Misɔ́n mí Ɓáōmɓɛ 5
5
Ananías la Safíla
1Páam ya bí ŋgí yáŋa nɛ́ Ananías, á ŋ̀ámblānɛ́ la ŋ̀gáá wɛ́ɛ̄ Safíla, ɔ núŋū epah ɛ́ sí yɛ́ɛ́ yá. 2Ɔ ámblán la ŋ̀gáá wɛ́ɛ̄, nɛ bí yéglán joga já jé lí mɔní mí nyuŋgá sí, la nyɛ́ ɔ kɛ́la jéŋé joga litám ɔ ɓémbé jɔ á sí míkoo mí ɓáōmɓɛ. 3Váŋ nɛ́ Pétlos a lága nyɛ nɛ́: «Wɛɛ́kɛ́ɛ́! Á Ananías, ányúū yéé wa mwáhɛ Sátan ɔ níŋgí wa á m̀mím é? Wa yɛ́ɛ́ M̀búl Mpúán la wá wu yéglán joga lí mɔní já jé lí nyuŋgá sí. 4Ɔh mɓɛ́ ɓé nɛ ɔ náŋɛ́ sí yɔ́ɔ ɛ́h ɓɛ́ ɓé yɔ li nuŋu é? Tɔ nɛ́, kíyáɓɛ́nɛ wa núŋū yɔ, ɔ ɓɔ́ŋlé míŋ mɔní á kóó yɔ́ɔ é? Nyíŋ nyaa míɔ̄ŋɔ yá ɓɔŋ láá ndí yú níŋgí wa á m̀mím é? Ah ɓot-bí-bínam ɓé nɛ wa yɛ́ɛ, ndí Ɔlolómɛ̄.» 5Eceg Ananías a ámblé bíŋ biɓaŋgá, ɔ kū, ɔ níí mvɛɛɓan. Ɓáŋ bísɛ bí ámbléé nyíŋ pɔ́l bú nát la woŋ. 6Awándá wú sɔ́, wú ɓóŋgó m̀bim wɛ́ɛ́ la wɔ́ wú kɛ wɔ̄ li je.
7Ámbúh jam-kaa ŋgɛ́ŋ ɛ́ŋháa, ŋ̀gáá wɛ́ɛ̄ Safíla ɔ níŋgi ɛ́h ɓɛ́ ɓé nyɛ li yí lí yé yá loo. 8Pétlos ɔ yáŋá nyɛ, aá la nyɛ́ nɛ́: «Lagá sig ma, la mbálɛ nɛ́ á nyí ndam nɛ́ maná nuŋú sí é?» Nyɔ́ŋ ɔ pélē nyɛ nɛ́: «Ɔɔ, ndam yɛ́ɛ̄ nyíŋ!» 9Váŋ nɛ́ Pétlos a tímānɛ̄ nyɛ nɛ́: «Nɛ́-láá wa la nlóm wɔ́ɔ maná ámblán á lí ceglɛ lí M̀búl á Nyɔ́ŋ-Ɛsáŋɛ́ é? Ámblé sig, ɓot bí mɓɛ́ lí je lí nlóm wɔ́ɔ bí lɛ́ ɓɛɓɛ, yí hɔ́ nɛ wág bíg kɛ́la wa.» 10Á ékūyá-kúyá, ɔ kū á míkoo mí Pétlos la nyɛ́ ɔ níí mvɛɛɓan. Eceg nyú awándá wá níŋgi, wú kɔ́p nɛ a wú, la wɔ́ wú ɓɛ́gɛ̄ m̀bim wɛ́ɛ́, wú kɛ́ wɔ̄ li je á ŋgwáāg nlóm. 11Ɓot bí Éɓasɛ la ɓáŋ bísɛ bí ámbléé nyɔ́ŋ m̀bugɛ-a-jam bú nát la woŋ.
Ɓaómɓɛ bíg ɓɔŋ minɛ́ŋ
12Ɓaómɓɛ bú ɓɔ̄ŋ ŋgandag ndembye-ɛ́-mam la binanaŋga bí mam átē á lílōm. Ɓɔ́ bísɛ la m̀mím wá, bí ŋgí tɛ́lɛ á sí liɓɛpɛ́ lí Salómo. 13Mut ntám tɔ wa a ŋgí yéɓe ɓé lí byáŋ lí elɔŋ la ɓɔ́, tɔ náŋ kaa lilóm lísɛ lí ŋgí séme ɓɔ́. 14Táŋga nyí ɓayéɓe Nyɔ́ŋ-Ɛsáŋɛ́, páam la ɓondígá ɛ ŋgí ɓét bí lí ɓét. 15Ɓot bí ŋgí pám la ɓakɔɔ́kɔ̄n á mílɔ̄ŋ, ɓá tɔ́ɔyɛ́ ɓɔ á sáŋkálɛ tɔ á bíbúŋga, la lipitá nɛ, Pétlos á míloo mɛ́ɛ́ váŋ, ndíndímɛ wɛɛ́ ag siiɓan tɔ mut wa múŋ á póla yaɓá. 16Ɔbul ví límut ví ŋgí sɔ́le á míkɔŋ mí lɛ́ á ŋgwáāg Yelúsalɛm, vɔ́g ví ŋgí digɓan li kɛla lí ɓákɔɔ́kɔ̄n la ɓot bí byɛ́ɛ̄ mímbūl míɓē. Ɓáŋ ɓakɔɔ́kɔ̄n bísɛ bí ŋgí tɔɔ mbólí.
Bíg byee ɓaómɓɛ
17Á míŋ mam mísɛ, ŋ̀kanʼyɛ ǹcɛ́ŋ a ɓatíi-nsúlé la ɓot bí elɔŋ yɛ́ɛ́ ɛ́sɛ, ɓot bí ɔ́ku ví Sadúkái bú álá ŋgandag, 18la ɓɔ́ bú byelhánɛ́ ɓáōmɓɛ, bú vá ɓɔ̄ á ndáá-m̀ɓog á miíh mí ɓot bísɛ. 19Ndí, la díɓe, áŋgɛl nyí Nyɔ́ŋ-Ɛsáŋɛ́ yu légē míkooká mí ndáá-m̀ɓog, yu pámɛ́ ɓɔ̄ la yɔ yu lāgá ɓɔ nɛ́: 20«Kɛnán, miní tɛ́lɛ́ á ndáá-ēcɛ́ŋ-Ɔlolómɛ̄, wóŋ, lɛglán lílōm bíŋ biɓaŋgá bí éniŋ bísɛ.» 21Ɓaómɓɛ bú óglé áŋgɛl. La miyɛ́ mí kítí, bú kɛ á ndáá-ēcɛ́ŋ-Ɔlolómɛ̄, li pám wóŋ, bu ɓōtlé lí yéglɛ.
Ɛnɛ́ ŋ̀kanʼyɛ ǹcɛ́ŋ a ɓatíi-nsúlé la elɔŋ yɛ́ɛ́ ɓá sɔ́, bú tɔ́ɔyɛ́ ɔ́ku-vicɛ́ŋ-ví-bíkāāhɛ́nɛ́, ví ví lɛ́ étɔ yé ɓácɛ̄ŋ bí ɓɔ́ɔ̄n bí Íslāɛl, la ɓɔ́ bú óm nɛ bí nyɔ̄ŋ ɓaómɓɛ á ndáá-m̀ɓog bí sɔ́la ɓɔ́. 22Ndí, ɛnɛ́ ɓáɓɔŋle ɓá pám wóŋ, ɓáh kɔ́p ɓé ɓɔ á ndáá-m̀ɓog. Á mítiman máɓá, bú tí ndagle nɛ́: 23«Ɓaá kɔ́p nɛ́ ndáá-m̀ɓog ɛ kwɛ́hɛ m̀ɓɛɛŋ, ɓatát ki bí tɛ́ɛ á ɔ́sū ví ányu-á-mɓɛ́l. Ndí, ɛnɛ́ ɓaá légē likooká, ɓáh kɔ́p ɓé ɓɛ́hɛ tɔ mut átē.» 24Ɛnɛ́ ŋ̀kanʼyɛ ɓatát ndáá-ēcɛ́ŋ-Ɔlolómɛ̄ la ɓakanʼyɛ ɓatíi-nsúlé ɓá ámblé nyíŋ pɔ́l, náŋ ɔ nyágɛ́ ɓɔ ŋgandag la ɓɔ́ bú ɓātɓán yé yá loolé ɓáōmɓɛ. 25Ndí, mut wa ɔ sɔ́ ɓɔ́ li lɛgɛ nɛ́: «Ɛ́nán sig nɛ́, ɓot maná vá á ndáá-m̀ɓog bí tɛ́ɛ́ á ndáá-ēcɛ́ŋ-Ɔlolómɛ̄ bíg yéglɛ lilómɛ.» 26Váŋ nɛ̄ ŋ̀kanʼyɛ ɓatát ndáá-ēcɛ́ŋ-Ɔlolómɛ̄ a kɛ́ la ɓaɓɔŋle ɓɛ́ɛ́ á lí sɔ́la lí ɓáōmɓɛ ɛ́h ɓɛ́ ɓé éduŋgú ányúū nɛ̄ bí ŋgí kɔn woŋ nɛ́ lilómɛ ag waŋgɛ ɓɔ́ ŋgɔg.
27Bú sɔ́la hɔ́ ɓáōmɓɛ, bú tɛ́ɛ́yɛ́ ɓɔ ɔ́sū ví ɔ́ku-vicɛ́ŋ-ví-bíkāāhɛ́nɛ́. Ŋ̀kanʼyɛ ǹcɛ́ŋ a ɓatíi-nsúlé ɔ bíhī ɓɔ nɛ́: 28«Ɓaá, ɓāh suŋɛ ɓé ɓɛ́nɛ nɛ́ m̀ɓá-mɓá miníh yéglɛ́gɛ́ ɓé pɛ jéŋ jóō é? Ɛ́nán nɛ́ nyí vɔ́ŋɔ́ɔ, maná yáhɛ Yelúsalɛm la biyéglɛ́nɛ́ byáná. Miníg somo nɛ́ micii mí nyɔ́ŋ mut mí kómɓɛ́ á mímú máhá é?» 29Ndí Pétlos la ɓaómɓɛ bú pélē ɓɔ nɛ́: «Ɛ́ lɛ́ nsɛ́ŋ li ógle lí Ɔ́lolómɛ̄ li loo lí ɓot-bí-bínam. 30Ɔlolómɛ̄ nyɔ́ a ɓatáŋɛ a pāhyɛ́ Yésus nyɔ́ miní ólóó eceg miní panhɛ́ɛ́ nyɛ́ á mbásá. 31Nyɛ́ nɛ́ Ɔlolómɛ̄ a ɓétɛ́ á lóō la ŋguu yɛ́ɛ̄, ɔ tɛ́ɛ́yɛ́ nyɛ kaa Ŋ̀kanʼyɛ la Ǹsuŋ, á lí ɓɔŋ nɛ́ lilóm lí Íslāɛl lí vēŋé bilɛ́m la jɔ́ lí kuh elaakɛ-miɓé. 32Ɓɛ́hɛ la M̀búl Mpúán nyú Ɔlolómɛ̄ a tí ɓá bí ŋgá ógle nyɛ́, bi lɛ mbóŋ míŋ mam mísɛ.» 33Ɛnɛ́ ɓot bí ɔ́ku-vicɛ́ŋ-ví-bíkāāhɛ́nɛ́ ɓá ámblé bíŋ biɓaŋgá, bú ála ŋgandag la ɓɔ́ bú sōmó li ólhánɛ lí ɓáōmɓɛ. 34Váŋ nɛ́ mut wa á élɔŋ ɛ́ víŋ ɔ́ku bí ŋga yáŋa nɛ́ Gamáliɛl a tɛ́lɛ. A ɓɛ́ɛ́ mɔɔ́n Falísái, ŋ̀yí mbéndá nyɔ́ lilóm lísɛ lí ŋgí ditɛ. Ɔ kānʼyɛ́ nɛ́ bí pámɛ́ ɓaómɓɛ ányúū puh eceg. 35Ámbúh náŋ ɔ lága nɛ: «Á ɓɔ́ɔ̄n bí Íslāɛl, nyɔŋán litát la yé miní ŋgá kɛ́ li ɓɔŋ la ɓá ɓot. 36Yé epah éceg, ɓaá ɛ́n Tédas ɔ pám; a ŋgí yɛ́ɛ nɛ́ a lɛ tāŋ mut, la nyɛ́ ɔ lá lí kɔtanɛ lí jam-kaa biɓógo bínáa bí ɓot, tɔ la náŋ, bú ól nyɛ. Ɓot bísɛ bí óŋōō nyɛ́ bú cáman, tɔ mut ah yéglée ɓé. 37Ámbúh náŋ, ɛnɛ́ eceg lí nyɔŋ lí nsɔŋgí á ɓot yá kɔlan, Yúdas, mɔɔ́n Galiléa ɔ nyɛ́g. Nyɛ́g limut lú ōŋ nyɛ́, ndí ɛnɛ́ ɓá ól nyɛ, ɓot bísɛ bí ŋgí oŋ nyɛ́ bú cáman. 38Nyí vɔ́ŋɔ́ɔ hɔ́, mag laga ɓɛ́nɛ nɛ́ miníh nyɔŋɔ́g ɓé pɛ eceg la ɓá ɓot. Mwahánɛ̄ ɓɔ́ bí kɛ́nɛ́g, átɔm nɛ́, kíyáɓɛ́nɛ miɔ́ŋɔ la misɔ́n máɓá míg sɔ́le la ɓot-bí-bínam, míg kɛ li man la mɔ́-mɛ̄n. 39Ndí kíyáɓɛ́nɛ míg sɔ́le la Ɔlolómɛ̄, miní ŋgá la ɓé mɔ̄ li ɓɔ́hɛ; miníh ceglɛ́gɛ́ ɓé tɔ ki li duhɛ lí Ɔ́lolómɛ̄!»
Ɓot bí ɔ́ku-vicɛ́ŋ-ví-bíkāāhɛ́nɛ́ bú yéɓé yé Gamáliɛl a lága. 40Bú yáŋá ɓáōmɓɛ, bú ɓōmhánɛ́ ɓɔ la aso, bú súŋɛ̄ ɓɔ nɛ́ bíh símhánɛ́gɛ́ ɓé pɛ joó lí Yésus, ámbúh náŋ, bú mwahɛ́ ɓɔ. 41Ɓaómɓɛ bú ɓógó la mivag ɔ́sū ví ɔ́ku-vicɛ́ŋ-ví-bíkāāhɛ́nɛ́, nɛ́ Ɔlolómɛ̄ a ɛ́n nsɛ́ŋ nɛ bí téeŋgɛ́ ɓɔ́ á jóō lí Yésus. 42Ɔlɔ́ sig, ɛ́ ɓɛ́ á ndáá-ēcɛ́ŋ-Ɔlolómɛ̄ tɔ á mílɛ̄ɛ̄, bí ŋgí tɔmb ɓé li yéglɛ la li lɛgɛ lí Pɔ́l M̀ɓɛɛŋ nɛ́: «Yésus nɛ́ a lɛ Nyɔ́-a-Pɔ́hlɛ.»
ទើបបានជ្រើសរើសហើយ៖
Misɔ́n mí Ɓáōmɓɛ 5: NTB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, CABTAL
Misɔ́n mí Ɓáōmɓɛ 5
5
Ananías la Safíla
1Páam ya bí ŋgí yáŋa nɛ́ Ananías, á ŋ̀ámblānɛ́ la ŋ̀gáá wɛ́ɛ̄ Safíla, ɔ núŋū epah ɛ́ sí yɛ́ɛ́ yá. 2Ɔ ámblán la ŋ̀gáá wɛ́ɛ̄, nɛ bí yéglán joga já jé lí mɔní mí nyuŋgá sí, la nyɛ́ ɔ kɛ́la jéŋé joga litám ɔ ɓémbé jɔ á sí míkoo mí ɓáōmɓɛ. 3Váŋ nɛ́ Pétlos a lága nyɛ nɛ́: «Wɛɛ́kɛ́ɛ́! Á Ananías, ányúū yéé wa mwáhɛ Sátan ɔ níŋgí wa á m̀mím é? Wa yɛ́ɛ́ M̀búl Mpúán la wá wu yéglán joga lí mɔní já jé lí nyuŋgá sí. 4Ɔh mɓɛ́ ɓé nɛ ɔ náŋɛ́ sí yɔ́ɔ ɛ́h ɓɛ́ ɓé yɔ li nuŋu é? Tɔ nɛ́, kíyáɓɛ́nɛ wa núŋū yɔ, ɔ ɓɔ́ŋlé míŋ mɔní á kóó yɔ́ɔ é? Nyíŋ nyaa míɔ̄ŋɔ yá ɓɔŋ láá ndí yú níŋgí wa á m̀mím é? Ah ɓot-bí-bínam ɓé nɛ wa yɛ́ɛ, ndí Ɔlolómɛ̄.» 5Eceg Ananías a ámblé bíŋ biɓaŋgá, ɔ kū, ɔ níí mvɛɛɓan. Ɓáŋ bísɛ bí ámbléé nyíŋ pɔ́l bú nát la woŋ. 6Awándá wú sɔ́, wú ɓóŋgó m̀bim wɛ́ɛ́ la wɔ́ wú kɛ wɔ̄ li je.
7Ámbúh jam-kaa ŋgɛ́ŋ ɛ́ŋháa, ŋ̀gáá wɛ́ɛ̄ Safíla ɔ níŋgi ɛ́h ɓɛ́ ɓé nyɛ li yí lí yé yá loo. 8Pétlos ɔ yáŋá nyɛ, aá la nyɛ́ nɛ́: «Lagá sig ma, la mbálɛ nɛ́ á nyí ndam nɛ́ maná nuŋú sí é?» Nyɔ́ŋ ɔ pélē nyɛ nɛ́: «Ɔɔ, ndam yɛ́ɛ̄ nyíŋ!» 9Váŋ nɛ́ Pétlos a tímānɛ̄ nyɛ nɛ́: «Nɛ́-láá wa la nlóm wɔ́ɔ maná ámblán á lí ceglɛ lí M̀búl á Nyɔ́ŋ-Ɛsáŋɛ́ é? Ámblé sig, ɓot bí mɓɛ́ lí je lí nlóm wɔ́ɔ bí lɛ́ ɓɛɓɛ, yí hɔ́ nɛ wág bíg kɛ́la wa.» 10Á ékūyá-kúyá, ɔ kū á míkoo mí Pétlos la nyɛ́ ɔ níí mvɛɛɓan. Eceg nyú awándá wá níŋgi, wú kɔ́p nɛ a wú, la wɔ́ wú ɓɛ́gɛ̄ m̀bim wɛ́ɛ́, wú kɛ́ wɔ̄ li je á ŋgwáāg nlóm. 11Ɓot bí Éɓasɛ la ɓáŋ bísɛ bí ámbléé nyɔ́ŋ m̀bugɛ-a-jam bú nát la woŋ.
Ɓaómɓɛ bíg ɓɔŋ minɛ́ŋ
12Ɓaómɓɛ bú ɓɔ̄ŋ ŋgandag ndembye-ɛ́-mam la binanaŋga bí mam átē á lílōm. Ɓɔ́ bísɛ la m̀mím wá, bí ŋgí tɛ́lɛ á sí liɓɛpɛ́ lí Salómo. 13Mut ntám tɔ wa a ŋgí yéɓe ɓé lí byáŋ lí elɔŋ la ɓɔ́, tɔ náŋ kaa lilóm lísɛ lí ŋgí séme ɓɔ́. 14Táŋga nyí ɓayéɓe Nyɔ́ŋ-Ɛsáŋɛ́, páam la ɓondígá ɛ ŋgí ɓét bí lí ɓét. 15Ɓot bí ŋgí pám la ɓakɔɔ́kɔ̄n á mílɔ̄ŋ, ɓá tɔ́ɔyɛ́ ɓɔ á sáŋkálɛ tɔ á bíbúŋga, la lipitá nɛ, Pétlos á míloo mɛ́ɛ́ váŋ, ndíndímɛ wɛɛ́ ag siiɓan tɔ mut wa múŋ á póla yaɓá. 16Ɔbul ví límut ví ŋgí sɔ́le á míkɔŋ mí lɛ́ á ŋgwáāg Yelúsalɛm, vɔ́g ví ŋgí digɓan li kɛla lí ɓákɔɔ́kɔ̄n la ɓot bí byɛ́ɛ̄ mímbūl míɓē. Ɓáŋ ɓakɔɔ́kɔ̄n bísɛ bí ŋgí tɔɔ mbólí.
Bíg byee ɓaómɓɛ
17Á míŋ mam mísɛ, ŋ̀kanʼyɛ ǹcɛ́ŋ a ɓatíi-nsúlé la ɓot bí elɔŋ yɛ́ɛ́ ɛ́sɛ, ɓot bí ɔ́ku ví Sadúkái bú álá ŋgandag, 18la ɓɔ́ bú byelhánɛ́ ɓáōmɓɛ, bú vá ɓɔ̄ á ndáá-m̀ɓog á miíh mí ɓot bísɛ. 19Ndí, la díɓe, áŋgɛl nyí Nyɔ́ŋ-Ɛsáŋɛ́ yu légē míkooká mí ndáá-m̀ɓog, yu pámɛ́ ɓɔ̄ la yɔ yu lāgá ɓɔ nɛ́: 20«Kɛnán, miní tɛ́lɛ́ á ndáá-ēcɛ́ŋ-Ɔlolómɛ̄, wóŋ, lɛglán lílōm bíŋ biɓaŋgá bí éniŋ bísɛ.» 21Ɓaómɓɛ bú óglé áŋgɛl. La miyɛ́ mí kítí, bú kɛ á ndáá-ēcɛ́ŋ-Ɔlolómɛ̄, li pám wóŋ, bu ɓōtlé lí yéglɛ.
Ɛnɛ́ ŋ̀kanʼyɛ ǹcɛ́ŋ a ɓatíi-nsúlé la elɔŋ yɛ́ɛ́ ɓá sɔ́, bú tɔ́ɔyɛ́ ɔ́ku-vicɛ́ŋ-ví-bíkāāhɛ́nɛ́, ví ví lɛ́ étɔ yé ɓácɛ̄ŋ bí ɓɔ́ɔ̄n bí Íslāɛl, la ɓɔ́ bú óm nɛ bí nyɔ̄ŋ ɓaómɓɛ á ndáá-m̀ɓog bí sɔ́la ɓɔ́. 22Ndí, ɛnɛ́ ɓáɓɔŋle ɓá pám wóŋ, ɓáh kɔ́p ɓé ɓɔ á ndáá-m̀ɓog. Á mítiman máɓá, bú tí ndagle nɛ́: 23«Ɓaá kɔ́p nɛ́ ndáá-m̀ɓog ɛ kwɛ́hɛ m̀ɓɛɛŋ, ɓatát ki bí tɛ́ɛ á ɔ́sū ví ányu-á-mɓɛ́l. Ndí, ɛnɛ́ ɓaá légē likooká, ɓáh kɔ́p ɓé ɓɛ́hɛ tɔ mut átē.» 24Ɛnɛ́ ŋ̀kanʼyɛ ɓatát ndáá-ēcɛ́ŋ-Ɔlolómɛ̄ la ɓakanʼyɛ ɓatíi-nsúlé ɓá ámblé nyíŋ pɔ́l, náŋ ɔ nyágɛ́ ɓɔ ŋgandag la ɓɔ́ bú ɓātɓán yé yá loolé ɓáōmɓɛ. 25Ndí, mut wa ɔ sɔ́ ɓɔ́ li lɛgɛ nɛ́: «Ɛ́nán sig nɛ́, ɓot maná vá á ndáá-m̀ɓog bí tɛ́ɛ́ á ndáá-ēcɛ́ŋ-Ɔlolómɛ̄ bíg yéglɛ lilómɛ.» 26Váŋ nɛ̄ ŋ̀kanʼyɛ ɓatát ndáá-ēcɛ́ŋ-Ɔlolómɛ̄ a kɛ́ la ɓaɓɔŋle ɓɛ́ɛ́ á lí sɔ́la lí ɓáōmɓɛ ɛ́h ɓɛ́ ɓé éduŋgú ányúū nɛ̄ bí ŋgí kɔn woŋ nɛ́ lilómɛ ag waŋgɛ ɓɔ́ ŋgɔg.
27Bú sɔ́la hɔ́ ɓáōmɓɛ, bú tɛ́ɛ́yɛ́ ɓɔ ɔ́sū ví ɔ́ku-vicɛ́ŋ-ví-bíkāāhɛ́nɛ́. Ŋ̀kanʼyɛ ǹcɛ́ŋ a ɓatíi-nsúlé ɔ bíhī ɓɔ nɛ́: 28«Ɓaá, ɓāh suŋɛ ɓé ɓɛ́nɛ nɛ́ m̀ɓá-mɓá miníh yéglɛ́gɛ́ ɓé pɛ jéŋ jóō é? Ɛ́nán nɛ́ nyí vɔ́ŋɔ́ɔ, maná yáhɛ Yelúsalɛm la biyéglɛ́nɛ́ byáná. Miníg somo nɛ́ micii mí nyɔ́ŋ mut mí kómɓɛ́ á mímú máhá é?» 29Ndí Pétlos la ɓaómɓɛ bú pélē ɓɔ nɛ́: «Ɛ́ lɛ́ nsɛ́ŋ li ógle lí Ɔ́lolómɛ̄ li loo lí ɓot-bí-bínam. 30Ɔlolómɛ̄ nyɔ́ a ɓatáŋɛ a pāhyɛ́ Yésus nyɔ́ miní ólóó eceg miní panhɛ́ɛ́ nyɛ́ á mbásá. 31Nyɛ́ nɛ́ Ɔlolómɛ̄ a ɓétɛ́ á lóō la ŋguu yɛ́ɛ̄, ɔ tɛ́ɛ́yɛ́ nyɛ kaa Ŋ̀kanʼyɛ la Ǹsuŋ, á lí ɓɔŋ nɛ́ lilóm lí Íslāɛl lí vēŋé bilɛ́m la jɔ́ lí kuh elaakɛ-miɓé. 32Ɓɛ́hɛ la M̀búl Mpúán nyú Ɔlolómɛ̄ a tí ɓá bí ŋgá ógle nyɛ́, bi lɛ mbóŋ míŋ mam mísɛ.» 33Ɛnɛ́ ɓot bí ɔ́ku-vicɛ́ŋ-ví-bíkāāhɛ́nɛ́ ɓá ámblé bíŋ biɓaŋgá, bú ála ŋgandag la ɓɔ́ bú sōmó li ólhánɛ lí ɓáōmɓɛ. 34Váŋ nɛ́ mut wa á élɔŋ ɛ́ víŋ ɔ́ku bí ŋga yáŋa nɛ́ Gamáliɛl a tɛ́lɛ. A ɓɛ́ɛ́ mɔɔ́n Falísái, ŋ̀yí mbéndá nyɔ́ lilóm lísɛ lí ŋgí ditɛ. Ɔ kānʼyɛ́ nɛ́ bí pámɛ́ ɓaómɓɛ ányúū puh eceg. 35Ámbúh náŋ ɔ lága nɛ: «Á ɓɔ́ɔ̄n bí Íslāɛl, nyɔŋán litát la yé miní ŋgá kɛ́ li ɓɔŋ la ɓá ɓot. 36Yé epah éceg, ɓaá ɛ́n Tédas ɔ pám; a ŋgí yɛ́ɛ nɛ́ a lɛ tāŋ mut, la nyɛ́ ɔ lá lí kɔtanɛ lí jam-kaa biɓógo bínáa bí ɓot, tɔ la náŋ, bú ól nyɛ. Ɓot bísɛ bí óŋōō nyɛ́ bú cáman, tɔ mut ah yéglée ɓé. 37Ámbúh náŋ, ɛnɛ́ eceg lí nyɔŋ lí nsɔŋgí á ɓot yá kɔlan, Yúdas, mɔɔ́n Galiléa ɔ nyɛ́g. Nyɛ́g limut lú ōŋ nyɛ́, ndí ɛnɛ́ ɓá ól nyɛ, ɓot bísɛ bí ŋgí oŋ nyɛ́ bú cáman. 38Nyí vɔ́ŋɔ́ɔ hɔ́, mag laga ɓɛ́nɛ nɛ́ miníh nyɔŋɔ́g ɓé pɛ eceg la ɓá ɓot. Mwahánɛ̄ ɓɔ́ bí kɛ́nɛ́g, átɔm nɛ́, kíyáɓɛ́nɛ miɔ́ŋɔ la misɔ́n máɓá míg sɔ́le la ɓot-bí-bínam, míg kɛ li man la mɔ́-mɛ̄n. 39Ndí kíyáɓɛ́nɛ míg sɔ́le la Ɔlolómɛ̄, miní ŋgá la ɓé mɔ̄ li ɓɔ́hɛ; miníh ceglɛ́gɛ́ ɓé tɔ ki li duhɛ lí Ɔ́lolómɛ̄!»
Ɓot bí ɔ́ku-vicɛ́ŋ-ví-bíkāāhɛ́nɛ́ bú yéɓé yé Gamáliɛl a lága. 40Bú yáŋá ɓáōmɓɛ, bú ɓōmhánɛ́ ɓɔ la aso, bú súŋɛ̄ ɓɔ nɛ́ bíh símhánɛ́gɛ́ ɓé pɛ joó lí Yésus, ámbúh náŋ, bú mwahɛ́ ɓɔ. 41Ɓaómɓɛ bú ɓógó la mivag ɔ́sū ví ɔ́ku-vicɛ́ŋ-ví-bíkāāhɛ́nɛ́, nɛ́ Ɔlolómɛ̄ a ɛ́n nsɛ́ŋ nɛ bí téeŋgɛ́ ɓɔ́ á jóō lí Yésus. 42Ɔlɔ́ sig, ɛ́ ɓɛ́ á ndáá-ēcɛ́ŋ-Ɔlolómɛ̄ tɔ á mílɛ̄ɛ̄, bí ŋgí tɔmb ɓé li yéglɛ la li lɛgɛ lí Pɔ́l M̀ɓɛɛŋ nɛ́: «Yésus nɛ́ a lɛ Nyɔ́-a-Pɔ́hlɛ.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, CABTAL