Mark 10
10
1Naŋ ni me tavaraka nan o vatine, wa me niŋa o tiŋgoro vanua a Judea, wa a tavala Jordan kel rowo. Wa o sul ŋaŋ mulaŋ we rowolue tuwale ma suria; wa tama naliŋana nane ni me qeteg vatvatogo mulaŋ ineira. 2Naŋ ira Pharise me mule ma suria, we varusia wa si, We tira ape lea si o tanun te ukeg savrag lai i rasoana? pa neira we gale iloa. 3Naŋ ni me valuira, we vava wa, Pa o sava i Moses me vatraŋ kamiu apena? 4Naŋ neira wa, I Moses me maukeg apena si a rave o raverave gevtag, wa si a ukeg savragia. 5Pa naŋ i Jesus me valui gorora we vet wa si, Ni me rave o vavae vatogo ilone mun kamiu we sasarita ape toqamiu we wasvat; 6nava alo qeteg tiŋiva ma God me tiŋ neira o mereata wa o tavine. 7Wa o manigiu o ike o tanun te toavtag i tamana tana ravevena, wa te kata apen rasoana, 8wa irara rua te mun visogoi tuwale. O manigiu si gate irara rua mulaŋ nake, nava o visogoi tuwale. 9Wa si ta tamaine, o sava God me vile tuwale ti, nipea o tanun a vilewora. 10Naŋ ira tiŋqoro anana me varusia mulaŋ alo ima ape gene tuwale ilone. 11Naŋ ti vet muneira wa si, Isei qe ukeg savrag rasoana wa qe lag o tavine we sea, we pakapaka ape neia. 12Wa alo si o tavine qe ukeg savrag i rasoana, wa qe lag amen o mereata we sea, ni we pakapaka.
13Naŋ neira me lav ma suria o natmera ŋaŋ sin taŋovira, pa ira tiŋqoro me ŋorov goro ragai me lavira ma ti. 14Nava i Jesus me ilo, we loloanu apena, wa we vet muneira wa, Tur ukeg ira natmera si a mule ma sur nau, wa turpea ge gorora apena; ape o marana non God norasei we tama ineira. 15We nun nau we vava mun kamiu wa, Si isei qe tete la mona o marana non God tama o natmera, ni tete mule pata lai ilolona. 16Wa ni me garovag gorora, me taŋovira, me wievavae neira.
17Naŋ ni me rowolue ilo matesala, wa o tuara tanun me valago ma suria, we vatieqau goroa, we varusia wa, Vatogo we wia, o sava na te ge si na taur usurag mok o esu galava? 18Naŋ i Jesus me vet munia wa, Ape sava ko we log nau si nau we wia? Itagai isei we wia, nava i tuwale ran, i God nane. 19Ko we gilala o lea vatraŋ ŋaŋ wa si, Nipea pakapaka, Nipea vus nawono, Nipea palpal, Nipea tila galegale, Nipea gogoroi napulansei, Ka nom mava i tamama tana ravevema. 20Pa ni me valui goroa, ti vet wa, Vatogo, na me matagisgis goro veta o ine ŋaŋ nol alo reremera ma. 21Naŋ i Jesus we sagaragia, we marosia, wa ti vet munia wa, Pa i tuwale te qale valuava muniko, mule at, wolreag napulama ŋaŋ, wa ka tirag munra masara, wa ko te taur moma o tar valeŋaleŋa avunana; wa ka mule ma, taur kalo nom o wolowolo, tataga inau. 22Wa nanagona me maŋitŋit ape vavae ilone, wa ni me toa kel mun o lolowono; ape napulana we qoqo amaia.
23Naŋ i Jesus we ateate kelkel, ti vet munra tiŋqoro anana wa, We gona tam avea munra meresavasava si neira kalo pata lai ilo marana non God! 24Wa ira tiŋqoro me mamakei aneane ape non o vavae. Naŋ i Jesus we valui mulaŋ, we vet muneira wa si, Ra nanatuk, we gona gai tam avea mun rasei we sov ape pular o savasava si a kalo pata ilo marana non God. 25We togawora si o kamel a kalo raveaglue o mate nidel, nan si o meresom a kalo pata ilo marana non God. 26Pa neira we mamakei raka sage, we varvava vires neira, wa si, Pa te vaesu lai isei? 27Nava i Jesus me sagaragira we vet si, Amen o tanun tete lai ran, nava amen God te lai; ape o savasava ŋaŋ te lai ran amen God. 28Naŋ i Peter me vava raka munia si, Ilo, kamam me toavtag veta momam o savasava ŋaŋ, wa me tataga iniko. 29Wa i Jesus me valui goro we vava wa, We nun na we vava mun kamiu si, Itagai qalo o tanun me toavtag o ima, si o retatasiu, si o retutuai, si o mama, si o veve, si o rasoai, si o nanatui, si o utag, o manigiu inau wa o lea we wia, 30pa ni te taur sal mona vaga melnol iloke nake alo masaoi nake iloke, o ima ŋaŋ, wa o retatasiu, wa o retutuai, wa o raveve, wa nanatui ŋaŋ, wa o utag, pa mun o kos gap mulaŋ ineia, wa o esu galava alo marama te rasu ma. 31Nava we qoqo me moai ti te tagir aŋaisa, wa me tagir ti pa te moai.
