Eclesiástico 27
27
1Ka'bälob tsa' yajliyob ti mulil cha'añ ti sajkäñtel ka'bäl tak'iñ,
majki yombä itaj ka'bäl ichu'bä añ ti pañämil,
mi' icha'leñ mulil, ya'i mi iyäl cha'añ ma'añobik imul.
2Che' bajche' te' mu'bä its'äjpel ti' jajp xajlel,
che'äch yilal jiñi mulil ti' tojlel mu'bä icha'leñ mäñoñel yik'ot choñoñel.
3Jiñi machbä añik mi' ch'ujbiñ ixik'ojel Lak Yum,
mach jalik mi kaj iyu'biñ wokol temel yik'ot ipi'älob.
Jiñi lak t'añ mi' itsiktesañoñla
4Che' mi' chijkel jiñi ji' mi' kälel jiñi ñukbä,
che'äch ti iña'täñtel mi' tsiktiyel ijoñtolil ipusik'al wiñikob.
5Che' bajche' ya' ti k'ajk mi' iñopel mi weñ melbil jiñi p'ejt,
che' ja'el mi' tsiktiyel mi tojäch jiñi wiñik che' uts'atax iña'täbal.
6Iwut jiñi te' mi' päs mi k'ok',
ti it'añ mi' tsiktiyel iña'täbal wiñikob.
7Jiñi t'añ mi' tsiktesañ chuki añ ti iña'täbal lak pi'älob,
jiñ cha'añ mach yomik la' su'b iñuklel
che' maxto u'bibilik acha'añ it'añ juñtikil wiñik.
8Mi muk'äch asajkañ chuki tojbä, ma' kaj ataj;
mi' che'äch ma' mel, mi kaj axoje' che' bajche' uts'ataxbä apislel.
9Pejtelel xwejlel mut mi' tempañob ibä yik'ot ipi'älob,
che' ja'el mi' sajkañob ibä jiñi tojbä wiñikob.
10Che' bajche' jiñi bajlum mi' chijtañ iwe'el,
che'äch ja'el jiñi mulil, mi' pijtañ majki mi' cha'leñ chuki joñtol.
It'añ jiñi machbä añik iña'täbal
11Che' mi' icha'leñ t'añ jiñi xuk'ulobä,
mi' ichäñ alob tojbä tik'ojel,
ixku jiñi machbä añobik iña'täbal,
mi' k'extesañ it'añ che' bajche' jiñi uj.
12Mach ma' sät k'iñ yik'ot machbä añik iña'täbal,
yom ma' wajñel yik'ot p'ip'obä iña'täbal.
13It'añ jiñi tsätso'bä iña'täbal mi' k'ojyel lak ñicht'añ,
chäñ yomob yu'biñob lekojbä t'añ, cha'añ mi' tse'tañob.
14Che' mi lak chäñ ñich'täbeñ lekojbä it'añ,
mi' yäk'eñoñlaj ti mich'ajel,
mi woliyob ti joñtolbä t'añ,
yom lak mäk lak chikiñ.
15Che' mi' kajbeñob ibä, iyujtibal jiñäch chämel,
yik'ot bi'bix ti' u'biñtel ip'ajoñel.
Ilojtel chuki machbä albil
16Majki mu'bä itsiktesañ jiñi lotbilbä it'añ,
mi' sät jiñi xuk'tälel, che' ja'el ibajñel mi kaj ikälel.
17Yom ma' weñ k'uxbiñ api'äl,
che' ja'el ak'ä apusik'al ti' itojlel,
ixku mi tsa' atsiktesäbe jiñi lotbilbä it'añ,
mach achäñ sajkañix.
18Che' mi lak sät ik'uxbiyaj juñtikil lak pi'älob,
lajaläch che' bajche' ma' cha'leñ tsäñsaya.
19Che' bajche' ma' kol jiñi xwejlel mut ti ak'äb,
che'äch tsa' sätä jiñi api'äl, ma'añix mi' kaj achäñ taj.
20Mach majliket asajkañ kome weñ ñajtix añ,
tsa' puts'i che' bajche' me' tsa'ixbä käñ chujki ti yak.
