Mâk 7
7
Ezaʼlê əghɨ̀ ə mɨghe
(Matyò 15.1-9)
1Ghɨə Falàsî yîghe è tyə̀ynsè sə alàŋ shîse ə ndò ə Njèlusalɛ̀m ə pə̀ zùŋtə̀ ka ə Njisə̀s ə ngwùŋ se zɨtê sê vəyn, 2ə piə naynə̂ ndò, ə fe kə chùmtè epàm sə Njisə̀s shîse tè zhiə è gho ndɔ̀ʼɔ shu kè endom vɛ ə ghɨə Falàsî tè piə nə kyi sə̂ shûə ətəyn.
3-4Ghɨə Falàsî, è ghɨə Njûsə̀ əkɨ̂m tè chùmtə endam zɛ ə pɨ̀a ə ghənə̂ghè tè zaʼle ghənə ətəyn. Ə ghənə kwɨlə̂ elùʼ e pəʼləve, ə tàʼa zhi afɨa ndɔʼɔ shu wiynve kə ndam endaʼze tè tyə̀ynə, zhiə va nâʼàpî àfɨa kyîke ndɔ̀ʼɔ shu gho endom nə vɨ̂yn, fɨnə ndə̂mə̀ tèsaʼ tɛ ə te piə nə ə nə shùə sèwà, shuə sètɔ̀yn, shûə èkwaŋ, è keyntɨ̀lə̀sè kè kə ndam endaʼze tè tyə̀ynə.
5Ghɨə Falàsîə è tyə̀ynsè sə alàŋ sɛ, ə pfɨf sê Njisə̀s nə, “Kûmə̀ ghè ə chùmtè èpàm sɛse chûmtə̀ va zaʼlê ghə̀pɨ̀a ghâsènì ghə shiə tè fo sê ghasènìə? Ghənə zhiə è ghoghe ndɔ̀ʼɔ shu endom vɛ ə kyi sə̂ shûə.”
6Njisə̀s ə pə̀ynsə̀ ghənə nə, “Ghɨ ghɨ̂yn ə kaŋkaŋa nə̂ nyi. Fɨ̀aʼtè Èsayà tè tsàyn ke nâʼà tomə̀ Fezhə̀ kûmə̀ ghàyn kè kə nyâʼ nə:
‘Ghɨ ghɨynə kɔʼsə̂ kə mi èchoze,
pîza njiə va mi kə afɨa.
7Ghənə fe kə ngəʼ səndô,
piə nə ə ngɨmnə̂ mi,
kûmə̀ nə ghənə zaʼlə̂ ə̀ghɨ nə chumtə̀ èlwɔ̂ŋ, mə ə fɛte əghɨ,
ndə̀mə̀ nə ə̀ nyi elwɔ̂ŋ ə Fezhə̀vè.’
8Ghàyn ə maʼa lâŋ ə Fezhə̀kè, ə tɔ̀ʼɔ̀ kyiə kə èzaʼlê ə wûə m̀sɔ̀ŋze.”
9Njisə̀s ə fɨnə pîə nə, “Ghàyn tə alâŋ ə Fezhə̀kè endom etɔfəve kə ghàyn ke se kyiə endam endaʼ zaynze. 10Kûmə̀ nə Mosîs tè nyâʼ esaʼ ə Fezhə̀zè ə pìə nə, ‘Ngɨmne se pɛ̂ è nɛ̂ ə fɨnə pîə nə, ‘Ə̀ sôylə̀ pîndè pɨ̂a vəyn kə ə̀ nyì pî nyìə vəyn, ə kyi se zhwiə vəyn.’ 11Pîza, ghàyn zaʼlə̂ nə ə wùə kyi fɨake se fo sê pɨ̀a vəyn kɨ̀sə ə̀ nyi pî sê nyìə vəyn fɨnə kɛsə piə nə, ‘ə̀ nyi Kopàyn,’ (mə è za piə nə, ə̀ nyi afɨa ə Fezhə̀kè), 12è ve fɨyn kiva se fo afɨa ətəynke sê pɨ̀a vəyn kɨ̀sə nyìə vəyn. 13Ə̀ za nyi kə ghàyn pfɨ̀mə̀ wâmnè ə Fezhə̀zè ətəyn endom vɛ ə ghàyn zaʼlə ghɨghe ətəyn. Ghàyn nyîə nə̂ tèkyì tə ghɛ tə mɔ̀ʼɔte, te tsɨ̀ə kə nyi.”
Ghɛ ghɛ ə ghe nə̂ ghɨghe nyi èlɨŋze ə Zhə̀fè əshi
(Matyò 15.10-20)
14Njisə̀s ə wàmnə̀ zâ, ə fɨnə tɔŋnə̂ ànɔ̂yn ə ghɨ kɛ, ke ə pə̀, è və pìə sê ghənə nə, “Ghàyn zɨte ə ghàyn zɨ kê mi. 15-16Fɨake vayn kàʼa ke ndo pəyn ə pɨəyn ə ke nji ə wùə ewìyn ə ke nəyn vəyn nə è və zo va ə Zhə̀fè əshi. Pîza ə̀ nyi afɨa kɛ ə ke fɨə pə̂ ə wùə fètəyn ə ke nə̂ nə wùə ə zo va ə Zhə̀fè əshi”. #7.15-16 Ŋwàʼlè sə mɔ̀ʼɔ se nyi mə paʼse ndîŋə̀m 16: Ə̀ kyi pi ndè tɔfe, è və tɔ̀ʼɔ̀ zɨte eghɛ nə zɨ̂nə̀.
17Ə tè nyi kə Njisə̀s zà nɔ̂yn ə ghɨ̀ nə kɛ ə njiə ə ndɛ, chùmtè èpàm sə vəynse ə pìə sê vəyn nə è tsayn ghɛ zɛ ə ngàyn zɛ è mɛ̀ tsà. 18Njisə̀s ə pìə sê ghənə nə, “Ghàyn zɨə kê kə pi va kə ghɨ mɔ̀ʼɔ ghə? Ghàyn fe va nə fɨa kɛ ke njiə ə wùə ewìyn mə ke ndo pə̂yn ə pɨəyn nə va nə wùə ə fɨ̂mə̀ ə Zhə̀fè ə shiə?” 19“E nyi nyî kûmə̀ nə ə fɨake nji ə vəyn ewìyn, ə ke tàʼa ndù ə vəyn ətəm, ə ke nji ə tàʼa ndùə ə vəyn endwɔ̀ ə ke kɛse tsɛ fɨ ke ndò.” (Njisə̀s tè wàmne nyi se tyə̀yn nə nâʼà èfɨa zhiəve kɨ̂m nə̂ zo kwənə̂ se zhi.)
20È və pîə kwəynsə̂ nə, “Ə̀ nyi afɨa kɛ ə ke fɨ ə wùə ewìyn, ə ke nə̂ nə è və zo va ə Zhə̀fè əshi. 21Kwaʼtè epize fɨə ə wùə ewìyn, mə e ndo ə və təm, nə̂ nə è və mɔ̂mə̀ ə̀ghɛ əpighe, nə̂ nə è və chûmə̀ ə zəyn è ndômnə̀, chɔŋə, zhwiə ə̀ghɨ, 22nyîŋə̀ è zhwiə ə ghɨ̀ghè è ndôm ə ghɨ̀ghè, kyi əshi ə fɨə, kyi ə̀təm ə piə, lesə̂ ə̀ghɨ, ghomə va, ghə̂ʼə̀ ə̀ghɨ, ndə̀mə̀ kôghɔ̀ŋ, ghaŋsə̂ èwiyn, nə̂ ə̀ghɛ ango. 23Ghɛ nə ghɨ̂nə̀ ə̀kɨ̂m ə fɨə kə ə wùə ətəm, nə̂ nə è və zo va ə Zhə̀fè əshi.”
