Eclesiástico 14
14
Itijikñäyel jiñi tojo'bä
1¡Tijikña jiñi wiñik machbä añik mi' iyilañ wokol ti' kaj it'añ
yik'ot machbä añik mi' yu'biñ ch'ijiyemal
ti' kaj chuki mi' iña'tañ ti' ipusik'al!
2¡Tijikña jiñi wiñik chäñ ch'ejlbä ipusik'al
mi sätälik icha'añ ipijtaya!
Ik'äjñibal jiñi chu'bä añäl
3Jiñi xchäklel mach chuki iye'tel icha'añ oñbä chu'bä añäl.
4Ma'añik mi' k'äñ ti uts'at itak'iñ
cha'añ chäñ yom iyoñ-esañ ichu'bääñäl,
ixku che' mi' ichämel
yaño'bä tijikña mi kaj ik'äñ pejtelel chuki tsi' itempa.
5Jiñi xchäklelbä ti' icha' tojlel
xchäklel ja'el ti' itojlel ipi'älob,
che' jiñi ma'añik mi' iyilañ tijikñäyel che' woli ik'äñ ichu'bä añäl.
6Ma'añik majch ñumeñ xchäkbä,
kojach jiñi mu'bä icha' mel chäklel ti' itojlel:
Kome jiñi chäklel jiñäch ichobejtäbal imulil.
7Mi tsa' iwis mele koltaya,
cha'añjach tsa' ñajäyi icha'añ;
ti wi'il mi kaj ipäs ichäklel.
8Joñtoläch jiñi wiñik wo'bä;
mi' mäye' iwut cha'añ mach yomik ikoltañ mi juñtikilik.
9Jiñi xwo'lel tak'iñ,
mach jasälik mi' yu'biñ ichu'bä añ;
ixku che' mi' ichilbeñ ichu'bä añ yaño'bä,
mi' isät pejtelel chuki añ icha'añ.
10Jiñi xwo'lel mi' imulañ ti' ipusik'al waj che' ya'añ ti we'te',
ixku ma'añik chuki mi' ich'äm k'otel.
Yom lak ku'biñ tijikñäyel che' kuxuloñtola
11Kalobil, mi añ chu'bä añ acha'añ,
k'äñä cha'añ atijikñäyel,
yik'ot ak'eñ imajtañäl Lak Yum ti achu'bä añ.
12Ña'tañ cha'añ jiñi chämel ma'añik mi' jalitesañ ibä,
yik'ot ma'añik majch yujil icha'añ jala mi' ik'otel.
13Che' añet to ti pañämil,
melbeñ chuki uts'at ti tojlel api'älob
yik'ot yom akoltañ che' bajche' k'amel mi mejlel acha'añ.
14Mach akäy asajkañ jiñi tijikñäyel,
mi yomik akäy amel pejtelel chuki uts'atbä.
15Ti itojlel yaño'bä mi ikajel akäybeñ achu'bä añ,
ya'i mi' ikaj ipukob pejtelel chuki tsa' ataja ti wokolbä e'tel.
16Jiñ cha'añ, yom ma' awäk'eñ akoltaya ti' itojlel api'älob yik'ot k'uxbiñ abä,
kome ya' ti mukoñibäl mach mejlix asajkäñ chuki mi' amulañ.
17Pejtelel kuxultakbä ila ti pañämil
muk'ix iñox-añ bajche' jiñi pislel,
awilañ che'äch ts'ijbubil k'äläl ti itejchibal,
cha'añ pejtelel chuki kuxulbä, mi kajel ti chämel.
18Lajaloñla bajche' iyopol kolem juñtejk te':
Ojlil mi' itäkiñ yik'ot yañtakbä mi' ch'ok'añ.
Che'äch mi' iyujtel ti' tojlel jiñi wiñikob:
Ojlil mi' chämelob yik'ot yaño'bä mi iyilañob pañämil.
19Pejtelel chuki mi' imel wiñik, ti wi'il mi' laj jilel;
pejtelel iye'tel temel mi' jilel yik'ot ya' ti lum.
Itijikñäyel jiñi ambä iña'täbal
20Tijikña jiñi wiñik mu'bä isajkañ jiñi iña'täbaläl
yik'ot che' mi' iyäk' ipusik'al itaj ip'iblel ijol,
21yik'ot che' jump'ejl jach ipusik'al mi imajlel ya' ti ibijlel mu'bä ixäñe'
yik'ot che' xuk'uläch baki mi' imajleltak.
22Che' jiñi, mejl ti lok'el isajkañ jiñi ña'täbaläl
yik'ot mi' ik'el baki mi iyajñel.
23Mi' ichäñ k'el ya' ti alä ti'tak ti' iyotot
yik'ot mi' ñäch'täbeñ it'añ ya' ti iyochib.
24Läk'äl mi' mel ilejchempat ya' ba'añ iyotot,
mux its'äp ik'äk'läñte' ya' ti' ñäk' ts'ajkil.
25Mi wa'chokoñ iyajñib ti' t'ejl iyotot ña'täbaläl
cha'añ tijikña mi' chumtäl yik'ot.
26Mi' ik'el jiñi ña'täbaläl bajche' juñtejk kolem te',
ya' mi' iyäk' imet' ya' ti' ik'äb te'
yik'ot ya' ti' ye'bal iyopol mi' iñusañ ak'älel.
27Käñtäbil ti' iyaxñälel cha'añ ma'añik mi' ipulel ti tikwal,
yik'ot chumul ti' tojlel che' weñ käñtäbil.
