Marcos 11
11
Jesús edꞌa wãna Jerusalénne
(Mateo 21:1-11; Lucas 19:28-40; Juan 12:12-19)
1Jerusalén kꞌaita babʉdadꞌe, Betfagé pʉwʉrʉ kꞌaita Betania pʉwʉrʉ kꞌaita zebʉdata, Olivo kꞌatuma kĩrãbita zebʉdadꞌera, Jesúsbara izha jʉrʉkuadꞌata ũme zokꞌabʉrʉta, 2mawũãsia: Pʉwʉrʉ zakeidꞌu wãũdua jari mazhi kĩrãbita tabꞌʉidꞌu, kꞌãma edꞌa wãbʉdadꞌera ũdudꞌaya burro kũrãta jʉ̃ nʉmʉta, maʉ̃nerã miõta bꞌarikꞌa, maʉ̃ta ẽnape weudua. 3Iabꞌaʉba widꞌibʉrʉta: ¿Kꞌãrẽã kꞌãwũã obʉda ara? Nokꞌoba nesidꞌa adꞌape nane diabꞌariya audua.
4Mawũãĩ wãbʉdadꞌera ũdusidꞌa burro kũrãta jʉ̃ nʉmʉta ãĩ puertama, mawũẽ ẽnasidꞌa. 5Ʉ̃kʉrʉ mama kꞌobꞌebara mawũãsidꞌa: ¿Marãbara kꞌãrẽã ẽnabʉda kꞌãʉ̃ burrora?
6Mawũãnaĩ ãzhara jarasidꞌa sãwũã jaraita Jesúsba jaradꞌadꞌe, mawũẽ idaribisidꞌa. 7Aramaʉ̃ne burrora wesidꞌa Jesúsma, mobe ʉ̃rʉ̃ bꞌʉsidꞌa ãzhidꞌe wua ãnebꞌari panʉta, mobebʉrʉ Jesús jewedꞌasia ʉ̃rʉ̃. 8Biobara bia edabʉdata ãzhidꞌe wua ãnebꞌari bꞌeta odꞌe ewarazoasidꞌa, dewaraurãbara pãrãrã kiduata tʉdꞌape odꞌe tadꞌazoasidꞌa. 9Zhãrãbara na wãba tẽã uruba nemi jĩgua mawũãsidꞌa:
¡Bʉra ibia jaradꞌaya!
¡Ibia jaradꞌaya Daizezedꞌeba zebʉrʉra! (Salmos 118:25-26)
10¡Nokꞌora ibia jaradꞌaya zõrã dazhirãta bꞌadꞌadꞌeba rey Davidꞌeba zebʉrʉra! ¡Daizezera ibia jaraudua ʉ̃trera!
11Aramaʉ̃ne Jesús Jerusalénne edꞌa wãbʉrʉdꞌera, Daizeze dedꞌa ewara maẽ wãpe ne jõma akʉkuape keu baera Betania pʉwʉrʉedꞌa wãsia izha jʉrʉkuadꞌata doce bawara.
Ikꞌazhirua jaradꞌa higuera ta ne ẽãta
(Mateo 21:18-19)
12Nrũẽma Betania pʉwʉrʉdꞌeba wãbʉdadꞌera jarrasia Jesús. 13Maʉ̃ne wawarauba ũdusia bakuru higuera kidua bara nʉmʉta, mawũẽ akʉdꞌe wãsia zhi ta bꞌʉ kꞌawuaita, mawũãmina maĩnu jũẽbʉrʉdꞌera zhi kiduatrʉ ũdusia higo zaubari ewari ẽbaera. 14Mawũẽ Jesúsbara higuera nʉmʉã mawũãsia: Bʉ tara miõba wueta kꞌo ẽã.
Maʉ̃ta ũrĩsidꞌa izha jʉrʉkuadꞌabara.
Jesúsba miti ẽã odꞌa Daizeze deta
(Mateo 21:12-17; Lucas 19:45-48; Juan 2:13-22)
15Jerusalén pʉwʉrʉedꞌa zebʉdadꞌera Jesús edꞌa wãsia Daizeze dedꞌa ewara maẽ, mobe ãĩ jʉrekuasia mama ne nendo bꞌeta ne eda bꞌeta. Mesara burekuasia plata kꞌãbiabadadꞌera, buguera burekuasia pusirã nendobadadꞌera. 16Mobe Daizeze dedꞌa ewara maẽ miõta idu berabꞌaribi ẽbasia ne edeira. 17Maʉ̃nerã miã ũrãgꞌabʉrʉta mawũãsia: ¿Naʉ̃ẽnabemata zhi bꞌʉmata mawũã bꞌʉ ẽka:
Mʉ dera zhiwidꞌibadata nʉmʉã adꞌaita jõmaʉ̃ĩtabemata nʉmaña abꞌʉ ẽka? Mawũã bꞌʉdꞌera marãbara nezrʉgamiãrã de babi nʉmʉkꞌãrĩna. (Isaías 56:7)
18Maʉ̃ta ũrĩnaĩ ũrãgꞌa Moisédꞌe jarabadabara sacerdoterã nokꞌorãbara krĩcha jʉrʉsidꞌa sãwũã beadꞌaita. Ãzhara wawia bꞌeasia jõmaʉ̃ba bia ũrĩ bꞌeba izhi ũrãgꞌata. 19Mawũãmina keubʉrʉdꞌera Jesús ãĩ wãsia Jerusalénnebara.