21Jiñi lojwel mi' mejlel ti pixtäl,
jiñi wajleya mux lak ñusäbeñ lakbä,
ma'añix pijtaya ti' itojlel majki mi' yäl jiñi lotbilbä t'añ.
Che' machbä añ xuk'tälel
22Käñtañ abä ti' itojlel majki mu'bä imuts' wutiñet,
ame woli iña'tañ cha'añ yom itik'lañet.
23Che' ya'añ ti' atojlel uts mi' cha'leñ,
mi' ñuk'esañ pejtelel chuki ma' wäl.
Ixku ti apat, mi k'extañ ipusik'al,
yik'ot jiñi at'añ tsa'bä awälä.
24Añ ka'bäl chukitak mi' mich'esañ kpusik'al,
ixku ñumeñ mik kts'a'leñ majki mi' cha'leñ bajche' iliyi,
che' ja'el, jiñi Lak Yum mi' bi'leñ.
25Che' ma' chok xajleltak ti panchañ,
ti' atojlel mi cha' yajlel.
26Che' ma' ch'ub lum, mi kaj ayajlel ya'i,
mi' tsa' amele jump'ejl yak, ya'i mi kaj achujkel kälel.
27Majki mi' mel ijoñtolil wi'il mi' itaj wokol,
che' jiñi ma'añik mi kaj iña'tañ baki mi' tilel.
28Jiñi tsätso'bä ipusik'alob, mi' wajleñ ipi'älob;
ixku jiñi toj mulil woli ipijtañob
che' bajche' jiñi bajlum mi' chijtañ iwe'el.
29Mi kaj iyajlelob ti yak majki mi itijikñesañ ibä,
che' mi' yajlelob jiñi tojbä wiñikob,
ka'bäl wokol mi kaj iyu'biñob che' kuxulo'to
k'äläl jiñto mi' chämelob.
Yom lak ñusäbeñ lak bä lak mul
30Jiñi joñtolil yik'ot mich'lel
pejtelel k'iñ mi' yajñel ti' tojlel xmulilob.
ទើបបានជ្រើសរើសហើយ៖
Eclesiástico 27: CholDc
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Biblia Chol de estudio con DC- Derechos reservados por SBM
Eclesiástico 27
27
1Ka'bälob tsa' yajliyob ti mulil cha'añ ti sajkäñtel ka'bäl tak'iñ,
majki yombä itaj ka'bäl ichu'bä añ ti pañämil,
mi' icha'leñ mulil, ya'i mi iyäl cha'añ ma'añobik imul.
2Che' bajche' te' mu'bä its'äjpel ti' jajp xajlel,
che'äch yilal jiñi mulil ti' tojlel mu'bä icha'leñ mäñoñel yik'ot choñoñel.
3Jiñi machbä añik mi' ch'ujbiñ ixik'ojel Lak Yum,
mach jalik mi kaj iyu'biñ wokol temel yik'ot ipi'älob.
Jiñi lak t'añ mi' itsiktesañoñla
4Che' mi' chijkel jiñi ji' mi' kälel jiñi ñukbä,
che'äch ti iña'täñtel mi' tsiktiyel ijoñtolil ipusik'al wiñikob.
5Che' bajche' ya' ti k'ajk mi' iñopel mi weñ melbil jiñi p'ejt,
che' ja'el mi' tsiktiyel mi tojäch jiñi wiñik che' uts'atax iña'täbal.
6Iwut jiñi te' mi' päs mi k'ok',
ti it'añ mi' tsiktiyel iña'täbal wiñikob.
7Jiñi t'añ mi' tsiktesañ chuki añ ti iña'täbal lak pi'älob,
jiñ cha'añ mach yomik la' su'b iñuklel
che' maxto u'bibilik acha'añ it'añ juñtikil wiñik.
8Mi muk'äch asajkañ chuki tojbä, ma' kaj ataj;
mi' che'äch ma' mel, mi kaj axoje' che' bajche' uts'ataxbä apislel.
9Pejtelel xwejlel mut mi' tempañob ibä yik'ot ipi'älob,
che' ja'el mi' sajkañob ibä jiñi tojbä wiñikob.
10Che' bajche' jiñi bajlum mi' chijtañ iwe'el,
che'äch ja'el jiñi mulil, mi' pijtañ majki mi' cha'leñ chuki joñtol.
