Sini 7
7
Dan in Etiyen
1Toŋ po' fur ci vun Etiyen: «Dan rum ndəna' su?» 2Etiyen ɗam vun rumu: «Daw ba man kə ba man kuni, i mun dan mana. Ifray mə kə mbra' ta' tu rum ne kə ba mbri mba Abraham kəri məni mum wə nya Mezopotami, cop kəri məni mum cu ta suk Karan məto'o. 3Ifray la' ne numu: A 'ya ar nya wû kə sôwâ wû, ɓay a də nya məni na də wû ta' ne. 4Zə rum Abraham 'ya ar nya Kalde ɓay ta suk so Karan. Kəki məni ba um mar si, Ifray ra' num mbə so Karan ta njay wə nya məni hi gay' wə han mgbaŋ ni na#Tzk 11.31; 12.4. 5Ifray cu ne nya mə kəca um ne num ko ri cin duk sem wə han mi, ama Ifray kawvun kə rum i mum də um ne nya rum, ɓay i daw rawti rum də ti nya rum kəki rumu. Kəri məni Ifray in dan rum, ka Abraham cu kə vay məto'o. 6Dan məni Ifray in ne num nə ni na: Daw rawti ru də gay' wə nya rəkway, wə nya rum, handay də faŋ bek ɓay sôwâ mə nya rum də nday rik du kim kis fəɗi'i. 7Ama Ifray ini: Na də ɓok dan wa sôwâ məni də nday gi beke. Kəki rum, handay də wur mbə nya rum ɓay də man bur wə ri məni na#Psi 3.12.» 8Ifray faŋ ndo' vun dan kawvun rum kə Abraham. Kwa məni ta' kwa rum nə tagura. Zə rum, kəri məni Abraham vra' Isak, mum tagura rum kə bəka coho' rumu. Isak vra' Yakub, ɓay mum tagura rum ndəna' ta', ɓay Yakub tagura daw um mə guɓ wa hoɓ məni faŋ ba mbri ramba mə kə mbra'a.
9Ba mbri ramba mə kə mbra' kuni gi sây' kə Zozef ɓay kaw num coɓ ta nya Egip ce' ndə beke. Ama Ifray kəta' kə rumu#Tzk 37.11; 39.2,21. 10Mum siɗ num du cik um daŋ' ɓay kəri məni Zozef mbə car kor Farawoŋ jwə mə nya Egip, Ifray ne gwet ne num kədan mum gi kwa mə kəɗam tu jwə na. Zə rum, mum cin Zozef ce' ndə toŋ wa nya Egip kə wa so um daŋ'ŋ. 11Kəri rum, mê' nde wa nya Egip daŋ' kə nya Kana daŋ' ta'a. Sôwâ ce boni juk ɓay ba mbri ramba cu za' kwati za' mi#Tzk 42.1-2. 12Kəri məni Yakub mun i u kəta' wə nya Egip, mum sin ba mbri ramba ta han sem ɗaw rumu. 13Kəri məni handay faŋ ta han sem hoɓ rum, Zozef ta' tu rum ne kə daw ba um, ɓay Farawoŋ mun dan wa zə bray Zozef. 14Zə rum, Zozef sin sin kədan mum ra' ba um Yakub kə sôwâ so um daŋ', handay sôwâ guseɗa' wa vatla. 15Ndəna' Yakub 'ya ta nya Egip ɓay mum mar wə han, ndəna' ba mbri ramba mar wə han ta'a. 16Sôwâ ra' mar nday ta so Sikem kə ndi, ɓay handay mo' nday wə zra məni Abraham coɓ kə səlay wə ɓa daw Hemor wə so Sikem.
17«Kəri məni Ifray wə də gi kwa məni mum kawvun kə Abraham nə mbə həre' si, raw sôwâ mba dlər ta kofo ɓayrum wə nya Egip. 18Kəri rum, jwə mə mbrew məsin mbə suk nya Egip, mum cu we Zozef mi.» 19Jwə nə gi sôwâ mba kə vur vur, ɓay rik ba mbri ramba: Mum gi nday kə bak kədan kuni ra' daw gule nday pik də rəka kədan handay ke kə nyî mi. 20Kəri rum, Moyizə vra'a. Mum ɓay juk ɓay Ifray tuk kəɗam kə rumu. Ya um ur num wə du cer hinji' wə rawti so ba umu. 21Kəri məni handay tle num ge ta rəka, vay Farawoŋ mə ma tle num ur ce' ndə vay vra' sa#Psi 2.3-10. 22Ndəna', Moyizə wum gwet mə nya Egip daŋ', ɓay mum faŋ swə mə kə mbra' wə du dan ge kə sin gi umu.
23«Kəri məni Moyizə gi kim gufəɗi', mum wa' kə vunduk rum kədan mum də kar daw ba um, sôwâ Israyel. 24Mum we swə mə nya Egip wə rik swə ɗaw du ndaya. Mum ta ve wa swə nə, ɓay mum ci swə mə nya Egip kədan mum sa' bal rumu. 25Mum ɗik i daw ba um də mun i Ifray wə də nday ulay' kə ɓa rum, ama handay cu mun zu dan rum mi.» 26Siw rum, Moyizə za' sôwâ Israyel hoɓ wə pum nji, ɓay mum jin nday kədan handay gay' heɓe. Mum la' ne ndaya: "Bây man kwa, hi daw ba. Zə mi hi wə rik nji su?" 27Ama swə məni wə rik bây hoɓ um nə pla' Moyizə ta kə hay' ɓay ci vun rumu: "Sa nə cin nu ce' ndə bârî kə bə ɓok dan wa mba su?" 28Ha wa' kədan ha man ci ce' ndə məni ha ci swə mə nya Egip kum nə su? 29Kəri məni Moyizə mun dan rum, mum ne ta suk nya Madiyaŋ, mum vra' daw njiwkwa hoɓo.
30«Kəki rum kim gufəɗi', vay sin Ifray mə wafray mbə ta' tu rum ne kə Moyizə wə du ku məni wə ye' ŋây' wə du igop həre' kə igway' mə ɗe kə Sinay. 31Kəri məni Moyizə we kwa rum, kwa rum jin' wa ne numu. Ama kəri məni mum jik ta hay' kwa rum həre' kədan mum kar kwa rum, mum mun wor Bârî məni ini: 32"Na Ifray ba mbi wû kuni, Ifray Abraham, kə Isak, ɓay Yakub."» Kwa rum gi wəlok ne kə Moyizə ɓay tu rum par nyen ɓay mum ne wəlok kar kwa rumu. 33Bârî la' ne numu: "A par tərak sem ru, zə ri məni ha car wə han nə ri məni Ifray par cin zə rumu. 34Na we cik məni sôwâ man tuk wə nya Egip ɓay na mun ndəma' nday, na dam mbə kədan na nday ulaya. A də mgbaŋ ni nə, na wû sin də nya Egip.
35«Mum nə Moyizə məni sôwâ Israyel vaɗ num kə ini: "Sa nə cin nu ce' ndə bârî kə bə ɓok dan wa mba su?" Ifray sin num ce' ndə bârî kə bə ulay' sôwâ. Ifray gi kwa rum kə ɓa vay sin um mə wafray məni mbə ta' tu rum ne kə Moyizə wə du ku məni wə ye' ŋây'i#Psi 2.14. 36Mum kə məni pâ mbə nya Egip kə sôwâ Israyel kə gi yew cem cem kə kwa cem cem mə jin' wa sôwâ wə nya rum, wə vun Ya Mbi mə Tlew ɓay wə du igop du kim gufəɗi'i. 37Moyizə kə məni la' ne kə sôwâ Israyel: Ifray də mi sin bə ka' dan ce' ndə na, mum də ke zə saŋ mi#Ddd 8.15,18. 38Mum kə məni ke kə kul sôwâ Israyel wə du igopo. Mum ke han kə ba mbri ramba kə vay sin Ifray mə wafray məni ge dan kə rum wa igway' mə ɗe kə Sinay. Mum fe dan məni wə ne nyî mə də hâ kədan mum faŋ mba ne. 39Ama ba mbri ramba cu bə mun vun rum mi. Handay vaɗ num ɓay handay wa' kədan handay faŋ də nya Egip.» 40Handay la' ne kə Aron: "A ri ifray məsin ne mba kədan handay ta kor mba, zə namba cu we kwa məni gi wa Moyizə məni pâ mbə nya Egip kə mba nə mi." 41Kəri rum, handay ri vay naw ɓay handay po' fur kor rumu. Handay gi cer zə kwa məni handay ri kə ɓa ndaya#Psi 32.2-6. 42Ama Ifray faŋ ki ge ne nday ɓay mum ar nday kədan handay bur ciciw mə wafray ce' ndə məni sum ka' dan wây' wə du ɗerwa ndaya:
Hi sôwâ Israyel, kəri məni hi fol kwa mə ta kə sem
ɓay po' fur du kim gufəɗi' wə du igop, hi po' kor rin su?
43Cu mi, ama hi tle jew ifray mə ɗe kə Molok
kə ciciw ifray mi mə ɗe kə Refan.
Handay ifray mə vun fur məni hi ri kə ɓa
kədan hi nday buru.
Zə rum, na də mi ra' njay i nya Babiloŋ ga' day' seŋe.
44«Wə du igop, ba mbri ramba gi jew məni wə ta' i Ifray kəta' kə ndaya: Handay kap jew rum ce' ndə məni Ifray in ne kə Moyizə, kə vari məni Ifray ta' ne numu.» 45Kəki rum, ba mbri ramba fe jew rum wə ɓa nday, ɓay handay tle jew rum du nday kəri məni handay ta zə Zozuwe ɓay ti nya sôwâ məni Ifray 'way kor ndaya. Jew rum suk han hâ day ri David. 46Mum nə swə məni Ifray gi ɓay hay' rumu. David kə məni o vari kədan nə ɗam so zə Ifray Yakub. 47Ama Salomoŋ kə məni ɗam so rumu.
48Ama Ifray mə wafray cu suk wə rawti so məni ɗam kə ɓa sumra' mi. Ce' ndə məni bə ka' dan ini:
49Wafray nə ri suk man,
ɓay nya ri njay sem rini.
Hi gak ɗam so mi man ne su?
Na gak pemây wə ri mə ka su?
50Na cu gi kwa məni kuni daŋ' kə ɓa rin mi su?
51«Hi sôwâ mə wa ɓokrok, vunduk ri bro' ɓay hum ri nduɓ si, hi wə tak Simbeɗ mə Kəleŋ bəka daŋ'ŋ. Hi ce' ndə ba mbri rami ta'a. 52Wə du sum ka' dan, mə ka ba mbri rami cu gi boni ne nday mi nə su? Handay ci sôwâ məni ka' dan mbə Swə mə Njeŋ, ɓay mgbaŋ ni nə hi kə məni ar num ta ɓa sôwâ ɓay ci numu. 53Hi fe dan dlay Ifray wə ɓa sum sin um mə wafray, ama hi cu ta zə dan dlay rum mi.»
Mar Etiyen
54Kəri məni sum rôwâ Fada mə Mbri mun dan rum, handay ra' bak kə cwə se' wa Etiyen. 55Ama Simbeɗ mə Kəleŋ nyen vunduk Etiyen, mum kar ri ta wafray, ɓay mum we mbra' Ifray kə Zezu məni car wə ɓa fun Ifraya. 56Mum ini: «I kar ri', na we wafray ar vun ɓay Vay sumra' car wə ɓa fun Ifraya.» 57Zə rum, handay do dan kə gbəgboŋ, ɓay handay nduɓ hum nday kə ɓa. Handay daŋ' njay ne ta wa Etiyen ɓay kaw numu. 58Handay dlam num mbok so pâ ta rəka kə rum, ɓay təŋ kə um ge kə gway'i. Sum we njeŋ dan rum ar mbraw nday wə hay' vay jiɗ mə ɗe kə Sol. 59Kəri məni handay wə um ge kə gway', Etiyen o Ifray ndəni na: «Bârî Zezu, a ve nyî rini!» 60Mum faŋ kuduk ta nya kə vun cingit ɓay ka' dan kə gbəgboŋo: «Bârî, a in kwa mə bro' məni handay gi nə də wa nday mi.» Kəki məni mum in dan rum, mum mara.
ទើបបានជ្រើសរើសហើយ៖
Sini 7: KMN
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Le Nouveau Testament et Psaumes en Peve © Alliance Biblique du Tchad, 2014.
Sini 7
7
Dan in Etiyen
1Toŋ po' fur ci vun Etiyen: «Dan rum ndəna' su?» 2Etiyen ɗam vun rumu: «Daw ba man kə ba man kuni, i mun dan mana. Ifray mə kə mbra' ta' tu rum ne kə ba mbri mba Abraham kəri məni mum wə nya Mezopotami, cop kəri məni mum cu ta suk Karan məto'o. 3Ifray la' ne numu: A 'ya ar nya wû kə sôwâ wû, ɓay a də nya məni na də wû ta' ne. 4Zə rum Abraham 'ya ar nya Kalde ɓay ta suk so Karan. Kəki məni ba um mar si, Ifray ra' num mbə so Karan ta njay wə nya məni hi gay' wə han mgbaŋ ni na#Tzk 11.31; 12.4. 5Ifray cu ne nya mə kəca um ne num ko ri cin duk sem wə han mi, ama Ifray kawvun kə rum i mum də um ne nya rum, ɓay i daw rawti rum də ti nya rum kəki rumu. Kəri məni Ifray in dan rum, ka Abraham cu kə vay məto'o. 6Dan məni Ifray in ne num nə ni na: Daw rawti ru də gay' wə nya rəkway, wə nya rum, handay də faŋ bek ɓay sôwâ mə nya rum də nday rik du kim kis fəɗi'i. 7Ama Ifray ini: Na də ɓok dan wa sôwâ məni də nday gi beke. Kəki rum, handay də wur mbə nya rum ɓay də man bur wə ri məni na#Psi 3.12.» 8Ifray faŋ ndo' vun dan kawvun rum kə Abraham. Kwa məni ta' kwa rum nə tagura. Zə rum, kəri məni Abraham vra' Isak, mum tagura rum kə bəka coho' rumu. Isak vra' Yakub, ɓay mum tagura rum ndəna' ta', ɓay Yakub tagura daw um mə guɓ wa hoɓ məni faŋ ba mbri ramba mə kə mbra'a.
9Ba mbri ramba mə kə mbra' kuni gi sây' kə Zozef ɓay kaw num coɓ ta nya Egip ce' ndə beke. Ama Ifray kəta' kə rumu#Tzk 37.11; 39.2,21. 10Mum siɗ num du cik um daŋ' ɓay kəri məni Zozef mbə car kor Farawoŋ jwə mə nya Egip, Ifray ne gwet ne num kədan mum gi kwa mə kəɗam tu jwə na. Zə rum, mum cin Zozef ce' ndə toŋ wa nya Egip kə wa so um daŋ'ŋ. 11Kəri rum, mê' nde wa nya Egip daŋ' kə nya Kana daŋ' ta'a. Sôwâ ce boni juk ɓay ba mbri ramba cu za' kwati za' mi#Tzk 42.1-2. 12Kəri məni Yakub mun i u kəta' wə nya Egip, mum sin ba mbri ramba ta han sem ɗaw rumu. 13Kəri məni handay faŋ ta han sem hoɓ rum, Zozef ta' tu rum ne kə daw ba um, ɓay Farawoŋ mun dan wa zə bray Zozef. 14Zə rum, Zozef sin sin kədan mum ra' ba um Yakub kə sôwâ so um daŋ', handay sôwâ guseɗa' wa vatla. 15Ndəna' Yakub 'ya ta nya Egip ɓay mum mar wə han, ndəna' ba mbri ramba mar wə han ta'a. 16Sôwâ ra' mar nday ta so Sikem kə ndi, ɓay handay mo' nday wə zra məni Abraham coɓ kə səlay wə ɓa daw Hemor wə so Sikem.
17«Kəri məni Ifray wə də gi kwa məni mum kawvun kə Abraham nə mbə həre' si, raw sôwâ mba dlər ta kofo ɓayrum wə nya Egip. 18Kəri rum, jwə mə mbrew məsin mbə suk nya Egip, mum cu we Zozef mi.» 19Jwə nə gi sôwâ mba kə vur vur, ɓay rik ba mbri ramba: Mum gi nday kə bak kədan kuni ra' daw gule nday pik də rəka kədan handay ke kə nyî mi. 20Kəri rum, Moyizə vra'a. Mum ɓay juk ɓay Ifray tuk kəɗam kə rumu. Ya um ur num wə du cer hinji' wə rawti so ba umu. 21Kəri məni handay tle num ge ta rəka, vay Farawoŋ mə ma tle num ur ce' ndə vay vra' sa#Psi 2.3-10. 22Ndəna', Moyizə wum gwet mə nya Egip daŋ', ɓay mum faŋ swə mə kə mbra' wə du dan ge kə sin gi umu.
23«Kəri məni Moyizə gi kim gufəɗi', mum wa' kə vunduk rum kədan mum də kar daw ba um, sôwâ Israyel. 24Mum we swə mə nya Egip wə rik swə ɗaw du ndaya. Mum ta ve wa swə nə, ɓay mum ci swə mə nya Egip kədan mum sa' bal rumu. 25Mum ɗik i daw ba um də mun i Ifray wə də nday ulay' kə ɓa rum, ama handay cu mun zu dan rum mi.» 26Siw rum, Moyizə za' sôwâ Israyel hoɓ wə pum nji, ɓay mum jin nday kədan handay gay' heɓe. Mum la' ne ndaya: "Bây man kwa, hi daw ba. Zə mi hi wə rik nji su?" 27Ama swə məni wə rik bây hoɓ um nə pla' Moyizə ta kə hay' ɓay ci vun rumu: "Sa nə cin nu ce' ndə bârî kə bə ɓok dan wa mba su?" 28Ha wa' kədan ha man ci ce' ndə məni ha ci swə mə nya Egip kum nə su? 29Kəri məni Moyizə mun dan rum, mum ne ta suk nya Madiyaŋ, mum vra' daw njiwkwa hoɓo.
30«Kəki rum kim gufəɗi', vay sin Ifray mə wafray mbə ta' tu rum ne kə Moyizə wə du ku məni wə ye' ŋây' wə du igop həre' kə igway' mə ɗe kə Sinay. 31Kəri məni Moyizə we kwa rum, kwa rum jin' wa ne numu. Ama kəri məni mum jik ta hay' kwa rum həre' kədan mum kar kwa rum, mum mun wor Bârî məni ini: 32"Na Ifray ba mbi wû kuni, Ifray Abraham, kə Isak, ɓay Yakub."» Kwa rum gi wəlok ne kə Moyizə ɓay tu rum par nyen ɓay mum ne wəlok kar kwa rumu. 33Bârî la' ne numu: "A par tərak sem ru, zə ri məni ha car wə han nə ri məni Ifray par cin zə rumu. 34Na we cik məni sôwâ man tuk wə nya Egip ɓay na mun ndəma' nday, na dam mbə kədan na nday ulaya. A də mgbaŋ ni nə, na wû sin də nya Egip.
35«Mum nə Moyizə məni sôwâ Israyel vaɗ num kə ini: "Sa nə cin nu ce' ndə bârî kə bə ɓok dan wa mba su?" Ifray sin num ce' ndə bârî kə bə ulay' sôwâ. Ifray gi kwa rum kə ɓa vay sin um mə wafray məni mbə ta' tu rum ne kə Moyizə wə du ku məni wə ye' ŋây'i#Psi 2.14. 36Mum kə məni pâ mbə nya Egip kə sôwâ Israyel kə gi yew cem cem kə kwa cem cem mə jin' wa sôwâ wə nya rum, wə vun Ya Mbi mə Tlew ɓay wə du igop du kim gufəɗi'i. 37Moyizə kə məni la' ne kə sôwâ Israyel: Ifray də mi sin bə ka' dan ce' ndə na, mum də ke zə saŋ mi#Ddd 8.15,18. 38Mum kə məni ke kə kul sôwâ Israyel wə du igopo. Mum ke han kə ba mbri ramba kə vay sin Ifray mə wafray məni ge dan kə rum wa igway' mə ɗe kə Sinay. Mum fe dan məni wə ne nyî mə də hâ kədan mum faŋ mba ne. 39Ama ba mbri ramba cu bə mun vun rum mi. Handay vaɗ num ɓay handay wa' kədan handay faŋ də nya Egip.» 40Handay la' ne kə Aron: "A ri ifray məsin ne mba kədan handay ta kor mba, zə namba cu we kwa məni gi wa Moyizə məni pâ mbə nya Egip kə mba nə mi." 41Kəri rum, handay ri vay naw ɓay handay po' fur kor rumu. Handay gi cer zə kwa məni handay ri kə ɓa ndaya#Psi 32.2-6. 42Ama Ifray faŋ ki ge ne nday ɓay mum ar nday kədan handay bur ciciw mə wafray ce' ndə məni sum ka' dan wây' wə du ɗerwa ndaya:
Hi sôwâ Israyel, kəri məni hi fol kwa mə ta kə sem
ɓay po' fur du kim gufəɗi' wə du igop, hi po' kor rin su?
43Cu mi, ama hi tle jew ifray mə ɗe kə Molok
kə ciciw ifray mi mə ɗe kə Refan.
Handay ifray mə vun fur məni hi ri kə ɓa
kədan hi nday buru.
Zə rum, na də mi ra' njay i nya Babiloŋ ga' day' seŋe.
44«Wə du igop, ba mbri ramba gi jew məni wə ta' i Ifray kəta' kə ndaya: Handay kap jew rum ce' ndə məni Ifray in ne kə Moyizə, kə vari məni Ifray ta' ne numu.» 45Kəki rum, ba mbri ramba fe jew rum wə ɓa nday, ɓay handay tle jew rum du nday kəri məni handay ta zə Zozuwe ɓay ti nya sôwâ məni Ifray 'way kor ndaya. Jew rum suk han hâ day ri David. 46Mum nə swə məni Ifray gi ɓay hay' rumu. David kə məni o vari kədan nə ɗam so zə Ifray Yakub. 47Ama Salomoŋ kə məni ɗam so rumu.
48Ama Ifray mə wafray cu suk wə rawti so məni ɗam kə ɓa sumra' mi. Ce' ndə məni bə ka' dan ini:
49Wafray nə ri suk man,
ɓay nya ri njay sem rini.
Hi gak ɗam so mi man ne su?
Na gak pemây wə ri mə ka su?
50Na cu gi kwa məni kuni daŋ' kə ɓa rin mi su?
51«Hi sôwâ mə wa ɓokrok, vunduk ri bro' ɓay hum ri nduɓ si, hi wə tak Simbeɗ mə Kəleŋ bəka daŋ'ŋ. Hi ce' ndə ba mbri rami ta'a. 52Wə du sum ka' dan, mə ka ba mbri rami cu gi boni ne nday mi nə su? Handay ci sôwâ məni ka' dan mbə Swə mə Njeŋ, ɓay mgbaŋ ni nə hi kə məni ar num ta ɓa sôwâ ɓay ci numu. 53Hi fe dan dlay Ifray wə ɓa sum sin um mə wafray, ama hi cu ta zə dan dlay rum mi.»
Mar Etiyen
54Kəri məni sum rôwâ Fada mə Mbri mun dan rum, handay ra' bak kə cwə se' wa Etiyen. 55Ama Simbeɗ mə Kəleŋ nyen vunduk Etiyen, mum kar ri ta wafray, ɓay mum we mbra' Ifray kə Zezu məni car wə ɓa fun Ifraya. 56Mum ini: «I kar ri', na we wafray ar vun ɓay Vay sumra' car wə ɓa fun Ifraya.» 57Zə rum, handay do dan kə gbəgboŋ, ɓay handay nduɓ hum nday kə ɓa. Handay daŋ' njay ne ta wa Etiyen ɓay kaw numu. 58Handay dlam num mbok so pâ ta rəka kə rum, ɓay təŋ kə um ge kə gway'i. Sum we njeŋ dan rum ar mbraw nday wə hay' vay jiɗ mə ɗe kə Sol. 59Kəri məni handay wə um ge kə gway', Etiyen o Ifray ndəni na: «Bârî Zezu, a ve nyî rini!» 60Mum faŋ kuduk ta nya kə vun cingit ɓay ka' dan kə gbəgboŋo: «Bârî, a in kwa mə bro' məni handay gi nə də wa nday mi.» Kəki məni mum in dan rum, mum mara.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Le Nouveau Testament et Psaumes en Peve © Alliance Biblique du Tchad, 2014.