Misɔ́n mí Ɓáōmɓɛ 9
9
Ŋyáŋlán á Sául
1Kasig Sául a ŋgí yál ɓé lí oŋhan la ɓayége bí Nyɔ́ŋ-Ɛsáŋɛ́ la li ól lí ɓɔ, ɔ kɛ́ lí kɔ́p lí ŋ̀kanʼyɛ ɓatíi-nsúlé, 2ɔ ɓāt nyɛ kálati yí kundɛ á lí níŋgi á ndáá-míɓomán yí Dámas, á lí ɓɔŋ nɛ́ kíyáɓɛ́nɛ a kɔ́p ɓáoŋ nzen Yésus átē, páam tɔ ɓondígá, a kɛ́la ɓɔ́ á Yélūsalɛm ŋkágag la misáŋ mí bícɛɛ. 3Múŋ á nzen, kasig a ŋgí siŋgle la Dámas, á ékūyá-kúyá, mipúú mú sɔ́lé á lóō, mú bútyɛ́ nyɛ la ŋguu epaa. 4Ɔ ɓɛ́hán á sí, la nyɛ́ ɔ ámblé cíŋ ɛg laga nyɛ́ nɛ́: «Á Sául, á Sául, yéé wa váŋgɛ́ ma la ndeeŋgɛ é?» 5Sául ɔ bíhī nɛ: «Ɛtáŋɛ, wa nɛ́ ɔ lɛ nzáá é?» Cíŋ yu pélē nɛ: «Mi lɛ Yésus, ma nɛ́ wa váŋgɛ́ la ndeeŋgɛ. 6Ndí tɛ́lɛ́, níŋgí á tísɔn, bíg kɛ wa lí laga lí yé wa nyɛ́ɛ lí ɓɔŋ.» 7Ɓot bí élɔŋ yɛ́ɛ́ dúwɛ bí ɓɛ́ɛ́ bí tɛ́ɛ́ váŋ, bú ku mbúg, bú nát la woŋ. Bí ŋgí ámble cíŋ ɛg pɔ́t, ndí bí ŋgí ɛ́n ɓé tɔ mut. 8Sául ɔ tɛ́lɛ́ á sí, ndí tɔ náŋ ákaa miíh mí ɓɛ́ɛ́ nyɛ́ épōló, a ŋgí ɛ́n ɓé pɛ tɔ jam. Ɓot bí élɔŋ yɛ́ɛ́ dúwɛ bú byēé nyɛ á wɔ, bú níŋgí la nyɛ́ á Dámas 9ápah a tɔɓéé ndím alɔ́ áŋháa, ɛ́h ɓɛ́ ɓé nyɛ li dí tɔ li nyú.
10Ŋ̀yége a Yésus wa a ɓɛ́ɛ́ á Dámas bí ŋgí yáŋa Ananías. Nyɔ́ŋ-Ɛsáŋɛ́ ɔ pámle nyɛ á ŋ̀ɛ́nānɛ́, ɔ yáŋá nyɛ nɛ́: «Á Ananías!» Nyɔ́ŋ ɔ pélē nyɛ nɛ́: «Ma nyɔ́ Ɛtáŋɛ!» 11Nyɔ́ŋ-Ɛsáŋɛ́ ɔ tímānɛ̄ nyɛ nɛ́: «Kɛɛ́n á nzen ɛ ŋga yáŋlɛ nɛ́ nzen-Mɓɛ́nlómɛ, á nlɛ́ɛ́ á Yúdas, ɔ ɓāt mɔɔ́n Tálse nyɔ́ a byɛ́ɛ̄ joó lí Sául, á nyí ŋgɛ́ŋ a lɛ váŋ á míkánɛ. 