Lûm 3
3
Zhə̀fè nə̀ ndò nâʼàpî èghɛ èkè zɛ ə È pì
1Zhəm a chûŋ kyîke nyi ndô se wùə sə nyi wùə Njûs tsɛ̂ wùə vɛ ə̀ va wùə Njûs mə? Sə̂ nyi mə se nam ə ghasènìghe chwîtə̀ va nâʼà ghɛ zhîze. 2Chùŋ ètsɨə nyîə nyi, zə shi e nyi nə ə̀ nyi ə ghənə əgho ə Zhə̀fè tè fo tom èchùŋ. 3Pîza ghɨ ə Njûs yîghe kɔʼsə̂ va Zhə̀fè endom vɛ ə ghənə tè tsɨ̀ne sə̂ kɔʼsə̂ ətəyn. Wùə kàʼa è pfɨf nə, “E za nyi nə se ghənə sə̂ nə̂ va ghɛ zɛ ə ghənə fe nyì sə̂ nə̂ chwìtə̀ nə Zhə̀fè tə pɔŋə nə̂ va ghɛ zɛ ə è tè tsɨ̀ne nə è tə nə̂ ndò ə?” 4E va zâ! Zhə̀fè nyîə zâŋsə̀ nə̂ èghɛ zɛ ə Fe nyi mə fə tsɨ̀nè, pi kə ghɨ msɔ̀ŋghe əkɨ̂m nyi əghɨ akaŋə. Ə nyàʼ ə ŋwàʼlè ə Fèzhə̀ nə,
“Ə ò pì ghɛze, ghɨə kyi ndô se fe nə ghɛ zɛ ə ò pì nyì səmɔʼ.
Ezhoghɛ ə saʼa gho, o saʼa endom vɛ ə ve nyi chichi.”
5Pîza, ezhoghɛ ze nyi nə ghɛ epi ghɛ ə ghâsènì nə̀ chwìtə̀ ndò àchûŋ nə Zhə̀fè tɔ̀ʼə̀ va wùə vîvè, ə ghâsènì tə pi nə ghɛə? E za nyi nə ghâsènì kàʼa pi nə Zhə̀fè ə nə̀yn tsas se pɔynsə ə ghâsènì ə ghâsènì ətə ə̀ghɛ ə pi ghɛ ə ghâsènì nə̂ ə? (M wâmnə̀ zɨnə̀ è kwaʼtè ə wùə m̀sɔ̀ŋze) 6E vachi zamə. Ə fe nyi nə Zhə̀fè nə̀ tsasə ndò ashìŋə̀ kɛ ə È saʼa, ə Fə sè nyi mə Fe kàʼa Fe saʼ zayn mbiə?
7Pîza ə ze nyi nə m wamə àkaŋ, e tyə̂nə̀ nə Zhə̀fè nyì səmɔʼ, endom kə ghɨə kaʼa fo èkɔʼsê se Vəyn, kûmə̀ ghè ə Fe sè pa saʼa mi kə wùə èpi ə? 8Nyiəmə, kùmə̀ ghè ə ghâsènì sè pîə nə, “Ə ghâsènì nəyn pi kə chùŋ kàʼa è payn ə ndaynə?” Ghɨ yîghe pîə ə̀ghɛ ə pighe kûmə̀ ghâsènì nə ghâsènì ə pì ghɛ zɨ̀yn. Zhə̀fè tə pɔynsə̂ ə̀ghɨ ghɛ ə pîə zamə endom vɛ ə ve nyi chichi.
Wùə chichi va nâʼà èmɔ̀ʼ
9Ghâsènì nə sè piə nə ghe? Ghàyn kwàʼtə̀ nə ghàs ghɨə Njûsə̀ tsɛ̀ ndò ghɨ ghɛ ə̀ va əghɨ Njûsghè mə? E vachi zamə nâʼà səkɔs. Mə kâynè tyəyn nə ghɨə Njûsghè è ghɨ ghɛ ə̀ va əghɨ ə Njûsghè nyi ke èghɨ etyə̂ atyaʼ əghɛ pike. 10Ə nyàʼ ə ŋwàʼlè ə Fèzhə̀ nə, “Wùə vîvè va chichi. Wùə va pî èmɔ̀ʼ ə è nyi chichi.