It'añ jiñi machbä añik iña'täbal
11Che' mi' icha'leñ t'añ jiñi xuk'ulobä,
mi' ichäñ alob tojbä tik'ojel,
ixku jiñi machbä añobik iña'täbal,
mi' k'extesañ it'añ che' bajche' jiñi uj.
12Mach ma' sät k'iñ yik'ot machbä añik iña'täbal,
yom ma' wajñel yik'ot p'ip'obä iña'täbal.
13It'añ jiñi tsätso'bä iña'täbal mi' k'ojyel lak ñicht'añ,
chäñ yomob yu'biñob lekojbä t'añ, cha'añ mi' tse'tañob.
14Che' mi lak chäñ ñich'täbeñ lekojbä it'añ,
mi' yäk'eñoñlaj ti mich'ajel,
mi woliyob ti joñtolbä t'añ,
yom lak mäk lak chikiñ.
15Che' mi' kajbeñob ibä, iyujtibal jiñäch chämel,
yik'ot bi'bix ti' u'biñtel ip'ajoñel.
Ilojtel chuki machbä albil
16Majki mu'bä itsiktesañ jiñi lotbilbä it'añ,
mi' sät jiñi xuk'tälel, che' ja'el ibajñel mi kaj ikälel.
17Yom ma' weñ k'uxbiñ api'äl,
che' ja'el ak'ä apusik'al ti' itojlel,
ixku mi tsa' atsiktesäbe jiñi lotbilbä it'añ,
mach achäñ sajkañix.
18Che' mi lak sät ik'uxbiyaj juñtikil lak pi'älob,
lajaläch che' bajche' ma' cha'leñ tsäñsaya.
19Che' bajche' ma' kol jiñi xwejlel mut ti ak'äb,
che'äch tsa' sätä jiñi api'äl, ma'añix mi' kaj achäñ taj.
20Mach majliket asajkañ kome weñ ñajtix añ,
tsa' puts'i che' bajche' me' tsa'ixbä käñ chujki ti yak.
21Jiñi lojwel mi' mejlel ti pixtäl,
jiñi wajleya mux lak ñusäbeñ lakbä,
ma'añix pijtaya ti' itojlel majki mi' yäl jiñi lotbilbä t'añ.
Che' machbä añ xuk'tälel
22Käñtañ abä ti' itojlel majki mu'bä imuts' wutiñet,
ame woli iña'tañ cha'añ yom itik'lañet.
23Che' ya'añ ti' atojlel uts mi' cha'leñ,
mi' ñuk'esañ pejtelel chuki ma' wäl.
Ixku ti apat, mi k'extañ ipusik'al,
yik'ot jiñi at'añ tsa'bä awälä.
24Añ ka'bäl chukitak mi' mich'esañ kpusik'al,
ixku ñumeñ mik kts'a'leñ majki mi' cha'leñ bajche' iliyi,
che' ja'el, jiñi Lak Yum mi' bi'leñ.
25Che' ma' chok xajleltak ti panchañ,
ti' atojlel mi cha' yajlel.
26Che' ma' ch'ub lum, mi kaj ayajlel ya'i,
mi' tsa' amele jump'ejl yak, ya'i mi kaj achujkel kälel.
27Majki mi' mel ijoñtolil wi'il mi' itaj wokol,
che' jiñi ma'añik mi kaj iña'tañ baki mi' tilel.
28Jiñi tsätso'bä ipusik'alob, mi' wajleñ ipi'älob;
ixku jiñi toj mulil woli ipijtañob
che' bajche' jiñi bajlum mi' chijtañ iwe'el.
29Mi kaj iyajlelob ti yak majki mi itijikñesañ ibä,
che' mi' yajlelob jiñi tojbä wiñikob,
ka'bäl wokol mi kaj iyu'biñob che' kuxulo'to
k'äläl jiñto mi' chämelob.
Yom lak ñusäbeñ lak bä lak mul
30Jiñi joñtolil yik'ot mich'lel
pejtelel k'iñ mi' yajñel ti' tojlel xmulilob.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Biblia Chol de estudio con DC- Derechos reservados por SBM