Málkus 10
10
Aúg la miɓɔ́ mí áūg
(Mat 19.1-9; Lúk 16.18)
1Yésus ɔ ɓógo váŋ á nyɔ́ŋ voóm ɔ kɛ á ŋkɔŋ á Yúdēa, á nyúŋú mií á lɔm lí Yɔ́ldan. Limut lú kɔtan sīg-pɛ, la nyɛ́ ɔ ɓōtlé jɔ́ li yéglɛ ákaa elɛ́m. 2Váŋ nɛ́ jogo lí ɓot bí Élōg-Falísái ɓá sīŋglé nyɛ ɓɛɓɛ, bú bíhī nyɛ á li ám lí nyɛ nɛ́: «Ɓaá páam ɛ byɛ́ɛ́ kundɛ li duhu lí ŋ̀gáá wɛ́ɛ̄ é?» 3Yésus ɔ pélē ɓɔ nɛ́: «Mbéndá Móse ɛg laga nɛ́ yéé é?» 4Ɓot bí Élōg-Falísái bú tímanɛ nyɛ nɛ: «Mbéndá Móse ɛg laga nɛ: Mut ag la li tíi lí ŋ̀gáá wɛ́ɛ̄ kálati kundɛ la li tímanɛ lí nyɛ á yóg yɛ́ɛ̄.» 5Váŋ nɛ́ Yésus a laga ɓɔ́ nɛ́: «Ányúū mimím máná mí ŋga lēt nɛ́ Móse a cíilé ɓɛ́nɛ nyíŋ mbéndá. 6Li ɓotle á ɔkolpáŋá, Ɔlolómɛ̄ a vēg páam la mindígá. 7La nyɛ́ ɔ lága nɛ: ‹Jɔ́ nɛ́, páam ɛg kɛ li yíg lí ɛsáŋɛ́ la nyaŋɛ́ ɛ āt la ŋ̀gáá wɛ́ɛ̄, 8á lí ɓɔŋ nɛ́, ɓɔ́ bíɓáa bí yáan mut wa.› La náŋ, bí sē ɓé pɛ ɓot bíɓáa, ndí bí lɛ́ mut wa. 9Ányúū náŋ, mut tɔ wa ah byɛ́ɛ́ ɓé kundɛ li ɓága li yé Ɔlolómɛ̄ a áat.» 10Ɛnɛ́ ɓá pám á ndáá, ɓayége bú bíhī sīg-pɛ nyɛ́ á nlemlem á ŋkwɛl. 11Yésus ɔ pélē ɓɔ́ nɛ: «Kíyáɓɛ́nɛ páam ya dúhú ŋ̀gáá wɛ́ɛ́ ndí yá lɔ́m míndīgá ntám, ya ɓɔ̄ŋ áɓē á ndeŋg á ŋgwáāg mindígá ɔ́sū. 12Nlemlem, kíyáɓɛ́nɛ mindígá a túú nlóm pɛ́ɛ́ ndí á lɔ́mɓan la páam etám, nyɛ́g a ɓɔ̄ŋ áɓē á ndeŋg.»
Yésus ag lómbo ɓɔɔ́n ɓátɔ̄ga
(Mat 19.13-15; Lúk 18.15-17)
13Ɓot bí sɔ́ɔ́la Yésus ɓɔɔ́n ɓátɔ̄ga nɛ́ a sííɓán ɓɔ́, ndí ɓayége ɓɛ́ɛ́ bú ɓōtlé ɓɔ́ li céŋɛ. 14Ɛnɛ́ Yésus a ɛ́n náŋ, ɔ ála, aá la ɓɔ́ nɛ́: «Mwahánɛ̄ ɓɔɔ́n ɓátɔ̄ga bí sīŋglé ɓɛ́ɓɛ la ma, miníh céŋɛ́gɛ́ ɓé ɓɔ; átɔm nɛ́, Ekombo Ɔ́lolómɛ̄ ɛ́ lɛ ányúū ɓá bí ŋga púnan la ɓɔ́. 15La mbálɛ, mag laga ɓɛ́nɛ nɛ́, tɔ nzáá a ŋgá lɛ́gle ɓé Ékombo Ɔ́lolómɛ̄ ákaa mɔɔ́n ntɔ́ga a ŋgá kɛ ɓé lí níŋgi átē.» 16Ámbúh náŋ, ɔ ɓɛ́gɛ̄ ɓáŋ ɓɔɔ́n á mɔ mɛ́ɛ́, ɔ óóɓē ɓɔ la nyɛ́ ɔ lómbó ɓɔ.
Ŋyáŋlán á m̀byaŋ-á-mut
(Mat 19.16-30; Lúk 18.18-30)
17Á miɓógo mí Yésus, mut wa ɔ sɔ́ m̀bíí, ɔ úm míɓɔ̄ŋ ɔ́sū vɛ́ɛ́ ɔ bíhī nyɛ nɛ́: «Á elɔ́ŋgɔ Ŋ̀yéglɛ, yéé ma nyɛ́ɛ li ɓɔŋ ndí mi kūh eniŋ éɓem ákaa ɛjáma joga é?» 18Yésus ɔ ɓāt nyɛ nɛ́: «Ányúū yéé ɔ ŋgɔ yáŋa ma nɛ́ elɔ́ŋgɔ é? Tɔ mut a sē ɓé élɔ́ŋgɔ amáh sig Ɔlolómɛ̄ nyɛ́-ntámɛ́. 19Ɔg yí mbéndá nɛ: Ɔh ólkágán ɓé, ɔh kɛnɛ́g ɓé á ndeŋg, ɔh yííg ɓé, ɔh tɛ́lɓág ɓé mbóŋ minaa, ɔh nyɔŋɔ́g ɓé jam lí mɔ́ɔ̄nyɔ̄ŋ até á micaŋg, ditɛ́ ɛsɔ́ŋɛ́ la nyɔŋɛ́.» 20Nyɔ́ŋ mut ɔ pélē Yésus nɛ́: «Á Ŋ̀yéglɛ, ŋ̀gɛ̄n ma ōŋlé míŋ mam mísɛ li ɓotle lí ma ɔ́wāndá.» 21Yésus ɔ légɓé nyɛ, nyɔ́ŋ ɔ nyɛ́ɛlé nyɛ, ɔ lága nyɛ nɛ́: «Jam jáhjá nɛ lí ŋgí tɔɔ́ wa; kɛɛ́n, nuŋú yé ɛ́sɛ ɔ byɛ́ɛ̄, ɔ tí nyúŋ ŋkuh ɓayɛ́ɛ́yɛ́ɛ; la váŋ, ɔg kɛ li kuh lí ábyaŋ á lóō. Ámbúh náŋ, ɔ sɔ́, ɔ ōŋ ma.» 22Ɛnɛ́ nyɔ́ŋ mut a ámblé bíŋ biɓaŋgá, ɔ sóo ag súnan, ányúū nɛ a ɓɛ́ɛ́la miɓɛɛŋ ŋgandag. 23Ɛnɛ́ Yésus a légɓé ɓayége ɓɛ́ɛ́ bí ɓɛ́ɛ́ nyɛ́ á ŋgwáāg aá la ɓɔ́ nɛ́: «Ɛg kɛ li ɓɛ́ lí ndútu nɛ́ mimbyaŋ-mí-ɓot mí níŋgí á Ékombo Ɔ́lolómɛ̄!» 24Bíŋ biɓaŋgá bú teeŋgɛ́ ɓáyēge ɓɛ́ɛ́. Ndí Yésus ɔ lága sīg-pɛ ɓɔ́ nɛ́: «Á ɓɔ́ɔ̄n ɓáma, sē ndútu li níŋgi á Ékombo Ɔ́lolómɛ̄ é! 25Ɛ́ lɛ́ bu nɛ́ tít ákaa nzɔg ɛ níŋgí m̀ɓɔmblanɛ́ á lípɔndɔ́ lí ndɔndɔg li loo lí m̀byaŋ-á-mut nɛ́ á níŋgí á Ékombo Ɔ́lolómɛ̄.» 26Ɓayége bí Yésus bú kōndyé lí nyág la bíŋ biɓaŋgá, la ɓɔ́ bú ɓatɓan nɛ: «Ɓaá nzáá a ŋga lá hɔ́ lí suŋɓɛ é?» 27Ɛnɛ́ Yésus a tīŋ ɓɔ miíh, a byɛ́la ɓɔ́ nɛ́: «Náŋ a ŋga la ɓé li ɓɔŋɓɛ la ɓot-bí-bínam, ndí la Ɔlolómɛ̄; ányúū nɛ Ɔlolómɛ̄ nɛ a ŋga ɓɔ̄ŋ mam mísɛ.» 28Pétlos ɔ ɓōtlé nyɛ li yó nɛ́: «Légɓé sig, ɓɛ́hɛ ɓaá cóó mam máhá mísɛ á li oŋ lí wa.» 29Yésus ɔ pélē nyɛ nɛ́: «La mbálɛ, mag laga ɓɛ́nɛ nɛ́, ányúū yáma la Pɔ́l M̀ɓɛɛŋ, mut tɔ wa a sē ɓé nɛ́ a yíg ndáá yɛ́ɛ̄, elōgnyāŋ yé páam la yé ɓondígá, nyaŋɛ́, ɛsáŋɛ́, ɓɔɔ́n ɓɛ́ɛ́ tɔ nɛ́ mindíí mɛ́ɛ́, 30ndí āh kuh ɓé, elōgnyāŋ yé páam la yé ɓondígá, ɓanyaŋɛ́, ɓɔɔ́n la mindíí, elɔŋ la nlegtanɛ́ a ndutu ki, náŋ eɓógo ŋgele á yé eceg bi byɛ́ɛ́ vɔ́ŋɔ́ɔ. La nyɛ́ a kūh ki eniŋ éɓem á álɔ̄ á ŋga kɛ li sɔ́. 31Ŋgandag ɓot bí ɔ́sū bíg kɛ li ɓɛ́ lí ɓá bí mbúh, ɓá bí mbúh ki, bí ɓɛ́ ɓá bí ɔ́sū.»
Yésus ag lɛgɛ nyɛmb yɛ́ɛ̄ la lipahye jɛ́ɛ́ ŋgele ya yáhɛ ɛ́ŋháa
(Mat 20.17-19; Lúk 18.31-34)
32Eceg Yésus la ɓayége ɓɛ́ɛ́ bí ŋgí ɓét á Yélūsalɛm, a ŋgí dúgu ɓɔ́ ɔ́sū. Ɓɔ́ bí ŋgí sihlan, ɓot ki bí ŋgí oŋ ɓɔ́ bí ŋgí kɔn woŋ. Váŋ nɛ́ a kómánɛ̄ pɛ elɔŋ yɛ́ɛ́ yé Jóom lí ɓáōmɓɛ la bíɓáa, ɔ ɓōtlé ɓɔ́ li máŋlɛ lí mam mí ŋga kɛ́ nyɛ́ li pámle puh eceg. 33A byɛ́la ɓɔ́ nɛ́: «Léɓyán sig, biíg ɓét á Yélūsalɛm ápah Mɔɔ́n Mut a ŋga kɛ́ li nuŋlɛ á mɔ mí ɓákanʼyɛ ɓatíi-nsúlé la ɓayí-mbéndá. Bíg kɛ nyɛ li tíi lí ékɔ́ghɛ yé nyɛmb la li yōg lí nyɛ á mɔ mí ɓot bíh byɛ́ɛ́ ɓé ŋyéɓé la Ɔlolómɛ̄. 34Bíg kɛ nyɛ́ li ɔl, bí túlé nyɛ́ mitɛ́ɛ́, bí lɔ́g nyɛ́ áso; bíg kɛ nyɛ́ lí ól, ndí á ɔlɔ́ vá yáhɛ́ áŋháa, ag kɛ li pahye.»
Nzag nyí Yákop la Yohánɛs
(Mat 20.20-28; Lúk 22.25-27)
35Yákop la Yohánɛs, ɓɔɔ́n bi Zebedéo, bú sīŋglé Yésus á ŋgwáāg, bú laga nyɛ nɛ́: «Á Ŋ̀yéglɛ, bi byɛ́ɛ́ kóó nɛ ɔ ɓɔ́ŋlé ɓɛ́hɛ jam bi ŋga sɔ́ wa li ɓat.» 36Yésus ɔ ɓāt ɓɔ́ nɛ́: «Yéé miní ŋga sómo nɛ́ mi ɓɔ́ŋlé ɓɛ́nɛ é?» 37La ɓɔ́ bú pélē nyɛ nɛ́: «Eceg ɔ ŋgɔ kɛ li ɓɛ́ á likanʼyɛ jɔ́ɔ li lipém, yéɓé nɛ́ bi tɔ́ɔ̄ elɔŋ la wa, nyɔ́ wa á m̀ɓɛ́nlómɛ nyɔ́ŋɔ́ ki á m̀ɓɛ́ŋgáa wɔ́ɔ.» 38Yésus ɔ pélē ɓɔ́ nɛ́: «Miní ŋgá yí ɓé yé miní ŋga ɓāt. Ɓaá, miníg la li nyú lí líɓondó lí ésɔghe mi ŋga kɛ́ li nyú é? Tɔ li kuh lí nzoɓan mi ŋga kɛ li kuh é?» 39La ɓɔ́ bú pélē nyɛ nɛ́: «Ɔɔ biíg la.» Yésus ɔ lága ɓɔ́ nɛ́: «Kɔɔ miníg kɛ li nyú lí líɓondó lí ésɔghe mi ŋga kɛ́ li nyú la li kuh lí nzoɓan mi ŋga kɛ li kuh. 40Ndí ányúū li tɔɔ á m̀ɓɛ́nlómɛ tɔ á m̀ɓɛ́ŋgáa wama, ah ma ɓé nɛ mi ŋga súgɛ náŋ. Bíŋ bitɔ bí lɛ ányúū ɓot Etāa a ɓōŋhán byɔ.» 41Ɛnɛ́ jéŋé jóom lí ɓáyēge lá ámblé nyúŋ ŋkwɛl, lú ályé Yákop la Yohánɛs. 