Eclesiástico 16
16
Jiñi xjoñtolbä yalobil
1Mach atijkñesañ abä cha'añ t'o'oljax awalobilob
yik'ot che' ma'año'bik ik'äjñibal,
mi yomik awu'biñ tijikñäyel che' añ joñtolbä awalobilob.
2Mi jiñik che' loñ ka'bälob,
mach yom tijikñayet ti' itojlelob,
mi ma'añik mi' ik'uxbiñob Lak Yum.
3Mach añuk'esañ apusik'al cha'añ mi' ikaj iñox-añob,
mi yomik aña'tañ cha'añ uts'at mi' kaj iñusañob k'iñ.
Ñumeñ ñuk ik'äjñibal che' juñtikiljach lak kalobil mu'bä ich'ujbiñ xik'ol,
mach jiñik che' bajk'äl yujilob joñtolil;
ñumeñ uts'at che' mi lak chämel che' ma'añik lak kalobil,
lom jach añ lak kalobilob che' joñtolob.
4Juñtikiljach wiñik xuk'ulbä iña'täbal
mejl iyäk' iñuklel jump'ejl tejklum,
ixku juñmojt xjoñtolob mejl ikäyob ti jochol.
5Ka'bältak chuki tsa' jk'ele ti kwut,
yik'ot ñumeñ lekojbä tsa'bä kubi ti' alol.
6Lak Ch'ujutat tsi' ichoko tilel k'ajk
ti' tojlel juñmojt xchumtälob joñtolo'bä wiñikob ti Coré,
yik'ot tsa' mich'a ik'el jiñi joñtolbä tejklum.
7Lak Yum ma'añik tsi' ñusäbeyob imul
jiñi chaño'bä wiñikob ti oñiyi,
tsa'bä ichañ-esayob ibä ti' kaj ip'ätälel.
8Mi tsa'ik iñusabe imul
jiñi joñtolbä xchumtälob ti Sodoma,
ya' baki tsa' ñumi ti chumtäl jiñi Lot,
che'bä tsa' iñumeñ chañ-esayob ipusik'alob.
9Lak Ch'ujutat ma'añik tsi' p'uñta jiñi tejklum Canaán,
ts'a'lebilbä tejklum,
kome cha'añ ti' kaj imul
tsi' laj sätäyob ichu'bä añ icha'añob.
10Che'äch tsa' ujti ja'el ti' tojlel jiñi lujump'ejl ichänk'al ti pijk yik'ot jo'pijk (600,000) israelitajob,
tsa'bä chämiyob ti' kaj itsätslel ipusik'alob.
11Mach yälä cha'añ juñtikiljach joñtolbä ipusik'al,
ti isujm mi kaj itaj itoj mulil.
Ti' tojlel Lak Ch'ujutat
mejl lak taj p'uñtäñtel yik'ot mich'lel;
kome jiñi mi' iñusañ mulil yik'ot mi' p'uñtañoñla;
ixku ja'el mi' yäk' ti toj mulil jiñi xjoñtolob.
12Che'äch bajche' iñuklel ip'uñtaya
che'äch mi' iyäk' toj mulil;
iyujil ti' pejtelel chuki tsa' lak mele
yik'ot mi' cha'leñ meloñel ti lak tojlel ti jujuñtikiloñla.
13Ma'añik mi' yäk' ti puts'el jiñi xjoñtol yik'ot iwe'el,
mi muk'ik mi' yäk' ti ñumel
cha'añ ma'añik mi' imelbeñ chuki yom jiñi tojo'bä ipusik'al.
14Pejtelel jiñi mu'bä iyäk' ti majtañ itak'iñ
mi' kaj itaj ichobejtäbal,
itojol ti jujuñtikil che'äch bajche' k'amel tsi' mele k'uxbiya.
[15Cha'añ mi' ipäs ip'ätälel,
Lak Ch'ujutat tsi' yäk'ä ti tsäts-añ ipusik'al jiñi faraón
cha'añ mi' imel ijoñtolil.
16Pejtelel chuki kuxulbä ti pañämil
käñäyob icha'añ ip'uñtaya Lak Ch'ujutat.
Ti ibajñel jach tsi' iyäk'ä ibä ti käñol ti itojlel wiñikob x-ixikob
cha'añ mi' ichäñ ch'ujutesañob.]
Lak Yum mi' yajñel ti' pejtelel pañämil
17Mach ma' awäl:
«Mi kaj kmujkuñ kbä ti' itojlel Lak Yum.
¿Majki ya' ti panchañ mi' kaj ik'ajtesañoñ?
Ti' itojlel ka'bäl wiñikob x-ixikob ma'añik mi kaj ikäñoñob;
¿Majkiyoñ joñoñ wä ti' iñuklel pañämil?»
18Che'bä mi' ipäs ibä Lak Ch'ujutat,
tsiltsilñeyob jiñi panchañ, yik'ot ñajb yik'ot jiñi lum.
19Che'bä mi ik'el Lak Yum jiñi witstak,
tsiltsilña ti bäk'eñ ik'äklib witstak
yik'ot jiñi its'ajkiltak lum k'äläl ti' iye'bal.
