Eclesiástico 31
31
1-2Majki mi' mel ipusik'al cha'añ ti' kaj ichu'bä añäl,
ma'añik mi' yochel iwäyel, ya'i mux itaj ik'amäjel.
3Jiñi ombä ichu'bä añäl mij ilujb-añ iyok'esañ itak'iñ,
yik'ot che' mi' k'aj iyoj mux iweñ tijikñesañ ipusik'al.
4Jiñi p'ump'umbä mi' icha'leñ e'tel
cha'añ mi' itaj chuki yom ik'ux ti jujump'ejl k'iñ;
mi ma'añik mi' icha'leñ e'tel,
mux iyutsi ochel ti tsätsbä p'ump'uñlel.
5Majki mi' iyäk'eñ ipusik'al ti' itojlel jiñi tak'iñ,
ti' kaj jiñi tak'iñ mi' yajlel ti sajtemal,
yik'ot ma'añik bakibä k'iñ mejl icha'leñ chuki toj.
6Ka'bälob tsa' sajtiyob cha'añ ti' kaj jiñi tak'iñ.
7Jiñi tak'iñ lajaläch bajche' jump'ejl yak
baki mi' yajlelob jiñi machbä añik iña'täbal.
8¡Tijikñayäch jiñi wiñik ombä ichu'bä añäl,
che' ma'añik mi' itaj isajtemal cha'añ ti' kaj itak'iñ!
9Yom la käk'eñ iyutslel lak t'añ ti' itojlel,
kome ka'bäl ñuktakbä e'tel tsi' mele ti' itojlel ipi'älob;
10mux imel itijikñesañ ipusik'al jiñi wiñik
kome tsa' iyila mulil, ixku ma'añik tsi' cha'le;
tsa' mejli icha'leñ chuki joñtol,
ixku ma'añik tsi' cha'le ja'el.
11Iyutslel ipusik'al wa'chokobil mi kaj ikälel
ixku ipi'älob ya' ti tejklum mi kaj itsiktesañob.
Bajche' yom mi lak cha'leñ ti we'ibäl
12Mi' juñtikil ñukbä wiñik mi' päyet majlel ti k'ux waj,
mach ma' ña'tañ che' bajche' jiñi xwo'lel,
mu'bä iyäl cha'añ oñ mi kaj ik'ux.
13Yom ma' ña'tañ cha'añ jiñi Lak Ch'ujutat
ma'añik mi' mulañ itsäytsäyñäyel lak pusik'al.
Ma'añix ñumeñ leko'bä bajche' jiñi ch'ijiyembä wutäl,
kome mi' cha'leñ uk'el ti kaj pejtelel chukitak añ.
14Che' ja'el mach ma' wotsañ ak'äb
ya' ti we'eläl mu'bä imulañ yambä api'äl.
15Weñ ña'tañ pejtelel chuki ma' kaj amel,
yik'ot ajñeñ ti' itojlel bajche' woli iyujtel api'älob.
16-17K'uxu pejtelel chuki mi' awäk'eñtel ak'ux,
ixku ma'añik wa' wo'wo'et.
Che' ma' k'ux awaj k'uñte' k'uñte' jach yom ma' ak'ux
cha'añ ma'añik ma' ataj awajleñtel,
che' ja'el ñaxañ yom ma' tejchel
che' bajche' mi' cha'leñob käñtesäbilo'bä wiñikob.
18Mi' ka'bälob jiñi päybilo'bä ti k'iñijel.
mach yomik ñaxañet ma' bäk' luch jiñi awe'el.
19Jiñi wiñik ambä iña'täbal ts'ita'jach mi' ik'ux,
cha'añ ma'añik mi' taj ñojk' che' mi' wäyel.
20Majki uts'atax mi' imä'lañ ibäj,
tijikña mi' cha'leñ wäyel yik'ot tijikña che' mi' ip'ixel.
Ixku jiñi xwo'lel ma'añix mi' imejlel ti wäyel,
cha'añ mux itaj k'uxñäk'.
21Mi tsa'ix iwersa xik'iyet añumeñ k'ux waj,
yomix ma' lok'el ti jumpat cha'añ ma' cha'leñ xej,
che' jiñi tijikña mi kaj acha' u'biñ.
22K'uxbibilbä ch'itoñ,
mach ma' ts'a'leñ tik'ol,
kome ti wi'ilbä k'iñ mi kaj ach'ämbeñ isujm kt'añ.
Mi tsajilet ti' pejtelel chukitak ma' mel,
ma'añik bakibä k'iñ mi kaj ak'am-añ.
23Uts'at mi' cha'leñob t'añ wiñikob x-ixikob ti itojlel
juñtikil mu'bä ipäy majlel ipi'älob ti k'iñijel,
cha'añ mi' yäk' oñbä majtañäl ti we'ibäl;
24ixku ti' tojlel jiñi xchäkbä mux icha'leñob p'ajoñel,
cha'añ ma'añik mi yäk' ti majtañäl mi junt'ox kaxlañwaj.
Mach uts'atik che' oñ mi lak jap lembal
25Mux itajoñlaj wokolil che' mi lak jap ti oñ jiñi lembal melbilbä ti iya'lel ts'usub,
jiñ cha'añ mach oñ yom ajap.
26-28Ch'ijiyem yilal pañämil che' ma'añix lembal iya'lelbä ts'usub.
Jiñ cha'añ, p'isol jach yom lak jap,
yik'ot mach ti' pejtelel k'iñ.
Awilañ, jiñi weñ tikäwbä k'ajk
mux itsiktesañ itsätslel jiñi tak'iñ,
che' ja'el, yik'ot jiñi lembal mi' tsiktiyel
iña'täbal majki mi' chañ-esañ ibä.
29-30Che' oñ ma' jap jiñi lembal,
mux ijilel ap'ätälel yik'ot ma' päs amich'ajel,
yik'ot ma' cha'leñ leto yik'ot api'älob.
Che' ja'el, ma' tik'lañ akuxtälel
yik'ot ma' amel joñtolil ti' itojlel yaño'bä.
31Che' woliyet ti jap lembal,
mach acha'leñ a'leya yik'ot lak pi'älob,
che' ja'el mach ma' wajleñ jiñi xlemoñel,
yik'ot mach ak'ajtiñ ik'exol atak'iñ ambä ibet ti' atojlel.
ទើបបានជ្រើសរើសហើយ៖
Eclesiástico 31: CholDc
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Biblia Chol de estudio con DC- Derechos reservados por SBM
Eclesiástico 31
31
1-2Majki mi' mel ipusik'al cha'añ ti' kaj ichu'bä añäl,
ma'añik mi' yochel iwäyel, ya'i mux itaj ik'amäjel.
3Jiñi ombä ichu'bä añäl mij ilujb-añ iyok'esañ itak'iñ,
yik'ot che' mi' k'aj iyoj mux iweñ tijikñesañ ipusik'al.
4Jiñi p'ump'umbä mi' icha'leñ e'tel
cha'añ mi' itaj chuki yom ik'ux ti jujump'ejl k'iñ;
mi ma'añik mi' icha'leñ e'tel,
mux iyutsi ochel ti tsätsbä p'ump'uñlel.
5Majki mi' iyäk'eñ ipusik'al ti' itojlel jiñi tak'iñ,
ti' kaj jiñi tak'iñ mi' yajlel ti sajtemal,
yik'ot ma'añik bakibä k'iñ mejl icha'leñ chuki toj.
6Ka'bälob tsa' sajtiyob cha'añ ti' kaj jiñi tak'iñ.
7Jiñi tak'iñ lajaläch bajche' jump'ejl yak
baki mi' yajlelob jiñi machbä añik iña'täbal.
8¡Tijikñayäch jiñi wiñik ombä ichu'bä añäl,
che' ma'añik mi' itaj isajtemal cha'añ ti' kaj itak'iñ!
9Yom la käk'eñ iyutslel lak t'añ ti' itojlel,
kome ka'bäl ñuktakbä e'tel tsi' mele ti' itojlel ipi'älob;
10mux imel itijikñesañ ipusik'al jiñi wiñik
kome tsa' iyila mulil, ixku ma'añik tsi' cha'le;
tsa' mejli icha'leñ chuki joñtol,
ixku ma'añik tsi' cha'le ja'el.
11Iyutslel ipusik'al wa'chokobil mi kaj ikälel
ixku ipi'älob ya' ti tejklum mi kaj itsiktesañob.
Bajche' yom mi lak cha'leñ ti we'ibäl
12Mi' juñtikil ñukbä wiñik mi' päyet majlel ti k'ux waj,
mach ma' ña'tañ che' bajche' jiñi xwo'lel,
mu'bä iyäl cha'añ oñ mi kaj ik'ux.
13Yom ma' ña'tañ cha'añ jiñi Lak Ch'ujutat
ma'añik mi' mulañ itsäytsäyñäyel lak pusik'al.
Ma'añix ñumeñ leko'bä bajche' jiñi ch'ijiyembä wutäl,
kome mi' cha'leñ uk'el ti kaj pejtelel chukitak añ.
14Che' ja'el mach ma' wotsañ ak'äb
ya' ti we'eläl mu'bä imulañ yambä api'äl.
15Weñ ña'tañ pejtelel chuki ma' kaj amel,
yik'ot ajñeñ ti' itojlel bajche' woli iyujtel api'älob.
16-17K'uxu pejtelel chuki mi' awäk'eñtel ak'ux,
ixku ma'añik wa' wo'wo'et.
Che' ma' k'ux awaj k'uñte' k'uñte' jach yom ma' ak'ux
cha'añ ma'añik ma' ataj awajleñtel,
che' ja'el ñaxañ yom ma' tejchel
che' bajche' mi' cha'leñob käñtesäbilo'bä wiñikob.
18Mi' ka'bälob jiñi päybilo'bä ti k'iñijel.
mach yomik ñaxañet ma' bäk' luch jiñi awe'el.
19Jiñi wiñik ambä iña'täbal ts'ita'jach mi' ik'ux,
cha'añ ma'añik mi' taj ñojk' che' mi' wäyel.
20Majki uts'atax mi' imä'lañ ibäj,
tijikña mi' cha'leñ wäyel yik'ot tijikña che' mi' ip'ixel.
Ixku jiñi xwo'lel ma'añix mi' imejlel ti wäyel,
cha'añ mux itaj k'uxñäk'.
21Mi tsa'ix iwersa xik'iyet añumeñ k'ux waj,
yomix ma' lok'el ti jumpat cha'añ ma' cha'leñ xej,
che' jiñi tijikña mi kaj acha' u'biñ.
22K'uxbibilbä ch'itoñ,
mach ma' ts'a'leñ tik'ol,
kome ti wi'ilbä k'iñ mi kaj ach'ämbeñ isujm kt'añ.
Mi tsajilet ti' pejtelel chukitak ma' mel,
ma'añik bakibä k'iñ mi kaj ak'am-añ.
23Uts'at mi' cha'leñob t'añ wiñikob x-ixikob ti itojlel
juñtikil mu'bä ipäy majlel ipi'älob ti k'iñijel,
cha'añ mi' yäk' oñbä majtañäl ti we'ibäl;
24ixku ti' tojlel jiñi xchäkbä mux icha'leñob p'ajoñel,
cha'añ ma'añik mi yäk' ti majtañäl mi junt'ox kaxlañwaj.
Mach uts'atik che' oñ mi lak jap lembal
25Mux itajoñlaj wokolil che' mi lak jap ti oñ jiñi lembal melbilbä ti iya'lel ts'usub,
jiñ cha'añ mach oñ yom ajap.
26-28Ch'ijiyem yilal pañämil che' ma'añix lembal iya'lelbä ts'usub.
Jiñ cha'añ, p'isol jach yom lak jap,
yik'ot mach ti' pejtelel k'iñ.
Awilañ, jiñi weñ tikäwbä k'ajk
mux itsiktesañ itsätslel jiñi tak'iñ,
che' ja'el, yik'ot jiñi lembal mi' tsiktiyel
iña'täbal majki mi' chañ-esañ ibä.
29-30Che' oñ ma' jap jiñi lembal,
mux ijilel ap'ätälel yik'ot ma' päs amich'ajel,
yik'ot ma' cha'leñ leto yik'ot api'älob.
Che' ja'el, ma' tik'lañ akuxtälel
yik'ot ma' amel joñtolil ti' itojlel yaño'bä.
31Che' woliyet ti jap lembal,
mach acha'leñ a'leya yik'ot lak pi'älob,
che' ja'el mach ma' wajleñ jiñi xlemoñel,
yik'ot mach ak'ajtiñ ik'exol atak'iñ ambä ibet ti' atojlel.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Biblia Chol de estudio con DC- Derechos reservados por SBM