Деяния 11
11
Петырым А̄пқаңи Корнилийем Ухпықанун Иерусалимыми
1Апостолынилъю, ухпықатлъю Иудеямылңӯт нагақуқӣт язычнигыт ухпықуманилюки Кияӷныӷым акузитаңи. 2Петр ка̄сян Иерусалимымун, Иудеит ухпықат обрезанияӷиюкат язычнигыт ухпықӣтның сыӷлықӯқа̄т Петр, пика̄т: 3«Сяңан обрезаниямаңилңӯт итыӷвиклъюки ныңитнун ныӷылгусиҳсики?» 4Лӣгикысқылъюки Петырым ысҳаӷўа̄лъыӷминың кынляңа а̄пқа̄ сяңўа̄ қамахлъюку апыӷӣқақ.
5«Иоппиями юӷа̄малюңа ысҳаӷўа̄қа̄гуңа. Ысҳаӷақа қӣпаӷаҳлъяхсюгни стаматхун тыкышқа̄кун укихтыкаңат қилягмың хўаңамнун. 6Таўавык ювӷӣӷўа̄ӷьяқыхка имақыфтуқ алъя̄ҳӣнаӷның тыӷикусяның, пресмыкающеесяның, қаўа̄гның тыңа̄каюгның. 7Та̄хкын ма нагақуӷақа хўатын пилӷӣ: “Петр, макылъютын туқутилютын ныӷи!” 8Иўырңа кӣмсиӷақа: “Йыӷлыгилъю Атанық! Ныӷигатанка тама̄кут укмаңинъыӷилңӯт нықыт ӣнӷуткат”.
9Мым пиля̄таӷа̄ңа қилягмың: “Кияӷныӷым укмаңиқақӣ тама̄кут, укмаңинъыӷинъилюки сюмыҳтаӷа̄ткысяҳқақынӷитатын”. 10Таўатын пика̄гуқ пиңаюның кытхўылъ. Та̄хкын қамахлъютың та̄кут ага қилягмун маю̄тақутлъю, 11хўа̄ югыт пиңают ка̄тут тукумнун, кывга̄фтут хўаңамнун Кесариямың. 12Аглыӷналӷӣм Таӷныӷам қақилъқафқа̄ма малихтысқӣ. Укутлъю аӷвинлык югыт ухпықа̄лгутыпут малигутут Иоппиямың Кесариямун. Ка̄лъюта Корнилийенкунун итыӷа̄тукут. 13Корнилийем а̄пҳа̄ яқулыгмың ысҳа̄тылъыни нымини, яқулгымңуқ хўатын пӣ: “Иоппиямун ақфастигу ю̄к а̄тқылӷӣ Симон Петырымың. 14Уңипа̄лъықӣси ныңлъюгуткулъҳӣни натын югулилъыңылъыҳқамың”. 15Ынка̄м акузӣқуңалъю Аглыӷналӷӣм Таӷныӷам Ӣтҳӣ таўатыңўа̄қ хўаңкунъун итылъыӷмитун Пятидесятницам Аӷныӷани. 16Та̄хкын нықаңуӷақа Атанӷым пилъҳа хўатын: “Иоанн крестиӷиляқа̄гуқ мыҳқун, иўырңа лъпыси крестиҳлъықуси Аглыӷналӷӣгныкун Таӷныӷагныкун”. 17Ынка̄м Кияӷныӷым тӯнумакаки язычнигыт та̄хкын ата̄симың тунусямың тӯныхкаминың хўаңкунъун ухпықақңамтыху Атанық Иисус Христос, хўаңа кинаңузиңа аӷулӣҳнақсяҳқа̄люку Кияӷнық таўатын пилъҳаның язычнигнун?»
18Таўатын Петырым пийистың қалъыгнаниӷлютың, йыӷлыги усюқыхка̄т Кияӷнық. Пикат: «Та̄ўа лӣгикаҳпут Кияӷныӷым талўа язычнигыт пилъыҳқалисимакаңи авутыҳқысқылъюки сыӷлыҳқылъҳитның, уңувалъыңысқылъюкилъю кынлыңилңуӷмың уңувалъыӷмың!»
Ухпықат Антиохиямылңӯт
19Стефаным туқутылъҳа кынлыклъюку Иудеит амью̄ткыхкӣт ухпықат, ынка̄м анакат Иерусалимымың. Аӷуляқӯткат кынляңа Финикиямун, Кипрымун, Антиохиямунлъю. Иглыӷуткылъюку уңипақыхкӣт Пинилӷӣт Уңипат Иудеяңинаҳаӷнун. 20Иўырңа иляңи ухпықат Кипрымыңлъю, Киринеямыңлъю Антиохияткат, ка̄лъютың уңипақыхка̄т Атанық Иисус талўа Иудеяңунӷилңуӷнун. 21Атанӷым аҳтуӷьяҳқа̄нӷилъҳа лъңитнитка̄лӷӣ, ынка̄м угляпыста̄қ ю̄к ухпыҳтӯлъюни қӣвӯткақ Атаныӷмун.
22Ухпықат Иерусалимымылңӯт нагалъюку Петр, Варнава каяхтыка̄т Антиохиямун. 23-24Ка̄сялӷӣми угля̄пихлъыӷӣ ю̄к ухпыҳтӯлъюни аюқыфтуқ, ынка̄м қуяҳлъякақ қаюҳлъяк лӣгикыхка̄ Кияӷныӷым пиниқиңалъыҳлъяга югнун. Варнава пинилӷӣңулӷӣ ю̄к, имиӷңаҳлъяклъю Аглыӷналӷӣгның Таӷныӷагның, ухпықилъылыхлъяклъю. Та̄хкын алъяңуҳтыфқӣта ата̄сӣӷмытыкыстӣсқыхкӣ Атаныӷмун. Ўатақа̄ӷақ иляңиталъю югыт ухпықыхка̄т Атанық.
25Та̄хкын Варнавам Савля иваӷьяҳтуқа̄ Тарсымун. 26На̄лъкысямигу кылъқыхка̄ Антиохиямун. Ата̄сиқ аюмиқулъық тама̄нтылъыӷмыгни илятақлъютык ухпықанун апыҳтуӷикақ юлӷутыҳлъягнун. Тама̄ни Антиохиями ухпықат атиӷьюхўа̄қӣт: «Христианиныт».
27Тама̄ни иляңи ӯкналиқистым Иерусалимымың Антиохиямун тагикат. 28Ата̄сиқ Агавыңуфтуқ, ныкывлюни ӯкналиқыхкақ Таӷныӷагныкун нықаңисяхлъягнақнилюку тамаңани. Та̄ўа нықаңисяхлъякақ Клавдий Умӣлыхпига̄люку. 29Ухпықат ухпықа̄лгутытың Иудеямылңӯт каюсиӷьюкӣт пикатуталмыгыстун. 30Ынка̄м қырңуҳтилютың манимың туюӷикат пресвитерынун Иерусалимымылңуӷнун Варнавакун, Савлыкун.
ទើបបានជ្រើសរើសហើយ៖
Деяния 11: ess2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2022, Wycliffe Bible Translators, Inc. All rights reserved.
