Eclesiástico 29
29
Jiñi majañ mi' yäk' ts'a'leya
1Majki mi' p'uñtañ ipi'älob mi' iyäk' ti majañ ichu'bä añ;
che' mi lak mel koltaya woliyäch lak ch'ujbiñ ixik'ojel Lak Yum.
2Ak'eñ ti majañ achu'bä añ che' woli iyu'biñ wi'ñal jiñi api'äl,
yik'ot jatet ja'el, sutk'iñ chuki tsa' ak'eñtiyet che' k'otemix iyorajlel.
3Yom ma' ts'äktesañ jiñi at'añ,
yik'ot xuk'chokoñ apusik'al ti' itojlel api'älob,
cha'añ ma' taj akoltäñtel ti' pejtelel k'iñ.
4Añ ka'bälob mu'bä ik'ajtiñob ti majañ tak'iñ,
ya'i mi' iña'tañob cha'añ jiñi majañ imajtañix.
5Mi' tijikñesañob ibä che' woliyob ich'ämob chuki mi' ik'ajtiñob ti majañ,
ixku mux ipäs ijoñtolil che' yorajlelix itojoñel.
6Mi jiñi tsa'bä iyäk'ä ti majañ mi' chäñ k'ajtiñ ik'exol,
ojlil jach mi' kaj iyäk'eñtel tsa'bä imajña,
che' jiñi k'e'bix kaj yu'biñ cha'añ tsa' itojbe.
Mi' mach che'ik tsi' mele,
la' iña'tañ cha'añ tsa'ix isätä itak'iñ tsa'bä iyäk'ä ti majañ,
che' ja'el, mi' kaj itaj majtañ ts'a'lentel.
Mi kaj itojbeñtel yik'ot p'ajoñel,
ma'añix mi' ikaj ti k'uxbiñtel.
7Jiñ cha'añ, ka'bälob machbä yomob iyäk'ob ti majañ,
kome mi bäk'ñañob isätob ichu'bä añ.
Koltaya ti' itojlel p'ump'uño'bä
8Jatet yom ma' koltañ jiñi p'ump'uño'bä,
mach awäk' ti pijtäñtel jiñi akoltaya.
9Ts'äktesañ ixik'ojel Lak Yum:
Koltañ jiñi p'ump'umbä wolibä iyu'biñ wokol
mach awäk ti to'ol sujtel.
10Ñumeñ uts'at che' ma' jisañ atak'iñ ti' tojlel api'älob,
kome jiñi mukbilbä tak'iñ, mi kaj ti ok'mäyel.
11Yom ma' k'äñ atak'iñ
che' bajche' mi' yäl ixik'ojel Lak Yum,
kome ñumeñ añäch ik'äjñibal che' bajche' k'äñlemañbä tak'iñ,
mi che'äch ma' amel.
12Mach atempañ ti ka'bäl jiñi tak'iñ,
pukbeñ ti' itojlel p'ump'uño'bä,
cha'añ ma'añik ma' ayajlel ti wokol;
13jiñob mi' kaj ikoltañetob ti xts'a'leya acha'añ,
ñumeñ bajche' jiñi tsätsbä mäktäjib yik'ot jiñi jek'oñib.
14Jiñi utsbä ipusik'al wiñik mi' iyäk' ti majañ ichu'bä añ,
ixku jiñi machbä añik ikisiñ mi' käy ti' bajñelil.
15Mi añ majki tsi' imajñäbeyet ichu'bä añ, yom tijikñayet,
awilañ tsi' iyäk'ä ibä ti' atojlel cha'añ mi' ikoltañet.
16Jiñi xmulil mi' jisäbeñ ichu'bä añ icha'añ ipi'äl;
ixku machbä k'uxik ti pusik'al mi' yu'biñ, mi' bajñel käye' tsa'bä ikolta.
17-19Ti' kaj cha'añ tsi' majñañ ak'äyob ichu'bä añäl,
ka'bälob weñ chumulo'bä wiñikob
tsa' isätäyob ti' pejtelel ichu'bä añ
yik'ot ja'el tsi' käyäyob itejklum.
