Lawa a wúlu-bɔlen 19
19
Min mɛnɛn bɛ́ boe la ǹ dí nya Lawa nɛ
1Dɛnaa Lawa boo da ka Muizu ni á pɛ nɛ: 2#LWS 11.44-45; PIƐ1 1.16. Boo da ka Izirayeli zaman lɛ tumaa nɛ, n pɛ ǹ nɛ: Ka goã min *yoreen lɛa ka ma dinmaa bɛ́ yoreen lɔn, masɛ Dɛnaa Lawa din nə kaa Lawa lɛa.
3 #
BBN 20.8,12; TDP 5.12,16. Kaa min gogoonmaa doamaa nɛ, a na a náa laanka a díi guguru kɔ, a masɛ a susu ǹ piin kɛn tamaa. Masɛ din Dɛnaa Lawa n kaa Lawa lɛa.
4 #
BBN 20.23; 34.17; LWS 26.1; TDP 17.20. Ka baran dìn guguru kɔ wa. Ka baran màn nyín zɛnaa, ka bɛ baa kaa Lawa lɛa wa. Masɛ din Dɛnaa Lawa n kaa Lawa lɛa.
5Bɛ̀ ka tá barka da ǹ wúlu boe Dɛnaa Lawa wɔ lɛa, a n zɛnaa a yɔrɔ li, màn mɛn bɛ́ toɛ Dɛnaa Lawa lɛ kɔ a ganaa. 6Ka tá boe la ka wúlu bɔ ǹ siĩ lɛ sɔ̃ wúlu lɛ a bɔ pinaa, ka a lɛawaa nɛ. Bɛ̀ ǹ mɛn nə́ n si á goã bɛ kio, a lɛawaa sɔɔbaa ǹ wɔ pinaa, ka bɛ da tɛ-n, ka tã lenlen. 7A lɛawaa sɔɔbaa ǹ wɔ pinaa, bɛ̀ min mɛn nə́ n tã la á sɔ̃, Lawa a bɛa dɛnaa lɛ sii wa. A giala, a *wúlu màn lɛ na á ziziɛ̃. 8Wúlu mɛn bɛ́ ǹ nə́ bɔ Dɛnaa Lawaa wɔ lɛa, bɛ̀ min mɛn bɛa siĩ baa siĩ kooro lɛa á sɔ̃, bɛa dɛnaa a sii baraa a dɔlɔ na a din mìi ni. Bɛa dɛnaa kɛ lɛ dɔ, ka loo, ka bɔ Izirayeli tɔrɔn bii.
9 #
LWS 27.15; TDP 24.19-22. Bɛ̀ ka tá kaa màn kuri kaa wurun ni, ka baran kaa wuru lɛkoro lɛ-a wɔn kɛn kuru wa. Ka baran n bɔyaa dɔn, mà ka n die màn lɛ a bún boe wa. 10Bɛ̀ ka kaa *rezɛ̃ da nɛ na, nɛ gogoon mɛn bɛ́ goɛ̃ la, ka baran bɛ na wa, a nɛ mɛn dɔ kaa tán, ka baran bɛ goa wa. Ka bɛ toa doobaan laanka gùlin manɛ. Ma din Dɛnaa Lawa n kaa Lawa lɛa.
11 #
BBN 20.15-16; TDP 5.19-20. Ka baran wurumu baa wa, ka baran kɔn yiri sã wa, ka baran soɛ dɔ bɔ kɔn nɛ wa. 12#BBN 20.7; TDP 5.11; MAT 5.33. Ka baran n liɛ soɛ la ka masɛ tɔ-n wa. Bɛ̀ ka bɛ zɛnaa, ka n die ka dinin Lawa tɔ kɛ biɛ màn kooro lɛa. Ma din Dɛnaa Lawa n má pɛ.
13 #
TDP 24.14-15. Min baran mɛnaa ǹ miã la wa, min dɔ baran ǹ miã koã wa. Min kɔn nyan toa dí-nyali a saraa lɛ̀ waa a gɔn wa. 14#TDP 27.18. Min baran boo baraa da too tere-a ganaa wa, min baran màn da tán yii tere-a nyɛɛn wa. Ka bɛ lɛ zɛnaa ka nyɛ́ɛ baa kaa Lawa nɛ. Ma din nə Dɛnaa Lawa lɛa.