ទើបបានជ្រើសរើសហើយ៖
Eclesiástico 14: CholDc
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Biblia Chol de estudio con DC- Derechos reservados por SBM
Eclesiástico 14
14
Itijikñäyel jiñi tojo'bä
1¡Tijikña jiñi wiñik machbä añik mi' iyilañ wokol ti' kaj it'añ
yik'ot machbä añik mi' yu'biñ ch'ijiyemal
ti' kaj chuki mi' iña'tañ ti' ipusik'al!
2¡Tijikña jiñi wiñik chäñ ch'ejlbä ipusik'al
mi sätälik icha'añ ipijtaya!
Ik'äjñibal jiñi chu'bä añäl
3Jiñi xchäklel mach chuki iye'tel icha'añ oñbä chu'bä añäl.
4Ma'añik mi' k'äñ ti uts'at itak'iñ
cha'añ chäñ yom iyoñ-esañ ichu'bääñäl,
ixku che' mi' ichämel
yaño'bä tijikña mi kaj ik'äñ pejtelel chuki tsi' itempa.
5Jiñi xchäklelbä ti' icha' tojlel
xchäklel ja'el ti' itojlel ipi'älob,
che' jiñi ma'añik mi' iyilañ tijikñäyel che' woli ik'äñ ichu'bä añäl.
6Ma'añik majch ñumeñ xchäkbä,
kojach jiñi mu'bä icha' mel chäklel ti' itojlel:
Kome jiñi chäklel jiñäch ichobejtäbal imulil.
7Mi tsa' iwis mele koltaya,
cha'añjach tsa' ñajäyi icha'añ;
ti wi'il mi kaj ipäs ichäklel.
8Joñtoläch jiñi wiñik wo'bä;
mi' mäye' iwut cha'añ mach yomik ikoltañ mi juñtikilik.
9Jiñi xwo'lel tak'iñ,
mach jasälik mi' yu'biñ ichu'bä añ;
ixku che' mi' ichilbeñ ichu'bä añ yaño'bä,
mi' isät pejtelel chuki añ icha'añ.
10Jiñi xwo'lel mi' imulañ ti' ipusik'al waj che' ya'añ ti we'te',
ixku ma'añik chuki mi' ich'äm k'otel.
Yom lak ku'biñ tijikñäyel che' kuxuloñtola
11Kalobil, mi añ chu'bä añ acha'añ,
k'äñä cha'añ atijikñäyel,
yik'ot ak'eñ imajtañäl Lak Yum ti achu'bä añ.
12Ña'tañ cha'añ jiñi chämel ma'añik mi' jalitesañ ibä,
yik'ot ma'añik majch yujil icha'añ jala mi' ik'otel.
13Che' añet to ti pañämil,
melbeñ chuki uts'at ti tojlel api'älob
yik'ot yom akoltañ che' bajche' k'amel mi mejlel acha'añ.
14Mach akäy asajkañ jiñi tijikñäyel,
mi yomik akäy amel pejtelel chuki uts'atbä.
15Ti itojlel yaño'bä mi ikajel akäybeñ achu'bä añ,
ya'i mi' ikaj ipukob pejtelel chuki tsa' ataja ti wokolbä e'tel.
16Jiñ cha'añ, yom ma' awäk'eñ akoltaya ti' itojlel api'älob yik'ot k'uxbiñ abä,
kome ya' ti mukoñibäl mach mejlix asajkäñ chuki mi' amulañ.
17Pejtelel kuxultakbä ila ti pañämil
muk'ix iñox-añ bajche' jiñi pislel,
awilañ che'äch ts'ijbubil k'äläl ti itejchibal,
cha'añ pejtelel chuki kuxulbä, mi kajel ti chämel.
18Lajaloñla bajche' iyopol kolem juñtejk te':
Ojlil mi' itäkiñ yik'ot yañtakbä mi' ch'ok'añ.
Che'äch mi' iyujtel ti' tojlel jiñi wiñikob:
Ojlil mi' chämelob yik'ot yaño'bä mi iyilañob pañämil.
19Pejtelel chuki mi' imel wiñik, ti wi'il mi' laj jilel;
pejtelel iye'tel temel mi' jilel yik'ot ya' ti lum.
Itijikñäyel jiñi ambä iña'täbal
20Tijikña jiñi wiñik mu'bä isajkañ jiñi iña'täbaläl
yik'ot che' mi' iyäk' ipusik'al itaj ip'iblel ijol,
21yik'ot che' jump'ejl jach ipusik'al mi imajlel ya' ti ibijlel mu'bä ixäñe'
yik'ot che' xuk'uläch baki mi' imajleltak.
22Che' jiñi, mejl ti lok'el isajkañ jiñi ña'täbaläl
yik'ot mi' ik'el baki mi iyajñel.
23Mi' ichäñ k'el ya' ti alä ti'tak ti' iyotot
yik'ot mi' ñäch'täbeñ it'añ ya' ti iyochib.
24Läk'äl mi' mel ilejchempat ya' ba'añ iyotot,
mux its'äp ik'äk'läñte' ya' ti' ñäk' ts'ajkil.
25Mi wa'chokoñ iyajñib ti' t'ejl iyotot ña'täbaläl
cha'añ tijikña mi' chumtäl yik'ot.
26Mi' ik'el jiñi ña'täbaläl bajche' juñtejk kolem te',
ya' mi' iyäk' imet' ya' ti' ik'äb te'
yik'ot ya' ti' ye'bal iyopol mi' iñusañ ak'älel.
27Käñtäbil ti' iyaxñälel cha'añ ma'añik mi' ipulel ti tikwal,
yik'ot chumul ti' tojlel che' weñ käñtäbil.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Biblia Chol de estudio con DC- Derechos reservados por SBM