Ŋúnuyɔ 127

127

Yewe wi nyɛ́ni wi wuulo woli nyuʔɔ lè

1 Fundaanra tánʔagbuɔlɔ ŋúnugo gī. Sulomani wuʔu gī.

A Yewe sì saʔa gíì faan gèʔ,

bàli pe ki faanri gè, peli nɛ baara waʔanɛ wī.

A Yewe sì kàʔa gíì wéli gèʔ,

bàli pe ki wéli gè, peli nɛ ki wéli waʔanɛ wī.

2ʔaan, yeli nɛ yɛ̀gí waʔanɛ wī faʔa sínbiniwuuro nī dè,

níɛ pɛ́ni sínɛ nyìliʔɛ nɛ̄ gè, bè yeli yaliire caa dè nɛ́ fùrɔniʔɛgɛ ní.

Nɛ́ ki cɛ́n Yewe nɛ̂ tàa kɛn bàli mɛ́ pe 'wi dɛ́ni wè a pe cɛ́ni ŋɔ́ni wè.

3Ki n'gɛ, pìile piyē kɔrigɔ gáà ki kɔ́ngi Yewe mɛ́ wè,

ʔaan siimɛdɛngɛ yasɛnrɛ tiī siɛn wi tɔ̀ni.

4Majo bɛ̀ ŋaaya cî puu kapiɛngbuɔnwɔ kɔli nī gè,

bɛ̀ míɛni sí ki yē siɛn mɛ́ wi nàgapunmɔ lɛ̀lɛ pìile ní bèle.

5Nàguɔ ŋáà wi 'wi sangbuɔ nyì gè, wi wuʔu kiī tànʔa;

fìɛrɛ sǐ ga tíi wi taaʔ

a wi kɛ́nì yiri bè juu nɛ́ wi leguulo ní bèle nàkpanʔa wìile nɛ̄ lèʔ.

ទើបបានជ្រើសរើសហើយ៖

Ŋúnuyɔ 127: sev

គំនូសចំណាំ

ចែករំលែក

ចម្លង

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល

ខគម្ពីរពេញនិយមពី
Ŋúnuyɔ 127