Apostolkuéra 4
4
Pédro ha Juánpe ojegueraha umi 71 Israel karai ancianokuéra renondépe
1Pédro ha Juan oñe’ẽvo gueteri hikuái hetãyguakuérape og̃uahẽ pochypópe umi pa’i saduceokuéra ha pe Ñanderuete rogaguasu tahachi ruvicha ndive,
2ha’ekuéra ombo’e haguére hetãyguakuérape ha omombe’u haguére oñemoingove jevýma hague Hesu Crístope omanomava’ekue apytégui.
3Ha’ekuéra oapresa ha omoinge Pédro ha Juánpe cárcelpe ambue ára peve, ika’aruetémagui.
4Heta umi ohendúva ijapytégui katu oñepyrũ ojerovia Hesu Crísto rehe, ha oñembohetave ohóvo 5.000 kuimba’e rupi, umi ojeroviámava.
5Ha ambue árape oñembyaty Jerusalénpe: Imburuvichakuéra, umi 71 karai ancianokuérape omyakãva avei hetãyguakuéra ha umi kuatia haihára,
6ha Anas, pe pa’i ruvicha, Caifas, Juan, Alejándro, ha opaite pa’i ruvicha rogayguakuéra.
7Ha omohenda rire hikuái Pédro ha Juánpe ijapytépe, oporandu hikuái: Mba’eichagua pu’aka rupi piko térã máva rérape piko peẽ pejapo pe milágro péva.
8Upérõ, Pédro henyhẽva Pytu Porãmbávagui, he’i ichupekuéra: Tetã ruvichakuéra ha karai ancianokuéra, pemyakãva ko tetã kóvape:
9Peikuaase piko mba’eichagua pu’aka rupi ha máva réra rupi ko kuimba’e ikarẽva’ekue oñemonguera,
10upeicharamo ore roikuaauka peẽme ha opaite Israelguakuérape ko kuimba’e ikarẽva’ekue oñembo’ýva pene renondépe oñemonguera Hesu Crísto réra rupi, pe Nazaretgua, peẽ pejukaukava’ekue kurusúre, Ñanderuete katu omoingove jevýma ichupe iñemanógui.
11Ko itaguasu kóva peẽ óga apohára pemboyke, opáichavo oikóma ichugui pe óga rapo, ha hi’ári oñemboguapy pe óga ha opaite ambue itakuéra.
12Ambue rupi ndaipóri salvacion, ndaipórigui ambue téra ára guýpe ikatuva’erãva rehe jajesalva.
13Umi mburuvicha ohecha ramo mba’éichapa Pédro ha Juan py’aguasúpe omombe’u Hesu Crísto evangélio, oikuaa porã voi ha’ekuéra ndoike areiha escuélape ni noñemoarandúi hague yvy arigua arandúpe, upévare ohecharamoite hikuái.
14Ha ohechávo pe kuimba’e ikarẽva’ekuépe oñembo’ýva ijapytépe, ndaikatuvéi he’i mba’eve ivaíva hesekuéra.
15Upévare umi mburuvicha he’i ichupekuéra osẽ hag̃ua ijapytégui, ha’ekuéra oñemongeta porã hag̃ua oñondivénte,
16ha he’i joa hikuái: Mba’e piko jajapóta ko’ã kuimba’e ko’ãva rehe, opaite Jerusalengua oikuaa porã Pédro ha Juan ojapo hague ko techaukaha omonguerávo pe kuimba’e ikarẽva’ekuépe ha péva ñande ndaikatúi ñambotove (ñanega).
17Anive hag̃ua ha’ekuéra omombe’u Hesu Crísto evangélio Israelguakuéra apytépe, ñamongyhyje porã ha jajopy ichupekuéra okirirĩete hag̃ua.
18Upérõ ohenói jevy hikuái Pédro ha Juánpe, ha he’i ichupekuéra anive hag̃ua omombe’u Hesu rehe Israelguakuéra apytépe, térã oporombo’e Hesu ñe’ẽre.
19Pédro ha Juan katu ombohovái ha he’i ichupekuéra: Pembojovake hekópe, ore oreñe’ẽrenduva’erãpa Ñanderuetépe térãpa peẽme.
20Ore ningo ndaikatúi roguerokirirĩ umi mba’e ore rohecha ha rohenduva’ekue.
21Upérõ umi mburuvicha omongyhyje jevy ichupekuéra, ha opoi Pédro ha Juángui, ndojohúigui hesekuéra mba’evete ikatúva omoĩ vai hag̃ua ichupekuéra, hetãyguakuéra omomba’eguasúgui Ñanderuetépe pe milágro oikomava’ekue rehe.
22Pe kuimba’e oñemonguerava’ekue oguerekóma 40 áño ári.
Hesu Crísto iglésia oagradece ha ojerure
23Ha ojepoi rire ichuguikuéra, Pédro ha Juan oho iñermanokuéra rendápe ha omombe’upa hikuái ichupekuéra umi pa’i ruvicha ha mburuvichakuéra he’iva’ekue guive ichupekuéra.
24Ha umi ojeroviáva Hesu Crísto rehe ohendúvo umi mba’e omomba’eguasu Ñanderuetépe he’ívo: Ore Jára, Nde rejapova’ekue pe ára, ko yvy, pe yguasu ha opaite mba’e ipype oĩva guive.
25Nde Pytu Porãmbáva rupi ere ore ru David juru rupi ore rukuérape: Ma’erã piko tetãnguéra oñembotuicha ha tetãnguéra ojepy’amongeta hikuái mba’e rei rehe.
26Tetã ruvichakuéra opu’ã ha mburuvichakuéra oñembyaty oñondive oñemoĩ hag̃ua Ñanderuete ha pe Ha’e oiporavova’ekue rehe, (péva he’ise Hesu Crísto rehe. Salmokuéra 2,1-2).
27Añetehápe oñembyaty hikuái ko táva Jerusalen kóvape, Heródes ha Póncio Piláto, tetã ambueyguakuéra ha Israelguakuéra ndive oñemoĩ hag̃ua nde poravopyre Hesu Crísto rehe.
28Oikopa hag̃ua nde pu’akaguasuete ombosako’íva ha Nde reipotáva guive.
29Ha ko’ág̃a ore Jára, ema’ẽmi umi oremongyhyjéva rehe, ha emokyre’ỹ ne rembiguaikuérape omombe’u hag̃ua ne evangélio py’aguasupópe.
30Nde pu’aka rupi emonguera hasývape, ha ehechauka milágro ha techaukaha ne rembiguái heko porãva Hesu Crísto rupi.
31Ha oñembo’epa rire oryrýi pe óga oñembyatyhápe hikuái, ha opavave oñemyenyhẽ Pytu Porãmbávagui, ha kyre’ỹpópe omombe’u Hesu Crísto evangélio.
32Ha opaite ojeroviáva guive Hesu Crísto rehe ipy’a peteĩ ha hi’ánga peteĩ oñondive ha avave ijapytépe nde’íri oguerekóva guive imba’eha, opaite mba’e uvei oñomba’epa.
33Ha tuicha pu’aka rupi apostolkuéra omombe’u Hesu Crísto oikove jevymaha, ha Ñanderuete mborayhu oĩ hendivekuéra.
34Ijapytépe avave ndohasa asýi, umi ijyvýva térã hógava ovende ha ogueru pe pirapire ohupityva’ekue,
35ha omoĩ apostolkuéra py renondépe, oñemboja’o hag̃ua hikuái peteĩteĩme oikotevẽ haichaite.
36Jose, umi apóstol ohenói avei ichupe Bernabe, he’iséva ñemoangapyhy ra’y, ha’e peteĩ Levigua, onaceva’ekue Chíprepe.
37Ha’e ovende ijyvy, ha ogueru hepykue ha omoĩ avei apostolkuéra py rendondépe.
ទើបបានជ្រើសរើសហើយ៖
Apostolkuéra 4: ÑÑP2015
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Ñanderuete Ñe’ẽ Porã © MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015.
Apostolkuéra 4
4
Pédro ha Juánpe ojegueraha umi 71 Israel karai ancianokuéra renondépe
1Pédro ha Juan oñe’ẽvo gueteri hikuái hetãyguakuérape og̃uahẽ pochypópe umi pa’i saduceokuéra ha pe Ñanderuete rogaguasu tahachi ruvicha ndive,
2ha’ekuéra ombo’e haguére hetãyguakuérape ha omombe’u haguére oñemoingove jevýma hague Hesu Crístope omanomava’ekue apytégui.
3Ha’ekuéra oapresa ha omoinge Pédro ha Juánpe cárcelpe ambue ára peve, ika’aruetémagui.
4Heta umi ohendúva ijapytégui katu oñepyrũ ojerovia Hesu Crísto rehe, ha oñembohetave ohóvo 5.000 kuimba’e rupi, umi ojeroviámava.
5Ha ambue árape oñembyaty Jerusalénpe: Imburuvichakuéra, umi 71 karai ancianokuérape omyakãva avei hetãyguakuéra ha umi kuatia haihára,
6ha Anas, pe pa’i ruvicha, Caifas, Juan, Alejándro, ha opaite pa’i ruvicha rogayguakuéra.
7Ha omohenda rire hikuái Pédro ha Juánpe ijapytépe, oporandu hikuái: Mba’eichagua pu’aka rupi piko térã máva rérape piko peẽ pejapo pe milágro péva.
8Upérõ, Pédro henyhẽva Pytu Porãmbávagui, he’i ichupekuéra: Tetã ruvichakuéra ha karai ancianokuéra, pemyakãva ko tetã kóvape:
9Peikuaase piko mba’eichagua pu’aka rupi ha máva réra rupi ko kuimba’e ikarẽva’ekue oñemonguera,
10upeicharamo ore roikuaauka peẽme ha opaite Israelguakuérape ko kuimba’e ikarẽva’ekue oñembo’ýva pene renondépe oñemonguera Hesu Crísto réra rupi, pe Nazaretgua, peẽ pejukaukava’ekue kurusúre, Ñanderuete katu omoingove jevýma ichupe iñemanógui.
11Ko itaguasu kóva peẽ óga apohára pemboyke, opáichavo oikóma ichugui pe óga rapo, ha hi’ári oñemboguapy pe óga ha opaite ambue itakuéra.
12Ambue rupi ndaipóri salvacion, ndaipórigui ambue téra ára guýpe ikatuva’erãva rehe jajesalva.
13Umi mburuvicha ohecha ramo mba’éichapa Pédro ha Juan py’aguasúpe omombe’u Hesu Crísto evangélio, oikuaa porã voi ha’ekuéra ndoike areiha escuélape ni noñemoarandúi hague yvy arigua arandúpe, upévare ohecharamoite hikuái.
14Ha ohechávo pe kuimba’e ikarẽva’ekuépe oñembo’ýva ijapytépe, ndaikatuvéi he’i mba’eve ivaíva hesekuéra.
15Upévare umi mburuvicha he’i ichupekuéra osẽ hag̃ua ijapytégui, ha’ekuéra oñemongeta porã hag̃ua oñondivénte,
16ha he’i joa hikuái: Mba’e piko jajapóta ko’ã kuimba’e ko’ãva rehe, opaite Jerusalengua oikuaa porã Pédro ha Juan ojapo hague ko techaukaha omonguerávo pe kuimba’e ikarẽva’ekuépe ha péva ñande ndaikatúi ñambotove (ñanega).
17Anive hag̃ua ha’ekuéra omombe’u Hesu Crísto evangélio Israelguakuéra apytépe, ñamongyhyje porã ha jajopy ichupekuéra okirirĩete hag̃ua.
18Upérõ ohenói jevy hikuái Pédro ha Juánpe, ha he’i ichupekuéra anive hag̃ua omombe’u Hesu rehe Israelguakuéra apytépe, térã oporombo’e Hesu ñe’ẽre.
19Pédro ha Juan katu ombohovái ha he’i ichupekuéra: Pembojovake hekópe, ore oreñe’ẽrenduva’erãpa Ñanderuetépe térãpa peẽme.
20Ore ningo ndaikatúi roguerokirirĩ umi mba’e ore rohecha ha rohenduva’ekue.
21Upérõ umi mburuvicha omongyhyje jevy ichupekuéra, ha opoi Pédro ha Juángui, ndojohúigui hesekuéra mba’evete ikatúva omoĩ vai hag̃ua ichupekuéra, hetãyguakuéra omomba’eguasúgui Ñanderuetépe pe milágro oikomava’ekue rehe.
22Pe kuimba’e oñemonguerava’ekue oguerekóma 40 áño ári.
Hesu Crísto iglésia oagradece ha ojerure
23Ha ojepoi rire ichuguikuéra, Pédro ha Juan oho iñermanokuéra rendápe ha omombe’upa hikuái ichupekuéra umi pa’i ruvicha ha mburuvichakuéra he’iva’ekue guive ichupekuéra.
24Ha umi ojeroviáva Hesu Crísto rehe ohendúvo umi mba’e omomba’eguasu Ñanderuetépe he’ívo: Ore Jára, Nde rejapova’ekue pe ára, ko yvy, pe yguasu ha opaite mba’e ipype oĩva guive.
25Nde Pytu Porãmbáva rupi ere ore ru David juru rupi ore rukuérape: Ma’erã piko tetãnguéra oñembotuicha ha tetãnguéra ojepy’amongeta hikuái mba’e rei rehe.
26Tetã ruvichakuéra opu’ã ha mburuvichakuéra oñembyaty oñondive oñemoĩ hag̃ua Ñanderuete ha pe Ha’e oiporavova’ekue rehe, (péva he’ise Hesu Crísto rehe. Salmokuéra 2,1-2).
27Añetehápe oñembyaty hikuái ko táva Jerusalen kóvape, Heródes ha Póncio Piláto, tetã ambueyguakuéra ha Israelguakuéra ndive oñemoĩ hag̃ua nde poravopyre Hesu Crísto rehe.
28Oikopa hag̃ua nde pu’akaguasuete ombosako’íva ha Nde reipotáva guive.
29Ha ko’ág̃a ore Jára, ema’ẽmi umi oremongyhyjéva rehe, ha emokyre’ỹ ne rembiguaikuérape omombe’u hag̃ua ne evangélio py’aguasupópe.
30Nde pu’aka rupi emonguera hasývape, ha ehechauka milágro ha techaukaha ne rembiguái heko porãva Hesu Crísto rupi.
31Ha oñembo’epa rire oryrýi pe óga oñembyatyhápe hikuái, ha opavave oñemyenyhẽ Pytu Porãmbávagui, ha kyre’ỹpópe omombe’u Hesu Crísto evangélio.
32Ha opaite ojeroviáva guive Hesu Crísto rehe ipy’a peteĩ ha hi’ánga peteĩ oñondive ha avave ijapytépe nde’íri oguerekóva guive imba’eha, opaite mba’e uvei oñomba’epa.
33Ha tuicha pu’aka rupi apostolkuéra omombe’u Hesu Crísto oikove jevymaha, ha Ñanderuete mborayhu oĩ hendivekuéra.
34Ijapytépe avave ndohasa asýi, umi ijyvýva térã hógava ovende ha ogueru pe pirapire ohupityva’ekue,
35ha omoĩ apostolkuéra py renondépe, oñemboja’o hag̃ua hikuái peteĩteĩme oikotevẽ haichaite.
36Jose, umi apóstol ohenói avei ichupe Bernabe, he’iséva ñemoangapyhy ra’y, ha’e peteĩ Levigua, onaceva’ekue Chíprepe.
37Ha’e ovende ijyvy, ha ogueru hepykue ha omoĩ avei apostolkuéra py rendondépe.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Ñanderuete Ñe’ẽ Porã © MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015.