20Koltañ jiñi api'älob che' bajche' mi mejlel acha'añ,
tsajalet jach yom cha'añ ma'añik ma' laj sät.
Iwokolel chäñ majañ
21Ñukbä ik'äjñibal cha'añ lak chumtäl ti pañämil
jiñäch ja', lak waj, lak pislel
yik'ot lak kotot baki mi lak ñusañ k'iñ.
22Cha' uts'atäch chumtäl ti' p'ump'umbä la kotot,
ma'añik ik'äjñibal jiñi sumukbä we'eläl
ti yambä otot machbä lak cha'añik.
23Mi' añ ka'bäl achu'bä añ, mi' ts'ita'jach, yom tijikña apusik'al,
cha'añ ma'añik majki mi' mejlel itajbeñet ti t'añ.
24¡Ñuk ch'ijiyemlel che' tsuktsukñayoñlaj ñumel ti otottak!
Che'bä añet ti ñajtbä tejklum,
ma'añik mi' mejlel la jkäl chuki mi lak ña'tañ.
25Ma' añusäbeñ ibälñäk'äl yaño'bä,
jiñi wiñikob ma'añix mi' iyälob: Wokolix awälä,
yik'ot mu'to kaj awu'biñ joñtoltakbä t'añ ti atojlel:
26«La'ku, xñumeletbä wiñik, chajpañ jiñi we'te',
yom ma' wäk'eñoñ bälñäk'äl ambä acha'añ».
27Che' ja'el, mejl isu'beñet, «kukux, xñumeletbä wiñik,
wä'añ juñtikil wiñik ñumeñ ñukbä ik'äjñibal bajche' jatet;
tsa' juli jkerañ, lok'eñ ti kotot».
28¡Wokol jax mi' iyu'biñ ti' tojlel xuk'ulbä wiñik,
che' mi' iyä'leñtel ti' kaj cha'añ ñajt tilem
yik'ot che' chumul ya' ti machbä yototik!
ទើបបានជ្រើសរើសហើយ៖
Eclesiástico 29: CholDc
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Biblia Chol de estudio con DC- Derechos reservados por SBM
Eclesiástico 29
29
Jiñi majañ mi' yäk' ts'a'leya
1Majki mi' p'uñtañ ipi'älob mi' iyäk' ti majañ ichu'bä añ;
che' mi lak mel koltaya woliyäch lak ch'ujbiñ ixik'ojel Lak Yum.
2Ak'eñ ti majañ achu'bä añ che' woli iyu'biñ wi'ñal jiñi api'äl,
yik'ot jatet ja'el, sutk'iñ chuki tsa' ak'eñtiyet che' k'otemix iyorajlel.
3Yom ma' ts'äktesañ jiñi at'añ,
yik'ot xuk'chokoñ apusik'al ti' itojlel api'älob,
cha'añ ma' taj akoltäñtel ti' pejtelel k'iñ.
4Añ ka'bälob mu'bä ik'ajtiñob ti majañ tak'iñ,
ya'i mi' iña'tañob cha'añ jiñi majañ imajtañix.
5Mi' tijikñesañob ibä che' woliyob ich'ämob chuki mi' ik'ajtiñob ti majañ,
ixku mux ipäs ijoñtolil che' yorajlelix itojoñel.
6Mi jiñi tsa'bä iyäk'ä ti majañ mi' chäñ k'ajtiñ ik'exol,
ojlil jach mi' kaj iyäk'eñtel tsa'bä imajña,
che' jiñi k'e'bix kaj yu'biñ cha'añ tsa' itojbe.
Mi' mach che'ik tsi' mele,
la' iña'tañ cha'añ tsa'ix isätä itak'iñ tsa'bä iyäk'ä ti majañ,
che' ja'el, mi' kaj itaj majtañ ts'a'lentel.
Mi kaj itojbeñtel yik'ot p'ajoñel,
ma'añix mi' ikaj ti k'uxbiñtel.
7Jiñ cha'añ, ka'bälob machbä yomob iyäk'ob ti majañ,
kome mi bäk'ñañob isätob ichu'bä añ.
Koltaya ti' itojlel p'ump'uño'bä
8Jatet yom ma' koltañ jiñi p'ump'uño'bä,
mach awäk' ti pijtäñtel jiñi akoltaya.
9Ts'äktesañ ixik'ojel Lak Yum:
Koltañ jiñi p'ump'umbä wolibä iyu'biñ wokol
mach awäk ti to'ol sujtel.
10Ñumeñ uts'at che' ma' jisañ atak'iñ ti' tojlel api'älob,
kome jiñi mukbilbä tak'iñ, mi kaj ti ok'mäyel.
11Yom ma' k'äñ atak'iñ
che' bajche' mi' yäl ixik'ojel Lak Yum,
kome ñumeñ añäch ik'äjñibal che' bajche' k'äñlemañbä tak'iñ,
mi che'äch ma' amel.
12Mach atempañ ti ka'bäl jiñi tak'iñ,
pukbeñ ti' itojlel p'ump'uño'bä,
cha'añ ma'añik ma' ayajlel ti wokol;
13jiñob mi' kaj ikoltañetob ti xts'a'leya acha'añ,
ñumeñ bajche' jiñi tsätsbä mäktäjib yik'ot jiñi jek'oñib.
14Jiñi utsbä ipusik'al wiñik mi' iyäk' ti majañ ichu'bä añ,
ixku jiñi machbä añik ikisiñ mi' käy ti' bajñelil.
15Mi añ majki tsi' imajñäbeyet ichu'bä añ, yom tijikñayet,
awilañ tsi' iyäk'ä ibä ti' atojlel cha'añ mi' ikoltañet.
16Jiñi xmulil mi' jisäbeñ ichu'bä añ icha'añ ipi'äl;
ixku machbä k'uxik ti pusik'al mi' yu'biñ, mi' bajñel käye' tsa'bä ikolta.
17-19Ti' kaj cha'añ tsi' majñañ ak'äyob ichu'bä añäl,
ka'bälob weñ chumulo'bä wiñikob
tsa' isätäyob ti' pejtelel ichu'bä añ
yik'ot ja'el tsi' käyäyob itejklum.
20Koltañ jiñi api'älob che' bajche' mi mejlel acha'añ,
tsajalet jach yom cha'añ ma'añik ma' laj sät.
Iwokolel chäñ majañ
21Ñukbä ik'äjñibal cha'añ lak chumtäl ti pañämil
jiñäch ja', lak waj, lak pislel
yik'ot lak kotot baki mi lak ñusañ k'iñ.
22Cha' uts'atäch chumtäl ti' p'ump'umbä la kotot,
ma'añik ik'äjñibal jiñi sumukbä we'eläl
ti yambä otot machbä lak cha'añik.
23Mi' añ ka'bäl achu'bä añ, mi' ts'ita'jach, yom tijikña apusik'al,
cha'añ ma'añik majki mi' mejlel itajbeñet ti t'añ.
24¡Ñuk ch'ijiyemlel che' tsuktsukñayoñlaj ñumel ti otottak!
Che'bä añet ti ñajtbä tejklum,
ma'añik mi' mejlel la jkäl chuki mi lak ña'tañ.
25Ma' añusäbeñ ibälñäk'äl yaño'bä,
jiñi wiñikob ma'añix mi' iyälob: Wokolix awälä,
yik'ot mu'to kaj awu'biñ joñtoltakbä t'añ ti atojlel:
26«La'ku, xñumeletbä wiñik, chajpañ jiñi we'te',
yom ma' wäk'eñoñ bälñäk'äl ambä acha'añ».
27Che' ja'el, mejl isu'beñet, «kukux, xñumeletbä wiñik,
wä'añ juñtikil wiñik ñumeñ ñukbä ik'äjñibal bajche' jatet;
tsa' juli jkerañ, lok'eñ ti kotot».
28¡Wokol jax mi' iyu'biñ ti' tojlel xuk'ulbä wiñik,
che' mi' iyä'leñtel ti' kaj cha'añ ñajt tilem
yik'ot che' chumul ya' ti machbä yototik!
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Biblia Chol de estudio con DC- Derechos reservados por SBM