20Ojlil mi' yälob: «Lak Yum ma'añik tulul iwut ik'eloñ.
¿Majkito mi' k'el chuki woli kña'tañ ti kpusik'al?
21Mi woliyoñ ti mulil, ma'añik juñtikil mu'bä iyilañoñ,
mi tsa' kmuku cha'le lot, ¿Majki mi kaj iña'tañ?
22Che' mi lak mel chuki tojbä,
¿Majki mi' ikaj itsiktesäbeñ Lak Ch'ujutat?
¿Chuki mejl kpijtañ cha'añ kmel ambä ti ktojlel?»
23Kojach jiñi sojkemo'bä ipusik'al mi' iña'tañob bajche' ili;
che'äch mi' iyälob jiñi machbä añobik iña'täbal.
Iña'täbal Lak Yum ti pañämil
24¡Ñäch'tañla jiñi kt'añ yik'ot k'äñäla cha'añ mi la' ataj la' ña'täbal!
¡Ak'äla la' apusik'al cha'añ la' wu'biñla jiñi kt'añ!
25Mij kaj ktsiktesabeñet ti xuk'ul chuki wolibä kña'tañ,
yik'ot mi kaj kpäsbeñet ti xuk'ul chuki kujil.
26Che' ti kajibal,
che'bä Lak Ch'ujutat tsi' mele pejtelel chukitak añ,
ti jujuñchajp tsi' wa'choko yik'ot tsi' yäk'e ik'äjñibal.
27Ti jujuñchajp tsi' cha'le xik'ojel
cha'añ mi' melob iye'tel che' bajche' albil ti' pejtelel k'iñ.
Jiñob ma'añik yujil iyu'biñob wi'ñal mi' muk'ik ilujb-añob,
mi' añik bakibä k'iñ mi' ikäyob imelob iye'tel.
28Mi jump'ejlik wa'chokobilbä woli imäktañob ibä,
mi añik mi' ñusäbeñob ixik'ojel icha'añbä Lak Ch'ujutat.
29Ti wi'il ili, Lak Yum tsi' k'ele jiñi pañämil,
yik'ot tsi' bujt'esa ti' pejtelel uts'atbä icha'añ.
30Tsi' bujt'esa ti jujuñchajp chuki kuxultak ti' pañämil,
cha'añ ya'äch mi' kaj icha' majlelob ti' tojlel.
ទើបបានជ្រើសរើសហើយ៖
Eclesiástico 16: CholDc
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Biblia Chol de estudio con DC- Derechos reservados por SBM
Eclesiástico 16
16
Jiñi xjoñtolbä yalobil
1Mach atijkñesañ abä cha'añ t'o'oljax awalobilob
yik'ot che' ma'año'bik ik'äjñibal,
mi yomik awu'biñ tijikñäyel che' añ joñtolbä awalobilob.
2Mi jiñik che' loñ ka'bälob,
mach yom tijikñayet ti' itojlelob,
mi ma'añik mi' ik'uxbiñob Lak Yum.
3Mach añuk'esañ apusik'al cha'añ mi' ikaj iñox-añob,
mi yomik aña'tañ cha'añ uts'at mi' kaj iñusañob k'iñ.
Ñumeñ ñuk ik'äjñibal che' juñtikiljach lak kalobil mu'bä ich'ujbiñ xik'ol,
mach jiñik che' bajk'äl yujilob joñtolil;
ñumeñ uts'at che' mi lak chämel che' ma'añik lak kalobil,
lom jach añ lak kalobilob che' joñtolob.
4Juñtikiljach wiñik xuk'ulbä iña'täbal
mejl iyäk' iñuklel jump'ejl tejklum,
ixku juñmojt xjoñtolob mejl ikäyob ti jochol.
5Ka'bältak chuki tsa' jk'ele ti kwut,
yik'ot ñumeñ lekojbä tsa'bä kubi ti' alol.
6Lak Ch'ujutat tsi' ichoko tilel k'ajk
ti' tojlel juñmojt xchumtälob joñtolo'bä wiñikob ti Coré,
yik'ot tsa' mich'a ik'el jiñi joñtolbä tejklum.
7Lak Yum ma'añik tsi' ñusäbeyob imul
jiñi chaño'bä wiñikob ti oñiyi,
tsa'bä ichañ-esayob ibä ti' kaj ip'ätälel.
8Mi tsa'ik iñusabe imul
jiñi joñtolbä xchumtälob ti Sodoma,
ya' baki tsa' ñumi ti chumtäl jiñi Lot,
che'bä tsa' iñumeñ chañ-esayob ipusik'alob.
9Lak Ch'ujutat ma'añik tsi' p'uñta jiñi tejklum Canaán,
ts'a'lebilbä tejklum,
kome cha'añ ti' kaj imul
tsi' laj sätäyob ichu'bä añ icha'añob.
10Che'äch tsa' ujti ja'el ti' tojlel jiñi lujump'ejl ichänk'al ti pijk yik'ot jo'pijk (600,000) israelitajob,
tsa'bä chämiyob ti' kaj itsätslel ipusik'alob.
