1 Ilkorinto 9
9
Imbaa naaipirta olkipaaret le Yesu
1Aimalakuno nanu? Aimara olkipaaret? Keitu adol nanu Yesu Olaitoriani lang? Aimirara intae ilng'anayio le siaai ai to Laitoriani? 2Te ne mara olkipaaret te kulikae, nara ake ninye te intae; naa intae olmishire le kipaaretisho ai tiatua Olaitoriani. 3Kamitu naa kewan aiko nji te lelo laayieu naajur. 4Aimeishoro doi iyiook endaa mainosa nikiokisho? 5Aimeishoro doi iyiook metoriko oltung'ani enkitok nairuko Kristo anaa nena naasita lelo kulikae kipaareta, neiko sii nejia lalashera Olaitoriani, neiko Kefa? 6Anaa ei Barnaba doi ake o nanu etiakaki maisiaayu entoki nikinya?
7Keetae osikari oisiaai likae neitoki alaaki kewan olekoisiayio? Keetae oltung'ani oun enkurma oo lng'anayio nemenya lelo ng'anayio? Keetae oltung'ani oirrita eluaata oo masaa nemeok kule enye? 8Ko ltung'ani laatiaka matejo kuna? Aimme nejia sii ninche ejo Nkitanapat? 9#Enkig 25.4; 1 Tim 5.18Etisiraki too Nkitanapat e Musa neji, “Nimien olkiteng enkutuk errarru entapa.” Ijojo ei lelo, mong'i doi eimaka Enkai? 10Ana mme iyiook sa pee etejo nejia? Te nkaraki iyiook pee etisiraki ina, amu ore ilo oturisho neishaakino neturisho to siligi, ore olorrarru ilng'anayio nerrarru eisiligu ajo ketum eoroti enye. 11#Irm 15.27Tinikituunokito intae ilng'anayio lo ltau kenyaaka aaku embae sapuk ti nikitumie intae ntokitin e sotore? 12Amaa te neeta kulikae esipata natumie toki te intae, aime iyiook ooata enalusoo teina? Kake eitu king'orunye iyiook intae ina. Kiting'iria pooki toki, pee mikintarru ororei supat le Kristo.
13 #
Enkig 18.1
Aimiyiololo aajo ore lelo ooisiaaisho te nkaji e Nkai naa ina aji e Nkai etumie endaa, ore lelo oopolosisho to lperere lo lasar netum ematua eilo asar to lperere? 14#Mat 10.10; Lk 10.7Ina sii eitanapa Olaitoriani lelo oolikioo kulo Omon Supati, metaa ore nkolati e nkishon enye netumie kulo Omon Supati. 15Kake eitu ajo nanu aing'oru hoo nabo e kuna tokitin, neme ina pee atisiraka intae kuna baa; enaikash te naye alang te naiko nejia. Pee metumi oltung'ani hoo obo oyooki ajo kawuasare empesho. 16Te nalikioo lelo Omon Supati, neme toki ina nawuasare nanu. Meeta nchere, keitu alikioo. Wooi kewan ai te nemalikioo kulo Omon Supati. 17Te naa kalikioo naaji te nkaraki naa nanu oyieu, keaku olekoisiaayio aanyu maatalaakini; kake teneme eyieunoto ai, naa te nkaraki naa Enkai naaisiliga aitanap ena siaai. 18Kainyoo naa olekoisiayio lai laalaakini? Enkidimata nalikiorie kulo Omon Supati nemaitalaku toki; ina doi natanya aalaakini te nkaraki elikioroto oo Lomon Supati.
19Ore hoo nemara orrindik le likae tung'ani, aitaa nanu kewan orrindik le pooki ng'ae peyie ariku anaa enaidimayu, naitaa ilkumok ile Kristo. 20Ataa Olyahudi tialo Ilyahudi peyie atum Ilyahudi; ore nena kitanapat naaitore ninche, atotiwuo anaa oloitore nena kitanapat peyie atum atoriku ninche, hoo neme nena kitanapat naaitore nanu makewan. 21Ore ajo pee atumoki Loreren leme nena kitanapat naaitore, atotiwuo anaa olemetii atua Nkitanapat, hoo natii nanu atua nkitanapat e Kristo metaa matii sii duoo auluo nkitanapat e Nkai. 22Ore to loshal te nkirukoto natiu anaa ninye peyie ariku sii ninche atua ina kirukoto. Ataa pooki toki too ltung'ana pooki, peyie atem too nkoitoi pooki aitajeu ematua enye. 23Naas nena pooki te nkaraki kulo Omon Supati, peyie eaku katii atua lelo oong'ar ina mayianata. 24Aimiyiolo aajo ore te nkesha naa keitukuja pooki, kake obo ake lenye otum enchunet? Neaku enkuet pee itumutumu. 25#Eng'e 4.2; 5.16Ore olokuet pooki naa keenu kewan too mbaa pooki. Neiko ninche nejia ejo pee eishori olmarisian omuta, kake ole memuta kitum iyiook. 26Neaku, makuetita nanu maata enkipirta, nemaipusho anaa oloosh olng'am; 27kake kaarita osesen lai naitore, pee meaku ore aidipa atoliki ilkulikae naadung'ori nanu.
ទើបបានជ្រើសរើសហើយ៖
1 Ilkorinto 9: BIBLIACATHO
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 2018
1 Ilkorinto 9
9
Imbaa naaipirta olkipaaret le Yesu
1Aimalakuno nanu? Aimara olkipaaret? Keitu adol nanu Yesu Olaitoriani lang? Aimirara intae ilng'anayio le siaai ai to Laitoriani? 2Te ne mara olkipaaret te kulikae, nara ake ninye te intae; naa intae olmishire le kipaaretisho ai tiatua Olaitoriani. 3Kamitu naa kewan aiko nji te lelo laayieu naajur. 4Aimeishoro doi iyiook endaa mainosa nikiokisho? 5Aimeishoro doi iyiook metoriko oltung'ani enkitok nairuko Kristo anaa nena naasita lelo kulikae kipaareta, neiko sii nejia lalashera Olaitoriani, neiko Kefa? 6Anaa ei Barnaba doi ake o nanu etiakaki maisiaayu entoki nikinya?
7Keetae osikari oisiaai likae neitoki alaaki kewan olekoisiayio? Keetae oltung'ani oun enkurma oo lng'anayio nemenya lelo ng'anayio? Keetae oltung'ani oirrita eluaata oo masaa nemeok kule enye? 8Ko ltung'ani laatiaka matejo kuna? Aimme nejia sii ninche ejo Nkitanapat? 9#Enkig 25.4; 1 Tim 5.18Etisiraki too Nkitanapat e Musa neji, “Nimien olkiteng enkutuk errarru entapa.” Ijojo ei lelo, mong'i doi eimaka Enkai? 10Ana mme iyiook sa pee etejo nejia? Te nkaraki iyiook pee etisiraki ina, amu ore ilo oturisho neishaakino neturisho to siligi, ore olorrarru ilng'anayio nerrarru eisiligu ajo ketum eoroti enye. 11#Irm 15.27Tinikituunokito intae ilng'anayio lo ltau kenyaaka aaku embae sapuk ti nikitumie intae ntokitin e sotore? 12Amaa te neeta kulikae esipata natumie toki te intae, aime iyiook ooata enalusoo teina? Kake eitu king'orunye iyiook intae ina. Kiting'iria pooki toki, pee mikintarru ororei supat le Kristo.
13 #
Enkig 18.1
Aimiyiololo aajo ore lelo ooisiaaisho te nkaji e Nkai naa ina aji e Nkai etumie endaa, ore lelo oopolosisho to lperere lo lasar netum ematua eilo asar to lperere? 14#Mat 10.10; Lk 10.7Ina sii eitanapa Olaitoriani lelo oolikioo kulo Omon Supati, metaa ore nkolati e nkishon enye netumie kulo Omon Supati. 15Kake eitu ajo nanu aing'oru hoo nabo e kuna tokitin, neme ina pee atisiraka intae kuna baa; enaikash te naye alang te naiko nejia. Pee metumi oltung'ani hoo obo oyooki ajo kawuasare empesho. 16Te nalikioo lelo Omon Supati, neme toki ina nawuasare nanu. Meeta nchere, keitu alikioo. Wooi kewan ai te nemalikioo kulo Omon Supati. 17Te naa kalikioo naaji te nkaraki naa nanu oyieu, keaku olekoisiaayio aanyu maatalaakini; kake teneme eyieunoto ai, naa te nkaraki naa Enkai naaisiliga aitanap ena siaai. 18Kainyoo naa olekoisiayio lai laalaakini? Enkidimata nalikiorie kulo Omon Supati nemaitalaku toki; ina doi natanya aalaakini te nkaraki elikioroto oo Lomon Supati.
19Ore hoo nemara orrindik le likae tung'ani, aitaa nanu kewan orrindik le pooki ng'ae peyie ariku anaa enaidimayu, naitaa ilkumok ile Kristo. 20Ataa Olyahudi tialo Ilyahudi peyie atum Ilyahudi; ore nena kitanapat naaitore ninche, atotiwuo anaa oloitore nena kitanapat peyie atum atoriku ninche, hoo neme nena kitanapat naaitore nanu makewan. 21Ore ajo pee atumoki Loreren leme nena kitanapat naaitore, atotiwuo anaa olemetii atua Nkitanapat, hoo natii nanu atua nkitanapat e Kristo metaa matii sii duoo auluo nkitanapat e Nkai. 22Ore to loshal te nkirukoto natiu anaa ninye peyie ariku sii ninche atua ina kirukoto. Ataa pooki toki too ltung'ana pooki, peyie atem too nkoitoi pooki aitajeu ematua enye. 23Naas nena pooki te nkaraki kulo Omon Supati, peyie eaku katii atua lelo oong'ar ina mayianata. 24Aimiyiolo aajo ore te nkesha naa keitukuja pooki, kake obo ake lenye otum enchunet? Neaku enkuet pee itumutumu. 25#Eng'e 4.2; 5.16Ore olokuet pooki naa keenu kewan too mbaa pooki. Neiko ninche nejia ejo pee eishori olmarisian omuta, kake ole memuta kitum iyiook. 26Neaku, makuetita nanu maata enkipirta, nemaipusho anaa oloosh olng'am; 27kake kaarita osesen lai naitore, pee meaku ore aidipa atoliki ilkulikae naadung'ori nanu.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 2018