15 #
BBN 23.6-8; TDP 16.19. Kiri-kuriin gɔ́ɔ̃ nɛ, ka nyan mɛnaa min la wa. Ka nyan pɛ ka kaa pàãwɛɛnaa lon a pàãwɛɛnaabaa taman yii wa, ka nyan nyɛ́ɛ baa pàãma dɔ yii ni a pàãmabaa taman yii wa. Sɛnɛ, ka ka miãn kiri wɔ ka peperebaa nɛ. 16Ka baran n bibiə̃ ka ka dɔɔ̃nɔn tɔ ziziɛ̃ wa. Min dɔ baran ǹ miã zɛ̀rɛ baa kooro, n kiɛ̃ n minin yaa dii wa. Ma din nə Dɛnaa Lawa lɛa.
17 #
MAT 18.15. Min kɔn baran ǹ dɔɔ̃n da a gɔ́ɔ̃-n wa. Sɛnɛ, bɛ̀ n dɔɔ̃n sii la, n baran toa wa, a zɛ̀rɛ baa, màn mɛn bɛ́ toɛ, a sii baraa lɛ a guĩ baran goã nsɛ mìi-n wa. 18#MAT 5.43; 19.19; 22.39; MAR 12.31; LUK 10.27; RƆM 13.9; GAL 5.14; ZAAKI 2.8. N baran dòo bɔ wa, min dɔ baran sii koa a gɔ́ɔ̃ nɛ, ǹ miã wɔ paǹ li wa. N miã kɔsɔ dɔ narɛ ka n bɛ́ n din narɛ lɔn. Masɛ din nə Dɛnaa Lawa lɛa. 19Ka n doa, ka masɛ a landan kɛn dɔn tamaa: N tɔɔn bii, n nyan toa n tɔɔ tɔrɔ tɔtɔ paa kaa dii kɔn la ganaa wa. N wuru-n, n nyan toa n màn tɔrɔ tɔtɔ paa da a-n wa. Ka nyan toa ka mɔnaa tã ka gɛ̀sɛ tɔrɔ tɔtɔ màn paa nɛ, ka wɔ wa.
20Bɛ̀ giĩ mɛn giã kun ka lɔ nɛ, bɛ̀ lɔ lɛ n bɛ̀rɛlɔ lɛa, ǹ nə́ die koe min kɔsɔ la, sɛnɛ, bɛ̀ á daa yaa, ǹ tɔn na a mìi si ǹ giɔ̀mɔ saraa, ǹ nə́ bɔ ǹ nə́ bɔ bɛ̀rɛbaa-n wa, yǎa ǹ dɛnaa màn sarɛɛ. Ka baran giĩ lɛ laanka lɔ lɛ dɛ wa, a giala, ka lɔ lɛ bɔ ka bɔ bɛ̀rɛbaa-n wa. 21Giĩ lɛ da ka sère gɔ̀lɔ̀ nɛ, kɔn yɛ ǹ kion kɛ a kiɛnlɛ-a, a baa wúlu màn lɛa, a n zɛ̀rɛ si Dɛnaa Lawa la. 22A sii baraa mɛn zɛnaa, bɛ̀ Lawa a wúlu-bɔle sii baraa sawaa ǹ wúlu bɔ kɔn yɛ ǹ kion kɛ yɔrɔ-a ka sère gɔ̀lɔ̀ lɛ nɛ, zɛ̀rɛ si Lawa la ǹ wúlu màn lɛa, bɛa sii baraa lɛ á die n toɛ nɛ.
23Bɛ̀ ka wɔ gána lɛ nɛ ǹ mɛn waáraa, da woo da, ǹ ná a nɛ bii, bɛ̀ ka bɛ zumu, bɛ̀ á nɛ kɔ, ka baran a nɛ wɔ ka lɛ-n wa. Ka ga a nɛ lɛ ganaa màn gɔgɔrɛ lɛa, màn gɔgɔrɛ lɛa ka dinin wɔ paǹ li, yǎa lɛ̀ sɔɔ. 24A lɛ̀ siibaa ǹ wɔ, da lɛ a nɛ tumaa doamaa nɛ a n kɔ masɛ Dɛnaa Lawa la, barka da masɛ nɛ ǹ zɔ́n kɛ a pinaa. 25A lɛ̀ soorobaa ǹ wɔ kəni, ka á boe la ka na, ka na a nɛ bii. Bɛ̀ ka zɛnaa miɛ̃, bɛ lɛ n die toɛ, màn nə mɛ kaa da a nɛ kɔ li a woo. Masɛ din Dɛnaa Lawa n kaa Lawa lɛa.
26 #
SGK 9.4; LWS 7.26-27; 17.10-14; TDP 12.16,23; 15.23; 18.10. Ka baran tɔɔ kɔn a siĩ sɔ̃ ka a mà ná a-n wa. Ka baran wɔ-kũlibaa ǹ sii laanka boobaa ǹ sii zɛnaa wa. 27#LWS 21.5; TDP 14.1. Ka baran n mìi lɛgon bɔ luuriini wa, ka baran n lɛtoro ka kuru a wàãn ganaa wa. 28Ka baran wɔ̀lɔ̀ da ka dinin ganaa gere a lɛa wa. Ka baran nyaǹ dɔ kiɛ̃ ka dinin ganaa wa. Masɛ din nə Dɛnaa Lawa lɛa.
29 #
TDP 23.17. Ka baran kaa nɛlɔn kaa kɔrɔbaa ganaa landa zii la, ka ǹ baa màn kooron lɛa ka ǹ kaa bii-a wa. Bɛ̀ ka bɛ zɛnaa, ka n die gána minin lɛn kiɛ kɔrɔbaa ganaa, gána lɛ n die piɛ̃ ka kɔrɔbaa nɛ. 30#LWS 26.2. Ma lɛawaan mɛnɛn koa *susu ǹ pii lɛa, ka bɛn tamaa, ka gugurubaa wɔ maa kion kɛa sii ni. Masɛ din nə Dɛnaa Lawa lɛa.
31 #
TDP 18.11; SAM1 28.3; KIIN2 23.4; IZA 8.19. Ka baran boobaa ǹ sii zɛnaa wa, ka baran wo kaa sii ni boon kion wa. Bɛ̀ ka bɛ zɛnaa, bɛ lɛ n *gɔ̀ diɛ ka ganaa. Masɛ din Dɛnaa Lawa n kaa Lawa lɛa.
32Ka min gole guguru kɔ, ka yoo ka bǎã kɔ la. Ka zɛnaa miɛ̃ ka nyaa, mà ka tá nyɛ́ɛbiɛ masɛ Lawa yii ni. Masɛ din Dɛnaa Lawa n má pɛ.
33 #
BBN 22.21; TDP 24.17-18; 27.19. Bɛ̀ min daa gùli kɔ ka li kaa gána lɛ nɛ, ka baran bɔ a yii-n wa. 34Bɛa gùli kɛ lɛ giã nɛ ka li, ka kũ ka ka dinin goon bɛ́ lɔn. Ka narɛ ka ka bɛ́ ka dinin narɛ lɔn. A giala, ka dɔn man ka goã gùlin lɛa Ezipti gána nɛ. Masɛ din Dɛnaa Lawa n ka Lawa lɛa.
35 #
TDP 25.13-16; SUU 20.10; EZE 45.10. Bɛ̀ ka tá màn zoɛ̃ ka n giɛ a sasabaa ganaa, a gugurubaa hinlaa a gigiãbaa ganaa, ka nyan mɛnaa kɔn la wa. 36Màn zɔɔ̃ ka kilo taãn nɛ, ka litiri taãn nɛ. Masɛ din Dɛnaa Lawa n kaa Lawa lɛa. Ma din ni má ka waa, má ka bɔ Ezipti gána nɛ.
37Ka maa landa boon kɛn tumaa laanka maa sii yɔrɔ bɔ ǹ boon kɛn tumaa tamaa. Ma bɛ́ màn mɛn pii, ka bɛ zɛnaa. Masɛ din nə Dɛnaa Lawa lɛa.
ទើបបានជ្រើសរើសហើយ៖
Lawa a wúlu-bɔlen 19: SCE2013
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
San Catholic Edition Bible © Bible Society of Burkina Faso, 2013.
Lawa a wúlu-bɔlen 19
19
Min mɛnɛn bɛ́ boe la ǹ dí nya Lawa nɛ
1Dɛnaa Lawa boo da ka Muizu ni á pɛ nɛ: 2#LWS 11.44-45; PIƐ1 1.16. Boo da ka Izirayeli zaman lɛ tumaa nɛ, n pɛ ǹ nɛ: Ka goã min *yoreen lɛa ka ma dinmaa bɛ́ yoreen lɔn, masɛ Dɛnaa Lawa din nə kaa Lawa lɛa.
3 #
BBN 20.8,12; TDP 5.12,16. Kaa min gogoonmaa doamaa nɛ, a na a náa laanka a díi guguru kɔ, a masɛ a susu ǹ piin kɛn tamaa. Masɛ din Dɛnaa Lawa n kaa Lawa lɛa.
4 #
BBN 20.23; 34.17; LWS 26.1; TDP 17.20. Ka baran dìn guguru kɔ wa. Ka baran màn nyín zɛnaa, ka bɛ baa kaa Lawa lɛa wa. Masɛ din Dɛnaa Lawa n kaa Lawa lɛa.
5Bɛ̀ ka tá barka da ǹ wúlu boe Dɛnaa Lawa wɔ lɛa, a n zɛnaa a yɔrɔ li, màn mɛn bɛ́ toɛ Dɛnaa Lawa lɛ kɔ a ganaa. 6Ka tá boe la ka wúlu bɔ ǹ siĩ lɛ sɔ̃ wúlu lɛ a bɔ pinaa, ka a lɛawaa nɛ. Bɛ̀ ǹ mɛn nə́ n si á goã bɛ kio, a lɛawaa sɔɔbaa ǹ wɔ pinaa, ka bɛ da tɛ-n, ka tã lenlen. 7A lɛawaa sɔɔbaa ǹ wɔ pinaa, bɛ̀ min mɛn nə́ n tã la á sɔ̃, Lawa a bɛa dɛnaa lɛ sii wa. A giala, a *wúlu màn lɛ na á ziziɛ̃. 8Wúlu mɛn bɛ́ ǹ nə́ bɔ Dɛnaa Lawaa wɔ lɛa, bɛ̀ min mɛn bɛa siĩ baa siĩ kooro lɛa á sɔ̃, bɛa dɛnaa a sii baraa a dɔlɔ na a din mìi ni. Bɛa dɛnaa kɛ lɛ dɔ, ka loo, ka bɔ Izirayeli tɔrɔn bii.
9 #
LWS 27.15; TDP 24.19-22. Bɛ̀ ka tá kaa màn kuri kaa wurun ni, ka baran kaa wuru lɛkoro lɛ-a wɔn kɛn kuru wa. Ka baran n bɔyaa dɔn, mà ka n die màn lɛ a bún boe wa. 10Bɛ̀ ka kaa *rezɛ̃ da nɛ na, nɛ gogoon mɛn bɛ́ goɛ̃ la, ka baran bɛ na wa, a nɛ mɛn dɔ kaa tán, ka baran bɛ goa wa. Ka bɛ toa doobaan laanka gùlin manɛ. Ma din Dɛnaa Lawa n kaa Lawa lɛa.
11 #
BBN 20.15-16; TDP 5.19-20. Ka baran wurumu baa wa, ka baran kɔn yiri sã wa, ka baran soɛ dɔ bɔ kɔn nɛ wa. 12#BBN 20.7; TDP 5.11; MAT 5.33. Ka baran n liɛ soɛ la ka masɛ tɔ-n wa. Bɛ̀ ka bɛ zɛnaa, ka n die ka dinin Lawa tɔ kɛ biɛ màn kooro lɛa. Ma din Dɛnaa Lawa n má pɛ.
13 #
TDP 24.14-15. Min baran mɛnaa ǹ miã la wa, min dɔ baran ǹ miã koã wa. Min kɔn nyan toa dí-nyali a saraa lɛ̀ waa a gɔn wa. 14#TDP 27.18. Min baran boo baraa da too tere-a ganaa wa, min baran màn da tán yii tere-a nyɛɛn wa. Ka bɛ lɛ zɛnaa ka nyɛ́ɛ baa kaa Lawa nɛ. Ma din nə Dɛnaa Lawa lɛa.
15 #
BBN 23.6-8; TDP 16.19. Kiri-kuriin gɔ́ɔ̃ nɛ, ka nyan mɛnaa min la wa. Ka nyan pɛ ka kaa pàãwɛɛnaa lon a pàãwɛɛnaabaa taman yii wa, ka nyan nyɛ́ɛ baa pàãma dɔ yii ni a pàãmabaa taman yii wa. Sɛnɛ, ka ka miãn kiri wɔ ka peperebaa nɛ. 16Ka baran n bibiə̃ ka ka dɔɔ̃nɔn tɔ ziziɛ̃ wa. Min dɔ baran ǹ miã zɛ̀rɛ baa kooro, n kiɛ̃ n minin yaa dii wa. Ma din nə Dɛnaa Lawa lɛa.
17 #
MAT 18.15. Min kɔn baran ǹ dɔɔ̃n da a gɔ́ɔ̃-n wa. Sɛnɛ, bɛ̀ n dɔɔ̃n sii la, n baran toa wa, a zɛ̀rɛ baa, màn mɛn bɛ́ toɛ, a sii baraa lɛ a guĩ baran goã nsɛ mìi-n wa. 18#MAT 5.43; 19.19; 22.39; MAR 12.31; LUK 10.27; RƆM 13.9; GAL 5.14; ZAAKI 2.8. N baran dòo bɔ wa, min dɔ baran sii koa a gɔ́ɔ̃ nɛ, ǹ miã wɔ paǹ li wa. N miã kɔsɔ dɔ narɛ ka n bɛ́ n din narɛ lɔn. Masɛ din nə Dɛnaa Lawa lɛa. 19Ka n doa, ka masɛ a landan kɛn dɔn tamaa: N tɔɔn bii, n nyan toa n tɔɔ tɔrɔ tɔtɔ paa kaa dii kɔn la ganaa wa. N wuru-n, n nyan toa n màn tɔrɔ tɔtɔ paa da a-n wa. Ka nyan toa ka mɔnaa tã ka gɛ̀sɛ tɔrɔ tɔtɔ màn paa nɛ, ka wɔ wa.
20Bɛ̀ giĩ mɛn giã kun ka lɔ nɛ, bɛ̀ lɔ lɛ n bɛ̀rɛlɔ lɛa, ǹ nə́ die koe min kɔsɔ la, sɛnɛ, bɛ̀ á daa yaa, ǹ tɔn na a mìi si ǹ giɔ̀mɔ saraa, ǹ nə́ bɔ ǹ nə́ bɔ bɛ̀rɛbaa-n wa, yǎa ǹ dɛnaa màn sarɛɛ. Ka baran giĩ lɛ laanka lɔ lɛ dɛ wa, a giala, ka lɔ lɛ bɔ ka bɔ bɛ̀rɛbaa-n wa. 21Giĩ lɛ da ka sère gɔ̀lɔ̀ nɛ, kɔn yɛ ǹ kion kɛ a kiɛnlɛ-a, a baa wúlu màn lɛa, a n zɛ̀rɛ si Dɛnaa Lawa la. 22A sii baraa mɛn zɛnaa, bɛ̀ Lawa a wúlu-bɔle sii baraa sawaa ǹ wúlu bɔ kɔn yɛ ǹ kion kɛ yɔrɔ-a ka sère gɔ̀lɔ̀ lɛ nɛ, zɛ̀rɛ si Lawa la ǹ wúlu màn lɛa, bɛa sii baraa lɛ á die n toɛ nɛ.
23Bɛ̀ ka wɔ gána lɛ nɛ ǹ mɛn waáraa, da woo da, ǹ ná a nɛ bii, bɛ̀ ka bɛ zumu, bɛ̀ á nɛ kɔ, ka baran a nɛ wɔ ka lɛ-n wa. Ka ga a nɛ lɛ ganaa màn gɔgɔrɛ lɛa, màn gɔgɔrɛ lɛa ka dinin wɔ paǹ li, yǎa lɛ̀ sɔɔ. 24A lɛ̀ siibaa ǹ wɔ, da lɛ a nɛ tumaa doamaa nɛ a n kɔ masɛ Dɛnaa Lawa la, barka da masɛ nɛ ǹ zɔ́n kɛ a pinaa. 25A lɛ̀ soorobaa ǹ wɔ kəni, ka á boe la ka na, ka na a nɛ bii. Bɛ̀ ka zɛnaa miɛ̃, bɛ lɛ n die toɛ, màn nə mɛ kaa da a nɛ kɔ li a woo. Masɛ din Dɛnaa Lawa n kaa Lawa lɛa.
26 #
SGK 9.4; LWS 7.26-27; 17.10-14; TDP 12.16,23; 15.23; 18.10. Ka baran tɔɔ kɔn a siĩ sɔ̃ ka a mà ná a-n wa. Ka baran wɔ-kũlibaa ǹ sii laanka boobaa ǹ sii zɛnaa wa. 27#LWS 21.5; TDP 14.1. Ka baran n mìi lɛgon bɔ luuriini wa, ka baran n lɛtoro ka kuru a wàãn ganaa wa. 28Ka baran wɔ̀lɔ̀ da ka dinin ganaa gere a lɛa wa. Ka baran nyaǹ dɔ kiɛ̃ ka dinin ganaa wa. Masɛ din nə Dɛnaa Lawa lɛa.
29 #
TDP 23.17. Ka baran kaa nɛlɔn kaa kɔrɔbaa ganaa landa zii la, ka ǹ baa màn kooron lɛa ka ǹ kaa bii-a wa. Bɛ̀ ka bɛ zɛnaa, ka n die gána minin lɛn kiɛ kɔrɔbaa ganaa, gána lɛ n die piɛ̃ ka kɔrɔbaa nɛ. 30#LWS 26.2. Ma lɛawaan mɛnɛn koa *susu ǹ pii lɛa, ka bɛn tamaa, ka gugurubaa wɔ maa kion kɛa sii ni. Masɛ din nə Dɛnaa Lawa lɛa.
31 #
TDP 18.11; SAM1 28.3; KIIN2 23.4; IZA 8.19. Ka baran boobaa ǹ sii zɛnaa wa, ka baran wo kaa sii ni boon kion wa. Bɛ̀ ka bɛ zɛnaa, bɛ lɛ n *gɔ̀ diɛ ka ganaa. Masɛ din Dɛnaa Lawa n kaa Lawa lɛa.
32Ka min gole guguru kɔ, ka yoo ka bǎã kɔ la. Ka zɛnaa miɛ̃ ka nyaa, mà ka tá nyɛ́ɛbiɛ masɛ Lawa yii ni. Masɛ din Dɛnaa Lawa n má pɛ.
33 #
BBN 22.21; TDP 24.17-18; 27.19. Bɛ̀ min daa gùli kɔ ka li kaa gána lɛ nɛ, ka baran bɔ a yii-n wa. 34Bɛa gùli kɛ lɛ giã nɛ ka li, ka kũ ka ka dinin goon bɛ́ lɔn. Ka narɛ ka ka bɛ́ ka dinin narɛ lɔn. A giala, ka dɔn man ka goã gùlin lɛa Ezipti gána nɛ. Masɛ din Dɛnaa Lawa n ka Lawa lɛa.
35 #
TDP 25.13-16; SUU 20.10; EZE 45.10. Bɛ̀ ka tá màn zoɛ̃ ka n giɛ a sasabaa ganaa, a gugurubaa hinlaa a gigiãbaa ganaa, ka nyan mɛnaa kɔn la wa. 36Màn zɔɔ̃ ka kilo taãn nɛ, ka litiri taãn nɛ. Masɛ din Dɛnaa Lawa n kaa Lawa lɛa. Ma din ni má ka waa, má ka bɔ Ezipti gána nɛ.
37Ka maa landa boon kɛn tumaa laanka maa sii yɔrɔ bɔ ǹ boon kɛn tumaa tamaa. Ma bɛ́ màn mɛn pii, ka bɛ zɛnaa. Masɛ din nə Dɛnaa Lawa lɛa.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
San Catholic Edition Bible © Bible Society of Burkina Faso, 2013.