42Yésus ɔ yáŋa ɓɔ́ bísɛ a byɛ́la ɓɔ́ nɛ: «Ɓɛ́nɛ-mɛ̄n miníg yí nɛ́, ɓot bí ŋga nyɔ̄ŋɓɛ ákaa ɓakanʼyɛ milóm, bíg vá ɓáŋá á sí likanʼyɛ jáɓá; ɓot ɓacɛ́ŋ ki, bíg tet ɓatɔ́ga. 43Ndí náŋ āh nyɛɛ ɓé lí ɓɛ́ á póla yaná. Á mveŋghanɛ́, kíyáɓɛ́nɛ mut á elɔŋ yáná ag somo li ɓɛ́ lí ǹcɛ́ŋ, a nyɛ́ɛ li ɓɛ́ li ŋ̀ɛɛle ɓáŋá. 44Kíyáɓɛ́nɛ mut á elɔŋ yáná ag somo li ɓɛ́ lí nyɔ́ a ɔsú, a nyɛ́ɛ li ɓɛ́ lí ŋyɔ́ŋ á ɓáŋá bísɛ. 45Náŋ ki nɛ́, Mɔɔ́n Mut ah sɔ́ ɓé nɛ bí ɛɛlé nyɛ́, ndí a sɔ́ nɛ a ɛ́ɛ́lé ɓot la li tíi lí éniŋ yɛ́ɛ́ á esɛsɛ́ma á li tɔ́hɔ lí ɔ́bul ví límut.»
Yésus ag tɔɔyɛ Baltimé mut-a-ndím mbólí
(Mat 20.29-34; Lúk 18.35-43)
46Yésus, ɓayége ɓɛ́ɛ́ la limut licɛ́ŋ bú sɔ́ á Yélīko. Eceg bí ŋgí ɓógo múŋ a nyíŋ tísɔn, mut-a-ndím wa bi ŋgí yáŋa nɛ́ Baltimé mɔɔ́n Tíme a ɓɛ́ɛ́ a tɔ́ɔ̄ á ŋgwáāg nzen ag yaga. 47Ɛnɛ́ a ámblé nɛ́ Yésus nyɔ́ á Názalɛt a lɛ li loo, ɔ tɛ́ɛ́ nlón nɛ: «Á Yésus, Mɔɔ́n Dávid, kɔɔ́n ma ŋgɔ́ɔ́!» 48Ɓot ŋgandag bú ɓōtlé nyɛ li kímɛ nɛ́ a tɔ́ɔ̄ pií. Ndí nyɛ́ ɔ kóndyé ja lí lón la ŋguu nɛ́: «Á Mɔɔ́n Dávid, kɔɔ́n ma ŋgɔ́ɔ́.» 49Váŋ nɛ́ Yésus a tɛ́lɛ ɔ lága nɛ́: «Yáŋlán ma nyɛ́.» Ɓot bú yáŋá nyɔ́ŋ mut-a-ndím, bú lága nyɛ nɛ́: «Letɛ́ nyuú, tɛ́lɛ́, Yésus ag yáŋa wa.» 50La nyɛ́ ɔ léé lógi jɛ́ɛ́, ɔ vóó li tɛ́lɛ, ɔ sīŋglé Yésus á ŋgwáāg. 51Yésus ɔ ɓāt nyɛ nɛ́: «Yéé ɔ ŋgɔ sómo nɛ́ mi ɓɔ́ŋlé wa é?» Mut-a-ndím ɔ pélē nyɛ nɛ́: «Ɛtáŋɛ, ɓɔ̄ŋ nɛ́ mi ɛ́nán ákaa á eceg ɔsú!» 52Yésus ɔ laga nyɛ nɛ́: «Kɛnɛ́g, ŋyéɓé wɔ́ɔ wá sūŋ wa.» Á ékūyá-kúyá ɔ ɛ́n, la nyɛ́ ɔ ɓōtlé lí wɛɛ ag oŋ Yésus múŋ á nzen.
ទើបបានជ្រើសរើសហើយ៖
Málkus 10: NTB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, CABTAL
Málkus 10
10
Aúg la miɓɔ́ mí áūg
(Mat 19.1-9; Lúk 16.18)
1Yésus ɔ ɓógo váŋ á nyɔ́ŋ voóm ɔ kɛ á ŋkɔŋ á Yúdēa, á nyúŋú mií á lɔm lí Yɔ́ldan. Limut lú kɔtan sīg-pɛ, la nyɛ́ ɔ ɓōtlé jɔ́ li yéglɛ ákaa elɛ́m. 2Váŋ nɛ́ jogo lí ɓot bí Élōg-Falísái ɓá sīŋglé nyɛ ɓɛɓɛ, bú bíhī nyɛ á li ám lí nyɛ nɛ́: «Ɓaá páam ɛ byɛ́ɛ́ kundɛ li duhu lí ŋ̀gáá wɛ́ɛ̄ é?» 3Yésus ɔ pélē ɓɔ nɛ́: «Mbéndá Móse ɛg laga nɛ́ yéé é?» 4Ɓot bí Élōg-Falísái bú tímanɛ nyɛ nɛ: «Mbéndá Móse ɛg laga nɛ: Mut ag la li tíi lí ŋ̀gáá wɛ́ɛ̄ kálati kundɛ la li tímanɛ lí nyɛ á yóg yɛ́ɛ̄.» 5Váŋ nɛ́ Yésus a laga ɓɔ́ nɛ́: «Ányúū mimím máná mí ŋga lēt nɛ́ Móse a cíilé ɓɛ́nɛ nyíŋ mbéndá. 6Li ɓotle á ɔkolpáŋá, Ɔlolómɛ̄ a vēg páam la mindígá. 7La nyɛ́ ɔ lága nɛ: ‹Jɔ́ nɛ́, páam ɛg kɛ li yíg lí ɛsáŋɛ́ la nyaŋɛ́ ɛ āt la ŋ̀gáá wɛ́ɛ̄, 8á lí ɓɔŋ nɛ́, ɓɔ́ bíɓáa bí yáan mut wa.› La náŋ, bí sē ɓé pɛ ɓot bíɓáa, ndí bí lɛ́ mut wa. 9Ányúū náŋ, mut tɔ wa ah byɛ́ɛ́ ɓé kundɛ li ɓága li yé Ɔlolómɛ̄ a áat.» 10Ɛnɛ́ ɓá pám á ndáá, ɓayége bú bíhī sīg-pɛ nyɛ́ á nlemlem á ŋkwɛl. 11Yésus ɔ pélē ɓɔ́ nɛ: «Kíyáɓɛ́nɛ páam ya dúhú ŋ̀gáá wɛ́ɛ́ ndí yá lɔ́m míndīgá ntám, ya ɓɔ̄ŋ áɓē á ndeŋg á ŋgwáāg mindígá ɔ́sū. 12Nlemlem, kíyáɓɛ́nɛ mindígá a túú nlóm pɛ́ɛ́ ndí á lɔ́mɓan la páam etám, nyɛ́g a ɓɔ̄ŋ áɓē á ndeŋg.»
Yésus ag lómbo ɓɔɔ́n ɓátɔ̄ga
(Mat 19.13-15; Lúk 18.15-17)
13Ɓot bí sɔ́ɔ́la Yésus ɓɔɔ́n ɓátɔ̄ga nɛ́ a sííɓán ɓɔ́, ndí ɓayége ɓɛ́ɛ́ bú ɓōtlé ɓɔ́ li céŋɛ. 14Ɛnɛ́ Yésus a ɛ́n náŋ, ɔ ála, aá la ɓɔ́ nɛ́: «Mwahánɛ̄ ɓɔɔ́n ɓátɔ̄ga bí sīŋglé ɓɛ́ɓɛ la ma, miníh céŋɛ́gɛ́ ɓé ɓɔ; átɔm nɛ́, Ekombo Ɔ́lolómɛ̄ ɛ́ lɛ ányúū ɓá bí ŋga púnan la ɓɔ́. 15La mbálɛ, mag laga ɓɛ́nɛ nɛ́, tɔ nzáá a ŋgá lɛ́gle ɓé Ékombo Ɔ́lolómɛ̄ ákaa mɔɔ́n ntɔ́ga a ŋgá kɛ ɓé lí níŋgi átē.» 16Ámbúh náŋ, ɔ ɓɛ́gɛ̄ ɓáŋ ɓɔɔ́n á mɔ mɛ́ɛ́, ɔ óóɓē ɓɔ la nyɛ́ ɔ lómbó ɓɔ.
Ŋyáŋlán á m̀byaŋ-á-mut
(Mat 19.16-30; Lúk 18.18-30)
17Á miɓógo mí Yésus, mut wa ɔ sɔ́ m̀bíí, ɔ úm míɓɔ̄ŋ ɔ́sū vɛ́ɛ́ ɔ bíhī nyɛ nɛ́: «Á elɔ́ŋgɔ Ŋ̀yéglɛ, yéé ma nyɛ́ɛ li ɓɔŋ ndí mi kūh eniŋ éɓem ákaa ɛjáma joga é?» 18Yésus ɔ ɓāt nyɛ nɛ́: «Ányúū yéé ɔ ŋgɔ yáŋa ma nɛ́ elɔ́ŋgɔ é? Tɔ mut a sē ɓé élɔ́ŋgɔ amáh sig Ɔlolómɛ̄ nyɛ́-ntámɛ́. 19Ɔg yí mbéndá nɛ: Ɔh ólkágán ɓé, ɔh kɛnɛ́g ɓé á ndeŋg, ɔh yííg ɓé, ɔh tɛ́lɓág ɓé mbóŋ minaa, ɔh nyɔŋɔ́g ɓé jam lí mɔ́ɔ̄nyɔ̄ŋ até á micaŋg, ditɛ́ ɛsɔ́ŋɛ́ la nyɔŋɛ́.» 20Nyɔ́ŋ mut ɔ pélē Yésus nɛ́: «Á Ŋ̀yéglɛ, ŋ̀gɛ̄n ma ōŋlé míŋ mam mísɛ li ɓotle lí ma ɔ́wāndá.» 21Yésus ɔ légɓé nyɛ, nyɔ́ŋ ɔ nyɛ́ɛlé nyɛ, ɔ lága nyɛ nɛ́: «Jam jáhjá nɛ lí ŋgí tɔɔ́ wa; kɛɛ́n, nuŋú yé ɛ́sɛ ɔ byɛ́ɛ̄, ɔ tí nyúŋ ŋkuh ɓayɛ́ɛ́yɛ́ɛ; la váŋ, ɔg kɛ li kuh lí ábyaŋ á lóō. Ámbúh náŋ, ɔ sɔ́, ɔ ōŋ ma.» 22Ɛnɛ́ nyɔ́ŋ mut a ámblé bíŋ biɓaŋgá, ɔ sóo ag súnan, ányúū nɛ a ɓɛ́ɛ́la miɓɛɛŋ ŋgandag. 23Ɛnɛ́ Yésus a légɓé ɓayége ɓɛ́ɛ́ bí ɓɛ́ɛ́ nyɛ́ á ŋgwáāg aá la ɓɔ́ nɛ́: «Ɛg kɛ li ɓɛ́ lí ndútu nɛ́ mimbyaŋ-mí-ɓot mí níŋgí á Ékombo Ɔ́lolómɛ̄!» 24Bíŋ biɓaŋgá bú teeŋgɛ́ ɓáyēge ɓɛ́ɛ́. Ndí Yésus ɔ lága sīg-pɛ ɓɔ́ nɛ́: «Á ɓɔ́ɔ̄n ɓáma, sē ndútu li níŋgi á Ékombo Ɔ́lolómɛ̄ é! 25Ɛ́ lɛ́ bu nɛ́ tít ákaa nzɔg ɛ níŋgí m̀ɓɔmblanɛ́ á lípɔndɔ́ lí ndɔndɔg li loo lí m̀byaŋ-á-mut nɛ́ á níŋgí á Ékombo Ɔ́lolómɛ̄.» 26Ɓayége bí Yésus bú kōndyé lí nyág la bíŋ biɓaŋgá, la ɓɔ́ bú ɓatɓan nɛ: «Ɓaá nzáá a ŋga lá hɔ́ lí suŋɓɛ é?» 27Ɛnɛ́ Yésus a tīŋ ɓɔ miíh, a byɛ́la ɓɔ́ nɛ́: «Náŋ a ŋga la ɓé li ɓɔŋɓɛ la ɓot-bí-bínam, ndí la Ɔlolómɛ̄; ányúū nɛ Ɔlolómɛ̄ nɛ a ŋga ɓɔ̄ŋ mam mísɛ.» 28Pétlos ɔ ɓōtlé nyɛ li yó nɛ́: «Légɓé sig, ɓɛ́hɛ ɓaá cóó mam máhá mísɛ á li oŋ lí wa.» 29Yésus ɔ pélē nyɛ nɛ́: «La mbálɛ, mag laga ɓɛ́nɛ nɛ́, ányúū yáma la Pɔ́l M̀ɓɛɛŋ, mut tɔ wa a sē ɓé nɛ́ a yíg ndáá yɛ́ɛ̄, elōgnyāŋ yé páam la yé ɓondígá, nyaŋɛ́, ɛsáŋɛ́, ɓɔɔ́n ɓɛ́ɛ́ tɔ nɛ́ mindíí mɛ́ɛ́, 30ndí āh kuh ɓé, elōgnyāŋ yé páam la yé ɓondígá, ɓanyaŋɛ́, ɓɔɔ́n la mindíí, elɔŋ la nlegtanɛ́ a ndutu ki, náŋ eɓógo ŋgele á yé eceg bi byɛ́ɛ́ vɔ́ŋɔ́ɔ. La nyɛ́ a kūh ki eniŋ éɓem á álɔ̄ á ŋga kɛ li sɔ́. 31Ŋgandag ɓot bí ɔ́sū bíg kɛ li ɓɛ́ lí ɓá bí mbúh, ɓá bí mbúh ki, bí ɓɛ́ ɓá bí ɔ́sū.»
Yésus ag lɛgɛ nyɛmb yɛ́ɛ̄ la lipahye jɛ́ɛ́ ŋgele ya yáhɛ ɛ́ŋháa
(Mat 20.17-19; Lúk 18.31-34)
32Eceg Yésus la ɓayége ɓɛ́ɛ́ bí ŋgí ɓét á Yélūsalɛm, a ŋgí dúgu ɓɔ́ ɔ́sū. Ɓɔ́ bí ŋgí sihlan, ɓot ki bí ŋgí oŋ ɓɔ́ bí ŋgí kɔn woŋ. Váŋ nɛ́ a kómánɛ̄ pɛ elɔŋ yɛ́ɛ́ yé Jóom lí ɓáōmɓɛ la bíɓáa, ɔ ɓōtlé ɓɔ́ li máŋlɛ lí mam mí ŋga kɛ́ nyɛ́ li pámle puh eceg. 33A byɛ́la ɓɔ́ nɛ́: «Léɓyán sig, biíg ɓét á Yélūsalɛm ápah Mɔɔ́n Mut a ŋga kɛ́ li nuŋlɛ á mɔ mí ɓákanʼyɛ ɓatíi-nsúlé la ɓayí-mbéndá. Bíg kɛ nyɛ li tíi lí ékɔ́ghɛ yé nyɛmb la li yōg lí nyɛ á mɔ mí ɓot bíh byɛ́ɛ́ ɓé ŋyéɓé la Ɔlolómɛ̄. 34Bíg kɛ nyɛ́ li ɔl, bí túlé nyɛ́ mitɛ́ɛ́, bí lɔ́g nyɛ́ áso; bíg kɛ nyɛ́ lí ól, ndí á ɔlɔ́ vá yáhɛ́ áŋháa, ag kɛ li pahye.»
Nzag nyí Yákop la Yohánɛs
(Mat 20.20-28; Lúk 22.25-27)
35Yákop la Yohánɛs, ɓɔɔ́n bi Zebedéo, bú sīŋglé Yésus á ŋgwáāg, bú laga nyɛ nɛ́: «Á Ŋ̀yéglɛ, bi byɛ́ɛ́ kóó nɛ ɔ ɓɔ́ŋlé ɓɛ́hɛ jam bi ŋga sɔ́ wa li ɓat.» 36Yésus ɔ ɓāt ɓɔ́ nɛ́: «Yéé miní ŋga sómo nɛ́ mi ɓɔ́ŋlé ɓɛ́nɛ é?» 37La ɓɔ́ bú pélē nyɛ nɛ́: «Eceg ɔ ŋgɔ kɛ li ɓɛ́ á likanʼyɛ jɔ́ɔ li lipém, yéɓé nɛ́ bi tɔ́ɔ̄ elɔŋ la wa, nyɔ́ wa á m̀ɓɛ́nlómɛ nyɔ́ŋɔ́ ki á m̀ɓɛ́ŋgáa wɔ́ɔ.» 38Yésus ɔ pélē ɓɔ́ nɛ́: «Miní ŋgá yí ɓé yé miní ŋga ɓāt. Ɓaá, miníg la li nyú lí líɓondó lí ésɔghe mi ŋga kɛ́ li nyú é? Tɔ li kuh lí nzoɓan mi ŋga kɛ li kuh é?» 39La ɓɔ́ bú pélē nyɛ nɛ́: «Ɔɔ biíg la.» Yésus ɔ lága ɓɔ́ nɛ́: «Kɔɔ miníg kɛ li nyú lí líɓondó lí ésɔghe mi ŋga kɛ́ li nyú la li kuh lí nzoɓan mi ŋga kɛ li kuh. 40Ndí ányúū li tɔɔ á m̀ɓɛ́nlómɛ tɔ á m̀ɓɛ́ŋgáa wama, ah ma ɓé nɛ mi ŋga súgɛ náŋ. Bíŋ bitɔ bí lɛ ányúū ɓot Etāa a ɓōŋhán byɔ.» 41Ɛnɛ́ jéŋé jóom lí ɓáyēge lá ámblé nyúŋ ŋkwɛl, lú ályé Yákop la Yohánɛs. 42Yésus ɔ yáŋa ɓɔ́ bísɛ a byɛ́la ɓɔ́ nɛ: «Ɓɛ́nɛ-mɛ̄n miníg yí nɛ́, ɓot bí ŋga nyɔ̄ŋɓɛ ákaa ɓakanʼyɛ milóm, bíg vá ɓáŋá á sí likanʼyɛ jáɓá; ɓot ɓacɛ́ŋ ki, bíg tet ɓatɔ́ga. 43Ndí náŋ āh nyɛɛ ɓé lí ɓɛ́ á póla yaná. Á mveŋghanɛ́, kíyáɓɛ́nɛ mut á elɔŋ yáná ag somo li ɓɛ́ lí ǹcɛ́ŋ, a nyɛ́ɛ li ɓɛ́ li ŋ̀ɛɛle ɓáŋá. 44Kíyáɓɛ́nɛ mut á elɔŋ yáná ag somo li ɓɛ́ lí nyɔ́ a ɔsú, a nyɛ́ɛ li ɓɛ́ lí ŋyɔ́ŋ á ɓáŋá bísɛ. 45Náŋ ki nɛ́, Mɔɔ́n Mut ah sɔ́ ɓé nɛ bí ɛɛlé nyɛ́, ndí a sɔ́ nɛ a ɛ́ɛ́lé ɓot la li tíi lí éniŋ yɛ́ɛ́ á esɛsɛ́ma á li tɔ́hɔ lí ɔ́bul ví límut.»
Yésus ag tɔɔyɛ Baltimé mut-a-ndím mbólí
(Mat 20.29-34; Lúk 18.35-43)
46Yésus, ɓayége ɓɛ́ɛ́ la limut licɛ́ŋ bú sɔ́ á Yélīko. Eceg bí ŋgí ɓógo múŋ a nyíŋ tísɔn, mut-a-ndím wa bi ŋgí yáŋa nɛ́ Baltimé mɔɔ́n Tíme a ɓɛ́ɛ́ a tɔ́ɔ̄ á ŋgwáāg nzen ag yaga. 47Ɛnɛ́ a ámblé nɛ́ Yésus nyɔ́ á Názalɛt a lɛ li loo, ɔ tɛ́ɛ́ nlón nɛ: «Á Yésus, Mɔɔ́n Dávid, kɔɔ́n ma ŋgɔ́ɔ́!» 48Ɓot ŋgandag bú ɓōtlé nyɛ li kímɛ nɛ́ a tɔ́ɔ̄ pií. Ndí nyɛ́ ɔ kóndyé ja lí lón la ŋguu nɛ́: «Á Mɔɔ́n Dávid, kɔɔ́n ma ŋgɔ́ɔ́.» 49Váŋ nɛ́ Yésus a tɛ́lɛ ɔ lága nɛ́: «Yáŋlán ma nyɛ́.» Ɓot bú yáŋá nyɔ́ŋ mut-a-ndím, bú lága nyɛ nɛ́: «Letɛ́ nyuú, tɛ́lɛ́, Yésus ag yáŋa wa.» 50La nyɛ́ ɔ léé lógi jɛ́ɛ́, ɔ vóó li tɛ́lɛ, ɔ sīŋglé Yésus á ŋgwáāg. 51Yésus ɔ ɓāt nyɛ nɛ́: «Yéé ɔ ŋgɔ sómo nɛ́ mi ɓɔ́ŋlé wa é?» Mut-a-ndím ɔ pélē nyɛ nɛ́: «Ɛtáŋɛ, ɓɔ̄ŋ nɛ́ mi ɛ́nán ákaa á eceg ɔsú!» 52Yésus ɔ laga nyɛ nɛ́: «Kɛnɛ́g, ŋyéɓé wɔ́ɔ wá sūŋ wa.» Á ékūyá-kúyá ɔ ɛ́n, la nyɛ́ ɔ ɓōtlé lí wɛɛ ag oŋ Yésus múŋ á nzen.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, CABTAL