11Wùə vîvè va ə è fɛte ke səmɔʼ kûmə̀ Fèzhə̀,
wùə vîvè e va vɛ ə è sò mndyàyn se ke Fezhə̀.
12Ghɨghe əkɨ̂m ə tə Zhə̀fè.
Ghənə əkɨ̂m ə kə̀mnè kyi tsɨnè èpi.
Wùə se ghənə nə̂ va ghɛ zɛ ə ze nyi chichi. Nâʼà èmɔ̀ʼ ə ghənə ə fètəyn va.
13Ghɛ ghɛ ə ghe fɨə ə ghənə echo nyi ke kə eshyə̂ zɛ ə nyi ndɔ̀ʼɔ kɨl.
Ghənə lesə̂ ə̀ghɨ èndəm ə ghənə̂kè. Ghɛ ghɛ ə ghe fɨə pə̂ ə ghənə echo nyi ke kə mtɛ̂ mə àfim̀.
14Wâmnè epi zɛ ə ze fɨə ə ghənə echo nyi mə e lwiynkê elɔ̂ʼtè ətəyn.
15Ghənə nyîə tɨ̂mə̀ èwiyn se zhwi wùə.
16Ghənə tsɛ̂ pi ghayn, ə pofsə̂ èghɛ, nə̂ nə ghɨghe ə fe ngəʼ.
17Ghənə paʼà tyəmə̂ ke se ndam ə pɔ̂ynè è ghɨə mɔ̀ʼɔghe.
18Ghənə fânə̀ va Zhə̀fè nâʼà səkɔs.”
19Zôyn ghàs ə fe nə ghɛ ghɛ ə nyi mə ə nyàʼ ə ŋwàʼlè àlâŋ naynə̂ ə̀ghɨ ə̀kɨ̂m ghɛ ə tè fo lwɔ̂ŋ ətəyn sê ghənə. E za tyə̀ nə wùə vîvè vayn kaʼa è ŋaʼse cho ə vəynze se pì nə è və zhi saʼ, kɔ̀ŋə nyi wùə Njûs, kɔ̀ŋə nyi wùə vɛ ə̀ va wùə Njûs. Nâʼàpî ndè tə tyəmə̂ ə Zhə̀fè əshi. 20Ghàyn ke nə wùə vayn kàʼa è və nyi chichi ə Zhə̀fè əshi kûmə̀ nə è chùmtə̀ èghɛ zɛ ə lâŋkè pìə. Lâŋkè nyì ke sə̂ tyə̂nə̀ se ghɨə nə ghənə nyiə nə̂ pi.
