Ha Banaroma 5
5
TUKUTEGEZA KUBA MUNGU AKUTWENDA.
1Obwo twatakatifuzibwe kwikiriza, tube n’omulebo na Mungu, ha bw’Omukama wetu Yezu Kristu, 2ayatubonere, ha bwo kwikiriza, kuhika mu nema egyo, eyo tugumiramo, no kwesima mu butegeza bw’ikuzo bw’abana ba Mungu. 3Echo chonka pai, nawe tukwesima na mu busasi, obwo tukumanya okw’obusasi bukuleta obweguminsiriza; 4kai obweguminsiriza bukuleta obugume, kandi obugume bukuleta obutegeza. 5Mbe obutegeza tibuzigaga, kuba obwenzi bwa Mungu bukaseserwa mu mitima zetu ha bw’Omwoyo Mutakatifu, ogwagabirwe itwe. 6Mbe kubaki, aho twaliga tukinogire, Kristu yafwerere abaheni mu mwanya gwingene? 7Omuntu akufwer’omuhikire raba; hamo omuntu yakuhikize kufwer’ omuzima. 8Nawe Mungu akwolech’obwenzi bwe hal’itwe, obwo, mu mwanya gwingene, naho twaliga tukili baheni, 9Kristu yatufwerere. Mbe munomuno hati, aho twatakatifuzibwe mu nsagama ye, alituchungura ha biniga#5, 9 Niby’ebiniga bya Mungu, ebikusagara abantu mu muliro ogutahwabo. Yezu n’obusasi bwe akatuchungula mu muliro ogutahwaho.. 10Kuba, aho twaliga tuli bahate, raba nitugorozanya na Mungu ha bwo kufwa kw’Omwana we, munomuno tulichungurwa obulame bwe, twamazire kugorozanya. 11Kai echo chonka pai, nawe hona tukwesima hali Mungu ha bw’Omukama wetu Yezu Kristu, ayatubonere hati obugorozanya.
ADAMU NA KRISTU.
12Hatyo, nk’okwo kuber’omuntu omo ekiheno chatahira mu nsi, kai olufu lukaletwa ekiheno, nikwo olufu lukahikira abantu bona, kuber’omuntu ogwo, owe bona bahenere muli wenene. 13Kuba kuhika ha Kilagiro ekiheno chaliga kili mu nsi, nawe ekiheno chaliga kitabalirwa, obwo Ekilagiro chaliga kitakabere. 14Mbe nawe olufu lukatwara kuruga Adamu kuhika Musa, nilutwara n’abaliga batahenire ekiheno chezabo ech’Adamu, ali kisusano ch’aliza#5, 14 “Aliza” ogwo niwe Yezu Kristu. Adamu ni kisusano cha Yezu. Nich’echo bamwetera “Adamu wa kabili”.. 15Nawe omugabo tiguli nk’ekiheno; kuba, raba bengi bakafwa kuber’ekiheno ch’omo wenka, kai kuta! enema n’engabirano za Mungu zikezula mu bengi kuber’enema y’omuntu omo wenka, niwe Yezu Kristu! 16Kandi omugabo tiguli nk’ekiheno kinagumo; kuba elamu ekiheno kimo kikaba busingwa, nawe kai enema ekutakatifuza, naho ebiheno bikaba bingi. 17Mbe raba olufu lukatwara ha bw’omo kuber’ekiheno ch’omo wenka, kai kuta abakuhabwa obwingi bw’enema n’engabirano n’obuhikire, abalitwara mu bulame ha bw’omo wenka, niwe Yezu Kristu. 18Mbe hatyo, nk’okwo abantu bona bakusingwa kuber’ekiheno ch’omo wenka, nikwo hatyo abantu bona bakutakatifuzibwa nibahabwa obuzima, kuber’obuhikire bw’omo wenka. 19Kuba, nk’okw’obutahulira bw’omuntu omo bwagizire bengi babe baheni, nikwo hatyo n’obuhulirizi bw’omo buligira bengi babe bahikire. 20Mbe ekilagiro kikeza, entambala ekane. Nawe aho entambala ekanire, nimwo enema ekanire kukiraho, 21niho, nk’okwo ekiheno kitwele mu lufu, nikwo hatyo n’enema etwale mu buhikire, tubone obulame obutahwaho, ha bwa Yezu Kristu Omukama wetu#5, 21 Naho ebiheno bikanire muno, enema ekuhicha kubimarayo byona..
ទើបបានជ្រើសរើសហើយ៖
Ha Banaroma 5: KED1946
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
First published in 1946 by the White Fathers. Published online with the permission of the White Fathers.
Ha Banaroma 5
5
TUKUTEGEZA KUBA MUNGU AKUTWENDA.
1Obwo twatakatifuzibwe kwikiriza, tube n’omulebo na Mungu, ha bw’Omukama wetu Yezu Kristu, 2ayatubonere, ha bwo kwikiriza, kuhika mu nema egyo, eyo tugumiramo, no kwesima mu butegeza bw’ikuzo bw’abana ba Mungu. 3Echo chonka pai, nawe tukwesima na mu busasi, obwo tukumanya okw’obusasi bukuleta obweguminsiriza; 4kai obweguminsiriza bukuleta obugume, kandi obugume bukuleta obutegeza. 5Mbe obutegeza tibuzigaga, kuba obwenzi bwa Mungu bukaseserwa mu mitima zetu ha bw’Omwoyo Mutakatifu, ogwagabirwe itwe. 6Mbe kubaki, aho twaliga tukinogire, Kristu yafwerere abaheni mu mwanya gwingene? 7Omuntu akufwer’omuhikire raba; hamo omuntu yakuhikize kufwer’ omuzima. 8Nawe Mungu akwolech’obwenzi bwe hal’itwe, obwo, mu mwanya gwingene, naho twaliga tukili baheni, 9Kristu yatufwerere. Mbe munomuno hati, aho twatakatifuzibwe mu nsagama ye, alituchungura ha biniga#5, 9 Niby’ebiniga bya Mungu, ebikusagara abantu mu muliro ogutahwabo. Yezu n’obusasi bwe akatuchungula mu muliro ogutahwaho.. 10Kuba, aho twaliga tuli bahate, raba nitugorozanya na Mungu ha bwo kufwa kw’Omwana we, munomuno tulichungurwa obulame bwe, twamazire kugorozanya. 11Kai echo chonka pai, nawe hona tukwesima hali Mungu ha bw’Omukama wetu Yezu Kristu, ayatubonere hati obugorozanya.
ADAMU NA KRISTU.
12Hatyo, nk’okwo kuber’omuntu omo ekiheno chatahira mu nsi, kai olufu lukaletwa ekiheno, nikwo olufu lukahikira abantu bona, kuber’omuntu ogwo, owe bona bahenere muli wenene. 13Kuba kuhika ha Kilagiro ekiheno chaliga kili mu nsi, nawe ekiheno chaliga kitabalirwa, obwo Ekilagiro chaliga kitakabere. 14Mbe nawe olufu lukatwara kuruga Adamu kuhika Musa, nilutwara n’abaliga batahenire ekiheno chezabo ech’Adamu, ali kisusano ch’aliza#5, 14 “Aliza” ogwo niwe Yezu Kristu. Adamu ni kisusano cha Yezu. Nich’echo bamwetera “Adamu wa kabili”.. 15Nawe omugabo tiguli nk’ekiheno; kuba, raba bengi bakafwa kuber’ekiheno ch’omo wenka, kai kuta! enema n’engabirano za Mungu zikezula mu bengi kuber’enema y’omuntu omo wenka, niwe Yezu Kristu! 16Kandi omugabo tiguli nk’ekiheno kinagumo; kuba elamu ekiheno kimo kikaba busingwa, nawe kai enema ekutakatifuza, naho ebiheno bikaba bingi. 17Mbe raba olufu lukatwara ha bw’omo kuber’ekiheno ch’omo wenka, kai kuta abakuhabwa obwingi bw’enema n’engabirano n’obuhikire, abalitwara mu bulame ha bw’omo wenka, niwe Yezu Kristu. 18Mbe hatyo, nk’okwo abantu bona bakusingwa kuber’ekiheno ch’omo wenka, nikwo hatyo abantu bona bakutakatifuzibwa nibahabwa obuzima, kuber’obuhikire bw’omo wenka. 19Kuba, nk’okw’obutahulira bw’omuntu omo bwagizire bengi babe baheni, nikwo hatyo n’obuhulirizi bw’omo buligira bengi babe bahikire. 20Mbe ekilagiro kikeza, entambala ekane. Nawe aho entambala ekanire, nimwo enema ekanire kukiraho, 21niho, nk’okwo ekiheno kitwele mu lufu, nikwo hatyo n’enema etwale mu buhikire, tubone obulame obutahwaho, ha bwa Yezu Kristu Omukama wetu#5, 21 Naho ebiheno bikanire muno, enema ekuhicha kubimarayo byona..
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
First published in 1946 by the White Fathers. Published online with the permission of the White Fathers.