Ŋúnuyɔ 147
147
Siɛnnɛ peri Yewe gbùʔɔrɔ́ wè !
1Ye‑ Yewe gbùʔɔrɔ wè !
Nɛ́ ki cɛ́n kiī tànʔa weri ŋú weri weli Kulocɛliɛ gbùʔɔrɔ́ wè,
kiī pɔ́rigɔ siɛn de sɔ́migi de ŋú wi mɛ́.
2Yewe ń'nɛ koli nɛ Zerizalɛmi kàʔa faanri gè,
nɛ́ siɛnnɛ bálì pe 'cò bèle, wi nɛ̂ pe pínɛ pìye nɛ̄ nɛ̀ pe kɔ́ri nɛ̀ pɛn#147.2 Wéli baa Fàn 30.3; Eza 11.12; 27.13; 56.8; Ezek 39.28..
3Bàli pe funyɔ yi 'cúʔɔ yè, wi nɛ̂ pe funyɔ nyígi yè,
níɛ̀ pe funbiɛnrɛ nɔmiyɔ jíge yè#147.3 Wéli baa Ezek 34.16..
4Wi nɛ̂ ŋɔgɔlɔ tɔ́ri gèle níɛ̀ míɛyɛ le ke mìɛni nɛ̄#147.4 Wéli baa Eza 40.26..
5Weli Kàfɔli wi 'kpúʔɔ, wi ŋɔri ti 'niʔɛ,
wi sícilimɛ piī kúɔmɔ fùn.
6Siɛnnɛ bálì ní pe wè tɔ́ri bèleʔ, Yewe wi nɛ̂ pe yɛ̀gɛ,
níɛ̀ siɛnpiile máama bèle fúɔ dàala nɛ̄ lè#147.6 Wéli baa 146.7; Sam1 2.7; Eza 40.29..
7Yeri kacɛ̀ngɛ síɛrilɛ ŋúnuyɔ ŋú Yewe mɛ́ wè,
yeri gɔripile kpúɔn lè weli Kulocɛliɛ mɛ́ wè !
8Wi nɛ̂ nyìʔɛnɛ tɔ́n lè nɛ́ kàsadibarɛ ní dè,
níɛ̀ kàsaʔa gbòbori gè ki nɛ̂ tuu dàala nɛ̄ lè,
wi nɛ̂ nyàʔa fìin gè nyaguruyo nɛ̄ yè.
9Wi nɛ̂ yaliire kɛn yawiire mɛ́ dè,
nɛ́ míɛni dìbawuɔlɔ pìile mɛ́ bèle a piyē nɛ nyɛni bèle.
10Sunʔɔ ki ŋɔri ti wè nɛ tɔ́ri Yewe wi nyaamɛ nɛ̄ʔ,
kapiɛngbuɔnwɔ wi yaliiye lìriye yire bɛ̀ʔ wiī nɛ wéliʔ.
11Bàli pe fìʔɛ́ Yewe nɛ̄ wè, wi nɛ̂ fɔ̀li pe nɛ̄,
ʔaan, bàli pe 'pe sɔ̀ngirɔ taʔa dè wi bànguɔ dɛ́nigɛ nɛ̄ gè#147.11 Wéli baa Ŋún 33.18..
12Zerizalɛmi kàʔa yo, te Yewe tòbiló wè !
Siyɔn kàʔa yo, yɛ̀ ma Kulocɛliɛ gbùʔɔrɔ wè !
13Nɛ́ ki cɛ́n wire wi nɛ̂ ŋɔri nyɔ́gɔ dè
muɔ kàʔa wìile kɔ̀riyɔ yi kpàteliye nī yè,
wi nɛ̂ diba taʔa wè muɔ pìile nɛ̄ bèle muɔ kàʔa laamɛ nī bè.
14Wi nɛ̂ yanyige kɛn muɔ kùlo mɛ́ lè,
wi nɛ̂ muɔ tín yaliicɛ̀nrɛ nɛ̄ dè.
15Wi nɛ̂ wi nyasiɛnrɛ tun dè dàala nɛ̄ lè;
ti nɛ̂ fɛ̀ kpuʔɔ nɛ̀ nɔ̀.
16Wi nɛ̂ nɛ̀wirile#147.16 nɛ̀wirile: Eburu siɛnrɛ nī dè náʔa gè, ti 'ki juu nɛ́ jo: «nɛzi,» wire wi wè náʔa weli kùlo nī lèʔ. tìrige lè nɛ̀ tiʔɛ fílige gè bɛ̀ sìnbasiire tíɛlɛ,
wi nɛ̂ kámɛgɛ#147.16 kámɛgɛ: Eburu siɛnrɛ nī dè náʔa gè, ti 'ki juu nɛ́ jo: «givre». Wire wi wè náʔa weli kùlo nī lèʔ. yɛ́ligɛ gè dàala nɛ̄ lè bɛ̀ cúnʔɔ tíɛlɛ.
17Wi nɛ̂ kàsasindari wáa dè bɛ̀ sìndɛnibiire tíɛlɛ;
ŋáa wi bé gbɛ̀ yéri wiikunu nī wè, ŋàa wi yige wè ?
18Wi nɛ̂ wi siɛnrɛ juu dè nɛ̀ gbɛ̀ngɛ; ti mìɛni nɛ̂ nyɛgɛ#147.18 Wéli baa 33.9..
Wi nɛ̂ wi káfaligɛ fiɛ gè; luɔyɔ yi nɛ̂ fúu.
19Wi nɛ̂ wi siɛnrɛ jáari dè Yakuba siimɛ nɛ̄ bè,
wi fànʔa kele nɛ́ wi kàyuʔujuuro ní dè Isirayɛliyé mɛ́ bèle#147.19 Wéli baa Fàn 33.2-4..
20Wiì yé ki kpíʔile mmɛ gè nɛ́ kùlogolo gílì ní gèleʔ#147.20 Wéli baa Fàn 4.32-34.,
kire nɛ̄ ke siɛnnɛ piyè wi kàyuʔujuuro cɛ́n dèʔ.
Ye- Yewe gbùʔɔrɔ wè !
ទើបបានជ្រើសរើសហើយ៖
Ŋúnuyɔ 147: sev
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© (Active), Wycliffe Bible Translators, Inc. All rights reserved.
Ŋúnuyɔ 147
147
Siɛnnɛ peri Yewe gbùʔɔrɔ́ wè !
1Ye‑ Yewe gbùʔɔrɔ wè !
Nɛ́ ki cɛ́n kiī tànʔa weri ŋú weri weli Kulocɛliɛ gbùʔɔrɔ́ wè,
kiī pɔ́rigɔ siɛn de sɔ́migi de ŋú wi mɛ́.
2Yewe ń'nɛ koli nɛ Zerizalɛmi kàʔa faanri gè,
nɛ́ siɛnnɛ bálì pe 'cò bèle, wi nɛ̂ pe pínɛ pìye nɛ̄ nɛ̀ pe kɔ́ri nɛ̀ pɛn#147.2 Wéli baa Fàn 30.3; Eza 11.12; 27.13; 56.8; Ezek 39.28..
3Bàli pe funyɔ yi 'cúʔɔ yè, wi nɛ̂ pe funyɔ nyígi yè,
níɛ̀ pe funbiɛnrɛ nɔmiyɔ jíge yè#147.3 Wéli baa Ezek 34.16..
4Wi nɛ̂ ŋɔgɔlɔ tɔ́ri gèle níɛ̀ míɛyɛ le ke mìɛni nɛ̄#147.4 Wéli baa Eza 40.26..
5Weli Kàfɔli wi 'kpúʔɔ, wi ŋɔri ti 'niʔɛ,
wi sícilimɛ piī kúɔmɔ fùn.
6Siɛnnɛ bálì ní pe wè tɔ́ri bèleʔ, Yewe wi nɛ̂ pe yɛ̀gɛ,
níɛ̀ siɛnpiile máama bèle fúɔ dàala nɛ̄ lè#147.6 Wéli baa 146.7; Sam1 2.7; Eza 40.29..
7Yeri kacɛ̀ngɛ síɛrilɛ ŋúnuyɔ ŋú Yewe mɛ́ wè,
yeri gɔripile kpúɔn lè weli Kulocɛliɛ mɛ́ wè !
8Wi nɛ̂ nyìʔɛnɛ tɔ́n lè nɛ́ kàsadibarɛ ní dè,
níɛ̀ kàsaʔa gbòbori gè ki nɛ̂ tuu dàala nɛ̄ lè,
wi nɛ̂ nyàʔa fìin gè nyaguruyo nɛ̄ yè.
9Wi nɛ̂ yaliire kɛn yawiire mɛ́ dè,
nɛ́ míɛni dìbawuɔlɔ pìile mɛ́ bèle a piyē nɛ nyɛni bèle.
10Sunʔɔ ki ŋɔri ti wè nɛ tɔ́ri Yewe wi nyaamɛ nɛ̄ʔ,
kapiɛngbuɔnwɔ wi yaliiye lìriye yire bɛ̀ʔ wiī nɛ wéliʔ.
11Bàli pe fìʔɛ́ Yewe nɛ̄ wè, wi nɛ̂ fɔ̀li pe nɛ̄,
ʔaan, bàli pe 'pe sɔ̀ngirɔ taʔa dè wi bànguɔ dɛ́nigɛ nɛ̄ gè#147.11 Wéli baa Ŋún 33.18..
12Zerizalɛmi kàʔa yo, te Yewe tòbiló wè !
Siyɔn kàʔa yo, yɛ̀ ma Kulocɛliɛ gbùʔɔrɔ wè !
13Nɛ́ ki cɛ́n wire wi nɛ̂ ŋɔri nyɔ́gɔ dè
muɔ kàʔa wìile kɔ̀riyɔ yi kpàteliye nī yè,
wi nɛ̂ diba taʔa wè muɔ pìile nɛ̄ bèle muɔ kàʔa laamɛ nī bè.
14Wi nɛ̂ yanyige kɛn muɔ kùlo mɛ́ lè,
wi nɛ̂ muɔ tín yaliicɛ̀nrɛ nɛ̄ dè.
15Wi nɛ̂ wi nyasiɛnrɛ tun dè dàala nɛ̄ lè;
ti nɛ̂ fɛ̀ kpuʔɔ nɛ̀ nɔ̀.
16Wi nɛ̂ nɛ̀wirile#147.16 nɛ̀wirile: Eburu siɛnrɛ nī dè náʔa gè, ti 'ki juu nɛ́ jo: «nɛzi,» wire wi wè náʔa weli kùlo nī lèʔ. tìrige lè nɛ̀ tiʔɛ fílige gè bɛ̀ sìnbasiire tíɛlɛ,
wi nɛ̂ kámɛgɛ#147.16 kámɛgɛ: Eburu siɛnrɛ nī dè náʔa gè, ti 'ki juu nɛ́ jo: «givre». Wire wi wè náʔa weli kùlo nī lèʔ. yɛ́ligɛ gè dàala nɛ̄ lè bɛ̀ cúnʔɔ tíɛlɛ.
17Wi nɛ̂ kàsasindari wáa dè bɛ̀ sìndɛnibiire tíɛlɛ;
ŋáa wi bé gbɛ̀ yéri wiikunu nī wè, ŋàa wi yige wè ?
18Wi nɛ̂ wi siɛnrɛ juu dè nɛ̀ gbɛ̀ngɛ; ti mìɛni nɛ̂ nyɛgɛ#147.18 Wéli baa 33.9..
Wi nɛ̂ wi káfaligɛ fiɛ gè; luɔyɔ yi nɛ̂ fúu.
19Wi nɛ̂ wi siɛnrɛ jáari dè Yakuba siimɛ nɛ̄ bè,
wi fànʔa kele nɛ́ wi kàyuʔujuuro ní dè Isirayɛliyé mɛ́ bèle#147.19 Wéli baa Fàn 33.2-4..
20Wiì yé ki kpíʔile mmɛ gè nɛ́ kùlogolo gílì ní gèleʔ#147.20 Wéli baa Fàn 4.32-34.,
kire nɛ̄ ke siɛnnɛ piyè wi kàyuʔujuuro cɛ́n dèʔ.
Ye- Yewe gbùʔɔrɔ wè !
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© (Active), Wycliffe Bible Translators, Inc. All rights reserved.