Higuera ikꞌazhirua jaradꞌata bagudꞌa
(Mateo 21:20-22)
20Diapedꞌa berabꞌaribʉdadꞌera ũdusidꞌa bakuru higuera bagudꞌata kꞌarradꞌeba. 21Mawũẽ Pedrobara bude bape mawũãsia: Miã Ũrãgꞌabari, akʉdua, bakuru higuera bʉa ikꞌazhirua jaradꞌara bagusia.
22Mawũãĩ Jesúsbara panaʉ̃ mawũãsia: Soidꞌu kꞌobꞌa bꞌeaudua Daizeze ũme. 23Mʉã wãrĩnu marãã jaraya, bariduba kꞌatuma za nʉmʉã jarabʉrʉta: Ãĩ wãrũã, pusadꞌe doidꞌu wãrũã abʉrʉta, izhi soma bꞌe ẽãne kꞌobꞌʉ ẽbʉrʉ, awuarabʉrʉ soidꞌu kꞌobꞌʉba izha jara kꞌobꞌʉra aribꞌae nʉmaẽdaidꞌe kꞌobꞌʉra, izha jarabʉrʉra aribꞌae nʉmaẽdaya. 24Maʉ̃ba mʉã marãã jaraya, jõma marãba widꞌibʉdara zhiwidꞌi soidꞌu kꞌobꞌeaudua jidadꞌaita, mawũãrã marãma zeya. 25Marã zhiwidꞌi kꞌobꞌedꞌera bedꞌea ne ẽãne edaudua iabꞌaʉ bawara bĩ ẽã bꞌebʉrʉ, marã Zeze ʉ̃tre bꞌʉbidꞌa marã bedꞌea ne ẽã bꞌʉkuamarẽã marãba bia ẽãta odꞌapeadꞌata biodꞌeba. 26Marã bĩ ẽã odꞌata marãba bedꞌea ne ẽãne edadꞌa ẽbʉrʉ, marã Zeze ʉ̃tre bꞌʉbidꞌa marã bedꞌea ne ẽã bꞌʉ ẽã marãba bia ẽãta odꞌapeadꞌata biodꞌebara.
Zareata Jesúsdꞌe
(Mateo 21:23-27; Lucas 20:1-8)
27Wakusa Jerusalén pʉwʉrʉedꞌa zekuape Daizeze dedꞌa ewara maẽ Jesús taidꞌe, izhima zesidꞌa sacerdoterã nokꞌorãta, ũrãgꞌa Moisédꞌe jarabadata, nokꞌorãta. 28Mobe mawũãsidꞌa: ¿Kꞌaiba obi bꞌʉ bʉa obꞌʉra? ¿Kꞌaiba diasi zareara bʉa obꞌʉta onʉmaĩrã?
29Mawũãnaĩ Jesúsbara panaʉ̃ mawũãsia: Mʉãbidꞌa marãã widꞌiya. Panuũdua, mawũãrã mʉãrã marãã jaraya kꞌaiba obi bꞌʉta mʉã obꞌʉra. 30Zhãrã buru kꞌoemarẽã Juan, ¿Ʉ̃trebemaba zokꞌasika o zhãrãba? Panuũdua.
31Mawũãĩ ãzhirãĩnu mawũãsidꞌa: Dazhirãba Ʉ̃trebemaba zokꞌasia adꞌara, ¿mobera kꞌãrẽã ĩjãna ẽbasi aya? 32¿Maʉ̃ne dazhirãbara sãwũã zhãrãba zokꞌasia adꞌaipe? Ãzhara aramaʉ̃ne zhãrãta wawiasidꞌa, jõmaʉ̃ma Juan wãrĩnu Daizezeba bedꞌeata jarabibarita bꞌʉ baera. 33Mawũẽ panaʉ̃bʉdata Jesúa mawũãsidꞌa: Daibara kꞌawuadꞌa ẽã.
Mawũãnaĩ Jesúsbara panaʉ̃ mawũãsia: Mʉãbidꞌa marãã jara ẽã kꞌaiba obi bꞌʉra mʉã obꞌʉra.
ទើបបានជ្រើសរើសហើយ៖
Marcos 11: cto
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2012, Wycliffe Bible Translators, Inc. All rights reserved.
Marcos 11
11
Jesús edꞌa wãna Jerusalénne
(Mateo 21:1-11; Lucas 19:28-40; Juan 12:12-19)
1Jerusalén kꞌaita babʉdadꞌe, Betfagé pʉwʉrʉ kꞌaita Betania pʉwʉrʉ kꞌaita zebʉdata, Olivo kꞌatuma kĩrãbita zebʉdadꞌera, Jesúsbara izha jʉrʉkuadꞌata ũme zokꞌabʉrʉta, 2mawũãsia: Pʉwʉrʉ zakeidꞌu wãũdua jari mazhi kĩrãbita tabꞌʉidꞌu, kꞌãma edꞌa wãbʉdadꞌera ũdudꞌaya burro kũrãta jʉ̃ nʉmʉta, maʉ̃nerã miõta bꞌarikꞌa, maʉ̃ta ẽnape weudua. 3Iabꞌaʉba widꞌibʉrʉta: ¿Kꞌãrẽã kꞌãwũã obʉda ara? Nokꞌoba nesidꞌa adꞌape nane diabꞌariya audua.
4Mawũãĩ wãbʉdadꞌera ũdusidꞌa burro kũrãta jʉ̃ nʉmʉta ãĩ puertama, mawũẽ ẽnasidꞌa. 5Ʉ̃kʉrʉ mama kꞌobꞌebara mawũãsidꞌa: ¿Marãbara kꞌãrẽã ẽnabʉda kꞌãʉ̃ burrora?
6Mawũãnaĩ ãzhara jarasidꞌa sãwũã jaraita Jesúsba jaradꞌadꞌe, mawũẽ idaribisidꞌa. 7Aramaʉ̃ne burrora wesidꞌa Jesúsma, mobe ʉ̃rʉ̃ bꞌʉsidꞌa ãzhidꞌe wua ãnebꞌari panʉta, mobebʉrʉ Jesús jewedꞌasia ʉ̃rʉ̃. 8Biobara bia edabʉdata ãzhidꞌe wua ãnebꞌari bꞌeta odꞌe ewarazoasidꞌa, dewaraurãbara pãrãrã kiduata tʉdꞌape odꞌe tadꞌazoasidꞌa. 9Zhãrãbara na wãba tẽã uruba nemi jĩgua mawũãsidꞌa:
¡Bʉra ibia jaradꞌaya!
¡Ibia jaradꞌaya Daizezedꞌeba zebʉrʉra! (Salmos 118:25-26)
10¡Nokꞌora ibia jaradꞌaya zõrã dazhirãta bꞌadꞌadꞌeba rey Davidꞌeba zebʉrʉra! ¡Daizezera ibia jaraudua ʉ̃trera!
11Aramaʉ̃ne Jesús Jerusalénne edꞌa wãbʉrʉdꞌera, Daizeze dedꞌa ewara maẽ wãpe ne jõma akʉkuape keu baera Betania pʉwʉrʉedꞌa wãsia izha jʉrʉkuadꞌata doce bawara.
Ikꞌazhirua jaradꞌa higuera ta ne ẽãta
(Mateo 21:18-19)
12Nrũẽma Betania pʉwʉrʉdꞌeba wãbʉdadꞌera jarrasia Jesús. 13Maʉ̃ne wawarauba ũdusia bakuru higuera kidua bara nʉmʉta, mawũẽ akʉdꞌe wãsia zhi ta bꞌʉ kꞌawuaita, mawũãmina maĩnu jũẽbʉrʉdꞌera zhi kiduatrʉ ũdusia higo zaubari ewari ẽbaera. 14Mawũẽ Jesúsbara higuera nʉmʉã mawũãsia: Bʉ tara miõba wueta kꞌo ẽã.
Maʉ̃ta ũrĩsidꞌa izha jʉrʉkuadꞌabara.
Jesúsba miti ẽã odꞌa Daizeze deta
(Mateo 21:12-17; Lucas 19:45-48; Juan 2:13-22)
15Jerusalén pʉwʉrʉedꞌa zebʉdadꞌera Jesús edꞌa wãsia Daizeze dedꞌa ewara maẽ, mobe ãĩ jʉrekuasia mama ne nendo bꞌeta ne eda bꞌeta. Mesara burekuasia plata kꞌãbiabadadꞌera, buguera burekuasia pusirã nendobadadꞌera. 16Mobe Daizeze dedꞌa ewara maẽ miõta idu berabꞌaribi ẽbasia ne edeira. 17Maʉ̃nerã miã ũrãgꞌabʉrʉta mawũãsia: ¿Naʉ̃ẽnabemata zhi bꞌʉmata mawũã bꞌʉ ẽka:
Mʉ dera zhiwidꞌibadata nʉmʉã adꞌaita jõmaʉ̃ĩtabemata nʉmaña abꞌʉ ẽka? Mawũã bꞌʉdꞌera marãbara nezrʉgamiãrã de babi nʉmʉkꞌãrĩna. (Isaías 56:7)
18Maʉ̃ta ũrĩnaĩ ũrãgꞌa Moisédꞌe jarabadabara sacerdoterã nokꞌorãbara krĩcha jʉrʉsidꞌa sãwũã beadꞌaita. Ãzhara wawia bꞌeasia jõmaʉ̃ba bia ũrĩ bꞌeba izhi ũrãgꞌata. 19Mawũãmina keubʉrʉdꞌera Jesús ãĩ wãsia Jerusalénnebara.
Higuera ikꞌazhirua jaradꞌata bagudꞌa
(Mateo 21:20-22)
20Diapedꞌa berabꞌaribʉdadꞌera ũdusidꞌa bakuru higuera bagudꞌata kꞌarradꞌeba. 21Mawũẽ Pedrobara bude bape mawũãsia: Miã Ũrãgꞌabari, akʉdua, bakuru higuera bʉa ikꞌazhirua jaradꞌara bagusia.
22Mawũãĩ Jesúsbara panaʉ̃ mawũãsia: Soidꞌu kꞌobꞌa bꞌeaudua Daizeze ũme. 23Mʉã wãrĩnu marãã jaraya, bariduba kꞌatuma za nʉmʉã jarabʉrʉta: Ãĩ wãrũã, pusadꞌe doidꞌu wãrũã abʉrʉta, izhi soma bꞌe ẽãne kꞌobꞌʉ ẽbʉrʉ, awuarabʉrʉ soidꞌu kꞌobꞌʉba izha jara kꞌobꞌʉra aribꞌae nʉmaẽdaidꞌe kꞌobꞌʉra, izha jarabʉrʉra aribꞌae nʉmaẽdaya. 24Maʉ̃ba mʉã marãã jaraya, jõma marãba widꞌibʉdara zhiwidꞌi soidꞌu kꞌobꞌeaudua jidadꞌaita, mawũãrã marãma zeya. 25Marã zhiwidꞌi kꞌobꞌedꞌera bedꞌea ne ẽãne edaudua iabꞌaʉ bawara bĩ ẽã bꞌebʉrʉ, marã Zeze ʉ̃tre bꞌʉbidꞌa marã bedꞌea ne ẽã bꞌʉkuamarẽã marãba bia ẽãta odꞌapeadꞌata biodꞌeba. 26Marã bĩ ẽã odꞌata marãba bedꞌea ne ẽãne edadꞌa ẽbʉrʉ, marã Zeze ʉ̃tre bꞌʉbidꞌa marã bedꞌea ne ẽã bꞌʉ ẽã marãba bia ẽãta odꞌapeadꞌata biodꞌebara.
Zareata Jesúsdꞌe
(Mateo 21:23-27; Lucas 20:1-8)
27Wakusa Jerusalén pʉwʉrʉedꞌa zekuape Daizeze dedꞌa ewara maẽ Jesús taidꞌe, izhima zesidꞌa sacerdoterã nokꞌorãta, ũrãgꞌa Moisédꞌe jarabadata, nokꞌorãta. 28Mobe mawũãsidꞌa: ¿Kꞌaiba obi bꞌʉ bʉa obꞌʉra? ¿Kꞌaiba diasi zareara bʉa obꞌʉta onʉmaĩrã?
29Mawũãnaĩ Jesúsbara panaʉ̃ mawũãsia: Mʉãbidꞌa marãã widꞌiya. Panuũdua, mawũãrã mʉãrã marãã jaraya kꞌaiba obi bꞌʉta mʉã obꞌʉra. 30Zhãrã buru kꞌoemarẽã Juan, ¿Ʉ̃trebemaba zokꞌasika o zhãrãba? Panuũdua.
31Mawũãĩ ãzhirãĩnu mawũãsidꞌa: Dazhirãba Ʉ̃trebemaba zokꞌasia adꞌara, ¿mobera kꞌãrẽã ĩjãna ẽbasi aya? 32¿Maʉ̃ne dazhirãbara sãwũã zhãrãba zokꞌasia adꞌaipe? Ãzhara aramaʉ̃ne zhãrãta wawiasidꞌa, jõmaʉ̃ma Juan wãrĩnu Daizezeba bedꞌeata jarabibarita bꞌʉ baera. 33Mawũẽ panaʉ̃bʉdata Jesúa mawũãsidꞌa: Daibara kꞌawuadꞌa ẽã.
Mawũãnaĩ Jesúsbara panaʉ̃ mawũãsia: Mʉãbidꞌa marãã jara ẽã kꞌaiba obi bꞌʉra mʉã obꞌʉra.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2012, Wycliffe Bible Translators, Inc. All rights reserved.