12Á ŋ̀ɛ́nānɛ́ wɛ́ɛ̄, a tíilé lí ɛ́n lí mut wa nɛ́ Ananías ag níŋgí, ɔ kāhyɛ́ nyɛ mɔ á li ɓɔŋ nɛ́ a tímān lí ɛ́nán.» 13Ananías ɔ pélē nyɛ nɛ́: «Ɛtáŋɛ, ma ámblé pɔ́n ɓot ŋgandag bíg pɔ́t líkɔlɓan la nyɔ́ŋ mut, la li laga lí áɓē ásɛ a ɓɔ̄ŋlé ndog yɔ́ɔ á Yélūsalɛm. 14Vá ki, a byɛ́ɛ́ ŋguu ŋgandag nyí ɓakanʼyɛ ɓatíi-nsúlé ɓá tí nyɛ á lí byee lí ɓáŋ bísɛ bí ŋga símhánɛ joó jɔ́ɔ.» 15Ndí, Nyɔ́ŋ-Ɛsáŋɛ́ ɔ yó nyɛ nɛ́: «Kɛnɛ́g, átɔm nɛ́ ma pɔ́hɔ nyɔ́ŋ mut nɛ́ a ɓɛ́ m̀ɓɔŋle wama ányúū li yíhɛ lí jóō jáma á mílōm mí sē ɓé mí mí Élōg-Yúda, ɔ́sū ví ɔ́bul ví káísa la ɓɔɔ́n bí Íslāɛl. 16Mā-mɛ̄n mag kɛ nyɛ́ lí étɛ lí ésɔghe ɛ́sɛ a ŋga kɛ́ li kuh ányúū joó jáma.» 17La Ananías ɔ kɛ̄, ɔ níŋgí á nlɛ́ɛ́, ɔ kāhyɛ́ nyɛ mɔ, aá la nyɛ́ nɛ́: «Á mɔ́ɔ̄nɛ́tāŋ Sául, Nyɔ́ŋ-Ɛsáŋɛ́, nyɔ́ Yésus a pámlé wa á nzen yɔ́ɔ duwɛ, nyɛ́ nɛ́ a óm ma á lí ɓɔŋ nɛ́ ɔ tímān lí ɛ́nan, ɔ yál ki la M̀búl Mpúán.» 18Á ékūyá-kúyá, patí bíɓāh yá yú pám Sául á miíh, yú kū á sí la nyɛ́ ɔ ɓōtlé lí ɛ́nan, ɔ kūh nzoɓan. 19Ámbúh náŋ, ɔ dí, ɔ kūh ŋguu.
Sául ag lɛgɛ Pɔ́l M̀ɓɛɛŋ á Dámas
Sául ɔ lóɛ puh álɔ̄ elɔŋ la ɓayége bí ɓɛ́ɛ́ váŋ á Dámas. 20Ndí, ɛ́h ɓɛ́ ɓé lí laaŋke, ɔ ɓōtlé lí lɛgɛ á ndáá-míɓomán nɛ Yésus a lɛ̄ Mɔ́ɔ̄n Ɔ́lolómɛ̄. 21Ɓot bísɛ bí ŋgí ámble nyɛ́ bú nyág, bú yó nɛ: «Ɓaá, ah nyɛ́ ɓé nɛ a ŋgí váŋgɛ la ndeeŋgɛ ɓá bísɛ bí ŋgí yáŋa joó lí Yésus á Yélūsalɛm é? Ɓaá, āh ɓoŋhan ɓé lí sɔ́ vá á lí byee lí ɓɔ é? Li kɛla lí ɓɔ ŋkágag la misáŋ á mbóg ɓakanʼyɛ ɓatíi-nsúlé é?» 22Ndí, Sául nyɛ́ a ŋgí kondye ja lí lɛgɛ lí ɓɔ́ɔ̄n bí Élōg-Yúda bí ŋgí tɔɓe á Dámas Pɔ́l M̀ɓɛɛŋ ɛh ɓɛ́ woŋ tɔ wá. Náŋ ɔ ɓɔ̄ŋ nɛ́ bí ŋgí yí ɓé yé bí lagá nyɛ́ átɔm nɛ́ a ŋgí étɛ ɓɔ́ nɛ́, Yésus a lɛ kɔɔ Nyɔ́-a-Pɔ́hlɛ.
23Ámbúh ntaandá á eceg, ɓáŋ ɓɔɔ́n bí Élōg-Yúda bú ámblán nɛ ɓá nyɛɛ́ lí ól lí Sául. 24Ndí, Sául ɔ yí jéŋ dimb. Ɓɔɔ́n bí Élōg-Yúda bú ɓōtlé lí tát lí mínīŋglé mí tísɔn díɓe la nzámuh, á lí somo nɛ́ bí ól nyɛ́. 25Ndí, díɓe já, ɓayége ɓɛ́ɛ́ bú vá nyɛ á ésɛɛ, la ɓɔ́ bú suhɛ́nɛ́ nyɛ á yéŋé épah yé kɔ́tá nyí tísɔn.
Sául ag timan á Yélūsalɛm
26Ɛnɛ́ Sául a tímān á Yélūsalɛm, ɔ sōmó lí níŋgi á élɔŋ ɓáyēge, ndí ɓɔ́ bísɛ bí ŋgí kɔn nyɛ́ woŋ, átɔm nɛ́ bí ŋgí la ɓé lí yéɓe nɛ́ a lɛ ŋ̀yége la mbálɛ. 27Váŋ nɛ̄ Balnábas a nyɔ̄ŋ Sául, ɔ kɛ́la nyɛ ɔ́sū ví ɓáōmɓɛ, ɔ máŋlɛ́ ɓɔ kaa Sául a ɛ́nɛ́ɛ́ Nyɔ́ŋ-Ɛsáŋɛ́ á nzen, la kaa Nyɔ́ŋ-Ɛsáŋɛ́ a pɔ́thɛ́ɛ nyɛ́, kaa láá á Dámas, Sául a lɛ́gɛ Pɔ́l M̀ɓɛɛŋ á jóō lí Yésus ɛ́h ɓɛ́ ɓé woŋ tɔ wá. 28Li ɓotle váŋ nɛ́ Sául a ŋgí ɓét ag ɔ́ndɔ elɔŋ la ɓɔ́ á Yélūsalɛm, ag lɛgɛ Pɔ́l M̀ɓɛɛŋ á jóō lí Nyɔ́ŋ-Ɛsáŋɛ́ ɛ́h ɓɛ́ ɓé woŋ tɔ wá. 29Tɔ náŋ ákaa Sául a ŋgí kwɛl ag kála ki la ɓɔɔ́n bí Élōg-Yúda ɓá bí ŋgí pɔ́t Gelékia, ɓɔ́ bí ŋgí somo ja nyɛ́ lí ólhánɛ. 30Ɛnɛ́ elōgésāŋ átē a ŋyéɓé yá ámblé nāŋ, yú kɛ́la nyɛ́ á Sezaléa, Ámbúh Sezaléa, bú kɛ̄hɛ́ nyɛ á Tálse.
31Eɓasɛ ɛ́sɛ váŋ á yéŋ eceg ɛ́ ɓɛ́ɛ́ átē á nsaŋ, á Yúdēa, á Galiléa, á Samália. Ɛ́ ŋgí ólo, ɛ́g wɛɛhɛnɛ ki á sí woŋ á Nyɔ́ŋ-Ɛsáŋɛ́, ɛ́ ŋgí kondye li náŋ la ŋguu M̀búl Mpúán.
Mitɔɔ mí mbólí mí Énée
32Ɔlɔ́ vá, kasig Pétlos a ŋgí wɛɛ ɓavoóm bísɛ, ɔ sūh lí pɔ́tɛ lí ndog-Ɔlolómɛ̄ ɛ ŋga tɔ́ɓene á Lída. 33Ɔ kɔ́p éɓōg-mut yá váŋ nɛ́ Énée, a ɓɛ́ɛ́ á náŋɛ á sáŋkálɛ wɛɛ́, náŋ ag ɓɔŋ mimbú mwaam. 34Pétlos ɔ yó nyɛ nɛ́: «Á Énée, Yésus Kilístus a tɔ́ɔ̄yɛ́ wa mbólí, tɛ́lɛ́ ɔ vúlké sáŋkálɛ wɔ́ɔ wā-mɛ̄n.» Á ékūyá-kúyá, ɔ tɛ́lɛ. 35Ɛnɛ́ ɓot bísɛ bí tísɔn Lída la ɓá bí ŋkɔŋ á Sálɔn ɛ tɛ́gɛ́ ɓá ɛ́n nyɛ, bú yéɓé la Nyɔ́ŋ-Ɛsáŋɛ́.
Lipahye lí Tabíta á Yópe
36Mindígá a ŋyéɓé wa a ɓɛ́ɛ́ á Yópe, joó jɛ́ɛ́ nɛ Tabíta, náŋ ag kɔplɛ nɛ́ ŋkwáhá. A ŋgí ɓɔŋ mam mí m̀ɓɛɛŋ ŋgandag, ag tíi ki ɓayɛ́ɛ́yɛ́ɛ mikaale. 37Ndí, múŋ á nyúŋ alɔ́, ɔ kū ɔ́kɔn la nyɛ́ ɔ wú. Ɛnɛ́ ɓá manɛ́ lí soɓanɛ lí m̀bim wɛ́ɛ́, bú ɓét la wɔ́ á étun-ndáá-likɔgɔ. 38Ɛnɛ́ ɓayége ɓá ámblé nɛ Pétlos a lɛ á Lída, la nɛ́ Lída ɛ lɛ̄ ɓɛɓɛ la Yópe, bú óm ɓot bíɓáa á lí laga lí nyɛ nɛ́: «Sóon, vóɛ li sɔ́, ɔ kɔ́p ɓɛ́hɛ vá á Yópe.» 39Á ékūyá-kúyá, Pétlos ɔ tímān élɔŋ la ɓɔ́. Eceg a pámáá wóŋ, bú ɓétɛ́ nyɛ á étun-ndáá-likɔgɔ, mikúh mí ɓóndīgá mísɛ mú sɔ́ míg lee ɔ́sū vɛ́ɛ́. Mú étɛ́ nyɛ́ mbɔ́tí la milógi Dɔlkáas#9.39 Dɔlkáas a ɓɛ́ɛ́ a joó lí Tabíta litám. a ŋgí lɔndɔ eceg a ɓɛ́ɛ́ élɔŋ la ɓɔ́. 40Pétlos ɔ pámɛ́ ɓot bísɛ, ɔ úm míɓɔ̄ŋ á sí, ɔ kánɛ. Ámbúh váŋ, ɔ yáan ɔ légɓé m̀bim, ɔ yó nɛ: «Á Tabíta tɛ́lɛ́!» La Tabíta ɔ légē miíh, ɛnɛ́ a ɛ́n Pétlos, ɔ kɔ́glan, la nyɛ́ ɔ tɔ́ɔ̄. 41Pétlos ɔ byée nyɛ á wɔ, ɔ tɛ́ɛ́yɛ́ nyɛ. Ámbúh náŋ ɔ yáŋá ndog-Ɔlolómɛ̄ la mikúh mí ɓóndīgá, ɔ étɛ ɓɔ Tabíta ag vɛɛɓan. 42Yópe yɔ ɛsɛ̄ yu yí nāŋ, la ŋgandag ɓot yú yéɓé la Nyɔ́ŋ-Ɛsáŋɛ́. 43Pétlos ɔ tɔ́ɔ̄ pɛ alɔ́ ŋgandag á Yópe, á yóg mut wa nɛ́ Símɔn nyɔ́ a ŋgí sál bíkogo bí tít.
