San Mateo 15
15
Juu tyajktojkenpatp jä ya'atyëjk
(Mr 7.1-23)
1Jäts jä Fariseosta mëët jä yajk'ixpëjkpata juu tnijaawetep jä kutujken juu yaj naaxwiin të wyena jyayeta juu tsoontep jäm Jerusalén, jäts twintemete jä Jesús, jäts tyajktïiwete:
2—Tyëx mits yë m'ixpëjkpata tka' tmëjpëmta tso min kyuput tso ïïm jä n'ap n'ok jyuukyete. Tyëx tka' kutyunta tsoj min kyuput jäts jayïp jä kyë'ë tpu'tat wa'nit kyaytat.
3Jäts jä Jesús tyajktïïwe:
—Tyëx miits nawyen xka kutyunta jä Kunuukxtee pyawanen jäts ja'yam miits mpanëjkxtep wintsoj jä mëj jaye juukyete. 4We'n jä Kunuukxtee wya'any: Wintsëjka mtee mtaak, jäts Pen pën mujknikotsep jää tyee jää tyaak ooktokep jää. 5Jäts miits mwa'anta jäts ooyep jä ya'atyëjk tnëmat jää tyee jää tyaak: Ka' y'oya nputëkat, paaty tukëye pen tijaty ëts nmëët tum Kunuukxtee ntuwintsekep; 6Pen pën we'en waamp, ka' nyikuwana jäts jää tyee tyaak tputëjkat: Paaty we'en, miits jä Kunuukxtee y'ayuuk xyäkwintoketa mkë'ëm winmaayen miits mtutuuntep. 7Ka' miits xnijaweta. Tsoj ojts tkets jä kukexepa Isaías ku ojts miits myajknikets, ku wyaany:
8Yë kapen xya y'amkëxm ëts yë xsojkta,
jekyem yë jyaawenta mëët ëts.
9Ka' tyun oyam ëts xja ajooteta;
jää y'ixpëjkenta jä ya'atyëjk jää pyawaanen.
10Wa'nit jää Jesús tmëjweew jä jaye jäts tnïmye:
—Amotenaxta jäts xwinmotetat: 11Pen tijaty jä ya'atyëjk y'am jïjkxp ka' jää tyojkena. Jääwe token juu jä ya'atyëjk y'am pitsemp.
12Wa'nit jä ixpëjkpatejkta tmuwintemete jä Jesús jäts tyajktïiwete:
—Nijawep mits jäts yë fariseosta nawinkotsnaxe yë tjaweta jäts ka' t'oyjaweta juu mits te xkets.
13Wa'nit jää Jesús y'atseew:
—Jatyum ti ujtsa juu ëts jän Tee juu tsapjootm kya' niip, nëjkx jää yajkwïxekne y'aats mëët. 14Majktsojkta, wiints yëëta tujk wiints yëë nya pyawitseta, ku tujk jää wiints jaye tpawitset jä tujk jää wiints jaye, kipx jää kitetat jutep ayuupetat.
15Wa'nit jää Pedro tnïma jää Jesús:
—Kotswa'tse juu tix kets
16Jäts jä Jesús y'atseew:
—Naywe'en miitsta ka'nem tijaty xwinmoteta. 17Ka' miits xwinmoteta nijum juu jaty tëjkep y'am këxm wa jää nyïjkx jootm, wa'nit pitsemne nyikxm mkyo'm. 18Jä ya'atyëjk juu pyayo'opy jyaawen kexm jää kyetsp; jääwe yajktojkempatep. 19Jäm ya'atyëjk jyaawen këxm pitsem jä ka'oy winmaayen; jaye tyajk'ooket, jaye te'ex pëjkat, jää ya'atyejk xëm jä yam jää te'extëjk t'akääyat, myaatset, tyaayat myugujk twin'ëënet jäts myugujk tmukotsnaxet. 20Yëwe nijum xäja juu ya'atyëjk tyajktoken paatp; kuts jä jaye kyay jäts tka patun tso jä kutujken jä kë'ë pujen, ka' jä tyojkena.
