रोमी 16
16
पावलके गोरलगी
1आब हम अपनासबके बहिन फिबीसङे तोरासबके चिनजान कराबैले चाहैचियौ, जे किङकिरिया सहरके मन्डलीमे सेबा करैछै। 2हम तोरासबके बिन्ती करैचियौ कि, ओकरा परमेस्वरके एकटा पबितर जन जखा परभुके नाममे स्वागत कर। तुसब सके जतहेक ओकर जरुरतमे सहायता कर, कथिलेत उ बहुतो लोकके आ हमरो सहायता करनेछै।
3हमर सङे-सङे येसु खिरिस्टके काम करैबला सङी पिरिस्किला#१६:३ पिरिस्किला- कोनो-कोनो सरोतमे पिरिस्का लिखलगेल छै। आ अकिलासके हमर गोरलगी सुन्यादहै।#परेरित १८:२ 4हमरा बचाबैले उसब आपन जिबन जोखिममे पारनेछेलै। ओइसबके हम मातरे नै महज सारा गैर-यहुदीयोके मन्डलीसब धन्यबाद दैछै। 5ओइसबके घरमे भेला हैबला बिस्बासीसबके हमर गोरलगी सुन्यादहै। हमर पिरिय सङी, इपेनितसके सेहो गोरलगी सुन्यादहै। उ एसिया परदेसमे सबसे पहिने खिरिस्टमे बिस्बास करैबला लोक चियै।
6तोरासबके लेल जि-जान लग्याके काम करैबाली मरियमके सेहो गोरलगी सुन्यादहै। 7हमर सङी एनडरोनिकस आ युनियसके हमर गोरलगी सुन्यादहै। परेरितसबके बिचमे ओकरासबके नाम चललछै आ हमरसे पहिने उसब खिरिस्टके बिस्बास करने छेलै। ओहोसब हमरसङे जहलमे छेलै।
8परभुमे हमर पिरिय सङी एम्प्लीआतसके हमर गोरलगी सुन्यादहै। 9खिरिस्टमे हमरसङे काम करैबला उरबानस आ हमर सङी स्ताखुसके सेहो हमर गोरलगी सुन्यादहै। 10खिरिस्टके नजरमे योग्य ठहरल अपेल्लेसके गोरलगी सुन्यादहै। अरिस्तोबुलसके घरमे भेल्हा लोकसबके हमर गोरलगी सुन्यादहै। 11हमर यहुदी भाइ हेरोदियनके आ परभुमे बिस्बास करल नरकिससके घरमे भेल्हा लोकसबके सेहो गोरलगी सुन्यादहै।
12परभुके लेल एकदमसे मेहनत करैबाली बहिनसब तुरुफेना आ तरोफोसाके हमर गोरलगी सुन्यादहै। हमर पिरिय बहिन परसीसके सेहो गोरलगी सुन्यादहै कथिलेत उ परभुके काम करा मेहनतसे करैछै। 13परभुके छानल रुफस आ ओकर महताइरके जे हमरो आपने बेटा जखा मानैछेलै, ओइसबके हमर गोरलगी सुन्यादहै।#मरकुस १५:२१ 14असिङकिरितस, फ्लेगन, हरमेस, पतरोबास, हरमास आ ओइसबसङे भेल औरो बिस्बासी भाइ-भैयासबके हमर गोरलगी सुन्यादहै। 15फिलोलोगस, युलिया, नेरियस आ ओकर बहिनके, आ ओलिम्पास आ ओकरसङे भेल सब खिरिस्टके पबितर जनसबके हमर गोरलगी सुन्यादहै।
16तुसब एक-दोसरके पबितर परेमसे गोरलगी कर। खिरिस्टमे बिस्बास करैबला सबकोइ तोरासबके गोरलगी पठाइनेछौ।
अन्तिम सलाह
17हे हमर भाइ-भैयासब, हम तोरासबके बिन्ती करैचियौ कि, तोरासबके सिख्याल सिक्छाके बिपरित सिखाइबला लोकसबसे होसियार रह। यि तोरासबके फुट करेतौ आ बिस्बाससे बहकेतौ। ओहन लोकसबसे दुरे रह। 18कथिलेत एहेन लोकसब अपनासबके परभु येसु खिरिस्टके नै महज आपन पेटके लेल सेबा करैछै। उसब निक-निक बात बन्याके सिधासाधा लोकसबके ठगैछै। 19तुसब परमेस्वरके आग्यापालन करैचिही कैहके सब बिस्बासी जानैछै, तैल्याके हम एकदम खुस चियौ। महज तुसब असल काममे बुधिमान हो आ जे खराब छै, तैसे अलगे रह से हम चाहैचियौ। 20सान्ती दैबला परमेस्वर जल्दिए सैतानके तोरासबके टाङके तरमे मिसरेतौ। अपनासबके परभु येसु खिरिस्टके अनुगरह तोरासबसङे रहे।
21हमरसङे काम करैबला तिमोथी तोरासबके गोरलगी पठाइनेछौ। तहिनङ कैरके हमर यहुदी भाइसब लुकियस, यासोन आ सोसिपातरोस सेहो तोरासबके गोरलगी पठाइनेछौ।#परेरित १६:१
22पावलके बोल्लहा बात यि चिठी लिखैबला हम तरतियसके तरफसे परभुमे तोरासबके गोरलगीछौ। 23हमरा आ पुरे मन्डलीके आपन घरमे स्वागत करैबला गायस सेहो तोरासबके गोरलगी कहनेछौ। यि सहरके कोसाध्यक्छ इरास्तस आ अपनासबके भाइ क्वारटस सेहो तोरासबके गोरलगी पठाइनेछौ।#परेरित १९:२९, १ कोरन्थी १:१४, २ तिमोथी ४:२० 24[अपनासबके परभु येसु खिरिस्टके अनुगरह तोरासबसङे सबदिन रहे। आमेन।]
25आब अपनासबके परमेस्वरके आदर आ सम्मान हेबे। हमर करल खिरिस्टके सुसमाचार परचारसे उ तोरासबके बिस्बासमे बलगर बनाइले सकल छै। येसु खिरिस्टके बारेमे हमर करल परचार, जे जुगो-जुगसे घोसाइरके राखल छेलै, आब परकट भेलछै। 26अकर बारेमे अनन्त परमेस्वरके आग्या अनुसार अगमबक्तासबके लिखल बात सब जातिके लोकसबलग अखुन परकट भेल छै ताकि उसब बिस्बास करे आ ओकर आग्यापालन करे। 27एक मातरे सरबग्यानी परमेस्वरके येसु खिरिस्ट दुवारा सबदिन महिमा हैतरहे! आमेन।
ទើបបានជ្រើសរើសហើយ៖
रोमी 16: MTHB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 by Mother Tongue Translators Society and Wycliffe Bible Translators, Inc.
रोमी 16
16
पावलके गोरलगी
1आब हम अपनासबके बहिन फिबीसङे तोरासबके चिनजान कराबैले चाहैचियौ, जे किङकिरिया सहरके मन्डलीमे सेबा करैछै। 2हम तोरासबके बिन्ती करैचियौ कि, ओकरा परमेस्वरके एकटा पबितर जन जखा परभुके नाममे स्वागत कर। तुसब सके जतहेक ओकर जरुरतमे सहायता कर, कथिलेत उ बहुतो लोकके आ हमरो सहायता करनेछै।
3हमर सङे-सङे येसु खिरिस्टके काम करैबला सङी पिरिस्किला#१६:३ पिरिस्किला- कोनो-कोनो सरोतमे पिरिस्का लिखलगेल छै। आ अकिलासके हमर गोरलगी सुन्यादहै।#परेरित १८:२ 4हमरा बचाबैले उसब आपन जिबन जोखिममे पारनेछेलै। ओइसबके हम मातरे नै महज सारा गैर-यहुदीयोके मन्डलीसब धन्यबाद दैछै। 5ओइसबके घरमे भेला हैबला बिस्बासीसबके हमर गोरलगी सुन्यादहै। हमर पिरिय सङी, इपेनितसके सेहो गोरलगी सुन्यादहै। उ एसिया परदेसमे सबसे पहिने खिरिस्टमे बिस्बास करैबला लोक चियै।
6तोरासबके लेल जि-जान लग्याके काम करैबाली मरियमके सेहो गोरलगी सुन्यादहै। 7हमर सङी एनडरोनिकस आ युनियसके हमर गोरलगी सुन्यादहै। परेरितसबके बिचमे ओकरासबके नाम चललछै आ हमरसे पहिने उसब खिरिस्टके बिस्बास करने छेलै। ओहोसब हमरसङे जहलमे छेलै।
8परभुमे हमर पिरिय सङी एम्प्लीआतसके हमर गोरलगी सुन्यादहै। 9खिरिस्टमे हमरसङे काम करैबला उरबानस आ हमर सङी स्ताखुसके सेहो हमर गोरलगी सुन्यादहै। 10खिरिस्टके नजरमे योग्य ठहरल अपेल्लेसके गोरलगी सुन्यादहै। अरिस्तोबुलसके घरमे भेल्हा लोकसबके हमर गोरलगी सुन्यादहै। 11हमर यहुदी भाइ हेरोदियनके आ परभुमे बिस्बास करल नरकिससके घरमे भेल्हा लोकसबके सेहो गोरलगी सुन्यादहै।
12परभुके लेल एकदमसे मेहनत करैबाली बहिनसब तुरुफेना आ तरोफोसाके हमर गोरलगी सुन्यादहै। हमर पिरिय बहिन परसीसके सेहो गोरलगी सुन्यादहै कथिलेत उ परभुके काम करा मेहनतसे करैछै। 13परभुके छानल रुफस आ ओकर महताइरके जे हमरो आपने बेटा जखा मानैछेलै, ओइसबके हमर गोरलगी सुन्यादहै।#मरकुस १५:२१ 14असिङकिरितस, फ्लेगन, हरमेस, पतरोबास, हरमास आ ओइसबसङे भेल औरो बिस्बासी भाइ-भैयासबके हमर गोरलगी सुन्यादहै। 15फिलोलोगस, युलिया, नेरियस आ ओकर बहिनके, आ ओलिम्पास आ ओकरसङे भेल सब खिरिस्टके पबितर जनसबके हमर गोरलगी सुन्यादहै।
16तुसब एक-दोसरके पबितर परेमसे गोरलगी कर। खिरिस्टमे बिस्बास करैबला सबकोइ तोरासबके गोरलगी पठाइनेछौ।
अन्तिम सलाह
17हे हमर भाइ-भैयासब, हम तोरासबके बिन्ती करैचियौ कि, तोरासबके सिख्याल सिक्छाके बिपरित सिखाइबला लोकसबसे होसियार रह। यि तोरासबके फुट करेतौ आ बिस्बाससे बहकेतौ। ओहन लोकसबसे दुरे रह। 18कथिलेत एहेन लोकसब अपनासबके परभु येसु खिरिस्टके नै महज आपन पेटके लेल सेबा करैछै। उसब निक-निक बात बन्याके सिधासाधा लोकसबके ठगैछै। 19तुसब परमेस्वरके आग्यापालन करैचिही कैहके सब बिस्बासी जानैछै, तैल्याके हम एकदम खुस चियौ। महज तुसब असल काममे बुधिमान हो आ जे खराब छै, तैसे अलगे रह से हम चाहैचियौ। 20सान्ती दैबला परमेस्वर जल्दिए सैतानके तोरासबके टाङके तरमे मिसरेतौ। अपनासबके परभु येसु खिरिस्टके अनुगरह तोरासबसङे रहे।
21हमरसङे काम करैबला तिमोथी तोरासबके गोरलगी पठाइनेछौ। तहिनङ कैरके हमर यहुदी भाइसब लुकियस, यासोन आ सोसिपातरोस सेहो तोरासबके गोरलगी पठाइनेछौ।#परेरित १६:१
22पावलके बोल्लहा बात यि चिठी लिखैबला हम तरतियसके तरफसे परभुमे तोरासबके गोरलगीछौ। 23हमरा आ पुरे मन्डलीके आपन घरमे स्वागत करैबला गायस सेहो तोरासबके गोरलगी कहनेछौ। यि सहरके कोसाध्यक्छ इरास्तस आ अपनासबके भाइ क्वारटस सेहो तोरासबके गोरलगी पठाइनेछौ।#परेरित १९:२९, १ कोरन्थी १:१४, २ तिमोथी ४:२० 24[अपनासबके परभु येसु खिरिस्टके अनुगरह तोरासबसङे सबदिन रहे। आमेन।]
25आब अपनासबके परमेस्वरके आदर आ सम्मान हेबे। हमर करल खिरिस्टके सुसमाचार परचारसे उ तोरासबके बिस्बासमे बलगर बनाइले सकल छै। येसु खिरिस्टके बारेमे हमर करल परचार, जे जुगो-जुगसे घोसाइरके राखल छेलै, आब परकट भेलछै। 26अकर बारेमे अनन्त परमेस्वरके आग्या अनुसार अगमबक्तासबके लिखल बात सब जातिके लोकसबलग अखुन परकट भेल छै ताकि उसब बिस्बास करे आ ओकर आग्यापालन करे। 27एक मातरे सरबग्यानी परमेस्वरके येसु खिरिस्ट दुवारा सबदिन महिमा हैतरहे! आमेन।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 by Mother Tongue Translators Society and Wycliffe Bible Translators, Inc.