Ebikorwa 10
10
KUBONEKERWA KWA KORNELI N’OKWA PETRO. — PETRO MU KA YA KORNELI.
1Kaizariya haliga haliyo omuntu ogwo, izina lye Korneli, mukuru wa kohoroti#10, 1 Lora Matayo 27, 26. eyo bayetaga bati: Italika, 2ali musomi natina Mungu, n’abo mu ka ye bona, nagabira abantu ebintu bingi, nalembereza Mungu naku zona. 3Mu saha kuti yo mwenda nabonekerwa kuzimazima mumalaika wa Mungu namwizaho, namugambira ati: Korneli. 4Onu namulora nakwatw’obutini, nagira ati: Ni kiha, Mukama wange? Namugambira ati: Esala zawe n’emiherezo zawe zinegere kuti kizukizo mu meso ga Mungu. 5Hati notume abantu Yope, olete omwozo ogwo Simoni, owe bakweta bati: Petro. 6Asumbire ow’omwozo ogwo Simoni, omuhazi w’empu, ow’enzu eherere ha chambu; ogwo niwe alakugambira eby’oli no kukola. 7Mumalaika ayafumoraga nage ka yarugireho, nayeta abantu b’omwe babili n’omusirikale ayatinaga Mungu wo mu baliga nibamukolera; 8ka yamazire kubarobeza byona, nabatuma Yope.
9Bwire kucha, bakili mu muhanda, bakerira hehi n’echaro, Petro nanegera oluguru kuza kulembereza kuti ha saha mukaga. 10Enzala ka yamurumire, nayenda kulya. Baliga bakimuhigira ebilyo, natwarwa mu mwoyo; 11nabona igulu likingwire, n’elintu nilihanantuka, kuti itambala ihango, nilihananturwa kuruga mw’igulu kwiza ha nsi, likwasirwe ha mbazu zalyo ina, 12lilimo buli namenswa z’amaguru ana n’amekwesi ga ha nsi n’enoni zo mu lutumba. 13Nahulira ilaka nilimugambira liti: Imuka, Petro; baga, olye. 14Nawe Petro nagira ati: Kikabure, Mukama wange; kuba tinkalyaga nangu ekintu ch’obuyaga n’ekilofu. 15Ilaka nilimugambira lwa kabili liti: Echo Mungu yayelize noleke kucheta oti: kilofu. 16Ebyo bikagirwa kasatu, kai aho honka elintu elyo nilisagarwa mw’igulu.
17Petro yaliga akitimatimya mu mutima gwe ensonga zo kubonekerwa okwo, niho n’abantu abaliga batumirwe Korneli nibahiga enzu ya Simoni, bemerere ha mulyango. 18Nibayeta nibabuza okwo Simoni, owe bakweta bati: Petro, yaliga asumbire omwo. 19Petro akitekateka ebyo kubonekerwa, Omwoyo nigumugambira guti: Mbabo abantu basatu, bakukuronda. 20Imuka, olengetuke, ogende nabo, leka kutimatimya, kuba n’ine nabatuma. 21Mbe Petro nalengetukira abantu abo, nagira ati: Mpaha ndi hanu owe mukuronda; ni magambo ki agabaleta? 22Bonene nibagira bati: Korneli, omukuru w’abasirikale igana, omuntu arongire, mutini wa Mungu, akusimwa ihanga lyona ly’Abayahudi, atengerwe mumalaika mutakatifu ngu akulete mu nzu ye, ahulireho ebigambo hal’iwe. 23Nabatahya mu nzu, nabakuma; bwire kucha naimuka nalibata nabo, kai batabani babo bandi ba Yope nibamuruba. 24Obwire ka bwachere, nahika Kaizariya. Korneli abalindirire, yaliga yayesire ababo n’abanwani be b’omutima. 25Mbe aho Petro ka yezire, Korneli naza kumwesungana, nagwa mu maguru ge, namulamucha. 26Nawe Petro namwimucha nagira ati: Imuka, n’ene nena ndi muntu. 27Nafumora nage, natahamo, nasanga bengi abaliga basumbire. 28Nabagambira ati: Imwe mukumanya okwo kuli kubi muno omuntu muyahudi kukwatana hamo kwirira ha muntu w’ihanga lindi; nawe Mungu anolekire kuleka kweta omuntu n’omo nti: w’obuyaga hamo mulofu. 29Nicho nezira ntakutimatimya, ka nayetwa. Mbe nkubabuza echo mwanetera. 30Korneli nagira ati: Lero ni lunaku lwa kana kuruga olwo naliga nindembereza mu nzu yange mu saha yo mwenda; niwe n’omuseza aimerere obusyo yange, azwere zimwera, nagira ati: 31Korneli, esala zawe n’emiherezo zawe zikahulirwa, kandi zyezukwa mu meso ga Mungu. 32Mbe notume abantu Yope kweta Simoni, owe bakweta bati: Petro; asumbire mu nzu ya Simoni, omuhazi w’empu, hehi n’echambu. 33Mbe ninkutumira abantu kachwi n’ako, kai n’ewe wena wakola kuzima kwiza; mbe hati itwe twena tuli mu meso gawe kuhuliriza byona byona, ebyo walagirwe Mungu.
PETRO NAYOLEKERERA EBYA YEZU. — ABASENZI NIBAHABWA MWOYO MUTAKATIFU.
34Petro nayasamy’akanwa ke, nagira ati: Namanya koto okwo Mungu atakwendeza muntu kukira ondi#10, 34 Mungu akwenda abantu bona, kai akubendeza bona basome, barube edini ye., 35nawe mw’ihanga lyona akumutina nakora ebirongire, ogwo niwe akwikirizibwa wenene. 36Mungu akatumira abana ba Israeli ekigambo che, naroma omulebo ha bwa Yezu Kristu: (ogwo niwe Omukama wa bona). 37Imwe mukumanya echagwire muli Buyahudi yona kutandikira Galilaya, kumara batisimu eyo Yohana yayolekereraga; 38okwo Mungu yasigire Yezu Omunazareti Mwoyo Mutakatifu n’amani, ayalibataga nakora ebizima, nakiza bona abanazibwaga amasitani, kuba Mungu yaliga ali nage. 39Kandi n’etwe tuli mbona za byona ebyo yakozire mu nsi y’Abayahudi na Yeruzalemu, owe baisire nibamusunga h’eti. 40Nawe Mungu akamuzora ha lunaku lwa kasatu, namuha kubonwa ha bweru, 41abantu bona pai, nawe embona zonka ezasozirwe Mungu kuruga kara, itwe abalire nitunwa nage, yamazire kuzoka mu bafu. 42Kandi akatulagira kwolekerera amahanga no kumanyisya okwo wenene niwe yaterweho Mungu kuba mulamuzi w’abazima n’abalafwire. 43Ogwo niwe abalagi bona bakumanyisya okwo bona abakumwikiriza balibona kukizibw’ebiheno mw’izina lye.
44Petro yaliga akifumora amagambo ago, Mwoyo Mutakatifu nahanantukira bona abahulirizaga ebigambo bye. 45Abekiriza abezire na Petro, abaliga basazirwe, bakakumisibwa engabirano ya Mwoyo Mutakatifu kusesekera n’abasenzi. 46Kuba babahuliraga nibafumora endimi zindi nibakuza Mungu. 47Aho Petro nasubamo ati: Ni ga akuhicha kwangira amenzi, banu babure kubatizibwa abaherwe Mwoyo Mutakatifu nk’etwe? 48Nalagira kubabatiza mw’izina ly’Omukama Yezu Kristu. Aho nibamusaba aikareho nabo naku nke.
ទើបបានជ្រើសរើសហើយ៖
Ebikorwa 10: KED1946
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
First published in 1946 by the White Fathers. Published online with the permission of the White Fathers.