Ja te'extëjk jä cananeate jaye
(Mr 7.24-30)
21Jäts jä Jesús nyïjkx jäm Tiro jäts Sidón it jootm. 22Wa'nit tujk jä te'extëjk cananeate jaye, nay jä it jootm, jäts ya'axy jyek, twintema jää Jesús:
—Wintsën, David y'unejk, pa'ayowe ëts. Ëts nëëx jää myëët ka'o pyoj jää mëjk yajk tsaatsy paatye.
23Ni wintsoj jää Jesús kya waany. Wa'nit jä y'ixpëjkpatëjkta jää twintemete jäts tmunuujkxkete:
—Nëjma yëë te'extëjk jäts tnëjkxne, tookye yë ya'axy jyek ïïm naatep.
24Jäts jä Jesús wyaany:
—Kunuukxtee jä'ye ëts xtunikäxp jäts jä Borrego nëjkx n'ixta jää juu ti tyokene jäm Israel kyapen këxm.
25Jäts jä te'extëjk ojts twinkuxtena jää Jesús, jäts tnïma:
—Wintsën, putëjka ëts.
26Wa'nit jää Jesús y'atseew:
—Ka' y'oya jäts yajkpëjkat jä tsapkaaky jä unejkta jäts yajkmooynet jä ujkta.
27Jäts jä te'extëjk y'atsew:
—We'n wintsën; Naywe'n jä ukta tkayta jä kaaky apu'xk juu jä wyintsën yajkistëjkep jäm kyapyatken mpatkep.
28Wa'nit jä Jesús nyë'ëmxe:
—Mits te'extëjk, wa'ts mëjk mits jä mjaantsy jaawen. We'en tyunet wintsoj mits xtsek.
Jätye jä nyëëx ojts tsye'ek.
Jää Jesús may jä pa'amjaye tyajktse'ek
29Jää Jesús tsyoone jäm jäts jya'y jäm Galilea nyë'ë pa'am; wa'nit pyatëjke kopk këxm jäts jäm y'ëxtejk. 30May am jää jayeta nyamyukete jäm juma jää Jesús. Jäts tyajknëjkxte jää tejk ma't, jää wiints, jää juu kë'ë ma't, jää uum jäts may jëp jä pa'am juu pëjketep jä may pa'am jayeta. 31Jäts jä jayeta atïwa tyaante ku t'ixta jäts kotspëjktep jä uumta, jää kë'ë ma't tsookp jä kyë'ë, jä tejk ma't yo'pyëjkp jää jäts jää wiints win'ixpëjkp. Wa'nit t'ajoot ukwaante jä Israel Kyunuukxtee.
Jää Jesús tyajkay may am jä jayeta
(Mr 8.1-10)
32Jää Jesús tmëjweew jä y'ixpëjkpatejkta, jäts tnïmye:
—Npa'ayootep ëts yë jayeta, paaty ku tuuk xëë kujk ijta mëët ëts jäts nitii kya it ti kyaytap. Ka' ntsejk jäts npakäxtat wenye tyëjk jootm tumya y'ookempijtat tuu aay.
33Jäts jää y'ixpëjkpatëjkta tnïmyete:
—Tso jun nipëna yaj kyatsiina wa'ts apajk yaj it, juma wi'n npaatmet jä kaaky tojkx jäts kyaytat yë may jayeta.
34Wa'nit jää tyajktïïwete jää Jesús:
—Ja winju'n miits jä mtsapkaaky xmeteta.
—Ja wuxtujtejk, jäts wänye jä a'jkx —jää y'atsoote.
35Wa'nit tpawaany jä jayeta jäts tsyinye oyetat naxkïx, 36jäts tkoonejk jä wuxtujtejk tsapkaaky mëët jä a'kx, jäts tmooy jä tukukojtsën jä Kunuukxtee, wa'nit tujkwajkxy jäts tmooy jä y'ixpëjkpatejkta, wa'nit jääta tyajkwajkxte jä may jaye tmootye. 37Tukëye kyaatye jäts yajkxon kyuuxete, ojts wintany jä wuxtujtejk katsy jä tsapkaaky tujkwajkxy. 38Wa wyeneta wïxkepx mokepx ya'atyëjkta juu kaatye, ka' tmatsyoote jää te'extëjkta ni jää pijk'unejkta. 39Wa'nit jää Jesús tpakäxne jä jayeta, wa'nit jää tsyoone pyatne barco jootm jäts nyïjkx jäm Magadán it jootm.
