Fuɗɗoode 34
34
No Sikemu gattorii Dina
1Wakkati ɓe jooɗii Sikemu, Dina, suka debbo mo Leya rimani Yaakuubu, wurtii yahi to gati leydi nin. 2Sikemu, suka Hamori Hewiyankeejo laatiiɗo laamiiɗo leydi nin yi'i Dina, go o gattii mo o fukkodii e makko, o sentini mo. 3Ɓerne makko nanŋii Dina, suka Yaakuubu debbo on. O yiɗi mo sanne. O baddi mo e deƴƴere gam fooɗugo hakkillo makko. 4Sikemu wi'i baaba mum: Dartanam gatol ŋol ɗoo mi ɓaŋa. 5Wakkati mum nun Yaakuubu nani no suka mum debbo fukkodaama e semme. Foti sukaaɓe makko na'on ladde e dura. O jeeɗii faa de ɓe garti.
6Hamori, baaba Sikemu ummii yahi to Yaakuubu gam baddugo mo. 7No sukaaɓe Yaakuubu warti diga e durande, ɓe nani ko waɗi. Mone maɓɓe ummii sanne, gam no Sikemu doolii Dina, fukkodii mo, ɗum biisii inne lenyol Isira'iilaaɓe fu. Gam iri majjum haanay waɗeego caka maɓɓe. 8Hamori wari to maɓɓe, wi'i ɓe: Ɓerne suka am Sikemu takkake ɓerne suka mon Dina. Gam mum, mi eelan on nun, kokkee mo mo o ɓaŋa. 9Gam to sukaaɓe meeɗen ɓaŋontirii, en laatoto gootum. Gam majjum, kokkee men sukaaɓe mon rewɓe men ɓaŋa, menen bo men kokka on ɓe amen. 10Den mum on jooɗoto der leydi amen, jooɗoɗon to jiɗuɗon fu, gaɗon filu, keɓon jawdi.
11Sikemu wi'i baaba Dina e sakikiraaɓe mum: Gaɗanee am moƴƴere, den mum mi hokkan ko ƴamuɗon am fu. 12Taƴanee am ceede ɓaŋirɗe ɗuuɗɗe, e dokke ɗuuɗɗe, mi yoɓan ko ƴamuɗon am fu. Amma kokkee am gatol ŋol mi ɓaŋa. 13Sukaaɓe Yaakuubu toontii Sikemu e baaba mum Hamori e ƴoyre, gam Sikemu biisii sakiike maɓɓe Dina. 14Ɓe bi'i ɓe: Ko men baawataa waɗugo nun, men kokka sakiike amen gorko mo juulnaaki, gam ɗum laatanto men senteene. 15Huune woore ne men ƴamata on tan nun, laatiiɗo gorko e mon juulnee hande no amen. 16Den mum kan, men kokkan on sukaaɓe amen rewɓe ɓaŋon, menen bo men ɓaŋa ɓe mooɗon. Jooɗodoɗen, laatoɗen lenyol gootol. 17Amma to on nanay ka men bati on, to on calake juulnaago, men ettan suka amen debbo, men egga diga ɗoo. 18Haala maɓɓe kan fottanii Sikemu e baaba mum. 19Ɗon maa ɗon, Sikemu waɗi ka ɓe bi'i mo, gam oo yiɗi suka Yaakuubu debbo on sanne. Nani bo kanko nun ɓuraa teddineego e wuro baabiiko.
20Hamori e suka mum Sikemu yahii e dammugal biriniwol wanŋarde maɓɓe, to dawrooɓe woowi hawritingo, ɓe bi'i ɓe: 21Himɓe ɓee ɗoo e weldi e men. Gam majjum, en accee ɓe ɓe jooɗoo e leydi men, ɓe gaɗa filu maɓɓe. Gam leydi nin e yaaji, ni heƴan en. Den mum, ɓaŋen sukaaɓe maɓɓe rewɓe, kamɓe bo ɓe ɓaŋa ɓe meeɗen. 22Amma himɓe ɓen jaɓataa jooɗodaago e meeɗen, laatoɗen lenyol gootol, sey to laatiiɓe worɓe caka meeɗen fu juulnake hande no maɓɓe. 23Den mum mareefuuji maɓɓe, e jawdi maɓɓe, e ko ɓe goodi fu hinaa laatantaako en? En jaɓee ka ɓe bati en, gam ɓe jooɗodoo e men. 24Himɓe wonuɓe e dammugal biriniwol ŋol fu nani ka Hamori e suka mum Sikemu bati. Go worɓe nanuɓe ka fu yahi juulnii.
25No himɓe ɓen juulnii ɗum waɗi balɗe tati, wakkati ɓe nanata nawɗum, de ɓe miilay naa goɗɗo yantan ɓe, Simeyon e Leewi, ɓiɓɓe Yaakuubu, sakikiraaɓe Dina, etti kaafaaje mum, naati wanŋarde nen, wari worɓe mayre fu. 26Ɓe bari Hamori bo e suka mum Sikemu. Ɓe etti sakiike maɓɓe Dina diga wuro Sikemu ɓe jawtidi. 27Ɗon nun sukaaɓe Yaakuubu horiiɓe wari naati wanŋarde nen, ɓotti jawdi mayre fu, gam sabbu sakiike maɓɓe biisaama. 28Ɓe kappi baali maɓɓe e na'i maɓɓe, e babbi maɓɓe fu. Ɓe etti ko woni e wanŋarde nen e ko woni e gese maɓɓe fu. 29Ɓe etti jawdi maɓɓe e rewɓe maɓɓe, e sukaaɓe maɓɓe, e ko woni der cuuɗi maɓɓe ɓe jawtidi.
30Yaakuubu bati Simeyon e Leewi o wi'i: On gaɗanii am ko boni. On biisii am yeeso himɓe leydi nin, Kanaaninkeeɓe e Peresinkeeɓe. Daaru, enen en ɗuuɗaa. To ɓe nannantirii, ɓe jantan en, ɓe bara en, enen e wuro men fu. 31Ɓe toontii Yaakuubu ɓe bi'i: Men accan sakiike amen daaree hande debbo kiiroowo na?
ទើបបានជ្រើសរើសហើយ៖
Fuɗɗoode 34: BFB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible Fulfulde Bénin © SIM International 2015, 2024.
Fuɗɗoode 34
34
No Sikemu gattorii Dina
1Wakkati ɓe jooɗii Sikemu, Dina, suka debbo mo Leya rimani Yaakuubu, wurtii yahi to gati leydi nin. 2Sikemu, suka Hamori Hewiyankeejo laatiiɗo laamiiɗo leydi nin yi'i Dina, go o gattii mo o fukkodii e makko, o sentini mo. 3Ɓerne makko nanŋii Dina, suka Yaakuubu debbo on. O yiɗi mo sanne. O baddi mo e deƴƴere gam fooɗugo hakkillo makko. 4Sikemu wi'i baaba mum: Dartanam gatol ŋol ɗoo mi ɓaŋa. 5Wakkati mum nun Yaakuubu nani no suka mum debbo fukkodaama e semme. Foti sukaaɓe makko na'on ladde e dura. O jeeɗii faa de ɓe garti.
6Hamori, baaba Sikemu ummii yahi to Yaakuubu gam baddugo mo. 7No sukaaɓe Yaakuubu warti diga e durande, ɓe nani ko waɗi. Mone maɓɓe ummii sanne, gam no Sikemu doolii Dina, fukkodii mo, ɗum biisii inne lenyol Isira'iilaaɓe fu. Gam iri majjum haanay waɗeego caka maɓɓe. 8Hamori wari to maɓɓe, wi'i ɓe: Ɓerne suka am Sikemu takkake ɓerne suka mon Dina. Gam mum, mi eelan on nun, kokkee mo mo o ɓaŋa. 9Gam to sukaaɓe meeɗen ɓaŋontirii, en laatoto gootum. Gam majjum, kokkee men sukaaɓe mon rewɓe men ɓaŋa, menen bo men kokka on ɓe amen. 10Den mum on jooɗoto der leydi amen, jooɗoɗon to jiɗuɗon fu, gaɗon filu, keɓon jawdi.
11Sikemu wi'i baaba Dina e sakikiraaɓe mum: Gaɗanee am moƴƴere, den mum mi hokkan ko ƴamuɗon am fu. 12Taƴanee am ceede ɓaŋirɗe ɗuuɗɗe, e dokke ɗuuɗɗe, mi yoɓan ko ƴamuɗon am fu. Amma kokkee am gatol ŋol mi ɓaŋa. 13Sukaaɓe Yaakuubu toontii Sikemu e baaba mum Hamori e ƴoyre, gam Sikemu biisii sakiike maɓɓe Dina. 14Ɓe bi'i ɓe: Ko men baawataa waɗugo nun, men kokka sakiike amen gorko mo juulnaaki, gam ɗum laatanto men senteene. 15Huune woore ne men ƴamata on tan nun, laatiiɗo gorko e mon juulnee hande no amen. 16Den mum kan, men kokkan on sukaaɓe amen rewɓe ɓaŋon, menen bo men ɓaŋa ɓe mooɗon. Jooɗodoɗen, laatoɗen lenyol gootol. 17Amma to on nanay ka men bati on, to on calake juulnaago, men ettan suka amen debbo, men egga diga ɗoo. 18Haala maɓɓe kan fottanii Sikemu e baaba mum. 19Ɗon maa ɗon, Sikemu waɗi ka ɓe bi'i mo, gam oo yiɗi suka Yaakuubu debbo on sanne. Nani bo kanko nun ɓuraa teddineego e wuro baabiiko.
20Hamori e suka mum Sikemu yahii e dammugal biriniwol wanŋarde maɓɓe, to dawrooɓe woowi hawritingo, ɓe bi'i ɓe: 21Himɓe ɓee ɗoo e weldi e men. Gam majjum, en accee ɓe ɓe jooɗoo e leydi men, ɓe gaɗa filu maɓɓe. Gam leydi nin e yaaji, ni heƴan en. Den mum, ɓaŋen sukaaɓe maɓɓe rewɓe, kamɓe bo ɓe ɓaŋa ɓe meeɗen. 22Amma himɓe ɓen jaɓataa jooɗodaago e meeɗen, laatoɗen lenyol gootol, sey to laatiiɓe worɓe caka meeɗen fu juulnake hande no maɓɓe. 23Den mum mareefuuji maɓɓe, e jawdi maɓɓe, e ko ɓe goodi fu hinaa laatantaako en? En jaɓee ka ɓe bati en, gam ɓe jooɗodoo e men. 24Himɓe wonuɓe e dammugal biriniwol ŋol fu nani ka Hamori e suka mum Sikemu bati. Go worɓe nanuɓe ka fu yahi juulnii.
25No himɓe ɓen juulnii ɗum waɗi balɗe tati, wakkati ɓe nanata nawɗum, de ɓe miilay naa goɗɗo yantan ɓe, Simeyon e Leewi, ɓiɓɓe Yaakuubu, sakikiraaɓe Dina, etti kaafaaje mum, naati wanŋarde nen, wari worɓe mayre fu. 26Ɓe bari Hamori bo e suka mum Sikemu. Ɓe etti sakiike maɓɓe Dina diga wuro Sikemu ɓe jawtidi. 27Ɗon nun sukaaɓe Yaakuubu horiiɓe wari naati wanŋarde nen, ɓotti jawdi mayre fu, gam sabbu sakiike maɓɓe biisaama. 28Ɓe kappi baali maɓɓe e na'i maɓɓe, e babbi maɓɓe fu. Ɓe etti ko woni e wanŋarde nen e ko woni e gese maɓɓe fu. 29Ɓe etti jawdi maɓɓe e rewɓe maɓɓe, e sukaaɓe maɓɓe, e ko woni der cuuɗi maɓɓe ɓe jawtidi.
30Yaakuubu bati Simeyon e Leewi o wi'i: On gaɗanii am ko boni. On biisii am yeeso himɓe leydi nin, Kanaaninkeeɓe e Peresinkeeɓe. Daaru, enen en ɗuuɗaa. To ɓe nannantirii, ɓe jantan en, ɓe bara en, enen e wuro men fu. 31Ɓe toontii Yaakuubu ɓe bi'i: Men accan sakiike amen daaree hande debbo kiiroowo na?
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible Fulfulde Bénin © SIM International 2015, 2024.