Mise 6
6
Anannganman nin Izraɛl be afiɛn jɔlɛ
1An `sie amún su be `tie ndɛ nga Anannganman kan'n.
Ɔ se min kɛ yoo:
«Jaso, a nin oka mun be `ko kan ndɛ.
Man ɔ nɛn'n su man kpɔlɛ'm be ti.»
2Oka mun nin asiɛ bɔ oka'm be bo'n taka su'n,
amun `sie amún su,
Anannganman nin i mma'm b'a nyan ndɛ,
ɔ'a fa ndɛ ɔ'a mian Izraɛlfuɛ'm bé sa.
I waan Izraɛlfuɛ'm b'a yo i sa.
3Ɔ usa be kɛ: «?Min sran mun,
nguɛ sa yɛ n yoli amun-ɔn?
?Tɛ onin yɛ n yoli amun-ɔn?
An `kan man n ti.
4?Kɛ amun wo Ezipt lɔ bɔ amun ti kanga'n,
bɔ n ko deli amun'n,
bɔ n fali amun lɔ m bali'n,
bɔ n yili Moiz, nin Aarɔn, ɔ nin Mari
kɛ be dun mmua amun nyrun'n,
tɛ yɛ n yoli amun-ɔn?
5Min sran mun, akunndan nga Balak b'ɔ ti Moab
famiɛn'n buli i amun wun'n,
nin ndɛ nga Bɛɔr i wa Balaam fa tɛli i su'n,
man amun wla kpɛn su.
Sunmanlɛ nga kɛ amun fɛ i Sitim lele
be fa juli Gilgal bɔ n ko sunmannin amun'n,
man amun wla kpɛn su.
Amun wla kpɛn su kɛ ɔ ´yo
nan amu'an wun aklunye nga
m bɔbɔ min Anannganman n yoli amun'n ti .»
Like ng'ɔ ti bɔ sran yo'n
6«?Kɛ e ´ko yi tɛ e ´man Anannganman
bɔ like fi nun-mɛn i sin'n,
nguɛ like yɛ e `fa ko mɛn i-ɔ?
?Nannin ba nga be lɛ afuɛ kunngun'n
be yɛ be `fa be ko yi tɛ nga,
be yra be nnɛn'n kɔlikɔli'n be `mɛn i-ɔ?
7?Bua nene kaka yɛ Anannganman kunndɛ-ɔ?
?Ngo kaka yɛ Anannganman kunndɛ-ɔ?
?Nyin kekle bɔ e yoli i su,
ɔ nin sa tɛ bɔ e yoli'n ti
e `fa e klun ba klikli nga e wuli be'n
e `mɛn i nan ɔ'a guɛ i ya'n i ase?»
8Atin ng'ɔ ti atin kpa'n,
bɔ Anannganman waan amun fa su'n,
like nga i waan amun yo'n,
be dun mmua kan kleli amun.
Like nga i waan amun yo'n
yɛlɛ kɛ i waan nán an bu amun wiengu lufle,
klun-ufue su like'n yɛ amun `yo-ɔ,
yɛ atin nga amun Nyanmiɛn'n kle amun'n,
amun `fa su nin amun wun ase kanlɛ .
Sa nga klɔfuɛ'm be si-mɛn i'n, Anannganman wa kle be
9Anannganman se klɔfuɛ'm be kɛ
be nga bé nyin yi i'n, be ´nyan bé ti.
«Zida akpasua sufuɛ mun, amun kwlaa
nga amun yia klɔ'n su yɛ'n, an `tie!
10Ninnge nga sran tɛtɛfuɛ'm be wuali
b'ɔ si bé sua'm be nun'n,
ɔ nin be toe bɔ be kpɛ i kilo'n su'n,
i sɔ tete like liɛ'n, n su yaci cɛ-man be.
11Be bɔ be kpɛ be toe'n i jayɛbuɛ'm be su,
bɔ be jayɛbuɛ ng'ɔ o be pata'n nun'n
ti-mɛn i su'n, n yaci n cɛ-man be .
12Klɔ nga su anyanbeunfuɛ mun,
sa tɛtɛ'n yɛ be waan be `fa man be nan be yo-ɔ.
Klɔ sufuɛ mun bé nuan nun ndɛ'n ti nnyɔn-nnyɔn,
gblɛ'n yɛ be waan be `fa man be nan be kpɛ-ɔ.
13I sɔ'n ti kusu sa nga
n ´fa wla amun nun'n ti-man blɛblɛ,
amún tɛ'm be dunman nun ti.
Sa nga amun si-mɛn i'n, n wa kle amun.
14Aliɛ nga amun ´nyɛn i be ´di'n,
ɔ su yi-man amun klun.
Awe'n ´kun amun.
Like nga amun waan amun ´fa sie'n,
ɔ su ka-man lɛ.
like ng'ɔ ka lɛ'n n ´yo man alɛ'n ´di.
15Amun ´lua ninnge mun,
sanngɛ an su nyan-man nun like fi.
Amun ´yi olivie ngo,
sanngɛ an su nyan-man wie yo-man like fi nun.
Amun ´yi nzan, sanngɛ an su nɔn-man.
16Famiɛn Ɔmri ɔ nin i wa Akab
i awlofuɛ'm bé sa tɛtɛ nga be yo'n,
i su yɛ amun nian-an.
Like nga be yo'n, yɛ amun yo-ɔ.
I sɔ'n ti amun klɔ'n ɔ ´bo.
Amun kusu bɔ amun wo klɔ'n su'n,
srisrilɛ yɛ be ´srisri amun-ɔn.
Nyannzuɛn trɔ nga bɔ yɛ
ɔ jin min mɛn wunmuan'n i ti su yɛ'n,
amun yɛ amun ´suɛ i sɔ nyannzuɛn trɔ liɛ nin-ɔn.»
ទើបបានជ្រើសរើសហើយ៖
Mise 6: BB98
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Baoulé Bible © Alliance Biblique de Côte d'Ivoire, 1998.
Mise 6
6
Anannganman nin Izraɛl be afiɛn jɔlɛ
1An `sie amún su be `tie ndɛ nga Anannganman kan'n.
Ɔ se min kɛ yoo:
«Jaso, a nin oka mun be `ko kan ndɛ.
Man ɔ nɛn'n su man kpɔlɛ'm be ti.»
2Oka mun nin asiɛ bɔ oka'm be bo'n taka su'n,
amun `sie amún su,
Anannganman nin i mma'm b'a nyan ndɛ,
ɔ'a fa ndɛ ɔ'a mian Izraɛlfuɛ'm bé sa.
I waan Izraɛlfuɛ'm b'a yo i sa.
3Ɔ usa be kɛ: «?Min sran mun,
nguɛ sa yɛ n yoli amun-ɔn?
?Tɛ onin yɛ n yoli amun-ɔn?
An `kan man n ti.
4?Kɛ amun wo Ezipt lɔ bɔ amun ti kanga'n,
bɔ n ko deli amun'n,
bɔ n fali amun lɔ m bali'n,
bɔ n yili Moiz, nin Aarɔn, ɔ nin Mari
kɛ be dun mmua amun nyrun'n,
tɛ yɛ n yoli amun-ɔn?
5Min sran mun, akunndan nga Balak b'ɔ ti Moab
famiɛn'n buli i amun wun'n,
nin ndɛ nga Bɛɔr i wa Balaam fa tɛli i su'n,
man amun wla kpɛn su.
Sunmanlɛ nga kɛ amun fɛ i Sitim lele
be fa juli Gilgal bɔ n ko sunmannin amun'n,
man amun wla kpɛn su.
Amun wla kpɛn su kɛ ɔ ´yo
nan amu'an wun aklunye nga
m bɔbɔ min Anannganman n yoli amun'n ti .»
Like ng'ɔ ti bɔ sran yo'n
6«?Kɛ e ´ko yi tɛ e ´man Anannganman
bɔ like fi nun-mɛn i sin'n,
nguɛ like yɛ e `fa ko mɛn i-ɔ?
?Nannin ba nga be lɛ afuɛ kunngun'n
be yɛ be `fa be ko yi tɛ nga,
be yra be nnɛn'n kɔlikɔli'n be `mɛn i-ɔ?
7?Bua nene kaka yɛ Anannganman kunndɛ-ɔ?
?Ngo kaka yɛ Anannganman kunndɛ-ɔ?
?Nyin kekle bɔ e yoli i su,
ɔ nin sa tɛ bɔ e yoli'n ti
e `fa e klun ba klikli nga e wuli be'n
e `mɛn i nan ɔ'a guɛ i ya'n i ase?»
8Atin ng'ɔ ti atin kpa'n,
bɔ Anannganman waan amun fa su'n,
like nga i waan amun yo'n,
be dun mmua kan kleli amun.
Like nga i waan amun yo'n
yɛlɛ kɛ i waan nán an bu amun wiengu lufle,
klun-ufue su like'n yɛ amun `yo-ɔ,
yɛ atin nga amun Nyanmiɛn'n kle amun'n,
amun `fa su nin amun wun ase kanlɛ .
Sa nga klɔfuɛ'm be si-mɛn i'n, Anannganman wa kle be
9Anannganman se klɔfuɛ'm be kɛ
be nga bé nyin yi i'n, be ´nyan bé ti.
«Zida akpasua sufuɛ mun, amun kwlaa
nga amun yia klɔ'n su yɛ'n, an `tie!
10Ninnge nga sran tɛtɛfuɛ'm be wuali
b'ɔ si bé sua'm be nun'n,
ɔ nin be toe bɔ be kpɛ i kilo'n su'n,
i sɔ tete like liɛ'n, n su yaci cɛ-man be.
11Be bɔ be kpɛ be toe'n i jayɛbuɛ'm be su,
bɔ be jayɛbuɛ ng'ɔ o be pata'n nun'n
ti-mɛn i su'n, n yaci n cɛ-man be .
12Klɔ nga su anyanbeunfuɛ mun,
sa tɛtɛ'n yɛ be waan be `fa man be nan be yo-ɔ.
Klɔ sufuɛ mun bé nuan nun ndɛ'n ti nnyɔn-nnyɔn,
gblɛ'n yɛ be waan be `fa man be nan be kpɛ-ɔ.
13I sɔ'n ti kusu sa nga
n ´fa wla amun nun'n ti-man blɛblɛ,
amún tɛ'm be dunman nun ti.
Sa nga amun si-mɛn i'n, n wa kle amun.
14Aliɛ nga amun ´nyɛn i be ´di'n,
ɔ su yi-man amun klun.
Awe'n ´kun amun.
Like nga amun waan amun ´fa sie'n,
ɔ su ka-man lɛ.
like ng'ɔ ka lɛ'n n ´yo man alɛ'n ´di.
15Amun ´lua ninnge mun,
sanngɛ an su nyan-man nun like fi.
Amun ´yi olivie ngo,
sanngɛ an su nyan-man wie yo-man like fi nun.
Amun ´yi nzan, sanngɛ an su nɔn-man.
16Famiɛn Ɔmri ɔ nin i wa Akab
i awlofuɛ'm bé sa tɛtɛ nga be yo'n,
i su yɛ amun nian-an.
Like nga be yo'n, yɛ amun yo-ɔ.
I sɔ'n ti amun klɔ'n ɔ ´bo.
Amun kusu bɔ amun wo klɔ'n su'n,
srisrilɛ yɛ be ´srisri amun-ɔn.
Nyannzuɛn trɔ nga bɔ yɛ
ɔ jin min mɛn wunmuan'n i ti su yɛ'n,
amun yɛ amun ´suɛ i sɔ nyannzuɛn trɔ liɛ nin-ɔn.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Baoulé Bible © Alliance Biblique de Côte d'Ivoire, 1998.