ទើបបានជ្រើសរើសហើយ៖
San Mateo 15: JKAYUUK
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
San Mateo 15
15
Juu tyajktojkenpatp jä ya'atyëjk
(Mr 7.1-23)
1Jäts jä Fariseosta mëët jä yajk'ixpëjkpata juu tnijaawetep jä kutujken juu yaj naaxwiin të wyena jyayeta juu tsoontep jäm Jerusalén, jäts twintemete jä Jesús, jäts tyajktïiwete:
2—Tyëx mits yë m'ixpëjkpata tka' tmëjpëmta tso min kyuput tso ïïm jä n'ap n'ok jyuukyete. Tyëx tka' kutyunta tsoj min kyuput jäts jayïp jä kyë'ë tpu'tat wa'nit kyaytat.
3Jäts jä Jesús tyajktïïwe:
—Tyëx miits nawyen xka kutyunta jä Kunuukxtee pyawanen jäts ja'yam miits mpanëjkxtep wintsoj jä mëj jaye juukyete. 4We'n jä Kunuukxtee wya'any: Wintsëjka mtee mtaak, jäts Pen pën mujknikotsep jää tyee jää tyaak ooktokep jää. 5Jäts miits mwa'anta jäts ooyep jä ya'atyëjk tnëmat jää tyee jää tyaak: Ka' y'oya nputëkat, paaty tukëye pen tijaty ëts nmëët tum Kunuukxtee ntuwintsekep; 6Pen pën we'en waamp, ka' nyikuwana jäts jää tyee tyaak tputëjkat: Paaty we'en, miits jä Kunuukxtee y'ayuuk xyäkwintoketa mkë'ëm winmaayen miits mtutuuntep. 7Ka' miits xnijaweta. Tsoj ojts tkets jä kukexepa Isaías ku ojts miits myajknikets, ku wyaany:
8Yë kapen xya y'amkëxm ëts yë xsojkta,
jekyem yë jyaawenta mëët ëts.
9Ka' tyun oyam ëts xja ajooteta;
jää y'ixpëjkenta jä ya'atyëjk jää pyawaanen.
10Wa'nit jää Jesús tmëjweew jä jaye jäts tnïmye:
—Amotenaxta jäts xwinmotetat: 11Pen tijaty jä ya'atyëjk y'am jïjkxp ka' jää tyojkena. Jääwe token juu jä ya'atyëjk y'am pitsemp.
12Wa'nit jä ixpëjkpatejkta tmuwintemete jä Jesús jäts tyajktïiwete:
—Nijawep mits jäts yë fariseosta nawinkotsnaxe yë tjaweta jäts ka' t'oyjaweta juu mits te xkets.
13Wa'nit jää Jesús y'atseew:
—Jatyum ti ujtsa juu ëts jän Tee juu tsapjootm kya' niip, nëjkx jää yajkwïxekne y'aats mëët. 14Majktsojkta, wiints yëëta tujk wiints yëë nya pyawitseta, ku tujk jää wiints jaye tpawitset jä tujk jää wiints jaye, kipx jää kitetat jutep ayuupetat.
15Wa'nit jää Pedro tnïma jää Jesús:
—Kotswa'tse juu tix kets
16Jäts jä Jesús y'atseew:
—Naywe'en miitsta ka'nem tijaty xwinmoteta. 17Ka' miits xwinmoteta nijum juu jaty tëjkep y'am këxm wa jää nyïjkx jootm, wa'nit pitsemne nyikxm mkyo'm. 18Jä ya'atyëjk juu pyayo'opy jyaawen kexm jää kyetsp; jääwe yajktojkempatep. 19Jäm ya'atyëjk jyaawen këxm pitsem jä ka'oy winmaayen; jaye tyajk'ooket, jaye te'ex pëjkat, jää ya'atyejk xëm jä yam jää te'extëjk t'akääyat, myaatset, tyaayat myugujk twin'ëënet jäts myugujk tmukotsnaxet. 20Yëwe nijum xäja juu ya'atyëjk tyajktoken paatp; kuts jä jaye kyay jäts tka patun tso jä kutujken jä kë'ë pujen, ka' jä tyojkena.
Ja te'extëjk jä cananeate jaye
(Mr 7.24-30)
21Jäts jä Jesús nyïjkx jäm Tiro jäts Sidón it jootm. 22Wa'nit tujk jä te'extëjk cananeate jaye, nay jä it jootm, jäts ya'axy jyek, twintema jää Jesús:
—Wintsën, David y'unejk, pa'ayowe ëts. Ëts nëëx jää myëët ka'o pyoj jää mëjk yajk tsaatsy paatye.
23Ni wintsoj jää Jesús kya waany. Wa'nit jä y'ixpëjkpatëjkta jää twintemete jäts tmunuujkxkete:
—Nëjma yëë te'extëjk jäts tnëjkxne, tookye yë ya'axy jyek ïïm naatep.
24Jäts jä Jesús wyaany:
—Kunuukxtee jä'ye ëts xtunikäxp jäts jä Borrego nëjkx n'ixta jää juu ti tyokene jäm Israel kyapen këxm.
25Jäts jä te'extëjk ojts twinkuxtena jää Jesús, jäts tnïma:
—Wintsën, putëjka ëts.
26Wa'nit jää Jesús y'atseew:
—Ka' y'oya jäts yajkpëjkat jä tsapkaaky jä unejkta jäts yajkmooynet jä ujkta.
27Jäts jä te'extëjk y'atsew:
—We'n wintsën; Naywe'n jä ukta tkayta jä kaaky apu'xk juu jä wyintsën yajkistëjkep jäm kyapyatken mpatkep.
28Wa'nit jä Jesús nyë'ëmxe:
—Mits te'extëjk, wa'ts mëjk mits jä mjaantsy jaawen. We'en tyunet wintsoj mits xtsek.
Jätye jä nyëëx ojts tsye'ek.
Jää Jesús may jä pa'amjaye tyajktse'ek
29Jää Jesús tsyoone jäm jäts jya'y jäm Galilea nyë'ë pa'am; wa'nit pyatëjke kopk këxm jäts jäm y'ëxtejk. 30May am jää jayeta nyamyukete jäm juma jää Jesús. Jäts tyajknëjkxte jää tejk ma't, jää wiints, jää juu kë'ë ma't, jää uum jäts may jëp jä pa'am juu pëjketep jä may pa'am jayeta. 31Jäts jä jayeta atïwa tyaante ku t'ixta jäts kotspëjktep jä uumta, jää kë'ë ma't tsookp jä kyë'ë, jä tejk ma't yo'pyëjkp jää jäts jää wiints win'ixpëjkp. Wa'nit t'ajoot ukwaante jä Israel Kyunuukxtee.
Jää Jesús tyajkay may am jä jayeta
(Mr 8.1-10)
32Jää Jesús tmëjweew jä y'ixpëjkpatejkta, jäts tnïmye:
—Npa'ayootep ëts yë jayeta, paaty ku tuuk xëë kujk ijta mëët ëts jäts nitii kya it ti kyaytap. Ka' ntsejk jäts npakäxtat wenye tyëjk jootm tumya y'ookempijtat tuu aay.
33Jäts jää y'ixpëjkpatëjkta tnïmyete:
—Tso jun nipëna yaj kyatsiina wa'ts apajk yaj it, juma wi'n npaatmet jä kaaky tojkx jäts kyaytat yë may jayeta.
34Wa'nit jää tyajktïïwete jää Jesús:
—Ja winju'n miits jä mtsapkaaky xmeteta.
—Ja wuxtujtejk, jäts wänye jä a'jkx —jää y'atsoote.
35Wa'nit tpawaany jä jayeta jäts tsyinye oyetat naxkïx, 36jäts tkoonejk jä wuxtujtejk tsapkaaky mëët jä a'kx, jäts tmooy jä tukukojtsën jä Kunuukxtee, wa'nit tujkwajkxy jäts tmooy jä y'ixpëjkpatejkta, wa'nit jääta tyajkwajkxte jä may jaye tmootye. 37Tukëye kyaatye jäts yajkxon kyuuxete, ojts wintany jä wuxtujtejk katsy jä tsapkaaky tujkwajkxy. 38Wa wyeneta wïxkepx mokepx ya'atyëjkta juu kaatye, ka' tmatsyoote jää te'extëjkta ni jää pijk'unejkta. 39Wa'nit jää Jesús tpakäxne jä jayeta, wa'nit jää tsyoone pyatne barco jootm jäts nyïjkx jäm Magadán it jootm.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល