ରୋମୀ 8
8
ପାବିତାର୍ ଆତ୍ମାଘି ଦ୍ୱାର୍ନୁ ଜୀବନ୍
1ହୁଦ୍ଘିଲାଗାନ୍ ଆକ୍କୁନ୍ ଏକାର୍ ଯୀଶୁ ଖ୍ରୀସ୍ତ୍ସ୍କି ମିଆଁ ବିଶ୍ୱାସ୍ କାମ୍ନାଏ ଆବ୍ଡ଼ାରିନ୍ ପାର୍ମେଶ୍ୱାର୍ସ୍ ଦୋଷୀ ମା କାମ୍ଦାସ୍। (ଏନ୍ଦେର୍ଗେକା ଆବ୍ଡ଼ାର୍ ଶରୀର୍ଘି ଲେଖା ମାଲ୍ଲା ବରନ୍ ପାବିତାର୍ ଆତ୍ମାଘି ଲେଖା ଚାଲ୍ର୍ନାଏ) 2ଏନ୍ଦେର୍ଗେକା ଯୀଶୁ ଖ୍ରୀସ୍ତ୍ସ୍କି ଦ୍ୱାର୍ନୁ ଜୀବନ୍ ଚିନାବାଲା ଆତ୍ମା ପାପ୍ ଆରୁ ମରନ୍ଘି ନିୟମ୍ତି ଛୁଟ୍କାରା କାମ୍ଚେଇଚ୍କିଚି। 3ପାର୍ମେଶ୍ୱାର୍ସ୍କି ଦ୍ୱାର୍ନୁ ଚିଚ୍ଚକା ନିୟମ୍ ଶାସ୍ତ୍ର ମୁନୁଷ୍ଘି ପାପ୍ ସାଭାବ୍ଘି କାରଣ୍ତି, ନିଜର୍ନୁ କମ୍ଜୋର୍ ମାନିକିରି କାମାପଲ୍ଲାଦିନ୍ ଆବନ୍ ପାର୍ମେଶ୍ୱାର୍ସ୍ ନିଜର୍ ହାଦ୍ଦୁସିନ୍ ଅଣ୍ଟା ମୁନୁଷ୍ ରୂପ୍ନୁ ଇ ଦୁନିଆଁନୁ ତାଇୟିକିରି ପାପ୍ଘି ଲାଗାନ୍ ବଲୀଦାନ୍ କାମ୍ଚାସ୍। ଇଦ୍ଘି ଲେଖା ପାର୍ମେଶ୍ୱାର୍ସ୍ ମୁନୁଷ୍ର୍ଘି ଶରୀର୍ନୁ ପାପ୍ବନ୍ ଦଣ୍ଡ୍ ଚିଚ୍ଚଚାସ୍। 4ହୁଦ୍ଘିଲାଗାନ୍ ନାମ୍ ନିୟମ୍ଘି ରୀତିନୁ ନାହ୍ମାଏ ଶରୀର୍ଘି ଲେଖା ମାଲ୍ଲା ବରନ୍ ପାବିତାର୍ ଆତ୍ମାଘି ଲେଖା ଚାଲ୍ରିକିରି ପୁରା କାମ୍କେ। 5-6ଏନ୍ଦେର୍ଗେକା ଏକା ଆଲାର୍ ପାପ୍ନୁ ଚାଲ୍ର୍ନାଏ, ଆବ୍ଡ଼ାର୍ ପାପ୍ କାମ୍ନାଘି ବାରେ ସୋଚ୍ନାଏ ଆବ୍ଡ଼ାର୍ଗେ ଆତ୍ମିକ୍ ମରନ୍ ମାନିଦ୍ ଲେକିନ୍ ଏକାର୍ ପାବିତାର୍ ଆତ୍ମାଘି ଲେଖା ଚାଲ୍ର୍ନାଏ ଆବ୍ଡ଼ାର୍ ପାବିତାର୍ ଆତ୍ମାଦ୍ ଏକାନ୍ ତେଙ୍ଗିଦ୍ ଆବନ୍ କାମ୍ନାଏ ଆବ୍ଡ଼ାର୍ଗେ ସବୁଦିନ୍ତା ଜୀବନ୍ ଆରୁ ଶାନ୍ତି ହାଖ୍ଖରି। 7ପାପ୍ ସଭାବ୍ଘି ଅଧିନ୍ନୁ ରାଇକିରି ଚାଲ୍ର୍ନା ପାର୍ମେଶ୍ୱାର୍ସ୍କି ବିରୁଦ୍ଧ୍, ଇ ପାର୍ମେଶ୍ୱାର୍ସ୍କି ନିୟମ୍ଘି ଅଧିନ୍ନୁ ମା ମାନି ଆରୁ ନା ମାନାଅଙ୍ଗ। 8ହୁଦ୍ଘିଲାଗାନ୍ ଏକା ଆଲାର୍ ତାହ୍ମା ପାପ୍ ସାଭାବ୍ଘି ଅଧିନ୍ନୁ ରାଇକିରି ଜୀବନ୍ ବିତାବାନାଏ, ଆବ୍ଡ଼ାର୍, ପାର୍ମେଶ୍ୱାର୍ସ୍ସିନ୍ ଖୁସ୍ କାମା ପଲ୍ଲନାଇନ୍।
9ଯଦି ପାର୍ମେଶ୍ୱାର୍ସ୍କି ଆତ୍ମା ସତ୍ତୁନିନ୍ ନିହ୍ମାଏନୁ ରାଇ ତା ନିମ୍ ଜାମାର୍ ନିଜର୍ ପାପ୍ ସଭାବ୍ତି ମାଲ୍ଲା ବରନ୍ ପାବିତାର୍ ଆତ୍ମାତି ଚାଲ୍ର୍ଦାର୍। ଏକା ଆଲାସ୍କିନୁ ଖ୍ରୀସ୍ତ୍ଘି ଆତ୍ମା ମା ରାଇ ତା ଆସ୍ ଖ୍ରୀସ୍ତ୍କି ମାଲ୍ଦାସ୍। 10ଆରୁ ଯଦି ଖ୍ରୀସ୍ତ୍ସ୍ ନିହ୍ମାଏନୁ ରାଦାସ୍। ତା ପାପ୍ଘି ଲାଗାନ୍ ନିହ୍ମା ଶରୀର୍ କେଚ୍ଚା କେର୍କିଚି ଲେକିନ୍ ନିମ୍ ପାର୍ମେଶ୍ୱାର୍ସ୍କି ନଜର୍ନୁ ନିର୍ଦ୍ଦୋଷ୍ ଠାହ୍ରା କେରା ହୁଦ୍ଘିଲାଗାନ୍ ନିହ୍ମା ଆତ୍ମାଦ୍ ଉଜ୍ଜାଲିଦ୍। 11ଯଦି ପାର୍ମେଶ୍ୱାର୍ସ୍କି ଆତ୍ମା ଏକାସ୍ ଯୀଶୁସିନ୍ କେଚ୍ଚକାସ୍ତି ଉଜ୍ଜତାଚା, ଆ ଆତ୍ମାଦ୍ ନିହ୍ମାଏନୁ ରାଇ ଏକାସ୍ ଖ୍ରୀସ୍ତ୍ସିନ୍ କେଚ୍ଚକାନ୍ତି ଉଜ୍ଜତାଚାସ୍, ଆ ଆତ୍ମାଘି ଦ୍ୱାର୍ନୁ ଏକାଦ୍ ନିହ୍ମାଏନୁ ରାଇ, ନିହ୍ମାଏ କେଚ୍ଚକା ଶରୀର୍ବନ୍ହି ଜୀବନ୍ ଚସ୍।
12ହୁଦ୍ଘିଲାଗାନ୍ ହେ ଭାଇ ବୁହୁଣୀଜାମାରୋ, ପାପ୍ ସାଭାବ୍ଘି ନାହ୍ମା ମିଆଁ ଏନ୍ଦେର୍ହି ହକ୍ ମାଲ୍ଲାଦିନ୍ ନାମ୍ ଆଦ୍ଘି ଅଧିନ୍ନୁ ରାଇକିରି ଜୀବନ୍ ମା ବିତାବାଦାତ୍। 13ଏନ୍ଦେର୍ଗେକା ନିମ୍ ପାପ୍ ସାଭାବ୍ଘି ଅଧିନ୍ନୁ ରାଇକିରି ଚାଲ୍ରର୍ ତା ଖିଅର୍। ଲେକିନ୍ ନିମ୍ ପାବିତାର୍ ଆତ୍ମାଘି ଦ୍ୱାର୍ନୁ ପାପ୍ ସାଭାବ୍ବନ୍ ଖତମ୍ କାମର୍ଚର୍ ତା ନିମ୍ ଉଜ୍ଜର୍କର୍। 14ହୁଦ୍ଘିଲାଗାନ୍ ଯେତ୍କ ଆଲାର୍ ପାର୍ମେଶ୍ୱାର୍ସ୍କି ଆତ୍ମାଘି ଅନୁସାର୍ ଚାଲ୍ର୍ନାଏ। ଆବ୍ଡ଼ାର୍ ପାର୍ମେଶ୍ୱାର୍ସ୍କି ହାଦ୍ଦୁବଚ୍ଚର୍। 15ନିମ୍ ଏଲ୍ଚ୍ନାଘି ଆତ୍ମା ମାଲ୍ଲା ହାଖ୍ଖୁର୍ ଲେକିନ୍ ନିମ୍ ପାର୍ମେଶ୍ୱାର୍ସ୍କି ଆତ୍ମା ହାକ୍କାଦାର୍ ଯେତ୍କବାକେନ୍ ଆସ୍ ନିମାନ୍ ତାଙ୍ଘାଏ ନିଜର୍ ହାଦ୍ଦୁସ୍ ଲେଖା ବାଲ୍ପୋଷ୍ କାମ୍ଚ୍କାଦାସ୍। ହୁଦ୍ଘିଲାଗାନ୍ ନାମ୍ ଆସିନ୍ ବୁଆ, ବାଙ୍ଗ୍ ବୁଲି ମେହଁଦାତ୍। 16ପାବିତାର୍ ଆତ୍ମାଦ୍ ନାହ୍ମା ଆତ୍ମାନ୍ ତେଙ୍ଗିଦ୍ କା ନାମ୍ ପାର୍ମେଶ୍ୱାର୍ସ୍କି ହାଦ୍ଦୁବଚ୍ଚତ୍। 17ଯଦି ନାମ୍ ପାର୍ମେଶ୍ୱାର୍ସ୍କି ହାଦ୍ଦୁବଚ୍ଚତ୍ ତା ନାମ୍ ଆସ୍କି ସମ୍ପତ୍ତିଘି ହକ୍ଦାର୍ତ୍ହି। ଆରୁ ନାମ୍ ଖ୍ରୀସ୍ତ୍ଗାନେ ନାମ୍ହି ସମ୍ପତ୍ତିଘି ହକ୍ଦାର୍। ଯଦି ନାମ୍ ଆସ୍ଗାନେ ଦୁଃଖୁ ତକ୍ଲିପ୍ ସାହତ୍ତା ନାମାଗେ ଆସ୍ଗାନେ ମାହିମାବନ୍ହି ହାଖ୍ଖତ୍।
ନାହ୍ମା ଭବିଷତ୍ତା ମାହିମା
18ଏନ୍ଦେର୍ଗେକା ଏନ୍ ଆହାଲ୍ଦାନ୍ କା ଆକ୍କୁନ୍ ନାମ୍ ଏକା ଦୁଃଖୁ ତକ୍ଲିପ୍ ହାଖ୍ଖାଲ୍ଦାତ୍ ଆଦ୍ ଭବିଷତ୍ନୁ ଏକା ମାଇନ୍ ନାମାଗେ ହାଖ୍ଖରୋ, ଆଦ୍ଘି ତୁଲ୍ନାନୁ ଆକ୍କୁନ୍ ତା ଇ ଦୁଃଖୁଦ୍ ଏନ୍ଦେର୍ହି ମାଲ୍ଲିଦ୍। 19ଖାଲି ମୁନୁଷ୍ ଜାତି ମାଲ୍ଲା ଲେକିନ୍ ଜାମା ସିର୍ଜାଚ୍କା ଜିନିଷ୍ ଏକାନ୍ କା ପାର୍ମେଶ୍ୱାର୍ସ୍ ସିର୍ଜାଚ୍କାଦାସ୍ ଆବ୍ଡ଼ାର୍ ଆଶ୍ରାତି ଭବିଷତ୍ନୁ ଏକାର୍ ପାର୍ମେଶ୍ୱାର୍ସ୍କି ଅସଲ୍ ହାଦ୍ଦୁବଚ୍ଚର୍ ଆହ୍ତାରୋ। ଆ ଉଲ୍ଲାନ୍ ଆଶ୍ରା ଏରାଲ୍ନାଏ। 20ଜାମା ସୃଷ୍ଟି ଇ ଦୁନିଆଁଦ୍ ବେକାର୍ଘି ଅଧିନ୍ ମାନ୍ଚାକେର୍କିଚି, ଇ ନିଜର୍ ଇଚ୍ଛାତି ମାଲ୍ଲା ବରନ୍ ଆସ୍କି ଇଚ୍ଛାତି ଏକାସ୍ ଆବନ୍ ତାଙ୍ଘା ଅଧିନ୍ନୁ ସିର୍ଜାଚ୍କାଦାସ୍। 