Irm ENAITURUK

ENAITURUK
Ore empalai e Paulo natisiraka ile IROMA naa enaitobirie apa enkoitoi pee etumoki ataparana esirit naatii Roma. Ore apa eyieuna enye naa kejo pee elo aasisho tenebo Ilkristiano te nkiti rishata, neitoki aikilikuan metaretu ninye meshomo enkop e Sipain. Etisiraka ninye ninche ena palai aibalakinye ening'unoto enye enkirukoto e Kristo o mbaa naaipirta enkishui oo Lkrisitiano. Ore ena buku nelimu te ng'uton inkirorot e Paulo o lkilikuai lenye.
Ore peyie eidip airoroki iltung'ana le sirit natii Roma, neliki ninche enkomono naomonoki ninche, neibalie enkipirta sapuk empalai enye ejo, “Elimu ilomon supati aibalunye eneikuna Enkai pee epik iltung'ana empuaan naishuyie tiatua ninye; naa to rrekie le nkirukoto, eiteru te nkiterunoto o metabaiki enkiting'oto” 1.17.
Nelo taa Paulo aitalala ina damunoto too matuan naasuju. Aa iltung'ana pooki, aa taa Ilyahudi o loreren, eyieu neitobirakini o sotua o poki pooki Enkai, amu enyaanyuk pooki etii pooki abori eng'oki. Ore iltung'ana neishori esipata ake te Nkai to rrekie le nkirukoto tiatua Yesu Kristo. Eitoki ake sii Paulo aibalie ajo ore pee eibung'are oltung'ani Yesu Kristo, neaku ena enchula ng'ejuk o Enkai. Etum olairukoni eseriani o Enkai nelakuni ninye te ngolon oo ng'ok o enkeeya Enkiyang'et Sinyati. Ore too matuan (5-8), eutu Paulo enkipirta oo nkitanapat e Nkai o engolon e Nkiyang'et Sinyati e Nkai tiatua enkishui olairukoni. Enyaaka ake sii aponaa endamunoto aibalie eneikunakino Ilyahudi tenebo iloreren enjeunoto Enkai e pooki tung'ani. Etuutua ajo ore eyanyata natanya Ilyahudi Yesu naa eyieuna natii atua Enkai pee etum ayau iloreren pooki atua enkirukoto e Nkai te mpiris e Yesu Kristo. Eiruk sii ajo metoni intarasi Ilyahudi eitu eng'amu enkirukoto e Yesu, eyooki ake aang'amaa ninye. Ore enabayie etuutua Paulo enaishiaakino nesuj olairukoni te nkishui enye e anaake eisulaki ninye enkoitoi enyorrata tiatua ilalashera. Eibalie imbaa anaa enkisiaayiare e Nkai, enaishiaakino olairukoni neas tenkaraki enkitoria o mbaa naaipirta olairukoni o likae, o mbaa enkiguana o ltau. Eikeno empalai enye too lkiliku le nkorrok enye o rorei le nkisisa te Nkai.
Iorot oo Matuan
Enkiterunoto oo lomon o enkipirta e mbuku 1.1-17
Eyieunoto e tung'ani enjeunoto 1.18–3.20
Enkoitoi e Nkai e njeunoto 3.21–4.25
Enkishui ng'ejuk tiatua Kristo 5.1–8.39
Olosho le Israel tiatua nkitobirat e Nkai 9.1–11.36
Olkuaak lo lairukoni 12.1–15.13
Enkikenoto enkirorokino 15.14–16.27

ទើបបានជ្រើសរើសហើយ៖

Irm ENAITURUK: SINYATI

គំនូស​ចំណាំ

ចែក​រំលែក

ចម្លង

None

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល