Markuji 1
1
Laleya wa mulombwana Juwawu
Matewuji 3:1-12; Lukaji 3:1-20; Juwawu 1:19-28
1Roma wa Muselu Wapama wa Yesu Kiristu, Mwana Mulugu, 2molingana na mwemo mulrembiwele atu livuru na namafiyiheda Izaiya ira: <<Kaing'ana, miyo nnoza dimurume maliba milanyo vasogolro vawo ira asakanyede ndila inafuna we vira.>>#Malakiya 3:1
3Muhulrembiwa eto mazu oira: <<Ukala nizu nnakuwa muisalesaleni niiraga: <Sakanyedani rampa wa Nabwiya. Ongolani ndila inafuna liye vira.> >>#Izaiya 40:3
4Mwa enne Juwawu ohoza, liye dowa muisalesaleni, roma alaleyaga atu ira katwaruwe eto kabatiziwe ira kaleveleliwe jotega jiwa. 5Atu adjindji kakala ilambo ya Judeya na sidadi ya Jeruzalemu kodowa wa liye muhindje Jordawu. Aliwa korumelela jotega jiwa, aliwa batiziwaga na Juwawu.
6Juwawu awara jowara josakanyiwa na mawoya a akamelo. Sintu naye nali na tembe eto adjetcha miserebo na nuwi da mukokolani. 7Liye eto olaleyetcha eraga: <<Mundulri mwaga ukala unafuna zamo odikwaranya miyo eto na miyene kadili ofwanela worama ira ditapule mingohi da sapato daye. 8Miyo nnaubatizani na mahindje, mbwenye liye aza, unaubatizegeni na Munemba Otchena.>>#1:8 unaubatizegeni na Munemba Otchena: Juwawu amuwonga Yesu wenno amurumile Munemba Otchena ira aze, akale na atu atene omuroromela. (Joira ja Anamarumiwa 2:33)
Batiziwa wa Yesu
Matewuji 3:13-17; Lukaji 3:21-22
9Mwa tempu yenne yalaba Juwawu mabasaye, Yesu ohovenya kuma sidadi ya Nazareti, muwari mwa porovinsiya ya Galileya, liye dowa batiziwa na Juwawu Mbatizi muhindje Jordawu. 10Tempu yenne Yesu agamanle batiziwa, akumaga mwiko mule, ora imohive yenne ohoonaga zulu uhuleyaga. Evale Munemba ohommorelaga na makalelo nnga kangayiwa. 11Evale zulu wohokumelaga nizu niwongaga ira: <<Weyo uli Mwanaga unamuziveliwa miyo eto unadihagalaliha.>>
Xixiwa wa Yesu
Matewuji 4:1-11; Lukaji 4:1-13
12Nomala enne, mobaranya Munemba Otchena ohomutukulela Yesu muisalesaleni. 13Evale Yesu ohomala malambo 40 muisalesaleni axixiwaga na Satana. Liye afwanyeya emule vamohi na anavinyama a mukokolani. Mbwenye kohokalawo eto angelro kamukamiheda.
Yesu ohaitana anamamuharaye oroma
Matewuji 4:12-22; Lukaji 4:14, 15, 5:1-11; Juwawu 1:35-42
14Evale Juwawu ohindiwa, volotchihiwa kadeya. Agahindiwe, Yesu ovenya, dowa porovinsiya ya Galileya, liye roma alaleya atu Muselu Wapama wa Mulugu, 15eraga: <<Tempu ihikwakwana, Umwene wa Mulugu uhuwandamela. Twaruwani, murumele Muselu Wapama.>>
16Siku nimohi Yesu awendaga mmambalo mwa ntiya na Galileya, ohonfwanyaga Simawu na mbalaye Andire kavokelaga mataviwa mwiko mwasiwa aliwa kali anamagodomula.#1:16 kavokelaga mataviwa mwiko: Peduru na Andire kagodomula na matavi ovoka. Tchoira aliwa kohokana matavi kavokeda atu mwiko, aliwa ririyela vati. Evale katutumula ngohiwa, somba datene damoreliwa ntavi nne, aliwa mezeyaga. 17Evale Yesu ohowongaga eraga: <<Kadiharegeni. Mwadihara, miyo nnousakanyani ira nyo mukale aliba agodomula atu.>> 18Noira eno, mobaranya ambinlene kohiyaga mataviwale, aliwa roma muharaga Yesu.
19Aliwa kadowagave sogolro, kagasusile vang'ono, Yesu ohafwanya anamagodomula amohiwa ambinli kagali na babiwa Zebedewu. Mmohi eriwa Tiyagu, mmohiwa ali mbalaye Juwawu. Aliwa kafwanyeya mmwadeyani mwiwa, katchapelraga mataviwa. 20Yesu ohovayela aitana ira kamuhare. Mobaranya aliwa komuhiya babiwa Zebedewu na anamalabiwa amohiwa mmwadeyani mwiwa. Aliwa roma muhara Yesu.
Yesu gu mwinnya ofundjiha eto gu mwinnya otamangiha minemba dabure
Lukaji 4:31-37
21Evale Yesu na anamamuharaye kagadowile sogolro, kohovolowaga sidadi ya Kafaranamu. Nagafiyile siku na sabado, Yesu ohovolowaga nyumba yofundjamo Mazu,#1:21 nyumba yofundjamo Mazu: Yali nyumba aJudewu mwafundja atu mazu a Mulugu wanle. Tchoira aJudewu kohovahiwa malamulo madjindji a Mulugu na sanganiko didjindji. Evale aliwa kohokana nyumba mwagumanetcha atu kafundjagamo jatene ejo. Kada tatamo yohokana nyumba yofundjamo Mazu nnga vinaireya malambwala na maigereja. Ku wonga nyumba dofundjamo Mazu mwilamboni yatene kahi ira yali nyumba imohive nari. Dohokalamo didjindji dene. So mbwenye Nyumba ya Yehova yali imohive ilambo yatene ya vati. Yesu tempu yali liye mwilamboni ya vati, ovolowetcha nyumba dofundjamo Mazu dile. liye roma afundjiha atu kafwanyeya emule. 22Yesu agaromile fundjiha, atwale kohoroma tikiniheya, tchoira liye aafundjiha nnga mwinnya, hiya nnga jaira anamafundjiha malamulo.
23Munyumbani mwiwa mwemo mwafundjiha Yesu Mazu mule, mohokalaga mutu mmohi agwa munemba otakala. Munemba anna mutule ohoroma wonga na Yesu mokuwa eraga: 24<<Yesu wa Nazareti, kodi munafuna muniirele nni hiyo? Kodi mwazela ira munitolotche? Miyo duhuiziwani pama. Nyo muli Mutu Otchena wa Mulugu.>> 25Evale Yesu ohomusumulula munemba otakala ule eraga: <<Kamiyala, ukumemo mwa mutuyo.>> 26Mwa enne munemba otakala ule ohoroma mukwatimiha mutule. Evale munembole ohokuwaga na kopolo. Agakuwile enne, ohokumagamo mwa mutule. 27Evale atu atene kaligi emule kagaonne enne, kotikiniheya kafukanaga oka oka keraga: <<Kodi jinereya ji nni? Mutula ukana mafundjihelo maxa a kopolo. Eto aruma minemba dotakala, minemba dile nnonvwelela.>> 28Mwa enne joira jaye johoroma vweya mobaranya mwilamboni mwatene mwa Galileya.
Yesu ohonvulumutcha mbogohi wa Peduru
Matewuji 8:14-15; Lukaji 4:38-39
29Jagaireyile enne, mohodibeliwa Yesu ohovenyaga agali na Simawu, Andire, Tiyagu na Juwawu, aliwa kuma muwari mwa nyumba yofundjamo Mazu mule, aliwa dowa vande va Simawu na mbalaye Andire. 30Evale Simawu mbogohaye afwanyeya ogonantene agali murenda, aganna febiri. Yesu agafiyile, aliwa kohovayela muwandela ira Simawu mbogohaye murenda. 31Evale Yesu ohofiya vakwikwive na muhiyanole, liye muhinda ndanda naye, nvenyiha. Evale febiri yanna liye yohomala, liye roma apiyela jodja.
Yesu ohavulumutcha arenda adjindji
Matewuji 8:16-17; Lukaji 4:40-41
32-33Siku nimohive nenne ora ya tchiguwo nzuwa nagavirile, vande valigi Yesu vale vozaga atu atene a sidadile. Aliwa kohomuzelagana arenda atene a wewule vamohi na ale kazuzumihiwa na minemba dabure, aliwa gumana va mulango vali liye vale. 34Evale Yesu ohoroma avulumutcha arenda ohiyana-hiyana. Nari anno kazuzumihiwa na minemba dabure, oavulumutcha, akumihagamo minemba dile. Yesu mbwenye kahiyile minemba dabure dile ira diwongege zela liye mwasiwa dohomuiziwa.#1:34 Yesu mbwenye kahiyile minemba dabure dile ira diwongege zela liye: Fwanyeya ira minemba dabure dile dohomuiziwa Yesu ira: <<Yesu kahi mutu wa vaheno vene, mbwenye unafwanyeya agali Mutu orumiwa na Mulugu.>> Eto fwanyeya ira minemba dile dovenda jomuvweyiha Yesu muwari moawongiha arenda ale iraga: <<Yesu Mwana wa Mulugu Okwaranya Jatene.>> Yesu mbwenye kaziveliwe hidedeliwa umboni na minemba dabure. Nona Yesu ohomiyaliha minemba dabure dile ira dahawandege awongiha atu zela wa liye. Yesu eto ohotamangiha minemba dabure dile ira atwale kakale pama akoka.
Yesu ohalaleya ale kali kahanavwe ibaribari
Lukaji 4:42-44
35Yesu ohovenyaga na mabebehene unde wahanatche pama, liye dowaga nimburo wahali atu ira adowe alobele wewo. 36Simawu na afwaye tempu yavennyege atu, kanfwannye Yesu kalivo. Aliwa kohoromaga nvenda. 37Evale kohonfwanya, aliwa wonga ira: <<Atu anausakani mundulri mu kahi a masika.>> 38Yesu ohawandelaga ira: <<Miyo mabasaga kahi welela mundulri. Mbwenye miyo dizaga, dazele ira daalaleyege atu anno anafwanyeya sogolro. Ndoweni sogolro tatamo dimohi ira daalaleyege atu anafwanyeya wewo.>> 39Evale kohodowaga sogolro, kawendawendaga porovinsiya ya Galileya yatenene, liye alaleyaga atu munyumbani mwiwa mwemo mwafundja atu Mazu eto liye avulumutchaga arenda ogwa minemba dabure.
Yesu ohonvulumutcha maliba maranya
Matewuji 8:1-4; Lukaji 5:12-16
40Evale ohokala mutu mmohi anna maranya. Liye ohozaga valigi Yesu, liye mukokorela, muguzelaga Yesu mendo eraga: <<Mwafuna, dera mudivulumutche.>> 41Yesu agaonne makalelo anna mutule, ohomukumbanya valukulu. Evale liye ohotapulaga ndanda naye, amusakwinyaga maliba maranya ule, liye ira: <<Miyo dihifuna ira uvulumuwe.>> 42Mwa tempu imohive yenne, maranya anna liye kohomala. Liye vulumuwa.
43Evale Yesu ohomugunya muwari momukokomeza pama, 44liye ira: <<Wadowaga kuwongege na atu amohiwa zela yenno iireyile eva. So mbwenye udowe wanvepe namakuta ira auing'ane. Wamala eno, udowe wavelele mukuto wenno Mozeji awongile liye#1:44 mukuto wenno Mozeji awongile liye: Malambo a mundulrimu Mulugu ohomuwandela Mozeji makalelo kafuna aIzarayeli irana kamala vulumuwa urenda wa maranya. Yesu ohomuwandela mulombwanole ira akwakwanelihede mangano nnga Mulugu amuwandenle liye Mozeji. Manganuwa anafwanyeya Levitiku 14:2-32. ira ikale umboni vamentoni va atu ira weyo uhuvulumuwa.>> 45Mbwenye mulombwanole ohovenyihanaga, liye roma wonga bure. Mwa enne jairile Yesu jile johoroma vweya. Na mwasa wenne, Yesu kavolowa burebure sidadi dedile, awendawenda mmafora mwahali atu. Mbwenye masiki eno, kohokalawo atu adjindji kakumela mwatene mwene kadowaga wa liye.
ទើបបានជ្រើសរើសហើយ៖
Markuji 1: iLolo
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018 Visão Integral
Markuji 1
1
Laleya wa mulombwana Juwawu
Matewuji 3:1-12; Lukaji 3:1-20; Juwawu 1:19-28
1Roma wa Muselu Wapama wa Yesu Kiristu, Mwana Mulugu, 2molingana na mwemo mulrembiwele atu livuru na namafiyiheda Izaiya ira: <<Kaing'ana, miyo nnoza dimurume maliba milanyo vasogolro vawo ira asakanyede ndila inafuna we vira.>>#Malakiya 3:1
3Muhulrembiwa eto mazu oira: <<Ukala nizu nnakuwa muisalesaleni niiraga: <Sakanyedani rampa wa Nabwiya. Ongolani ndila inafuna liye vira.> >>#Izaiya 40:3
4Mwa enne Juwawu ohoza, liye dowa muisalesaleni, roma alaleyaga atu ira katwaruwe eto kabatiziwe ira kaleveleliwe jotega jiwa. 5Atu adjindji kakala ilambo ya Judeya na sidadi ya Jeruzalemu kodowa wa liye muhindje Jordawu. Aliwa korumelela jotega jiwa, aliwa batiziwaga na Juwawu.
6Juwawu awara jowara josakanyiwa na mawoya a akamelo. Sintu naye nali na tembe eto adjetcha miserebo na nuwi da mukokolani. 7Liye eto olaleyetcha eraga: <<Mundulri mwaga ukala unafuna zamo odikwaranya miyo eto na miyene kadili ofwanela worama ira ditapule mingohi da sapato daye. 8Miyo nnaubatizani na mahindje, mbwenye liye aza, unaubatizegeni na Munemba Otchena.>>#1:8 unaubatizegeni na Munemba Otchena: Juwawu amuwonga Yesu wenno amurumile Munemba Otchena ira aze, akale na atu atene omuroromela. (Joira ja Anamarumiwa 2:33)
Batiziwa wa Yesu
Matewuji 3:13-17; Lukaji 3:21-22
9Mwa tempu yenne yalaba Juwawu mabasaye, Yesu ohovenya kuma sidadi ya Nazareti, muwari mwa porovinsiya ya Galileya, liye dowa batiziwa na Juwawu Mbatizi muhindje Jordawu. 10Tempu yenne Yesu agamanle batiziwa, akumaga mwiko mule, ora imohive yenne ohoonaga zulu uhuleyaga. Evale Munemba ohommorelaga na makalelo nnga kangayiwa. 11Evale zulu wohokumelaga nizu niwongaga ira: <<Weyo uli Mwanaga unamuziveliwa miyo eto unadihagalaliha.>>
Xixiwa wa Yesu
Matewuji 4:1-11; Lukaji 4:1-13
12Nomala enne, mobaranya Munemba Otchena ohomutukulela Yesu muisalesaleni. 13Evale Yesu ohomala malambo 40 muisalesaleni axixiwaga na Satana. Liye afwanyeya emule vamohi na anavinyama a mukokolani. Mbwenye kohokalawo eto angelro kamukamiheda.
Yesu ohaitana anamamuharaye oroma
Matewuji 4:12-22; Lukaji 4:14, 15, 5:1-11; Juwawu 1:35-42
14Evale Juwawu ohindiwa, volotchihiwa kadeya. Agahindiwe, Yesu ovenya, dowa porovinsiya ya Galileya, liye roma alaleya atu Muselu Wapama wa Mulugu, 15eraga: <<Tempu ihikwakwana, Umwene wa Mulugu uhuwandamela. Twaruwani, murumele Muselu Wapama.>>
16Siku nimohi Yesu awendaga mmambalo mwa ntiya na Galileya, ohonfwanyaga Simawu na mbalaye Andire kavokelaga mataviwa mwiko mwasiwa aliwa kali anamagodomula.#1:16 kavokelaga mataviwa mwiko: Peduru na Andire kagodomula na matavi ovoka. Tchoira aliwa kohokana matavi kavokeda atu mwiko, aliwa ririyela vati. Evale katutumula ngohiwa, somba datene damoreliwa ntavi nne, aliwa mezeyaga. 17Evale Yesu ohowongaga eraga: <<Kadiharegeni. Mwadihara, miyo nnousakanyani ira nyo mukale aliba agodomula atu.>> 18Noira eno, mobaranya ambinlene kohiyaga mataviwale, aliwa roma muharaga Yesu.
19Aliwa kadowagave sogolro, kagasusile vang'ono, Yesu ohafwanya anamagodomula amohiwa ambinli kagali na babiwa Zebedewu. Mmohi eriwa Tiyagu, mmohiwa ali mbalaye Juwawu. Aliwa kafwanyeya mmwadeyani mwiwa, katchapelraga mataviwa. 20Yesu ohovayela aitana ira kamuhare. Mobaranya aliwa komuhiya babiwa Zebedewu na anamalabiwa amohiwa mmwadeyani mwiwa. Aliwa roma muhara Yesu.
Yesu gu mwinnya ofundjiha eto gu mwinnya otamangiha minemba dabure
Lukaji 4:31-37
21Evale Yesu na anamamuharaye kagadowile sogolro, kohovolowaga sidadi ya Kafaranamu. Nagafiyile siku na sabado, Yesu ohovolowaga nyumba yofundjamo Mazu,#1:21 nyumba yofundjamo Mazu: Yali nyumba aJudewu mwafundja atu mazu a Mulugu wanle. Tchoira aJudewu kohovahiwa malamulo madjindji a Mulugu na sanganiko didjindji. Evale aliwa kohokana nyumba mwagumanetcha atu kafundjagamo jatene ejo. Kada tatamo yohokana nyumba yofundjamo Mazu nnga vinaireya malambwala na maigereja. Ku wonga nyumba dofundjamo Mazu mwilamboni yatene kahi ira yali nyumba imohive nari. Dohokalamo didjindji dene. So mbwenye Nyumba ya Yehova yali imohive ilambo yatene ya vati. Yesu tempu yali liye mwilamboni ya vati, ovolowetcha nyumba dofundjamo Mazu dile. liye roma afundjiha atu kafwanyeya emule. 22Yesu agaromile fundjiha, atwale kohoroma tikiniheya, tchoira liye aafundjiha nnga mwinnya, hiya nnga jaira anamafundjiha malamulo.
23Munyumbani mwiwa mwemo mwafundjiha Yesu Mazu mule, mohokalaga mutu mmohi agwa munemba otakala. Munemba anna mutule ohoroma wonga na Yesu mokuwa eraga: 24<<Yesu wa Nazareti, kodi munafuna muniirele nni hiyo? Kodi mwazela ira munitolotche? Miyo duhuiziwani pama. Nyo muli Mutu Otchena wa Mulugu.>> 25Evale Yesu ohomusumulula munemba otakala ule eraga: <<Kamiyala, ukumemo mwa mutuyo.>> 26Mwa enne munemba otakala ule ohoroma mukwatimiha mutule. Evale munembole ohokuwaga na kopolo. Agakuwile enne, ohokumagamo mwa mutule. 27Evale atu atene kaligi emule kagaonne enne, kotikiniheya kafukanaga oka oka keraga: <<Kodi jinereya ji nni? Mutula ukana mafundjihelo maxa a kopolo. Eto aruma minemba dotakala, minemba dile nnonvwelela.>> 28Mwa enne joira jaye johoroma vweya mobaranya mwilamboni mwatene mwa Galileya.
Yesu ohonvulumutcha mbogohi wa Peduru
Matewuji 8:14-15; Lukaji 4:38-39
29Jagaireyile enne, mohodibeliwa Yesu ohovenyaga agali na Simawu, Andire, Tiyagu na Juwawu, aliwa kuma muwari mwa nyumba yofundjamo Mazu mule, aliwa dowa vande va Simawu na mbalaye Andire. 30Evale Simawu mbogohaye afwanyeya ogonantene agali murenda, aganna febiri. Yesu agafiyile, aliwa kohovayela muwandela ira Simawu mbogohaye murenda. 31Evale Yesu ohofiya vakwikwive na muhiyanole, liye muhinda ndanda naye, nvenyiha. Evale febiri yanna liye yohomala, liye roma apiyela jodja.
Yesu ohavulumutcha arenda adjindji
Matewuji 8:16-17; Lukaji 4:40-41
32-33Siku nimohive nenne ora ya tchiguwo nzuwa nagavirile, vande valigi Yesu vale vozaga atu atene a sidadile. Aliwa kohomuzelagana arenda atene a wewule vamohi na ale kazuzumihiwa na minemba dabure, aliwa gumana va mulango vali liye vale. 34Evale Yesu ohoroma avulumutcha arenda ohiyana-hiyana. Nari anno kazuzumihiwa na minemba dabure, oavulumutcha, akumihagamo minemba dile. Yesu mbwenye kahiyile minemba dabure dile ira diwongege zela liye mwasiwa dohomuiziwa.#1:34 Yesu mbwenye kahiyile minemba dabure dile ira diwongege zela liye: Fwanyeya ira minemba dabure dile dohomuiziwa Yesu ira: <<Yesu kahi mutu wa vaheno vene, mbwenye unafwanyeya agali Mutu orumiwa na Mulugu.>> Eto fwanyeya ira minemba dile dovenda jomuvweyiha Yesu muwari moawongiha arenda ale iraga: <<Yesu Mwana wa Mulugu Okwaranya Jatene.>> Yesu mbwenye kaziveliwe hidedeliwa umboni na minemba dabure. Nona Yesu ohomiyaliha minemba dabure dile ira dahawandege awongiha atu zela wa liye. Yesu eto ohotamangiha minemba dabure dile ira atwale kakale pama akoka.
Yesu ohalaleya ale kali kahanavwe ibaribari
Lukaji 4:42-44
35Yesu ohovenyaga na mabebehene unde wahanatche pama, liye dowaga nimburo wahali atu ira adowe alobele wewo. 36Simawu na afwaye tempu yavennyege atu, kanfwannye Yesu kalivo. Aliwa kohoromaga nvenda. 37Evale kohonfwanya, aliwa wonga ira: <<Atu anausakani mundulri mu kahi a masika.>> 38Yesu ohawandelaga ira: <<Miyo mabasaga kahi welela mundulri. Mbwenye miyo dizaga, dazele ira daalaleyege atu anno anafwanyeya sogolro. Ndoweni sogolro tatamo dimohi ira daalaleyege atu anafwanyeya wewo.>> 39Evale kohodowaga sogolro, kawendawendaga porovinsiya ya Galileya yatenene, liye alaleyaga atu munyumbani mwiwa mwemo mwafundja atu Mazu eto liye avulumutchaga arenda ogwa minemba dabure.
Yesu ohonvulumutcha maliba maranya
Matewuji 8:1-4; Lukaji 5:12-16
40Evale ohokala mutu mmohi anna maranya. Liye ohozaga valigi Yesu, liye mukokorela, muguzelaga Yesu mendo eraga: <<Mwafuna, dera mudivulumutche.>> 41Yesu agaonne makalelo anna mutule, ohomukumbanya valukulu. Evale liye ohotapulaga ndanda naye, amusakwinyaga maliba maranya ule, liye ira: <<Miyo dihifuna ira uvulumuwe.>> 42Mwa tempu imohive yenne, maranya anna liye kohomala. Liye vulumuwa.
43Evale Yesu ohomugunya muwari momukokomeza pama, 44liye ira: <<Wadowaga kuwongege na atu amohiwa zela yenno iireyile eva. So mbwenye udowe wanvepe namakuta ira auing'ane. Wamala eno, udowe wavelele mukuto wenno Mozeji awongile liye#1:44 mukuto wenno Mozeji awongile liye: Malambo a mundulrimu Mulugu ohomuwandela Mozeji makalelo kafuna aIzarayeli irana kamala vulumuwa urenda wa maranya. Yesu ohomuwandela mulombwanole ira akwakwanelihede mangano nnga Mulugu amuwandenle liye Mozeji. Manganuwa anafwanyeya Levitiku 14:2-32. ira ikale umboni vamentoni va atu ira weyo uhuvulumuwa.>> 45Mbwenye mulombwanole ohovenyihanaga, liye roma wonga bure. Mwa enne jairile Yesu jile johoroma vweya. Na mwasa wenne, Yesu kavolowa burebure sidadi dedile, awendawenda mmafora mwahali atu. Mbwenye masiki eno, kohokalawo atu adjindji kakumela mwatene mwene kadowaga wa liye.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018 Visão Integral