32Naŋ neira me mulemule a matesala we kalo i Jerusalem; wa i Jesus we tira moai neira, wa neira we mamakei raka, wa we tataga gogogolo ineia. Wa ni me lav asau mulaŋ ira numei nirua, we qeteg gaganag muneira o gene ŋaŋ te wesu ma aŋaisa suria, 33wa si, Ilo, nina we mule kalo i Jerusalem, wa te ukeg vano i Nat tanun munra oloolo liwoa tara vatvatago, wa neira te veveg qaloa, wa te ukeg vanoa mun o sul ŋaŋ we sea; 34wa neira te porosagia, wa te anus avunana, wa te towosia, wa te ge mateia; wa alo qoŋ vatoliu ni te tavaraka kel.
35Naŋ i James tana i John, ira natun i Sebede, we va niŋa ineia we vet si, Vatogo, kara we maros si ka ge mun kara o gene tea ikara ta paere muniko apena. 36Naŋ ni me vet munrara wa, Pa kamurua we maros si na ge o sava mun kamurua? 37Naŋ rara me vava munia wa si, Ka la mun kara si kara a pute, i tuwale ape matuama, wa i tuara ape galaoma, alo leŋasima. 38Pa i Jesus me vet munrara wa, Kamurua gate gilala kamurua we paere o sava. Kamurua we ima lai o lasa na we ima maksa? wa we la momiu lai o vasugroŋo te vasugroŋo nau nia? 39Naŋ rara munia wa, We lai ran. Wa i Jesus me vet munrara wa, O lasa na we ima maksa kamurua te ima mamurua aŋaisa: wa o vasugroŋo we vasugroŋo inau nia kamurua te la momurua aŋaisa; 40nava si a pute ape matuak si ape galaok gate amok si na la at, nava munrasei me ge taurmate veta ti muneira. 41Naŋ ira saŋavul tuwale me roŋotag mora apena, wa me qeteg loloanuanu apen i James tana i John. 42Nava i Jesus me suware neira ma suria, ti vet muneira wa, Kamiu we gilala si rasei we nonom si we moai goro o veve sul ŋaŋ we toga maranaga gorora; wa irasei we liwoa amaira we mana gorora. 43Nava tete tamaine amen kamiu; nava isei ta maros we qeteg liwoa amen kamiu, ni te rowrowovag mun kamiu. 44Wa isei ta maros we moai amen kamiu, ni te mawmawuitag mun kamiu nol. 45O manigiu i Nat tanun gina gate mule ma si rasei a rowrowovag munia, nava sin rowrowovag muneira, wa sin ukeg naesuna o tapetape goro tanun tar.
46Naŋ neira we niŋa siwo i Jeriko; wa alo ni we rowolue nan o Jeriko, tara tiŋqoro anana wa o sul we qoqo, i natun Timeus, i Bartimeus, o matapei, we pute pan matesala, ti valapaere. 47Naŋ ni me roŋotag si i Jesus ta Nasaret iloke, wa ti qeteg awoawo, ti vava si, Natun David, Jesus, ka magarosa inau. 48Naŋ neira we qoqo me ŋorov goroa sin toga roroŋo; nava ni me awoawo raka sage nan amoa si, Natun David, ka magarosa inau. 49Naŋ i Jesus me tira late me vet si a logia ma; wa neira we loglog i matapei ma, we vava munia wa, Ka sov naapema; tavaraka gai, ni we loglogiko. 50Wa ni me savrag non o vioviog, me tira raka, me mule sur i Jesus. 51Naŋ i Jesus ti vet munia wa, O sava ko we maros si na ge muniko? Naŋ i matapei me vet munia wa si, Raboni, si na ilo kel. 52Wa i Jesus me vet munia wa, Mule at, nom o nomtup me vaesuko. Naŋ ni me ilo kel gaplot, wa qara tataga i Jesus alo matesala.
ទើបបានជ្រើសរើសហើយ៖
Mark 10: MOTA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
New Testament was published by the British and Foreign Bible Society in 1931.
Mark 10
10
1Naŋ ni me tavaraka nan o vatine, wa me niŋa o tiŋgoro vanua a Judea, wa a tavala Jordan kel rowo. Wa o sul ŋaŋ mulaŋ we rowolue tuwale ma suria; wa tama naliŋana nane ni me qeteg vatvatogo mulaŋ ineira. 2Naŋ ira Pharise me mule ma suria, we varusia wa si, We tira ape lea si o tanun te ukeg savrag lai i rasoana? pa neira we gale iloa. 3Naŋ ni me valuira, we vava wa, Pa o sava i Moses me vatraŋ kamiu apena? 4Naŋ neira wa, I Moses me maukeg apena si a rave o raverave gevtag, wa si a ukeg savragia. 5Pa naŋ i Jesus me valui gorora we vet wa si, Ni me rave o vavae vatogo ilone mun kamiu we sasarita ape toqamiu we wasvat; 6nava alo qeteg tiŋiva ma God me tiŋ neira o mereata wa o tavine. 7Wa o manigiu o ike o tanun te toavtag i tamana tana ravevena, wa te kata apen rasoana, 8wa irara rua te mun visogoi tuwale. O manigiu si gate irara rua mulaŋ nake, nava o visogoi tuwale. 9Wa si ta tamaine, o sava God me vile tuwale ti, nipea o tanun a vilewora. 10Naŋ ira tiŋqoro anana me varusia mulaŋ alo ima ape gene tuwale ilone. 11Naŋ ti vet muneira wa si, Isei qe ukeg savrag rasoana wa qe lag o tavine we sea, we pakapaka ape neia. 12Wa alo si o tavine qe ukeg savrag i rasoana, wa qe lag amen o mereata we sea, ni we pakapaka.
13Naŋ neira me lav ma suria o natmera ŋaŋ sin taŋovira, pa ira tiŋqoro me ŋorov goro ragai me lavira ma ti. 14Nava i Jesus me ilo, we loloanu apena, wa we vet muneira wa, Tur ukeg ira natmera si a mule ma sur nau, wa turpea ge gorora apena; ape o marana non God norasei we tama ineira. 15We nun nau we vava mun kamiu wa, Si isei qe tete la mona o marana non God tama o natmera, ni tete mule pata lai ilolona. 16Wa ni me garovag gorora, me taŋovira, me wievavae neira.
17Naŋ ni me rowolue ilo matesala, wa o tuara tanun me valago ma suria, we vatieqau goroa, we varusia wa, Vatogo we wia, o sava na te ge si na taur usurag mok o esu galava? 18Naŋ i Jesus me vet munia wa, Ape sava ko we log nau si nau we wia? Itagai isei we wia, nava i tuwale ran, i God nane. 19Ko we gilala o lea vatraŋ ŋaŋ wa si, Nipea pakapaka, Nipea vus nawono, Nipea palpal, Nipea tila galegale, Nipea gogoroi napulansei, Ka nom mava i tamama tana ravevema. 20Pa ni me valui goroa, ti vet wa, Vatogo, na me matagisgis goro veta o ine ŋaŋ nol alo reremera ma. 21Naŋ i Jesus we sagaragia, we marosia, wa ti vet munia wa, Pa i tuwale te qale valuava muniko, mule at, wolreag napulama ŋaŋ, wa ka tirag munra masara, wa ko te taur moma o tar valeŋaleŋa avunana; wa ka mule ma, taur kalo nom o wolowolo, tataga inau. 22Wa nanagona me maŋitŋit ape vavae ilone, wa ni me toa kel mun o lolowono; ape napulana we qoqo amaia.
23Naŋ i Jesus we ateate kelkel, ti vet munra tiŋqoro anana wa, We gona tam avea munra meresavasava si neira kalo pata lai ilo marana non God! 24Wa ira tiŋqoro me mamakei aneane ape non o vavae. Naŋ i Jesus we valui mulaŋ, we vet muneira wa si, Ra nanatuk, we gona gai tam avea mun rasei we sov ape pular o savasava si a kalo pata ilo marana non God. 25We togawora si o kamel a kalo raveaglue o mate nidel, nan si o meresom a kalo pata ilo marana non God. 26Pa neira we mamakei raka sage, we varvava vires neira, wa si, Pa te vaesu lai isei? 27Nava i Jesus me sagaragira we vet si, Amen o tanun tete lai ran, nava amen God te lai; ape o savasava ŋaŋ te lai ran amen God. 28Naŋ i Peter me vava raka munia si, Ilo, kamam me toavtag veta momam o savasava ŋaŋ, wa me tataga iniko. 29Wa i Jesus me valui goro we vava wa, We nun na we vava mun kamiu si, Itagai qalo o tanun me toavtag o ima, si o retatasiu, si o retutuai, si o mama, si o veve, si o rasoai, si o nanatui, si o utag, o manigiu inau wa o lea we wia, 30pa ni te taur sal mona vaga melnol iloke nake alo masaoi nake iloke, o ima ŋaŋ, wa o retatasiu, wa o retutuai, wa o raveve, wa nanatui ŋaŋ, wa o utag, pa mun o kos gap mulaŋ ineia, wa o esu galava alo marama te rasu ma. 31Nava we qoqo me moai ti te tagir aŋaisa, wa me tagir ti pa te moai.