Epomə̂ ə wùzhɔyn vîvè
(Matyò 15.21-28)
24Njisə̀s ə ndwìə ndô fumə ə ndùə epɨ̀as endaʼ vɛ ə və tè nyì paʼsê se ndaʼa Tayà è Sindɔ̀nè, ə ndùə njiə ə ndɛ zhîzè kɔ̀ŋɔ̀ va nə wùə ə ke nə Zhi nyi fumə, ghɨghə pa kê kə ndò. 25Wùzhɔyn tè nyì fu, kyi vâyn èzhɔyn è kyi sèzuʼ sepise. Wùzhɔynə̂ ə̀təyn ə zɨə nə è nyi fumə ndɛ, ə pə̀ pfɨ̂ə kə ə vəyn ə əshi. 26Wùzhɔyn ə̀təyn tè nyi wùə Nglêk mə tè piə vəyn apàs endaʼa Silyà kɛ ə tè tɔŋtə nə Fònisìyà. Ə chyatə̂ Njisə̀s nə è chum fɨsê èpamə̂ ə satàyn nə zɛ ə vâ ə̀ vəyn ewìyn. 27Njisə̀s ə pìə sê vəyn nə, “Za ə pfɨte chi mmɨ̂ətə̀ sə shi kûmə̀ nə ze tsɔ̂fə̀ va nə ə nji fɨazhiə mmɨ̂ətə̀vè ə màʼa sê puse.”
28Wùzhɔyn ə̀təyn ə pomə̂ ə pìə sê vəyn nə, “M ke ndô nyiəmə ə Pɛ̂, pîza ke kepî nə puse nyiə tsɨsə̂ etyîə àlaŋ kɛ əmɨətə̀m zhiə ətəyn sə pɔŋtə̂ zhiə èpɨaʼle èfɨazhiəve!”
29Njisə̀s ə ke pì nə “kûmə̀ èwâmnè zɛ zɨ̂nə̀ ə ò wâmnè, ndo ò kwɨlə̂. Pamə̂ ə satàyn zɛ ə ze fə nyi ə vayn vɛ̂vè ewìyn ə ndò.”
30È və kwɨlə̂ ndûə fe vayn, è ve nyɨŋ ekwì, mə pamə̂ ə satàyn nə zɛ ə fɨ ə vəyn ewìyn.
Njisə̀s ə tsuʼ wùə, è ve zɨə va, tɔ̂ʼɔ̀ wàmnə̀ va
31Njisə̀s ə ndò apàs ə Tayàkè ə tɔynə̂ ə Sindɔ̀n, etipì ènjwì ə Ngalìlîvè, ə ndùə tsɛ̂ apàs ə tɔ̂ŋ ə setɔ̂ŋ sèghɨm sɛ ə tè tɔŋtə nə Ndìkapolìs. 32Ə pə̀ è wùə sê vəyn fu, mə è və kwùʼ è tɔʼ keva se wàmnè, e sè chyatə̂ Njisə̀s nə è ndəm ghoke ə vəyn ewìyn. 33Njisə̀s ə njìə ndô è vəyn ə nɔ̂ynkè ə fètəyn ə ndùə etipì kè yî vəyn ə̀pɛ̀. Ə tuŋə ndzɨsə ə̀ghɔ gho vəynghe ə wùə ə̀təyn etùŋne, ə fɨnə tsɨə m̀tɛ̂ ə kòmə̀ andəm ə wùə ətəynke, 34ə naynə̂ kɔʼsə̂ ekwùtwəyn, ə tɨ̀mnə̀, ə ke pì sê vəyn nə, “Efatà,” mə è za pìə nə, “Ŋaʼse!”
35Kè sə ashìŋə̀ è və zhə̀tə̀ se zɨ, ndəm ə vəynke ə zhə̀nə̀ è ve sè fɛtə̂ wamnə̀. 36Njisə̀s ə pìə sê ghɨ nə kə ghənə nə tsayn èghɛ ətəyn sê wùə. Pîza nâʼàpî zɨ̂yn ə è pì nə kə tsayn ghɛze, ghənə e pɨlə tɔ̀ʼɔ̀ tsâ ndùə kə ndò. 37Ə̀ zɨə nâʼàpî ndè, zhasə̂ kə ècho. Ghənə e pîə nə, “È nə̀ ə̀ghɛ kè nâʼà èghɨ. È nə̀ nâʼàpî ə̀ghɨ ghɛ ghe zɨə va, ghe zɨə, pi ghɛ ghe wamnə̀ va, ghe wâmnə.”
ទើបបានជ្រើសរើសហើយ៖
Mâk 7: bfm
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mâk 7
7
Ezaʼlê əghɨ̀ ə mɨghe
(Matyò 15.1-9)
1Ghɨə Falàsî yîghe è tyə̀ynsè sə alàŋ shîse ə ndò ə Njèlusalɛ̀m ə pə̀ zùŋtə̀ ka ə Njisə̀s ə ngwùŋ se zɨtê sê vəyn, 2ə piə naynə̂ ndò, ə fe kə chùmtè epàm sə Njisə̀s shîse tè zhiə è gho ndɔ̀ʼɔ shu kè endom vɛ ə ghɨə Falàsî tè piə nə kyi sə̂ shûə ətəyn.
3-4Ghɨə Falàsî, è ghɨə Njûsə̀ əkɨ̂m tè chùmtə endam zɛ ə pɨ̀a ə ghənə̂ghè tè zaʼle ghənə ətəyn. Ə ghənə kwɨlə̂ elùʼ e pəʼləve, ə tàʼa zhi afɨa ndɔʼɔ shu wiynve kə ndam endaʼze tè tyə̀ynə, zhiə va nâʼàpî àfɨa kyîke ndɔ̀ʼɔ shu gho endom nə vɨ̂yn, fɨnə ndə̂mə̀ tèsaʼ tɛ ə te piə nə ə nə shùə sèwà, shuə sètɔ̀yn, shûə èkwaŋ, è keyntɨ̀lə̀sè kè kə ndam endaʼze tè tyə̀ynə.
5Ghɨə Falàsîə è tyə̀ynsè sə alàŋ sɛ, ə pfɨf sê Njisə̀s nə, “Kûmə̀ ghè ə chùmtè èpàm sɛse chûmtə̀ va zaʼlê ghə̀pɨ̀a ghâsènì ghə shiə tè fo sê ghasènìə? Ghənə zhiə è ghoghe ndɔ̀ʼɔ shu endom vɛ ə kyi sə̂ shûə.”
6Njisə̀s ə pə̀ynsə̀ ghənə nə, “Ghɨ ghɨ̂yn ə kaŋkaŋa nə̂ nyi. Fɨ̀aʼtè Èsayà tè tsàyn ke nâʼà tomə̀ Fezhə̀ kûmə̀ ghàyn kè kə nyâʼ nə:
‘Ghɨ ghɨynə kɔʼsə̂ kə mi èchoze,
pîza njiə va mi kə afɨa.
7Ghənə fe kə ngəʼ səndô,
piə nə ə ngɨmnə̂ mi,
kûmə̀ nə ghənə zaʼlə̂ ə̀ghɨ nə chumtə̀ èlwɔ̂ŋ, mə ə fɛte əghɨ,
ndə̀mə̀ nə ə̀ nyi elwɔ̂ŋ ə Fezhə̀vè.’
8Ghàyn ə maʼa lâŋ ə Fezhə̀kè, ə tɔ̀ʼɔ̀ kyiə kə èzaʼlê ə wûə m̀sɔ̀ŋze.”
9Njisə̀s ə fɨnə pîə nə, “Ghàyn tə alâŋ ə Fezhə̀kè endom etɔfəve kə ghàyn ke se kyiə endam endaʼ zaynze. 10Kûmə̀ nə Mosîs tè nyâʼ esaʼ ə Fezhə̀zè ə pìə nə, ‘Ngɨmne se pɛ̂ è nɛ̂ ə fɨnə pîə nə, ‘Ə̀ sôylə̀ pîndè pɨ̂a vəyn kə ə̀ nyì pî nyìə vəyn, ə kyi se zhwiə vəyn.’ 11Pîza, ghàyn zaʼlə̂ nə ə wùə kyi fɨake se fo sê pɨ̀a vəyn kɨ̀sə ə̀ nyi pî sê nyìə vəyn fɨnə kɛsə piə nə, ‘ə̀ nyi Kopàyn,’ (mə è za piə nə, ə̀ nyi afɨa ə Fezhə̀kè), 12è ve fɨyn kiva se fo afɨa ətəynke sê pɨ̀a vəyn kɨ̀sə nyìə vəyn. 13Ə̀ za nyi kə ghàyn pfɨ̀mə̀ wâmnè ə Fezhə̀zè ətəyn endom vɛ ə ghàyn zaʼlə ghɨghe ətəyn. Ghàyn nyîə nə̂ tèkyì tə ghɛ tə mɔ̀ʼɔte, te tsɨ̀ə kə nyi.”
Ghɛ ghɛ ə ghe nə̂ ghɨghe nyi èlɨŋze ə Zhə̀fè əshi
(Matyò 15.10-20)
14Njisə̀s ə wàmnə̀ zâ, ə fɨnə tɔŋnə̂ ànɔ̂yn ə ghɨ kɛ, ke ə pə̀, è və pìə sê ghənə nə, “Ghàyn zɨte ə ghàyn zɨ kê mi. 15-16Fɨake vayn kàʼa ke ndo pəyn ə pɨəyn ə ke nji ə wùə ewìyn ə ke nəyn vəyn nə è və zo va ə Zhə̀fè əshi. Pîza ə̀ nyi afɨa kɛ ə ke fɨə pə̂ ə wùə fètəyn ə ke nə̂ nə wùə ə zo va ə Zhə̀fè əshi”. #7.15-16 Ŋwàʼlè sə mɔ̀ʼɔ se nyi mə paʼse ndîŋə̀m 16: Ə̀ kyi pi ndè tɔfe, è və tɔ̀ʼɔ̀ zɨte eghɛ nə zɨ̂nə̀.
17Ə tè nyi kə Njisə̀s zà nɔ̂yn ə ghɨ̀ nə kɛ ə njiə ə ndɛ, chùmtè èpàm sə vəynse ə pìə sê vəyn nə è tsayn ghɛ zɛ ə ngàyn zɛ è mɛ̀ tsà. 18Njisə̀s ə pìə sê ghənə nə, “Ghàyn zɨə kê kə pi va kə ghɨ mɔ̀ʼɔ ghə? Ghàyn fe va nə fɨa kɛ ke njiə ə wùə ewìyn mə ke ndo pə̂yn ə pɨəyn nə va nə wùə ə fɨ̂mə̀ ə Zhə̀fè ə shiə?” 19“E nyi nyî kûmə̀ nə ə fɨake nji ə vəyn ewìyn, ə ke tàʼa ndù ə vəyn ətəm, ə ke nji ə tàʼa ndùə ə vəyn endwɔ̀ ə ke kɛse tsɛ fɨ ke ndò.” (Njisə̀s tè wàmne nyi se tyə̀yn nə nâʼà èfɨa zhiəve kɨ̂m nə̂ zo kwənə̂ se zhi.)
20È və pîə kwəynsə̂ nə, “Ə̀ nyi afɨa kɛ ə ke fɨ ə wùə ewìyn, ə ke nə̂ nə è və zo va ə Zhə̀fè əshi. 21Kwaʼtè epize fɨə ə wùə ewìyn, mə e ndo ə və təm, nə̂ nə è və mɔ̂mə̀ ə̀ghɛ əpighe, nə̂ nə è və chûmə̀ ə zəyn è ndômnə̀, chɔŋə, zhwiə ə̀ghɨ, 22nyîŋə̀ è zhwiə ə ghɨ̀ghè è ndôm ə ghɨ̀ghè, kyi əshi ə fɨə, kyi ə̀təm ə piə, lesə̂ ə̀ghɨ, ghomə va, ghə̂ʼə̀ ə̀ghɨ, ndə̀mə̀ kôghɔ̀ŋ, ghaŋsə̂ èwiyn, nə̂ ə̀ghɛ ango. 23Ghɛ nə ghɨ̂nə̀ ə̀kɨ̂m ə fɨə kə ə wùə ətəm, nə̂ nə è və zo va ə Zhə̀fè əshi.”
Epomə̂ ə wùzhɔyn vîvè
(Matyò 15.21-28)
24Njisə̀s ə ndwìə ndô fumə ə ndùə epɨ̀as endaʼ vɛ ə və tè nyì paʼsê se ndaʼa Tayà è Sindɔ̀nè, ə ndùə njiə ə ndɛ zhîzè kɔ̀ŋɔ̀ va nə wùə ə ke nə Zhi nyi fumə, ghɨghə pa kê kə ndò. 25Wùzhɔyn tè nyì fu, kyi vâyn èzhɔyn è kyi sèzuʼ sepise. Wùzhɔynə̂ ə̀təyn ə zɨə nə è nyi fumə ndɛ, ə pə̀ pfɨ̂ə kə ə vəyn ə əshi. 26Wùzhɔyn ə̀təyn tè nyi wùə Nglêk mə tè piə vəyn apàs endaʼa Silyà kɛ ə tè tɔŋtə nə Fònisìyà. Ə chyatə̂ Njisə̀s nə è chum fɨsê èpamə̂ ə satàyn nə zɛ ə vâ ə̀ vəyn ewìyn. 27Njisə̀s ə pìə sê vəyn nə, “Za ə pfɨte chi mmɨ̂ətə̀ sə shi kûmə̀ nə ze tsɔ̂fə̀ va nə ə nji fɨazhiə mmɨ̂ətə̀vè ə màʼa sê puse.”
28Wùzhɔyn ə̀təyn ə pomə̂ ə pìə sê vəyn nə, “M ke ndô nyiəmə ə Pɛ̂, pîza ke kepî nə puse nyiə tsɨsə̂ etyîə àlaŋ kɛ əmɨətə̀m zhiə ətəyn sə pɔŋtə̂ zhiə èpɨaʼle èfɨazhiəve!”
29Njisə̀s ə ke pì nə “kûmə̀ èwâmnè zɛ zɨ̂nə̀ ə ò wâmnè, ndo ò kwɨlə̂. Pamə̂ ə satàyn zɛ ə ze fə nyi ə vayn vɛ̂vè ewìyn ə ndò.”
30È və kwɨlə̂ ndûə fe vayn, è ve nyɨŋ ekwì, mə pamə̂ ə satàyn nə zɛ ə fɨ ə vəyn ewìyn.
Njisə̀s ə tsuʼ wùə, è ve zɨə va, tɔ̂ʼɔ̀ wàmnə̀ va
31Njisə̀s ə ndò apàs ə Tayàkè ə tɔynə̂ ə Sindɔ̀n, etipì ènjwì ə Ngalìlîvè, ə ndùə tsɛ̂ apàs ə tɔ̂ŋ ə setɔ̂ŋ sèghɨm sɛ ə tè tɔŋtə nə Ndìkapolìs. 32Ə pə̀ è wùə sê vəyn fu, mə è və kwùʼ è tɔʼ keva se wàmnè, e sè chyatə̂ Njisə̀s nə è ndəm ghoke ə vəyn ewìyn. 33Njisə̀s ə njìə ndô è vəyn ə nɔ̂ynkè ə fètəyn ə ndùə etipì kè yî vəyn ə̀pɛ̀. Ə tuŋə ndzɨsə ə̀ghɔ gho vəynghe ə wùə ə̀təyn etùŋne, ə fɨnə tsɨə m̀tɛ̂ ə kòmə̀ andəm ə wùə ətəynke, 34ə naynə̂ kɔʼsə̂ ekwùtwəyn, ə tɨ̀mnə̀, ə ke pì sê vəyn nə, “Efatà,” mə è za pìə nə, “Ŋaʼse!”
35Kè sə ashìŋə̀ è və zhə̀tə̀ se zɨ, ndəm ə vəynke ə zhə̀nə̀ è ve sè fɛtə̂ wamnə̀. 36Njisə̀s ə pìə sê ghɨ nə kə ghənə nə tsayn èghɛ ətəyn sê wùə. Pîza nâʼàpî zɨ̂yn ə è pì nə kə tsayn ghɛze, ghənə e pɨlə tɔ̀ʼɔ̀ tsâ ndùə kə ndò. 37Ə̀ zɨə nâʼàpî ndè, zhasə̂ kə ècho. Ghənə e pîə nə, “È nə̀ ə̀ghɛ kè nâʼà èghɨ. È nə̀ nâʼàpî ə̀ghɨ ghɛ ghe zɨə va, ghe zɨə, pi ghɛ ghe wamnə̀ va, ghe wâmnə.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល