Zonas 2
2
Zonas i Nyanmiɛn srɛlɛ
1Kɛ ɔ ´yo sɔ'n, wuun Anannganman ɔ'a sunman jue dan kun kɛ ɔ wa mɛn Zonas. Ɔ man Zonas trannin jue'n klun lɔ cɛn ba klonglo nsan . 2Kɛ Zonas o jue'n i klun lɔ'n , ɔ srɛli Anannganman i Nyanmiɛn'n seli kɛ:
3«Anannganman,
kɛ sa kekle dan'n tɔli min su'n,
n kpan flɛli wɔ yɛ a tɛli min su.
Blɛ bɔ n jrali n juli blɔlɔ lɔ'n,
n kpan flɛli wɔ, yɛ a tili min aniɛn'n sakpa.
4A to min yili jenvie'n nun,
a to min yili nzue dan sɔ'n i bunman'n nun,
yɛ ɔ kpalo min kɔ wa, ɔ kpalo min kɔ wa.
5Min klun wa min waan:
‹B'a kan mín bo ɔ wun mmua.
Sanngɛ n waan n ´wun ɔ sua'n
b'ɔ ti ɔ liɛ klonglo'n ekun.›
6Nzue'n ju min kɔmin nun,
jenvie'n kata min su kplu!
Nyanman nga be o jenvie'n bo lɔ'n
be blabla mín ti'n wun.
7N jrali lele n juli kan oka'm be bo'n fin lɔ'n.
Blɔlɔ lɔ anuan dan'n nyinnin min su mlɔnmlɔn.
Sanngɛ Anannganman min Nyanmiɛn,
wɔ man n fin ngblɔn sɔ'n nun
n fiteli sa bɔ cɛ,
like fi sa ɔ'a yo-man min.
8Blɛ bɔ n wuli wieli'n,
bɔ wunmiɛn fi nun-man min nun kun'n,
mín nyin kpɛnnin wɔ su.
Ɔ kusu, kɛ a o ɔ́ sua'n
b'ɔ ti ɔ liɛ klonglo'n nun lɔ'n,
a tili min srɛwa'n.
9Sran nga amuɛn bɔ be bɔn-man like'n yɛ be sɔ be'n,
be bɔbɔ man a kwla si-man be aunnvuɛ.
10N liɛ'n kɛ n ´to ɔ manmanlɛ jue'n,
wuun n ´yi sraka m ´man wɔ.
Yɛ ndɛ nga n kannin'n, n wa yiɛ i nuan.
Nanwlɛ, delɛ'n fin Anannganman'n.»
11Kɛ ɔ yoli sɔ'n yɛ Anannganman man jue'n fili Zonas guali cenje'n su-ɔ.
ទើបបានជ្រើសរើសហើយ៖
Zonas 2: BB98
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Baoulé Bible © Alliance Biblique de Côte d'Ivoire, 1998.
Zonas 2
2
Zonas i Nyanmiɛn srɛlɛ
1Kɛ ɔ ´yo sɔ'n, wuun Anannganman ɔ'a sunman jue dan kun kɛ ɔ wa mɛn Zonas. Ɔ man Zonas trannin jue'n klun lɔ cɛn ba klonglo nsan . 2Kɛ Zonas o jue'n i klun lɔ'n , ɔ srɛli Anannganman i Nyanmiɛn'n seli kɛ:
3«Anannganman,
kɛ sa kekle dan'n tɔli min su'n,
n kpan flɛli wɔ yɛ a tɛli min su.
Blɛ bɔ n jrali n juli blɔlɔ lɔ'n,
n kpan flɛli wɔ, yɛ a tili min aniɛn'n sakpa.
4A to min yili jenvie'n nun,
a to min yili nzue dan sɔ'n i bunman'n nun,
yɛ ɔ kpalo min kɔ wa, ɔ kpalo min kɔ wa.
5Min klun wa min waan:
‹B'a kan mín bo ɔ wun mmua.
Sanngɛ n waan n ´wun ɔ sua'n
b'ɔ ti ɔ liɛ klonglo'n ekun.›
6Nzue'n ju min kɔmin nun,
jenvie'n kata min su kplu!
Nyanman nga be o jenvie'n bo lɔ'n
be blabla mín ti'n wun.
7N jrali lele n juli kan oka'm be bo'n fin lɔ'n.
Blɔlɔ lɔ anuan dan'n nyinnin min su mlɔnmlɔn.
Sanngɛ Anannganman min Nyanmiɛn,
wɔ man n fin ngblɔn sɔ'n nun
n fiteli sa bɔ cɛ,
like fi sa ɔ'a yo-man min.
8Blɛ bɔ n wuli wieli'n,
bɔ wunmiɛn fi nun-man min nun kun'n,
mín nyin kpɛnnin wɔ su.
Ɔ kusu, kɛ a o ɔ́ sua'n
b'ɔ ti ɔ liɛ klonglo'n nun lɔ'n,
a tili min srɛwa'n.
9Sran nga amuɛn bɔ be bɔn-man like'n yɛ be sɔ be'n,
be bɔbɔ man a kwla si-man be aunnvuɛ.
10N liɛ'n kɛ n ´to ɔ manmanlɛ jue'n,
wuun n ´yi sraka m ´man wɔ.
Yɛ ndɛ nga n kannin'n, n wa yiɛ i nuan.
Nanwlɛ, delɛ'n fin Anannganman'n.»
11Kɛ ɔ yoli sɔ'n yɛ Anannganman man jue'n fili Zonas guali cenje'n su-ɔ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Baoulé Bible © Alliance Biblique de Côte d'Ivoire, 1998.