Eclesiástico 10
10
Jiñi tojo'bä yik'ot joñtolo'bä yumälob
1Juñtikil yumäl ambä iña'täbal
mi' ikäñtesañ itejklum;
yik'ot xuk'ul mi' imel iye'tel.
2Che'äch bajche' mi' mel iye'tel yumäl,
che'äch mi' imel ipi'älob ti e'tel;
che'äch bajche' mi' imel yumälbä ya' ti tejklum,
che'äch iñusak'iñob xchumtälob ja'el.
3Juñtikil yumäl machbä añik iña'täbal
mi' iyäk' iyu'biñ ti wokolil ilumal,
ixku che' xuk'ul ipusik'al,
jiñi tejklum mi' chäñ ajñel ti tijikñäyel.
4Pejtelel yumäñteltak ti pañämil añäch ti' ik'äb Lak Yum,
yik'ot jiñi mi' wa'chokoñ iyumälob che' k'otemix iyorajlel.
5Pejtelel jiñi yumäñteltak icha'añ wiñikob
añäch ti' ik'äb Lak Yum,
yik'ot jiñi mi yäk'eñ iye'tel ti tejklum jiñi yumälob.
Mach yom lak chañ-esañ lakbä
6Mi añ chuki joñtolbä tsi' itumbeyet api'äl,
mach amelbeñ k'extaya ti ajoñtolil,
mi yomik atsäkleñ ambä ichañlel ipusik'al.
7Ichañlel lak pusik'al yik'ot jiñi joñtolil,
ts'a'latax k'elbil ti' tojlel Lak Yum yik'ot ti' tojlel wiñikob.
Lak Yum yik'ot wiñikob mi' ibi'leñob täk'läñtel.
8Ti' kaj jisaya yik'ot chañlel ipusik'alob,
jiñi yumäñtel mi' iyäk'beñtel yañtakbä tejklumtak.
9¿Majki mi' mejlel iyu'biñ ichañlel ti' ipusik'al
che' ts'ubeñj yik'ot tañjach,
ixku che' kuxulto päk'meñix jiñi ibäk'tal?
10Che' añ tsätsbä k'amäjel,
jiñi xts'äkaya ma'añik mi' itajbeñ its'äkal;
ixku jiñi yumälbä wale,
ijk'äl mi' ikaj ichämel ja'el.
11Che' mi' chämel juñtikil wiñik,
mi' kaj ik'uxtäl ti motso'tak.
12Mi' itejchel jiñi ichañlel lak pusik'al
che' mi' iñajäyel lak cha'añ Lak Ch'ujutat.
13Ya' ti ichañlel lak pusik'al mi' pasel jiñi mulil,
che' bajche' mi' pasel jiñi ja' ya' ti iwut;
Jiñ cha'añ, Lak Yum ka'bäl mi' chok tilel toj mulil,
jiñto mi' laj jisañoñla.
14Lak Yum mi' chok lok'el ti yumäl jiñi chaño'bä ipusik'al,
ya' ti' k'exol mi' wa'chokoñ jiñi utso'bä ipusik'al.
15Lak Yum mi' bok lok'el ti' iwi' jiñi chaño'bä yumäñteltak che' bajche' tsukulbä pimel,
che' jiñi, ya' ti' k'exol mi' iyäk' ti kolel jiñi tojo'bä ipusik'al.
16Lak Ch'ujutat ma'añik tsa' iwis käybe
iyejtal jiñi yumäñteltak joñtolo'bä;
tsi' itsepe ti' iwi' jiñto ma'añik chuki tsi' ikäyä.
17Tsa' laj jisäñtiyob ti pañämil, tsa' lajmiyob,
tsa' jisäñti ja'el jiñi iña'täbalob.
18Jiñi chañlel pusik'al mach uts'atik ti' tojlel wiñik,
mi jiñik ip'ätälel mich'ajel.
19¿Awom akäñ juñtikil wiñik xuk'ulbä ipusik'al?
K'ele jiñi wiñik mu'bä ich'ujbiñ Lak Yum.
¿Awom akäñ juñtikil joñtolbä wiñik?
K'ele jiñi machbä añik mi' iñop itik'ojel Lak Yum.
20Baki añ ka'bälbä iyerañob,
mi' ik'uxbiñtel jiñi ñaxañbä,
ixku Lak Yum mi' ik'uxbiñ jiñi mu'bä ijak' ixik'ojel.
21Ñaxañ yom ma' ak'uxbiñ Lak Yum,
che' jiñi ti' pejtelelob mi kajel ik'uxbiñetob,
ixku che' ma' chäñ mel ajoñtolil,
ti' pejtelelob mi' kajel its'a'leñetob.
