Itanguriro 14
14
Aburamu atabara Loti
1Muri ico gihe, haduka intambara muri ako karere. Amurafeli umwami w’i Shinari, Ariyoki umwami w’i Elasari, Kedolawoma umwami w’i Elamu na Tidali umwami w’i Goyimu; 2bose batera Bera umwami w’i Sodomu, Birusha umwami w’i Gomora, Shinabu umwami w’i Adima, Shemeberi umwami w’i Zeboyimu, n’umwami w’i Bela, ari ho Zowari. 3Abo bami batanu bagize urunani bashira inguvu zabo hamwe mu kiyaya ca Sidimu, ari co kiyaya c’Ikiyaga c’Umunyu. 4Bari bamaze imyaka icumi n’ibiri bakorera umwami Kedolawoma, maze mu mwaka ugira icumi na gatatu baramugarariza.
5Mu mwaka ugira icumi na kane, umwami Kedolawoma azanana n’abami bafatanije na we batera Abarefayimu i Ashiteroti-Karunayimu, n’Abazuzi i Hamu, n’Abamiti i Shave Kiriyatayimu, 6n’Abahori babaneshereza iwabo ku musozi Seyiri, babashitsa i Eliparani aho ubugaragwa bugarukira. 7Maze basubira inyuma baja ahitwa Eni-Mishipati, ari ho Kadeshi, bigarurira igihugu cose c’Abamaleki, hamwe n’ic’Abamori baba i Hazazoni-Tamari.
8Hanyuma umwami w’i Sodomu, uw’i Gomora, uw’i Adima, uw’i Zeboyimu n’uw’i Bela, ari ho i Zowari, barahagaruka baja hamwe bitegurira ingwano mu kiyaya c’i Sidimu 9bahangana na Kedolawoma umwami w’i Elamu, na Tidali umwami w’i Goyimu, na Amurafeli umwami w’i Shinari na Ariyoki umwami w’i Elasari; abo bami bane bahangana na batanu. 10Ikiyaya c’i Sidimu cari cuzuye ibinogo vyimbwemwo ikaburimbi, maze ingabo z’abami b’i Sodomu n’i Gomora bariko barahunga, bamwe muri bo bakorokera muri vya binogo, abandi na bo bahungira ku misozi. 11Nuko ba bami bane baratsinda, begeranya ubutunzi bwose bw’i Sodomu n’i Gomora, n’ivyimburwa vyabo vyose barabijana. 12Bajana na Loti wa muhungwabo na Aburamu yaba i Sodomu hamwe n’ivyiwe vyose.
13Umwe mu bari bacitse kw’icumu araza abibwira Aburamu Umuheburayo, yaba hafi y’ibiti binini vya Mamure Umumori, yavukana na Eshikoli na Aneri; kandi abo bari bafatanije na Aburamu. 14Aburamu yumvise ko umuhungwabo yagizwe imbohe, yegeranya abagabo amajana atatu na cumi n’umunani bavukiye iwe kandi bigishijwe ivyo kugwana, maze akurikira ba bami bane gushika i Dani. 15Ahashitse agabura abantu biwe mu migwi, abatera mw’ijoro; maze anesha abo bami, arabakurikirana gushika i Hoba mu buraruko bw’i Damasiko. 16Aburamu yegeranya ibintu vyose vyari vyibwe, agarukana n’umuhungwabo Loti hamwe n’ivyiwe vyose, n’abagore bose hamwe n’abandi bantu.
17Aburamu atabarutse ahejeje kunesha umwami Kedolawoma n’abami bari bafatanije, umwami w’i Sodomu aza kumusanganira mu kiyaya c’i Shave, ari co bita ikiyaya c’umwami.
18Maze Melekisedeki umwami w’i Salemu, akaba n’umuherezi w’Imana Musumbavyose amuzanira imikate n’umuvinyu. 19Ahezagira Aburamu avuga ati:
“Aburamu aragahezagirwa n’Imana Musumbavyose,
yaremye ijuru n’isi.
20Kandi iragahezagirwa Imana Musumbavyose,
yaguhaye kunesha abansi bawe.”
Nuko Aburamu aha Melekisedeki ica cumi c’ivyo yari afise vyose.
21Umwami w’i Sodomu abwira Aburamu ati: “Ndagusavye umpe abantu, ariko ugumane ibintu wagaruye.”
22Aburamu aramwishura ati: “Ndakurahiye imbere y’Uhoraho, Imana Musumbavyose, yaremye ijuru n’isi, 23ko ata kintu na kimwe cawe ntwara, n’aho koba akanyuzi canke umugozi w’ikirato, kugira ngo ntuzohave uvuga uti: ‘Ni jewe natungishije Aburamu.’ 24Jewe nta kintu na kimwe ntwara uretse ivyo abantu banje bariye. Ariko abo dufatanije Aneri, Eshikoli na Mamure barashobora kwakira imigabane yabo.”
ទើបបានជ្រើសរើសហើយ៖
Itanguriro 14: BKC
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bibiliya mu Kirundi coroshe™
Uburenganzira © 2021, 2025 bwa Biblica, Inc.
Vyakoreshejwe bitangiwe uruhusha.
Uburenganzira bwose kwʼisi yose ni ubwa Biblica.
Kirundi Contemporary Bible™
Copyright © 2021, 2025 by Biblica, Inc.
Used with permission. All rights reserved worldwide.
Itanguriro 14
14
Aburamu atabara Loti
1Muri ico gihe, haduka intambara muri ako karere. Amurafeli umwami w’i Shinari, Ariyoki umwami w’i Elasari, Kedolawoma umwami w’i Elamu na Tidali umwami w’i Goyimu; 2bose batera Bera umwami w’i Sodomu, Birusha umwami w’i Gomora, Shinabu umwami w’i Adima, Shemeberi umwami w’i Zeboyimu, n’umwami w’i Bela, ari ho Zowari. 3Abo bami batanu bagize urunani bashira inguvu zabo hamwe mu kiyaya ca Sidimu, ari co kiyaya c’Ikiyaga c’Umunyu. 4Bari bamaze imyaka icumi n’ibiri bakorera umwami Kedolawoma, maze mu mwaka ugira icumi na gatatu baramugarariza.
5Mu mwaka ugira icumi na kane, umwami Kedolawoma azanana n’abami bafatanije na we batera Abarefayimu i Ashiteroti-Karunayimu, n’Abazuzi i Hamu, n’Abamiti i Shave Kiriyatayimu, 6n’Abahori babaneshereza iwabo ku musozi Seyiri, babashitsa i Eliparani aho ubugaragwa bugarukira. 7Maze basubira inyuma baja ahitwa Eni-Mishipati, ari ho Kadeshi, bigarurira igihugu cose c’Abamaleki, hamwe n’ic’Abamori baba i Hazazoni-Tamari.
8Hanyuma umwami w’i Sodomu, uw’i Gomora, uw’i Adima, uw’i Zeboyimu n’uw’i Bela, ari ho i Zowari, barahagaruka baja hamwe bitegurira ingwano mu kiyaya c’i Sidimu 9bahangana na Kedolawoma umwami w’i Elamu, na Tidali umwami w’i Goyimu, na Amurafeli umwami w’i Shinari na Ariyoki umwami w’i Elasari; abo bami bane bahangana na batanu. 10Ikiyaya c’i Sidimu cari cuzuye ibinogo vyimbwemwo ikaburimbi, maze ingabo z’abami b’i Sodomu n’i Gomora bariko barahunga, bamwe muri bo bakorokera muri vya binogo, abandi na bo bahungira ku misozi. 11Nuko ba bami bane baratsinda, begeranya ubutunzi bwose bw’i Sodomu n’i Gomora, n’ivyimburwa vyabo vyose barabijana. 12Bajana na Loti wa muhungwabo na Aburamu yaba i Sodomu hamwe n’ivyiwe vyose.
13Umwe mu bari bacitse kw’icumu araza abibwira Aburamu Umuheburayo, yaba hafi y’ibiti binini vya Mamure Umumori, yavukana na Eshikoli na Aneri; kandi abo bari bafatanije na Aburamu. 14Aburamu yumvise ko umuhungwabo yagizwe imbohe, yegeranya abagabo amajana atatu na cumi n’umunani bavukiye iwe kandi bigishijwe ivyo kugwana, maze akurikira ba bami bane gushika i Dani. 15Ahashitse agabura abantu biwe mu migwi, abatera mw’ijoro; maze anesha abo bami, arabakurikirana gushika i Hoba mu buraruko bw’i Damasiko. 16Aburamu yegeranya ibintu vyose vyari vyibwe, agarukana n’umuhungwabo Loti hamwe n’ivyiwe vyose, n’abagore bose hamwe n’abandi bantu.
17Aburamu atabarutse ahejeje kunesha umwami Kedolawoma n’abami bari bafatanije, umwami w’i Sodomu aza kumusanganira mu kiyaya c’i Shave, ari co bita ikiyaya c’umwami.
18Maze Melekisedeki umwami w’i Salemu, akaba n’umuherezi w’Imana Musumbavyose amuzanira imikate n’umuvinyu. 19Ahezagira Aburamu avuga ati:
“Aburamu aragahezagirwa n’Imana Musumbavyose,
yaremye ijuru n’isi.
20Kandi iragahezagirwa Imana Musumbavyose,
yaguhaye kunesha abansi bawe.”
Nuko Aburamu aha Melekisedeki ica cumi c’ivyo yari afise vyose.
21Umwami w’i Sodomu abwira Aburamu ati: “Ndagusavye umpe abantu, ariko ugumane ibintu wagaruye.”
22Aburamu aramwishura ati: “Ndakurahiye imbere y’Uhoraho, Imana Musumbavyose, yaremye ijuru n’isi, 23ko ata kintu na kimwe cawe ntwara, n’aho koba akanyuzi canke umugozi w’ikirato, kugira ngo ntuzohave uvuga uti: ‘Ni jewe natungishije Aburamu.’ 24Jewe nta kintu na kimwe ntwara uretse ivyo abantu banje bariye. Ariko abo dufatanije Aneri, Eshikoli na Mamure barashobora kwakira imigabane yabo.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bibiliya mu Kirundi coroshe™
Uburenganzira © 2021, 2025 bwa Biblica, Inc.
Vyakoreshejwe bitangiwe uruhusha.
Uburenganzira bwose kwʼisi yose ni ubwa Biblica.
Kirundi Contemporary Bible™
Copyright © 2021, 2025 by Biblica, Inc.
Used with permission. All rights reserved worldwide.