21ଇ ଆଶ୍ରା ରାଇ କା ଜାମା ସୃଷ୍ଟି ନିଜର୍ ନାଶ୍ଘି ଗୁତ୍ତିୟାତି ଛୁଟ୍କାରା ହାଖ୍ଖୀକିରି ପାର୍ମେଶ୍ୱାର୍ସ୍କି ହାଦ୍ଦୁର୍ ଖ୍ରୀସ୍ତ୍ସ୍ଘି ମୁକ୍ତିନ୍ ହାଖ୍ଖର୍ ତାକା ନାହ୍ମାଏ ପାପ୍ତି ନିନ୍ଦ୍କା ଶରୀର୍ତି ଛୁଟ୍କାରା ହାଖ୍ଖା ଅଙ୍ଗତ୍। 22ଏନ୍ଦେର୍ଗେକା ନାମ୍ ଆହ୍ଦାତ୍ କା ଜାମା ସିର୍ଜାଚ୍କା ଜିନିଷ୍ଦ୍ ଆକ୍କୁନ୍ତକ୍ ଦୁଃଖୁ କଷଟ୍ତି ତାଡ଼୍ପାରାଲି। 23ଆରୁ ଆଦ୍ ଖାଲି ମାଲ୍ଲା ଲେକିନ୍ ନାମ୍ହି ନେଖାସାନ୍ କା ପାବିତାର୍ ଆତ୍ମାଘି ପହ୍ଲେ ଫଲ୍ ରାଇ, ନିଜେ ଦୁଃଖୁ ସାହାଲି। ଏନ୍ଦେର୍ଗେକା ନାମାଗେ ଆସ୍ଗେ ଦ୍ୱାର୍ନୁ ପାର୍ମେଶ୍ୱାର୍ସ୍କି ହାଦ୍ଦୁ କାମ୍ନାଘି ଆଶ୍ରା ଏରାଲ୍ଦାର୍। ତାକା ନାହ୍ମା ପାପ୍ତି ନିନ୍ଦ୍କା ଶରୀର୍ତି ଛୁଟ୍କାରା ହାଖ୍ଖା ଅଙ୍ଗତ୍। 24ଇ ଆଶ୍ରାଘି ଲାଗାନ୍ ନାହ୍ମାଏ ଛୁଟ୍କାରା ହାଖ୍ଖର୍କିଚି ଲେକିନ୍ ଇନ୍ନୁନ୍ତିନିନ୍ ନାହ୍ମାଏ ମନ୍ନୁ ଆଶ୍ରା ରାଇ ଲେକିନ୍ ଯେତ୍କବାକେନ୍ ନାମ୍ ଏକାଘି ଆଶ୍ରା କାମ୍ଦାତ୍ ଆବନ୍ ଏରା ଅଙ୍ଗ୍ଦାତ୍ କା ଆ ଆଶ୍ରାଦ୍ ମା ରାଇଦ୍, ଆରୁ ଏକାଦ୍ ଏଥ୍ରାଲିଦ୍ ଆଦ୍ଘି ଆଶ୍ରା ଏକାର୍ କାମା ଅଙ୍ଗର୍। 25ଲେକିନ୍ ଏକା ଜିନିଷ୍ବନ୍ ନାମ୍ ମା ଏର୍ଦାତ୍ ଯଦି ଆଦ୍ଘି ଆଶ୍ରା ଏରତ୍ ତା ଧିରାଜ୍ତି ଆଦ୍ଘି ଆଶ୍ରା ଏରତ୍।
26ପାବିତାର୍ ଆତ୍ମାଦ୍ ନାହ୍ମାଏ କମ୍ଜୋରିନୁ ମଦେତ୍ କାମିଦ୍ ଏନ୍ଦେର୍ଗେକା ନାମ୍ ଏସ୍କେ ବିନ୍ତି କାମତ୍ ଆବନ୍ ବାଲ୍ଦାତିନ୍ ଲେକିନ୍ ପାବିତାର୍ ଆତ୍ମାଦ୍ ଏସ୍କେ ନାମ୍ ନିଜର୍ ଥୁମ୍ଣାଘି ଶବଦ୍ତି ତେଙ୍ଗା ପଲ୍ଲଦାତ୍ ଆନ୍ନେନିନ୍ ନାହ୍ମାଲାଗାନ୍ ପାବିତାର୍ ଆତ୍ମା ବିନ୍ତି କାମିଦ୍। 27ଆରୁ ପାର୍ମେଶ୍ୱାର୍ସ୍ ଜାମାର୍ଘି ଜୀଆବନ୍ ଆହ୍ଦାସ୍ ଆରୁ ପାବିତାର୍ ଆତ୍ମାଦ୍ ଏନ୍ଦେନ୍ ତେଙ୍ଗାଲି? ଆବନ୍ ଆହ୍ଦାସ୍ ଏନ୍ଦେର୍ଗେକା ଆଦ୍ ପାବିତାର୍ ଆଲାର୍ଗେ ପାର୍ମେଶ୍ୱାର୍ସ୍କି ଇଚ୍ଛାଘି ଲେଖା ବିନ୍ତି କାମତ୍।
28ଏକା ଆଲାର୍ ପାର୍ମେଶ୍ୱାର୍ସିନ୍ ବାନେ ହାଖ୍ଖନାଏ ଆରୁ ନେକାନ୍ ଆସ୍ ତାଙ୍ଘା ଇଚ୍ଛାଘି ଅନୁସାର୍ ମେହ୍କାଦାସ୍ ଆବ୍ଡ଼ାଘି ଲାଗାନ୍ ଜାମା କାତ୍ଥାଦ୍ ବାନେବନ୍ ସିର୍ଜିଦ୍। 29ଏନ୍ଦେର୍ଗେକା ପାର୍ମେଶ୍ୱାର୍ସ୍ ଏକାରିନ୍ ପହ୍ଲେନ୍ତିନିନ୍ ଚାଜ୍ଜକାଦାସ୍ ଆବ୍ଡ଼ାରିନ୍ ପହ୍ଲେନ୍ତିହି ନିଜର୍ ହାଦ୍ଦୁସ୍କି ରୂପ୍ନୁ ଠାହ୍ରାଚାସ୍ ତାକା ଢେର୍ ଭାଇ ଆରୁ ବୁହୁଣୀର୍ଘିନ୍ତି ଆସ୍ ଜାମାର୍ଘିନ୍ତି ବାଡ଼୍କା ମାନାଅଙ୍ଗସ୍। 30ଆରୁ ନେକାନ୍ ପହ୍ଲେନ୍ତିନିନ୍ ପାର୍ମେଶ୍ୱାର୍ସ୍ ଚାଜ୍ଜିୟାସ୍ ଆବ୍ଡ଼ାରିନ୍ ମେଁହିୟାସ୍ ଆରୁ ନେକାନ୍ ଆସ୍ ମେଁହିୟାସ୍ ଆବ୍ଡ଼ାରିନ୍ ତାଙ୍ଘା ନଜର୍ନୁ ନିର୍ଦ୍ଦୋଷ୍ ବୁଲି ଠାହ୍ରାଚାସ୍ ଆରୁ ଆବ୍ଡ଼ାର୍ଗେ ମାହିମାହି ଚିୟସ୍।
ପାର୍ମେଶ୍ୱାର୍ସ୍କି ବାନେ ହାଖ୍ଖନା
31ନାମ୍ ଇ କାତ୍ଥାଘି ବାରେନୁ ଏନ୍ଦେର୍ ତେଙ୍ଗତ୍? ଯଦି ପାର୍ମେଶ୍ୱାର୍ସ୍ ନାହ୍ମା ପାଖା ରାଦାସ୍ତା ନେଦ୍ ନାହ୍ମା ବିରୁଦ୍ଧ୍ କାମା ଅଙ୍ଗର୍? 32ଏକାସ୍ ନିଜର୍ ତାଙ୍ଘା ହାଦ୍ଦୁସିନ୍ହି ମା ବାଛାବାଚାସ୍ ଲେକିନ୍ ଆସିନ୍ ନାହ୍ମା ଜାମାର୍ଘି ଲାଗାନ୍ ଚିଚ୍ଚାସ୍ ଲାଗ୍ଗିୟାସ୍, ଆରୁ ଏନ୍ନେ ମାନତ୍ ତା ଆସ୍-ଆସ୍ଗାନେ ନାମାଗେ ଖୁସୀତି ଜାମାକିଛିନ୍ ଏନ୍ଦେର୍ଗେ ମା ଚିୟସ୍? 33ପାର୍ମେଶ୍ୱାର୍ସ୍କି ଚୁନ୍ଚ୍କାର୍ଘି ମିଆଁ ଦୋଷୀ ନେର୍ ଠାହ୍ରର୍? ପାର୍ମେଶ୍ୱାର୍ସ୍ହି ରାଦାସ୍ ଏକାସ୍ କା ଆବ୍ଡ଼ାରିନ୍ ତାଙ୍ଘା ନଜର୍ନୁ ନିର୍ଦ୍ଦୋଷ୍ ଠାହ୍ରାନାବାଲାସ୍। 34ହୁଦ୍ଘିଲାଗାନ୍ ନେଦ୍ ନାମାନ୍ ଦୋଷୀ କାମର୍? ଯୀଶୁ ଖ୍ରୀସ୍ତ୍ତା କେଚ୍ଚାସ୍କେରାସ୍ ଆରୁ ଉଜ୍ଜିୟାସ୍ ଆରୁ ପାର୍ମେଶ୍ୱାର୍ସ୍କି ତିନାତାରା ରାଇକିରି ନାହ୍ମାଲାଗାନ୍ ବିନ୍ତି କାମ୍ଦାସ୍। 35ନେର୍ ନାମାନ୍ ଖ୍ରୀସ୍ତ୍ସ୍କି ବାନେ ହାଖ୍ଖନାତି ଭିନେ କାମଦ୍, ତକ୍ଲିପ୍, ସାତାୱାଟ୍, ଆକାଲ୍, ଅସୁବିଧା, ବିପଦ୍, ଖଣ୍ଡା, ଡୁଣ୍ଙ୍ଗୁ। 36ଏସ୍କେ କା ପାବିତାର୍ ଶାସ୍ତ୍ରନୁ ଲେଖ୍ଚ୍କା ରାଇ, “ନିଙ୍ଘାଲାଗାନ୍ ଏମ୍ ଜାମା ଉଲ୍ଲା ମରନ୍ଘି ସାମ୍ନା କାମାଲ୍ଦାମ୍। ଏମ୍ ପିଟ୍ନା ଭେଡ଼ି ଲେଖା ଗନ୍ତି ମାନ୍ଚ୍କାଦାମ୍।” 37ନାହ୍ମାଏ ଯୀଶୁ ଖ୍ରୀସ୍ତ୍ସ୍ ଏକାସ୍ ନାମାନ୍ ବାନେ ହାଖ୍ଖଦାସ୍ ଆସ୍କି ଦ୍ୱାର୍ନୁ ନାମ୍ ଇବ୍ଡ଼ା ଜାମା କାତ୍ଥାନୁ ଅଣ୍ଟା ବାନେ ବାଡ଼୍କା ଜିତ୍ନା ହାଖ୍ଖାଲ୍ଦାତ୍। 38ଏନ୍ଦେର୍ଗେକା ଏନ୍ ଏସ୍କ୍ରିନ୍ହି ଆହାଲ୍ଦାନ୍ କା ନା ମରନ୍, ନା ଜୀବନ୍, ନା ସରଗ୍ଦୂଁତ୍, ନା ଶାସନ୍ କାମ୍ନାବାଲା ଆତ୍ମାର୍, ନା ଆକ୍କୁନ୍ ତା ଏନ୍ଦ୍ରିନ୍ ଜିନିଷ୍, ଆରୁ ନା ବାର୍ନାବାଲା ଏନ୍ଦ୍ରିନ୍ ଜିନିଷ୍, ନା ଏକ୍ରିନ୍ ଶକ୍ତି, 39ମିଁତା ଏନ୍ଦ୍ରିନ୍ ଜିନିଷ୍ ଚାହେ କିଁତା ଏନ୍ଦ୍ରିନ୍ ଜିନିଷ୍ ସିର୍ଜାଚ୍କା ଏନ୍ଦ୍ରିନ୍ ଜିନିଷ୍ ନାମାନ୍ ପାର୍ମେଶ୍ୱାର୍ସ୍କି ବାନେ ହାଖ୍ଖନାସ୍ତି ଭିନେ କାମା ପଲ୍ଲୀଦ୍ ଏକାଦ୍ କା ଯୀଶୁ ଖ୍ରୀସ୍ତ୍ସ୍କି ଦ୍ୱାର୍ନୁ ହାଖ୍ଖର୍କିଚି।
ទើបបានជ្រើសរើសហើយ៖
ରୋମୀ 8: xis
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© (Active) Wycliffe Bible Translators, Inc. All rights reserved.
ରୋମୀ 8
8
ପାବିତାର୍ ଆତ୍ମାଘି ଦ୍ୱାର୍ନୁ ଜୀବନ୍
1ହୁଦ୍ଘିଲାଗାନ୍ ଆକ୍କୁନ୍ ଏକାର୍ ଯୀଶୁ ଖ୍ରୀସ୍ତ୍ସ୍କି ମିଆଁ ବିଶ୍ୱାସ୍ କାମ୍ନାଏ ଆବ୍ଡ଼ାରିନ୍ ପାର୍ମେଶ୍ୱାର୍ସ୍ ଦୋଷୀ ମା କାମ୍ଦାସ୍। (ଏନ୍ଦେର୍ଗେକା ଆବ୍ଡ଼ାର୍ ଶରୀର୍ଘି ଲେଖା ମାଲ୍ଲା ବରନ୍ ପାବିତାର୍ ଆତ୍ମାଘି ଲେଖା ଚାଲ୍ର୍ନାଏ) 2ଏନ୍ଦେର୍ଗେକା ଯୀଶୁ ଖ୍ରୀସ୍ତ୍ସ୍କି ଦ୍ୱାର୍ନୁ ଜୀବନ୍ ଚିନାବାଲା ଆତ୍ମା ପାପ୍ ଆରୁ ମରନ୍ଘି ନିୟମ୍ତି ଛୁଟ୍କାରା କାମ୍ଚେଇଚ୍କିଚି। 3ପାର୍ମେଶ୍ୱାର୍ସ୍କି ଦ୍ୱାର୍ନୁ ଚିଚ୍ଚକା ନିୟମ୍ ଶାସ୍ତ୍ର ମୁନୁଷ୍ଘି ପାପ୍ ସାଭାବ୍ଘି କାରଣ୍ତି, ନିଜର୍ନୁ କମ୍ଜୋର୍ ମାନିକିରି କାମାପଲ୍ଲାଦିନ୍ ଆବନ୍ ପାର୍ମେଶ୍ୱାର୍ସ୍ ନିଜର୍ ହାଦ୍ଦୁସିନ୍ ଅଣ୍ଟା ମୁନୁଷ୍ ରୂପ୍ନୁ ଇ ଦୁନିଆଁନୁ ତାଇୟିକିରି ପାପ୍ଘି ଲାଗାନ୍ ବଲୀଦାନ୍ କାମ୍ଚାସ୍। ଇଦ୍ଘି ଲେଖା ପାର୍ମେଶ୍ୱାର୍ସ୍ ମୁନୁଷ୍ର୍ଘି ଶରୀର୍ନୁ ପାପ୍ବନ୍ ଦଣ୍ଡ୍ ଚିଚ୍ଚଚାସ୍। 4ହୁଦ୍ଘିଲାଗାନ୍ ନାମ୍ ନିୟମ୍ଘି ରୀତିନୁ ନାହ୍ମାଏ ଶରୀର୍ଘି ଲେଖା ମାଲ୍ଲା ବରନ୍ ପାବିତାର୍ ଆତ୍ମାଘି ଲେଖା ଚାଲ୍ରିକିରି ପୁରା କାମ୍କେ। 5-6ଏନ୍ଦେର୍ଗେକା ଏକା ଆଲାର୍ ପାପ୍ନୁ ଚାଲ୍ର୍ନାଏ, ଆବ୍ଡ଼ାର୍ ପାପ୍ କାମ୍ନାଘି ବାରେ ସୋଚ୍ନାଏ ଆବ୍ଡ଼ାର୍ଗେ ଆତ୍ମିକ୍ ମରନ୍ ମାନିଦ୍ ଲେକିନ୍ ଏକାର୍ ପାବିତାର୍ ଆତ୍ମାଘି ଲେଖା ଚାଲ୍ର୍ନାଏ ଆବ୍ଡ଼ାର୍ ପାବିତାର୍ ଆତ୍ମାଦ୍ ଏକାନ୍ ତେଙ୍ଗିଦ୍ ଆବନ୍ କାମ୍ନାଏ ଆବ୍ଡ଼ାର୍ଗେ ସବୁଦିନ୍ତା ଜୀବନ୍ ଆରୁ ଶାନ୍ତି ହାଖ୍ଖରି। 7ପାପ୍ ସଭାବ୍ଘି ଅଧିନ୍ନୁ ରାଇକିରି ଚାଲ୍ର୍ନା ପାର୍ମେଶ୍ୱାର୍ସ୍କି ବିରୁଦ୍ଧ୍, ଇ ପାର୍ମେଶ୍ୱାର୍ସ୍କି ନିୟମ୍ଘି ଅଧିନ୍ନୁ ମା ମାନି ଆରୁ ନା ମାନାଅଙ୍ଗ। 8ହୁଦ୍ଘିଲାଗାନ୍ ଏକା ଆଲାର୍ ତାହ୍ମା ପାପ୍ ସାଭାବ୍ଘି ଅଧିନ୍ନୁ ରାଇକିରି ଜୀବନ୍ ବିତାବାନାଏ, ଆବ୍ଡ଼ାର୍, ପାର୍ମେଶ୍ୱାର୍ସ୍ସିନ୍ ଖୁସ୍ କାମା ପଲ୍ଲନାଇନ୍।
9ଯଦି ପାର୍ମେଶ୍ୱାର୍ସ୍କି ଆତ୍ମା ସତ୍ତୁନିନ୍ ନିହ୍ମାଏନୁ ରାଇ ତା ନିମ୍ ଜାମାର୍ ନିଜର୍ ପାପ୍ ସଭାବ୍ତି ମାଲ୍ଲା ବରନ୍ ପାବିତାର୍ ଆତ୍ମାତି ଚାଲ୍ର୍ଦାର୍। ଏକା ଆଲାସ୍କିନୁ ଖ୍ରୀସ୍ତ୍ଘି ଆତ୍ମା ମା ରାଇ ତା ଆସ୍ ଖ୍ରୀସ୍ତ୍କି ମାଲ୍ଦାସ୍। 10ଆରୁ ଯଦି ଖ୍ରୀସ୍ତ୍ସ୍ ନିହ୍ମାଏନୁ ରାଦାସ୍। ତା ପାପ୍ଘି ଲାଗାନ୍ ନିହ୍ମା ଶରୀର୍ କେଚ୍ଚା କେର୍କିଚି ଲେକିନ୍ ନିମ୍ ପାର୍ମେଶ୍ୱାର୍ସ୍କି ନଜର୍ନୁ ନିର୍ଦ୍ଦୋଷ୍ ଠାହ୍ରା କେରା ହୁଦ୍ଘିଲାଗାନ୍ ନିହ୍ମା ଆତ୍ମାଦ୍ ଉଜ୍ଜାଲିଦ୍। 11ଯଦି ପାର୍ମେଶ୍ୱାର୍ସ୍କି ଆତ୍ମା ଏକାସ୍ ଯୀଶୁସିନ୍ କେଚ୍ଚକାସ୍ତି ଉଜ୍ଜତାଚା, ଆ ଆତ୍ମାଦ୍ ନିହ୍ମାଏନୁ ରାଇ ଏକାସ୍ ଖ୍ରୀସ୍ତ୍ସିନ୍ କେଚ୍ଚକାନ୍ତି ଉଜ୍ଜତାଚାସ୍, ଆ ଆତ୍ମାଘି ଦ୍ୱାର୍ନୁ ଏକାଦ୍ ନିହ୍ମାଏନୁ ରାଇ, ନିହ୍ମାଏ କେଚ୍ଚକା ଶରୀର୍ବନ୍ହି ଜୀବନ୍ ଚସ୍।
12ହୁଦ୍ଘିଲାଗାନ୍ ହେ ଭାଇ ବୁହୁଣୀଜାମାରୋ, ପାପ୍ ସାଭାବ୍ଘି ନାହ୍ମା ମିଆଁ ଏନ୍ଦେର୍ହି ହକ୍ ମାଲ୍ଲାଦିନ୍ ନାମ୍ ଆଦ୍ଘି ଅଧିନ୍ନୁ ରାଇକିରି ଜୀବନ୍ ମା ବିତାବାଦାତ୍। 13ଏନ୍ଦେର୍ଗେକା ନିମ୍ ପାପ୍ ସାଭାବ୍ଘି ଅଧିନ୍ନୁ ରାଇକିରି ଚାଲ୍ରର୍ ତା ଖିଅର୍। ଲେକିନ୍ ନିମ୍ ପାବିତାର୍ ଆତ୍ମାଘି ଦ୍ୱାର୍ନୁ ପାପ୍ ସାଭାବ୍ବନ୍ ଖତମ୍ କାମର୍ଚର୍ ତା ନିମ୍ ଉଜ୍ଜର୍କର୍। 14ହୁଦ୍ଘିଲାଗାନ୍ ଯେତ୍କ ଆଲାର୍ ପାର୍ମେଶ୍ୱାର୍ସ୍କି ଆତ୍ମାଘି ଅନୁସାର୍ ଚାଲ୍ର୍ନାଏ। ଆବ୍ଡ଼ାର୍ ପାର୍ମେଶ୍ୱାର୍ସ୍କି ହାଦ୍ଦୁବଚ୍ଚର୍। 15ନିମ୍ ଏଲ୍ଚ୍ନାଘି ଆତ୍ମା ମାଲ୍ଲା ହାଖ୍ଖୁର୍ ଲେକିନ୍ ନିମ୍ ପାର୍ମେଶ୍ୱାର୍ସ୍କି ଆତ୍ମା ହାକ୍କାଦାର୍ ଯେତ୍କବାକେନ୍ ଆସ୍ ନିମାନ୍ ତାଙ୍ଘାଏ ନିଜର୍ ହାଦ୍ଦୁସ୍ ଲେଖା ବାଲ୍ପୋଷ୍ କାମ୍ଚ୍କାଦାସ୍। ହୁଦ୍ଘିଲାଗାନ୍ ନାମ୍ ଆସିନ୍ ବୁଆ, ବାଙ୍ଗ୍ ବୁଲି ମେହଁଦାତ୍। 16ପାବିତାର୍ ଆତ୍ମାଦ୍ ନାହ୍ମା ଆତ୍ମାନ୍ ତେଙ୍ଗିଦ୍ କା ନାମ୍ ପାର୍ମେଶ୍ୱାର୍ସ୍କି ହାଦ୍ଦୁବଚ୍ଚତ୍। 17ଯଦି ନାମ୍ ପାର୍ମେଶ୍ୱାର୍ସ୍କି ହାଦ୍ଦୁବଚ୍ଚତ୍ ତା ନାମ୍ ଆସ୍କି ସମ୍ପତ୍ତିଘି ହକ୍ଦାର୍ତ୍ହି। ଆରୁ ନାମ୍ ଖ୍ରୀସ୍ତ୍ଗାନେ ନାମ୍ହି ସମ୍ପତ୍ତିଘି ହକ୍ଦାର୍। ଯଦି ନାମ୍ ଆସ୍ଗାନେ ଦୁଃଖୁ ତକ୍ଲିପ୍ ସାହତ୍ତା ନାମାଗେ ଆସ୍ଗାନେ ମାହିମାବନ୍ହି ହାଖ୍ଖତ୍।
ନାହ୍ମା ଭବିଷତ୍ତା ମାହିମା
18ଏନ୍ଦେର୍ଗେକା ଏନ୍ ଆହାଲ୍ଦାନ୍ କା ଆକ୍କୁନ୍ ନାମ୍ ଏକା ଦୁଃଖୁ ତକ୍ଲିପ୍ ହାଖ୍ଖାଲ୍ଦାତ୍ ଆଦ୍ ଭବିଷତ୍ନୁ ଏକା ମାଇନ୍ ନାମାଗେ ହାଖ୍ଖରୋ, ଆଦ୍ଘି ତୁଲ୍ନାନୁ ଆକ୍କୁନ୍ ତା ଇ ଦୁଃଖୁଦ୍ ଏନ୍ଦେର୍ହି ମାଲ୍ଲିଦ୍। 19ଖାଲି ମୁନୁଷ୍ ଜାତି ମାଲ୍ଲା ଲେକିନ୍ ଜାମା ସିର୍ଜାଚ୍କା ଜିନିଷ୍ ଏକାନ୍ କା ପାର୍ମେଶ୍ୱାର୍ସ୍ ସିର୍ଜାଚ୍କାଦାସ୍ ଆବ୍ଡ଼ାର୍ ଆଶ୍ରାତି ଭବିଷତ୍ନୁ ଏକାର୍ ପାର୍ମେଶ୍ୱାର୍ସ୍କି ଅସଲ୍ ହାଦ୍ଦୁବଚ୍ଚର୍ ଆହ୍ତାରୋ। ଆ ଉଲ୍ଲାନ୍ ଆଶ୍ରା ଏରାଲ୍ନାଏ। 20ଜାମା ସୃଷ୍ଟି ଇ ଦୁନିଆଁଦ୍ ବେକାର୍ଘି ଅଧିନ୍ ମାନ୍ଚାକେର୍କିଚି, ଇ ନିଜର୍ ଇଚ୍ଛାତି ମାଲ୍ଲା ବରନ୍ ଆସ୍କି ଇଚ୍ଛାତି ଏକାସ୍ ଆବନ୍ ତାଙ୍ଘା ଅଧିନ୍ନୁ ସିର୍ଜାଚ୍କାଦାସ୍। 21ଇ ଆଶ୍ରା ରାଇ କା ଜାମା ସୃଷ୍ଟି ନିଜର୍ ନାଶ୍ଘି ଗୁତ୍ତିୟାତି ଛୁଟ୍କାରା ହାଖ୍ଖୀକିରି ପାର୍ମେଶ୍ୱାର୍ସ୍କି ହାଦ୍ଦୁର୍ ଖ୍ରୀସ୍ତ୍ସ୍ଘି ମୁକ୍ତିନ୍ ହାଖ୍ଖର୍ ତାକା ନାହ୍ମାଏ ପାପ୍ତି ନିନ୍ଦ୍କା ଶରୀର୍ତି ଛୁଟ୍କାରା ହାଖ୍ଖା ଅଙ୍ଗତ୍। 22ଏନ୍ଦେର୍ଗେକା ନାମ୍ ଆହ୍ଦାତ୍ କା ଜାମା ସିର୍ଜାଚ୍କା ଜିନିଷ୍ଦ୍ ଆକ୍କୁନ୍ତକ୍ ଦୁଃଖୁ କଷଟ୍ତି ତାଡ଼୍ପାରାଲି। 23ଆରୁ ଆଦ୍ ଖାଲି ମାଲ୍ଲା ଲେକିନ୍ ନାମ୍ହି ନେଖାସାନ୍ କା ପାବିତାର୍ ଆତ୍ମାଘି ପହ୍ଲେ ଫଲ୍ ରାଇ, ନିଜେ ଦୁଃଖୁ ସାହାଲି। ଏନ୍ଦେର୍ଗେକା ନାମାଗେ ଆସ୍ଗେ ଦ୍ୱାର୍ନୁ ପାର୍ମେଶ୍ୱାର୍ସ୍କି ହାଦ୍ଦୁ କାମ୍ନାଘି ଆଶ୍ରା ଏରାଲ୍ଦାର୍। ତାକା ନାହ୍ମା ପାପ୍ତି ନିନ୍ଦ୍କା ଶରୀର୍ତି ଛୁଟ୍କାରା ହାଖ୍ଖା ଅଙ୍ଗତ୍। 24ଇ ଆଶ୍ରାଘି ଲାଗାନ୍ ନାହ୍ମାଏ ଛୁଟ୍କାରା ହାଖ୍ଖର୍କିଚି ଲେକିନ୍ ଇନ୍ନୁନ୍ତିନିନ୍ ନାହ୍ମାଏ ମନ୍ନୁ ଆଶ୍ରା ରାଇ ଲେକିନ୍ ଯେତ୍କବାକେନ୍ ନାମ୍ ଏକାଘି ଆଶ୍ରା କାମ୍ଦାତ୍ ଆବନ୍ ଏରା ଅଙ୍ଗ୍ଦାତ୍ କା ଆ ଆଶ୍ରାଦ୍ ମା ରାଇଦ୍, ଆରୁ ଏକାଦ୍ ଏଥ୍ରାଲିଦ୍ ଆଦ୍ଘି ଆଶ୍ରା ଏକାର୍ କାମା ଅଙ୍ଗର୍। 25ଲେକିନ୍ ଏକା ଜିନିଷ୍ବନ୍ ନାମ୍ ମା ଏର୍ଦାତ୍ ଯଦି ଆଦ୍ଘି ଆଶ୍ରା ଏରତ୍ ତା ଧିରାଜ୍ତି ଆଦ୍ଘି ଆଶ୍ରା ଏରତ୍।
26ପାବିତାର୍ ଆତ୍ମାଦ୍ ନାହ୍ମାଏ କମ୍ଜୋରିନୁ ମଦେତ୍ କାମିଦ୍ ଏନ୍ଦେର୍ଗେକା ନାମ୍ ଏସ୍କେ ବିନ୍ତି କାମତ୍ ଆବନ୍ ବାଲ୍ଦାତିନ୍ ଲେକିନ୍ ପାବିତାର୍ ଆତ୍ମାଦ୍ ଏସ୍କେ ନାମ୍ ନିଜର୍ ଥୁମ୍ଣାଘି ଶବଦ୍ତି ତେଙ୍ଗା ପଲ୍ଲଦାତ୍ ଆନ୍ନେନିନ୍ ନାହ୍ମାଲାଗାନ୍ ପାବିତାର୍ ଆତ୍ମା ବିନ୍ତି କାମିଦ୍। 27ଆରୁ ପାର୍ମେଶ୍ୱାର୍ସ୍ ଜାମାର୍ଘି ଜୀଆବନ୍ ଆହ୍ଦାସ୍ ଆରୁ ପାବିତାର୍ ଆତ୍ମାଦ୍ ଏନ୍ଦେନ୍ ତେଙ୍ଗାଲି? ଆବନ୍ ଆହ୍ଦାସ୍ ଏନ୍ଦେର୍ଗେକା ଆଦ୍ ପାବିତାର୍ ଆଲାର୍ଗେ ପାର୍ମେଶ୍ୱାର୍ସ୍କି ଇଚ୍ଛାଘି ଲେଖା ବିନ୍ତି କାମତ୍।
28ଏକା ଆଲାର୍ ପାର୍ମେଶ୍ୱାର୍ସିନ୍ ବାନେ ହାଖ୍ଖନାଏ ଆରୁ ନେକାନ୍ ଆସ୍ ତାଙ୍ଘା ଇଚ୍ଛାଘି ଅନୁସାର୍ ମେହ୍କାଦାସ୍ ଆବ୍ଡ଼ାଘି ଲାଗାନ୍ ଜାମା କାତ୍ଥାଦ୍ ବାନେବନ୍ ସିର୍ଜିଦ୍। 29ଏନ୍ଦେର୍ଗେକା ପାର୍ମେଶ୍ୱାର୍ସ୍ ଏକାରିନ୍ ପହ୍ଲେନ୍ତିନିନ୍ ଚାଜ୍ଜକାଦାସ୍ ଆବ୍ଡ଼ାରିନ୍ ପହ୍ଲେନ୍ତିହି ନିଜର୍ ହାଦ୍ଦୁସ୍କି ରୂପ୍ନୁ ଠାହ୍ରାଚାସ୍ ତାକା ଢେର୍ ଭାଇ ଆରୁ ବୁହୁଣୀର୍ଘିନ୍ତି ଆସ୍ ଜାମାର୍ଘିନ୍ତି ବାଡ଼୍କା ମାନାଅଙ୍ଗସ୍। 30ଆରୁ ନେକାନ୍ ପହ୍ଲେନ୍ତିନିନ୍ ପାର୍ମେଶ୍ୱାର୍ସ୍ ଚାଜ୍ଜିୟାସ୍ ଆବ୍ଡ଼ାରିନ୍ ମେଁହିୟାସ୍ ଆରୁ ନେକାନ୍ ଆସ୍ ମେଁହିୟାସ୍ ଆବ୍ଡ଼ାରିନ୍ ତାଙ୍ଘା ନଜର୍ନୁ ନିର୍ଦ୍ଦୋଷ୍ ବୁଲି ଠାହ୍ରାଚାସ୍ ଆରୁ ଆବ୍ଡ଼ାର୍ଗେ ମାହିମାହି ଚିୟସ୍।
ପାର୍ମେଶ୍ୱାର୍ସ୍କି ବାନେ ହାଖ୍ଖନା
31ନାମ୍ ଇ କାତ୍ଥାଘି ବାରେନୁ ଏନ୍ଦେର୍ ତେଙ୍ଗତ୍? ଯଦି ପାର୍ମେଶ୍ୱାର୍ସ୍ ନାହ୍ମା ପାଖା ରାଦାସ୍ତା ନେଦ୍ ନାହ୍ମା ବିରୁଦ୍ଧ୍ କାମା ଅଙ୍ଗର୍? 32ଏକାସ୍ ନିଜର୍ ତାଙ୍ଘା ହାଦ୍ଦୁସିନ୍ହି ମା ବାଛାବାଚାସ୍ ଲେକିନ୍ ଆସିନ୍ ନାହ୍ମା ଜାମାର୍ଘି ଲାଗାନ୍ ଚିଚ୍ଚାସ୍ ଲାଗ୍ଗିୟାସ୍, ଆରୁ ଏନ୍ନେ ମାନତ୍ ତା ଆସ୍-ଆସ୍ଗାନେ ନାମାଗେ ଖୁସୀତି ଜାମାକିଛିନ୍ ଏନ୍ଦେର୍ଗେ ମା ଚିୟସ୍? 33ପାର୍ମେଶ୍ୱାର୍ସ୍କି ଚୁନ୍ଚ୍କାର୍ଘି ମିଆଁ ଦୋଷୀ ନେର୍ ଠାହ୍ରର୍? ପାର୍ମେଶ୍ୱାର୍ସ୍ହି ରାଦାସ୍ ଏକାସ୍ କା ଆବ୍ଡ଼ାରିନ୍ ତାଙ୍ଘା ନଜର୍ନୁ ନିର୍ଦ୍ଦୋଷ୍ ଠାହ୍ରାନାବାଲାସ୍। 34ହୁଦ୍ଘିଲାଗାନ୍ ନେଦ୍ ନାମାନ୍ ଦୋଷୀ କାମର୍? ଯୀଶୁ ଖ୍ରୀସ୍ତ୍ତା କେଚ୍ଚାସ୍କେରାସ୍ ଆରୁ ଉଜ୍ଜିୟାସ୍ ଆରୁ ପାର୍ମେଶ୍ୱାର୍ସ୍କି ତିନାତାରା ରାଇକିରି ନାହ୍ମାଲାଗାନ୍ ବିନ୍ତି କାମ୍ଦାସ୍। 35ନେର୍ ନାମାନ୍ ଖ୍ରୀସ୍ତ୍ସ୍କି ବାନେ ହାଖ୍ଖନାତି ଭିନେ କାମଦ୍, ତକ୍ଲିପ୍, ସାତାୱାଟ୍, ଆକାଲ୍, ଅସୁବିଧା, ବିପଦ୍, ଖଣ୍ଡା, ଡୁଣ୍ଙ୍ଗୁ। 36ଏସ୍କେ କା ପାବିତାର୍ ଶାସ୍ତ୍ରନୁ ଲେଖ୍ଚ୍କା ରାଇ, “ନିଙ୍ଘାଲାଗାନ୍ ଏମ୍ ଜାମା ଉଲ୍ଲା ମରନ୍ଘି ସାମ୍ନା କାମାଲ୍ଦାମ୍। ଏମ୍ ପିଟ୍ନା ଭେଡ଼ି ଲେଖା ଗନ୍ତି ମାନ୍ଚ୍କାଦାମ୍।” 37ନାହ୍ମାଏ ଯୀଶୁ ଖ୍ରୀସ୍ତ୍ସ୍ ଏକାସ୍ ନାମାନ୍ ବାନେ ହାଖ୍ଖଦାସ୍ ଆସ୍କି ଦ୍ୱାର୍ନୁ ନାମ୍ ଇବ୍ଡ଼ା ଜାମା କାତ୍ଥାନୁ ଅଣ୍ଟା ବାନେ ବାଡ଼୍କା ଜିତ୍ନା ହାଖ୍ଖାଲ୍ଦାତ୍। 38ଏନ୍ଦେର୍ଗେକା ଏନ୍ ଏସ୍କ୍ରିନ୍ହି ଆହାଲ୍ଦାନ୍ କା ନା ମରନ୍, ନା ଜୀବନ୍, ନା ସରଗ୍ଦୂଁତ୍, ନା ଶାସନ୍ କାମ୍ନାବାଲା ଆତ୍ମାର୍, ନା ଆକ୍କୁନ୍ ତା ଏନ୍ଦ୍ରିନ୍ ଜିନିଷ୍, ଆରୁ ନା ବାର୍ନାବାଲା ଏନ୍ଦ୍ରିନ୍ ଜିନିଷ୍, ନା ଏକ୍ରିନ୍ ଶକ୍ତି, 39ମିଁତା ଏନ୍ଦ୍ରିନ୍ ଜିନିଷ୍ ଚାହେ କିଁତା ଏନ୍ଦ୍ରିନ୍ ଜିନିଷ୍ ସିର୍ଜାଚ୍କା ଏନ୍ଦ୍ରିନ୍ ଜିନିଷ୍ ନାମାନ୍ ପାର୍ମେଶ୍ୱାର୍ସ୍କି ବାନେ ହାଖ୍ଖନାସ୍ତି ଭିନେ କାମା ପଲ୍ଲୀଦ୍ ଏକାଦ୍ କା ଯୀଶୁ ଖ୍ରୀସ୍ତ୍ସ୍କି ଦ୍ୱାର୍ନୁ ହାଖ୍ଖର୍କିଚି।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© (Active) Wycliffe Bible Translators, Inc. All rights reserved.