Деяния 6
6
Накмӣлӷӣт Каюткаҳқамың
1Тама̄ни аӷныӷни ухпықат нуляңулюки Грегыстун акузикаюгыт Иудеит сыӷлыӷьюкат, Еврейистун акузикаюгның Иудеяның, қаюҳлъяк угиңиӷаҳтӣтың аклъюкыхкӣтның тӯнля̄ӷигалъкаңит. Ынка̄м йӣлъхикӣт: «Аҳутаңа тамаҳа̄н уйыхтистыт палясқуҳа̄н тӯнақӣт хўаңкута угиңиӷапут». 2Тама̄кын апалъюқлъюку қуля ма̄лӷук сӣпнықлъюку апостолыт, қырңуҳлъюки ухпықат пикӣт: «Анахулъықукут пыхтыкумтыху уңипақилъыҳпут Кияӷныӷым акузитаңаның уйыхтистыңуҳналюта. 3Ухпықа̄лгутымнъи, тама̄кын апалъюқлъюку накмикитыки ма̄ӷраӷвинлык ю̄к пинилӷӣ, Аглыӷналӷӣгның Таӷныӷагның имиӷңалӷӣт, пыҳқинылӷӣт, уйыхтистыңлъяҳлъықапут. 4Таўатын пикумта хўаңкута апостолыни юӷа̄маңинаҳлъықукут, уңипақимаңинаҳлъықукут Кияӷныӷым уңипа̄мың».
5Ухпықат ыфқуқыхкӣт апостолыт агӷилъҳит. Ынка̄м накмикыхка̄т Стефан, ынңа̄талъ ухпықиңаҳлъяк Кияӷныӷмың, имиӷңалӷӣлъю Аглыӷналӷӣгның Таӷныӷагның. Накмикыхкӣтлъю Филиппылъю, Прохорылъю, Никанорылъю, Тимонылъю, Парменылъю ынка̄м Николайлъю язычник Антиохияӷмӣ Иудеястун манигӯсягуткақ. 6Та̄кут югыт тагиткӣт апостолытун юӷа̄ткысқылъюки, на̄сқўитхун ся̄флъюки юӷа̄ткыхкӣт.
7Кияӷныӷым уңипӣ миңисимаңинақӣт. Ынка̄м нуляка̄лӷӣт ухпықат Иерусалимыми, священнигылӷутытлъю илялгутңит ухпыҳтӯткат малигулъютың.
Тугукаңат Стефан
8Стефан каюсилъылыхлъягутминыңлъю, аҳтуӷьяҳқа̄нӷилъылыхлъягутминыңлъю Аглыӷналӷӣгның Таӷныӷагның алъя̄ҳлъюхўаҳтиҳлъяга̄тақақ. 9Та̄хкын иляңита Иудеит, Киринеяӷмӣңуялӷӣтлъю, Александрияӷмӣңуялӷӣтлъю а̄ҳтӣра̄ӷьяҳтуқа̄т Стефан. Та̄кут югыт синагогаңита а̄тқыфта̄: «Итымуткат Қыпҳаҳтыля̄ӷыт». Югыт Киликияӷмӣңуялӷӣтлъю, Асияӷмӣңуялӷӣтлъю иляткат та̄кунун. 10Иўырңа Стефан, Аглыӷналӷӣм Таӷныӷам пыҳқиныпихлъюку акузистыка̄ рыпалъ кӣмсиҳпагниңитка̄т. 11Тама̄кын апалъюқлъюку иляңи югыт аксяқлъюку акилыҳтуқӣт иқлъыңиқуткысқылъюку Стефан хўатын: «Нагаткақаҳпут сыӷлықӯқык Моисейемлъю, Кияӷнықлъю». 12Сӣванлъыӷытлъю, апыҳтуӷикаюгытлъю Лӣлиҳтӯсяның, иляңилъю югыт нагалъютың иқлъыңиқылъҳитның сякшитуткат. Та̄хкын а̄ҳтӣра̄ӷулъютың агля̄тка̄т Стефан агӷистынун. 13Та̄м киңуңаның югыт тагиткӣт агӷистынун иқлъыңиқуткысқылъюку Стефан. Пикат: «Стефаным қӯнпың сыӷлытун акузиткақа̄ Храм, Лӣлиҳтӯсятлъю Моисейем тӯныхкӣ хўаңкунъун. 14Нагаткақаҳпутлъю пилӷӣ Иисусымңуқ Назаретыӷмӣм на̄фқылъықа̄ Храм, алъяңуҳлъықа̄лъюңуқ кияҳта̄лъыҳпут Моисейем апыҳтӯтка̄ хўаңкунъун». 15Қамахлъютың таўанлыңӯт ысҳақа̄т Стефаным хина̄ кӯкхулъҳӣ яқулгым хина̄тун.
ទើបបានជ្រើសរើសហើយ៖
Деяния 6: ess2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022, Wycliffe Bible Translators, Inc. All rights reserved.
Деяния 6
6
Накмӣлӷӣт Каюткаҳқамың
1Тама̄ни аӷныӷни ухпықат нуляңулюки Грегыстун акузикаюгыт Иудеит сыӷлыӷьюкат, Еврейистун акузикаюгның Иудеяның, қаюҳлъяк угиңиӷаҳтӣтың аклъюкыхкӣтның тӯнля̄ӷигалъкаңит. Ынка̄м йӣлъхикӣт: «Аҳутаңа тамаҳа̄н уйыхтистыт палясқуҳа̄н тӯнақӣт хўаңкута угиңиӷапут». 2Тама̄кын апалъюқлъюку қуля ма̄лӷук сӣпнықлъюку апостолыт, қырңуҳлъюки ухпықат пикӣт: «Анахулъықукут пыхтыкумтыху уңипақилъыҳпут Кияӷныӷым акузитаңаның уйыхтистыңуҳналюта. 3Ухпықа̄лгутымнъи, тама̄кын апалъюқлъюку накмикитыки ма̄ӷраӷвинлык ю̄к пинилӷӣ, Аглыӷналӷӣгның Таӷныӷагның имиӷңалӷӣт, пыҳқинылӷӣт, уйыхтистыңлъяҳлъықапут. 4Таўатын пикумта хўаңкута апостолыни юӷа̄маңинаҳлъықукут, уңипақимаңинаҳлъықукут Кияӷныӷым уңипа̄мың».
5Ухпықат ыфқуқыхкӣт апостолыт агӷилъҳит. Ынка̄м накмикыхка̄т Стефан, ынңа̄талъ ухпықиңаҳлъяк Кияӷныӷмың, имиӷңалӷӣлъю Аглыӷналӷӣгның Таӷныӷагның. Накмикыхкӣтлъю Филиппылъю, Прохорылъю, Никанорылъю, Тимонылъю, Парменылъю ынка̄м Николайлъю язычник Антиохияӷмӣ Иудеястун манигӯсягуткақ. 6Та̄кут югыт тагиткӣт апостолытун юӷа̄ткысқылъюки, на̄сқўитхун ся̄флъюки юӷа̄ткыхкӣт.
7Кияӷныӷым уңипӣ миңисимаңинақӣт. Ынка̄м нуляка̄лӷӣт ухпықат Иерусалимыми, священнигылӷутытлъю илялгутңит ухпыҳтӯткат малигулъютың.
Тугукаңат Стефан
8Стефан каюсилъылыхлъягутминыңлъю, аҳтуӷьяҳқа̄нӷилъылыхлъягутминыңлъю Аглыӷналӷӣгның Таӷныӷагның алъя̄ҳлъюхўаҳтиҳлъяга̄тақақ. 9Та̄хкын иляңита Иудеит, Киринеяӷмӣңуялӷӣтлъю, Александрияӷмӣңуялӷӣтлъю а̄ҳтӣра̄ӷьяҳтуқа̄т Стефан. Та̄кут югыт синагогаңита а̄тқыфта̄: «Итымуткат Қыпҳаҳтыля̄ӷыт». Югыт Киликияӷмӣңуялӷӣтлъю, Асияӷмӣңуялӷӣтлъю иляткат та̄кунун. 10Иўырңа Стефан, Аглыӷналӷӣм Таӷныӷам пыҳқиныпихлъюку акузистыка̄ рыпалъ кӣмсиҳпагниңитка̄т. 11Тама̄кын апалъюқлъюку иляңи югыт аксяқлъюку акилыҳтуқӣт иқлъыңиқуткысқылъюку Стефан хўатын: «Нагаткақаҳпут сыӷлықӯқык Моисейемлъю, Кияӷнықлъю». 12Сӣванлъыӷытлъю, апыҳтуӷикаюгытлъю Лӣлиҳтӯсяның, иляңилъю югыт нагалъютың иқлъыңиқылъҳитның сякшитуткат. Та̄хкын а̄ҳтӣра̄ӷулъютың агля̄тка̄т Стефан агӷистынун. 13Та̄м киңуңаның югыт тагиткӣт агӷистынун иқлъыңиқуткысқылъюку Стефан. Пикат: «Стефаным қӯнпың сыӷлытун акузиткақа̄ Храм, Лӣлиҳтӯсятлъю Моисейем тӯныхкӣ хўаңкунъун. 14Нагаткақаҳпутлъю пилӷӣ Иисусымңуқ Назаретыӷмӣм на̄фқылъықа̄ Храм, алъяңуҳлъықа̄лъюңуқ кияҳта̄лъыҳпут Моисейем апыҳтӯтка̄ хўаңкунъун». 15Қамахлъютың таўанлыңӯт ысҳақа̄т Стефаным хина̄ кӯкхулъҳӣ яқулгым хина̄тун.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022, Wycliffe Bible Translators, Inc. All rights reserved.