Misɔ́n mí Ɓáōmɓɛ 15
15
Mikálá likɔlɓan la likwɛɛ á tísɔn Antiókia nyí Sília
1Jogo lí ɓot lú ɓógó á ŋkɔŋ á Yúdēa li suh á Antiókia nyí Sília. Wóŋ, bú ɓōtlé li yéglɛ lí ndog ɓayéɓe nɛ́: «Kíyáɓɛ́nɛ manáh yéɓe ɓé nɛ bí kwɛɛ ɓɛ́nɛ li oŋle la mbéndá Móse, miní ŋgá la ɓé lí suŋɓɛ.» 2Epembhan-cíŋ yú sɔ́ ányúū nyúŋ ŋkwɛl, Póol la Balnábas bú ɓōtlé ŋguu mikálá la ɓáŋ ɓot. Tɛ́ɛ ɓɔ́ bísɛ bú súgɛ́ nɛ, Póol, Balnábas la jogo lí ɓot ɓatám bíg nyɛɛ lí ɓét á Yélūsalɛm, bí kɛ́la míŋ mikálá á yóg ɓaómɓɛ la ɓacɛ́ŋ bí Éɓasɛ. 3Eɓasɛ yé Antiókia nyí Sília yú yéɓé nɛ ɛ́g tíi ɓɔ́ míōŋgánɛ ányúū jéŋ duwɛ. Bú loolé á épah-ékombo yé Fenísia la á yé Samália bíg laga kaa láá ɓot bí sē ɓé ɓɔ́ɔ̄n bí Élōg-Yúda ɓá yaán ɓáyēɓe bí Nyɔ́ŋ-Ɛsáŋɛ́. Nyíŋ pɔ́l yu kɔ̄nhánɛ́ nyíŋ ndog ɓayéɓe ɛsɛ̄ mivag ŋgandag.
4Ɛnɛ́ bí pámáá á Yélūsalɛm, ndog Eɓasɛ, ɓaómɓɛ la ɓacɛ́ŋ bí nlɔŋ bú kālé ɓɔ, la ɓɔ́ bú yíhɛ ɓɔ mam mísɛ Ɔlolómɛ̄ a ɓɔ̄ŋ li kele la ɓɔ́.
Liɓomán jé lí ɓáōmɓɛ la ɓacɛ́ŋ bí Eɓasɛ á Yélūsalɛm: Mbag-ŋkál nyí mikálá
5Váŋ nɛ̄ jogo lí ɓot bí Élōg-Falísái ɓá bí yaán ɓáyēɓe ɓá víhyɛ́ nyúŋ ŋkwɛl la lí laga nɛ́: «Ɓayéɓe ɓá bí sē ɓé ɓɔ́ɔ̄n bí Élōg-Yúda bíg nyɛɛ li kwɛɛɓɛ, bíg nyɛɛ ki li ógle lí mbéndá Móse.» 6Ɓaómɓɛ la ɓacɛ́ŋ bí Eɓasɛ bú kɔ̄tán á lí légɓe lí nyúŋ ŋkwɛl á nyaa m̀ɓɛɛŋ.
7Kasig cíŋ ɛ́ ɓōtléé lí ɓét ányúū ŋgandag mikálá, Pétlos ɔ nyɔ̄ŋ mpɔ́t, ɔ lága nɛ: «Á élōgétāŋ, miníg yí nɛ́ Ɔlolómɛ̄ a ɓēm ma lí pɔhɔ á póla yaná, nɛ́ mi lɛ̄gɛ́ ɓot bí sē ɓé ɓɔ́ɔ̄n bí Élōg-Yúda Pɔ́l M̀ɓɛɛŋ, bí lɛ́glé yɔ, bí yáan ɓayéɓe. 8Ɔlolómɛ̄ nyɔ́ a ŋga yí mímīm mí ɓot, a étɛ́ kɔɔ nɛ́ a kālé ɓɔ, eceg a tí ɓɔ M̀búl Mpúán nlemlem kaa ɓɛ́hɛ. 9Ɛ́h ɓɛ́ ɓé ndɔ́tlán tɔ ya á póla ɓɔ́ la ɓɛ́hɛ, a púɛ́ mímīm máɓá ányúū nɛ bí byɛ́ɛ́ ŋyéɓé la nyɛ́. 10Nyí Vɔ́ŋɔ́ɔ hɔ́, ányúū yéé pɛ miní ŋga káha Ɔlolómɛ̄ é? Ányúū yéé miní ŋga kágyɛ ɓayéɓe li ɓɛgɛ lí mbɛgɛ nyí ya ɛ́gɛ ɓatáŋɛ ɓáhá la ɓɛ́hɛ-mɛ̄n li ɓɛgɛ é? 11Mag kondye nɛ́, ɓɛ́hɛ biíg yéɓe nɛ́, nlemlem kaa ɓaá suŋɓɛ li kele la ekɔnan-ŋgɔ́ɔ́ yé Nyɔ́ŋ-Ɛsáŋɛ́ Yésus, náŋ ki nɛ́ ɓɔ́g ɓá suŋɓɛ!»
12Eti ɛ́sɛ yú tɔ́ɔ̄ pií á lí ámble lí Balnábas la Póol bíg máŋlɛ ɓɔ́, á lí ámble lí minɛ́ŋ la binanaŋga bí mam Ɔlolómɛ̄ a ɓɔ̄ŋ li loole la ɓɔ́ á yóg ɓot bí sē ɓé ɓɔ́ɔ̄n bí Élōg-Yúda.
13Ɛnɛ́ ɓá manɛ́ ŋkwɛl, Yákop nyɛ́g ɔ nyɔ̄ŋ mpɔ́t ɔ yó nɛ: «Ámblán ma á élōgétāŋ. 14Síméon ag sɔ́le ɓɛ́hɛ li ɔ́ŋlánɛ kaa láá Ɔlolómɛ̄ li ɓotle á bíɓotlé a nyɔ̄ŋ eceg lí pɔhɔ lí lílōm lí ŋga ɓɛ́ ɛ́jɛ̄ɛ̄ á póla milóm mí sē ɓé mí mí Élōg-Yúda. 15Nyɔ́ŋ m̀bugɛ-a-jam ag kɔlɓan la bí biɓaŋgá bí ɓapɔ́tle-bí-Ɔ́lolómɛ̄ bí byá ciiɓɛ́ nɛ:
16‹Ámbúh eceg, mag kɛ li sɔ́, mi tímān li óŋ lí ndáá Dávid nyí ɛ ɓɛ́háán.
Mag timan mí óŋ bipúmbúú, mi tɛ́ɛ́yɛ́ byɔ́.
17Jɔ́ nɛ́, ɓot bísɛ ɓá yégle bíg kɛ li somo lí Nyɔ́ŋ-Ɛsáŋɛ́,
elɔŋ la milóm mísɛ mí mí lɛ́ ɛ́máma.
Náŋ nɛ̄ Nyɔ́ŋ-Ɛsáŋɛ́ a pɔ́t,
náŋ nɛ̄ a ŋga kɛ́ li yáhɛ lí peg yɛ́ɛ́
18yí ɛ́ ŋga yílɛ li ɓotle ɓɛɛvéé›.»
19Yákop ɔ kōndyé sīg-pɛ nɛ́: «Má mag ɔ́ŋɔ nɛ́, ɓāh nyɛɛ ɓé lí kondye lí áɓag ɔ́sū ví ɓot bí sē ɓé ɓɔ́ɔ̄n bí Élōg-Yúda, ɓá ɓá yéɓé la Ɔlolómɛ̄. 20Bi cíilé ja ɓɔ́ nɛ́, bíh díág ɓé tít bí ŋga súle míloó mítām, bí mwahɛ́ eniŋ ɛ́ ndeŋg, bíh díág ɓé tít yá wú édun, tɔ li dí lí mícii. 21Jɔ́ nɛ́, li ɓotle á kwakwáŋɛ, Móse a byɛ́ɛ ɓalɛgɛ mbéndá yɛ́ɛ̄ á tísɔn sig, á ɔlɔ́ ví évɛɛɓan ví Élōg-Yúda sig, bíg sɔ́ŋgɔ yɔ á ndáá-míɓomán.»
Bisúghɛ́nɛ́ bí Eɓasɛ la káati ɓá óm
22Ndog Eɓasɛ ɛsɛ̄, ɓaómɓɛ la ɓacɛ́ŋ bí éɓasɛ bú ámblan, la ɓɔ́ bú súgɛ́ nɛ bíg pɔhɔ ɓot múŋ á póla yaɓá, ɓá bí ŋga óm á Antiókia nyí Sília elɔŋ la Póol la Balnábas. Bú pɔ̄hɔ́ Yúde, nyɔ́ a ŋga yáŋlɛ nɛ́ Balsábas, bú pɔ̄hɔ́ ki Sílas, ɓá bí ɓɛ́ɛ́ mbíi-ɓōt yí Éɓasɛ. 23Bú ɓɛ̄glɛ́ ɓɔ nyí káati ya cíiɓɛ́ nɛ: «Ɓɛ́hɛ, ɓaómɓɛ, ɓacɛ́ŋ bí éɓasɛ la elōgésāŋ yáná biíg tama ɓɛ́nɛ, ɓɛ́nɛ elōgétāŋ yé ɛ́ sē ɓé ɓɔ́ɔ̄n bí Élōg-Yúda, yé ɛ́ lɛ́ á Antiókia nyí Sília, á épah-ékombo yé Sília la yé Silísia. 24Ɓaá ámblé nɛ jogo jáhá lí ɓot lí mɓɛ́ wóŋ, bú teeŋgɛ́ ɓɛ́nɛ, bú káhá ɓɛ́nɛ li yomɛ lí míɔ̄ŋɔ la biɓaŋgá byáɓá, ɓɛ́hɛ ɓé nɛ ɓaá óm ɓɔ. 25Ányúū náŋ nɛ́ ɓɛ́hɛ bísɛ ɓaá súgɛ́ nɛ biíg pɔhɔ ɓot bi ŋga ómle ɓɛ́nɛ elɔŋ la Balnábas la Póol, yé elōgétāŋ yáhá yé ediŋ, 26ɓot ɓá véé nyɛmb ányúū joó lí Ɛ́tāŋɛ wahá Yésus Kilístus. 27Biíg ómle hɔ́ ɓɛ́nɛ Yúde la Sílas nɛ́ misú la misú, bí lagá ɓɛ́nɛ milemlem mí mam ɓaá cií á nyí káati. 28Ákaa ɛ́sɛ, M̀búl Mpúán la ɓɛ́hɛ-mɛ̄n ɓaá súgɛ́ nɛ, bí ŋgá kágyɛ ɓé pɛ ɓɛ́nɛ li ɓɛgɛ lí mbɛgɛ etám, amáh sig bí bicila byá loohán nsɛ́ŋ. 29Bíŋ bicila nɛ́ bí lɛ́ nɛ́: miníh díág ɓé tít bí ŋga súle míloó mítām, tɔ li dí lí mícii, miníh díág ɓé tít yí yá wú édun, miní mwahɛ́ eniŋ ɛ́ ndeŋg. Kíyáɓɛ́nɛ maná óglé míŋ mam mísɛ, ɛnɛ maná ɓɔ̄ŋ m̀ɓɛɛŋ. Á élōgétāŋ, biíg ɛ́nan eceg etám!»
30Ɛnɛ́ ɓá nāŋgánɛ́ ɓot bí ómóó, yéŋ elɔŋ ɛ́ ɓot ɓá pɔhɔ yú suh lí kɛ á tísɔn Antiókia nyí Sília, ápah bí kɔtánɛ́ɛ ndog ɓayéɓe á lí sɔ́ŋgle lí ɓɔ káati bí sɔ́ɔ́la. 31Ɛnɛ́ ɓá sɔ́ŋgɔ́ yɔ, ɓot bísɛ bú kɔ̄n mívag la nyíŋ káati ányúū nɛ ya létɛ̄ ɓɔ nyuú. 32Yúde la Sílas ɓá bí ɓɛ́ɛ́ ɓapɔ́tle-bí-Ɔ́lolómɛ̄, ɓɔ́g bú kondyé ɓɔ li tíi lí mikúndá la li letɛ lí ɓɔ á átē a ŋyéɓé. 33Bú tɔɔ́ puh álɔ̄ la ndog yaɓá nyí Antiókia nyí Sília, ámbúh náŋ, ɓáŋ bú nāŋgánɛ́ ɓɔ, la li tíi lí ɓɔ nsaŋ nɛ́ bí tímān lí kɔ́p lí ɓot ɓá óm ɓɔ. [34]#15.34 Sílas ɔ súgɛ́ nɛ ag yégle váŋ á Antiókia. Yé epah lícii ɛ́ sē ɓé á kálati etám. 35Póol la Balnábas ɓɔ́, bú yéglé á Antiókia nyí Sília. Elɔŋ la ŋgandag ɓot ɓatám wóŋ, bú ɓōtlé lí yéglɛ la li lɛgɛ lí Pɔ́l M̀ɓɛɛŋ nyí eɓaŋgá Nyɔ́ŋ-Ɛsáŋɛ́.
Póol la Sílas bíg kɛ á nsɔ́n
36Ámbúh puh eceg, Póol ɔ lága Balnábas nɛ́: «Bi tímkágán hɔ́, bi lɛ́ŋlé elōgétāŋ yé ɓa lɛ̄gɛ́ pɔ́l nyí Nyɔ́ŋ-Ɛsáŋɛ́ á tísɔn sig nyí ɓaá loole, váŋ, biíg kɛ li ɛ́n á véé bí tɛ́lɓɛ́nɛ́ la ŋyéɓé wáɓá.» 37Balnábas ɔ sómo lí kɛla lí Yohánɛs bí ŋga yáŋa nɛ́ Málkus elɔŋ la ɓɔ́. 38Ndí Póol ah yéɓyée ɓé nɛ́ bí tímān li nyɔŋ lí mut nyɔ́ a yígíí ɓɔ́ á épah-ékombo yé Pamfília á élɔŋ yáɓá dúwɛ, nyɔ́ āh sál ɓé elɔŋ la ɓɔ́. 39Ŋgilí ámblan nyí Póol la Balnábas yu ɓɔ̄ŋ nɛ bú ɓáglan, mut sig ɔ kɛ́ ɛ́yɛ̄ɛ̄ épah. Balnábas ɔ nyɔ̄ŋ Málkus á élɔŋ yɛ́ɛ́, bú ɓét á kúŋgā li kɛ á éon yé Kípele. 40Póol nyɛ́g ɔ byáŋ Sílas á élɔŋ yɛ́ɛ́, ɓayéɓe bú vá ɓɔ á sí bitátlé bí Nyɔ́ŋ-Ɛsáŋɛ́.
41Póol ɔ lóolé á Sília la á Silísia ag letɛ ɓot bí bíɓasɛ nyuú.
ទើបបានជ្រើសរើសហើយ៖
Misɔ́n mí Ɓáōmɓɛ 15: NTB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, CABTAL
Misɔ́n mí Ɓáōmɓɛ 15
15
Mikálá likɔlɓan la likwɛɛ á tísɔn Antiókia nyí Sília
1Jogo lí ɓot lú ɓógó á ŋkɔŋ á Yúdēa li suh á Antiókia nyí Sília. Wóŋ, bú ɓōtlé li yéglɛ lí ndog ɓayéɓe nɛ́: «Kíyáɓɛ́nɛ manáh yéɓe ɓé nɛ bí kwɛɛ ɓɛ́nɛ li oŋle la mbéndá Móse, miní ŋgá la ɓé lí suŋɓɛ.» 2Epembhan-cíŋ yú sɔ́ ányúū nyúŋ ŋkwɛl, Póol la Balnábas bú ɓōtlé ŋguu mikálá la ɓáŋ ɓot. Tɛ́ɛ ɓɔ́ bísɛ bú súgɛ́ nɛ, Póol, Balnábas la jogo lí ɓot ɓatám bíg nyɛɛ lí ɓét á Yélūsalɛm, bí kɛ́la míŋ mikálá á yóg ɓaómɓɛ la ɓacɛ́ŋ bí Éɓasɛ. 3Eɓasɛ yé Antiókia nyí Sília yú yéɓé nɛ ɛ́g tíi ɓɔ́ míōŋgánɛ ányúū jéŋ duwɛ. Bú loolé á épah-ékombo yé Fenísia la á yé Samália bíg laga kaa láá ɓot bí sē ɓé ɓɔ́ɔ̄n bí Élōg-Yúda ɓá yaán ɓáyēɓe bí Nyɔ́ŋ-Ɛsáŋɛ́. Nyíŋ pɔ́l yu kɔ̄nhánɛ́ nyíŋ ndog ɓayéɓe ɛsɛ̄ mivag ŋgandag.
4Ɛnɛ́ bí pámáá á Yélūsalɛm, ndog Eɓasɛ, ɓaómɓɛ la ɓacɛ́ŋ bí nlɔŋ bú kālé ɓɔ, la ɓɔ́ bú yíhɛ ɓɔ mam mísɛ Ɔlolómɛ̄ a ɓɔ̄ŋ li kele la ɓɔ́.
Liɓomán jé lí ɓáōmɓɛ la ɓacɛ́ŋ bí Eɓasɛ á Yélūsalɛm: Mbag-ŋkál nyí mikálá
5Váŋ nɛ̄ jogo lí ɓot bí Élōg-Falísái ɓá bí yaán ɓáyēɓe ɓá víhyɛ́ nyúŋ ŋkwɛl la lí laga nɛ́: «Ɓayéɓe ɓá bí sē ɓé ɓɔ́ɔ̄n bí Élōg-Yúda bíg nyɛɛ li kwɛɛɓɛ, bíg nyɛɛ ki li ógle lí mbéndá Móse.» 6Ɓaómɓɛ la ɓacɛ́ŋ bí Eɓasɛ bú kɔ̄tán á lí légɓe lí nyúŋ ŋkwɛl á nyaa m̀ɓɛɛŋ.
7Kasig cíŋ ɛ́ ɓōtléé lí ɓét ányúū ŋgandag mikálá, Pétlos ɔ nyɔ̄ŋ mpɔ́t, ɔ lága nɛ: «Á élōgétāŋ, miníg yí nɛ́ Ɔlolómɛ̄ a ɓēm ma lí pɔhɔ á póla yaná, nɛ́ mi lɛ̄gɛ́ ɓot bí sē ɓé ɓɔ́ɔ̄n bí Élōg-Yúda Pɔ́l M̀ɓɛɛŋ, bí lɛ́glé yɔ, bí yáan ɓayéɓe. 8Ɔlolómɛ̄ nyɔ́ a ŋga yí mímīm mí ɓot, a étɛ́ kɔɔ nɛ́ a kālé ɓɔ, eceg a tí ɓɔ M̀búl Mpúán nlemlem kaa ɓɛ́hɛ. 9Ɛ́h ɓɛ́ ɓé ndɔ́tlán tɔ ya á póla ɓɔ́ la ɓɛ́hɛ, a púɛ́ mímīm máɓá ányúū nɛ bí byɛ́ɛ́ ŋyéɓé la nyɛ́. 10Nyí Vɔ́ŋɔ́ɔ hɔ́, ányúū yéé pɛ miní ŋga káha Ɔlolómɛ̄ é? Ányúū yéé miní ŋga kágyɛ ɓayéɓe li ɓɛgɛ lí mbɛgɛ nyí ya ɛ́gɛ ɓatáŋɛ ɓáhá la ɓɛ́hɛ-mɛ̄n li ɓɛgɛ é? 11Mag kondye nɛ́, ɓɛ́hɛ biíg yéɓe nɛ́, nlemlem kaa ɓaá suŋɓɛ li kele la ekɔnan-ŋgɔ́ɔ́ yé Nyɔ́ŋ-Ɛsáŋɛ́ Yésus, náŋ ki nɛ́ ɓɔ́g ɓá suŋɓɛ!»
12Eti ɛ́sɛ yú tɔ́ɔ̄ pií á lí ámble lí Balnábas la Póol bíg máŋlɛ ɓɔ́, á lí ámble lí minɛ́ŋ la binanaŋga bí mam Ɔlolómɛ̄ a ɓɔ̄ŋ li loole la ɓɔ́ á yóg ɓot bí sē ɓé ɓɔ́ɔ̄n bí Élōg-Yúda.
13Ɛnɛ́ ɓá manɛ́ ŋkwɛl, Yákop nyɛ́g ɔ nyɔ̄ŋ mpɔ́t ɔ yó nɛ: «Ámblán ma á élōgétāŋ. 14Síméon ag sɔ́le ɓɛ́hɛ li ɔ́ŋlánɛ kaa láá Ɔlolómɛ̄ li ɓotle á bíɓotlé a nyɔ̄ŋ eceg lí pɔhɔ lí lílōm lí ŋga ɓɛ́ ɛ́jɛ̄ɛ̄ á póla milóm mí sē ɓé mí mí Élōg-Yúda. 15Nyɔ́ŋ m̀bugɛ-a-jam ag kɔlɓan la bí biɓaŋgá bí ɓapɔ́tle-bí-Ɔ́lolómɛ̄ bí byá ciiɓɛ́ nɛ:
16‹Ámbúh eceg, mag kɛ li sɔ́, mi tímān li óŋ lí ndáá Dávid nyí ɛ ɓɛ́háán.
Mag timan mí óŋ bipúmbúú, mi tɛ́ɛ́yɛ́ byɔ́.
17Jɔ́ nɛ́, ɓot bísɛ ɓá yégle bíg kɛ li somo lí Nyɔ́ŋ-Ɛsáŋɛ́,
elɔŋ la milóm mísɛ mí mí lɛ́ ɛ́máma.
Náŋ nɛ̄ Nyɔ́ŋ-Ɛsáŋɛ́ a pɔ́t,
náŋ nɛ̄ a ŋga kɛ́ li yáhɛ lí peg yɛ́ɛ́
18yí ɛ́ ŋga yílɛ li ɓotle ɓɛɛvéé›.»
19Yákop ɔ kōndyé sīg-pɛ nɛ́: «Má mag ɔ́ŋɔ nɛ́, ɓāh nyɛɛ ɓé lí kondye lí áɓag ɔ́sū ví ɓot bí sē ɓé ɓɔ́ɔ̄n bí Élōg-Yúda, ɓá ɓá yéɓé la Ɔlolómɛ̄. 20Bi cíilé ja ɓɔ́ nɛ́, bíh díág ɓé tít bí ŋga súle míloó mítām, bí mwahɛ́ eniŋ ɛ́ ndeŋg, bíh díág ɓé tít yá wú édun, tɔ li dí lí mícii. 21Jɔ́ nɛ́, li ɓotle á kwakwáŋɛ, Móse a byɛ́ɛ ɓalɛgɛ mbéndá yɛ́ɛ̄ á tísɔn sig, á ɔlɔ́ ví évɛɛɓan ví Élōg-Yúda sig, bíg sɔ́ŋgɔ yɔ á ndáá-míɓomán.»
Bisúghɛ́nɛ́ bí Eɓasɛ la káati ɓá óm
22Ndog Eɓasɛ ɛsɛ̄, ɓaómɓɛ la ɓacɛ́ŋ bí éɓasɛ bú ámblan, la ɓɔ́ bú súgɛ́ nɛ bíg pɔhɔ ɓot múŋ á póla yaɓá, ɓá bí ŋga óm á Antiókia nyí Sília elɔŋ la Póol la Balnábas. Bú pɔ̄hɔ́ Yúde, nyɔ́ a ŋga yáŋlɛ nɛ́ Balsábas, bú pɔ̄hɔ́ ki Sílas, ɓá bí ɓɛ́ɛ́ mbíi-ɓōt yí Éɓasɛ. 23Bú ɓɛ̄glɛ́ ɓɔ nyí káati ya cíiɓɛ́ nɛ: «Ɓɛ́hɛ, ɓaómɓɛ, ɓacɛ́ŋ bí éɓasɛ la elōgésāŋ yáná biíg tama ɓɛ́nɛ, ɓɛ́nɛ elōgétāŋ yé ɛ́ sē ɓé ɓɔ́ɔ̄n bí Élōg-Yúda, yé ɛ́ lɛ́ á Antiókia nyí Sília, á épah-ékombo yé Sília la yé Silísia. 24Ɓaá ámblé nɛ jogo jáhá lí ɓot lí mɓɛ́ wóŋ, bú teeŋgɛ́ ɓɛ́nɛ, bú káhá ɓɛ́nɛ li yomɛ lí míɔ̄ŋɔ la biɓaŋgá byáɓá, ɓɛ́hɛ ɓé nɛ ɓaá óm ɓɔ. 25Ányúū náŋ nɛ́ ɓɛ́hɛ bísɛ ɓaá súgɛ́ nɛ biíg pɔhɔ ɓot bi ŋga ómle ɓɛ́nɛ elɔŋ la Balnábas la Póol, yé elōgétāŋ yáhá yé ediŋ, 26ɓot ɓá véé nyɛmb ányúū joó lí Ɛ́tāŋɛ wahá Yésus Kilístus. 27Biíg ómle hɔ́ ɓɛ́nɛ Yúde la Sílas nɛ́ misú la misú, bí lagá ɓɛ́nɛ milemlem mí mam ɓaá cií á nyí káati. 28Ákaa ɛ́sɛ, M̀búl Mpúán la ɓɛ́hɛ-mɛ̄n ɓaá súgɛ́ nɛ, bí ŋgá kágyɛ ɓé pɛ ɓɛ́nɛ li ɓɛgɛ lí mbɛgɛ etám, amáh sig bí bicila byá loohán nsɛ́ŋ. 29Bíŋ bicila nɛ́ bí lɛ́ nɛ́: miníh díág ɓé tít bí ŋga súle míloó mítām, tɔ li dí lí mícii, miníh díág ɓé tít yí yá wú édun, miní mwahɛ́ eniŋ ɛ́ ndeŋg. Kíyáɓɛ́nɛ maná óglé míŋ mam mísɛ, ɛnɛ maná ɓɔ̄ŋ m̀ɓɛɛŋ. Á élōgétāŋ, biíg ɛ́nan eceg etám!»