Ə̀ nə̀ èpomə̂ kə ghɨghe ə nyi chichi ə Zhə̀fè ə shi
21Pîza, zôyn Zhə̀fè nyi mə Fə tyə̀yn ndom vɛ ə ghɨ kaʼa nyi chichi ə vəyn əshi. Ndom nə vɛ mə kiva ghɛ zhîze se nə̀yn è lâŋ ə Mosîskè. Lwɔ̂ŋ nə vɛ mə è fɨ̀aʼtèsè ə tə pì ghɛze kûmə̀ èndom nə vɛ mə sə shi. 22Ndom ətəynve nyi nə naʼapi ndè vɛ ə è pomə Njisə̀s Klâys, ə̀ tə nə̂ ə nyi vəyn chichi ə Zhə̀fè əshi. Kə wùə nyi wùə Njûs, kə wùə va pî, sə nɨŋ va ətəyn. 23Nâʼà ghɨghe əkɨ̂m ə nə̀yn pi, wùə vîvè kwəynə̂ va se kyî epomsê ə Fezhə̀zè. 24Təm əchûŋ ə Fezhə̀ghè ə nə̀yn, Zhə̀fè fe fe njî ghɨghe kə ghɨ chichighe. È və fo fùʼ ə vəynke kè sə ndô. È nəyn zamə kə Njisə̀s Klâys nyi mə È və fo ngɨŋə̂ Vəyn se sɔzà əghɨ ghɛ ə ghe pomə sê Vəyn. 25Zhə̀fè tè fo Vəyn kə emâʼte nə È kwu ə ghâsènì ətu. Ə ghɨə kyi lɛsè efo ə ghɛ pize kûmə̀ kə ghənə pomə sê Vəyn. Zhə̀fè tè nəyn zɨnə mə se tyə̀yn nə zhi nyi chichi. Ə̀ tè nyì sə shi, Zhə̀fè e kolə ə̀təm sê ghɨə Vəynghe, pɔynsə̂ va ghɨ ghɛ ə tè nə ghɛ əpighe. 26Pîza fa ashìŋə̀ è nyi mə È və tyə̀yn se ghɨghe nə È nyiə nə̂ ə̀ghɛ chichi, mə È və tyə̀yn se ghɨghe əkɨ̂m nə Zhi tə fiə ndò nâʼàpî ndè vɛ ə è pomə sê Njisə̀s.
27Kə ze nyi nyî, ghâsènì tsɔsə̀ àngàŋtè kûmə̀ ghè? E kiva sə̂ nyi zamə. Ə̀ nyi alâŋ àkè ə ke pîə zamə? Ghâsènì tsɔ̀sə̀ àngàŋtè kûmə̀ nə ghâsènì chùmtə̀ àlâŋə? Ngaŋngaŋ. Ghàs tsɔ̀sə̀ chîəva ngàŋtèkè kûmə̀ zɛmə pîza ə̀ nyi kûmə̀ èpomə̂ zɛ ə ghàs kyi sê Njisə̀s ə ze nə̂yn kə nyi mə ə sɔ̀zâ ghàs. 28Ghâsènì ə fe nə wùə nyi chichi ə Zhə̀fè ə shi kûmə̀ èpomə̂ ə vəyn sê Njisə̀s ə̀ vachi kûmə̀ è ndə̂m ə vəyn zə alàŋzè. 29Mə ghàyn kwàʼtə̀ nə Zhə̀fè nyì ke Fèzhə̀ fə ghɨə Njûsəfè ə? Piə nâʼà pî Vəyn nyi kepî Fezhə̀ fə ghɨ̀ ghɛ ə̀ va əghɨ ə Njûs ghə? E nyi zamə, È nyì kepî Fèzhə̀ fə ghɨ̀ ghɛ ə̀ va əghɨ ə Njûsghè. 30Zhə̀fè nyì ke fèmɔ̀ʼ. E za nyi nə È tə fiə ə̀ghɨ ghɛ ə nyi mə ə se nam ə ghənə̂ghè kə ghɨ ghɛ ə nyi chichi ezhoghɛ ə ghənə pomə se Njisə̀s Klâys. Ə̀ nyì kepî famə endom ə È tə njîə ghɨ ghɛ ə nyi mə ə paʼà se nam ə ghənə̂ghè ezhoghɛ ə ghənə pomə sê Njisə̀s. 31Ghâsènì nə̀ piə nə ghɛ zoə? E za nyi nə ghâsènì pî kə Zhə̀fè nyi mə Fe ə njì ghɨə kə ghɨə chichighe ə və shi, è kə ghənə nyi mə ə pomə̂ se Njisə̀s Klâys, e tyə̂ ndò nə kə ghɨ kɛse chûmtè àlâŋ mə? Ngaŋ e vachi za. Pîza ghɛ zɛ ə lâŋkè pìə, ə̀ nyi zəynze ə nâʼà ghàs tɔ̀ʼɔ̀.
ទើបបានជ្រើសរើសហើយ៖
Lûm 3: bfm
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lûm 3
3
Zhə̀fè nə̀ ndò nâʼàpî èghɛ èkè zɛ ə È pì
1Zhəm a chûŋ kyîke nyi ndô se wùə sə nyi wùə Njûs tsɛ̂ wùə vɛ ə̀ va wùə Njûs mə? Sə̂ nyi mə se nam ə ghasènìghe chwîtə̀ va nâʼà ghɛ zhîze. 2Chùŋ ètsɨə nyîə nyi, zə shi e nyi nə ə̀ nyi ə ghənə əgho ə Zhə̀fè tè fo tom èchùŋ. 3Pîza ghɨ ə Njûs yîghe kɔʼsə̂ va Zhə̀fè endom vɛ ə ghənə tè tsɨ̀ne sə̂ kɔʼsə̂ ətəyn. Wùə kàʼa è pfɨf nə, “E za nyi nə se ghənə sə̂ nə̂ va ghɛ zɛ ə ghənə fe nyì sə̂ nə̂ chwìtə̀ nə Zhə̀fè tə pɔŋə nə̂ va ghɛ zɛ ə è tè tsɨ̀ne nə è tə nə̂ ndò ə?” 4E va zâ! Zhə̀fè nyîə zâŋsə̀ nə̂ èghɛ zɛ ə Fe nyi mə fə tsɨ̀nè, pi kə ghɨ msɔ̀ŋghe əkɨ̂m nyi əghɨ akaŋə. Ə nyàʼ ə ŋwàʼlè ə Fèzhə̀ nə,
“Ə ò pì ghɛze, ghɨə kyi ndô se fe nə ghɛ zɛ ə ò pì nyì səmɔʼ.
Ezhoghɛ ə saʼa gho, o saʼa endom vɛ ə ve nyi chichi.”
5Pîza, ezhoghɛ ze nyi nə ghɛ epi ghɛ ə ghâsènì nə̀ chwìtə̀ ndò àchûŋ nə Zhə̀fè tɔ̀ʼə̀ va wùə vîvè, ə ghâsènì tə pi nə ghɛə? E za nyi nə ghâsènì kàʼa pi nə Zhə̀fè ə nə̀yn tsas se pɔynsə ə ghâsènì ə ghâsènì ətə ə̀ghɛ ə pi ghɛ ə ghâsènì nə̂ ə? (M wâmnə̀ zɨnə̀ è kwaʼtè ə wùə m̀sɔ̀ŋze) 6E vachi zamə. Ə fe nyi nə Zhə̀fè nə̀ tsasə ndò ashìŋə̀ kɛ ə È saʼa, ə Fə sè nyi mə Fe kàʼa Fe saʼ zayn mbiə?
7Pîza ə ze nyi nə m wamə àkaŋ, e tyə̂nə̀ nə Zhə̀fè nyì səmɔʼ, endom kə ghɨə kaʼa fo èkɔʼsê se Vəyn, kûmə̀ ghè ə Fe sè pa saʼa mi kə wùə èpi ə? 8Nyiəmə, kùmə̀ ghè ə ghâsènì sè pîə nə, “Ə ghâsènì nəyn pi kə chùŋ kàʼa è payn ə ndaynə?” Ghɨ yîghe pîə ə̀ghɛ ə pighe kûmə̀ ghâsènì nə ghâsènì ə pì ghɛ zɨ̀yn. Zhə̀fè tə pɔynsə̂ ə̀ghɨ ghɛ ə pîə zamə endom vɛ ə ve nyi chichi.
Wùə chichi va nâʼà èmɔ̀ʼ
9Ghâsènì nə sè piə nə ghe? Ghàyn kwàʼtə̀ nə ghàs ghɨə Njûsə̀ tsɛ̀ ndò ghɨ ghɛ ə̀ va əghɨ Njûsghè mə? E vachi zamə nâʼà səkɔs. Mə kâynè tyəyn nə ghɨə Njûsghè è ghɨ ghɛ ə̀ va əghɨ ə Njûsghè nyi ke èghɨ etyə̂ atyaʼ əghɛ pike. 10Ə nyàʼ ə ŋwàʼlè ə Fèzhə̀ nə, “Wùə vîvè va chichi. Wùə va pî èmɔ̀ʼ ə è nyi chichi.
11Wùə vîvè va ə è fɛte ke səmɔʼ kûmə̀ Fèzhə̀,
wùə vîvè e va vɛ ə è sò mndyàyn se ke Fezhə̀.
12Ghɨghe əkɨ̂m ə tə Zhə̀fè.
Ghənə əkɨ̂m ə kə̀mnè kyi tsɨnè èpi.
Wùə se ghənə nə̂ va ghɛ zɛ ə ze nyi chichi. Nâʼà èmɔ̀ʼ ə ghənə ə fètəyn va.
13Ghɛ ghɛ ə ghe fɨə ə ghənə echo nyi ke kə eshyə̂ zɛ ə nyi ndɔ̀ʼɔ kɨl.
Ghənə lesə̂ ə̀ghɨ èndəm ə ghənə̂kè. Ghɛ ghɛ ə ghe fɨə pə̂ ə ghənə echo nyi ke kə mtɛ̂ mə àfim̀.
14Wâmnè epi zɛ ə ze fɨə ə ghənə echo nyi mə e lwiynkê elɔ̂ʼtè ətəyn.
15Ghənə nyîə tɨ̂mə̀ èwiyn se zhwi wùə.
16Ghənə tsɛ̂ pi ghayn, ə pofsə̂ èghɛ, nə̂ nə ghɨghe ə fe ngəʼ.
17Ghənə paʼà tyəmə̂ ke se ndam ə pɔ̂ynè è ghɨə mɔ̀ʼɔghe.
18Ghənə fânə̀ va Zhə̀fè nâʼà səkɔs.”
19Zôyn ghàs ə fe nə ghɛ ghɛ ə nyi mə ə nyàʼ ə ŋwàʼlè àlâŋ naynə̂ ə̀ghɨ ə̀kɨ̂m ghɛ ə tè fo lwɔ̂ŋ ətəyn sê ghənə. E za tyə̀ nə wùə vîvè vayn kaʼa è ŋaʼse cho ə vəynze se pì nə è və zhi saʼ, kɔ̀ŋə nyi wùə Njûs, kɔ̀ŋə nyi wùə vɛ ə̀ va wùə Njûs. Nâʼàpî ndè tə tyəmə̂ ə Zhə̀fè əshi. 20Ghàyn ke nə wùə vayn kàʼa è və nyi chichi ə Zhə̀fè əshi kûmə̀ nə è chùmtə̀ èghɛ zɛ ə lâŋkè pìə. Lâŋkè nyì ke sə̂ tyə̂nə̀ se ghɨə nə ghənə nyiə nə̂ pi.
Ə̀ nə̀ èpomə̂ kə ghɨghe ə nyi chichi ə Zhə̀fè ə shi
21Pîza, zôyn Zhə̀fè nyi mə Fə tyə̀yn ndom vɛ ə ghɨ kaʼa nyi chichi ə vəyn əshi. Ndom nə vɛ mə kiva ghɛ zhîze se nə̀yn è lâŋ ə Mosîskè. Lwɔ̂ŋ nə vɛ mə è fɨ̀aʼtèsè ə tə pì ghɛze kûmə̀ èndom nə vɛ mə sə shi. 22Ndom ətəynve nyi nə naʼapi ndè vɛ ə è pomə Njisə̀s Klâys, ə̀ tə nə̂ ə nyi vəyn chichi ə Zhə̀fè əshi. Kə wùə nyi wùə Njûs, kə wùə va pî, sə nɨŋ va ətəyn. 23Nâʼà ghɨghe əkɨ̂m ə nə̀yn pi, wùə vîvè kwəynə̂ va se kyî epomsê ə Fezhə̀zè. 24Təm əchûŋ ə Fezhə̀ghè ə nə̀yn, Zhə̀fè fe fe njî ghɨghe kə ghɨ chichighe. È və fo fùʼ ə vəynke kè sə ndô. È nəyn zamə kə Njisə̀s Klâys nyi mə È və fo ngɨŋə̂ Vəyn se sɔzà əghɨ ghɛ ə ghe pomə sê Vəyn. 25Zhə̀fè tè fo Vəyn kə emâʼte nə È kwu ə ghâsènì ətu. Ə ghɨə kyi lɛsè efo ə ghɛ pize kûmə̀ kə ghənə pomə sê Vəyn. Zhə̀fè tè nəyn zɨnə mə se tyə̀yn nə zhi nyi chichi. Ə̀ tè nyì sə shi, Zhə̀fè e kolə ə̀təm sê ghɨə Vəynghe, pɔynsə̂ va ghɨ ghɛ ə tè nə ghɛ əpighe. 26Pîza fa ashìŋə̀ è nyi mə È və tyə̀yn se ghɨghe nə È nyiə nə̂ ə̀ghɛ chichi, mə È və tyə̀yn se ghɨghe əkɨ̂m nə Zhi tə fiə ndò nâʼàpî ndè vɛ ə è pomə sê Njisə̀s.
27Kə ze nyi nyî, ghâsènì tsɔsə̀ àngàŋtè kûmə̀ ghè? E kiva sə̂ nyi zamə. Ə̀ nyi alâŋ àkè ə ke pîə zamə? Ghâsènì tsɔ̀sə̀ àngàŋtè kûmə̀ nə ghâsènì chùmtə̀ àlâŋə? Ngaŋngaŋ. Ghàs tsɔ̀sə̀ chîəva ngàŋtèkè kûmə̀ zɛmə pîza ə̀ nyi kûmə̀ èpomə̂ zɛ ə ghàs kyi sê Njisə̀s ə ze nə̂yn kə nyi mə ə sɔ̀zâ ghàs. 28Ghâsènì ə fe nə wùə nyi chichi ə Zhə̀fè ə shi kûmə̀ èpomə̂ ə vəyn sê Njisə̀s ə̀ vachi kûmə̀ è ndə̂m ə vəyn zə alàŋzè. 29Mə ghàyn kwàʼtə̀ nə Zhə̀fè nyì ke Fèzhə̀ fə ghɨə Njûsəfè ə? Piə nâʼà pî Vəyn nyi kepî Fezhə̀ fə ghɨ̀ ghɛ ə̀ va əghɨ ə Njûs ghə? E nyi zamə, È nyì kepî Fèzhə̀ fə ghɨ̀ ghɛ ə̀ va əghɨ ə Njûsghè. 30Zhə̀fè nyì ke fèmɔ̀ʼ. E za nyi nə È tə fiə ə̀ghɨ ghɛ ə nyi mə ə se nam ə ghənə̂ghè kə ghɨ ghɛ ə nyi chichi ezhoghɛ ə ghənə pomə se Njisə̀s Klâys. Ə̀ nyì kepî famə endom ə È tə njîə ghɨ ghɛ ə nyi mə ə paʼà se nam ə ghənə̂ghè ezhoghɛ ə ghənə pomə sê Njisə̀s. 31Ghâsènì nə̀ piə nə ghɛ zoə? E za nyi nə ghâsènì pî kə Zhə̀fè nyi mə Fe ə njì ghɨə kə ghɨə chichighe ə və shi, è kə ghənə nyi mə ə pomə̂ se Njisə̀s Klâys, e tyə̂ ndò nə kə ghɨ kɛse chûmtè àlâŋ mə? Ngaŋ e vachi za. Pîza ghɛ zɛ ə lâŋkè pìə, ə̀ nyi zəynze ə nâʼà ghàs tɔ̀ʼɔ̀.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល