Fuɗɗoode 40
40
1Ɓaawo majjum, maccuɓe Firawna, laamiiɗo Misira ɗiɗo woofanii mo. Gooto laati nun mawɗo jonŋanooɓe mo nafa, gooto bo e laati mawɗo hokkanɓe mo ko yaretee. 2Mone himɓe ɗiɗo ɓen waɗii Firawna sanne. 3O happi ɓe, o halfini ɓe mawɗo reenooɓe kasu der suudu ŋol Yusufu maɓɓaa. 4Mawɗo reenooɓe maɓɓaaɓe kasu halfini ɓe Yusufu, ɓe gaɗi ɗon balɗe ɓee maɓɓaa.
No Yusufu faaminiri maɓɓaaɓe kasu ɗiɗo koyɗaaji mum
5Ɗon nun jemmaare gom, himɓe ɗiɗo ɓen hoyɗi, moy fu e koyɗool mum e ko ŋol faaminta. 6No Yusufu wari daarugo ɓe subaka mum, o tawi ɓerɗe maɓɓe e biisii. 7O ƴami ɓe o wi'i: Ume acci go geese mon e jiiɓii hanne? 8Ɓe toontii mo ɓe bi'i: Men koyɗu nun, go goɗɗo walaa paaminoowo men koyɗaaji ɗin. Yusufu wi'i ɓe: Alla bane hinaa faaminta huune fu? Batee am ɗi.
9Mawɗo hokkooɓe laamiiɗo Firawna ko yeretee on, bati Yusufu koyɗool mum wi'i: Der koyɗool am, mi yi'u nun innabohi e darii yeeso am. 10Innabohi kin e woodi licce tati. Ki wiliti, ki waɗi pinni, ki rimi ɓikkon ɓennukon. 11Foti den mum, mii jogii jarirgel Firawna e juunŋo am. Ɓorumi innabooje ɗen, ɓiɗɗumi diyam majje der jarirgel ŋel, go kokku moo mi ŋel. 12Yusufu wi'i: nani ɗo ko ŋol faaminta. Licce tati ɗen laati nun balɗe tati. 13Ɗoo e balɗe tati, Firawna mawninte, o wittinee e golle maa. A hokkan kade Firawna jarirgel mum hande no boowunoɗaa hokkirgo mo wakkati laatinoɗaa mawɗo hokkooɓe mo ko yeretee. 14Amma, mii eelee, to a nanoy belɗum, ciwtoraa am, bataa Firawna haala am, gam heɓa o wurtinammi diga kasu ɗoo. 15Gam diga leydi Iburaninkeeɓe nun bujjaami, gaddaami ɗo, go ɗoo bo, mi waɗay gacce potuɗe mi wattanee e kasu.
16No mawɗo jonŋanooɓe Firawna nafa yi'i no koyɗool ɗiɗaɓo mum faaminaama wooɗi, o wi'i Yusufu: Min bo ko koyɗumi woni, mii roonii killaaje tati kebbuɗe peen dow hoore am. 17Der killaal jowiiŋal dow, kalaaje Firawna feere feere nun woni der ɗon. Colli wari e nyaama ɗe dow hoore am. 18Yusufu toontii mo wi'i: Nani ɗo ko koyɗool maa faaminta. Killaaje tati ɗen, laati nun balɗe tati. 19Ɗoo e balɗe tati, laamiiɗo Firawna taƴan hoore maa, ɓilee dow leggal, colli wara nyaama tew maa.
20No waɗi balɗe tati, laamiiɗo Firawna waɗi juulɗe dingol mum. O jonŋani gollotooɓe makko fu nafa. Go o waɗi gollotooɓe makko ɗiɗo ɓen wurtinee diga kasu, waddee yeeso gollotooɓe makko horiiɓe fu. 21O wittini mawɗo hokkooɓe mo ko yaretee e golle mum. O witti oo hokka laamiiɗo Firawna jaram. 22Amma mawɗo hokkooɓe mo nafa kan, o waɗi o ɓilee dow leggal hande no Yusufu batirnoo ka. 23Amma mawɗo hokkooɓe mo ko yaretee on siwtoray Yusufu, o yeggitani mo.
ទើបបានជ្រើសរើសហើយ៖
Fuɗɗoode 40: BFB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible Fulfulde Bénin © SIM International 2015, 2024.
Fuɗɗoode 40
40
1Ɓaawo majjum, maccuɓe Firawna, laamiiɗo Misira ɗiɗo woofanii mo. Gooto laati nun mawɗo jonŋanooɓe mo nafa, gooto bo e laati mawɗo hokkanɓe mo ko yaretee. 2Mone himɓe ɗiɗo ɓen waɗii Firawna sanne. 3O happi ɓe, o halfini ɓe mawɗo reenooɓe kasu der suudu ŋol Yusufu maɓɓaa. 4Mawɗo reenooɓe maɓɓaaɓe kasu halfini ɓe Yusufu, ɓe gaɗi ɗon balɗe ɓee maɓɓaa.
No Yusufu faaminiri maɓɓaaɓe kasu ɗiɗo koyɗaaji mum
5Ɗon nun jemmaare gom, himɓe ɗiɗo ɓen hoyɗi, moy fu e koyɗool mum e ko ŋol faaminta. 6No Yusufu wari daarugo ɓe subaka mum, o tawi ɓerɗe maɓɓe e biisii. 7O ƴami ɓe o wi'i: Ume acci go geese mon e jiiɓii hanne? 8Ɓe toontii mo ɓe bi'i: Men koyɗu nun, go goɗɗo walaa paaminoowo men koyɗaaji ɗin. Yusufu wi'i ɓe: Alla bane hinaa faaminta huune fu? Batee am ɗi.
9Mawɗo hokkooɓe laamiiɗo Firawna ko yeretee on, bati Yusufu koyɗool mum wi'i: Der koyɗool am, mi yi'u nun innabohi e darii yeeso am. 10Innabohi kin e woodi licce tati. Ki wiliti, ki waɗi pinni, ki rimi ɓikkon ɓennukon. 11Foti den mum, mii jogii jarirgel Firawna e juunŋo am. Ɓorumi innabooje ɗen, ɓiɗɗumi diyam majje der jarirgel ŋel, go kokku moo mi ŋel. 12Yusufu wi'i: nani ɗo ko ŋol faaminta. Licce tati ɗen laati nun balɗe tati. 13Ɗoo e balɗe tati, Firawna mawninte, o wittinee e golle maa. A hokkan kade Firawna jarirgel mum hande no boowunoɗaa hokkirgo mo wakkati laatinoɗaa mawɗo hokkooɓe mo ko yeretee. 14Amma, mii eelee, to a nanoy belɗum, ciwtoraa am, bataa Firawna haala am, gam heɓa o wurtinammi diga kasu ɗoo. 15Gam diga leydi Iburaninkeeɓe nun bujjaami, gaddaami ɗo, go ɗoo bo, mi waɗay gacce potuɗe mi wattanee e kasu.
16No mawɗo jonŋanooɓe Firawna nafa yi'i no koyɗool ɗiɗaɓo mum faaminaama wooɗi, o wi'i Yusufu: Min bo ko koyɗumi woni, mii roonii killaaje tati kebbuɗe peen dow hoore am. 17Der killaal jowiiŋal dow, kalaaje Firawna feere feere nun woni der ɗon. Colli wari e nyaama ɗe dow hoore am. 18Yusufu toontii mo wi'i: Nani ɗo ko koyɗool maa faaminta. Killaaje tati ɗen, laati nun balɗe tati. 19Ɗoo e balɗe tati, laamiiɗo Firawna taƴan hoore maa, ɓilee dow leggal, colli wara nyaama tew maa.
20No waɗi balɗe tati, laamiiɗo Firawna waɗi juulɗe dingol mum. O jonŋani gollotooɓe makko fu nafa. Go o waɗi gollotooɓe makko ɗiɗo ɓen wurtinee diga kasu, waddee yeeso gollotooɓe makko horiiɓe fu. 21O wittini mawɗo hokkooɓe mo ko yaretee e golle mum. O witti oo hokka laamiiɗo Firawna jaram. 22Amma mawɗo hokkooɓe mo nafa kan, o waɗi o ɓilee dow leggal hande no Yusufu batirnoo ka. 23Amma mawɗo hokkooɓe mo ko yaretee on siwtoray Yusufu, o yeggitani mo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible Fulfulde Bénin © SIM International 2015, 2024.