ទើបបានជ្រើសរើសហើយ៖
Misɔ́n mí Ɓáōmɓɛ 9: NTB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, CABTAL
Misɔ́n mí Ɓáōmɓɛ 9
9
Ŋyáŋlán á Sául
1Kasig Sául a ŋgí yál ɓé lí oŋhan la ɓayége bí Nyɔ́ŋ-Ɛsáŋɛ́ la li ól lí ɓɔ, ɔ kɛ́ lí kɔ́p lí ŋ̀kanʼyɛ ɓatíi-nsúlé, 2ɔ ɓāt nyɛ kálati yí kundɛ á lí níŋgi á ndáá-míɓomán yí Dámas, á lí ɓɔŋ nɛ́ kíyáɓɛ́nɛ a kɔ́p ɓáoŋ nzen Yésus átē, páam tɔ ɓondígá, a kɛ́la ɓɔ́ á Yélūsalɛm ŋkágag la misáŋ mí bícɛɛ. 3Múŋ á nzen, kasig a ŋgí siŋgle la Dámas, á ékūyá-kúyá, mipúú mú sɔ́lé á lóō, mú bútyɛ́ nyɛ la ŋguu epaa. 4Ɔ ɓɛ́hán á sí, la nyɛ́ ɔ ámblé cíŋ ɛg laga nyɛ́ nɛ́: «Á Sául, á Sául, yéé wa váŋgɛ́ ma la ndeeŋgɛ é?» 5Sául ɔ bíhī nɛ: «Ɛtáŋɛ, wa nɛ́ ɔ lɛ nzáá é?» Cíŋ yu pélē nɛ: «Mi lɛ Yésus, ma nɛ́ wa váŋgɛ́ la ndeeŋgɛ. 6Ndí tɛ́lɛ́, níŋgí á tísɔn, bíg kɛ wa lí laga lí yé wa nyɛ́ɛ lí ɓɔŋ.» 7Ɓot bí élɔŋ yɛ́ɛ́ dúwɛ bí ɓɛ́ɛ́ bí tɛ́ɛ́ váŋ, bú ku mbúg, bú nát la woŋ. Bí ŋgí ámble cíŋ ɛg pɔ́t, ndí bí ŋgí ɛ́n ɓé tɔ mut. 8Sául ɔ tɛ́lɛ́ á sí, ndí tɔ náŋ ákaa miíh mí ɓɛ́ɛ́ nyɛ́ épōló, a ŋgí ɛ́n ɓé pɛ tɔ jam. Ɓot bí élɔŋ yɛ́ɛ́ dúwɛ bú byēé nyɛ á wɔ, bú níŋgí la nyɛ́ á Dámas 9ápah a tɔɓéé ndím alɔ́ áŋháa, ɛ́h ɓɛ́ ɓé nyɛ li dí tɔ li nyú.
10Ŋ̀yége a Yésus wa a ɓɛ́ɛ́ á Dámas bí ŋgí yáŋa Ananías. Nyɔ́ŋ-Ɛsáŋɛ́ ɔ pámle nyɛ á ŋ̀ɛ́nānɛ́, ɔ yáŋá nyɛ nɛ́: «Á Ananías!» Nyɔ́ŋ ɔ pélē nyɛ nɛ́: «Ma nyɔ́ Ɛtáŋɛ!» 11Nyɔ́ŋ-Ɛsáŋɛ́ ɔ tímānɛ̄ nyɛ nɛ́: «Kɛɛ́n á nzen ɛ ŋga yáŋlɛ nɛ́ nzen-Mɓɛ́nlómɛ, á nlɛ́ɛ́ á Yúdas, ɔ ɓāt mɔɔ́n Tálse nyɔ́ a byɛ́ɛ̄ joó lí Sául, á nyí ŋgɛ́ŋ a lɛ váŋ á míkánɛ. 12Á ŋ̀ɛ́nānɛ́ wɛ́ɛ̄, a tíilé lí ɛ́n lí mut wa nɛ́ Ananías ag níŋgí, ɔ kāhyɛ́ nyɛ mɔ á li ɓɔŋ nɛ́ a tímān lí ɛ́nán.» 13Ananías ɔ pélē nyɛ nɛ́: «Ɛtáŋɛ, ma ámblé pɔ́n ɓot ŋgandag bíg pɔ́t líkɔlɓan la nyɔ́ŋ mut, la li laga lí áɓē ásɛ a ɓɔ̄ŋlé ndog yɔ́ɔ á Yélūsalɛm. 14Vá ki, a byɛ́ɛ́ ŋguu ŋgandag nyí ɓakanʼyɛ ɓatíi-nsúlé ɓá tí nyɛ á lí byee lí ɓáŋ bísɛ bí ŋga símhánɛ joó jɔ́ɔ.» 15Ndí, Nyɔ́ŋ-Ɛsáŋɛ́ ɔ yó nyɛ nɛ́: «Kɛnɛ́g, átɔm nɛ́ ma pɔ́hɔ nyɔ́ŋ mut nɛ́ a ɓɛ́ m̀ɓɔŋle wama ányúū li yíhɛ lí jóō jáma á mílōm mí sē ɓé mí mí Élōg-Yúda, ɔ́sū ví ɔ́bul ví káísa la ɓɔɔ́n bí Íslāɛl. 16Mā-mɛ̄n mag kɛ nyɛ́ lí étɛ lí ésɔghe ɛ́sɛ a ŋga kɛ́ li kuh ányúū joó jáma.» 17La Ananías ɔ kɛ̄, ɔ níŋgí á nlɛ́ɛ́, ɔ kāhyɛ́ nyɛ mɔ, aá la nyɛ́ nɛ́: «Á mɔ́ɔ̄nɛ́tāŋ Sául, Nyɔ́ŋ-Ɛsáŋɛ́, nyɔ́ Yésus a pámlé wa á nzen yɔ́ɔ duwɛ, nyɛ́ nɛ́ a óm ma á lí ɓɔŋ nɛ́ ɔ tímān lí ɛ́nan, ɔ yál ki la M̀búl Mpúán.» 18Á ékūyá-kúyá, patí bíɓāh yá yú pám Sául á miíh, yú kū á sí la nyɛ́ ɔ ɓōtlé lí ɛ́nan, ɔ kūh nzoɓan. 19Ámbúh náŋ, ɔ dí, ɔ kūh ŋguu.
Sául ag lɛgɛ Pɔ́l M̀ɓɛɛŋ á Dámas
Sául ɔ lóɛ puh álɔ̄ elɔŋ la ɓayége bí ɓɛ́ɛ́ váŋ á Dámas. 20Ndí, ɛ́h ɓɛ́ ɓé lí laaŋke, ɔ ɓōtlé lí lɛgɛ á ndáá-míɓomán nɛ Yésus a lɛ̄ Mɔ́ɔ̄n Ɔ́lolómɛ̄. 21Ɓot bísɛ bí ŋgí ámble nyɛ́ bú nyág, bú yó nɛ: «Ɓaá, ah nyɛ́ ɓé nɛ a ŋgí váŋgɛ la ndeeŋgɛ ɓá bísɛ bí ŋgí yáŋa joó lí Yésus á Yélūsalɛm é? Ɓaá, āh ɓoŋhan ɓé lí sɔ́ vá á lí byee lí ɓɔ é? Li kɛla lí ɓɔ ŋkágag la misáŋ á mbóg ɓakanʼyɛ ɓatíi-nsúlé é?» 22Ndí, Sául nyɛ́ a ŋgí kondye ja lí lɛgɛ lí ɓɔ́ɔ̄n bí Élōg-Yúda bí ŋgí tɔɓe á Dámas Pɔ́l M̀ɓɛɛŋ ɛh ɓɛ́ woŋ tɔ wá. Náŋ ɔ ɓɔ̄ŋ nɛ́ bí ŋgí yí ɓé yé bí lagá nyɛ́ átɔm nɛ́ a ŋgí étɛ ɓɔ́ nɛ́, Yésus a lɛ kɔɔ Nyɔ́-a-Pɔ́hlɛ.
23Ámbúh ntaandá á eceg, ɓáŋ ɓɔɔ́n bí Élōg-Yúda bú ámblán nɛ ɓá nyɛɛ́ lí ól lí Sául. 24Ndí, Sául ɔ yí jéŋ dimb. Ɓɔɔ́n bí Élōg-Yúda bú ɓōtlé lí tát lí mínīŋglé mí tísɔn díɓe la nzámuh, á lí somo nɛ́ bí ól nyɛ́. 25Ndí, díɓe já, ɓayége ɓɛ́ɛ́ bú vá nyɛ á ésɛɛ, la ɓɔ́ bú suhɛ́nɛ́ nyɛ á yéŋé épah yé kɔ́tá nyí tísɔn.
Sául ag timan á Yélūsalɛm
26Ɛnɛ́ Sául a tímān á Yélūsalɛm, ɔ sōmó lí níŋgi á élɔŋ ɓáyēge, ndí ɓɔ́ bísɛ bí ŋgí kɔn nyɛ́ woŋ, átɔm nɛ́ bí ŋgí la ɓé lí yéɓe nɛ́ a lɛ ŋ̀yége la mbálɛ. 27Váŋ nɛ̄ Balnábas a nyɔ̄ŋ Sául, ɔ kɛ́la nyɛ ɔ́sū ví ɓáōmɓɛ, ɔ máŋlɛ́ ɓɔ kaa Sául a ɛ́nɛ́ɛ́ Nyɔ́ŋ-Ɛsáŋɛ́ á nzen, la kaa Nyɔ́ŋ-Ɛsáŋɛ́ a pɔ́thɛ́ɛ nyɛ́, kaa láá á Dámas, Sául a lɛ́gɛ Pɔ́l M̀ɓɛɛŋ á jóō lí Yésus ɛ́h ɓɛ́ ɓé woŋ tɔ wá. 28Li ɓotle váŋ nɛ́ Sául a ŋgí ɓét ag ɔ́ndɔ elɔŋ la ɓɔ́ á Yélūsalɛm, ag lɛgɛ Pɔ́l M̀ɓɛɛŋ á jóō lí Nyɔ́ŋ-Ɛsáŋɛ́ ɛ́h ɓɛ́ ɓé woŋ tɔ wá. 29Tɔ náŋ ákaa Sául a ŋgí kwɛl ag kála ki la ɓɔɔ́n bí Élōg-Yúda ɓá bí ŋgí pɔ́t Gelékia, ɓɔ́ bí ŋgí somo ja nyɛ́ lí ólhánɛ. 30Ɛnɛ́ elōgésāŋ átē a ŋyéɓé yá ámblé nāŋ, yú kɛ́la nyɛ́ á Sezaléa, Ámbúh Sezaléa, bú kɛ̄hɛ́ nyɛ á Tálse.
31Eɓasɛ ɛ́sɛ váŋ á yéŋ eceg ɛ́ ɓɛ́ɛ́ átē á nsaŋ, á Yúdēa, á Galiléa, á Samália. Ɛ́ ŋgí ólo, ɛ́g wɛɛhɛnɛ ki á sí woŋ á Nyɔ́ŋ-Ɛsáŋɛ́, ɛ́ ŋgí kondye li náŋ la ŋguu M̀búl Mpúán.
