tuwale amaira tanun gagapalag, wa we masmasil alo valawar av. 55Naŋ ira oloolo liwoa ŋaŋ, wa o vavtig veveg nol me sikesike o tila apen i Jesus si neira a na mateia, pa gate ilo ran. 56Apen rasei we qoqo me tila galegale ape neia, pa nor o tila ŋaŋ gate sasarita tuwale. 57Naŋ o tuan tanun me tavaraka we tila galegale ineia, we vava wa, 58Kamam me roŋotag ni we vet wa, Na te sese savrag o ima we roŋo iloke o tano pane tanun, wa alo qoŋ nitol na te taur o varuei gate tano pane tanun. 59Pa tamaine mulaŋ nor o tila gate sasarita tuwale. 60Naŋ i moe oloolo me tavaraka alo vatitnara we varus i Jesus wa, Ko tete valui goro tea? O sava iloke neira we tila apeniko? 61Pa ni me toga roroŋo, wa gate valui goro tea. O moe oloolo qara varusia mulaŋ we vet wa, Iniko i Christ, Natun i gene we toga wievavae? 62Naŋ i Jesus wa, Inau; wa kamiu te ilo aŋaisa i Nat tanun we pute ape pane matua we mana, we van ma alo maligo ŋaŋ tavunana. 63Wa i moe oloolo qara sare non o siopa ŋaŋ, we vet wa, Nina maros mulaŋ ira gaganag we tira ape sava? 64Kamiu me roŋotag momiu o vava nawono; o sava kam we nonom apena? Wa neira nol me vevegia si we tira ape matea. 65Naŋ o tuaniu qara qeteg anus avunana, wa we lil goro nanagona, wa we wosawosa ineia we vet munia wa, Ka ligoligog; wa ira gagapalag ŋaŋ we lavia we towotowosia.
66Naŋ i Peter qale toga i siwo alo masao ima, o tuara malamala anan i moe oloolo we van ma. 67Naŋ ni we ilo i Peter we masil goro o av, wa ni we matag neia, qara vet wa, Pa iniko mulaŋ amen o ta Nasaret, i Jesus nake. 68Pa ni me tala, ti vet wa, Na gate gilala, na gate lolomaran o sava ko we vava. Naŋ ni qara rowo lue ilo malmaluima, wa o toa ti kokorako. 69Wa o malamala me ilo ineia, qara vava raka mulaŋ mun neira we tira aia, wa, Pa iloke tuwale nan neira. 70Pa ni me tala mulaŋ. Galewora iragai we tira aia we vet mulaŋ mun i Peter wa, Alova, iniko i tuwale nan neira, ape iniko o ta Galilea, wa naliŋama we tamaine. 71Naŋ ni qara vasir raka, we vava vagogonag si, Na gate gilala ran o tanun iloke kam we vava apena. 72Wa o toa qara kokorako vagarua ma. Naŋ i Peter qara lolomaran kel o vavae i Jesus me vet ti munia was, O toa tete kokorako vagarua tiqa, ko gai tala inau vagatol. Naŋ ni me nonomkel apena wa me taŋi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
New Testament was published by the British and Foreign Bible Society in 1931.