Apostolkuéra 7
7
Estéban ñe’ẽ paha
1Upémaramo pe pa’iguasu oporandu Estébanpe: Añete piko péva.
2Estéban ombohovái: Che ryke’ykuéra ha che rukuéra pejapysaka porã: Ñanderuete, pe teko jajaipa Jára ojehechaukava’ekue ñande ru Abrahámpe, oĩ ramoguare gueteri Mesopotámiape, oiko mboyve Haránpe,
3ha he’i ichupe: Esẽ ne retãgui ha nde rogayguakuéra apytégui ha tereho pe tetã Che ahechaukátava ndéve.
4Upéramo, Abraham osẽ Caldeaygua retãgui, ha oiko Haránpe. Upégui, itúva omano rire, Ñanderuete oguerova ichupe ko tetã kóvape, peẽ peikohápe ko’ág̃a.
5Ha Ñanderuete nome’ẽi ichupe ijyvyrã, peteĩ pypore rendaguénte jepe, ome’ẽ katu ichupe iñe’ẽ ome’ẽtaha ichupe ha iñemoñarenguérape ijyvyrã, Ñanderuete oñe’ẽrõ guare ko ñe’ẽ kóva, Abraham ndaita’ýrai gueteri.
6Ñanderuete he’i avei ichupe: Iñemoñarenguéra oikotaha ambue tetãme tembiguái ramo ha ohasa asýta 400 áño pukukue.
7Ha pe tetã ha’ekuéra omba’apotahápe tembiguái ramo Che ambojovakéta, he’i Ñanderuete, ha uperire Israelguakuéra osẽta ha cheservíta ko tetã kóvape.
8Ñanderuete ome’ẽ ichupekuéra pe pire’i ñekytĩ’o (circuncision), techaukaha ramo, oñembopy’apeteĩ haguére hendivekuéra. Upévare Abraham oikytĩ’o ita’ýra Isaac pire’i 8 ára onace rire; ha Isaac oikytĩ’o Jacóbope, ha Jacóbo, umi 12 ita’yrakuérape.
9Ha umi tríbu ruvichakuéra ipy’a vaígui (ipy’a rasýgui) Jose ndive ovende ichupe Egípto retãme g̃uarã, Ñanderuete katu oĩ hendive,
10ha oipe’a ichupe opaite ijehasa asýgui, oipytyvõ ha omoarandu ichupe faraon, pe Egípto retã ruvichaguasu renondépe, ha upe mburuvicha omoĩ Josépe Egípto retã ruvicha mokõiha ramo ha omoĩ avei opaite imba’e Jose poguýpe.
11Uperire ou Egípto ha Canaan retãme ñembyahýi tuichaitereíva angekõi vaiete reheve, ha ñande rukuéra ndojohuvéima hembi’urã.
12Ha Jacóbo ohendúgui Egípto retãme oĩha trígo, omondo jevy upépe ñande rukuérape.
13Ha oho jevy ramo, Jose ojekuaauka ityke’yrakuérape, upérõ faraon ou oikuaa Jose rogayguakuérape.
14Uperire Jose ogueruka itúva Jacóbope, opaite 75 hogayguakuéra ndive.
15Ha Jacóbo oho Egíptope, ha upépe omano ha’e ha ita’yrakuéra, ñande rukuéra avei.
16Upéi ojeguerova hetekuekuéra Siquémpe, ha oñeñotỹ ichupekuéra pe yvy pehẽnguépe, Abraham ojoguava’ekue pláta rehe Hamor ra’ykuéragui Siquémpe.
17Ha oñemoag̃uívo pe ára atyguasu Ñanderuete oprometeva’ekue Abrahámpe, Israelguakuéra oñembohetave ohóvo Egípto retãme.
18Og̃uahẽ meve ambue Egípto retã ruvichaguasu oikuaa’ỹva Josépe,
19upe tetã ruvicha upéva oñeha’ãmba ojopy vai hag̃ua ñande ypykuérape ha oguerahauka ita’ýra onaceramóvape ka’aguýpe ojepoi ha omano hag̃ua upépe, ani hag̃ua oñembohetave ohóvo.
20Umi ára umívape Moises onace, ha ha’e ho’a porã Ñanderuetépe g̃uarã, ha oñeñangareko hese itúva rógape mbohapy jasy.
21Ojegueraha rire ysyry rembe’ýpe, faraon rajy ojohu ichupe ha omongakuaa ichupe imembyteévaicha.
22Ha ojehekombo’e Moiséspe opaite Egípto arandúpe, ha Moisésgui oiko peteĩ kuimba’e iñe’ẽ mbarete porãitéva ha ojapóva tembiapo tuicháva.
23Moises ombotývo 40 áño hi’ã sapy’a ichupe, oñandu hag̃ua hetãyguakuéra, Israelguakuérape.
24Ha ohechávo peteĩ hetãyguápe ojopy vaiete peteĩ Egípto pegua tahachi rupi, oho oipytyvõ hag̃ua ichupe ha ojuka pe Egiptoyguápe.
25Moises oimo’ã hetãyguakuéra ohechakuaataha Ñanderuete osalvaseha ichupekuéra ipo rupi, ha’ekuéra katu ndohechakuaái.
26Upeha ára ambuépe katu Moises ohecha mokõi Israelguápe oñorãirõva oñondive, ha he’i ichupekuéra: Kuimba’ekuéra peẽ ningo ojoryvy, mba’érehepa peñorãirõpeína.
27Upérõ pe oja’óva hapichápe omboyke Moiséspe ha he’i ichupe: Máva piko nemoĩra’e ore mburuvicha ha ore mbojovakehára ramo.
28Térã piko nde chejukase avei rejuka haguéicha kuehe pe Egiptoyguápe.
29Moises ohendúvo pe ñe’ẽ péva okañy ha oiko tetã ambueygua ramo Madian retãme, ha ita’ýra mokõi upépe.
30Ha ohasa rire 40 áño, ojehechauka ichupe pe cérro Sinai desiértope peteĩ ángel jukeri rata rendy mbytépe.
31Moises ohechávo péva ohecharamoite upe ojehúva, ha oñembojávo ohecha porãve hag̃ua, ohendu Ñanderuete ñe’ẽ he’íva ichupe:
32Che ningo nde rukuéra Jára, Abraham, Isaac ha Jacóbo Jára, ha Moises oryryipa opytávo ha ndaikatúi oma’ẽ hese okyhyjégui.
33Ha Ñanderuete he’i ichupe: Eipe’a nde py rehegua ko yvy kóva oñemboykéma chéve g̃uarã.
34Ahecha ningo che retã Israel ojejopy vaiha Egíptope, ahendu ipyahẽ ha aguejy asalva hag̃ua ichupekuéra, upévare eju, Che romondo hag̃ua Egíptope.
35Ko Moiséspe hetãyguakuéra omboykeva’ekue he’ívo: Máva piko nemoĩra’e ore mburuvicha ha ore mbojovakehára ramo. Ko Moises kóvape Ñanderuete oiporavo ha omondo osalva hag̃ua hetãyguakuérape, pe ángel po rupi ojehechaukava’ekue pe jukeri mbytépe.
36Kóva oguenohẽ Israelguakuérape ojapóvo milágro ha mba’e techaukahaguasúva Egípto retãme, Yguasu Pytãme ha desiertokuéra rupi 40 áño pukukue.
37Kóva ningo pe Moises, he’iva’ekue Israel ra’ykuérape: Ñanderuete omopu’ãva’erã peteĩ proféta cheichagua pende ryvykuéra apytégui.
38Kóva ningo pe oĩva’ekue ñande ypykuéra atýpe desiértope, pe ángel ndive, oñe’ẽva ichupe pe cérro Sinai ru’ãme ha ñande rukuéra ndive, ha ichupe oñeme’ẽ tekove ñe’ẽnguéra ombohasa hag̃ua ñandéve.
39Ñande rukuéra katu naiñe’ẽrendúi ichupe, omboyke uvei ichupe, ha ipy’apýpe ojevy Egípto retãme.
40Ñande rukuéra he’iva’ekue Aarónpe: Ejapo oréve ore jararã, ohova’erãva ore renondépe, ndoroikuaáigui mba’épa oiko Moisésgui oreguenohẽva’ekue Egíptogui.
41Ha ojapo hikuái umi ára umívape peteĩ tóro ra’yrusu ra’ãnga ha oikuave’ẽ kuave’ẽmby ichupe g̃uarã, ha oguerohory hikuái ko ta’ãnga kóva ojejapova’ekue ipokuéra rupi.
42Ha Ñanderuete ojei ichuguikuéra ha oheja omomba’eguasu mbyjakuérape oĩva árare, ojehai háicha Ñanderuete kuatiañe’ẽme: Peẽ Israelgua peikuave’ẽ piko chéve kuave’ẽmbynguéra umi 40 áño pukukue desiértope.
43Nahániri, peẽ pemopu’ã uvei peteĩ oga’i tymba pirekueguigua pende jára Molócpe g̃uarã ha mbyja jára Renfan ra’ãnga, pemomba’eguasu hag̃ua umíape, upévare Che pomosẽta pene retãgui Babilónia retã mboypýri, (Amos 5,25-27).
44Ñande rukuéra oguereko ramojepe pe óga jojohuha, Ñanderuete ojapoukava’ekue Moises rupi, Ha’e ohechauka haguéicha ichupe.
45Ko óga jojohuha kóva ñande rukuéra ogueraha avei Canaan retãme Josue oisãmbyhy aja ha Ñanderuete omosẽvo umi tetãnguéra Israel renondépe Canaan retãgui, ha pe óga jojohuha ojeporu David arakuéra peve.
46Ñanderuete oipytyvõ porãiteva’ekue Davídpe, ha upévare ha’e ojerure Ñanderuetépe, omopu’ã hag̃ua ichupe g̃uarã Ñanderuete rogaguasu.
47Ñanderuete katu ojoko ichupe, ita’ýra Salomon omopu’ã hag̃ua hogaguasu.
48Ñanderuete ndoikói ramojepe peteĩ óga kuimba’ekuéra omopu’ãva’ekuépe, peteĩ proféta he’i háicha:
49Pe yvága che guapyhaguasu ha pe yvy che py renda, mba’eichagua óga piko pemopu’ãta chéve g̃uarã, térã moõpa oĩ pe tenda Che apytu’u hag̃ua.
50Che po rupi piko ndoikoiraka’e opaite ko’ã mba’e, (Isaías 66,1-2).
51Peẽ pendepy’a hatãva, pende py’apy iñañáva ha pende apysa omokõmbáva ohendúva guive, peẽ tapia peñemoĩ Pytu Porãmbáva rehe, pende rukuéra ojapo haguéicha avei.
52Opaite profetakuérape pende rukuéra ombohasa asyva’ekue, ha ojuka hikuái umi he’iva’ekuépe pe Heko Porãva outaha, ichupe peẽ ko’ág̃a peipy’ajoyvy (petraiciona) ha pejuka.
53 Ángelkuéra rupi oñeme’ẽ peẽme Moises rembiapoukapy, ha ndapejapói.
54Ha hetãyguakuéra ohendúvo ko Estéban ñe’ẽ kóva ipochyete rasa ipy’apýpe ha omopururũ hãinguéra.
55Estéban henyhẽ Pytu Porãmbávagui ha oma’ẽvo yvágare ojehechauka ichupe Ñanderuete reko jajaipa ha Hesu Crísto oñembo’ýva Itúva akatúape.
56Ha he’ive: Peikuaa porãke ahecha’aína pe yvága ojepe’a ha yvyarigua Ra’y oñembo’yhína Ñanderuete akatúape.
57Upémaramo omboty ijapysakuéra ha sapukaipópe ojeity joa hi’ári.
58Ha ombotyryry hikuái ichupe, pe táva oka gotýo ha ojapi ichupe itápe omano meve. Umi ojapíva aokuéra rehe oñangareko peteĩ karia’y hérava Sáulo.
59Ha ojapi aja hikuái Estébanpe, ha’e ohenói Hesu Crístope ha he’i: Che Jára Hesu, eraha che pytu.
60Upéi Estéban oñesũ, ha osapukái hatã: Hesu Crísto, eperdona ichupekuéra, ha he’ipávo ko ñe’ẽ omano.
ទើបបានជ្រើសរើសហើយ៖
Apostolkuéra 7: ÑÑP2015
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Ñanderuete Ñe’ẽ Porã © MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015.
Apostolkuéra 7
7
Estéban ñe’ẽ paha
1Upémaramo pe pa’iguasu oporandu Estébanpe: Añete piko péva.
2Estéban ombohovái: Che ryke’ykuéra ha che rukuéra pejapysaka porã: Ñanderuete, pe teko jajaipa Jára ojehechaukava’ekue ñande ru Abrahámpe, oĩ ramoguare gueteri Mesopotámiape, oiko mboyve Haránpe,
3ha he’i ichupe: Esẽ ne retãgui ha nde rogayguakuéra apytégui ha tereho pe tetã Che ahechaukátava ndéve.
4Upéramo, Abraham osẽ Caldeaygua retãgui, ha oiko Haránpe. Upégui, itúva omano rire, Ñanderuete oguerova ichupe ko tetã kóvape, peẽ peikohápe ko’ág̃a.
5Ha Ñanderuete nome’ẽi ichupe ijyvyrã, peteĩ pypore rendaguénte jepe, ome’ẽ katu ichupe iñe’ẽ ome’ẽtaha ichupe ha iñemoñarenguérape ijyvyrã, Ñanderuete oñe’ẽrõ guare ko ñe’ẽ kóva, Abraham ndaita’ýrai gueteri.
6Ñanderuete he’i avei ichupe: Iñemoñarenguéra oikotaha ambue tetãme tembiguái ramo ha ohasa asýta 400 áño pukukue.
7Ha pe tetã ha’ekuéra omba’apotahápe tembiguái ramo Che ambojovakéta, he’i Ñanderuete, ha uperire Israelguakuéra osẽta ha cheservíta ko tetã kóvape.
8Ñanderuete ome’ẽ ichupekuéra pe pire’i ñekytĩ’o (circuncision), techaukaha ramo, oñembopy’apeteĩ haguére hendivekuéra. Upévare Abraham oikytĩ’o ita’ýra Isaac pire’i 8 ára onace rire; ha Isaac oikytĩ’o Jacóbope, ha Jacóbo, umi 12 ita’yrakuérape.
9Ha umi tríbu ruvichakuéra ipy’a vaígui (ipy’a rasýgui) Jose ndive ovende ichupe Egípto retãme g̃uarã, Ñanderuete katu oĩ hendive,
10ha oipe’a ichupe opaite ijehasa asýgui, oipytyvõ ha omoarandu ichupe faraon, pe Egípto retã ruvichaguasu renondépe, ha upe mburuvicha omoĩ Josépe Egípto retã ruvicha mokõiha ramo ha omoĩ avei opaite imba’e Jose poguýpe.
11Uperire ou Egípto ha Canaan retãme ñembyahýi tuichaitereíva angekõi vaiete reheve, ha ñande rukuéra ndojohuvéima hembi’urã.
12Ha Jacóbo ohendúgui Egípto retãme oĩha trígo, omondo jevy upépe ñande rukuérape.
13Ha oho jevy ramo, Jose ojekuaauka ityke’yrakuérape, upérõ faraon ou oikuaa Jose rogayguakuérape.
14Uperire Jose ogueruka itúva Jacóbope, opaite 75 hogayguakuéra ndive.
15Ha Jacóbo oho Egíptope, ha upépe omano ha’e ha ita’yrakuéra, ñande rukuéra avei.
16Upéi ojeguerova hetekuekuéra Siquémpe, ha oñeñotỹ ichupekuéra pe yvy pehẽnguépe, Abraham ojoguava’ekue pláta rehe Hamor ra’ykuéragui Siquémpe.
17Ha oñemoag̃uívo pe ára atyguasu Ñanderuete oprometeva’ekue Abrahámpe, Israelguakuéra oñembohetave ohóvo Egípto retãme.
18Og̃uahẽ meve ambue Egípto retã ruvichaguasu oikuaa’ỹva Josépe,
19upe tetã ruvicha upéva oñeha’ãmba ojopy vai hag̃ua ñande ypykuérape ha oguerahauka ita’ýra onaceramóvape ka’aguýpe ojepoi ha omano hag̃ua upépe, ani hag̃ua oñembohetave ohóvo.
20Umi ára umívape Moises onace, ha ha’e ho’a porã Ñanderuetépe g̃uarã, ha oñeñangareko hese itúva rógape mbohapy jasy.
21Ojegueraha rire ysyry rembe’ýpe, faraon rajy ojohu ichupe ha omongakuaa ichupe imembyteévaicha.
22Ha ojehekombo’e Moiséspe opaite Egípto arandúpe, ha Moisésgui oiko peteĩ kuimba’e iñe’ẽ mbarete porãitéva ha ojapóva tembiapo tuicháva.
23Moises ombotývo 40 áño hi’ã sapy’a ichupe, oñandu hag̃ua hetãyguakuéra, Israelguakuérape.
24Ha ohechávo peteĩ hetãyguápe ojopy vaiete peteĩ Egípto pegua tahachi rupi, oho oipytyvõ hag̃ua ichupe ha ojuka pe Egiptoyguápe.
25Moises oimo’ã hetãyguakuéra ohechakuaataha Ñanderuete osalvaseha ichupekuéra ipo rupi, ha’ekuéra katu ndohechakuaái.
26Upeha ára ambuépe katu Moises ohecha mokõi Israelguápe oñorãirõva oñondive, ha he’i ichupekuéra: Kuimba’ekuéra peẽ ningo ojoryvy, mba’érehepa peñorãirõpeína.
27Upérõ pe oja’óva hapichápe omboyke Moiséspe ha he’i ichupe: Máva piko nemoĩra’e ore mburuvicha ha ore mbojovakehára ramo.
28Térã piko nde chejukase avei rejuka haguéicha kuehe pe Egiptoyguápe.
29Moises ohendúvo pe ñe’ẽ péva okañy ha oiko tetã ambueygua ramo Madian retãme, ha ita’ýra mokõi upépe.
30Ha ohasa rire 40 áño, ojehechauka ichupe pe cérro Sinai desiértope peteĩ ángel jukeri rata rendy mbytépe.
31Moises ohechávo péva ohecharamoite upe ojehúva, ha oñembojávo ohecha porãve hag̃ua, ohendu Ñanderuete ñe’ẽ he’íva ichupe:
32Che ningo nde rukuéra Jára, Abraham, Isaac ha Jacóbo Jára, ha Moises oryryipa opytávo ha ndaikatúi oma’ẽ hese okyhyjégui.
33Ha Ñanderuete he’i ichupe: Eipe’a nde py rehegua ko yvy kóva oñemboykéma chéve g̃uarã.
34Ahecha ningo che retã Israel ojejopy vaiha Egíptope, ahendu ipyahẽ ha aguejy asalva hag̃ua ichupekuéra, upévare eju, Che romondo hag̃ua Egíptope.
35Ko Moiséspe hetãyguakuéra omboykeva’ekue he’ívo: Máva piko nemoĩra’e ore mburuvicha ha ore mbojovakehára ramo. Ko Moises kóvape Ñanderuete oiporavo ha omondo osalva hag̃ua hetãyguakuérape, pe ángel po rupi ojehechaukava’ekue pe jukeri mbytépe.
36Kóva oguenohẽ Israelguakuérape ojapóvo milágro ha mba’e techaukahaguasúva Egípto retãme, Yguasu Pytãme ha desiertokuéra rupi 40 áño pukukue.
37Kóva ningo pe Moises, he’iva’ekue Israel ra’ykuérape: Ñanderuete omopu’ãva’erã peteĩ proféta cheichagua pende ryvykuéra apytégui.
38Kóva ningo pe oĩva’ekue ñande ypykuéra atýpe desiértope, pe ángel ndive, oñe’ẽva ichupe pe cérro Sinai ru’ãme ha ñande rukuéra ndive, ha ichupe oñeme’ẽ tekove ñe’ẽnguéra ombohasa hag̃ua ñandéve.
39Ñande rukuéra katu naiñe’ẽrendúi ichupe, omboyke uvei ichupe, ha ipy’apýpe ojevy Egípto retãme.
40Ñande rukuéra he’iva’ekue Aarónpe: Ejapo oréve ore jararã, ohova’erãva ore renondépe, ndoroikuaáigui mba’épa oiko Moisésgui oreguenohẽva’ekue Egíptogui.
41Ha ojapo hikuái umi ára umívape peteĩ tóro ra’yrusu ra’ãnga ha oikuave’ẽ kuave’ẽmby ichupe g̃uarã, ha oguerohory hikuái ko ta’ãnga kóva ojejapova’ekue ipokuéra rupi.
42Ha Ñanderuete ojei ichuguikuéra ha oheja omomba’eguasu mbyjakuérape oĩva árare, ojehai háicha Ñanderuete kuatiañe’ẽme: Peẽ Israelgua peikuave’ẽ piko chéve kuave’ẽmbynguéra umi 40 áño pukukue desiértope.
43Nahániri, peẽ pemopu’ã uvei peteĩ oga’i tymba pirekueguigua pende jára Molócpe g̃uarã ha mbyja jára Renfan ra’ãnga, pemomba’eguasu hag̃ua umíape, upévare Che pomosẽta pene retãgui Babilónia retã mboypýri, (Amos 5,25-27).
44Ñande rukuéra oguereko ramojepe pe óga jojohuha, Ñanderuete ojapoukava’ekue Moises rupi, Ha’e ohechauka haguéicha ichupe.
45Ko óga jojohuha kóva ñande rukuéra ogueraha avei Canaan retãme Josue oisãmbyhy aja ha Ñanderuete omosẽvo umi tetãnguéra Israel renondépe Canaan retãgui, ha pe óga jojohuha ojeporu David arakuéra peve.
46Ñanderuete oipytyvõ porãiteva’ekue Davídpe, ha upévare ha’e ojerure Ñanderuetépe, omopu’ã hag̃ua ichupe g̃uarã Ñanderuete rogaguasu.
47Ñanderuete katu ojoko ichupe, ita’ýra Salomon omopu’ã hag̃ua hogaguasu.
48Ñanderuete ndoikói ramojepe peteĩ óga kuimba’ekuéra omopu’ãva’ekuépe, peteĩ proféta he’i háicha:
49Pe yvága che guapyhaguasu ha pe yvy che py renda, mba’eichagua óga piko pemopu’ãta chéve g̃uarã, térã moõpa oĩ pe tenda Che apytu’u hag̃ua.
50Che po rupi piko ndoikoiraka’e opaite ko’ã mba’e, (Isaías 66,1-2).
51Peẽ pendepy’a hatãva, pende py’apy iñañáva ha pende apysa omokõmbáva ohendúva guive, peẽ tapia peñemoĩ Pytu Porãmbáva rehe, pende rukuéra ojapo haguéicha avei.
52Opaite profetakuérape pende rukuéra ombohasa asyva’ekue, ha ojuka hikuái umi he’iva’ekuépe pe Heko Porãva outaha, ichupe peẽ ko’ág̃a peipy’ajoyvy (petraiciona) ha pejuka.
53 Ángelkuéra rupi oñeme’ẽ peẽme Moises rembiapoukapy, ha ndapejapói.
54Ha hetãyguakuéra ohendúvo ko Estéban ñe’ẽ kóva ipochyete rasa ipy’apýpe ha omopururũ hãinguéra.
55Estéban henyhẽ Pytu Porãmbávagui ha oma’ẽvo yvágare ojehechauka ichupe Ñanderuete reko jajaipa ha Hesu Crísto oñembo’ýva Itúva akatúape.
56Ha he’ive: Peikuaa porãke ahecha’aína pe yvága ojepe’a ha yvyarigua Ra’y oñembo’yhína Ñanderuete akatúape.
57Upémaramo omboty ijapysakuéra ha sapukaipópe ojeity joa hi’ári.
58Ha ombotyryry hikuái ichupe, pe táva oka gotýo ha ojapi ichupe itápe omano meve. Umi ojapíva aokuéra rehe oñangareko peteĩ karia’y hérava Sáulo.
59Ha ojapi aja hikuái Estébanpe, ha’e ohenói Hesu Crístope ha he’i: Che Jára Hesu, eraha che pytu.
60Upéi Estéban oñesũ, ha osapukái hatã: Hesu Crísto, eperdona ichupekuéra, ha he’ipávo ko ñe’ẽ omano.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Ñanderuete Ñe’ẽ Porã © MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015.