Eclesiástico 3
3
K'ele ti ñuk atat aña'
1Kalobilob, ñäch'täbeñoñ kt'añ, joñoñbä atatoñ;
yom mi la' ach'ujbiñ chuki mik su'beñetla
ya'i mi' mejlel la' akoltäñtel.
2Jiñi Lak Yum yom mi' ñuk'esäñtel tatäl ti' tojlel iyalobilob,
yik'ot cha'añ mi' k'uxbiñob jiñi ña'äl ti' itojlelob ja'el.
3Majki mu'bä ik'uxbiñ itat mi' itaj iñusäbeñtel imul,
4yik'ot jiñi mu'bä ik'el ti ñuk iña',
mi' tempañ ñukbä ichobejtäbal.
5Majki mu'bä ik'el ti ñuk itat
ti wi'il mi kaj iyu'biñ itijikñäyel ti tojlel iyalobilob ja'el,
che' mi' cha'leñ k'ajtiya,
Lak Yum mi' kaj iñäch'tañ ik'ajtiyatak.
6Jiñi mu'bä ich'ujbibeñ it'añ itat
mi' ikaj itaj oñbä ija'bilel ila ti pañämil,
jiñi mu'bä ik'uxbiñ iña'
mi ikaj itaj ichobejtäbal ti Lak Yum,
7kome mi' ich'ujbiñ itat iña' che' bajche' iyum ti e'tel.
8Kalobil,
k'uxbiñ atat aña' yik'ot ti amelbal yik'ot ti at'añ,
che' jiñi ma' kaj ataj pejtelel ch'ujutesäñtel.
9Kome ich'ujutesaya jiñi tatäl
mi' xuk'chokoñ ti uts'at imajchilob,
ixku jiñi p'ajbä it'añ jiñi ña'äl mi' ipäy tilel jisäñtel.
10Mach achañ-esañ apusik'al che' ma' k'el atat iñusañ kisiñ,
kome ili, mach jiñik ak'uxbiñtel ti' atojlel.
11Kome iñuklel jiñi yalobil ya'äch añ ti' iñuklel tatäl;
ixku jiñi mu'bä its'a' k'el iña' mi' cha'leñ mulil.
12Kalobil, käñtañ atat k'äläl che' añix ija'bilel,
mach atechbeñ ich'ijiyemlel ipusik'al che' kuxulto.
13Mi tsa'ix isätä isujmlel iña'täbal,
päsbeñ ak'uxbiya ti iwokolil;
mach awäk' iyu'biñ kisiñ che' kuxulto.
14Jiñi koltaya ti' itojlel lak tat ma'añik mi' ñajäyel;
lajaläch che' bajche' ajk'el jump'ejl majtañäl
cha'añ mi' iñusäñtel mulil.
15Che' ma' wu'biñ ka'bäl wokol
jiñi Lak Yum mi' kaj ik'ajtesañet ti' ipusik'al.
Lajal bajche' tikwal mi' yulmesañ iña'al tsäñal,
che'äch ja'el mi' kaj isäk jilel jiñi amul.
16Jiñi mu'bä its'a'leñ itat,
mi its'aleñ Lak Yum ja'el,
jiñi mu'bä iyäk'eñ mich'lel iña'
mi' itaj ts'a'leñtel ti Lak Yum ja'el.
Utsbä pusik'al
17Kalobil,
mach achañ-esañ abä ti' ikaj pejtelel chuki mi' amel,
ya'i ñumen mi' ikajel ak'uxbiñtel
che' bajche' juñtikil mu'bä iyäk' ka'bälbä majtañäl.
18Che' bakibä k'iñ ñumeñ ñuk ak'äjñibal,
ñumeñ yom utset;
che' jiñi mi kaj ak'uxbiñtel ti Lak Yum.
19Awilañ,
ñukäch ip'uñtaya jiñi Lak Yum,
20yik'ot jiñi mi' itsiktesañ mukulbä it'añ
ti' tojlel utso'bä ipusik'al.
21Mach asajkañ ñumeñbä ik'ajñibal acha'añ,
mi yomik mi' añop aña'tañ tsätsbä iña'täñtel.
22Kojach yom aña'tañ chuki tsa'bä ichokbet tilel Lak Yum,
mach amel apusik'al aña'tañ chuki mukbilbä.
23Mach aloñ lujb-añ aña'tañ ñumeñbä ti' atojlel,
awilañ, jiñi tsiktesälixbä ti' awut, ñumeñ ñukix ti' atojlel.
24Ka'bälob tsa' sojkiyob ijol
yik'ot tsa' itäts'äyob lok'el ibä ti itojlel Lak Yum
ti' ikaj lekojbä iña'täbal.
25Cha'añ mi laj k'el jiñi säklel
yom añäch lak wut,
ixku cha'añ mi lak taj ña'täbaläl
yom añäch ip'iplel lak kol.
26Jiñi joñtolbä ipusik'al,
ti wi'il mi' ikaj iyilañ wokol,
yik'ot jiñi mu'bä imulañ wokol,
ya'i mi' kajel isajtel.
27Jiñi joñtolbä ipusik'al
mi' ikaj yu'biñ ka'bäl wokol,
yik'ot jiñi mu'bä icha'leñ mulil,
mi' ichäñ yok'esañ imul.
28Iwokolil jiñi mu'bä ichañ-esañ ibä ma'añik its'äkal,
kome lajaläch che' bajche' ibuts tsukulelbä pimel.
29Jiñi ambä iña'täbal
mi' ich'ämbeñ isujm ikäñtesa jiñi año'bä iña'täbal;
jiñi xuk'ulbä mi' iñäch'tañ
mi' itijikñesañ ibä ya' ti ña'täbaläl.
Jiñi koltaya ti' tojlel p'ump'umbä
30Jiñi ja' mi' iyäp k'ajk wolibä ti weñ lejmel,
ixku yik'ot jiñi koltaya ti itojlel p'ump'uño'bä
mi' mejlel lak taj jiñi ñusäñtel mulil.
31Cha' k'extañ jiñi koltaya mu'bä la' melbeñtel,
che' jiñi, che' bakibä k'iñ ma' taj wokol
ma' kaj ataj akoltäñtel.
ទើបបានជ្រើសរើសហើយ៖
Eclesiástico 3: CholDc
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Biblia Chol de estudio con DC- Derechos reservados por SBM
Eclesiástico 3
3
K'ele ti ñuk atat aña'
1Kalobilob, ñäch'täbeñoñ kt'añ, joñoñbä atatoñ;
yom mi la' ach'ujbiñ chuki mik su'beñetla
ya'i mi' mejlel la' akoltäñtel.
2Jiñi Lak Yum yom mi' ñuk'esäñtel tatäl ti' tojlel iyalobilob,
yik'ot cha'añ mi' k'uxbiñob jiñi ña'äl ti' itojlelob ja'el.
3Majki mu'bä ik'uxbiñ itat mi' itaj iñusäbeñtel imul,
4yik'ot jiñi mu'bä ik'el ti ñuk iña',
mi' tempañ ñukbä ichobejtäbal.
5Majki mu'bä ik'el ti ñuk itat
ti wi'il mi kaj iyu'biñ itijikñäyel ti tojlel iyalobilob ja'el,
che' mi' cha'leñ k'ajtiya,
Lak Yum mi' kaj iñäch'tañ ik'ajtiyatak.
6Jiñi mu'bä ich'ujbibeñ it'añ itat
mi' ikaj itaj oñbä ija'bilel ila ti pañämil,
jiñi mu'bä ik'uxbiñ iña'
mi ikaj itaj ichobejtäbal ti Lak Yum,
7kome mi' ich'ujbiñ itat iña' che' bajche' iyum ti e'tel.
8Kalobil,
k'uxbiñ atat aña' yik'ot ti amelbal yik'ot ti at'añ,
che' jiñi ma' kaj ataj pejtelel ch'ujutesäñtel.
9Kome ich'ujutesaya jiñi tatäl
mi' xuk'chokoñ ti uts'at imajchilob,
ixku jiñi p'ajbä it'añ jiñi ña'äl mi' ipäy tilel jisäñtel.
10Mach achañ-esañ apusik'al che' ma' k'el atat iñusañ kisiñ,
kome ili, mach jiñik ak'uxbiñtel ti' atojlel.
11Kome iñuklel jiñi yalobil ya'äch añ ti' iñuklel tatäl;
ixku jiñi mu'bä its'a' k'el iña' mi' cha'leñ mulil.
12Kalobil, käñtañ atat k'äläl che' añix ija'bilel,
mach atechbeñ ich'ijiyemlel ipusik'al che' kuxulto.
13Mi tsa'ix isätä isujmlel iña'täbal,
päsbeñ ak'uxbiya ti iwokolil;
mach awäk' iyu'biñ kisiñ che' kuxulto.
14Jiñi koltaya ti' itojlel lak tat ma'añik mi' ñajäyel;
lajaläch che' bajche' ajk'el jump'ejl majtañäl
cha'añ mi' iñusäñtel mulil.
15Che' ma' wu'biñ ka'bäl wokol
jiñi Lak Yum mi' kaj ik'ajtesañet ti' ipusik'al.
Lajal bajche' tikwal mi' yulmesañ iña'al tsäñal,
che'äch ja'el mi' kaj isäk jilel jiñi amul.
16Jiñi mu'bä its'a'leñ itat,
mi its'aleñ Lak Yum ja'el,
jiñi mu'bä iyäk'eñ mich'lel iña'
mi' itaj ts'a'leñtel ti Lak Yum ja'el.
Utsbä pusik'al
17Kalobil,
mach achañ-esañ abä ti' ikaj pejtelel chuki mi' amel,
ya'i ñumen mi' ikajel ak'uxbiñtel
che' bajche' juñtikil mu'bä iyäk' ka'bälbä majtañäl.
18Che' bakibä k'iñ ñumeñ ñuk ak'äjñibal,
ñumeñ yom utset;
che' jiñi mi kaj ak'uxbiñtel ti Lak Yum.
19Awilañ,
ñukäch ip'uñtaya jiñi Lak Yum,
20yik'ot jiñi mi' itsiktesañ mukulbä it'añ
ti' tojlel utso'bä ipusik'al.
21Mach asajkañ ñumeñbä ik'ajñibal acha'añ,
mi yomik mi' añop aña'tañ tsätsbä iña'täñtel.
22Kojach yom aña'tañ chuki tsa'bä ichokbet tilel Lak Yum,
mach amel apusik'al aña'tañ chuki mukbilbä.
23Mach aloñ lujb-añ aña'tañ ñumeñbä ti' atojlel,
awilañ, jiñi tsiktesälixbä ti' awut, ñumeñ ñukix ti' atojlel.
24Ka'bälob tsa' sojkiyob ijol
yik'ot tsa' itäts'äyob lok'el ibä ti itojlel Lak Yum
ti' ikaj lekojbä iña'täbal.
25Cha'añ mi laj k'el jiñi säklel
yom añäch lak wut,
ixku cha'añ mi lak taj ña'täbaläl
yom añäch ip'iplel lak kol.
26Jiñi joñtolbä ipusik'al,
ti wi'il mi' ikaj iyilañ wokol,
yik'ot jiñi mu'bä imulañ wokol,
ya'i mi' kajel isajtel.
27Jiñi joñtolbä ipusik'al
mi' ikaj yu'biñ ka'bäl wokol,
yik'ot jiñi mu'bä icha'leñ mulil,
mi' ichäñ yok'esañ imul.
28Iwokolil jiñi mu'bä ichañ-esañ ibä ma'añik its'äkal,
kome lajaläch che' bajche' ibuts tsukulelbä pimel.
29Jiñi ambä iña'täbal
mi' ich'ämbeñ isujm ikäñtesa jiñi año'bä iña'täbal;
jiñi xuk'ulbä mi' iñäch'tañ
mi' itijikñesañ ibä ya' ti ña'täbaläl.
Jiñi koltaya ti' tojlel p'ump'umbä
30Jiñi ja' mi' iyäp k'ajk wolibä ti weñ lejmel,
ixku yik'ot jiñi koltaya ti itojlel p'ump'uño'bä
mi' mejlel lak taj jiñi ñusäñtel mulil.
31Cha' k'extañ jiñi koltaya mu'bä la' melbeñtel,
che' jiñi, che' bakibä k'iñ ma' taj wokol
ma' kaj ataj akoltäñtel.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Biblia Chol de estudio con DC- Derechos reservados por SBM