Ebikorwa 10
10
KUBONEKERWA KWA KORNELI N’OKWA PETRO. — PETRO MU KA YA KORNELI.
1Kaizariya haliga haliyo omuntu ogwo, izina lye Korneli, mukuru wa kohoroti#10, 1 Lora Matayo 27, 26. eyo bayetaga bati: Italika, 2ali musomi natina Mungu, n’abo mu ka ye bona, nagabira abantu ebintu bingi, nalembereza Mungu naku zona. 3Mu saha kuti yo mwenda nabonekerwa kuzimazima mumalaika wa Mungu namwizaho, namugambira ati: Korneli. 4Onu namulora nakwatw’obutini, nagira ati: Ni kiha, Mukama wange? Namugambira ati: Esala zawe n’emiherezo zawe zinegere kuti kizukizo mu meso ga Mungu. 5Hati notume abantu Yope, olete omwozo ogwo Simoni, owe bakweta bati: Petro. 6Asumbire ow’omwozo ogwo Simoni, omuhazi w’empu, ow’enzu eherere ha chambu; ogwo niwe alakugambira eby’oli no kukola. 7Mumalaika ayafumoraga nage ka yarugireho, nayeta abantu b’omwe babili n’omusirikale ayatinaga Mungu wo mu baliga nibamukolera; 8ka yamazire kubarobeza byona, nabatuma Yope.
9Bwire kucha, bakili mu muhanda, bakerira hehi n’echaro, Petro nanegera oluguru kuza kulembereza kuti ha saha mukaga. 10Enzala ka yamurumire, nayenda kulya. Baliga bakimuhigira ebilyo, natwarwa mu mwoyo; 11nabona igulu likingwire, n’elintu nilihanantuka, kuti itambala ihango, nilihananturwa kuruga mw’igulu kwiza ha nsi, likwasirwe ha mbazu zalyo ina, 12lilimo buli namenswa z’amaguru ana n’amekwesi ga ha nsi n’enoni zo mu lutumba. 13Nahulira ilaka nilimugambira liti: Imuka, Petro; baga, olye. 14Nawe Petro nagira ati: Kikabure, Mukama wange; kuba tinkalyaga nangu ekintu ch’obuyaga n’ekilofu. 15Ilaka nilimugambira lwa kabili liti: Echo Mungu yayelize noleke kucheta oti: kilofu. 16Ebyo bikagirwa kasatu, kai aho honka elintu elyo nilisagarwa mw’igulu.
17Petro yaliga akitimatimya mu mutima gwe ensonga zo kubonekerwa okwo, niho n’abantu abaliga batumirwe Korneli nibahiga enzu ya Simoni, bemerere ha mulyango. 18Nibayeta nibabuza okwo Simoni, owe bakweta bati: Petro, yaliga asumbire omwo. 19Petro akitekateka ebyo kubonekerwa, Omwoyo nigumugambira guti: Mbabo abantu basatu, bakukuronda. 20Imuka, olengetuke, ogende nabo, leka kutimatimya, kuba n’ine nabatuma. 21Mbe Petro nalengetukira abantu abo, nagira ati: Mpaha ndi hanu owe mukuronda; ni magambo ki agabaleta? 22Bonene nibagira bati: Korneli, omukuru w’abasirikale igana, omuntu arongire, mutini wa Mungu, akusimwa ihanga lyona ly’Abayahudi, atengerwe mumalaika mutakatifu ngu akulete mu nzu ye, ahulireho ebigambo hal’iwe. 23Nabatahya mu nzu, nabakuma; bwire kucha naimuka nalibata nabo, kai batabani babo bandi ba Yope nibamuruba. 24Obwire ka bwachere, nahika Kaizariya. Korneli abalindirire, yaliga yayesire ababo n’abanwani be b’omutima. 25Mbe aho Petro ka yezire, Korneli naza kumwesungana, nagwa mu maguru ge, namulamucha. 26Nawe Petro namwimucha nagira ati: Imuka, n’ene nena ndi muntu. 