30Ɛnɛ́ ɓá nāŋgánɛ́ ɓot bí ómóó, yéŋ elɔŋ ɛ́ ɓot ɓá pɔhɔ yú suh lí kɛ á tísɔn Antiókia nyí Sília, ápah bí kɔtánɛ́ɛ ndog ɓayéɓe á lí sɔ́ŋgle lí ɓɔ káati bí sɔ́ɔ́la. 31Ɛnɛ́ ɓá sɔ́ŋgɔ́ yɔ, ɓot bísɛ bú kɔ̄n mívag la nyíŋ káati ányúū nɛ ya létɛ̄ ɓɔ nyuú. 32Yúde la Sílas ɓá bí ɓɛ́ɛ́ ɓapɔ́tle-bí-Ɔ́lolómɛ̄, ɓɔ́g bú kondyé ɓɔ li tíi lí mikúndá la li letɛ lí ɓɔ á átē a ŋyéɓé. 33Bú tɔɔ́ puh álɔ̄ la ndog yaɓá nyí Antiókia nyí Sília, ámbúh náŋ, ɓáŋ bú nāŋgánɛ́ ɓɔ, la li tíi lí ɓɔ nsaŋ nɛ́ bí tímān lí kɔ́p lí ɓot ɓá óm ɓɔ. [34]#15.34 Sílas ɔ súgɛ́ nɛ ag yégle váŋ á Antiókia. Yé epah lícii ɛ́ sē ɓé á kálati etám. 35Póol la Balnábas ɓɔ́, bú yéglé á Antiókia nyí Sília. Elɔŋ la ŋgandag ɓot ɓatám wóŋ, bú ɓōtlé lí yéglɛ la li lɛgɛ lí Pɔ́l M̀ɓɛɛŋ nyí eɓaŋgá Nyɔ́ŋ-Ɛsáŋɛ́.
Póol la Sílas bíg kɛ á nsɔ́n
36Ámbúh puh eceg, Póol ɔ lága Balnábas nɛ́: «Bi tímkágán hɔ́, bi lɛ́ŋlé elōgétāŋ yé ɓa lɛ̄gɛ́ pɔ́l nyí Nyɔ́ŋ-Ɛsáŋɛ́ á tísɔn sig nyí ɓaá loole, váŋ, biíg kɛ li ɛ́n á véé bí tɛ́lɓɛ́nɛ́ la ŋyéɓé wáɓá.» 37Balnábas ɔ sómo lí kɛla lí Yohánɛs bí ŋga yáŋa nɛ́ Málkus elɔŋ la ɓɔ́. 38Ndí Póol ah yéɓyée ɓé nɛ́ bí tímān li nyɔŋ lí mut nyɔ́ a yígíí ɓɔ́ á épah-ékombo yé Pamfília á élɔŋ yáɓá dúwɛ, nyɔ́ āh sál ɓé elɔŋ la ɓɔ́. 39Ŋgilí ámblan nyí Póol la Balnábas yu ɓɔ̄ŋ nɛ bú ɓáglan, mut sig ɔ kɛ́ ɛ́yɛ̄ɛ̄ épah. Balnábas ɔ nyɔ̄ŋ Málkus á élɔŋ yɛ́ɛ́, bú ɓét á kúŋgā li kɛ á éon yé Kípele. 40Póol nyɛ́g ɔ byáŋ Sílas á élɔŋ yɛ́ɛ́, ɓayéɓe bú vá ɓɔ á sí bitátlé bí Nyɔ́ŋ-Ɛsáŋɛ́.
41Póol ɔ lóolé á Sília la á Silísia ag letɛ ɓot bí bíɓasɛ nyuú.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, CABTAL