32Naŋ neira me mulemule a matesala we kalo i Jerusalem; wa i Jesus we tira moai neira, wa neira we mamakei raka, wa we tataga gogogolo ineia. Wa ni me lav asau mulaŋ ira numei nirua, we qeteg gaganag muneira o gene ŋaŋ te wesu ma aŋaisa suria, 33wa si, Ilo, nina we mule kalo i Jerusalem, wa te ukeg vano i Nat tanun munra oloolo liwoa tara vatvatago, wa neira te veveg qaloa, wa te ukeg vanoa mun o sul ŋaŋ we sea; 34wa neira te porosagia, wa te anus avunana, wa te towosia, wa te ge mateia; wa alo qoŋ vatoliu ni te tavaraka kel.
35Naŋ i James tana i John, ira natun i Sebede, we va niŋa ineia we vet si, Vatogo, kara we maros si ka ge mun kara o gene tea ikara ta paere muniko apena. 36Naŋ ni me vet munrara wa, Pa kamurua we maros si na ge o sava mun kamurua? 37Naŋ rara me vava munia wa si, Ka la mun kara si kara a pute, i tuwale ape matuama, wa i tuara ape galaoma, alo leŋasima. 38Pa i Jesus me vet munrara wa, Kamurua gate gilala kamurua we paere o sava. Kamurua we ima lai o lasa na we ima maksa? wa we la momiu lai o vasugroŋo te vasugroŋo nau nia? 39Naŋ rara munia wa, We lai ran. Wa i Jesus me vet munrara wa, O lasa na we ima maksa kamurua te ima mamurua aŋaisa: wa o vasugroŋo we vasugroŋo inau nia kamurua te la momurua aŋaisa; 40nava si a pute ape matuak si ape galaok gate amok si na la at, nava munrasei me ge taurmate veta ti muneira. 41Naŋ ira saŋavul tuwale me roŋotag mora apena, wa me qeteg loloanuanu apen i James tana i John. 42Nava i Jesus me suware neira ma suria, ti vet muneira wa, Kamiu we gilala si rasei we nonom si we moai goro o veve sul ŋaŋ we toga maranaga gorora; wa irasei we liwoa amaira we mana gorora. 43Nava tete tamaine amen kamiu; nava isei ta maros we qeteg liwoa amen kamiu, ni te rowrowovag mun kamiu. 44Wa isei ta maros we moai amen kamiu, ni te mawmawuitag mun kamiu nol. 45O manigiu i Nat tanun gina gate mule ma si rasei a rowrowovag munia, nava sin rowrowovag muneira, wa sin ukeg naesuna o tapetape goro tanun tar.
46Naŋ neira we niŋa siwo i Jeriko; wa alo ni we rowolue nan o Jeriko, tara tiŋqoro anana wa o sul we qoqo, i natun Timeus, i Bartimeus, o matapei, we pute pan matesala, ti valapaere. 47Naŋ ni me roŋotag si i Jesus ta Nasaret iloke, wa ti qeteg awoawo, ti vava si, Natun David, Jesus, ka magarosa inau. 48Naŋ neira we qoqo me ŋorov goroa sin toga roroŋo; nava ni me awoawo raka sage nan amoa si, Natun David, ka magarosa inau. 49Naŋ i Jesus me tira late me vet si a logia ma; wa neira we loglog i matapei ma, we vava munia wa, Ka sov naapema; tavaraka gai, ni we loglogiko. 50Wa ni me savrag non o vioviog, me tira raka, me mule sur i Jesus. 51Naŋ i Jesus ti vet munia wa, O sava ko we maros si na ge muniko? Naŋ i matapei me vet munia wa si, Raboni, si na ilo kel. 52Wa i Jesus me vet munia wa, Mule at, nom o nomtup me vaesuko. Naŋ ni me ilo kel gaplot, wa qara tataga i Jesus alo matesala.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
New Testament was published by the British and Foreign Bible Society in 1931.