27Nafumora nage, natahamo, nasanga bengi abaliga basumbire. 28Nabagambira ati: Imwe mukumanya okwo kuli kubi muno omuntu muyahudi kukwatana hamo kwirira ha muntu w’ihanga lindi; nawe Mungu anolekire kuleka kweta omuntu n’omo nti: w’obuyaga hamo mulofu. 29Nicho nezira ntakutimatimya, ka nayetwa. Mbe nkubabuza echo mwanetera. 30Korneli nagira ati: Lero ni lunaku lwa kana kuruga olwo naliga nindembereza mu nzu yange mu saha yo mwenda; niwe n’omuseza aimerere obusyo yange, azwere zimwera, nagira ati: 31Korneli, esala zawe n’emiherezo zawe zikahulirwa, kandi zyezukwa mu meso ga Mungu. 32Mbe notume abantu Yope kweta Simoni, owe bakweta bati: Petro; asumbire mu nzu ya Simoni, omuhazi w’empu, hehi n’echambu. 33Mbe ninkutumira abantu kachwi n’ako, kai n’ewe wena wakola kuzima kwiza; mbe hati itwe twena tuli mu meso gawe kuhuliriza byona byona, ebyo walagirwe Mungu.
PETRO NAYOLEKERERA EBYA YEZU. — ABASENZI NIBAHABWA MWOYO MUTAKATIFU.
34Petro nayasamy’akanwa ke, nagira ati: Namanya koto okwo Mungu atakwendeza muntu kukira ondi#10, 34 Mungu akwenda abantu bona, kai akubendeza bona basome, barube edini ye., 35nawe mw’ihanga lyona akumutina nakora ebirongire, ogwo niwe akwikirizibwa wenene. 36Mungu akatumira abana ba Israeli ekigambo che, naroma omulebo ha bwa Yezu Kristu: (ogwo niwe Omukama wa bona). 37Imwe mukumanya echagwire muli Buyahudi yona kutandikira Galilaya, kumara batisimu eyo Yohana yayolekereraga; 38okwo Mungu yasigire Yezu Omunazareti Mwoyo Mutakatifu n’amani, ayalibataga nakora ebizima, nakiza bona abanazibwaga amasitani, kuba Mungu yaliga ali nage. 39Kandi n’etwe tuli mbona za byona ebyo yakozire mu nsi y’Abayahudi na Yeruzalemu, owe baisire nibamusunga h’eti. 40Nawe Mungu akamuzora ha lunaku lwa kasatu, namuha kubonwa ha bweru, 41abantu bona pai, nawe embona zonka ezasozirwe Mungu kuruga kara, itwe abalire nitunwa nage, yamazire kuzoka mu bafu. 42Kandi akatulagira kwolekerera amahanga no kumanyisya okwo wenene niwe yaterweho Mungu kuba mulamuzi w’abazima n’abalafwire. 43Ogwo niwe abalagi bona bakumanyisya okwo bona abakumwikiriza balibona kukizibw’ebiheno mw’izina lye.
44Petro yaliga akifumora amagambo ago, Mwoyo Mutakatifu nahanantukira bona abahulirizaga ebigambo bye. 45Abekiriza abezire na Petro, abaliga basazirwe, bakakumisibwa engabirano ya Mwoyo Mutakatifu kusesekera n’abasenzi. 46Kuba babahuliraga nibafumora endimi zindi nibakuza Mungu. 47Aho Petro nasubamo ati: Ni ga akuhicha kwangira amenzi, banu babure kubatizibwa abaherwe Mwoyo Mutakatifu nk’etwe? 48Nalagira kubabatiza mw’izina ly’Omukama Yezu Kristu. Aho nibamusaba aikareho nabo naku nke.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
First published in 1946 by the White Fathers. Published online with the permission of the White Fathers.