22Mi' oñ lak chu'bä añ, mi' p'ump'uñoñla
lak ñuklel jiñäch ich'ujbiñtel itik'ojel Lak Yum.
23Mach yom mi' abi'leñ jiñi ambä iña'täbal che' p'ump'umbä,
mi yomik ak'el ti ñuk jiñi joñtolbä wiñik.
24Jiñi yumälbä yik'ot xmeloñel mejl ik'ejlel ti ñuk;
ixku ma'añik majch ñumeñ ñuk
che' bajche' juñtikil mu'bä iñop Lak Ch'ujutat.
25Jiñi x-e'tel p'ip'bä iña'täbal
mi' taj koltäñtel ti itojlel iyumob.
26Mach awäl cha'añ ambä aña'täbal
che' tsa'ix ats'äktesa awe'tel,
mi yomik asajkañ añuklel che' woli añusañ wokol.
27Ñuk ik'äjñibal che' mi lak cha'leñ e'tel,
yik'ot che' mu'to ikolo'biyel ti' pejtelel lak chu'bä añ.
Yik'ot mach uts'atik che' mi lak chañ-esañ lakbä
che' ma'añik chuki mi' lak k'ux.
28Kalobil, k'uxbiñ abä yik'ot käñtañ abä
che' bajche' jach yom.
29Jiñi mu'bä ibajñel yotsañ imul ti' tojlel,
¿Majki mi' kajel ikoltañ ti' meloñel imul?
Yik'ot jiñi mu'bä tsukutesañ ikuxtälel,
¿Majki mi' ikaj imel k'uxbiya ti' tojlel?
30Añ p'ump'uño'bä cha'añ xuk'ulob ipusik'al mi' ik'uxbiñtelob,
ixku yaño'bä mi' ik'uxbiñtelob cha'añ jach poj añob itak'iñ.
31Mi juñtikil, uts'at k'elbil ya' ti' p'ump'uñlel,
ñumeñ ñuk mi' ikaj ik'uxbiñtel ti jiñi k'iñ che' añ ichu'bä añ.
Mi juñtikil, bi'lebil che' oñ itak'iñ,
ñumeñ ts'a' k'elbilix ya' ti p'ump'uñlel.
ទើបបានជ្រើសរើសហើយ៖
Eclesiástico 10: CholDc
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Biblia Chol de estudio con DC- Derechos reservados por SBM
Eclesiástico 10
10
Jiñi tojo'bä yik'ot joñtolo'bä yumälob
1Juñtikil yumäl ambä iña'täbal
mi' ikäñtesañ itejklum;
yik'ot xuk'ul mi' imel iye'tel.
2Che'äch bajche' mi' mel iye'tel yumäl,
che'äch mi' imel ipi'älob ti e'tel;
che'äch bajche' mi' imel yumälbä ya' ti tejklum,
che'äch iñusak'iñob xchumtälob ja'el.
3Juñtikil yumäl machbä añik iña'täbal
mi' iyäk' iyu'biñ ti wokolil ilumal,
ixku che' xuk'ul ipusik'al,
jiñi tejklum mi' chäñ ajñel ti tijikñäyel.
4Pejtelel yumäñteltak ti pañämil añäch ti' ik'äb Lak Yum,
yik'ot jiñi mi' wa'chokoñ iyumälob che' k'otemix iyorajlel.
5Pejtelel jiñi yumäñteltak icha'añ wiñikob
añäch ti' ik'äb Lak Yum,
yik'ot jiñi mi yäk'eñ iye'tel ti tejklum jiñi yumälob.
Mach yom lak chañ-esañ lakbä
6Mi añ chuki joñtolbä tsi' itumbeyet api'äl,
mach amelbeñ k'extaya ti ajoñtolil,
mi yomik atsäkleñ ambä ichañlel ipusik'al.
7Ichañlel lak pusik'al yik'ot jiñi joñtolil,
ts'a'latax k'elbil ti' tojlel Lak Yum yik'ot ti' tojlel wiñikob.
Lak Yum yik'ot wiñikob mi' ibi'leñob täk'läñtel.
8Ti' kaj jisaya yik'ot chañlel ipusik'alob,
jiñi yumäñtel mi' iyäk'beñtel yañtakbä tejklumtak.
9¿Majki mi' mejlel iyu'biñ ichañlel ti' ipusik'al
che' ts'ubeñj yik'ot tañjach,
ixku che' kuxulto päk'meñix jiñi ibäk'tal?
10Che' añ tsätsbä k'amäjel,
jiñi xts'äkaya ma'añik mi' itajbeñ its'äkal;
ixku jiñi yumälbä wale,
ijk'äl mi' ikaj ichämel ja'el.
11Che' mi' chämel juñtikil wiñik,
mi' kaj ik'uxtäl ti motso'tak.
12Mi' itejchel jiñi ichañlel lak pusik'al
che' mi' iñajäyel lak cha'añ Lak Ch'ujutat.
13Ya' ti ichañlel lak pusik'al mi' pasel jiñi mulil,
che' bajche' mi' pasel jiñi ja' ya' ti iwut;
Jiñ cha'añ, Lak Yum ka'bäl mi' chok tilel toj mulil,
jiñto mi' laj jisañoñla.
14Lak Yum mi' chok lok'el ti yumäl jiñi chaño'bä ipusik'al,
ya' ti' k'exol mi' wa'chokoñ jiñi utso'bä ipusik'al.
15Lak Yum mi' bok lok'el ti' iwi' jiñi chaño'bä yumäñteltak che' bajche' tsukulbä pimel,
che' jiñi, ya' ti' k'exol mi' iyäk' ti kolel jiñi tojo'bä ipusik'al.
16Lak Ch'ujutat ma'añik tsa' iwis käybe
iyejtal jiñi yumäñteltak joñtolo'bä;
tsi' itsepe ti' iwi' jiñto ma'añik chuki tsi' ikäyä.
17Tsa' laj jisäñtiyob ti pañämil, tsa' lajmiyob,
tsa' jisäñti ja'el jiñi iña'täbalob.
18Jiñi chañlel pusik'al mach uts'atik ti' tojlel wiñik,
mi jiñik ip'ätälel mich'ajel.
19¿Awom akäñ juñtikil wiñik xuk'ulbä ipusik'al?
K'ele jiñi wiñik mu'bä ich'ujbiñ Lak Yum.
¿Awom akäñ juñtikil joñtolbä wiñik?
K'ele jiñi machbä añik mi' iñop itik'ojel Lak Yum.
20Baki añ ka'bälbä iyerañob,
mi' ik'uxbiñtel jiñi ñaxañbä,
ixku Lak Yum mi' ik'uxbiñ jiñi mu'bä ijak' ixik'ojel.
21Ñaxañ yom ma' ak'uxbiñ Lak Yum,
che' jiñi ti' pejtelelob mi kajel ik'uxbiñetob,
ixku che' ma' chäñ mel ajoñtolil,
ti' pejtelelob mi' kajel its'a'leñetob.
22Mi' oñ lak chu'bä añ, mi' p'ump'uñoñla
lak ñuklel jiñäch ich'ujbiñtel itik'ojel Lak Yum.
23Mach yom mi' abi'leñ jiñi ambä iña'täbal che' p'ump'umbä,
mi yomik ak'el ti ñuk jiñi joñtolbä wiñik.
24Jiñi yumälbä yik'ot xmeloñel mejl ik'ejlel ti ñuk;
ixku ma'añik majch ñumeñ ñuk
che' bajche' juñtikil mu'bä iñop Lak Ch'ujutat.
25Jiñi x-e'tel p'ip'bä iña'täbal
mi' taj koltäñtel ti itojlel iyumob.
26Mach awäl cha'añ ambä aña'täbal
che' tsa'ix ats'äktesa awe'tel,
mi yomik asajkañ añuklel che' woli añusañ wokol.
27Ñuk ik'äjñibal che' mi lak cha'leñ e'tel,
yik'ot che' mu'to ikolo'biyel ti' pejtelel lak chu'bä añ.
Yik'ot mach uts'atik che' mi lak chañ-esañ lakbä
che' ma'añik chuki mi' lak k'ux.
28Kalobil, k'uxbiñ abä yik'ot käñtañ abä
che' bajche' jach yom.
29Jiñi mu'bä ibajñel yotsañ imul ti' tojlel,
¿Majki mi' kajel ikoltañ ti' meloñel imul?
Yik'ot jiñi mu'bä tsukutesañ ikuxtälel,
¿Majki mi' ikaj imel k'uxbiya ti' tojlel?
30Añ p'ump'uño'bä cha'añ xuk'ulob ipusik'al mi' ik'uxbiñtelob,
ixku yaño'bä mi' ik'uxbiñtelob cha'añ jach poj añob itak'iñ.
31Mi juñtikil, uts'at k'elbil ya' ti' p'ump'uñlel,
ñumeñ ñuk mi' ikaj ik'uxbiñtel ti jiñi k'iñ che' añ ichu'bä añ.
Mi juñtikil, bi'lebil che' oñ itak'iñ,
ñumeñ ts'a' k'elbilix ya' ti p'ump'uñlel.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Biblia Chol de estudio con DC- Derechos reservados por SBM