ರೋಮಾಯೆರೆಗ್ ಪುಸ್ತಕದ ಪೊಲಬು
ಪುಸ್ತಕದ ಪೊಲಬು
ರೋಮಾಯೆರೆಗ್ ಬರೆತಿ ಪತ್ರಿಕೆನ್ ಪೌಲು ಯೇಸು ಕ್ರಿಸ್ತೆ ಪುಟ್ಟುದು ಐವತ್ತನಾಲ್‌ಡ್ದ್ ಐವತ್ತೆನ್ಮ ವರ್ಸದ ಸಮಯೊಡು ಬರೆದುಪ್ಪೊಡು. ಪೌಲೆ ಈತ್‌ನೆಟ್ಟ ರೋಮುಗು ಪೋವಂದೆ ಇತ್ತಿನೆಡ್ದ್ ಈ ಪತ್ರಿಕೆನ್ ರೋಮುಡುಪ್ಪು ಯೆಹೂದ್ಯೆರ್ ಬೊಕ್ಕ ಯೆಹೂದ್ಯೆರ್ ಅತ್ತಂದಿ ಕ್ರೈಸ್ತೆರೆಗ್ ಬರೆತಿನವು ಆದುಂಡು. ಆಯೆ ಈ ಪತ್ರಿಕೆನ್ ಕೊರಿಂಥ ಪೇಂಟೆಡ್ ಉಪ್ಪುನ ಸಮಯೊಡು ಬರೆತಿನವು ಆದುಂಡು. ಮಾತ ಪ್ರಾಂತೊಲು ಯೇಸುನು ನಂಬುದು ಆಯಗ್ ವಿಧೇಯೆರಾದುಪ್ಪೊಡು ಅಂದ್‌ದ್ ಬಯಕ್‌ದ್ ಈ ಪತ್ರಿಕೆನ್ ಬರೆತೆ (16:26). ಮಾತ ಪ್ರದೇಶೊಲೆಡುಪ್ಪು ಕ್ರೈಸ್ತೆರೆಗ್ ಬೊಕ್ಕ ಮಾತ ಕಾಲೊಲೆಡ್ಲಾ ರೋಮಾಯೆರೆಗ್ ಬರೆತಿ ಪತ್ರಿಕೆ ಮುಖ್ಯವಾಯಿನ ಪತ್ರಿಕೆ ಆದುಂಡು. ದಾಯೆ ಪಂಡ ಪೌಲೆ ಯೇಸು ಕ್ರಿಸ್ತಡ್ದ್ ಮಾತೆರೆಗ್ಲಾ ಪರಲೋಕದ ಭಾಗ್ಯ ತಿಕ್ಕುಂಡು ಪನ್ಪಿನೆನ್ ವಿವರವಾದ್ ತೆರಿಪಾವೆ. ಪೌಲೆ ಯೇಸು ಸ್ವಾಮಿನ ಸುವಾರ್ತೆನ್ ಪರ ಒಡಂಬಡಿಕೆಗ್ ಆಧಾರ ಮಲ್ತ್‌ದ್‌ ತೆರಿಪಾವೆ. ದೈವಜ್ಙಾನ ಪಂಡಿತೆರೆ ಪ್ರಕಾರ ಪತ್ರಿಕೆದ 1:16 ವಚನ “ಸುವಾರ್ತೆದ ವಿಷಯೊಡು ಯಾನ್ ನಾಚಿಗೆ ಮಲ್ಪುಜಿ, ದಾಯೆ ಪಂಡ ಈ ಸುವಾರ್ತೆ ದೇವೆರೆ ಬಲಸ್ವರೂಪ ಆದಿತ್ತ್‌ದ್ ದುಂಬತ್ತ ಯೆಹೂದ್ಯೆರೆಗ್, ಬೊಕ್ಕ ಗ್ರೀಕೆರೆಗ್, ಬೊಕ್ಕ ನಂಬುನಾಕುಲೆಗ್ ಮಾತೆರೆಗ್ ರಕ್ಷಣೆ ಉಂಡು ಮಲ್ಪುನವು ಆದುಂಡು.” ರೋಮಾಯೆರೆ ಪತ್ರಿಕೆದ ಸುರುತ್ತ ಭಾಗ (1:1—12:21) ದೈವಶಾಸ್ತ್ರ ಆಧಾರವಾಯಿನವು ಆದಿತ್ತ್‌ದ್ ರಡ್ಡನೆ ಭಾಗ (13:1—15:33) ಕ್ರೈಸ್ತೆರೆ ಜೀವನೊಗು ಬೋಡಾಯಿನ ಕಾರ್ಯದ ಕಟ್ಟ್‌ಲೆನ್ ತೆರಿಪಾವುನವು ಆದುಂಡು.
ಅದ್ಯಾಯದ ರೂಪೊಲು
ಸುರತ್ತ ಪಾತೆರ (1:1-17)
ನರಮಾನಿಲೆಗ್ ಬದ್‌ಕ್‌ದ ಅಗತ್ಯ (1:18—3:20)
ಲೋಕ ಉದ್ಧಾರದ ರೀತಿ ನೀತಿಲು (3:21—4:25)
ಕ್ರಿಸ್ತ ಯೇಸುಡು ಪೊಸ ಬದ್‌ಕ್ (5:1—8:39)
ದೇವೆರೆ ಯೋಜನೆಲೆಡ್ ಯೆಹೂದ್ಯೆರ್ (9:1—11:36)
ಕ್ರೈಸ್ತೆರೆ ನಡಕೆಲು (12:1—15:13)
ಕಡೆತ ಪಾತೆರ (15:14—16:27)
ទើបបានជ្រើសរើសហើយ៖
ರೋಮಾಯೆರೆಗ್ ಪುಸ್ತಕದ ಪೊಲಬು: ತುಳು
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
New Life Literature