Mitɔɔ mí mbólí mí Énée
32Ɔlɔ́ vá, kasig Pétlos a ŋgí wɛɛ ɓavoóm bísɛ, ɔ sūh lí pɔ́tɛ lí ndog-Ɔlolómɛ̄ ɛ ŋga tɔ́ɓene á Lída. 33Ɔ kɔ́p éɓōg-mut yá váŋ nɛ́ Énée, a ɓɛ́ɛ́ á náŋɛ á sáŋkálɛ wɛɛ́, náŋ ag ɓɔŋ mimbú mwaam. 34Pétlos ɔ yó nyɛ nɛ́: «Á Énée, Yésus Kilístus a tɔ́ɔ̄yɛ́ wa mbólí, tɛ́lɛ́ ɔ vúlké sáŋkálɛ wɔ́ɔ wā-mɛ̄n.» Á ékūyá-kúyá, ɔ tɛ́lɛ. 35Ɛnɛ́ ɓot bísɛ bí tísɔn Lída la ɓá bí ŋkɔŋ á Sálɔn ɛ tɛ́gɛ́ ɓá ɛ́n nyɛ, bú yéɓé la Nyɔ́ŋ-Ɛsáŋɛ́.
Lipahye lí Tabíta á Yópe
36Mindígá a ŋyéɓé wa a ɓɛ́ɛ́ á Yópe, joó jɛ́ɛ́ nɛ Tabíta, náŋ ag kɔplɛ nɛ́ ŋkwáhá. A ŋgí ɓɔŋ mam mí m̀ɓɛɛŋ ŋgandag, ag tíi ki ɓayɛ́ɛ́yɛ́ɛ mikaale. 37Ndí, múŋ á nyúŋ alɔ́, ɔ kū ɔ́kɔn la nyɛ́ ɔ wú. Ɛnɛ́ ɓá manɛ́ lí soɓanɛ lí m̀bim wɛ́ɛ́, bú ɓét la wɔ́ á étun-ndáá-likɔgɔ. 38Ɛnɛ́ ɓayége ɓá ámblé nɛ Pétlos a lɛ á Lída, la nɛ́ Lída ɛ lɛ̄ ɓɛɓɛ la Yópe, bú óm ɓot bíɓáa á lí laga lí nyɛ nɛ́: «Sóon, vóɛ li sɔ́, ɔ kɔ́p ɓɛ́hɛ vá á Yópe.» 39Á ékūyá-kúyá, Pétlos ɔ tímān élɔŋ la ɓɔ́. Eceg a pámáá wóŋ, bú ɓétɛ́ nyɛ á étun-ndáá-likɔgɔ, mikúh mí ɓóndīgá mísɛ mú sɔ́ míg lee ɔ́sū vɛ́ɛ́. Mú étɛ́ nyɛ́ mbɔ́tí la milógi Dɔlkáas#9.39 Dɔlkáas a ɓɛ́ɛ́ a joó lí Tabíta litám. a ŋgí lɔndɔ eceg a ɓɛ́ɛ́ élɔŋ la ɓɔ́. 40Pétlos ɔ pámɛ́ ɓot bísɛ, ɔ úm míɓɔ̄ŋ á sí, ɔ kánɛ. Ámbúh váŋ, ɔ yáan ɔ légɓé m̀bim, ɔ yó nɛ: «Á Tabíta tɛ́lɛ́!» La Tabíta ɔ légē miíh, ɛnɛ́ a ɛ́n Pétlos, ɔ kɔ́glan, la nyɛ́ ɔ tɔ́ɔ̄. 41Pétlos ɔ byée nyɛ á wɔ, ɔ tɛ́ɛ́yɛ́ nyɛ. Ámbúh náŋ ɔ yáŋá ndog-Ɔlolómɛ̄ la mikúh mí ɓóndīgá, ɔ étɛ ɓɔ Tabíta ag vɛɛɓan. 42Yópe yɔ ɛsɛ̄ yu yí nāŋ, la ŋgandag ɓot yú yéɓé la Nyɔ́ŋ-Ɛsáŋɛ́. 43Pétlos ɔ tɔ́ɔ̄ pɛ alɔ́ ŋgandag á Yópe, á yóg mut wa nɛ́ Símɔn nyɔ́ a ŋgí sál bíkogo bí tít.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, CABTAL