11Mach yälä cha'añ juñtikiljach joñtolbä ipusik'al,
ti isujm mi kaj itaj itoj mulil.
Ti' tojlel Lak Ch'ujutat
mejl lak taj p'uñtäñtel yik'ot mich'lel;
kome jiñi mi' iñusañ mulil yik'ot mi' p'uñtañoñla;
ixku ja'el mi' yäk' ti toj mulil jiñi xjoñtolob.
12Che'äch bajche' iñuklel ip'uñtaya
che'äch mi' iyäk' toj mulil;
iyujil ti' pejtelel chuki tsa' lak mele
yik'ot mi' cha'leñ meloñel ti lak tojlel ti jujuñtikiloñla.
13Ma'añik mi' yäk' ti puts'el jiñi xjoñtol yik'ot iwe'el,
mi muk'ik mi' yäk' ti ñumel
cha'añ ma'añik mi' imelbeñ chuki yom jiñi tojo'bä ipusik'al.
14Pejtelel jiñi mu'bä iyäk' ti majtañ itak'iñ
mi' kaj itaj ichobejtäbal,
itojol ti jujuñtikil che'äch bajche' k'amel tsi' mele k'uxbiya.
[15Cha'añ mi' ipäs ip'ätälel,
Lak Ch'ujutat tsi' yäk'ä ti tsäts-añ ipusik'al jiñi faraón
cha'añ mi' imel ijoñtolil.
16Pejtelel chuki kuxulbä ti pañämil
käñäyob icha'añ ip'uñtaya Lak Ch'ujutat.
Ti ibajñel jach tsi' iyäk'ä ibä ti käñol ti itojlel wiñikob x-ixikob
cha'añ mi' ichäñ ch'ujutesañob.]
Lak Yum mi' yajñel ti' pejtelel pañämil
17Mach ma' awäl:
«Mi kaj kmujkuñ kbä ti' itojlel Lak Yum.
¿Majki ya' ti panchañ mi' kaj ik'ajtesañoñ?
Ti' itojlel ka'bäl wiñikob x-ixikob ma'añik mi kaj ikäñoñob;
¿Majkiyoñ joñoñ wä ti' iñuklel pañämil?»
18Che'bä mi' ipäs ibä Lak Ch'ujutat,
tsiltsilñeyob jiñi panchañ, yik'ot ñajb yik'ot jiñi lum.
19Che'bä mi ik'el Lak Yum jiñi witstak,
tsiltsilña ti bäk'eñ ik'äklib witstak
yik'ot jiñi its'ajkiltak lum k'äläl ti' iye'bal.
20Ojlil mi' yälob: «Lak Yum ma'añik tulul iwut ik'eloñ.
¿Majkito mi' k'el chuki woli kña'tañ ti kpusik'al?
21Mi woliyoñ ti mulil, ma'añik juñtikil mu'bä iyilañoñ,
mi tsa' kmuku cha'le lot, ¿Majki mi kaj iña'tañ?
22Che' mi lak mel chuki tojbä,
¿Majki mi' ikaj itsiktesäbeñ Lak Ch'ujutat?
¿Chuki mejl kpijtañ cha'añ kmel ambä ti ktojlel?»
23Kojach jiñi sojkemo'bä ipusik'al mi' iña'tañob bajche' ili;
che'äch mi' iyälob jiñi machbä añobik iña'täbal.
Iña'täbal Lak Yum ti pañämil
24¡Ñäch'tañla jiñi kt'añ yik'ot k'äñäla cha'añ mi la' ataj la' ña'täbal!
¡Ak'äla la' apusik'al cha'añ la' wu'biñla jiñi kt'añ!
25Mij kaj ktsiktesabeñet ti xuk'ul chuki wolibä kña'tañ,
yik'ot mi kaj kpäsbeñet ti xuk'ul chuki kujil.
26Che' ti kajibal,
che'bä Lak Ch'ujutat tsi' mele pejtelel chukitak añ,
ti jujuñchajp tsi' wa'choko yik'ot tsi' yäk'e ik'äjñibal.
27Ti jujuñchajp tsi' cha'le xik'ojel
cha'añ mi' melob iye'tel che' bajche' albil ti' pejtelel k'iñ.
Jiñob ma'añik yujil iyu'biñob wi'ñal mi' muk'ik ilujb-añob,
mi' añik bakibä k'iñ mi' ikäyob imelob iye'tel.
28Mi jump'ejlik wa'chokobilbä woli imäktañob ibä,
mi añik mi' ñusäbeñob ixik'ojel icha'añbä Lak Ch'ujutat.
29Ti wi'il ili, Lak Yum tsi' k'ele jiñi pañämil,
yik'ot tsi' bujt'esa ti' pejtelel uts'atbä icha'añ.
30Tsi' bujt'esa ti jujuñchajp chuki kuxultak ti' pañämil,
cha'añ ya'äch mi' kaj icha' majlelob ti' tojlel.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Biblia Chol de estudio con DC- Derechos reservados por SBM