Деяния 13
13
Варнавалъю, Савлалъю Накмикыхкыхкыт
1Антиохиями ухпықам иляңи ӯкналиқистыңуфтутлъю, апыҳтуӷистыңуфтутлъю. Та̄куңуфтут Варнава, Симеон, атилъқылӷӣ Нигерымың, Луций (Киринеямың пи), Манаил (аңлилгутаңа умӣлгым Иродым), Савлалъю. 2Манигӯсималюки Атаныӷмун, постамалюкилъю, Аглыӷналӷӣм Таӷныӷам пикӣ: «А̄фтыкык Варнавалъю, Савлалъю қаюҳлъяк накмикахка алъяның қыпҳақамың қыпҳӣсқылъюкык хўаңамнун». 3Та̄қсямың посталъыӷмыңлъю, юӷалъыӷмыңлъю ся̄флъюкык юӷа̄ткылъюкык аӷуляқыстыкахкыт.
Варнавалъю, Павелылъю Кипрыми
4-5Варнавалъю, Савлалъю Аглыӷналӷӣм Таӷныӷам каяхсистык, Селевкияткак кылъқылъюку Иоанн Марка каютңулюку. Тама̄кын аңьяҳпахкун қӣҳқамун Кипрымун пикат. Ка̄сямың Саламинымун синагогаңитни уңипақикат акузитаңаның Кияӷныӷым.
6Саламинымың иглыӷакат иңлюңанун қӣҳқам Пафымун ка̄тылъыӷмыхнун кынляңа. Тама̄ни налъяқа̄т ю̄к алигналӷӣ а̄тҳа ВарИисус, ӯкналиқыстысиӷўа̄қ, Иудея. 7Қӣҳқам Правителыңан Сергий Павелым илякумта̄ӷа. Сергий Павел пилъыхлъяк. Ақфастыкакык Варнавалъю, Савлалъю наганъалюки Кияӷныӷым акузитаңи. 8Иўырңа ВарИисусым алигналӷӣм, атқылгим Елимамың, а̄ҳтӣра̄қакык правитель ухпыӷнаюкан. (Атық Елима, Грегыстун хўатын писӣлӷӣ, алигналӷӣ.) 9Та̄хкын Савлам, а̄тқылӷӣм Павелымың, имиӷңалӷӣм Аглыӷналӷӣгның Таӷныӷагның, ысҳапахтуӷлюку алигналӷӣ 10пика̄: «Уюқ Туӷныӷа̄м иӷныӷа! Угумикан сяңўа̄ қамахлъюку пинилӷӣ. Иқлъыңасяхлъягӯтынлъю, сыӷлытунлъю пистыҳлъягӯтын. Та̄қнақынӷисикӣ иқлъыңиқусиқныӷмың Атанӷым апыҳтӯсӣ? 11Хўа̄ Атанӷым аӷью̄ӷнақа̄тын ая̄стымъың, ынка̄м ысҳа̄тылӷаҳтуӷна̄нӷитутын аӷныӷым ниӷуганың».
Таўаниңинақ Елимам ӣскык мамлыҳқўа̄как, ынка̄м тама̄ни ыфлъюӷўа̄ӷмың иваӷикақ китумун таслъюқӣсқылъюни. 12Правитель ухпықақ ысҳапаглюку таўатын пилӷӣ, сяӷӣӷаягутка̄лъю апыҳтӯсяқ Атаныӷмың аюқылӷӣ.
Павелылъю Антиохиялъҳӣт Писидиямылңуӷмун
13Павелылъю иглыӷалгуткулъҳӣт аңьяҳпахкун иглыҳтыкат Пафымың, Пергиямун Памфилиямылңуӷмун. Тама̄нлъюки Иоанн Маркым унилъюки Иерусалимымун утыӷниқақ. 14Та̄хкын Павелылъю Пергиямың, Антиохияткат Писидиямылңуӷмун. Субботаңуҳсягу синагогаңитнун итыӷлютың ақумыхкат. 15Иглыӷутистыңи синагогам, та̄қсямың атиҳтуныӷмың Лӣлиҳтӯсяныңлъю ӯкналиқистытлъю игақыхкӣтның, кывгақуткӣт Павелылъю хўатын писқылъюки: «Ухпықа̄лгутымнъи, уңипалгукуфси икнақсю̄гусиҳқамың ухпылъымнъун, ся̄қыстык акузитык».
16Та̄хкын Павел ныкывлюни апақумаӷми пикӣ: «Израилыӷмӣни, лъпысилъю язычнигни манигӯткаюгни Кияӷныӷмун, нагатыңъа! 17Хўаңкута Израилыӷмӣни манигуқамта Кияӷныӷым накмикыхкақӣ сивуныпут, нулястыҳлъякақӣлъю нуната̄ўақңата Египетми. Та̄кўаниңани қыпҳаҳтыля̄ӷуҳтыкат иўырңа Кияӷныӷым аҳтуӷьяҳқа̄нӷилъыҳлъягмикун аӷуляқуткақӣ Египетмың. 18Килга̄нилъюки қа̄ткутыпахлъянӷитыӷңа̄та лъңанун паниның афлъыңакыхкақӣ кытхўылъ югык ма̄лӷук аюмиқулъыӷни. 19Та̄хкын Кияӷныӷым на̄фқысямики та̄кут ма̄ӷраӷвинлык рамкыт Ханаанымылңӯт нунаксяқаңат пилӣтыстыкақа̄ сивунымнъун пагитақысқылъюку. 20Ынтақун ю̄к стамат югык ма̄лӷук қуля сӣпнықлъюкуңӯт аюмиқулъҳыт Кияӷныӷым накмикылъҳаның сивуныпут кынляңа нуна пилӣтылъҳитнун.
Та̄м киңуңаның нанқихтистыңыста̄тақақӣ иглыӷутысқылъюки кынляңа Самуил ӯкналиқиста иглыӷутистыка̄ҳтылъҳитнун. 21Та̄хкын умӣлыңьюўақңата Кияӷныӷым накмикыхкақа̄ Савла умӣлъкысқылъюку Кисам иӷныӷа, Вениаминым рамкыни пи. Умӣлгука̄гуқ югык ма̄лӷук аюмиқулъыӷни. 22Кияӷныӷым умӣлгунаниҳтысямигу Савла, Давид умӣлылӣтыстыка̄ лъңитнун. Кияӷныӷым акузиткыхкақа̄ хўатын: “Иессейем иӷныӷа Давид умӣлгуҳтысюгақа. Таўатылңуқ ю̄к пиюкақақа, қаюҳлъяк пияҳқақа̄ сяңўа̄ алңунак пиюкыхкақа”.
23Та̄кўаниңани Давидым киңунӷакун Кияӷныӷым акықилъыӷмитун алъхыҳтыстыкақа̄ Югулиӷиста Израилыӷмӣнун. Та̄на югулиӷиста Иисусыңӯқ. 24Иисусым сялин қыпҳақани пӣнлилъҳилъюку Иоанн уңипақика̄гуқ Израилыӷмӣнун хўатын: “Авутыҳқылъюси, сыӷлыҳқынъаниӷлюси, крестиӷитык”. 25Иоанным қыпҳақани та̄қсяҳтуңыстаӷлюку пика̄гуқ: “Кинаңунилюңа пӣқыстыңъа? Хўаңаңунӷитуқ утақакаҳси. Киңумның тагияҳқа̄гуқ а̄ңыҳлъялӷӣ, рыпалъ хўаңа пининӷитуңа сиңӣнун итымтистыңулюңа”.
26Ухпықа̄лгутымни, Авраамым киңунӷитни, язычнигнилъю манигӯткаюгни Кияӷныӷмун, та̄на уңипа̄ югулилъҳым хўаңкунъун пиңӯқ! 27Иерусалимыӷмӣт иглыӷутистыкулъҳӣт налъюкыхкақа̄т Иисус Югулиӷистыңутаңа, қайўа Суббота тамаҳа̄н нагатыӷңа̄ӷмыхтыки ӯкналиқистыт игақыхкӣт. Нақам ӯкналиқистыт игақыхкӣт апыӷӣқақӣт агӷиткақңамыхтыху Иисус туқунъалюку. 28Та̄ўа лыган тымңи апалъӣтыӷңа̄н туқутусиҳқамың Пилатымун туқутысқыхкақа̄т. 29Лыган Акузитыт Игақыхкат пинақнилъҳистун пикақа̄т. Та̄хкын қақӯрамың атыҳлъюку лъӣфқақа̄т, 30иўырңа Кияӷныӷым уңуваҳтыстыкақа̄ туқулъыӷмың. 31Та̄м киңуңаның иглыӷалгуткыхкӣта Иисусым Галилеямың, Иерусалимымун ысҳаӷа̄тақақа̄т қафсиныгьягни аӷныӷни. Лъңаңут уңипалӷӣт юмнъун ысҳа̄манилюку Иисус уңувалюку.
32Хўатын пика̄гут: “Уңипа̄тамси Пинилӷӣның Уңипаның Кияӷныӷым акықусяқыхка̄ның сивунымнъун. 33Апыӷӣӷума̄ акықусяни хўаңкунъун киңунӷитнун, уңуваҳтыстылъыӷмикун Иисус туқулъыӷмың”. Кияӷнық пика̄гуқ хўатын Псалом малӷугани:
“Лъпык Иӷнықамкын,
аӷныӷми хўани Аталӣтаҳпыңа”.
34Кияӷныӷым уңуваҳтыстыкақа̄ Иисус туқулъыӷмың ынка̄ңам алъямыңлъю туқуна̄нӷитуқ аӷью̄ӷьяҳқа̄люни. Ынка̄м Кияӷнық пика̄гуқ:
“Аглыӷналӷӣт акықусяқыхканка Давидымун ипапыста̄қ қуястисиқылъықанка лъпысинун”.
35Иляңани Псалмым Кияӷнық пика̄гуқ:
“Аглыӷналӷӣн аӷусна̄нӷитақа лъивыӷми”.
36Давидым уңувалъыӷмини атуқыхкақа̄ Кияӷныӷым пиюкылъҳа. Та̄хкын қаваӷьян қуңуқақа̄т сивунӷан ся̄ӷўитхун, югусӣ аӷука̄гуқ лъивыӷми. 37Иўырңа та̄на Кияӷныӷым уңуваҳтыстыка̄ туқулъыӷмың аӷумаңитуқ. 38Ухпықа̄лгутымни, лъпысинун лӣтысқысюгақа Иисусыкун югыт сыӷлыҳқылъҳит сыӷывутылъыңыхкаюгӯт. Та̄ната уңипақыхкыхка лъпысинун. 39Қа̄ткутылъҳым Моисейем Лӣлиҳтӯсӣтхун кина алңунак итымунъа̄нӷита̄ сыӷлыҳқылъҳаның, иўырңа китум алңунак ухпықыхкумигу Иисус, итымусяҳқа̄гуқ тамаҳа̄ның сыӷлыҳқылъыӷминың. 40-41Кияӷнық пика̄гуқ ӯкналиқистытхун хўатын:
“Нагатык лъпыси айгуӷиталӷӣни.
Ся̄қыстык сяӷӣӷаюглюси туқутык,
қаюҳлъяк уңуваңулюси сялъықуңа иўырңа ухпықна̄нӷитаҳси талўа китум уңипа̄тыӷңӣси”.
Кылыңалюси, лю̄рақ таўатын пинаюкафси».
42Павелылъю, Варнавалъю синагогамың а̄нумалюкык алъя тагисқыхкахкыт тӯңлиҳа̄ни Субботам, ўата уңипиқутысқылъютың. 43А̄нлыӷа̄сямың Иудеялӷутытлъю, язычнигылӷутытлъю манигӯткаюгыт Кияӷныӷмун Иудеястун, малигуткат Павелынкугнун, Варнаванкугнун. Апостолык кайымыхкӣк кияҳтыкыстӣсқылъюки сиӷимаклъюку Кияӷныӷым наңлъыхталъҳа.
44Тӯңлиҳа̄ни Субботам қамахтывзиӷлютың Антиохияӷмӣт нагася̄ткат Атанӷым уңипа̄мың. 45Иудеит ақинакат ысҳаӷьямыхтыки юлӷутыҳлъягыт ынка̄м Павел кипулъхинақа̄т, сыӷлықыхка̄тлъю. 46Иўырңа Павелылъю, Варнавалъю тытухпынаки Иудеит пикӣк: «Кияӷныӷым уңипа̄ лъпысинун сивуклъюни апыӷьяҳқа̄яҳтуқ иўырңа нагасюгумаңитуси. Кияӷныӷым уңипа̄ иҳсякыхкақутыхпысиның, паляқыхка̄тыхпысиныңлъю кынлыңилңуӷмың уңувалъыңылъыҳқаҳпысиның, хўа̄ язычнигнун уңипақинақукут Кияӷныӷым уңипа̄мың. 47Таўатын пӣкут қаюҳлъяк Атанӷым қылъқақӣлъю хўатын:
“Накмикыхкақамси ниӷугулюси язычнигнун,
а̄пҳысқылъюку югулилъық нунатаҳа̄нун тамаҳа̄нун”».
48Язычнигыт нагақуӷлюки та̄кут акузитыт қуяҳлъякат, пика̄лӷӣтлъю: «Кияӷныӷым уңипа̄ пинӣпихтуқ». Тама̄кут Кияӷныӷым накмикыхкӣ кынлыңилңуӷмың уңувалъыңысқылъюки ухпықикат уңипа̄мың.
49Ынка̄м тама̄ни Антиохиями, увитаңанилңуӷнилъю нунани Атанӷым уңипа̄ миңиткақ. 50Иўырңа Иудеит такукӣт язычнигыт аӷнӣт манигӯткаюгыт Кияӷныӷмун, иглыӷутистыңилъю Антиохиям на̄вгӯнъалюкык Павелылъю, Варнавалъю. Тама̄кын апалъюқлъюку амью̄ткыхкахкыт та̄кук югык, аӷуляқыстыкахкытлъю нунамыхның. 51Ынка̄м апостолык итыгатынь пагуляңиқӣт кылгунъалюку пыхнилюки кипулъхина̄лӷӣт Кияӷныӷым уңипа̄мың. Та̄хкын Икониямун аӷуляқыхкақ. 52Иўырңа тама̄кут ухпықат Антиохиямылңӯт қуяңаҳлъягытлъю, имиӷңалӷӣтлъю Аглыӷналӷӣгның Таӷныӷагның.
ទើបបានជ្រើសរើសហើយ៖
Деяния 13: ess2
គំនូសចំណាំ
ចែករំលែក
ចម្លង

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022, Wycliffe Bible Translators, Inc. All rights reserved.
Деяния 13
13
Варнавалъю, Савлалъю Накмикыхкыхкыт
1Антиохиями ухпықам иляңи ӯкналиқистыңуфтутлъю, апыҳтуӷистыңуфтутлъю. Та̄куңуфтут Варнава, Симеон, атилъқылӷӣ Нигерымың, Луций (Киринеямың пи), Манаил (аңлилгутаңа умӣлгым Иродым), Савлалъю. 2Манигӯсималюки Атаныӷмун, постамалюкилъю, Аглыӷналӷӣм Таӷныӷам пикӣ: «А̄фтыкык Варнавалъю, Савлалъю қаюҳлъяк накмикахка алъяның қыпҳақамың қыпҳӣсқылъюкык хўаңамнун». 3Та̄қсямың посталъыӷмыңлъю, юӷалъыӷмыңлъю ся̄флъюкык юӷа̄ткылъюкык аӷуляқыстыкахкыт.
Варнавалъю, Павелылъю Кипрыми
4-5Варнавалъю, Савлалъю Аглыӷналӷӣм Таӷныӷам каяхсистык, Селевкияткак кылъқылъюку Иоанн Марка каютңулюку. Тама̄кын аңьяҳпахкун қӣҳқамун Кипрымун пикат. Ка̄сямың Саламинымун синагогаңитни уңипақикат акузитаңаның Кияӷныӷым.
6Саламинымың иглыӷакат иңлюңанун қӣҳқам Пафымун ка̄тылъыӷмыхнун кынляңа. Тама̄ни налъяқа̄т ю̄к алигналӷӣ а̄тҳа ВарИисус, ӯкналиқыстысиӷўа̄қ, Иудея. 7Қӣҳқам Правителыңан Сергий Павелым илякумта̄ӷа. Сергий Павел пилъыхлъяк. Ақфастыкакык Варнавалъю, Савлалъю наганъалюки Кияӷныӷым акузитаңи. 8Иўырңа ВарИисусым алигналӷӣм, атқылгим Елимамың, а̄ҳтӣра̄қакык правитель ухпыӷнаюкан. (Атық Елима, Грегыстун хўатын писӣлӷӣ, алигналӷӣ.) 9Та̄хкын Савлам, а̄тқылӷӣм Павелымың, имиӷңалӷӣм Аглыӷналӷӣгның Таӷныӷагның, ысҳапахтуӷлюку алигналӷӣ 10пика̄: «Уюқ Туӷныӷа̄м иӷныӷа! Угумикан сяңўа̄ қамахлъюку пинилӷӣ. Иқлъыңасяхлъягӯтынлъю, сыӷлытунлъю пистыҳлъягӯтын. Та̄қнақынӷисикӣ иқлъыңиқусиқныӷмың Атанӷым апыҳтӯсӣ? 11Хўа̄ Атанӷым аӷью̄ӷнақа̄тын ая̄стымъың, ынка̄м ысҳа̄тылӷаҳтуӷна̄нӷитутын аӷныӷым ниӷуганың».
Таўаниңинақ Елимам ӣскык мамлыҳқўа̄как, ынка̄м тама̄ни ыфлъюӷўа̄ӷмың иваӷикақ китумун таслъюқӣсқылъюни. 12Правитель ухпықақ ысҳапаглюку таўатын пилӷӣ, сяӷӣӷаягутка̄лъю апыҳтӯсяқ Атаныӷмың аюқылӷӣ.
Павелылъю Антиохиялъҳӣт Писидиямылңуӷмун
13Павелылъю иглыӷалгуткулъҳӣт аңьяҳпахкун иглыҳтыкат Пафымың, Пергиямун Памфилиямылңуӷмун. Тама̄нлъюки Иоанн Маркым унилъюки Иерусалимымун утыӷниқақ. 14Та̄хкын Павелылъю Пергиямың, Антиохияткат Писидиямылңуӷмун. Субботаңуҳсягу синагогаңитнун итыӷлютың ақумыхкат. 15Иглыӷутистыңи синагогам, та̄қсямың атиҳтуныӷмың Лӣлиҳтӯсяныңлъю ӯкналиқистытлъю игақыхкӣтның, кывгақуткӣт Павелылъю хўатын писқылъюки: «Ухпықа̄лгутымнъи, уңипалгукуфси икнақсю̄гусиҳқамың ухпылъымнъун, ся̄қыстык акузитык».
16Та̄хкын Павел ныкывлюни апақумаӷми пикӣ: «Израилыӷмӣни, лъпысилъю язычнигни манигӯткаюгни Кияӷныӷмун, нагатыңъа! 17Хўаңкута Израилыӷмӣни манигуқамта Кияӷныӷым накмикыхкақӣ сивуныпут, нулястыҳлъякақӣлъю нуната̄ўақңата Египетми. Та̄кўаниңани қыпҳаҳтыля̄ӷуҳтыкат иўырңа Кияӷныӷым аҳтуӷьяҳқа̄нӷилъыҳлъягмикун аӷуляқуткақӣ Египетмың. 18Килга̄нилъюки қа̄ткутыпахлъянӷитыӷңа̄та лъңанун паниның афлъыңакыхкақӣ кытхўылъ югык ма̄лӷук аюмиқулъыӷни. 19Та̄хкын Кияӷныӷым на̄фқысямики та̄кут ма̄ӷраӷвинлык рамкыт Ханаанымылңӯт нунаксяқаңат пилӣтыстыкақа̄ сивунымнъун пагитақысқылъюку. 20Ынтақун ю̄к стамат югык ма̄лӷук қуля сӣпнықлъюкуңӯт аюмиқулъҳыт Кияӷныӷым накмикылъҳаның сивуныпут кынляңа нуна пилӣтылъҳитнун.
Та̄м киңуңаның нанқихтистыңыста̄тақақӣ иглыӷутысқылъюки кынляңа Самуил ӯкналиқиста иглыӷутистыка̄ҳтылъҳитнун. 21Та̄хкын умӣлыңьюўақңата Кияӷныӷым накмикыхкақа̄ Савла умӣлъкысқылъюку Кисам иӷныӷа, Вениаминым рамкыни пи. Умӣлгука̄гуқ югык ма̄лӷук аюмиқулъыӷни. 22Кияӷныӷым умӣлгунаниҳтысямигу Савла, Давид умӣлылӣтыстыка̄ лъңитнун. Кияӷныӷым акузиткыхкақа̄ хўатын: “Иессейем иӷныӷа Давид умӣлгуҳтысюгақа. Таўатылңуқ ю̄к пиюкақақа, қаюҳлъяк пияҳқақа̄ сяңўа̄ алңунак пиюкыхкақа”.
23Та̄кўаниңани Давидым киңунӷакун Кияӷныӷым акықилъыӷмитун алъхыҳтыстыкақа̄ Югулиӷиста Израилыӷмӣнун. Та̄на югулиӷиста Иисусыңӯқ. 24Иисусым сялин қыпҳақани пӣнлилъҳилъюку Иоанн уңипақика̄гуқ Израилыӷмӣнун хўатын: “Авутыҳқылъюси, сыӷлыҳқынъаниӷлюси, крестиӷитык”. 25Иоанным қыпҳақани та̄қсяҳтуңыстаӷлюку пика̄гуқ: “Кинаңунилюңа пӣқыстыңъа? Хўаңаңунӷитуқ утақакаҳси. Киңумның тагияҳқа̄гуқ а̄ңыҳлъялӷӣ, рыпалъ хўаңа пининӷитуңа сиңӣнун итымтистыңулюңа”.
26Ухпықа̄лгутымни, Авраамым киңунӷитни, язычнигнилъю манигӯткаюгни Кияӷныӷмун, та̄на уңипа̄ югулилъҳым хўаңкунъун пиңӯқ! 27Иерусалимыӷмӣт иглыӷутистыкулъҳӣт налъюкыхкақа̄т Иисус Югулиӷистыңутаңа, қайўа Суббота тамаҳа̄н нагатыӷңа̄ӷмыхтыки ӯкналиқистыт игақыхкӣт. Нақам ӯкналиқистыт игақыхкӣт апыӷӣқақӣт агӷиткақңамыхтыху Иисус туқунъалюку. 28Та̄ўа лыган тымңи апалъӣтыӷңа̄н туқутусиҳқамың Пилатымун туқутысқыхкақа̄т. 29Лыган Акузитыт Игақыхкат пинақнилъҳистун пикақа̄т. Та̄хкын қақӯрамың атыҳлъюку лъӣфқақа̄т, 30иўырңа Кияӷныӷым уңуваҳтыстыкақа̄ туқулъыӷмың. 31Та̄м киңуңаның иглыӷалгуткыхкӣта Иисусым Галилеямың, Иерусалимымун ысҳаӷа̄тақақа̄т қафсиныгьягни аӷныӷни. Лъңаңут уңипалӷӣт юмнъун ысҳа̄манилюку Иисус уңувалюку.
32Хўатын пика̄гут: “Уңипа̄тамси Пинилӷӣның Уңипаның Кияӷныӷым акықусяқыхка̄ның сивунымнъун. 33Апыӷӣӷума̄ акықусяни хўаңкунъун киңунӷитнун, уңуваҳтыстылъыӷмикун Иисус туқулъыӷмың”. Кияӷнық пика̄гуқ хўатын Псалом малӷугани:
“Лъпык Иӷнықамкын,
аӷныӷми хўани Аталӣтаҳпыңа”.
34Кияӷныӷым уңуваҳтыстыкақа̄ Иисус туқулъыӷмың ынка̄ңам алъямыңлъю туқуна̄нӷитуқ аӷью̄ӷьяҳқа̄люни. Ынка̄м Кияӷнық пика̄гуқ:
“Аглыӷналӷӣт акықусяқыхканка Давидымун ипапыста̄қ қуястисиқылъықанка лъпысинун”.
35Иляңани Псалмым Кияӷнық пика̄гуқ:
“Аглыӷналӷӣн аӷусна̄нӷитақа лъивыӷми”.
36Давидым уңувалъыӷмини атуқыхкақа̄ Кияӷныӷым пиюкылъҳа. Та̄хкын қаваӷьян қуңуқақа̄т сивунӷан ся̄ӷўитхун, югусӣ аӷука̄гуқ лъивыӷми. 37Иўырңа та̄на Кияӷныӷым уңуваҳтыстыка̄ туқулъыӷмың аӷумаңитуқ. 38Ухпықа̄лгутымни, лъпысинун лӣтысқысюгақа Иисусыкун югыт сыӷлыҳқылъҳит сыӷывутылъыңыхкаюгӯт. Та̄ната уңипақыхкыхка лъпысинун. 39Қа̄ткутылъҳым Моисейем Лӣлиҳтӯсӣтхун кина алңунак итымунъа̄нӷита̄ сыӷлыҳқылъҳаның, иўырңа китум алңунак ухпықыхкумигу Иисус, итымусяҳқа̄гуқ тамаҳа̄ның сыӷлыҳқылъыӷминың. 40-41Кияӷнық пика̄гуқ ӯкналиқистытхун хўатын:
“Нагатык лъпыси айгуӷиталӷӣни.
Ся̄қыстык сяӷӣӷаюглюси туқутык,
қаюҳлъяк уңуваңулюси сялъықуңа иўырңа ухпықна̄нӷитаҳси талўа китум уңипа̄тыӷңӣси”.
Кылыңалюси, лю̄рақ таўатын пинаюкафси».
42Павелылъю, Варнавалъю синагогамың а̄нумалюкык алъя тагисқыхкахкыт тӯңлиҳа̄ни Субботам, ўата уңипиқутысқылъютың. 43А̄нлыӷа̄сямың Иудеялӷутытлъю, язычнигылӷутытлъю манигӯткаюгыт Кияӷныӷмун Иудеястун, малигуткат Павелынкугнун, Варнаванкугнун. Апостолык кайымыхкӣк кияҳтыкыстӣсқылъюки сиӷимаклъюку Кияӷныӷым наңлъыхталъҳа.
44Тӯңлиҳа̄ни Субботам қамахтывзиӷлютың Антиохияӷмӣт нагася̄ткат Атанӷым уңипа̄мың. 45Иудеит ақинакат ысҳаӷьямыхтыки юлӷутыҳлъягыт ынка̄м Павел кипулъхинақа̄т, сыӷлықыхка̄тлъю. 46Иўырңа Павелылъю, Варнавалъю тытухпынаки Иудеит пикӣк: «Кияӷныӷым уңипа̄ лъпысинун сивуклъюни апыӷьяҳқа̄яҳтуқ иўырңа нагасюгумаңитуси. Кияӷныӷым уңипа̄ иҳсякыхкақутыхпысиның, паляқыхка̄тыхпысиныңлъю кынлыңилңуӷмың уңувалъыңылъыҳқаҳпысиның, хўа̄ язычнигнун уңипақинақукут Кияӷныӷым уңипа̄мың. 47Таўатын пӣкут қаюҳлъяк Атанӷым қылъқақӣлъю хўатын:
“Накмикыхкақамси ниӷугулюси язычнигнун,
а̄пҳысқылъюку югулилъық нунатаҳа̄нун тамаҳа̄нун”».
48Язычнигыт нагақуӷлюки та̄кут акузитыт қуяҳлъякат, пика̄лӷӣтлъю: «Кияӷныӷым уңипа̄ пинӣпихтуқ». Тама̄кут Кияӷныӷым накмикыхкӣ кынлыңилңуӷмың уңувалъыңысқылъюки ухпықикат уңипа̄мың.
49Ынка̄м тама̄ни Антиохиями, увитаңанилңуӷнилъю нунани Атанӷым уңипа̄ миңиткақ. 50Иўырңа Иудеит такукӣт язычнигыт аӷнӣт манигӯткаюгыт Кияӷныӷмун, иглыӷутистыңилъю Антиохиям на̄вгӯнъалюкык Павелылъю, Варнавалъю. Тама̄кын апалъюқлъюку амью̄ткыхкахкыт та̄кук югык, аӷуляқыстыкахкытлъю нунамыхның. 51Ынка̄м апостолык итыгатынь пагуляңиқӣт кылгунъалюку пыхнилюки кипулъхина̄лӷӣт Кияӷныӷым уңипа̄мың. Та̄хкын Икониямун аӷуляқыхкақ. 52Иўырңа тама̄кут ухпықат Антиохиямылңӯт қуяңаҳлъягытлъю, имиӷңалӷӣтлъю Аглыӷналӷӣгның Таӷныӷагның.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022, Wycliffe Bible Translators, Inc. All rights reserved.